des Fechtens im Rappier - Kard Rendje

A
Das dritte theil dises Bůchs.
Ein anders / wie du jhm (so er sein Wehr zů weit
auff die seiten fúhret) zůfechten solt.
Lso fúhret er sein Wehr zů weit gegen seiner Lincken / so Hauwe mit einem außtrit gegen seiner Rechten
seiten / von aussen vber seinem rechten Arm zům Kopff / vnnd als bald er demnach aufffehrt den zů
versetzen / so zůcke dein Wehr (in dem sie eben jetzt antreffen sol) von seinem Arm wider ab / vnnd fahr mir
derselbigen vnder der seinen durch / vnd Stich jm inerhalb seiner Wehr zům Bauch / wan du solchen stich
volbracht hast / so fahre behend mit ausgestrckter wehr gerad vbersich in die Oberhůt / zům streich vor dir
außgestreckt / auff das (wann er dir vnden weiter zůstechen würde) du jhm solches von Oben nider dempffen
kónnest.
F
Wie du dich gegen dem (der sein Wehr zů weit gegen
seiner Rechten fúhret) anschicken solt.
Iehret er nun sein Wehr zů weit (wie gesagt) auff sein Rechte / so mercks als bald du n erlangen kanst / so
Stich jhm eilents (ehe er sich dessen verficht) gerad von vornen gegen seiner Brust zů / wehrt er oder
versetzt dir den / so wende die halbe schneide gegen seiner Wehr vndersich / laß also dein klingen vnder
seiner gegen deiner Lincken durch sincken / vnd Hauwe demnach behendiglich von deiner Lincken gegen
seiner Rechten vberort schlims durch sein gesicht / also das dein klingen in solchem durch hauwen neben
deiner Rechten seiten hinder dir zů ruck durchlauffe / vnnd wider vmbschiesse in die Oberhůt des rechten
Ochsens / zůgleich in solchem vmmschnap
pen trit