rp girls vol 2 -ateso - C-Hub

... one of the winning letters
from the journalism contest !
Name KIDEN SARAH
Age 21
Sex FEMALE
Postal/Physical Address P.0. B0X 28344, KAMPALA
Contact telephone 0782 467074
“AMINA NA ADUMUNI KEDE ATWANIARI”
Abu eong aloma toma aiboisit adiopet otauni anu aswam aisisia ka na ikamunit
aitemonokin acuman. Erai asioman na ebeit ngin ikoku kere aswam okaru lo iyaret
university.obu Tom, opaperoke apapake lo arai Human resource manager iinak eong
ecolong lo iboikina.inere so adauni apak na epol nu ikamunitosi ore kede nu osomero
kede eipone lo erimio eong oyapesi kitoni oyapesi bobo ecie aimoo ne isiomet ekosi ka,
obu Tom olimok eong ajalakin ebaluwa ka ofakaliti ka lo university.
Obu ngesi da bobo ingit eong enamba lo esiimu ka lo abu eong einak ngesi omam
eong awomomoi idio bore yen aronon.aparan ngin obong inomakini ngesi eong esimu
airiamuni kede ngesi obaana ediopet lo ejenara noi oibuga isawan Iwuni. Abu eong agiri
alosite ido da mam eong awomomoi idio bore yen aronon anu ekamunitosi ngun. Konye
eja ngun da mam Tom obu onangak nen.
20
4 TH
Obu ngesi iyatak ainomanakini eong esimu otoma osabitini iyarei nu atupakinete oingaren. Obu Tom olimok
eong eipone lo aminari ngesi eong noi ido alimunenei ngesi nu ne duc enomuna ngesi esimu kere. Ibore yen
obu iinak eong aiyalongongo kitoni ne alimokina eong ipapero ka. Eyalamasi kesi icie, opup nu abala eong.
Mam eong abu alimok iwuriak ka. Mam eong apedori. Mam ti kesi ecamutu nu abala eong edio pone kere
ido ti acepakit Papaka iriengia eong oreke da narai arai Tom opaperoke lo abeite. Edukokina Tom da ido
ejatatari iduwe iwuni.
Eja ngun da adaunit Tom ailimokin iwuriak ka ebe aibeit ngesi adumakin eong aiboisit. Arai da ejatatari
ekapani kede eswamak icie sek. Akapakina Tom kede agogong kere adumakini eong aiboisit. Iswamata ngesi
nu cut ojeni ebe ebeit ngesi adumuni idiop bore ane ajai eong ido arai ibore ngin “amina” acepakit awomit
ngesi ebe ebeit ngesi aitosoma eong. Opotu akiro omunarosi do cut ne enomakina eong Tom esiimu ebe
eong alosite oyapesi ke “Akoto eong aitalacari ijo ingwen ” elimuni ngesi. Arongo eong eyitunit akiro ngun ejok
cut. Ido eyitunit eong eporoto da lo etosomai ngesi kede eipone lo alimuna ngesi akiro ngun da.ayapikit bala
eong acilucilun da.
Abu eong okadak noi. Abu eong amoromoro ngesi narai apol eong anyunyura. Obu ngesi otwania angosibibi
kere na einakit eong ngesi. Inyobo lolo ileci nu! Mam ikiliok nu epolorito ewomomoete rwana aarei icie sawan.
Ekaukau abu eong asipok awomisio ka mam bobo eong abongori oyapesi ngon. Ne awomwomwa eong nu
ikamunitosi atiokiso nu ejasi oipaperone lo Adumuni kede atwaniari. Ajok bodo eong alopet amouni atutubet
acie na alosi eong aswam. Ariebo, aimonyo, esilim, adekasinei nu itoritos aelo, aitidisiari angosibibikon, iboro
nu kere narai ebe akoto eong agangat? Mam teni. Kwape akotori eong adauni aswam na einakitai so o
university, ajai eong amouni aiboisit acie bobo kede atipet. Abu eong aseu angeari aimoo aiboisit acie. Ajeni
eong ebe ationo adumuni aiboisit acie konye mam eong akoto aibil aisumunet ka na aidara akwana ka kitoni
ne adukokinori eong. Adiope abongo, eriamakinos eong kede Tom oibunga ongeari ngesi aingit eong ebe
eong alosite aswam.mam ngesi ajeni ebe adumunit eong da bobo adumuni aiboisit acie. Mam ngesi ilec
opotu irumata da bobo. Arai da ber omam eong adumunit aiboisit acie mam ti eong abongorit aswam
oyapesi ke bobo. Esiyalamikit eong edeke ebe mam ber bobo ngesi inomakitori eong esimu ido elipi eong
ebe mam ber bobo ngesi inomuni cut. Elipit eong da bobo ebe arai ejai eipone lo esiomia ngesi aiwadikaete
na.
Mam eong akadakit da anu mam eong aswam kede Tom. Mam eong apedori aitosoma akwana ka anu
aitaca ibore icie. Alakara eong noi ebe mam eong abu epokakini kidding na emoro kede amoru nu egogong.