WINTERTRENDS SAISON 19/20

PRODUKTE DIE EINE SCHLAGZEILE WERT SIND
Head bringt ein neues revolutionäres Skihelmsystem mit Visier. Für unsere kleinen Racer gibt es von Fischer einen speziellen Europapark-
Ski. Telemark im Aufschwung: neue Schuhe, neue Bindungssysteme und dazu passende Skis. BlackCrows-Skis aus Frankreich
mischen die Touren und Freeride Szene auf. Scarpa hat seine Tourenschuhkollektion total überarbeitet – leichter, stabiler und eine
noch bessere Passform. Zamberlan trifft den Nerv der Zeit und bringt einen Bergschuh mit S3-Sicherheitsnorm. New Balance
versucht sich in der Fussballwelt neben Adidas, Nike und Puma zu positionieren. Das Hallenschuhsortiment wird mit Mizzuno und
Kempa stark erweitert. Die Marke Stuco, bekannt für starke Sicherheitsschuhe, bringt neu einen Schwingerschuh. Völkl designt
seinen erfolgreichen Slalom-Ski in einer Limited-Edition – edel schwarz. Rossignol entwirft die schönste Damenski-Kollektion seit
Jahren – NOVA. Stance-Socken haben die coolsten Designs. K2 Mindbender 90Ti, Build to blast. Fritschi – schon wieder eine neue
Bindung – Xenic federleicht. I-Thermic von Odlo wärmt von innen, wenn du es brauchst.
NEUBAU
Mit dem geplanten Neubau wollen wir uns für die Zukunft rüsten.
Direkt neben dem bestehenden Gebäude entsteht eine neue Lager-
und Administrationshalle. Wir werden in Zukunft zwei Lager
führen. Einerseits das Handlager, welches sich im bestehenden
Gebäude befindet und andererseits das Reservelager, welches sich
im Neubau befindet. Jeden Morgen werden verkaufte Artikel vom
Reservelager in den Laden und ins Handlager nachgerüstet.
Zudem werden die Online-Bestellungen direkt aus dem Reservelager
genommen und für den Versand vorbereitet. Im Herbst wollen
wir mit den Bauarbeiten starten, um dann im 2021 einziehen zu
können. Ab Januar 2020 dürfen Sie sich auf einen weiteren Meilenstein
freuen. Dann wird nämlich unser neuer Onlineshop 2.0 lanciert.
ERINNERUNGEN AN HANSRUEDI BERGER
Im Dezember 2018 ist der Gründer, unser Patron, Grossvater, Vater und bester Freund Hansruedi Berger still und leise eingeschlafen.
Er hatte ein schönes Alter erreicht und trotzdem waren wir alle geschockt. Hatte er doch noch immer grossen Einfluss auf das tägliche
Business und war in die Planung des neuen Gebäudes voll involviert.
Der Hansruedi Berger isch am 5. April 1933 als Sohn vom Gottlieb und
der Lina Rosa Berger in Zäziwil uf d Wält cho. Är het 5 Gschwüschterti
gha. Wo der Hansruedi jährig isch gsy, isch d Familie Berger uf Konolfinge
is Dörfli züglet.
Der Hansruedi Berger isch auso ä Ur-Konolfinger – är isch im Dörfli id
Schuel, het im Winter aube d Iisbahn gnosse, wo si gmacht hei, isch
hie konfirmiert worde u het sini Jugendjahr hie verbacht.
Der Vater vom Hansruedi Berger isch Schuehmacher gsy. Wos bi ihm
sälber um d Bruefswahl isch gange, het är lang überleit, was är einisch
wot mache u het sich vo verschidnige Lüt, wo är guet kennt u vertrout
het, la berate. Irgendeinisch het är i somne Gspräch der Tipp übercho,
dass wahrschindlech d Lüt o in Zuekunft immer Schueh alege u dass
das drum es sichers Gschäft söt sy. U so het är sich entschide, ou
Schuehmacher z lere.
No während sire Lehrzyt isch sy Vater gstorbe u so het der Hansruedi
parallel zur Usbildig müesse luege, dass der elterlech Betrieb louft.
Das isch e strängi Zyt gsy – tagsüber het är glehrt u am Abe und
ir Nacht d Schueh vo daheime ufbereitet. Me muess sich vorstelle,
dass ds Gschäft denn no ganz anders het funktioniert aus hüt. D Lüt
ufem Land hei viu gschaffet u sy no nid glich mobil gsy. U so het der
Hansruedi d Schueh, wo me het müesse flicke, mitem Töffli bi de Lüt
abgholt, bi sich ir Schuehmacherei gflickt u när wieder usglieferet.
1956 het är d Hedwig Läderach lere kenne u de o ghürate. U so isch
der Hansruedi Vater vore Tochter worde – der Silvia. Ir Zwüschezyt
het är sis Elterehuus chönne übernä – u die drü hei im Dörfli gwohnt.
1963 isch de boue worde. Der erscht Teil vom Lade und es chlises
Lager isch entstande. I dere Zyt het der Hansruedi ä erschte Agstellte
gha. Ds Gschäft isch glichzitig Wohnhuus gsy u das erklärt, dass sini
Tochter d Silvia e liideschaftlechi Schuehverchöiiferin isch worde. U
glich – trotz dere änge Verchnüpfig vom Gschäft und em Private isch
immer mal wieder Zyt gsy für d Familie. Si sy zäme fürnes paar Tag ga
Ski fahre uf Zermatt oder hei schüsch öpis sportlechs ungerno. Sowieso
isch Sport ä grossi Liideschaft gsy vom Hansruedi Berger. Es het
chum öpis gä, wo är nid gärn gmacht het: Langlouf, Biathlon, Hockey,
Skifahre, Tennis, Golf u no vil meh. We är näb sim Gschäft mal chly
Zyt het gha, het är bim Sport chönne uftanke u nöi Energie sammle.
Ir Zyt vo 1963 – 2002 isch ds Lädeli vo eim Agstellte uf 60 MitarbeiterInne
gwachse. Stück für Stück isch aboue worde und chliini Filiale
ir Umgäbig hei chönne eröffnet wärde. Füre Hansruedi Berger isch
immer wichtig gsy, dass jedi Rächnig und alli Löhn pünktlech zahlt
wärde. U glichzytig het är überall, wo är nume het chönne, versuecht
no ä Franke uf d Syte ztue für irgendeinisch wiiter z boue.
Wül “numeˮ Schueh verchoufe für Ihn mit der Zyt ä chly längwilig wär
gsy, isch ds Sortimänt nah dis nah mit Sportartikle ergänzt worde. U
so isch am Berger Schuhe no es Sport aghänkt worde.
Mittlerwiile het sich i sire Familie o ganz vil ta. Der Hansruedi Berger
u sini Frou hei sich gschide. Während vilne Jahr isch är mit der Verena
Stucki ungerwägs gsy. Sini Tochter het 1985 der Toni Rindlisbacher
ghürate. So het der Hansruedi Berger 2 Grosschind übercho – der
Bruno u d Priska – und mittlerwiile sogar 3 Urgrosschind: d Yael,
d Malin u der Finn Jamie. Är hets gnosse, öpis vo sire Liideschaft füre
Sport u sire Begabig chönne witer z gä. Öpis, wo ihn nämlech bsunders
het uszeichnet, isch ds “Exakt-syyˮ. Bi allem, wo är gmacht het,
ischs ihm wichtig gsy, dasses ganz gnau isch – ganz exakt sy d Schueh
gflickt worde, ganz gnau het är der Huushalt gmacht. U so het är o vil
sine Grosschind zeigt, wie mä no chli gnauer chönnt Loubsägele oder
no es bizzli exakter öpis chönnt baschtle.
Scho lang het der Hansruedi Berger gspürt, dass ds Gschäft im Dörfli
us allne Näht platzt u mä dert nid cha vergrössere. U wöll är gwüsst
het, dass die 2. Generation Toni & Silvia u o die 3. Generation Priska
& Bruno wärde nachecho, het är es grössers Bouprojekt gstartet. Vor
11 Jahr het mä – ohni ds alte Gschäft z schliesse – i 4 Tag a Haldeweg
abezüglet – derthäre wo Berger Schueh & Sport itz isch.
Mit däm grosse Bouprojekt het är no einisch öpis dörfe erläbe, wo är
so gärn het gha: ds Boue! Är het sich interessiert für Boustell und Bouvorhabe
und settigi Projekt gärn äng begleitet u beobachtet.
Bis am Schluss isch der Hansruedi Berger aktiv und interessiert gsy,
was gschäftlech, ir Familie und im Dorf alles louft. D Famile, alli Aghörige
u Mitarbeiter wärde sis Vermächtnis i sim Sinn u mit sine Wärte
wiiterfüehre.
3