At flytte hjemmefra - paarisa

Kaaka angisuunik anguniagaqartuuvoq siunnerfi-
gisani aalajangiuttarlugu – atuarfimmi pikkoris-
suuvoq – toqqarniakkani nalornissutiginagit. Anga-
joqqaani ajunngitsut asannittullu tapersersortigai.
Kaaka Lynge Larsen (massakkut 18-inik ukioqartoq)
2006-imi aggusti tikillugu inuunermini ilungersor-
nartunik ajornartorsiortarsimanngilaq. Kisianni
ukiup affakkaarlugit marloriarluni efterskolemiit-
taraluarluni iluatsitsinngitsoortarneq niviarsiaq-
qap nukissaqarfiginagulu sianiutimigut artorpaa.
Kaakap inuunermini atugarliornerpaaffini nammineq
pisuussutigisamisut isigisani tamaallu akisussaaffigiumasani
oqaluttuarigamiuk isai immatsertuinnaapput.
qallunaatulli qallunaatut oqalloritsiginissaq
Angajoqqaama ilinniartitsisumalu oqaasii naalaannarsimasariaqaraluarpakka.
Tamarmik Aasianni
ilinniarnertuunngorniarfimmukaqqugaluarpaannga.
Ilami tiguneqareeraluarpunga, kisianniliuna
tassa isumaqarama qallunaatut oqalunneq qallunaatulli
ilikkartigisariaqariga (taamaangajalluinnarporlu,
aaqq.). Isumaqaraluarama meeqqat
atuarfianni naggasiutaasumik misilitsinnermi
qallunaatoornermut karakterera pitsaavallaarnavianngitsoq,
kisianni 11-rpunga, ajugaasimaarnini
isertorpiarsinnaanagu oqarpoq.
Taamaakkaluartoq qamani nipip sunnerniarsaraa
Rantzausminde Efterskolemut aallaqqullugu, tassanili
pissutsit atuartitsinerlu Kaakap naatsorsuutigisaanut
naapertuutinngivipput.
Naatsorsuutigigaluarakku nutaanik ilikkagaqassallunga.
Kisianni taamaattoqanngivippoq. Tassani
atuartunit pikkorinneruvunga. Matematikimut
oqaatsinullu tunngasunik taakkunannga ilisimasaqarneruvunga,
taamaammallu sivitsunngitsoq
avaanngusulerpunga. Atuaqatima amerlanersaat
uannut ajunngitsuupput, ataasiakkaalli ’fucking
grønlænderimik’ taagorlunga kalaaliuninnik
akerartortarpaannga, Kaaka oqaluttuarpoq.
Kaaka ilinniartitsisunut ”unnerlukkiartunngilaq”.Taamaaliornis-
sanimi ersigaa. Imaassinnaam-
mat suli ajornerusumik nalaataqarluni.
Qaammatit marlunngo-
raluartullu taamaatiinnarpoq.
sinnattupalaat
Ikinngutaa Kerteminde Efterskolemi atuarsimavoq
atuarfillu nersualaarlugu.
Anaanama ikiorlunga tassani inissarsivaanga,
aammalumi taanna pitsaaneroqaaq. Kisianni ajorteriivinnikuuvunga.
Ullut arfineq-marluk ingerlanerinnaanni
5 kg-nik oqilivunga. Nerineq ajorpunga,
unnuakkullu assut sinnattupiluttarlunga.
Sunali peqqutaanersoq paasilluanngilara, tassami
atuaqatikka ajunngikkaluarput, aamma oqaatsitigut
ajornartorsiuteqanngilanga.
Unnuakkulli oqimangertarpunga sinnattoralugu
anaanaga assut ajortumik nalaataqartussaasoq,
taamaammallu aamma iluamik sininneq ajorlunga.
Naggataatigut kiisa sapilivippunga. Kisianni
angerlarnissara qinnutiginianngilara. Isumaqarpungami
taamaaliornissara tulluassanngitsoq.
Kaakalli arnaa kiisa isumaalulivippoq.
Angerlarusuppit, Kaaka aperaa, taannalu iluaallatsitseqaaq,
tamannalu assut qujarullugu akueralugu.
Ukiup sinnera Uummannamiippoq aatami
biiliutilittut suliffiutaani ikiuuttarluni, aasarmallu
Sisimiuni angajoqqaaminut uteqqippoq. Kaaka
massakkut HTX-imi ukioq siulleq atuarpoq assullu
nunannaarluni.
suli ilerasuttuarpoq
- Kisianni ikerinnakkut uninnera suli ilerasuutigisarpara.
Angajoqqaannut aamma Kerteminde
Efterskolemi ilinniartitsisut ilaannut.
Kaaka ilerasukkunnaaqqullugu angajoqqaavisa
oqarfigisimavaat.
Aammalumi HTX-imi atuarnermi ingerlaneranik
nuannarinninnerata tamanna aanngartikkiartuinnarpaa.
Nakorsanngorniarusuppoq. Qularinngilaa
ukiut marluk sinnilaarlugit qaangiuppata Århusimi
universitetimi ilinnialeruni iluatsitsiumaarluni.
Tamannali nallertinnagu Spaniami AFS-erusuppoq.
- Spaniamiunukua oqaasii tusarnersut, Kaaka
taamak isumaqarpoq.
Oqaatigiumasani matuma inuusuttunut allanut anngunnissaa
Kaakap kissaatigaa: Angajoqqaassi
ilinniartitsisussilu siunnersuutaannut naalaarluar-
taritsi!
INUK · 13