Sorg og krise - paarisa
Sorg og krise - paarisa
Sorg og krise - paarisa
Create successful ePaper yourself
Turn your PDF publications into a flip-book with our unique Google optimized e-Paper software.
git aniatinnissaat pingaaqaaq<br />
saaginnarlugit eqqartortarpai, allatut ajornaqimmat<br />
atugassarititaammata atorivut.<br />
Taamatut tuppallersaasarpoq. Uangalu aliasuutit<br />
oqimaannerusutut tigusarpakka.<br />
● NNiieellss: - Misigissutsit tungaatigut paasisaqariartorusaarnera<br />
massakkut arriikkaluartumik<br />
atortalerlugu misigisalerlugulu<br />
ingerlaninni taamannak imminut ilikkariartorusaarnera<br />
ilutigalugu misigisimavunga.<br />
- Qaqiffimmiinnikuuvunga siorna, kingornalu<br />
maani AA-mut orniguttalerlunga.<br />
Angutit ikorfartoqatigiiffiat aallartinniarneqaleriarmat<br />
(2005 upernaakkut, aaqq.)<br />
uannut iluaqutaasinnaasutut eqqarsaatigalugu,<br />
ammarsariartornissannut aqqutissat<br />
ilagisinnaammassuk ilannguffiginikuuakka.<br />
Naapittartut ikiliartoraluarput, kisianni<br />
naapittartut marluinnaagaluaraangattaluunniit<br />
oqaloqatigiinneq ingerlattaratsigu<br />
iluaqutigisorujussuullugu misigisarpunga.<br />
- Taassuma kingornatigut maani angerlarsimaffitsinni<br />
nuliannguaralu sammisarnerput<br />
oqaloqatigiittarnerput annertusiartuaaruusaarpoq.<br />
Sammilluartarnermut taamannak,<br />
sivisunerusumik sivikinnerusumilluunniit,<br />
apeqqutaalluni suna oqallisiginerlugu<br />
sammisarpugut. Iluaqutigisaqaarput<br />
aamma.<br />
● JJuuaaaannnnaa: - Nielsilu misigissutsit tungaatigut<br />
oqaloqatigiillualersinnaanerput iluaqutigingaatsiaqaara.<br />
Siullermik oqaloqatigiissinnaanngiivissimavugut<br />
- imminut iluarsaatinngikkallarmat.Eqqartuiniaraangatta<br />
Nielsi kamalertarluni.<br />
● NNiieellss: - Imigassamik - kingornalu ikiaroornartumik<br />
pinnguarnermillu - atuinerluisorujussuunikuuvunga<br />
imminut aqussin-<br />
naajunnaartarlunga.Peqqutissaqanngiivillunga kamattarama nuliannguara angutinut<br />
allanut pasillugu, allanilluunniit oqaloqateqarnissaa<br />
allaat sapertarlugu. Nuliannguara<br />
timaatigut annersarlugu sakkortuumik<br />
pisarnikuuara, timikkut tarnikkullu qanigisannut<br />
assut anniartitsinikuusimavunga.<br />
- '94-imi qimataangajappunga, taamanikkut<br />
qinigassinneqarpunga imigassaq<br />
imaluunniit ilaquttakka arlaat qinissagiga.<br />
Ilaqutaqarusussuseq atorusullugu ingerlakkusullugu<br />
qinerpara. Asanninnermik misigiffiginikuugakku<br />
sakkortuumik. Inuusuttuaraaninniit<br />
aappaqalernissama tungaanut<br />
asanninniarnissannik ilisimasaqanngitsutulluunniit<br />
imminut oqaatigisinnaagama, naak<br />
meeraaninninngaanniit asanninneq annertooq<br />
anaananninngaanniit misiginikuugaluarlugu.<br />
- Ilaqutarpassuaqarpunga aamma qatannguterpassuaqarpunga.Attaveqarfiginikorujussuugaluarakkit,<br />
kisianni imigassamik<br />
atuilerninniit kingorna kisimiileriartorneq<br />
inissiffigiartorlugu uannut, inoqatinnut allaat<br />
qanigisannut attaveqarnissaq ajornartorujussuanngortinnikuugakku.<br />
Tamakku<br />
aammalu ilaquttannik annaasaqangajanneq<br />
imigassartornikkut imminut aqussinnaajunnaartarnermit<br />
aallaaveqarput.<br />
● JJuuaaaannnnaa: - Massakkut ersissuteqanngiivillunga<br />
oqaloqatigisinnaalerlugu misigilernikuuvunga.<br />
Ersinanga, naalarninanga, attortinnissannut<br />
qununanga, ersissuteqarnanga<br />
suna tamaat massakkut eqqartorsinnaalernikuuarput.<br />
- Taamanikkullu massakkullu assigiin-<br />
ngissutaat assut qujamasuutigisaqaara, eqqartortarlutigulu<br />
marluulluta.<br />
● NNiieellss: - Maannamut paasinikuuara oqaloqatigiittarnissaq<br />
qanoq pingaaruteqartigisoq,<br />
ingammik ilaqutaqaraanni pingaaruteqarluinnarpoq.<br />
Inoqatinnut akuliunniassaguma<br />
imminut ikiuinnarnanga inoqatinnut<br />
ikiuutaasinnaavunga. Oqaloqatigiinnikkut<br />
aatsaat ingerlariaqqittoqarsinnaasoq<br />
paasinikuuara. Aliasuutit oqaasinngorlugit<br />
aniatinnissaat iluaqutaasartorujussuuvoq.<br />
Tusarnaarsinnaaneq pingaarutilerujussuuvoq<br />
iluaqutaasarami, kukkussutigisimasakkalu<br />
ilinniutigeqaakka.<br />
- Taamaattumik oqaloqatigiittalernerput<br />
assut iluaqutigaarput, taamatullu ilisimatitseqatigiittarnermisusassareqatigiinnermi<br />
paaseqatigiinneq. Sapinngisannguatsinnik<br />
immitsinnut pisarpugut; sunaana pigipput?<br />
Sunaana pigiga?<br />
● JJuuaaaannnnaa: - Aliasuutit nanertuutillu oqaluuserinissaat<br />
pingaarutilerujussuartut<br />
massakkut isigivagut. Ullumikkut ippassarlu<br />
pisimasut oqaloqatigiissutigipallattariaqarput.<br />
Immitsinnut misigissutsikkut nakkarsartuassanngikkutta<br />
suna aliasuut, misigisat<br />
oqaatsillu eqqartupallattariaqartarput<br />
marluulluni. Piaartumik eqqartuipallattarneq<br />
uatsinnut oqinnerulersitsinikuuvoq.<br />
Toqqortiinnarnagit imminut nuanniilliortiinnarnani<br />
eqqartupallannissai pingaaruteqarpoq.<br />
Assit: Mikael Biilmann<br />
9