s' Adrässverzeichnis Knochestampfer

Im Summer hämmir's nomol versuecht
S'zweite mol s'Rynacher Grimpeli buecht.
Trophäe hämmer keini könne heime näh
Obwohl jede vo uns sys beschte het gäh.
Und öbbis wöt i do au nit vergässe
Im August hämmer bim Roland im Garte gässe.
Ohni unsere Spanier gohts halt ebe nit,
Dangge Vince, dini Paella isch eifach dr Hit.
No gar nid lang simmer zämme gsässe
Und hän z'Alischwil im Forsthuus zämme gässe
Dr Santiglaus het aline Kinder e Päckli brocht
Und dr Mario het in dr Kuchi feins Gschnätzlets kocht.
Dr Alain het uns alli überrascht
Als Wilhelm Tell mit sym Gascht
Alain, wenn Di s'Gschäft z'fescht duet schluuche
Denn frog mol dr Almi, vilicht cha dä no eine bruche.
Jetzt wött ich nid länger schnuure
Ich hör jo scho Euri Määge knurre
Ich wünsch Euch jetzt e gueti Zyt
D'Frau Fasnacht isch nümme so wyt.
Wenn's am zweite März vieri schloht
Und's am Nomidaag in die neui Route goht
Mache mir uns wieder uf e Wäg
Und gniesse si, die der scheenschte Dääg.
Eure Peter
3