TANYA SO ZISTWAR

Recommendations

Info

Inside front Gover:Layout 1 3/5/13 8:09 PM Page 1 Sa zistwar ki zot pou lir la, li pa zis enn zistwar. Li enn kiksoz ki kapav ariv ninport ki sanla, ki to ris ou pov, noir ou blan… Li kapav ariv nou zanfan mem… Anou pran kont ! Tou personaz ki paret dan sa liv la zot pirman fiktif. Tou resanblans ek enn dimounn reel, vivan ou mor, li pirman enn kwinsidans.
Pg 1:Layout 1 12/13/12 9:46 PM Page 1 Bann zanfan bien vilnerab dan nou sosiete. Akoz sa ena fwa zot viktim abi sexiel oubien explwatasion sexiel. Kan sa arive, li devwar lazistis pou pini sa bann kriminel-la. Me mo lexperians kouma DPP montre ki tro souvan sa bann ka-la pa vinn divan lakour oubien zot pa raporte mem. Mo pe demann mwa si pa nou pa pe fayir kouma enn nasion parski bann kriminel ki abiz zanfan pe reisi sape depi dan file lazistis. Ena boukou rezon ki finn idantifie pou explike kifer bann ka pa pe raporte oubien pe abandone kan ariv lakour. Parmi sa bann rezon-la, li akoz laont ki sa reprezante pou paran ek zanfan-la. Souvan enn fami pros inplike, alor fami-la les tonbe. Zot prefer piblik pa kone ki finn ariv zot zanfan. Paran panse ki lakour pou tromatiz zanfan-la ankor. Zot per ki zanfan-la bizin reponn boukou kestion. Paran ek zanfan trouve ki lanket lapolis li stresan. Dan enn zourne reflexion ki mo biro ti fer an kolaborasion lanbasad Amerikin ek bann exper ki travay ek zanfan dan Lamerik, nou ti diskit ek plizir lorganizasion ki konserne par bien-et zanfan. Nou finn diskite kouma pou kree kondision propis pou ki paran ek zanfan vinn delavan pou ki denons koupab-la. Solision-la li sinp li. Informasion kapav amenn boukou lalimier. Sa band desine ki nou pe distribie-la, se pou explik paran, profeser, zanfan ek popilasion anzeneral kouma sa pase kan bizin al raport enn ka ki inplik enn zanfan ar lapolis. Li inportan ki odepar mem lapolis ki spesialize dan bann ka zanfan, pran lanket ek enn zanfan. Bizin koz enn langaz ki zanfan-la kapav konpran ek ki zanfan-la si kapav exprim li. Bizin met zanfan-la dan enn lanvironnman kot li santi li ansekirite. Enn stasion lapolis kouma nou kone li kapav fer enn zanfan intimide ek zot kapav refiz koze. Samem ki dan sertin pei zanfan donn zot depozision lapolis ek dan lakour atraver bann intermedier ki koz langaz zanfan. Lakour osi konsian ki problem zanfan ena kan li depoze. Lakour asir li ki so depozision fer dan labsans piblik ek li fer de fason ki ka-la pran vit. Me parfwa li pa fasil. Pa bliye osi ki enn akize li zouir la prezonpsion inosans ek li bizin gagn enn prose zist ek ekitab. So avoka pou bizin kont-interoz zanfan la pou met version so klian divan lakour. Nou ena enn long sime pou nou ale. Li inportan ki sakenn zwe so rol dan sosiete, paran, profeser, lotorite ek popilasion anzeneral pou ki bann ki responsab abi ek explwatasion sexiel zanfan pa sap depi file lazistis. Satyajit Boolell, SC Direkter Pourswit Piblik Mesaz
Page 1: Front Cover:Layout 1 12/13/12 3:35
Page 5 and 6: Pg 3:Layout 1 12/13/12 9:42 PM Page
Page 13 and 14: Pg 11:Layout 1 12/13/12 9:53 PM Pag
Page 19 and 20: Pg 17:Layout 1 12/13/12 10:01 PM Pa
Page 27: Back Cover:Layout 1 3/10/13 4:15 PM

TANYA SO ZISTWAR

Create successful ePaper yourself

Delete template?

Save as template?