September

Virwuert vun de Presidenten
FC Brouch a Jugendkommissioun
VIRWUERT TOURNOI DES JEUNES 2012
Als President vum F.C. Brouch freeën ech mech iwwert d’Dynamik
vun eisem Veräin am Jugendberäich. Déi nei gegrënnte
Jugendkommissioun ënnert dem President Patrick Doemer schafft
mat Begeeschterung am Sënn vun de Kanner a Jugendlechen aus
eiser Gemeng an den Nopeschgemengen.
Allerdings sinn ech nach ëmmer der Meenung, datt et misst méiglech sinn, datt
d‘Jugendkommissioune vun der U.S. Béiwen an dem F.C. Brouch an enger éischter
Etapp ganz enk a konstruktiv zësummeschaffen an an noer Zukunft souguer eng eenzeg
Kommissioun ustriewen. Ech si mer bewosst, dass dat am Moment nach e fromme
Wonsch ass, mee ech ginn d‘Hoffnung net op, datt verstänneg Leit och verstänneg
Gedanke féieren.
E ganz grousse Merci den Traineren Vibeke a Serge Merges, Georges Gilson, John
Thilmany, Luc Meisch a Charel Heusbourg. Net ze vergiessen, de Sacha Doemer an de
Jerry Weber, déi bei deene ganz Klenge gehollef hunn.
Jules Wampach
President F.C. Brouch
Léif Jugendspiller a Sportsfrënn
D’Jugendkommissioun vum F.C. Brouch ass de Januar 2012 an
d’Liewe geruff ginn an ënnerstëtzt elo d’Organisatioun vun dësem
Turnéier. Mir erwaarden eis flotte Fussball op dësem Dag a wënschen
allen Equippen bonne Chance, grad esou wéi fir d’Saison 2012-2013.
De Fair-Play soll un éischter Plaz stoen.
Mäin éischte grousse MERCI geet un d’Organisateure vun dene leschte 7 Joeren.
E grousse MERCI och un all d’Equippen mat hiren Traineren, den Arbitteren, eiser Gemeng,
den Elteren, eise Sponsoren an alle Leit, déi eng Hand mat ugepakt hunn, dësen Turnéier
op d’Been ze stellen. Ouni är Ënnerstëtzung wär dëst alles net méiglech.
Patrick Doemer
President Jugendkommissioun F.C. Brouch