LowCarbDirect.net Issue 03

Banting
is nie ‘n hoë
proteïen dieet nie
24 | LowcarbDirect Directory - Issue 3 - October 2016
Deur Madele Burger
Selfs nadat daar al soveel oor LCHF, of, in my geval,
banting, geskryf is, is daar steeds mense wat dink
dat as jy van banting praat, jy van ‘n hoë proteïen
dieet praat. As dit dan nie ‘n hoë proteïen dieet is nie, hoe
kry jy meer vet in sonder om meer proteïene in te neem?
Die geheim is dat ‘n mens nie noodwendig meer proteïene
inneem nie, maar wel proteïene met ‘n hoër vetinhoud.
Ons eet nie hompe vet nie, maar konsentreer net op vetter
kosse. Die maklikste manier hoe ek dit onthou, is om
te konsentreer op die kosse wat vir so lank taboé was, die
kosse met die hoë ‘cholesterol’!
In die verlede sou ons die droë hoenderborsies sonder
die vel verkies, nou eet ons eerder die heerlike, sappige
hoenderdye en -boudjies, met die vel en stukkie vet aan.
Die proteïen het dus nie meer geword nie, net die vet.
Voorheen is verkondig: Eet eerder net die eierwit, los die
geel. Dít kon ek natuurlik nooit regkry nie. Nou eet jy die
hele eier, met geel en al, en nie net drie eiers per week nie,
maar soveel soos jou liggaam vra!
Hoekom sal ‘n mens afgewaterde 2% melk gebruik as jy
alias Toortsie
(https://toortsie.com)
lieflike volroommelk kan gebruik? Of sommer net room?
Dieselfde geld vir laevet joghurt, fetakaas, roomkaas en
margarien, wat vervang word deur dubbelroom joghurt,
normale fetakaas, volroom roomkaas en natuurlik, botter!
Hoe moeilik kan dit nou wees?
Die stukkie vet aan die vleis wat jy voorheen sou afsny, of
die vet wat jy sou afgooi as jy ‘n bredie kook, word nou
behou en heerlik aan gesmul. Dis immers die vet wat die
heerlike geur aan die kos gee!
Ag, en dan is daar afval, lewer in netvet (skilpadjies),
niertjies, beesstert en -tong, alles kosse wat ons net
op ekstra spesiale geleenthede kon eet omdat dit so
‘ongesond’ is, wat ons nou na hartelus mag geniet sonder
om een oomblik skuldig te voel daaroor.
Moenie die avokado’s, neute, kaas, biltong en droëwors
vergeet nie!
Eet daardie vet, dis daar gesit vir ons eie gesondheid.
Maar die heel belangrikste, geniet dit!
Toortsie
Groetnis