JADRAN PISMO d - Daily Local News on Board

<strong>JADRAN</strong> <strong>PISMO</strong> d.o.o
FILIPINO/TAGALOG
KARAPATANG MAGPALATHALA © 2008 – Ang maiigsing balitang nalalathala sa Jadran pismo ay mula
sa mga nakalap na ulat sa radyo, telebisyon at dyaryo sa Pilipinas. Sa pamamagitan nito, hinihimok ng
ahensya na ibahagi ang siping ito sa mga kababayang nagnanais na makibalita. Maliban lamang sa
mga impormasyong libre, ang mga bagay na may direktang kopirayt ang Jadran pismo d.o.o, Rijeka ay
hindi maaaring sipiin, gamitin, kopyahin o paramihin sa kahit anong paraan ng walang lisensya o
pahintulot mula sa tagapaglathala, o ipamigay, o ipadala sa mga indibidwal
o mga barkong hindi suskritor nito.
FOREX
P48.74 sa US$1 (P48.28 kahapon)
MAGANDANG UMAGA PO!
Ang mga sumusunod na balita ay nailathala sa mga
pangunahing pahayagan sa Pilipinas ngayong araw,
MIYERKULES, 22 OKTUBRE 2008.
MGA ULO NG BALITA SA WIKANG INGLES
National <strong>News</strong>
• Peso continues to slide vs US dollar
• Miriam volunteers self to become SC Chief Justice
• PNP refuses to receive subpoena for Dela Paz
• Pimentel wants PNP reshuffled
• It’s impossible to have a united opposition—solon
• First oil from Galoc to be shipped in November
• Transport sector readies protest vs Big 3 oil companies
• Supreme Court asks gov’t to explain Teehankee pardon
• Prisoners should be allowed to vote—CBCP
• Herbal products from China to be tested by BFAD
• Oct. 31 and Nov. 3 are ‘ordinary working days’
OFW <strong>News</strong>
• Kababayans help out stranded OFWs in Jeddah
• Labor group reacts to migrant group’s threat of ‘zero remmitance’
• 23 Pinoy workers jailed in Trinidad and Tobago scheduled to arrive today
Regional
• 3 holdupmen killed in clash vs cops
• NSA chief bothered by brisk sales of drugs in Iloilo
• Sultan Kudarat slowly becoming a police state
• Solon wants random drug test for public utility drivers
• Doctor killed inside burning car
Foreign <strong>News</strong>
• Ex-Thai PM found guilty of graft
• 13 killed in India bombing
• Iran, Russia, Qatar plan to organize OPEC-like cartel

Sports
• No fights for Penalosa yet
• Roach to stop fight if Pacman gets hurt
• 5 Pinoy boxers to join World Youth Championships in Mexico
• Beermen all set for 4 th win
Showbiz
• Jean Garcia mum on rumors of breakup with Polo
• Ms. Earth 2008 candidates show off bodies in bikini pictorial
• More actors, actresses file complaint vs Rose Flamiano
• Ara Mina has a new inspiration
Odds and Ends
• Dallas hospital bills woman who never saw a doctor
BUOD NG MGA BALITA
PAMBANSA
Piso patuloy na bumabagsak kontra dolyar
PATULOY na hinahatak ng panghihina ng US economy ang piso sa palitan ngayong
Miyerkules ng umaga sa Philippine Dealing System (PDS). Matapos magsara kahapon
ang palitan sa P48.28 pumalo ito ngayon P48.74. Ayon sa isang market analyst, hindi
pa rin umano kampante ang mga investors sa kabila ng ipinapatupad na bail-out plan
ng Amerika, kung kaya't maging ang kalakaran sa Pilipinas ay apektado. Ito ay kahit pa
umano maganda ang pagpasok ng mga remittances ng mga Overseas Filipino Workers
at may matatag na economic fundamentals ang bansa. Samantala, sinasabing
nakialam na rin umano ang Banko Sentral Pilipinas (BSP) para matiyak na mananatili sa
P48-peso level ang palitan ng piso sa dolyar. "BSP was active at around P48.50. It may
not want to see it breaking P48.60 because the immediate resistance is P48.90, and
after that, it's P50," ayon sa isang trader.
Miriam nag-volunteer bilang SC Chief Justice
DERETSAHANG ibinasura ni Sen. Miriam Defensor-Santiago ang pag-upong Associate
Justice ng Korte Suprema bilang pampuno sa mababakanteng silya rito.?Kasabay ang
alegasyong isang malaking moro-moro lamang ang pagpili ng Judicial Bar Council (JBC)
sa itinatalagang mahistrado, inamin ni Santiago ang malaking interes sa puwesto ni
Supreme Court (SC) Chief Justice Reynato Puno.?Walang patumanggang inendorso ni
Santiago ang sarili bilang kapalit ni Puno dahil napapanahon aniyang magkaroon ng
isang punong mahistradong katulad nito.?“I’m not interested in being just a Justice, lagi
ako ma-a-outvote, kasi iba ang paningin ko. Galing ako sa pulitika, magpapakatino lang
ako run. Masyado akong bata, 63. Retirement 70,” ani Santiago, kilalang malapit kay
Pangulong Gloria Macapagal-Arroyo.?Kung maitatalagang SC chief justice,
ipinangangako ni Santiago ang pagbabagong-bihis ng Korte Suprema.?“Kailanman di
ako makakakita ng sikat ng araw. Papasok ako 8:00 am. Labas ako 5:00 pm.

Kailanman, walang bisita, ‘di makapunta sa party, baka may abogado o kakilala na may
kaso sa opisina,” diin nito.
PNP hindi tinanggap ang supina para kay ex-PNP comptroller Dela Paz
HINDI tinanggap ng pamunuan ng Philippine National Police ang supinang ipinadala ng
Senado para kay Ret. PNP Director for Comptrollership Eliseo Dela Paz na sinubukang
ihain sa kanyang tanggapan kagabi sa Camp Crame. Katwiran ng PNP, retirado na si
Dela Paz at hindi na doon ang kaniyang tanggapan. Wala na rin umanong tala ng
tirahan ang dating PNP general kaya wala silang maibibigay na address nito. Nilinaw
naman ng ipinatawag na PNP officials na natanggap na nila kahapon ang subpoena at
handa silang dumalo sa pagdinig.
Balasahan sa PNP hiniling ng senador
NAIS ni Senate Minority leader Sen Aquilino Pimentel Jr na magkaroon ng malawakang
pagbalasa sa Philippine National Police dahil iskandalong idinulot ng “Moscow Scandal"
o nabistong pagdadala ng malaking halaga sa byahe ng mga heneral ng pulisya sa
Moscow. “Kailangan magkaroon muna siguro ng revamp sa kinakaukulang posisyon na
siyang dapat unang gawin ng PNP. Sapagka’t kahit papaano, medyo nadumihan ang
circle of leadership ng PNP ngayon," pahayag ng senador. Idinagdag niya na sa ibang
bansa ay kaagad nagbibitiw sa tungkulin ang mga opisyal kapag nakaladkad nila sa
iskandalo ang pamunuan ng pulisya. “Pero dito sa atin pakapalan ng mga mukha so
walang magbibitiw," paliwanag ni Pimentel.
Imposibleng magkaroon ng united opposition -- Joson
HINDI nagtataka ang isang kongresista sa pagbasura ni Sen. Panfilo Lacson sa alok ni
dating Pangulong Joseph Estrada na mamagitan sa gusot nito kay Senate President
Manuel Villar dahil “personality at money politics” umano ang umiiral na diskarte ng
pulitika sa bansa. Naniniwala si Nueva Ecija Rep. Edno Joson na imposibleng
magkaroon ng tinatawag na united opposition sa 2010 presidential elections lalo’t
malinaw naman na walang malakas na kandidato ang administrasyon. Kumbinsido si
Joson na hindi magigiging usapin ang mahahalagang mga isyu sa bansa dahil ang
personal na interes umano ang maghahari. “Hindi naman talaga magkakaroon ng
united opposition, kanya-kanyang interes iyan at hindi pinag-uusapan ang issues,
personality at money politics pa rin tayo,” ani Joson. Naunang nanindigan si Lacson na
hindi niya matatanggap ang alok ni Estrada dahil mas mahalaga sa kanya ang
paglaban umano sa katiwalian sa halip na alyansa sa politika matapos batikusin si
Villar sa isyu ng umano’y double insertion sa C-5 road extension. Malaki rin ang hinala
ni Joson na talagang tatakbo si Estrada sa 2010 kaya malabong-malabong magkaroon
ng pagkakaisa ang oposisyon.
Unang shipment mula sa Galoc oil field darating sa Nobyembre
ILALABAS na sa unang linggo ng Nobyembre ang unang shipment ng krudo mula sa
Galoc Oil Field sa Palawan. Batay sa opisyal na pahayag ng Galoc Production Company,
ang operator ng service contract ng Galoc Oil Reserve na nagsasagawa na sila ng
pagsusuri sa mga datos na nakuha. Ngunit habang isinasagawa pa umano ang
pagsusuri ay tuloy pa rin ang pagkuha ng langis kaya't sa susunod na araw ay
inaasahang aabot na umano sa 18,000 hanggang 20,000 bariles bawat araw ang
target. Ang langis na nakukuha sa Galoc Oil Field ay tinawag na Palawan Light dahil sa
pagkakatulad nito sa Arabian Light na galing sa Middle East.
Protest caravan ikinasa vs Big 3 oil firms sa Biyernes
KAKALAMPAGIN ng mga grupong pang-transportasyon ang tatlong malaking kumpanya
ng langis sa Biyernes sa Makati para igiit na ibaba sa P37 bawat litro ang halaga ng

diesel. Sinabi ni George San Mateo, secretary general ng Pinagkaisang Samahan ng
Tsuper at Operator Nationwide (Piston), na tinatayang 200 hanggang 300 tsuper ang
sasama sa pagkilos sa Biyernes upang kalampagin ang tanggapan ng Big 3 oil firms
(Shell, Chevron at Petron) sa Makati. "Kakalampagin natin sila at hihilingin na ibaba ang
presyo ng diesel sa P37," ayon kay San Mateo matapos pumalo sa pinakamababang
$70 bawat bariles ang presyo ng krudo sa world market. Sinabi ni San Mateo na ang
pagkilos ay gagawin sa paraan ng caravan protest na lalahukan ng may 10 hanggang
15 pampasaherong jeepney na may sakay na 20 tsuper bawat isang sasakyan.
Kasabay nito, magsasagawa rin ng noise barrage ang mga tsuper sa Quezon City
dakong 5:30 p.m. sa Miyerkules bilang paghahanda na rin sa mas malaking pagkilos sa
Biyernes.
Gobyerno pinagpapaliwanag ng Korte Suprema sa paglaya ni Teehankee
INUTUSAN ng Korte Suprema ang gobyerno na ipaliwanag ang kontrobersyal na
pagpapalaya kay convicted killer Claudio Teehankee Jr. Sa resolusyon na inilabas ng
Kataas-taasang Hukuman ay binibigyan nito ng 10 araw sina Justice Secretary Raul
Gonzales, Executive Secretary Eduardo Ermita, at mga opisyal mula sa Board of Pardon
and Parole at Bureau of Corrections para magbigay ng komento sa petisyon na inihain
ni Atty. Ernesto Francisco, na abugado ng pamilya ng biktima ni Teehankee na si
Maureen Hultman. Inatasan din ng korte si Teehankee na magsumite rin ng komento
nito. Noong isang linggo ay kumilos si Francisco para labanan ang executive clemency
na ibinigay ni Pangulong Arroyo kay Teehankee sa pamamagitan ng paglapit sa Korte
Suprema. Sa kanyang 62-pahinang petisyon, sinabi ni Francisco na nagkamali at
umabuso ang gobyerno nang pakawalan si Teehankee. Nilabag din daw ng DoJ at BPP
ang mga nilalaman ng Amended Guidelines for Recommending Executive Clemency.
Presong hindi pa nahahatulan dapat payagang makaboto—CBCP
DAPAT payagang makaboto at makalahok sa halalan ang mga bilanggo na hindi pa
convicted o hindi pa binababaan ng sentensya ng hukuman. Ito ang apela kahapon ni
CBCP-Episcopal Commission on Prison Pastoral Care Executive Secretary Rodolfo
Diamante sa mga mambabatas at sa Commission on Elections (Comelec) kasabay nang
paggunita sa Prison Awareness Sunday sa Oktubre 26. Ayon kay Diamante, hindi pa
naman nahahatulan ng hukuman ang mga bilanggong ito kaya’t marapat lamang aniya
na bigyan sila ng tsansa na magamit ang kanilang “rights of suffrage.” Nabatid na
umaabot umano sa 70 porsyento ng tinatayang 85,000 bilanggo sa bansa ang
maaaring makinabang kung papaboran ng mga awtoridad ang panukala ni Diamante.
Produktong herbal mula China isasailalim na rin sa pagsusuri ng BFAD
MAKARAANG isailalim sa pagsusuri ang mga gatas at meat products mula sa China,
pinag-aaralan din ng Bureau of Food and Drugs (BFAD) ang pagsusuri sa mga Chinese
herbal extract products. Ayon kay BFAD director Leticia Gutierrez, nagsisimula na silang
kumuha ng mga samples ng mga produktong herbal mula sa China upang malaman
kung dapat na itong i-pull out sa merkado. Sinabi ni Gutierrez na karamihan sa mga
Chinese herbal extract products ay ibinebenta sa Metro Manila, kung saan sinasabing
ang mga ito ay nakagagaling ng iba’t ibang uri ng sakit. Iginiit ni Gutierrez na ang mga
Chinese herbal medicine ay kailangan suportahan ng “clinical trials” upang
masuportahan ang nakasaad sa kanilang produkto na nakagagaling ng anumang sakit
ang mga nasabing gamot.
Oct. 31 at Nov. 3 mananatiling ‘ordinary working days’
IDINEKLARA ng Palasyo ng Malacańang na mananatiling “ordinary working days” ang
darating na Oktubre 31 at Nobyembre 3. Sinabi ni Executive Secretary Eduardo Ermita
na hindi magkakaroon ng long weekend ang mga Filipino sa pagkakataong ito dahil
nataon sa weekend ang Nobyembre 1 at 2 na parehong public holidays. Idinagdag

naman nito na karaniwan ng pinapayagan ng gobyerno ang kanilang mga empleyado
na umuwi nang maaga sa bisperas ng All Saint’s Day (Nobyembre 1).
BALITANG OFW/KWENTONG MARINO
Mga OFW na mabinbin sa Saudi Arabia tinulungan ng mga kababayan
TUMANGGAP ng mga donasyon tulad ng pagkain at mga personal na gamit ang mga
stranded na overseas Filipino workers (OFWs) na kasalukuyang nasa pangangalaga ng
konsulado ng Overseas Workers Welfare Administration sa Jeddah, Saudi Arabia. Ang
pamamahagi ng tulong sa mga nagipit na OFWs na isinagawa kamakailan ay
pinamunuan ni Jimmy Geronimo, chapter national founder at founding chairman ng
“Jeddah Legion" ng Guardian Brotherhood Incorporated (GII). Sinabi ni Geronimo, siya
ring national president ng Guardians International for Action Force for Peace
Incorporated o GIAFP, na layunin ng kanilang organisasyon na magbigay ng tulong sa
mga kapus-palad na mga OFW lalo na sa mga kababaihan na nasa pangangalaga ng
OWWA.
Grupo ng manggagawa umalma sa bantang zero remittance ng IMG
UMALMA ang iba’t-ibang grupo ng mga manggagawa sa bantang zero remittance ng
International Migrants Alliance (IMG) bunsod na rin ng malaking epekto sa ekonomiya
lalo na ngayong may nararanasang global financial crisis. Hindi sang-ayon ang Trade
Union Congress of the Philippines (TUCP) sa bantang “zero remittance” ng grupong
migrante dahil hindi umano ito ang tamang solusyon upang iparamdam sa pamahalaan
na hindi kayang isalba ang ekonomiya kung wala ang mga padalang pera ng mga
Overseas Filipino Workers (OFWs). Sinabi ni dating senador Ernesto Herrera, secretary
general ng naturang grupo na hindi dapat magpabuyo ang mga manggagawang
Filipino sa ibang bansa sa dikta ng grupong migrante dahil hindi lamang ang
ekonomiya ang apektado rito kundi mismong ang kanilang pamilya na umaasa lamang
sa padala nilang salapi. Pinayuhan din ng dating senador ang grupo ng migrante na sa
demokratikong pamamaraan na lamang nila idaan, tulad ng pagdaraos ng
demonstrasyon at pagsasapubliko ng kanilang mga nararanasang kaapihan idaan ang
pagpaparamdad sa gobyerno sa halip na isakripisyo pa ang kapakanan ng kanilang
pamilya. Idinugtong pa ng dating senador na nakakadismaya ang isinusulong na plano
ng IMG dahil idinadamay pa ng mga ito ang mga manggagawang Pilipino gayung
marami namang paraan para ilahad ang kanilang pagkadismaya sa pamahalaan.
23 OFWs na nakulong sa Trinidad pabalik na ng 'Pinas
HINDI bababa sa 23 overseas Filipino workers na nakulong sa Trinidad and Tobago ang
inaasahang babalik sa bansa mamayang hapon. Sinabi ni Senate President Manny
Villar na nakatanggap siya ng impormasyon mula sa Department of Foreign Affairs na
darating ng alas-4:05 ng hapon ang mga OFW sakay ng flight QR 464. Pawang mga
taga-Cebu ang mga ito, ayon pa kay Villar. Sinagot daw ni Cebu Governor Gwen Garcia
ang plane tickets ng mga pauwing OFW. Ani Villar, iniwan ng 23 OFWs ang kanilang
employer sa Tobago dahil sa breach of contract at lumipat sa ibang employer sa
Trinidad subalit pagdating doon ay pinigil ng immigration authorities dahil umano sa
pagkakaroon ng mga pekeng dokumento base sa sumbong ng kanilang dating amo.
Humingi naman ng tulong ang mga pamilya ng OFWs kay Villar para sa repatriation ng
mga OFW kaya nakipag-ugnayan ang senador sa DFA at sa Philippine Honorary Consul
sa Trinidad and Tobago. Nangako pa si Villar na sa pagbabalik ng 23 Pinoy sa bansa ay
bibigyan niya ang mga ito ng livelihood assistance.

REHIYON
3 holdaper nasawi sa engkwentro vs pulis Laguna
TATLONG hinihinalang holdaper ang napatay ng mga pulis sa inilunsad na follow-up
operations kaninang madaling araw sa isang subdivision sa Brgy. Deta, Sta Rosa,
Laguna. Sinabi ni Supt. Primitivo Tabuhara Jr., una umanong hinoldap ng mga suspect
ang isang gasolinahan sa Brgy. Balibago. Liban dito hinoldap din ang dalawang
nagpapakarga ng gas na sakay naman ng isang mortorsiklo. Matapos ito, sinundan
umano ng mga biktima ang mga tumakas na suspect at isinuplong ang pinagtataguan
ng mga ito. Sa sumunod na pangyayari nagkaroon ng engkwentro at napatay ng mga
otoridad ang mga holdaper.
NSA chief nabahala sa talamak na bentahan ng droga sa Iloilo
IKINABAHALA ni National Security Adviser Norberto Gonzales, ang talamak na illegal
drug trade sa lungsod ng Iloilo. Ito'y kasunod ng lumabas na record ng Philippine Drug
Enforcement Agency (PDEA), na ika-apat ang lungsod ng Iloilo sa buong bansa na may
talamak na bentahan ng iligal na droga. Napag-alaman na batay sa datos ng PDEA
Region 6, 180 barangay ng Iloilo City ang positibo sa illegal drug trade. Kasabay ng
pagdalaw ni Secretary Gonzales sa Iloilo, inihayag nito na kanyang ipapatawag ang
PDEA Region 6 sa pamumuno ni Police Sr. Superintendent Roybel Sanchez, dahil sa
umano'y kapabayaan ng PDEA na mahuli ang 5 malalaking drug lords sa western
Visayas.
Mga residente ng isang barangay sa Sultan Kudarat nabahala
NANGANGAMBA ang mga residente sa patuloy na pagpapakalat ng mga kapulisan sa
Brgy. Sangay sa Kalamansig, Sultan Kudarat. Ayon kay Mayor Rolando Garcia ng
Kalamansig, nagdulot sa pag-evacuate ng mga residente ng Barangay Sangay ang
pagdeploy ng lokal na gobyerno ng mga kapulisan sa takot na madamay ang ito sa
engkwentro laban sa pinaghihinalaang mga miembro ng Moro Islamic Liberation Front
(MILF) dahil sa land conflict. Naniniwala si Mayor Garcia na pinamumunuan ni MILF
commander Boyet ang armadong grupo na unang sumalakay sa naturang lugar.
Napag-alaman na hanggang sa ngayon umabot sa 900 na mga pamilya ang patuloy na
nananatili sa evacuation center dahil sa takot na bumalik sa kani-kanilang mga
tahanan.
Biglaang drug test para sa mga tsuper iminungkahi
IMINUNGKAHI ng isang kongresista sa kinauukulang ahensya ng pamahalaan na
magsagawa ng surpresang drug test sa mga drayber ng pampublikong sasakyan lalo
na sa mga bus. Ang pahayag ay ginawa ni Aurora Rep. Juan Edgardo Angara matapos
ang malagim na sakuna sa EDSA nitong madaling araw ng Martes kung saan sangkot
ang tatlong bus na nagresulta sa pagkamatay ng isang tao at ikinasugat ng tatlong iba
pa. “Its about time na magkaroon ng surprise drug test sa mga driver ng mga public
utility vehicles specially sa bus. Kung regular basis lang kasi ang drug test every time
na kukuha lang ng license they can prepare for it," paliwanag ni Angara.
Duktor natupok sa loob ng kotse
PATAY matapos masunog ang buong katawan ng isang duktor, habang apat katao pa
ang sugatan makaraang magliyab ang kotseng sinasakyan ng una makaraang
banggain ng isang humahagibis na bus sa EDSA-Santolan, Quezon City kahapon ng
madaling-araw. Nakilala ang nasawi na si Dr. Francisco Moreno Sarabia, isang

optometrist, habang kritikal naman at ginagamot sa St. Luke’s Medical Center ang
pasahero nitong si Henny Garcia, 52. Ginagamot rin naman sa East Avenue Medical
Center ang mag-asawang pasahero ng bus na sina Salvador at Ligaya de Guzman at
konuktor na si Laurentino Betino.
BALITANG ABROAD
Ex-Thai PM Thaksin hinatulang ‘guilty’ sa pangungurakot
GUILTY ang hatol ng Thai court kay dating Prime Minister Thaksin Shinawatra sa
kinaharap nitong kasong korupsyon. Hinatulan ang naturang dating lider ng dalawang
taong pagkakabilanggo. Ang naturang desisyon ng korte ang kauna-unahang kasong
binabaan ng hatol laban kay Thaksin mula ng mapababa ito sa pwesto sa pamamagitan
ng kudeta noong 2006. Wala si Thaksin sa korte ng ibaba ang hatol dahil nasa London
ito at nasa self-imposed exile. Si Thaksin ay nahaharap din sa kasong pag-abuso sa
kapangyarihan at conflict of interest. Abswelto naman ang asawa nitong si Pojaman na
ngayo'y nasa exile din.
13 patay sa pagsabog sa India
LABINTATLONG katao ang nasawi habang 20 naman ang sugatan sa isang pagsabog sa
lungsod ng Imphal sa North-Eastern India, ayon sa mga otoridad. Ayon sa mga pulis,
karamihan sa mga biktima ay sibilyan. Naganap ang pagsabog malapit sa police
commando baracks sa Imphal, ang capital ng Manipur state sa India. Ang pang-aatake
naganap dalawang araw makaraang pinasabugan rin ng granada ang bahay ng chief
minister sa Manipur. Sa ngayon wala pang grupo na umako sa responsibilidad ng
panibagong karahasan sa naturang bansa. Napag-alaman na ang estado ng Manipur sa
India ay pinamumugaran ng maraming grupo ng mga rebelde kung saan ipinaglalaban
ng mga ito na bigyan sila ng autonomiya ng pamahalaan.
Iran, Russia, Qatar balak bumuo ng natural gas kartel tulad ng OPEC
SINIMULAN na ng Russia, Iran at Qatar ang unang seryosong hakbang upang bumuo ng
OPEC-style cartel sa natural gas. Dahil sa naturang hakbang kaya't sinasabing
pinangangambahang mapapalakas ng Moscow ang impluwensya nito sa energy
markets mula Europe hanggang South Asia. Ang naturang alyansa ay magkakaroon
umano ng maliit na direktang impact sa US na hindi naman nag-aangkat ng natural gas
mula sa Russia. Gayunman, nangangamba ang Washington at Western allies na ang
mas malapit na strategic ties sa pagitan ng Russia at Iran ay pipigil sa efforts na iisolate
ang Tehran kaugnay ng mga nuclear ambitions nito. Maliban diyan, tutol din
ang US sa panukalang Iranian gas pipeline sa Pakistan at India.
ISPORTS
Peńalosa wala munang laban
DAHIL sa hinihingi nitong malaking premyo, wala munang laban si WBO bantamweight
champion Gerry Peńalosa ngayong taon. Ayon kay Billy Keane, ilang malalaking laban
ang nakalinya sana para kay Peńalosa sa Las Vegas ang hindi natuloy dahil sa paghingi
nito ng mas mataas sa inaalok sa kanyang bayad. Una rito ay ang pagdepensa ng
kanyang korona laban kay Nestor Rocha sa halagang $125,000 o P6 milyon ngunit
inayawan ito ni Gerry dahil gusto nya at $150,000 plus sa kanya pa raw ang TV rights.
Hindi rin natuloy ang mandatory defense nito kontra Abenr Mares ng Mexico dahil
humihingi ito ng $250,000 samantalang $175,000 naman ang alok ng Golden Boy
Promotions. Hinamon din ni Peńalosa si WBO super bantamweight champion Juan
Manuel Lopez ngunit hindi ito tinanggap ni Lopez dahil humihingi si Peńalosa ng

$250,000 para sa kanilang laban sa undercard ng de La Hoya-Pacquiao "Dream Match"
sa Las Vegas, Nevada.
Roach ihininto ang laban kung masasaktan si Pacquiao
HINDI magdadalawang isip si Coach Freddie Roach na pigilin ang laban nina Oscar De
La Hoya at Manny Pacquiao kung nakikita niya umanong nasasaktan na si Pacman.
Ayon kay Roach, hangga't maaari umano ay ayaw niyang masaktan o nakikitang
napapahirapan ang kanyang mga boxers. Bagamat malayo umanong mangyari kay
Pacman ang sinasabing mapapahirapan ito, wala umanong imposible sa boxing.
Kailangan daw ng matinding ensayo at dapat 100 porsyentong pokus at kondisyon ang
isang boksingero bago umakyat sa ring. Ngayong araw, papasok na ang team Pacquiao
sa pangalawang linggo ng sparring. Matatandaan na pina-uwi ni coach Roach si Aaron
Robinson at muntik na nitong puruhan ang 160 pounds boxer na si Marcus McDonald.
Dagdag pa ni Keane na mahihirapan ng makahanap pa ng laban si Peńalosa kahit sa
2009 kung patuloy ito sa paghingi ng malaking premyo gayong hindi naman ito
masyadong sikat kahit na sya ay isang world champion.
5 Pinoy boxer lalahok sa World Youth Championships sa Mexico
SA layuning maibangon ang karangalan ng bansa sa Olympic Games, ngayon pa
lamang ay sinisimulan na ng Amateur Boxing Association of the Philippines (ABAP) ang
pagsasanay sa ilang bagitong pugs. Limang Filipino boxers ang lalahok sa World Youth
Championships na nakatakda sa Oktubre 25 hanggang Nobyembre 3 sa Guadalajara,
Mexico. Ang mga ito, ayon kay ABAP president Manny T. Lopez, ay sina National Open
standouts Gerson Nietes Jr., Welbeth Loberanis, Glicerio Catolico III, Aston Francis
Palicte at Rolando Tacuyan na kasalukuyang nagsasanay sa Cuba. Nasa capital city rin
ng Havana sina Conrado Tańamor Jr., Jameboy Vicera at John Ray Melligen kasabay ang
mga bagitong fighters ng Colombia, El Salvador, Spain at Cuba. Sina Nietes, Loberanis,
Catolico, Palicte at Tacuyan, ayon kay Lopez, ay gagabayan ni Cuban coach Dagoberto
Rojas Scott katuwang si Filipino mentor Elmer Pamisa para sa boxing tournament sa
Mexico.
Beerrmen nakatutok ang atensyon sa ika-4 na panalo
MATAPOS mabigo sa kanilang season opening game, ang San Miguel Beer ang
ikalawang pinakamainit na koponan ngayon matapos tuhugin ang tatlong sunod na
panalo. Tangka ng Beermen na pantayan ang apat na sunod na panalo ng league
leader na Alaska Aces sa pagpapatuloy ngayon ng KFC PBA Philippine Cup sa Araneta
Coliseum. Makakasagupa ng Beermen ang kanilang kapatid na kumpanyang Barangay
Ginebra sa tampok na laro ngayong alas-7:30 ng gabi pagkatapos ng sagupaan ng
Coca-Cola at defending champion Sta. Lucia Realty na magbubukas ng aksiyon sa alas-
5:00 ng hapon. Nabigo ang Beermen sa kanilang debut game noong October 5 kontra
sa Alaska, 84-85 ngunit pagkatapos nito ay sunud-sunod na ang kanilang panalo kontra
sa Purefoods, 111-98 noong October 10, Rain or Shine, 89-82 noong Oct. 15 at ang
pinakahuli ay kontra sa Talk N Text noong Biyernes, 84-77.
SHOWBIZ
Jean Garcia tikom ang bibig sa balitang hiwalayan sa batang nobyo
HINDI kinumpirma at hindi rin itinanggi ng aktres na si Jean Garcia ang napapabalitang
hiwalayan nila ng aktor na si Polo Ravales. Paliwanag nito na hindi niya iniiwasan si
Polo taliwas sa mga napapaulat "Hindi naman, hindi ako umiiwas dahil break daw kami.
Wala lang, basta lang. What you see is what you get. Ever since, I don't talk, it's not my
style," wika ni Jean. Bagamat tumanggi pa ring kumpirmahin ang umano'y breakup nila,
sinabi ng aktres na magkaibigan sila ni Polo. Giit nito na magkatrabaho sila at walang

diperensya kung patuloy man silang magsasama sa mga project. "Hindi naman
katapusan ng buhay ko. Hindi natatapos ang buhay dahil dun. Marami pa diyan at
marami pang puwedeng mangyari," dagdag pa ni Jean.
Mga kandidata ng Ms. Earth 2008 nagpatalbugan sa bikini pictorial
KANYA-KANYANG agaw eksena ang mga kandidata sa gaganaping 2008 Miss Earth
beauty pageant sa ginanap na bikini pictorial. Bagamat kadarating pa lamang ng
naturang mga international beauty queens mula sa 85 bansa ay sumabak na kaagad
ang mga ito sa isang mainit na pictorial. Todo project at nagpatalbugan ang
nagagandahang dilag sa sexy studio session. Partikular na lumutang ang ganda ay ang
mga kinatawan ng Guam, Amerika, Jamaica at ang early favorite na si Miss Romania.
Ngayon pa lang ay mainit na ang debate sa internet kung sino ang karapat-dapat
koronahang Miss Earth 2008. Gayunman, pinakamatindi umano ang pressure kay Miss
Philippines-Earth Carla Paula Henry. Ito ay dahil mula ng magkaroon ng Miss Earth
beauty pageant ay wala pang Pinay na nakakapag-uwi ng korona.
Talent manager inireklamo ng mga artista
PANIBAGONG kontrobersiya na naman ang kinahaharap ngayon ng talent manager na
si Rose Flaminiano. Ito'y makaraang pormal na maghain ng reklamo ng mga sexy stars
laban sa talent manager dahil sa umano'y panloloko nito. Pormal nang naghain ng
reklamo sina Aubrey Miles at Maui Taylor laban kay Flaminiano sa tanggapan ni Vice
President Noli De Castro na siyang chairman ng Housing and Urban Development
Coordinanting Council. Giit ng mga sexy stars na pinaniwala sila ni Flaminiano na
makakakuha sila ng bahay at lupa kapag inindorso nila ang isang real state sa Tarlac.
Pero nagulat na lamang umano sila ng bigla silang singilin dahil sa kanilang loan o
utang.
Ara Mina may bagong inspirasyon
UPANG matigil na ang hindi mamatay-matay na isyu sa pagitan nila ni People's Champ
Manny Pacquiao, iginiit ngayon ng aktres na si Ara Mina na mayroon na siyang bagong
inspirasyon. Ayon kay Ara, kung papalarin ay ito na ang kanyang susunod na magiging
boyfriend. Gayunman, tumanggi na itong magbigay ng iba pang detalye hinggil sa
naturang bagong inspirasyon niya. Muli na naman kasing naintriga sina Ara at Pacman
makaraang nagtungo sa US si Ara. Sa kasalukuyan ay nasa US din si Manny para
paghandaan ang laban nila ni Golden Boy Oscar De La Hoya ngayong Disyembre.
“Hindi naman’yon ang ipinunta ko sa Amerika. May series of shows kami ng Apo Hiking
Society at ‘yon ang inasikaso ko nang nasa Amerika ako. Paalis pa nga lang ako ng
bansa, iniintriga na agad ako na kesyo nagkita raw kami ni Manny sa U.S. Paano
mangyayari ‘yon, eh, nandito pa ako nang time na sinasabi nilang nagkita kami,”
pahayag ni Ara.
BALITANG ‘A-KYUT’
Ospital sa Dallas siningil ang isang pasyenteng di pa nakikita ang duktor
DALLAS – Isang ginang ang nagsabing naghintay siyang mahigit 19 oras sa Parkland
Memorial Hospital emergency department upang magpatingin sa umano’y pilay sa paa
at di man lang nasilayan ang duktor—pero siningil siya ng ospital ng $162. Si Amber
Joy Milbrodt, na nagsabing napilay siya habang naglalaro ng volleyball, ay natanggap
ang bill makalipas ang dalawang linggo matapos ang kanyang pagpapakonsulta noong
Setyember 24. Anang mga opisyal ng Parkland, marapat lamang na singilin si Milbrodt
dahil makailang oras din siyang tiningnan ng mga nurse upang kunin ang kanyang mga
vital signs. Subalit, iba ang tingin dito ni Milbrodth. "It should have been more like them

paying me for having to sit in the emergency room for 19 hours," aniya sa The Dallas
Morning <strong>News</strong>. Ang ginawang pagtatasa ng nurse, na tumagal lamang ng ilang minuto,
ay sapat nang bigyan siya ng tamang lunas. Mula nang pumasok siya sa ospital,
naghintay pa ito ng mahigit 3 ˝ oras. Matapos ang 15 oras ng paghihintay, hindi pa rin
sya naisasalang kung kaya’t nagpasiya na itong umalis sa ospital at umuwi na lamang.
Nagpakuha na lamang siya ng x-ray sa isang chiropractic school na kung saan
kinumpirma nito na talagang may basag siyang buto sa paa. "She's not paying for
waiting," ani Rick Rhine, bise presidente ng ospital. "She's paying for the assessment
she received." Si Milbrodth, 29, ay hindi naka-seguro, ay walang planong bayaran ang
sinisingil ng ospital. Ilang araw bago bumisita si Milbrodth sa ospital, isang 58 taong
gulang na lalaki na nakakaramdam ng pananakit sa tiyan ang nagtungo sa ER.
Naghintay din ito ng 19 oras—nakungsaan ay inatake sa puso at tuluyang binawian ng
buhay.
PAUNAWA
Ang mga impormasyon dito ay kinalap at iniayos ng Brent & Strauss Integrated
Communications, Inc. para sa Jadran pismo d.o.o. • Tel. +385 51 403 185 • Fax +385 51 403
189 • Email: news@jadranpismo.hr