DYNA-PENTOXIFYLLINE SR 400 mg - Pharma Dynamics

INDIKASIES:
Simptomatiese verligting van intermitterende kloudikasie, geassosieer met chroniese
okklusiewe arteriële versteurings van die ledemate en trofiese ulkusse. Pentoksifillien
mag die funksie verbeter en ook simptomatiese verligting verskaf. Raynaud se sindroom.
KONTRA-INDIKASIES:
Hipersensitiwiteit teenoor enigeen van die bestanddele.
Pentoksifillien moet vermy word in serebrale bloeding, ekstensiewe retinale bloeding, en
akute miokardiale infarksie. Dit moet met omsigtigheid gebruik word by pasiënte met
iskemiese hartsiekte of hipotensie. Pentoksifillien mag die uitwerking van
antihipertensiemiddels versterk. Hoë parenterale dosisse Pentoksifillien mag die
hipoglisemiese werking van insulien by diabetiese pasiënte verhoog. Pentoksifillien moet
nie saam met ketorolak toegedien word nie, omdat berigte van 'n verhoogde risiko van
bloeding en/of verlenging van die protrombientyd ontvang is. Die dosis Pentoksifillien
moet moontlik in nierversaking aangepas word.
Swangerskap en laktasie:
Die veiligheid tydens swangerskap en laktasie is nie vasgestel nie.
WAARSKUWINGS:
Gebruik met omsigtigheid by pasiënte met sirrose.
DOSERING EN GEBRUIKSAANWYSINGS:
Tensy andersins deur 'n geneesheer voorgeskryf, is die gemiddelde dosis een DYNA-
PENTOXIFYLLINE SR 400 mg wat twee tot drie keer per dag na maaltye geneem word.
Dit moet heel ingesluk word met toereikende hoeveelhede vloeistof (ongeveer 'n halwe
glas). By pasiënte met inkorting van nierfunksie (kreatinienopruiming onder 30 ml/min)
mag 'n dosisvermindering van ongeveer 30% tot 50% noodsaaklik wees. 'n
Dosisvermindering is noodsaaklik by pasiënte met ernstig ingekorte lewerfunksie.
6