JAWACANA-APRIL-2018
JAWACANA edisi perdana April 2018
JAWACANA edisi perdana April 2018
Create successful ePaper yourself
Turn your PDF publications into a flip-book with our unique Google optimized e-Paper software.
<strong>APRIL</strong> <strong>2018</strong> EDISI 01<br />
Dinas Kebudayaan<br />
Daerah Istimewa Yogyakarta<br />
TABLOID BASA JAWA<br />
GRATIS<br />
Ria Papermoon<br />
4<br />
Cerkak :<br />
Rahwana gugat<br />
6<br />
Praja Cihna<br />
8<br />
Kuliner:<br />
krenyos<br />
9<br />
Dhemit<br />
biyung tulung<br />
10<br />
Wong kalang<br />
Kotagede<br />
15
Editorial<br />
02<br />
Negarakertagama,<br />
pupuh 2 sloka 1<br />
dening Aditya Bayu<br />
Sekapur Sirih<br />
SYUKUR Alhamdulillah, Tabloid Jawacana<br />
edisi siji bisa kababar. Kabeh mau awit<br />
panyengkuyung, panjurung donga, lan<br />
pambiyantune masyarakat DIY. Dinas<br />
Kebudayaan DIY tansah terus angudi amrih<br />
lestari lan ngrembakane kabudayan Jawa,<br />
mligine ing babagan basa lan susastra.<br />
Kanggo nyengkuyung Keistimewaan DIY,<br />
Dinas Kebudayaan DIY duwe kagiyatan<br />
Pembinaan, Pengembangan Bahasa dan<br />
Sastra. Salah sijine cara kanggo mujudake<br />
kagiyatan kuwi mau, Dinas Kebudayaan DIY<br />
nerbitke Tabloid Jawacana kang duwe<br />
pangajab bisa nggugah para nom-noman<br />
supaya seneng marang basa, susastra, lan<br />
kabudayan Jawa. Mula anggone bebasa ing<br />
sajroning nulis artikel, ora ana aturan baku.<br />
Babagan iki bisa dadi salah sijining gambaran<br />
menawa Basa Jawa ing satengahe masyarakat<br />
iku panci wis megar-mulur. Sakliyane kuwi,<br />
panerbitan tabloid iki uga kanggo ngraketke<br />
masarakat modern supaya ora adoh seka<br />
kabudayan Jawa.<br />
Edisi siji kang terbit ing wulan April iki<br />
ngrembug babagan wanita kanggo mengeti<br />
pahlawan R.A. Kartini. Wanita tansah nyengkuyung<br />
mbangun kabudayan Jawa kang<br />
adiluhung. Wanita uga sabar lan telaten<br />
ngajari anak kang dadi panerus pangarsane<br />
bangsa Indonesia.<br />
Mekaten kanthi rasa bombonging manah, lan<br />
nyuwun pangestu dhateng warga DIY,<br />
muga-muga Tabloid Jawacana iki bisa<br />
katampa utamane kanggo para nom-noman<br />
lan kabeh wae kang isih seneng nguri-uri<br />
budaya Jawa, mligine babagan basa lan<br />
susastra. Memuji marang Gusti, muga-muga<br />
Tabloid Jawacana bisa terbit terus kanthi<br />
langgeng. Tan ana panjangka kang bisa<br />
katampa tanpa jumangkah. Matur nuwun.<br />
Drs. Umar Priyono, M.Pd.<br />
Kepala Dinas Kebudayaan<br />
Daerah Istimewa Yogyakarta<br />
SEJARAH<br />
Langenkusuma, korps prajurit<br />
Srikandhi Kasultanan<br />
Ngayogyakarta<br />
..............................................kaca 3<br />
TOKOH<br />
Ria Papermoon lan sejarah<br />
dawa Papermoon<br />
PARIWISATA<br />
Papan-papan wisata anyar<br />
Gunungkidul<br />
RAMALAN<br />
Pranata mangsa<br />
Mangsa kasepuluh<br />
(Srawana)<br />
........................................kaca 4<br />
.....................................................kaca 5<br />
............................................................kaca 8<br />
kanggo sapa wae<br />
kanca-kanca sing arep<br />
ngirim tulisan, artikel, foto,<br />
gambar ilustrasi, lan<br />
liya-liyane bisa diemail ing:<br />
jawacana@gmail.com<br />
NGUDA RASA<br />
Hoax sajrone<br />
Bharatayuda<br />
..................................................kaca 12<br />
Dinas Kebudayaan<br />
Daerah Istimewa Yogyakarta<br />
tim redaksi.<br />
PENANGGUNG JAWAB<br />
Drs. Umar Priyono, M.Pd.<br />
REDAKTUR<br />
Erlina Hidayati Sumardi, S.I.P., M.M.<br />
Drihardono, S.Sos.<br />
Paksi Raras Alit<br />
Iwan Pribadi<br />
EDITOR<br />
Fajar Wijanarko<br />
Y. Novi Marginingrum<br />
Agib Tanjung<br />
Rony Agung<br />
LAYOUT<br />
Idan Rusdini<br />
Novindra Dhiratara<br />
Anung Srihadi<br />
JURU GAMBAR<br />
Aditya Wijang<br />
Antomatis<br />
SEKRETARIAT<br />
YAL. Vishnu Satyagraha<br />
Dian Korprianing Nugraha<br />
Siti Nurhilmi Nihayati<br />
Daru Sukendro
03<br />
Gambar Prajurit padha prang, seka naskah Serat Gandhakusuma (SK 80) Koleksi Museum Sonobudoyo<br />
Langenkusuma, korps prajurit<br />
Srikandhi Kasultanan Ngayogyakarta<br />
Aja ngremehke wong wadon! Ukara kuwi<br />
kaya-kayane trep menawa para pria<br />
jaman saiki wanuh bab sejarah. Sejatine<br />
ora ana istilah ‘emansipasi’ kanggo<br />
wanita jaman mbiyen. Apa meneh ukara<br />
patriarki sing bakale dadi bumerang<br />
dhewe kanggo para pria. Aja gumun<br />
menawa nusantara nyathet sejarah<br />
wanita perkasa wiwit jamane Sultan<br />
Agung.<br />
Abad XVII, Sultan Agung (jumeneng taun 1613-1646)<br />
nduweni prajurit estri senajan durung dadi korps kaya<br />
prajurit-prajurit kakung. Ananging, aja ngremehke marang<br />
wanita jaman kuwi. Anggone olah gandhewa, kerbin,<br />
tekaning keris uga wis wasis. Apa meneh cacahe prajurit<br />
estri iki ora sithik, nganti 150 wong.<br />
Sejarah prajurit estri bajur winaris neng Kasultanan<br />
Ngayogyakarta. Wiwitane Pangeran Mangkubumi, putra<br />
Amangkurat IV milih campuh yudha nglawan Landa, wiwit<br />
kuwi para wanita sing melu gerilya padha wasis perang.<br />
GKR. Ageng, prameswari Pangeran Mangkubumi, nalika<br />
mbobot calon putra makhuta, RM. Sundoro kudu ditinggal<br />
neng pereng Gunung Sindoro. Kabeh kudu dikemonah<br />
dhewe. Mangsa prihatin sing ndadekke Ratu Ageng ora<br />
kaya ratu, uga putra makutha, RM Sundoro ora kaya<br />
sentana raja. Ratu Ageng ora mung njaga putra lan awake<br />
dhewe seka mungsuh wong Landa, nanging uga njaga<br />
seka kewan wengis ning tengah alas. Para emban sing<br />
ditinggal prajurit perang ya uga wasis anggone njaga<br />
awake dhewe-dhewe.<br />
Nganti pungkasaning perang, taun 1755, Pangeran<br />
Mangkubumi lumantar prajanjen Giyanti banjur jumeneng<br />
nata. Sesebutan misuwure Sri Sultan Hamengku Buwana<br />
I. Para sentana lan pendherek Sultan HB I padha pindah<br />
seka panggonan alas tumuju ning Pesanggrahan<br />
Ambarketawang. Setaun sakwise prajanjen Giyanti, taun<br />
1756, Sultan HB I ngedhaton lan tekan saiki tinandha<br />
sinengkalan memet Dwi Naga Rasa Tunggal sing isa ditemoni<br />
ning regol Gadhung Mlathi utawa regol Kemandungan<br />
Kidul.<br />
Jumenenging Sultan ing Kasultanan Ngayogyakarta<br />
nadhakke menawa negara wis isa nemoni ayem tentrem,<br />
gemah ripah, loh jinawi. Kahanan kuwi ora banjur dadi<br />
lenane Sultan. Kekuwatan militer keraton tetep dikuwati.<br />
Gene ya prajurit estri, calon korps Langenkusuma banjur<br />
digawe. Salah sijining tugas pokok korps Langenkusuma<br />
dadi prajurit kawal ‘njaga’ pribadi Sultan. Saben dina Setu,<br />
miturut sejarawan Inggris, Peter Carey, korps prajurit estri<br />
iki padha gladhi tumbak ning Alun-alun pungkuran karo<br />
nunggang jaran. Tangane katon wasis antarane dolanan<br />
tumbak ning tangan kiwa, lan ngendhaleni lakune jaran<br />
seka tangan tengen. Menawa dibayangke jaman saiki,<br />
mesthine ora bakal ana sing wani nggodha putri-putri<br />
kaya mengkono.<br />
Sakwise Sultan HB I surud taun 1792, Raden Mas Sundoro,<br />
putra makutha banjur jumeneng nata. Dene sesebutane<br />
kaya ramane, Sri Sultan Hamengku Buwana, jumeneng<br />
kaloro. Ing paprentahan Sultan HB II, korps srikandhi<br />
kraton tambah gencar ‘terus-terusan’ dhaftari para bangsawan<br />
putri sing ayu lan jalma limpad supaya dadi anggota seka<br />
korps prajurit estri. Ora arang, putri-putri pejabat bupati<br />
utawa putri bangsawan, penggedhe ning desa-desa pada<br />
ditarik dari anggota prajurit keparak estri. Nalika taun<br />
1790an, Sultan HB II wis nduweni 16 korps resimen keraton.<br />
Cacahe prajurit punjul saka 1000, kurang luwih penere<br />
1765. Durung meneh prajurit estri sing cacahe ana 300an<br />
dhewe. Mula jaman kuwi, Sultan II ora geter menawa kudu<br />
prang yudha Geger Sepehi, lawan Inggris.<br />
Crita bab korps Langenkusuma banjur bali nyeret meneh<br />
Ratu Ageng. Ing jamane Sultan HB II, Ratu Ageng, prameswari<br />
Sultan HB I, sing uga ibune Sri Sultan HB II dadi panglima<br />
prajurit keparak estri. Heman Willem Daendels nalika<br />
olehe mertamu ning kraton, Juli 1809 kaget ngewaske<br />
para srikandhi-srikandhi kang wasis padha olah tumbak.<br />
Keris sing semlempit ning bangkekan kiwane, gene ana<br />
kerbin ning bangkekan tengene nuwuhke rasa wah tur<br />
ya was-was. Srikandhi-srikandhi iki sing bakale dadi bebaya<br />
marang Landa sesuke. Meksa isih wasis nalika olah senjata,<br />
Ratu Ageng sing wis ngunduri enom banjur mesanggrah<br />
ning Tegalrejo. Pesanggrahan sing dadi panggonan nggulawentah<br />
Pangeran Diponegoro, pangeran sing bakal dadi<br />
ontraning Landa nalika Perang Jawa taun 1825-1830.<br />
Ora mung Ratu Ageng, ana meneh Ratu Kencana Wulan.<br />
Prameswari ketelune Sultan HB II sing uga diwedeni karo<br />
Daendels. Peter Carey nulis menawa Ratu Kencana Wulan<br />
yaiku wanita seka golongan biyasa nanging ayu, kendel,<br />
uga pinter. Bekas komandhan prajurit srikandhi dadi sijisijining<br />
estri sing wineden marang marsekal. Ratu Kencana<br />
Wulan nalika bedhahing Ngayogyakarta taun 1812, bakale<br />
dadi inceran prajurit Sepoy merga nduweni barleyan<br />
gedhene sak jempol sikil, sing disimpen neng njero sumur.<br />
Crita Langenkusuma durung mandheg ning kono. Nalika<br />
Geger Sepehi wis kelakon dadi, prajurit estri iki sing malah<br />
dadi tameng kanggo Sultan. Para pangeran utawa bupati<br />
nayaka malah milih golek slamete dhewe. Ana pangeran<br />
sing ndelik ning mburi regol-regol kedhaton, mlayu ning<br />
kampung-kampung sakiwa-tengene kraton, utawa ngidul<br />
ning Imogiri, papan pesareyan para leluhur.<br />
Raden Ayu Wandan, prameswari putra makutha (calon<br />
Sultan HB III), putri Raden Tumenggung Yudokusumo<br />
(Bupati Grobogan, Wonosari) dadi crita sejarah nalika<br />
nyuduk Letnan Hector Maclean. Pimpinan resimen<br />
Buckinghamshires sing nemen tatune kuwi banjur ora isa<br />
dislametake lan kudu dikubur ning Yogyakarta nalika 25<br />
Juni 1812. Prastawa kuwi kedadeyan nalika Raden Ayu<br />
dipeksa bakal diboyong marang Letnan Maclean seka<br />
keputren. Ana kabar sing nyebutke menawa raden ayu<br />
kuwi ora diboyong, nanging arep diculik kaya nalika<br />
prastawa Geger Pecinan ning Kasunanan Surakarta. Mulane<br />
ora gumun nalika raden ayu sing wasis anggone olah<br />
senjata banjur milih ‘campuh jurit’ mbela awake dhewe<br />
tinimbang kudu melu Inggris.<br />
Tekaning pungkasan taun 1812, uga dadi pungkasane<br />
Geger Sepehi, para prajurit estri banjur ‘dilereni’ anggone<br />
olah senjata. Sultan HB III, sing dijumenengke marang<br />
Inggris uga kudu manut menawa korps resimen kraton<br />
diilangi. Prajanjen antarane Inggris lan Sultan iku tembe<br />
mburine bakal ndhesuk langgenging korps srikandhi.<br />
Prajurit winasis tur sangar iki dipeksa bubar, senajan<br />
saknyatane ora prung bubar. Korps srikandhi bangsawan<br />
sing kendel bakal ditemoni nalika bedhahing Perang Jawa.<br />
Tokoh Raden Ayu Yudokusumo lan Nyi Ageng Serang<br />
bakal dadi crita dhewe nalika Perang Jawa. Raden Ayu<br />
Yudokusumo, putri Sultan HB I sing ora gelem dipindah<br />
seka kabupaten nalika pungkasan Geger Sepehi. Pribadine<br />
raden ayu sing teges meksa ora bakal lunga menawa ora<br />
Sultan HB III dhewe sing dhawuh. Ora suwe, ‘aneksasi’<br />
Raffles marang Sultan banjur kasil ‘ngusir’ raden ayu.<br />
Kabeh urusan sing ana gayutane marang kaluwargane<br />
dirantasi dhewe.<br />
Raden Ayu Yudokusuma jebul ora isa dianggep remeh.<br />
Rasa ora senenge marang Bangsa Cina sing dadi antekantek<br />
Inggris nalika Geger Sepehi banjur diwujudake dadi<br />
perang. Apa meneh, utang bojone, Bupati Grobogan-<br />
Wonosari sing akeh marang cukong-cukong Cina ning<br />
Jawa Timur nambahi rasa ora senenge. Cukong Cina sing<br />
senengane nindhes sewenang-wenang marang rakyat<br />
disengiti banget karo raden ayu. Mula tanggal 17 September<br />
1825, raden ayu ngatur siyasat perang kanggo ‘mbantai’<br />
cukong Cina ning Ngawi. Prastawa kuwi bener kadadeyan,<br />
raden ayu sing pinter tur ganas ora ana sing isa ngendheg.<br />
Gempuran marang Cina neng Ngawi dadi crita dhewe<br />
bab srikandhi kraton sing ora tau ilang. Buktine nalika<br />
Perang Jawa, Raden Ayu Yudokusumo dadi panglima<br />
kavaleri senior pasukan Diponegoro. Papan tugase ana<br />
ing mancanegara sisih kidul, banjur gabung marang Raden<br />
Tumenggung Sosrodilogo, neng Jipang-Rejegwesi nalika<br />
perang nglawan Landa antarane 28 November 1827 tekaning<br />
9 Maret 1828.<br />
Ana meneh crita bab srikandhi kraton seka Semarang.<br />
Garwa seka pensiyunan bupati, Kyai Adipati Suroadimenggolo<br />
IV, wanita keturunan Arab sing orang mung pinter tur<br />
nduwe pendhidhikan apik. Wanita iki sing dadi cikal bakal<br />
anake, Raden Mas Sukur melu gabung marang Diponegoro<br />
lumantar dadi prajurit seka Pasukan Pangeran Serang II<br />
neng Demak. Wanita sing banjur dingerteni jenenge Basah<br />
Joyosundargo ora gelem melu nyerah bareng anak lan<br />
mantune. Mula kepeksane wanita iki banjur ditembak<br />
mati nalika digrebeg ning desa Pangiran, Gunung Persodo.<br />
Antaraning taun 1825-1827, wanita iki sing dadi ‘andhelan’<br />
para srikandhi kanggo nyedhiyani mesiyu kanggo desa<br />
ning sisih kulon Yogya iku. Lantaran kuwi, wanita iki isa<br />
nekakke dhuwit kontan lan ‘barang berharga’ jaman<br />
semono iku emas lan beras kanggo dhukung Perang Jawa.<br />
Pungkasaning crita bab Langenkusuma, srikandhi kraton<br />
sing ora tau mati. Para raden ayu sing ora isa diremehke,<br />
sing ora mung ayu tur ya pinter. Raden ayu iki ora kaya<br />
sastra pungsananing abad XIX sing nulis menawa bangsawan<br />
putri iku kaya boneka, nengsemke nanging ora nduwe<br />
daya. Takdir raden ayu iki kaya ta Srikandhi neng crita<br />
Bratayudha. Gandhewane ora tau mingkup, panahe ora<br />
tau mandheg nganti Bisma ambruk ing satengahe medan<br />
laga. (ark)<br />
Keris sing<br />
semlempit ning<br />
bangkekan<br />
kiwane, gene ana<br />
kerbin ning<br />
bangkekan<br />
tengene nuwuhke<br />
rasa wah tur ya<br />
was-was.<br />
Srikandhi-srikandhi<br />
iki sing bakale dadi<br />
bebaya marang<br />
Landa sesuke.
TOKOH<br />
04<br />
Ria Papermoon:<br />
Basa Jawa<br />
kuwi intim<br />
Ria Papermoon ngakoni<br />
nek ora isa Basa Krama mlithis,<br />
mung ngerti sithik-sithik,<br />
nanging nek Basa Jawa Ngoko<br />
dhewekke faseh.<br />
Owahing jaman,<br />
lakuning kala, mesthi nggawa<br />
lan duwe konsekwensi.<br />
Kaya ta ing babagan Basa<br />
Jawa, sapisan meneh Basa<br />
Jawa kudu luwes ngadhepi<br />
majuning jaman, supaya<br />
Basa Jawa tetep bisa<br />
langgeng ing kahanan sing<br />
sarwa modern iki.<br />
RIA Papermoon ngakoni nek ora isa Basa Krama<br />
mlithis, mung ngerti sithik-sithik, nanging nek Basa<br />
Jawa Ngoko dhewekke faseh. Lair tekan sekolah<br />
SMA neng Jakarta, mbasan kuliah tekan seprene<br />
manggon Jogja. Ria ajar Basa Jawa wiwitane seka<br />
ngrungokke ibu lan simbahe sing nek ngendikan<br />
mesthi nganggo Basa Jawa.<br />
“Dadi neng ngomah kuwi jaman cilikanku<br />
wis kulina krungu Basa Jawa,” jarene durung<br />
suwi iki pas ketemu karo Jawacana.<br />
Ria uga crita nek suwargi bapake kerep<br />
ndongengi wayang lan ngrungokke uyon-uyon<br />
neng radio nek arep ngeloni turu saben wengi.<br />
Ing atase dudu wong kelairan Jogja, nanging<br />
Ria wis akrab marang ukara-ukara Jawa.<br />
Sakploke kuliah, Ria manggon Jogja lan<br />
srawung karo kanca-kanca sing ‘native’ Basa<br />
Jawa. Banjur gelem ora gelem, Ria ajar lan<br />
lancar ngomong Basa Jawa. Arep kuwi kanca<br />
dolan apa kanca nyambut gawene, kabeh<br />
ngomong nganggo Basa Jawa. Seka kono Ria<br />
niteni nek posisi lan fungsi Basa Jawa kuwi<br />
isa dibedakke marang basa liya, kaya Basa<br />
Indonesia lan Basa Inggris.<br />
“Basa Jawa ngoko kuwi duwe fungsi khusus<br />
kanggo komunikasi, mligine komunikasi sing<br />
luwih akrab lan intim marang kanca utawa<br />
SALAH sawijining kelompok lan produk seni<br />
sing dadi kebanggaane Jogja, lan wis kondhang<br />
misuwur nganti negara manca, yaiku Teater<br />
Boneka Papermoon. Buktine wis ajeg diundang<br />
pentas neng negara-negara benua Amerika,<br />
Asia, Eropa, Australia, lan sak liyane.<br />
Papermoon wis madeg seka taun 2006, dadi<br />
saiki wis rolas taun. Maria Tri Sulistyani (36), utawa<br />
kondhang diudang Ria Papermoon, seka mbiyen<br />
pancen wis nduwe cita-cita dadi seniman. Kejaba<br />
uga seneng seni rupa, Ria uga duwe bakat neng<br />
seni pertunjukan, kuwi kabeh dikolaborasekke<br />
dadi wujud Teater Boneka Papermoon bareng<br />
karo Iwan Effendi (38), bojone.<br />
Ria kuliah neng Ilmu Komunikasi Universitas<br />
Gadjah Mada (UGM), nanging Iwan sing mandhegani<br />
babagan artistik lan visual Papermoon mbiyen<br />
kuliah neng Institut Seni Indonesia (ISI) jurusan<br />
Seni Lukis. Antarane seni teater lan seni rupa<br />
kuwi mau dadi alesan kenangapa kok boneka<br />
sing dadi objek seni kelompok Papermoon.<br />
Boneka ora bisa diuculke seka donyaning<br />
bocah cilik. Wis identik menawa boneka kuwi<br />
mesthi srana kanggo tontonane bocah cilik.<br />
Papermoon uga mentasake naskah-naskah<br />
kanggo penonton bocah.<br />
Nanging kejaba kuwi, uga akeh naskahe<br />
Papermoon sing temane dewasa, kaya ta tema<br />
revolusi, cinta, sing uga ora cocok kanggo<br />
bocah. Dadi saktenane segmen pasare jembar<br />
sapa wae sing dianggep ‘cedhak’. Ana swasana<br />
sing beda antarane ngobrol karo uwong<br />
nganggo Basa Inggris, Basa Indonesia, utawa<br />
Basa Jawa. Olehku gojek, ece-ecenan, garap-garapan<br />
karo kanca, kuwi sajak luwih<br />
luwes nek nganggo Basa Jawa,” ngono jarene<br />
seniwati iki.<br />
Ewadene Teater Boneka Papermoon kuwi wis<br />
pentas ing pirang-pirang negara, lan Ria uga faseh<br />
ngomong nganggo Basa Inggris, nanging tetep isa<br />
ngetrapke Basa Jawa miturut fungsine. Yaiku basa<br />
srawung sing intim lan akrab.<br />
“Aku nek workshop neng manca, utawa nek<br />
ngisi seminar teater boneka mesthi basane<br />
Inggris utawa Basa Indonesia. Lan saktenane<br />
nggenahke konsep produk seniku Papermoon<br />
kuwi luwih penak nganggo Basa Inggris, merga<br />
universal. Nanging aku tetep trilingual lah<br />
dadine, telung basa kuwi mau dicakke miturut<br />
papan lan fungsine. Dadi nganggo basa kuwi<br />
empan papan,” miturut Ria.<br />
Ngajari anak trilingual, telung basa<br />
Ria lan Iwan sing lagi duwe anak siji umur<br />
rong taun, uga duwe kongsep dhewe bab<br />
ngajari komunikasi marang anake. Ora isa<br />
dipaido nek jaman saiki wis arang banget<br />
lan luwes banget, kanggo bocah ana, kanggo<br />
dewasa ya ana. Taun iki rencanane arep gawe<br />
pentas naskah anyar neng Jogja.<br />
Adate nek arep nonton pentas Papermoon<br />
kuwi kudu antri utawa pesen tiket adoh dina<br />
sakdurunge. Merga Papermoon kuwi nek gawe<br />
pentas ora tau massal, dadine penontone<br />
terbatas, paling akeh dibatesi 200 penonton.<br />
Jumlah penggemar Papermoon tambah akeh<br />
sakploke Papermoon muncul neng film Ada<br />
Apa Dengan Cinta (AADC) 2. Ana cerita sing<br />
lucu, sakploke AADC 2, studio Papermoon<br />
banjur dadi jujugan wong-wong sing arep padha<br />
wong tuwa ngajari anake Basa jawa, apa meneh<br />
Basa Jawa Krama.<br />
Ria uga ngamini kahanan kuwi. Ria lan bojone<br />
nyarujuki nek media komunikasi utama ing kaluargane<br />
yaiku Basa Indonesia. Merga Basa Indonesia<br />
pancen paling gampang dingerteni karo bocah.<br />
Dadi ‘basa ibu’ neng keluarga Ria yaiku<br />
Basa Indonesia. Basa Inggris uga diajarke<br />
seka buku cerita, internet, merga pancen<br />
keluarga kuwi ameh saben taun lunga manca<br />
negara kanggo pentas, dadi sangune Basa<br />
Inggris uga kudu disiapke.<br />
Nanging ing atase keluarga seni lan keluarga<br />
modern, Ria uga sithik-sithik ngajari anake<br />
Basa Jawa. Paling gampang seka lagu-lagu<br />
tembang dolanan anak. Seka lagu-lagu kuwi,<br />
mboko sithik diajari nilai-nilai budaya Jawa<br />
kaya ta salim, pamit nek arep lunga, lan liyane.<br />
Kaya carane Ki Hadjar Dewantara, ngajari<br />
bocah bab kabudayan nganggo tembang-tembang.<br />
Basa Jawa ngoko kuwi<br />
miturute Ria basa sing paling gampang<br />
disinaoni. Apa meneh manggon lan srawung<br />
neng Jogja. Dadi Ria yakin lan ora kuwatir,<br />
mengko anake cilik bakal isa dhewe komunikasi<br />
nganggo Basa Jawa. Amarga lingkungane<br />
‘native’ Basa Jawa. (pal)<br />
Sejarah dawa Papermoon<br />
selfie, kamangka studio Papermoon kuwi<br />
saktenane ora dibuka reguler kanggo umum<br />
sing bisa dileboni saben dina.<br />
Ria lan sakanca dadi repot nampiki wongwong<br />
sing rumangsane isa sakwayah-wayah<br />
mara neng studio banjur nonton pentase utawa<br />
latiane Papermoon.<br />
Papermoon uga duwe agenda pagelaran<br />
‘Pesta Boneka’ sing dianakke neng Jogja saben<br />
rong taun pisan. Acara iki ngundang lan<br />
nglumpukke seniman-seniman teater boneka<br />
sakdonya. Taun ngarep gelaran iki bakal ana<br />
maneh. (pal)<br />
Kesetaraan<br />
lan emansipasi<br />
wanita wiwit<br />
seka ngomah<br />
NENG satengahing kaluwarga iki (Ria-Iwan), kongsep<br />
emansipasi wanita ditrapke temenan kanthi komitmen<br />
sing disarujuki bebarengan. Tugas lan gawean ngomah<br />
ora didum miturut gender, sing wedok kudu ngapa sing<br />
lanang kudu ngapa. Kabeh dicekel sapa wae sing sela.<br />
“Aku ki ya ndilalah beja entuk bojo kaya Iwan. Ingatase<br />
dheweke kuwi seniman seni rupa sing pemikirane modern,<br />
lan kanca-kancane ‘manly’ banget. Dheweke kuwi wis sarujuk<br />
lan sepakat bab kesetaraan gender. Dadi gawean<br />
ngomah kuwi dheweke apa-apa isa, ya momong anak, ya<br />
apa-apa isa dilakoni. Sing ora isa kuwi mung nyusoni anak<br />
kok, hehehe.” Manteb Ria olehe nggenahke bab iki.<br />
Pancen isu-isu bab kesetaraan gender kuwi bola-bali<br />
diswarakke lan diwacanakke neng satengahe masyarakat.<br />
Nanging Ria duwe kongsep sing luwih modern bab kuwi.<br />
Miturute Ria, emansipasi wanita kudu wis luwih adoh seka<br />
simbol ‘wong wedok dadi direktur, apa wong wedok dadi<br />
sopir truk’, ngono.<br />
“Kartini modern sing nyata kuwi yaiku wong wedok sing<br />
isa dirungokke idene, gagasane, karyane, lan disarujuki<br />
masyarakat sekitare. Dadine ora mung simbol gerakan-gerakan<br />
emansipasi sing ndokok wong wedok dadi semacam<br />
korban. Nek wong lanang wis isa nganggep wong wedok<br />
kuwi mung beda masalah jinis kelamin thok, lan isa ngregani<br />
lan ngormati wong wedok ‘as a human’ sing setara neng<br />
sakabehe, nah kuwi lagi arti kesetaraan wanita.” Tambahe<br />
Ria.<br />
Kongsep kuwi wis dipraktekke neng kaluwargane Ria.<br />
Wiwit seka ngomah Ria lan bojone wis nyebal seka kongsep<br />
patriarki sing wis dadi tradisi neng budaya Jawa. Anggepan<br />
wong wedok kuwi ‘swarga nunut, neraka katut’ wis ora<br />
kanggo neng sajrone kaluwargane Ria. Kabeh rata ‘setara’,<br />
adil. Mulai seka gawean ngomah nganti gawean seni pangupajiwa,<br />
kabeh ditandangi kanthi kongsep setara antarane<br />
Ria lan Iwan.<br />
“Bojoku kuwi tipe wong Jawa asli nanging pikirane wis<br />
modern. Dheweke ngormati aku minangka manungsa,<br />
sing mung beda fisik. Dadi dheweke ya ora isin ngumbahi<br />
klambi, ngasahi piring, setrika, momong anakku nek pas<br />
aku lagi lunga pentas neng manca negara. Ora akeh lho<br />
wong lanang Jawa sing gelem ngono kuwi. Diawali seka<br />
kongsep kuwi aku dadi wanita rumangsa luwih diregani<br />
lan dihormati. Salah sijine kunci suksese Papermoon kuwi<br />
ya seka kongsep kesetaraan wiwit seka ngomah kuwi.<br />
Dadi aku lan Iwan isa berkolaborasi tanpa batesan gender<br />
lan kasile apik.” Ngono panutupe Ria. (pal)
05<br />
PARIWISATA<br />
Papan wisata<br />
papan-papan wisata anyar<br />
neng wilayah kabupaten<br />
Gunungkidul sing mulai<br />
populer neng instagram<br />
jembatan kaca pantai Nguluran<br />
1. Tol Buntung Puncak 4G<br />
PAPAN wisata iki jenenge Puncak 4G. Sing<br />
kerep krungu tapi durung ngerti, 4G iku singkatan<br />
seka ukara Gunung Genthong Gedangsari<br />
Gunungkidul, bukit sing jarake limang kilo<br />
seka kota kecamatan Gedangsari, yaiku kurang<br />
luwih sakjam seka kutha Jogja.<br />
Mlebune isih gratis. Nek dolan mrene, mung<br />
mbayar dhuwit parkir rongewu rupiyah kanggo<br />
sepedha montor, limangewu rupiah kanggo mobil.<br />
Panggonan iki apik tenan kanggo nyawang srengenge<br />
angslup (sunset) bareng kanca-kanca.<br />
2. Watu Ireng Pengkok<br />
ISIH neng wilayah Gunungkidul, ana neng<br />
wilayah Dusun Srumbung, Desa Pengkok,<br />
Kecamatan Pathuk. Sing kondhang seka papan<br />
wisata iki yaiku pemandhangan srengenge<br />
muncul (sunrise) ing wayah isuk.<br />
Gunung Ireng iki papan sing paling dhuwur<br />
ing wilayah Srumbung. Watu-watu sing ana<br />
neng kana padha karo watu sing neng Gunung<br />
Api Purba Nglanggeran lan Gunung Api Purba<br />
Batur.<br />
Nek kowe numpak sepedha montor, mlebu<br />
neng papan wisata iki mung dikon mbayar<br />
limangewu rupiah kanggo parkir lan tiket. Aja<br />
lali sangu jajan lho ya!<br />
3. Jembatan Kaca Pantai Nguluran<br />
Ora ana enteke nek arep dolan ning Gunungkidul.<br />
Meh saben sasi mesthi ana panggonan<br />
anyar sing dibukak lan isa dinggo ngilangake<br />
rasa kesel awak lan ati.<br />
Contone objek wisata siji iki, sing diarani<br />
Jembatan Kaca Pantai Nguluran. Wong-wong<br />
sing padha dolan mrene iki ora arep dolanan<br />
pasir utawa renang, nanging arep foto-foto.<br />
Papan wisata iki pancen apik banget dinggo<br />
foto apa wae. Pre-wedding ya wangun.<br />
Jembatan kaca iki ana neng pinggir jurang,<br />
dadi nek awak dhewe ngadeg neng jembatan<br />
iki, bakal isa weruh dhasare jurang karo tebing<br />
sakkiwa tengene lan segara sing ana ing<br />
sakngarepe.<br />
Nah, nek dolan mrene, kowe mung perlu<br />
cepak sepuluhewu rupiyah kanggo mlebu, lan<br />
rongewu rupiyah kanggo parkir sepedha montor.<br />
Mosok ya larang? Rak ya ora ta…<br />
4. Pantai Kesirat<br />
Neng pantai iki kowe ora bakal weruh pasir<br />
putih sing biyasane ana ing pantai umume.<br />
Nanging kowe bakal weruh tebing sing curam<br />
sing kena kanggo mancing lan plataran suket<br />
sakkiwa tengene.<br />
Kowe uga bakal weruh siji-sijine wit sing ana<br />
ing pantai iki, sing diarani wit Gebangkoro.<br />
Ning pantai iki, kowe uga isa masang tendha<br />
kanggo kemah karo kanca-kanca. Nanging<br />
kudu eling, aja ninggalke sampah apa wae<br />
supaya papan iki tetep apik lan lestari.<br />
Nek kowe kemah ning Pantai Kesirat, aja<br />
lali nyawang srengenge angslup lan lintang<br />
ing wayah bengi. Joss banget pokoke!<br />
5. Gunung Keruk Nglipar<br />
Seka kota Jogja, Gunung Keruk Nglipar iki<br />
jarake sekitar 40 km, utawa nek numpak kendharaan<br />
pribadi kira-kira 1,5 jam suwene.<br />
Pancen rada adoh, nanging kowe bakal weruh<br />
pemandhangan sing beda seka panggonan<br />
wisata sakliyane. Apa meneh nek kowe neng<br />
Puncak Gunung Keruk iki pas srengenge muncul<br />
utawa pas angslup. Seka puncak Gunung<br />
Keruk, kowe bakal weruh Gunung Sewu sing<br />
baris jejer lan Gunung Merapi seka kadohan<br />
merga saking dhuwure papan iki.<br />
Watu-watu ning Gunung Keruk iki beda karo<br />
watu ing sing ana ing pegunungan Gunugkidul<br />
umume. Nanging watu-watune malah padha<br />
karo watu ing Gunung Api Purba Nglanggeran<br />
lan Gunung Api Purba Batur.<br />
Nek arep mlebu panggon wisata iki isih gratis.<br />
Kowe mung perlu mbayar parkir wae. Ha<br />
piye? Wis siap pariwisata durung? Gek ndang,<br />
dijamin marai bungah!<br />
Foto dan teks kiriman seka gundhissos<br />
Watu Ireng<br />
Pengkok<br />
Tol Buntung<br />
Gunung<br />
Keruk
jawaban:<br />
kathok dawa<br />
Pemenang:<br />
FAIZAL NOOR SINGGIH<br />
Jl Kaliurang km 4,5 nomer 39, Kocoran,<br />
Caturtunggal, Depok, Sleman,<br />
Yogyakarta<br />
08562876864 / 08987075166<br />
noor_singgih@yahoo.com<br />
STELLA MARIA<br />
SMA Negeri 2 Yogyakarta<br />
Perumahan Bale Asri P15,<br />
Gamping, Sleman,<br />
Yogyakarta<br />
081946845773<br />
dstellamaria15@gmail.com<br />
Macapat<br />
DHANDHANGGULA -<br />
Tarjamah Al- Quran Surat An-Nisaa[4]: 59<br />
Dening : Lutfianto, SS (Ki Lutfi Caritagama)*<br />
He wong mukmin sira kabeh iki<br />
Sira padha ngestokna mring Allah<br />
Lan ngestokna utusane<br />
Sarta Panguwasamu<br />
saka sira kabeh<br />
Lamun sira padha berdondi<br />
Utawa pasulayan<br />
Perkarane mau<br />
Balekna perkara mring Allah lan Nabi<br />
Kuwasa ing kiyamat<br />
*Guru Bahasa Jawa SMAN1 Pajangan Bantul Yogyakarta<br />
Alumni Sastra Jawa UGM<br />
POCUNG – kancil<br />
Dening : Paksi Raras Alit – Mantradisi<br />
Kocap kacariyos risang bapa pocung<br />
Owah aweh jaman<br />
Tegal sawah tanpa tani<br />
Sato kancil wuwus kelangan sasana<br />
Bapa pocung kancil nora nyolong timun<br />
Owah aweh donya<br />
Jalaran mati lan mukti<br />
Sato kancil ngalap bandhaning manungsa<br />
KINANTHI – love song<br />
Dening : Paksi Raras Alit – Mantradisi<br />
Menawi diajeng purun<br />
Samudra sat saguh mami<br />
Nggayuhi lintang sepindah<br />
Datan ajrih anglakoni<br />
Jalaran saking katresnan<br />
Lair batos dugi pati<br />
Aduh yayi kenya nghulun<br />
Mangertosa jroning galih<br />
Kaimpi-impi kawangan<br />
Atiningsun angresepi<br />
Kuwatos menawa cidra<br />
Jur mumur supenaneki<br />
NGLAKONI urip dadi dhalang kuwi pancen gampang-gampang angel.<br />
Gampange yen lagi pas musim hajatan akeh wong sing nanggap<br />
pagelaran ringgit wacucal utawa wayang kulit sedalu natas. Kadhangkadhang<br />
sedina sing nanggap ora mung siji nanging punjul seka loro<br />
cacahe, njalari padha rebutan anggone golek dhalang sing apik kanggo<br />
wayangan, kalebu aku, ya ora sombong nanging aku iki kalebu dhalang<br />
sing lumayan moncer neng daerah kene. Kuwi kepenake, nanging<br />
rekasane ya mesthi ana, ya kuwi yen pinuju lagi sepi ya kudu prihatin.<br />
Prihatin tenan, amarga dhalang kuwi biasane ora dhewekan. Dheweke<br />
kudu tanggungjawab marang rombongane yaiku para niyaga, sindhen,<br />
lan liya-liyane. Dadi yen dhalange ora kepayon, otomatis wong sak<br />
rombongan ya ora entuk hasil.<br />
Wengi kuwi aku lagi nyelehake sirah neng bantal sakwise padu karo<br />
ibune bocah-bocah. Apa maneh sebabe yen ora uba rampe neng pawon.<br />
Bojoku wadul lan nesu-nesu amarga wis rong minggu iki aku ora isa<br />
“njurung srakah.” Wong lanang sapa sing ora kemritik atine yen kudu<br />
nampa swara-swara sing ngabangke kuping. Wiwitane ya isih isa sabar<br />
ning suwe-suwe ya kudu ditanggapi tinimbang kedawa-dawa. Aku dudu<br />
Puntadewa, Sang Nata neng Ngamarta sing sabare ngedab-edabi. Aku<br />
iki dhalang sing biasane entuk keplok lan sorak penonton, digumuni<br />
suluk lan sabetane, diguyu yen lagi nglucu, pokoke dadi lelanange<br />
jagad sak madyaning yuda aran pagelaran ringgit wacucal. Ee…lha kok<br />
diunek-unekke bojone. Tangan iki kudu kumlawe nggo gawe mingkeme<br />
lambene bojoku sing wiwit mau ora leren-leren anggone guneman.<br />
Saiki dheweke turu neng kamare bocah-bocah, purik. Ya wis ben, sesuk<br />
mesthi ya wis bali normal maneh.<br />
Lagi wae nyoba ngeremke mripat iki, nalika dumadakan ana swara<br />
lawang dithothok.<br />
Thok..thok..thok!<br />
“Kula nuwun, kula nuwun pak Gito.”<br />
Kanthi liyep-liyep aku ngurupke lampu ruang tamu. Sapa ya kira-kira<br />
wengi-wengi ngene mertamu? Apa ora prayoga yen sesuk wae?<br />
“Sinten nggih?”<br />
“Kula, Sumpeno saking Giriwungu!” panyaute suwara neng njaba.<br />
Jeneng kuwi durung nate dakrungu sakdurunge, Sumpeno sing endi<br />
ya? Wah, mesthi pawongan iki kongkonan sing duwe gawe. Atiku kebak<br />
pangarep-arep. Hmm, rejeki teka tan kena kinira. Ora apa-apa arepa<br />
kudu meh tengah wengi aku nemoni tamu iki. Kanthi gita-gita aku<br />
mbukak kunci lawang. Bareng dakbukak lawang kuwi, ndaheba kagete<br />
yen neng njaba peteng dhedhet, aku ora bisa nyawang apa-apa. Kabeh<br />
peteng lelimengan. Dakcoba melekke mripat iki ning rumangsaku padha<br />
wae, melek apa merem kabeh mung peteng lan peteng! Ora watara<br />
suwe, rumangsaku ana cahya sing cumlorot saya suwe saya gedhe lan<br />
bareng aku sadhar rasane awakku wis lungguh neng kursi kayu. Nanging<br />
kena apa iki? Tangan lan sikilku ditaleni karo kursi persis kaya durjana<br />
sing kecekel lan siap kena paukuman. Babar pisan aku ora isa obah,<br />
ambeganku sesek, sirahku rasane abot banget, bisaku mung kelapkelip,<br />
iki aku ana ngendi?<br />
Dumadakan ana pawongan nyeraki aku. Pawakane gedhe dhuwur<br />
kanthi cahya netrane sing abang mbranang. Rambute ireng kaku.<br />
Brengose kandel lan rada brewok gawe praupane ketok saya serem<br />
lan angker. Ndhuwurane nglegena tanpa nganggo klambi. Awakke<br />
gagah pideksa. Otot-otote metu nuduhake yen asring olah kanuragan.<br />
Ning kenapa aku ora ngerti, rumangsaku pawongan kuwi nduwe<br />
pangaribawa sing kuwat. Ana aura sing gawe sapa wae bakal nggregeli<br />
yen adhep-adhepan karo dheweke.<br />
“Gito, kowe isih kelingan aku?” pitakone sora. Ambegane seru lan<br />
abot. Swarane gedhe lan merbawani. Ana rasa sing jero lan kaya nahan<br />
nesu nalika dheweke guneman. Durung nganti dakjawab dheweke<br />
nerusake tembung.<br />
“Iki aku, kowe tansah ngelek-elek aku. Ya dakakoni, aku sing nyolong<br />
Sinta lan dakgawa bali neng Ngalengka,” sambunge.<br />
Pikiranku nyandhak nalika dheweke nyebut jeneng Ngalengka, kuwi rak<br />
kratone Dasamuka, ya Rahwana sing jumeneng nata. Rahwana sing gawe<br />
ontran-ontran amarga nyolong Dewi Sinta seka guru lakine ya Sri Ramawijaya.<br />
Cekaking crita, Sri Rama njaluk tulung Subali lan Sugriwa sing nguwasani<br />
wadya bala wanara supaya nggrudug Ngalengka sing kabeh isine para<br />
raseksa. Akeh lakon sing dijupuk seka crita kuwi mau, ana Rama Tambak,<br />
Gugure Kumbakarna, lan ora lali Anoman Obong sing moncer dadi judul<br />
lagu kae. Wah, jebul pawongan sing gagah gedhe dhuwur kuwi Rahwana?<br />
Banjur apa karepe nyekel aku kaya ngene? Rahwana ya Dasamuka kuwi<br />
rak gur ana neng crita wayang, lha iki kok nitis dadi manungsa? Durung<br />
nganti bisa mikir sareh pawongan kuwi nerusake tembunge kanthi sora.<br />
“Iya, Aaa…aku ngerti, terus iki kena ngapa aku dibanda kaya ngene?,”<br />
pitakonku karo nggregeli.<br />
“Iki amarga pokal gawemu, aku njaluk keadilan,” semaure sora.<br />
“Keadilan apa? Aku kuwi gur dhalang sing menehi panglipur marang<br />
para sutresna wayang,” jawabku.<br />
“Ya amarga kowe dhalang aku njaluk keadilan, kowe tansah daksiya<br />
marang aku, kowe kudu ngerti Gito…kudu ngerti lan gelem ngrungoke<br />
aku,” kandhane kanthi mandeng. Aku tansaya kamigilanen, ora bisa<br />
njawab apa-apa.<br />
“Mangertiya Gito, aku wis ngumpulake kabeh punggawa lan wadya<br />
bala Ngalengka. Wus dakandharake kabeh mula bukane aku nyolong<br />
Sinta. Kabeh kuwi mau dudu amarga nepsu birahi sing kaya mbok<br />
sebut-sebut, ora!”<br />
“Yen amarga nepsuku, ora kangelan aku ngrudapeksa Sinta jer<br />
dheweke wis ana neng tanganku. Aku mung njaluk Sinta supaya gelem<br />
dadi garwa prameswari. Garwa sing dakarep-arep bakal nurunake<br />
putra-putra Ngalengka sing bisa gawe kuncarane negari. Kuwi amarga<br />
aku ngerti sapa saktenane Sinta, para Dewa wis ngandharake menawa<br />
Sinta kuwi saktenane titisane Dewi Sri, ya Dewi sing nyekel raharjane<br />
donya. Kanthi lumantaran Sinta, negara Ngalengka iki bisa rahayu,<br />
gemah ripah loh jinawi lan tata titi tentrem karta raharja kaya kandhamu<br />
nalika antawecana kae. Dadi niyatku apik, Gito, apik!”<br />
“Ya, apik. Nanging…nanging…caramu ku..kuwi ora bener?” kandhaku<br />
kanti nggregeli.<br />
“Ora bener kepiya ha?,” semaure karo nggetak.<br />
“Kabeh kuwi amarga aku tresna marang negaraku, aku pengen negaraku<br />
Sastra Jawa<br />
Cerkak:<br />
Rahwana gugat<br />
06<br />
bisa mukti. Mukti negarane amarga mukti kawulane. Mukti kawulane kuwi<br />
kudu diwiwiti seka ratune sing jejeg lan adil, ambeg palamarta, lan nduweni<br />
sikap satriya luhur. Mula kuwi aku ngendharat Sinta. Nanging kowe kudu<br />
ngerti, babar pisan aku ora nate meksa marang Sinta. Kanthi satriya aku<br />
njaluk dheweke supaya gelem dadi garwaku. Ya, pancen sakdurunge<br />
dheweke ora gelem minangkani panjalukku, nanging bareng ngerti sikap<br />
lan tindak-tanduke Sri Rama dheweke malih pikire. Sri Rama, priya sing<br />
jare tresna marang Sinta, nyatane ora nduweni sikap satriya. Dheweke ora<br />
gelem mapag Sinta neng Ngalengka malah njaluk tulung para wanara.<br />
Rama milih perang, adu-adu kekuwatan kanthi golek bala. Dheweke njanjeni<br />
Sugriwa lan Subali menawa unggul yuda bakal bisa nguwasani Ngalengka<br />
sakisine. Apa kuwi sing jenenge sikap satriya?”<br />
“Kowe ngerti, nalika Anoman sowan neng Ngalengka, karepe arep<br />
ngajak Sinta bali, lunga seka tamansari Ngalengka, nanging Sinta ora<br />
gelem amarga Sinta kuwi putri sing luhur, berbudi bawa leksana, ora<br />
kulina tinggal glanggang colong playu. Nalika semana Sinta weling<br />
marang Anoman supaya Rama dhewe sing methuk slirane.”<br />
“Kabeh wadyabala lan punggawa Kraton Ngalengka padha sarujuk<br />
marang aku lan sikapku kuwi. Kabeh sumadya labuh negari bela pati.<br />
Bebasan sedumuk bathuk senyari bumi Ngalengka bakal dilabuh labeti.<br />
Nanging siji sing rada dadi kuciwaning ati iki. Adhiku dhewe ya Wibisana,<br />
slirane malah mlayu lan melu mbelani Rama. Mesthi kowe wis ngerti<br />
apa karepe to? Amarga dheweke pingin kuwasa, pingin sinengkakake<br />
neng ngaluhur dadi jumeneng nata neng Ngalengka nanging kanthi<br />
cara-cara sing nista. Ah...saben manungsa nduweni lakon dhewe-dhewe<br />
lan kudu siyap nampa apa sing mbiyen tinandur.”<br />
“Adhiku sing liyane, Kumbakarna lan Sarpakenaka, arepa dheweke kuwi<br />
raseksa, rupane ala nggegirisi, nanging nduweni ati kang jujur tur luhur.<br />
Kumbakarna bekti marang negarane, sumadya lan ikhlas maju neng yuda<br />
lan tiwas dadi kusumaning negara. Aja disawang seka rupa lan busana!<br />
Aja nyawang seka netramu, Gito! Sawangen kanthi ati sing permati lan<br />
sliramu bakal ngerti apa kuwi bener kang sejati!”<br />
“Dadi menungsa aja emban cindhe emban siladan, tansah nyawang<br />
iki bener kae luput, aku mesthi bener lan kowe mesthi luput! Ora bisa!<br />
Neng bener kuwi ana lupute lan neng luput kuwi ana benere!”<br />
“Dadi dhalang kuwi kudu adil lan waskita, ora gampang gawe lakon<br />
amarga kabeh gumantung lathi, tangan lan pikirmu. Kowe kudu bisa<br />
milah lan milih. Kowe kudu isa ngonceki perkara. Ora mung seka bener<br />
lan luput, nanging uga becik lan ora becik, wangun lan ora wangun!”<br />
“Kowe kudu diukum Gito, kowe durung isa dadi dhalang sing luhur.<br />
Dhalang sing isa nuduhake tuntunan ora mung tontonan. Dhalang sing<br />
sejatine dhalang!”<br />
Aku nggregeli, ndrodhog ora karuwan krungu suwara pawongan<br />
gedhe dhuwur kuwi mau. Kabeh ukara lan tembunge rasane kaya ewon<br />
dom sing mlebu lewat kuping lan tumancep jroning sirah njalari rasane<br />
sirahku tansaya abot. Keringetku sakgrontol-grontol dleweran nelesi<br />
awakku kabeh. Aku ora isa suwala nalika pawongan kuwi mau nglolos<br />
pulanggeni ligan seka bangkekane. Keris kuwi mau cahyane cumlorot<br />
abang semu kuning. Kanthi alon dheweke nyeraki aku, netrane mandeng,<br />
sorote jero lan kebak rasa nesu sing ora bisa diampet maneh. Nalika<br />
tangan kuwi kumlawe, aku njerit sakrosane.... Tuluuuung!!<br />
Tanganku isih krasa dijagal dening wong pirang-pirang. Dakbukak<br />
mata iki, daksawang bojoku nangis ngaru-ara, anak-anakku kabeh uga<br />
padha nangis lan ngrangkul aku, “Bapak...bapaak...ampun seda riyin<br />
pak...ampun ninggalake kula pak....bapaak...!”<br />
Aku unjal ambegan landhung, kabeh padha lega amarga ngerti aku<br />
wis sadhar. Anakku sing mbarep age-age njupuk banyu putih sak gelas,<br />
diulungake, lan nyawang aku kanthi sorot sing kebak pitakon. Kabeh<br />
wong padha nyawang aku. Aku mung dheleg-dheleg.<br />
Penulis:<br />
Ari Sulistyo, lair neng Gunungkidul lan seneng nulis wiwit isih kuliah.<br />
Geguritan lan cerkak anggitane kamot neng buku antologi kampus lan<br />
Majalah Djaka Lodhang. Presenter Bahasa Jawa neng JogjaTV iki ngaku yen<br />
isih sinau nulis mligine basa Jawa. Saiki isih ngangsu kawruh neng<br />
Universitas Gadjah Mada jurusan S3 Studi Kebijakan.
07<br />
Sinau basa Jawa nganggo aksara Jawa apa tumon?<br />
PERKARA pasinaon basa Jawa saiki wis akeh owah<br />
gingsire, salah sawijine ya kuwi bab perkara murcane<br />
dayaning sastra Jawa, sastra neng kene kang<br />
mengku surasa teges tulisan, budaya Jawa kuwi<br />
gumantung banget seka prebawaning basa Jawa,<br />
semana uga basa Jawa ya ora isa pengkuh, bakoh<br />
tanpa aksarane.<br />
Akeh ing antarane awake dhewe kang ngungun,<br />
nyawang kahanan para kadang taruna, wiranem<br />
kang katon anggone wis wiwit padha ninggalke<br />
budaya Jawa, kalebu basa apadene aksara Jawa.<br />
Bab kahanan kang kaya mangkono isa disawang,<br />
mula seka kuwi kenangapa kok wacana bab aksara<br />
Jawa kuwi wigati banget, awit aksara Jawa kuwi<br />
wadhahing basa, basa kuwi wadhahing budaya.<br />
Sakwise dakcoba ngonceki neng pasinaon, saktenane<br />
sing isa gawe sekabehane kuwi isa lumaku,<br />
ya awit wis ucul uwale basa Jawa seka wadhahe,<br />
kang sabanjure kahanan kaya mangkono kuwi satemah<br />
mahanani kurang gregete putra siswa anggone<br />
padha nyinau basa Jawa lan budaya Jawa, awit<br />
ngrumangsani yen nyinau basa Jawa kuwi kuna,<br />
jadul, ora gaul lan sapanunggalane.<br />
Sekabehe pakarti sing ana gayute karo tata pasinaon<br />
basa Jawa, kang mawa aksara Jawa iki isa<br />
lumaku kanthi becik, awit sarana kapurba anane<br />
font utawa aksara Jawa, kang isa kagunakake sajroning<br />
ngetik neng piranti komputer, uga wis akeh<br />
cumawis kanthi maneka warna cakrik, mbuh kuwi<br />
kang isih mawa Ansi, apadene kang wis Unicode.<br />
Bali maneh kaya sing dadi ancasing rembug, yen<br />
jlentrehe laku cak – cakane pasinaon basa Jawa<br />
mawa aksara Jawa, supayane para siswa isa kapilut,<br />
lan ora wegah sarta nandhang susah nalika winulang,<br />
paling ora isa karantam mawa urut-urutaning<br />
laku kaya mangkene, iki saupama ana neng tataran<br />
SMA kang wus lumaku :<br />
Kawiwitana seka kelas X semester gasal, neng<br />
perangan iki siswa kawanuhake bab-bab apa wae<br />
kang ana gayute karo aksara Jawa, mbuh kuwi bab<br />
wujuding aksara, piwulang sajroning aksara Jawa<br />
(filosofi), sujarahe, sarta tata panulisan aksara<br />
Jawa, kanthi wahana film, video tembang, dolanan<br />
kang mawa jarwan (subtitle) aksara Jawa.<br />
Guru ngulinakake nulis sekabehe tembung, utawa<br />
ukara kang dadi sarining piwulangan mawa aksara<br />
Jawa, mbuh kuwi ana papan tulis apadene power<br />
point.<br />
Guru ngulinakae nulis pitakon-pitakon gladhen<br />
mawa aksara Jawa, lan ngajak supayane putra siswa<br />
mangsuli pitakone ugi mawa aksara Jawa.<br />
Menawa bab ndhuwur kuwi isa lumaku kanthi<br />
becik, mula sithik baka sithik neng samengkone<br />
putra siswa banjur dadi lan kulinane, sarta tuwuh<br />
rasa greget anggone maca apadene nulis mawa<br />
aksara Jawa, bab kuwi satemene gumantung karo<br />
greget.<br />
Mula bener apa kang dadi pangandikane para<br />
pepundhen luhur, jer kabeh mau kuwi mung gumantung<br />
ana neng niyat binarengan kas, ana niyat nanging<br />
greget kanggo ngepyakake ora ana ya ora<br />
bakal dumadi.<br />
Kaya pepethan endog kuwi, tata gelaring aksara<br />
Jawa kuwi katone sepele, nanging bab kang denanggep<br />
sepele kuwi, malah kepara kang isa handayani<br />
ucule tata paramasastra sajroning basa Jawa,<br />
neng jaman saiki wis katon, kaya ngapa para wiranem<br />
anggone nulis basa Jawa neng aksara Latin, mawut<br />
Geguritan<br />
KODE FOTO<br />
Mlebune isih gratis. Nek dolan mrene, mung mbayar dhuwit parkir rongewu rupiyah kanggo sepedha<br />
montor, limangewu rupiah kanggo mobil. Panggonan<br />
amburadul ora karuwan, awit kenangapa, ya merga<br />
wis akeh kang wis ora isa maca, lan nulis tembung-tembung<br />
Jawa sajroning aksara Jawane maneh. Ucule<br />
basa Jawa kang kaya mangkono, mahanani budaya-budaya<br />
Jawa kang sinengkuyung dening prabawaning<br />
basa uga saya kelangan pandhemen,<br />
ketoprak, wayang kulit, lan sapanunggalane.<br />
Upama basa Jawa kuwi isih lestari ora mung disinau<br />
kanggo pacelathon, nanging uga kasinau tata<br />
paramasastrane, sokur bage uga kasinau basa rinenggane<br />
(kasusastrane), neng mbok menawa<br />
wayang minangka tontonan isih isa lestari minangka<br />
tuntunan, kasunyatan neng madyaning bebrayan<br />
anggone padha seneng limbukan lan gara-gara, awit<br />
amarga kapurba kurange kawruh bab basa Jawa,<br />
mligi basa Jawa krama lan kang rinengga susastra.<br />
Mula seka kuwi, neng pasinaon basa Jawa neng<br />
pawiyatan SMA Negeri 2 Bantul, tata gelaring pasinaon<br />
basa Jawa kakulinakake mawa aksara Jawa,<br />
kalebu neng sekabehe tulisan neng gladhen lan<br />
ulangan-ulangan padinan, tumekane neng ujian<br />
semesterane, lire kabeh mau katulis sajroning aksara<br />
Jawa, wondene tata panulise aksara Jawa<br />
kalarasake karo tata panulisan paugeran Sriwedari,<br />
kaya kang wis dadi pasarujukan neng MGMP Bahasa<br />
Jawa SMA/MA/SMK Propinsi Daerah Istimewa<br />
Yogyakarta.<br />
Perkara kuwi minangka sarana nggladhi putra<br />
siswa, supayane neng samengkone isa, paling ora<br />
mangreteni tata cara kang bener mungguhing panulising<br />
tembung Jawa sajroning aksara Latin, awit<br />
nalika wis kulina nulis tetembungan Jawa sajroning<br />
aksara Jawa, mila banjur isa mbedakake neng antarane<br />
endi kang awujud aksara swara [a] jejeg, [a]<br />
miring, [i] jejeg, [i] miring, [u] jejeg, [u] miring, [e]<br />
pepet, [e] lan [e] taling, sartanipun [o] jejeg, lan [o]<br />
miring.<br />
Neng madyaning putra siswa jaman saiki, nalikane<br />
kaajak sinau kang ana gayute karo aksara Jawa,<br />
akeh – akehe lan kang wis dadi padatan mesti padha<br />
pating brengok, sambat yen kangelan, bab kang<br />
mangkene iki banjur coba kaudhar lumantar pitakon-pitakon<br />
kang gayut dadi dhasare bocah padha<br />
sambat mangkono kuwi, asiling pitakon ing purwaning<br />
pamulangan kapantha saperangan sababe,<br />
neng antarane :<br />
Putra siswa akeh kang aweh wangsulan yen<br />
arang-arang kagladhi aksara Jawa, adate aksara<br />
Jawa mung kanggo jejangkep, sauger mung<br />
disinau wandaning aksara, pasangan, sandhangan<br />
lan sapanunggalane, tanpa kinanthen wacan-wacan<br />
kang kadhapur tulisan Jawa, lumantar buku,<br />
apadene sarana liyane.<br />
Panganggepe putra siswa yen aksara Jawa<br />
kuwi kuna, wis ora ana prabawane neng jagad<br />
kang wis maju iki.<br />
Ana maneh saperangan kang duwe panemu yen<br />
nyinau aksara Jawa kuwi ora ana gunane.<br />
Lumantar saperangan bab prekara ndhuwur kuwi<br />
mau, banjur tuwuh rasa kepiye carane narik kawigatene<br />
putra siswa, supaya isa sengkut anggone<br />
padha sinau aksara Jawa maneh, mula kang coba<br />
kakepyakake, mumpung saiki wis mlebu jaman kang<br />
sarwa digital, mula anggone ngereh uga saisa-isane<br />
lumantar cara digital, kayadene:<br />
Menehi pangerten tumraping putra siswa yen basa<br />
Jawa kuwi wiwit kuna – makuna wis lestari, lan<br />
ngasilake susastra kang tanpa wilangan, lan kabeh<br />
kuwi mau katulis sajroning aksara Kawi, apadene<br />
aksara Jawa, dudu neng tulisan aksara Latin.<br />
Menehi pangerten tumraping putra siswa yen basa<br />
Jawa kuwi udakara taun 2005, wiwit wis isa<br />
kanggo nulis sajroning piranti komputer, sinaosa isih<br />
nganggo font aksara Jawa modhel Ansi, lan cakrike<br />
durung akeh, nanging awit seka krentege para sutresna<br />
aksara Jawa, wiwit surya kaping 1 sasi Oktober<br />
2009, aksara Jawa wis kasil mlebu neng standar<br />
Unicode, bab iki andadekake aksara Jawa isa tansaya<br />
adoh tebane neng jagading teknologi informatika,<br />
dayaning aksara Jawa Unicode kuwi wusanane bakal<br />
nuwuhake cakrik aksara Jawa kang maneka<br />
warna wandane, seka wanda kang kaanggep baku<br />
minangka aksara Jawa cithak, nganti wanda aksara<br />
Jawa kang katedhak seka sakathahing cakrik sajroning<br />
serat – serat lawasan.<br />
Menehi pangerten tumraping putra siswa yen basa<br />
Jawa kuwi uga isa kagunakake sajroning piranti<br />
HP kang mawa sistem Android, dadi wis ora<br />
jeneng mokal maneh yen saiki isa sms, bbm, wa,<br />
lan sapanunggalane migunakake aksara Jawa.<br />
Saupama kabeh laku siji tumekane telu wis lumaku,<br />
banjur :<br />
Nyamektakake website / blog kanggo nggampangake<br />
laku sabanjure, kaya dene kanggo ngundhuh<br />
materi, apadene gladhen lan ulangan.<br />
Tata laku kang luwih tumanja, ora ana liya kejaba<br />
mung seka prigel, gregete guru anggone ngulinakake<br />
nulis sekabehing tetembungan Jawa mawa<br />
aksara Jawa neng papan tulis, tan prabeda kaya<br />
nyawang pasinaon basa manca liyane kang mawa<br />
aksarane.<br />
Saisa-isane ora ketang sepisan, utawa pindho<br />
siswa kaajak neng laboratorium komputer (TIK),<br />
saperlu kaparingan kawruh bab tata gelar wujuding<br />
aksara Jawa kang wis Unicode, lan sokur bage tatacara<br />
panulisane lumantar piranti komputer/laptop,<br />
mbuh kuwi lumantar MS. Office utawa Open Office.<br />
Neng pungkasaning atur, sawise ngawuningani bab<br />
tata lampah, saperangan pasinaon basa Jawa mawa<br />
aksara Jawa, kaya kang kajlentrehake neng ndhuwur<br />
kuwi, pramila isa kacaosake dudutane, neng antarane:<br />
Upama ana wacana, greget ngulinakake pasinaon<br />
basa Jawa lumantar aksarane, kuwi sejatine isa<br />
nganggo banget, kacihna seka apa kang wis nate<br />
lumaku neng SMA Negeri 1 Sanden, lan saiki isih<br />
lumaku neng SMA Negeri 2 Bantul, nanging kabeh<br />
mau pancen kudu mawa sarana pakulinan dhisik,<br />
utamane seka gurune.<br />
Putra siswa saiki wis padha melek teknologi informatika,<br />
mula sarana piranti iki tansaya isa dadi<br />
nambahi gregete bocah anggone sinau basa Jawa<br />
mawa aksara Jawa.<br />
Pangaribawaning Unicode aksara Jawa kang wis<br />
resmi wiwit 1 Oktober 2009, wis katon tebanine<br />
neng madyaning kanca, kadang wiranem kang<br />
padha nggegulang kagunan teknologi informatika,<br />
sinaosa durung kabeh brayat ageng uninga, lan<br />
pirsa apa ta kuwi Unicode lan kaya ngapa mungguh<br />
mangpangate tumrap bebrayan Jawa.<br />
Sawatara neng jagading pamulangan bab sinau<br />
basa Jawa mawa aksara Jawa, ora mrangguli pepalang<br />
kang abot.<br />
Seka saperangan dudutan neng ndhuwur kuwi,<br />
banjur tuwuh pangajab, lan pangangkah amrih apa<br />
kang kacoba neng madyaning pamulangan-pamulangan<br />
iki isa gumreget, ora liya ya mung ana neng<br />
antarane:<br />
Sarehning aksara Jawa wis ana kang modhel Unicode,<br />
sumannga font utawa cakrik aksara Jawa kang<br />
kagunakake Unicode iki, prayoga isaa kaanggep<br />
minangka cakrik baku tata panulisan neng saben<br />
dinane (neng aksara Latin kayadene Time New romane).<br />
Bab neng sajawining pamulangan, prayogane<br />
instansi pamarentah apadene swasta isa dadi patuladhan,<br />
satemah isa mrebawani aksara Jawa isa<br />
adoh tebane.<br />
Sabanjure yen kabeh wis lumaku, mula pangangkah<br />
anggone nyinau basa Jawa lumantar aksarane<br />
isa kasil.<br />
Setya Amrih Prasaja<br />
Mas Bekel Dwijasetyaprasaja,<br />
abdi dalem reh kaprajan.<br />
Ketua MGMP Bahasa Jawa SMA DIY<br />
Guru Bahasa Jawa SMAN 2 Bantul<br />
Filolog Alumni Sastra Jawa UGM<br />
Mampir satengahing wengi<br />
Menenga sedela<br />
Aja nggresula<br />
Rungakna unine banyu<br />
Rungakna unine angin<br />
Rungakna unine lemah<br />
Menenga sedela<br />
Buwangen samubarang ala lan angkara<br />
Weningna lathi<br />
Rungakna unine ati lan nyawiji dadi geni.<br />
Gareng: “Truk, mau neng ndalan aku nemu<br />
dhuwit... Kok ya pas tanggal nyaur utang ya truk!”<br />
Petruk: “Wohlaaaa, ngepasi to Reng! Ya kuwi jenenge<br />
rejeki.”<br />
Gareng: “Ha ning ora tak jupuk Truk, tak buwang<br />
meneh dhuwite neng pinggir ndalan.”<br />
Petruk: “Pitikih... Nemu rejeki kok malah dibuwang?!!”<br />
Solo - Yogja 23 - 24 Maret <strong>2018</strong><br />
Eswe (Andy Sri Wahyudi)<br />
Seniman Teater, Pantomimer, Sutradara, Penulis<br />
Gareng: “Lha duwite 100 ewu, kan mangka<br />
butuhku nggo nyaur utang 150 ewu. Ha teneh aku<br />
kon tombok 50 ewu.. Ha ra sudi!”<br />
Petruk: “Wooo, kenthir!!”
08<br />
Pranata Mangsa, mangsa<br />
kasepuluh (Srawana)<br />
Praja Cihna, lambang Kraton<br />
Ngayogyakarta Hadiningrat<br />
Praja Cihna miturut kamus Poerwadarminta<br />
tegese, ‘praja’ iku kraton,<br />
krajan, negara, utawa kedhaton, dene<br />
‘cihna’ yaiku tandha, tenger, utawa<br />
pratandha. Mulane tembung praja cihna<br />
banjur diarani tandha utawa lambang<br />
negara. Negara sing dikarepke<br />
neng kene yaiku Negaragung, Ngayogyakarta<br />
Hadiningrat kang pinarentah<br />
dening Sultan Hamengku Buwana<br />
sakdurunge nglebur dadi siji, dadi<br />
negara Republik Indonesia.<br />
MICARA bab praja cihna, becike diturut manut sejarahe.<br />
Anane praja cihna kuwi mbiyene nduweni gegayutan<br />
karo kongsep Hindu sing dadi mula-bukane<br />
tradisi neng kraton. Kongsep kuwi ana ing pepetane<br />
Sultan Hamengku Buwana I minangka avatara utawa<br />
wujuding manungsa Dewa Wisnu. Prekara sing banjur<br />
disebut wisnuisme marang Sultan katon seka: (1) gelar<br />
abhisekane, yaiku Hamengku Buwana, sing nduweni<br />
teges ‘kang angreksani donya’, (2) tumbak pusakane<br />
kang dijenengi Cakra [Hardacakra], (3) karatone diarani<br />
Ngayogyakarta Hadiningrat, sing tegese ‘Ayodya’<br />
makmur lan kaendahan neng donya”, (4) menawa Sultan<br />
mirsani pagelaran wayang wong, Ngarsa Dalem<br />
lenggah ana ing tengah Bangsal Kencana madhep<br />
ngetan minangka pakurmatan kanggo Srengenge. Tumindak<br />
iku wujuding pakurmatan kanggo tekaning Dewa<br />
Wisnu. Ing mangsane Sultan Hamengku Buwana VI, kreta<br />
kencanane dijenengi Garudha-yeksa, lan Sultan Hamengku<br />
Buwana VIII migunakake lar ing garuda sepasang kang<br />
ngapit makutha kanggo lambanging negara.<br />
Sakdurunge ngrembug babagan pralambang negara<br />
neng mangsane HB VIII, becik nek nyetitekke cihna neng<br />
mangsane HB VII. Mula-bukane praja cihna wis kanggo<br />
pepakane piranti negara, uga kanggo tetenger raja sing<br />
jumeneng. Prekara iku dibuktekke saka artefak sejarah<br />
tinggalane raja nalika marentah, kayata gedhong, regol,<br />
utawa piranti dhahar lan unjukan dalem.<br />
Ing Karaton Yogyakarta Hadiningrat, pratandha luhuring<br />
raja wis tinemu seka mangsane Hamengku Buwana VII.<br />
Sabagean pratandha kaluhuran ing mangsane Sultan<br />
Sugih, utawa simbol HB VII bisa ditemoni aneng gapura<br />
kraton wetan (saiki dadi perpustakaan Widyabudaya),<br />
prasasti sisih kidul Tugu Yogyakarta, lan ing salah sijining<br />
rampadan Sultan.<br />
Ing mangsane HB VIII, praja cihna sing resmi tekan<br />
saiki isa diweruhi karo warga masyarakat kabeh<br />
sejatine digawe karo KRT Jayadipura salah sawijining<br />
mantu dalem (mantu raja). Jayadipura pikantuk pakurmatan<br />
sakperlu ngreka saben simbol sing ana ing<br />
praja cihna. Gambar wiwitan saka pralambang karaton<br />
ana ing Bangsal Manis. Bagean makutha kang<br />
ana ing sisih nduwure pralambang HB VIII ora beda<br />
karo kang diagem HB VII kanggo mratandhani pamugaraning<br />
tugu. Sabanjure wujude diganti saperlu<br />
didandani nganti kaya saiki iki. Gantine wujud praja<br />
cihna pisanan isa disekseni ana ing nduwure Regol<br />
Manikantaya, banjur ana ing nduwure panutup Bangsal<br />
Manis. Sawise digonta-ganti kaping pirang-pirang,<br />
praja cihna dadi kaya saiki, kang resmi mratandhani<br />
Karaton Ngayogyakarta Hadiningrat.<br />
Bagean-bagean kang mujudke Praja Cihna<br />
Saben bagean kang mujudake praja cihna nduweni<br />
mangsud lan teges miturut kawruh kawicaksanan.<br />
Ing ngisor iki ana bagean-bagean kang mujudake<br />
praja cihna, yaiku:<br />
Songkok / Makutha<br />
Ageman irah-irahan prajurit. Minangka pralambang<br />
sipat satriya sarta cihnaning Nata.<br />
Sumping<br />
Ageman tancep talingan. Ceplik, lambange urip,<br />
kayadene kembang srengenge. Godhong kluwih,<br />
saka tembung “luwih”, duwe kaluwihan. Makara,<br />
rasa dayane kanggo hanjaga rubeda, awit kuncarane<br />
kraton<br />
Praba<br />
Gegambaraning paraga ingkang kinormatan sayekti<br />
tumrap kapitayan Jawa Mataram.<br />
Lar / Swiwi<br />
swiwi Peksi, lambange gegayuhan inggil kayadene<br />
sumundhul angkasa.<br />
Tameng<br />
Sanjata kanggo handanggulangi salira ing palagan.<br />
Warni abrit, pralambang niat wanton jalaran hambela<br />
gegayuhan leres tumrap bebrayan, ananging<br />
mboya nilarake sipat waspada.<br />
Seratan Ha Ba / Tulisan Ha Ba<br />
Cihnaning Nata, bilih ingkang jumeneng enggeh<br />
sesilih Hamengku Buwana. Asma puniku kebak wucalan<br />
hadi luhung kacihna hamengku, hamangku,<br />
sarta hamengkoni. Warna jene pralambang Agung<br />
Binathara.<br />
Sekar Padma / Kembang Padma<br />
Sekar padma sesambetan kaliyan panggesangan<br />
bilih samangke sedaya puniku ugi linambaran dhateng<br />
gelare donya akhirat.<br />
Sulur / Tanduran Sulur<br />
Pralambang bilih panggesangan puniku lumampah<br />
kalajengan kados gesange sulur mrambat<br />
Pranatan migunakake Praja Cihna<br />
Ing mangsane Sultan Hamengku Buwana VIII, kajaba<br />
praja cihna uga ana cihnaning pribadi. Kabeh<br />
kuwi wujude padha, nanging yen cihnaning pribadi<br />
iku ana tambahan angka jawa kanggo tandha Sultan<br />
kang jumeneng. Ing mangsane Sultan Hamengku<br />
Buwana IX, sultan kang jumeneng ora nduweni cihnaning<br />
pribadi. Ananging ana lelironan akehe lar<br />
utawa swiwi kang wiwite cacahe ana wolu ganti<br />
dadi sanga. Lelironan iki pinangka tandha nek Sultan<br />
kang jumeneng iku raja kang kaping sanga. Ing<br />
mangsane Sultan Hamengku Bawana X, uga ana<br />
cihnaning pribadi. Simbol iku tau rineka aneng kertas<br />
undangan kanggo pawiwahaning putri-putrine Ngarsa<br />
Dalem.<br />
Miturut pranatan Ngarsa Dalem ing tanggal 7<br />
maret 1989, nerangake menawa panganggone<br />
praja cihna kang warna abang mung kanggo institusi<br />
keraton. Kalebu ing njerone ana pralambang<br />
kop palayangan, bangunan, lan piranti rumah<br />
tangga. Ananging, yen iku arep digunakake minangka<br />
bros kang dipasang ing ageman peranakan<br />
(klambi kanggo abdi dalem kang warnane biru)<br />
ana aturan warna liya kang kudu dinut. Kango<br />
abdi dalem kang kalebu kalenggahan jajar tekan<br />
wedana pikantuk nganggo pralambang Haba werna<br />
putih utawa silver. Dene abdi dalem kang kalebu<br />
riya bupati warnane kuning utawa emas.<br />
Babagan praja cihna iki uga isa diwaca meneh ing<br />
sajroning website kratonjogja.id. Website resmi Karaton<br />
Ngayogyakarta Hadiningrat kang dikemonah dening<br />
Tepas Tandha Yekti. Ing website kuwi, masyarakat isa<br />
nyocokke bab praja cihna seka sumber asline. Supaya<br />
isa mbuktekke sakabehe kang tinulis, aja lali dolan<br />
menyang kraton. Kowe kudu weruh dhewe apa bener<br />
ana tandha kraton sadurunge tandha sik saiki. (ark)<br />
TANGGAL 26 Maret tekan 18 April kalebu ing<br />
Mangsa Kasepuluh neng penanggalan Jawa.<br />
Sistem pranata mangsa iki ditemtokke seka<br />
panggone srengege lan rembulan uga lintang-lintang.<br />
Neng mangsa kasepuluh iki, nduweni<br />
ciri-ciri, angin gedhe mara seka tenggara (kidul<br />
wetan).<br />
Angin kang kuat lan ajeg iku, nggawa banyu<br />
udan sethithik, mretandhakke tekaning mangsa<br />
udan wis mlebu pungkasane. Neng mangsa iki<br />
uga, iso dititeni manuk-manuk padha angrem<br />
neng petarangan, anak-anak manuk uga ana<br />
sing wis netes. Kewan-kewan uga akeh sing<br />
meteng. Pari-pari nguning mentes, pratandha<br />
siap panen.<br />
Candraning mangsa iki yaiku gedhong mineb<br />
jroning kalbu, sing ngemu teges ana jiwa-jiwa<br />
anyar sing kakendhut neng garbane para babon.<br />
Kanggo manungsa sing lair neng mangsa iki,<br />
umume nduweni watak ati kang teteg lan wani.<br />
Nora gampang ngalah amerga nduweni<br />
watak kaya dene prajurit, sing dhisiplin lan<br />
teges. Rasa tanggungjawabe dhuwur marang<br />
kaluwarga lan marang lingkungane. Sanadyan<br />
watake atos, nanging manungsa kang lahir<br />
neng mangsa iki uga duwe watak welas asih<br />
lan ora wegah mbelani wong kang tinindhas.<br />
Mangsa iki uga kasebut mangsa Mareng,<br />
mangsa sing akeh gegayutane karo watak-watak<br />
Resi Bisma. Mula gambaran wong kang<br />
lahir neng mangsa iki patrep karo cirine Resi<br />
Bisma, kang teges lan tatag atine, ora gampang<br />
miyur.<br />
Reresik Malioboro Selasa Wage<br />
SABEN 35 dina pisan bakal ana fenomena<br />
lan penampakan sing beda neng sakdawane<br />
dalan Malioboro. Saben dina kuwi ora ana PKL<br />
(Pedagang Kaki Lima) sing dodolan kaya dina<br />
biyasane. Para PKL sing kalebu ana ing Komunitas<br />
Paguyuban Pedagang Lesehan Malioboro<br />
(KPPLM) padha sarujuk dinggo ‘prei’ lan ‘mrei’.<br />
‘Prei’ dipilih adhedhasar kasepakatan lan dipilih<br />
saben dina Selasa Wage. Pamilihing dina<br />
kuwi manut pasaran Jawa iya ora tanpa alesan,<br />
dina kasebut yaiku dina kang padha karo dina<br />
Miyosipun Sultan Hamengkubuwana X. Saengga<br />
bakal tambah cedhak antarane panguwasa<br />
karo rakyate.<br />
Kagiyatan sing dilakokake saben dina Selasa<br />
Wage uga diwiwiti seka dina Senen bengi kang<br />
padha rondha, lan dilanjutake resik-resik bareng<br />
utawa massal saben esuke. Kagiyatan resik-resik<br />
iki uga disengkuyung karo pengelola kebersihan<br />
daerah Malioboro sing tentu wae<br />
nggampangake pagaweane, kang utama<br />
pengelolaan saluran banyu kang dadi kawigaten<br />
sing utama, apa wae kang gayut karo<br />
sampah, papan wisata saha kondhisi cuaca.<br />
Nganti artikel iki ditulis, uwis kasil dilakokake<br />
prei Selasa Wage kaping loro. Kagiyatan preinan<br />
kaping loro iki diisi kanthi ngecet dalan<br />
saha tembok sadawane dalan Malioboro.<br />
Ketua paguyuban KPPLM, Sukidi mantep<br />
tenan amarga kanca-kanca PKL ikhlas, ewadene<br />
ngalami rugi omzet, sedina kurang luwih<br />
Rp 1.000.000,- juta nganti Rp 1.500.000,- juta<br />
Bab jodho<br />
Miturut penanggalan Jawa, manungsa kang<br />
lahir neng mangsa kasepuluh nduweni jodho<br />
wong kang lahir ing mangsa Karo (3 Agustus<br />
- 25 Agustus), Kanem (10 November - 22 Desember)<br />
utawa karo sing sapadha-padha Kasepuluh.<br />
Petungan jodho iki didhasarake seka<br />
watak-watak sing sakora-orane cocok lan ora<br />
bakal nuwuhake masalah ing tembe mburine,<br />
sanadyan kabeh kuwi sejatine bali neng awake<br />
dhewe-dhewe.<br />
Mangsa sing pas dinggo mancing<br />
Kanggo nelayan lan sapa wae sing arep golek<br />
iwak, mangsa kasepuluh iku mangsane akeh-akehe<br />
iwak Bawal Ireng. Sak liyane iku, iwak kang<br />
uga bakal akeh tinemu neng mangsa iki yaiku<br />
tuna, tongkol, kakap, cakalang, pari, lan manyung.<br />
Senajan ora akeh kayata bawal ireng,<br />
nanging iwak-iwak kuwi mau uga isih kalebu<br />
gampang ditemokne neng mangsa iki. (lantip)<br />
foto dening: Arya Suksma<br />
toko-toko padha tutup, pkl padha prei, trotoar dadi katon resik lan jembar<br />
amarga pancen uwis diputuske lan ditetapke<br />
seka dhasar musyawarah bareng-bareng. Kaputusan<br />
iki digawe amarga para pedagang<br />
uga kepingin Malioboro leren saha ketok beda<br />
seka adat biyasane.<br />
Wali kota Yogyakarta, Haryadi Suyuti paring<br />
apresiasi marang para pedagang kang legawa<br />
prei anggone bebakulan, saengga pengelola<br />
kabersihan duwe wektu saha kasempatan kang<br />
luwih seka biyasane. Miturute, para pengunjung<br />
uga bisa ngrasakake swasana anyar saha beda<br />
nalika dina Selasa Wage. Para pengunjung utawa<br />
wisatawan bisa penak saha luwes anggone foto<br />
tanpa ana gangguan pedagang utawa wong<br />
bakul sliwar sliwer.<br />
Citra Malioboro saiki tambah kuwat nalika<br />
Malioboro dadi cermin ibukota provinsi DIY.<br />
Ananging, temtu preinan Selasa Wage diharapke<br />
bakal tambah regeng karo anane kagiyatan<br />
masyarakat utawa komunitas kesenian<br />
kang ngregengake Malioboro. Preinan iki uga<br />
dipangajabke bakal terus lanjut tekane Selasa<br />
Wage kang badhe dhateng.<br />
Menika perlune ndadekake Malioboro kanggo<br />
inspirator mlligine papan-papan pariwisata<br />
kang notabene duwe penggemar kang bakal<br />
mesthi setya mara ing Malioboro.<br />
Dening:<br />
Berty Istijabah Putri<br />
Mahasiswa Pendidikan<br />
Bahasa Daerah (Jawa) UNY
09 Kuliner<br />
Krenyos, menu rahasia<br />
sate klathak sing<br />
enake kebangeten<br />
sate klathak Mak Adi<br />
wetan pom bensin jalan imogiri<br />
sakdurunge prapatan Jejeran nek seka lor<br />
“AWALE niku wonten cah-cah enom langganan<br />
dha nongkrong ten riki mas, dugi dalu,<br />
sok dhong punjul jam 12. Rombongan niku<br />
bar klathake, kicike pun dha telas dimaem,<br />
nanging taksih dha pingin ngobrol-ngobrol<br />
lan nongkrong. Lajeng wonten sing iseng<br />
ngengken ngirisi lan nggorengke gajih, ajeng<br />
digadho ngge tambul ngobrol,” ngono jare<br />
bakule sate sinambi ngepeti anglo.<br />
Nek ngomongke sate klathak, wis meh<br />
kabeh uwong ngerti. Saya meneh ing jaman<br />
media sosial iki, kuliner Jogja, mligine sate<br />
klathak ‘naik daun’, dadi salah sijining<br />
andalan wisata. Ing sakubenge Pasar Jejeran,<br />
dalan Imogiri wetan, akeh banget<br />
madeg warung sate, lan wilayah kono<br />
kondhang jejuluk ‘ibu kota sate kambing’.<br />
Sebut wae warung sing wis kondhang kaya<br />
ta Pak Bari, Pak Pong, Pak Jupaeni lan<br />
sakpanunggale.<br />
Nanging sakliyane sate klathak, ana menu<br />
idola anyar. ‘Hidden menu’ iki jenenge<br />
krenyos. Nek neng liyan papan kadhang<br />
diarani krengseng utawa grabyas. Gajih<br />
wedhus (sing adate dadi ‘limbah’ sate)<br />
dibumboni bawang uyah banjur digoreng<br />
garing.<br />
Nek isih panas dicokot kemrenyos, amarga<br />
njabane garing nanging njerone nggajih.<br />
Warung sing adol menu krenyos iki<br />
mung warung Mak Adi. Prenahe sakwetane<br />
pom bensin dalan Imogiri, lor prapatan<br />
Jejeran.<br />
Mak Adi iki wis bukak warung sate wedhus<br />
wiwit taun 1993. Akeh sing padha<br />
ngira nek Mak Adi kuwi wanita, amarga<br />
jenenge nganggo ‘mak’. Nanging jebulane<br />
ukara ‘mak’ kuwi jebul seka Basa Madura<br />
‘ramak’ sing artine bapak. Ramak Adi, utawa<br />
bapak Adi.<br />
Kamangka Pak Adi dudu asli Madura,<br />
nanging jeneng Mak Adi kuwi jeneng parabane<br />
Pak Adi. Saiki sing ngurusi warunge<br />
putrane, Mas Hendy (23). Warunge Mak<br />
Adi sedina isa ngentekne wedhus cacahe<br />
telu. Nek kulakan wedhus enom umuran<br />
limang sasinan nganti tekan Magelang,<br />
banjur dibeleh bareng-bareng karo para<br />
bakul klathak ing Jejeran, sing jebule isih<br />
pada ketalen paseduluran, utawa sakgotrah.<br />
Sing dodolan krenyos<br />
mung Mak Adi<br />
Wiwitane menu krenyos, jarene lagi enem<br />
sasinan iki akeh sing padha pesen krenyos.<br />
Nanging warung sate klathak liyane durung<br />
padha dodol menu iki. Mbok menawa durung<br />
ngerti utawa wegah gawe, mergane<br />
proses masak krenyos kuwi suwe. Gajih<br />
kudu digoreng nganti garing tenan, dadi<br />
rada boros lenga.<br />
Nanging warung Mak Adi wis mulai kulina<br />
ngladeni pesenan krenyos iki. Cah-cah<br />
enom saiki akeh sing padha pesen krenyos,<br />
banjur difoto lan diupload neng sosmed.<br />
Nanging kudu ati-ati kanggo sapa wae sing<br />
duwe alergi lan pantangan kolesterol,<br />
amarga krenyos iki bahan baku utamane<br />
yaiku gajih, kolesterole dhuwur banget!<br />
Mangga, nek pingin menu alternatip liyane<br />
sate klathak, tongseng, thengkleng,<br />
gule, isa njajal menu anyar favorit iki. Dijamin<br />
mak nyos! (pal)<br />
Warung wedangan mruput Pak Pur<br />
Wis ana kit jaman agresi militer<br />
TAU ngalami durung, esuk-esuk jam 4an dumadakan<br />
pengin thethek sinambi wedangan? Biasane pas jamjam<br />
sakmono kuwi wis rada angel nemu warung<br />
wedangan sing isih bukak tur pepak. Arep neng lesehan,<br />
bakule wis tata-tata nggulung klasa lesehan,<br />
siyap-siyap arep tutup. Mangkat angkringan, biyasane<br />
ya wis meh tutup nek ra malah gerobake wis disurung<br />
digawa bali. Arep mampir warung burjo sing 24 jam<br />
bukak, biyasane wedang tehe kurang mantep. Nek<br />
disruput kurang marakke kemepyar neng sirah.<br />
Eh ndilalah 3-4 sasi kepungkur, sawijining kanca ngandhani<br />
nek neng daerah kidul Pojok Beteng Kulon ana<br />
warung wedangan sing mulai bukak jam 3 isuk. Papan<br />
persise neng Jalan Bantul, wetan dalan, persis neng kidule<br />
gapura greja Pugeran, tutupan tenda terpal biru.<br />
Karo sing nduwe, warung iki ora dijenengi. Nanging<br />
wong-wong sing sok mampir kene weneh jeneng<br />
dhewe-dhewe. Ana sing njenengi Warung Teh Dekok,<br />
ana sing Wedangan Pak Pur, ana uga sing wenehi<br />
jeneng Angkringan Pak Pur ra ketang nek disawang<br />
seka tampilane, blas ora memper angkringan mergane<br />
ra ana gerobage lan ra ana ceret telu nangkring<br />
neng meja. Nek misale tetep ana sing ngeyel nek iki<br />
kaya angkringan, paling-paling merga tenda terpal<br />
sing dadi tutup warung iku.<br />
Wedang teh sing disuguhke ing warung iki ya beda<br />
karo teh sing disuguhke neng warung angkringan<br />
biyasa. Nek neng warung angkringan, biasane teh sing<br />
kenthel banget wis disiapke neng ceret blirik ukuran<br />
tanggung. Nek ana sing pesen wedang teh, bakule<br />
bakal ngilingke teh kenthel seka ceret blirik kuwi sithik,<br />
bar kuwi dicuri nganggo jarang nganti kebak.<br />
Nah nek neng warung wedangan Pak Pur iki, rada<br />
beda. Mergane gelase ora gelas dhuwur ning gelas<br />
blimbing sing luwih cendhek, tur isih ditambahi cangkir<br />
blirik cilik sing isine teh godhong sak gagange terus<br />
digrujuk banyu panas mongah-mongah, komplit karo<br />
saringane. Gunane cangkir blirik cilik iki nggo ngejogi<br />
teh neng gelas blimbing.<br />
Miturut Mas Warsono lan Mbak Ranti sing isuk-isuk<br />
wis tata-tata mbukak warung wedangan iki, biasane<br />
jam telu isuk warunge iki wis bukak, nek arep ngeteh<br />
apa ngopi wis siyap. Nanging umpamane pengin ngicipi<br />
sega wungkus lan jajanan liyane, kudu sabar ngenteni<br />
sedhilit mergane sega lan jajanan nembe teka<br />
jam setengah papat isuk. Ing atase le bukak jam semana,<br />
nanging wong-wong sing jajan ya wis akeh lan<br />
sansaya rame bebarengan karo njedule srengenge.<br />
“Meh kabeh wong sing wedangan neng warung iki<br />
podho kenal lan guyub. Yen ngobrol, bab sing dibahas<br />
wong-wong sing wedangan ya maneka warna, wiwit sing<br />
abot-abot nganti bab gojegan ndagel. Sing penting ora<br />
SARA.” Pak Suryono, salah sijining pelanggan nerangke.<br />
Arang banget nemu pengunjung warung iki sing<br />
mung meneng wae uthak-uthek handphone kaya ning<br />
panggon wedangan umume jaman saiki. Kabeh ngobrol<br />
srawung karo kanca-kanca lan bakule.<br />
Mas Warsono njelaske kit mbiyen warung wedangan<br />
iki mulai bukake ya jam semono kuwi, persis sakdurunge<br />
jam-jam bakul-bakul menyang pasar. Dadi biasane<br />
bakul-bakul kuwi mampir sedhilit nggo wedangan<br />
sakdurunge tekan pasar.<br />
Sing marakke kaget, warung iki mulai dodolan wedangan<br />
nggo bakul-bakul kuwi ora kit 10 opo 20 taun kepungkur,<br />
nanging luwih suwi seka kuwi. Pak Pur, sing<br />
pertama mbukak warung wedangan iki, jebul le miwiti<br />
wis kawit suwi banget.<br />
“Pokmen pas agresi militer, Bapak sampun sadeyan<br />
wedangan ten riki. Yuswane jaman semana kira-kira<br />
15 taunan.” jare Mas Warsono. “Jaman kuwi dalan<br />
aspal ngarep iki isih pasir, kulone isih ana ril sepur<br />
arah Palbapang.” sambunge.<br />
Awal bukak mbiyen, jelas bentuke durung kaya saiki.<br />
Jaman semono Pak Pur le dodolan isih nganggo pikulan<br />
seka ngomahe daerah Jalan Wates, terus mbukak<br />
dagangane neng papan sing padha karo warung sing<br />
saiki.<br />
Sansaya tambah taun, usaha Pak Pur saiki diteruske<br />
karo keturunane. Pikulan wis diganti meja lan bangku<br />
antarane taun 70-an. Wong-wong sing wedangan neng<br />
kene luwih nyaman tur le ngobrol luwih penak. Ora<br />
mung bakule sing turun-tinurun, sing tuku ya ana sing<br />
turun-tinurun.<br />
Warung wedangan sing bukak tekan jam 5 sore utawa<br />
nganti sakentekke dagangane iki, para pelanggane<br />
sesasi pisan sok-sok iguh dhewe nggawe acara musik<br />
elektunan neng kene. Biasane le mulai bar jam 12 awan<br />
nganti sak kesele.<br />
Piye, kapan arep nyoba warung wedangan teh mruput<br />
iki? (iwn)<br />
JAMU WATUK ING<br />
SERAT CENTHINI<br />
Tulisane neng naskah:<br />
Jampi watuk datan medal riyakipun<br />
Sunthi lawan ayot gondarosa kresna<br />
Toyaning jram lilang pinipis uyupna<br />
Jamu kanggo watuk<br />
sing ora metu riyake<br />
Bahan :<br />
Sunthi (jae sing ukurane luwih cilik, luwih<br />
pedhes tinimbang jae adate)<br />
Oyot Gandarosa ireng<br />
Banyu jeruk linglang (jeruk purut)<br />
Kabeh kuwi mau didheplok alus<br />
banjur diunjuk<br />
JAMU OBAT MUMET ING<br />
SERAT CENTHINI<br />
Tulisane neng naskah:<br />
Jampi puyeng pulasari kapulaga<br />
Myang kemukus tuwin bawang<br />
sawatara<br />
Pinipisa lajeng inguyup kewala<br />
Jamu tamba mumet<br />
Bahan :<br />
Pulasari, kapulaga, kemukus, bawang<br />
Kabeh bahan didheplok<br />
banjur diunjuk
10<br />
Seloka<br />
Wong Jawa, utamane wong<br />
Jogja, paling seneng nggawe<br />
ukara kang kebak pasemon. Yen<br />
tinemu ana kalimat Basa Jawa,<br />
kerep-kerepe ora bisa dimaknani<br />
kanthi lugu mbluju, kudu digoleki<br />
makna nang sewaliking ukara.<br />
Salah siji bentuke yaiku seloka,<br />
tetembungan utawa unen-unen<br />
kang nduweni makna kang jeru<br />
ananging diwujudake ana ing<br />
kalimat kang singkat lan padhet.<br />
“Jaman iku owah gingsir”<br />
Seloka iki ngemu makna sing uga<br />
ngelingake menawa ora ana kang abadi ing<br />
ndonya iki. Owah-owahan kuwi mesthi ana.<br />
Sing tuwa mati, sing enom bakal dadi tuwa,<br />
lan sak piturute. Semono uga ana ing<br />
babagan bandha, wis mesti wae ana owah<br />
gingsire. Mbuh kuwi sing barange dadi elek,<br />
utawa regane sing malah bakale malih.<br />
Wektu uga tansah mlayu, ora tau mandheg.<br />
Mangsa uga gonta-ganti sakbendinane.<br />
Semana uga laku lampahe manungsa, ora<br />
ana sing isa ngerti apa kang bakalan tinemu<br />
ing tembe mburi. Sing sugih magrong-magrong,<br />
bola-bali mlebu tv, nang ndi wae<br />
numpak mobil, eh lha kok kecokot KPK,<br />
banjur bubar kabeh bandhane. Jabatan<br />
utawa kuwasa uga ora abadi, sing saiki<br />
jabatane dhuwur isa wae mak bedunduk<br />
dilorod, apa malah dicuthat. Sing saiki<br />
kondhang kawentar, isa wae dadi ilang ra<br />
krungu meneh kabare.<br />
Saloka iki intine dadi pasinaon kanggo<br />
kabeh supaya luwih ngati-ati, sadhar dhiri<br />
lan waspada.<br />
“Yitna yuwana, lena kena”<br />
Seloka iki saka tembung yitna (prayitna)<br />
kang ateges eling lan ngati-ati, yuwana<br />
tegese menang utawa slamet. Dadi artine<br />
yaiku ngati-ati (bakal) slamet, lena (bakale)<br />
kena. Intine yaiku nek kepingin uripe slamet,<br />
kudu nduweni sikap kang eling, waspada lan<br />
ngati-ati ing solahe.<br />
Sikap ngati-ati iki maknane jembar banget.<br />
Saka babagan sedherhana kayata mateni<br />
lampu yen arep lunga, niliki kompor<br />
sakdurunge ninggal omah, tekan babagan<br />
ngati-ati anggone ngemonah layang kabar.<br />
Nek dhewe oleh informasi sing sipate<br />
ngrugekne liyan, utawa kang sajak<br />
mbanget-mbangetke, aja langsung gampang<br />
percaya, apa maneh malah nyebar nang<br />
ndi-ndi karo ditambahi “ndak ho oh?”, mergo<br />
yen kabar iku jebule hoax, dhewe isa kalebu<br />
wong kang nyebarake, lan saiki isa kena<br />
undang-undang. Mula sing ngati-ati, golek<br />
informasi pembanding saka ngendi wae; isa<br />
takon marang sing ahli, isa uga golek<br />
informasi seka googling. Kabeh iki murih<br />
beciking uripe dhewe, uga murih tentreming<br />
atine sedulur-sedulure dhewe kabeh.<br />
(lantip)<br />
Dhemit biyung tulung<br />
NGOMONGKE babagan urban legend sing<br />
nyritakke dhemit utawa jagat lelembut, Yogya<br />
nduwe pirang-pirang. Kaya ta drumband setan<br />
saben subuh sing mung krungu swarane thok<br />
tanpa ana wujude; Mbak Yayuk lelembut Fakultas<br />
Ekonomi UGM sing gawene njedul neng<br />
ruang kelas; lan sing keri dewe nganti dadi trending<br />
topik kaskus, Keluarga Tak Kasat Mata.<br />
Nanging iki ana tambahan crita urban legend<br />
lawas sing mbok menawa durung patiya populer.<br />
Jenenge Dhemit Biyung Tulung.<br />
Kocap kacarita, Dhemit Biyung Tulung iki manggon<br />
neng bekas plengkung Madyasura. Jaman semana<br />
ana lima plengkung ing sakubenge beteng<br />
kraton Yogya, saiki sing isih wutuh mung kari<br />
loro plengkung Nirbaya (Gading) lan plengkung<br />
Tarunasura (Wijilan). Plengkung sing wis dimbrukke<br />
yaiku plengkung Jagabaya (prapatan<br />
Tamansari), plengkung Jagasura (prapatan Kauman<br />
/ Gerjen), lan plengkung Madyasura (Kulon<br />
Purawisata). Plengkung sing kasebut keri dhewe<br />
kuwi papan asale ana crita Dhemit Biyung Tulung.<br />
Wiwit tanggal 23 Juni 1812 sakwise serangan<br />
Inggris ing Kraton Yogya utawa Geger Sepei,<br />
plengkung Madyasura ditutup lan diarani Plengkung<br />
Buntet. Nalika jaman Hamengkubuwana<br />
VIII, plengkung kuwi dibongkar lan diganti gapura<br />
biyasa.<br />
Miturut legenda utawa mitos sing ngrembaka<br />
ing masyarakat kiwa tengene, saben wayah<br />
surup krungu swara wong nanging ora wujud,<br />
mbengok “...aduh...biyung...tulung.” Sakbanjur<br />
kuwi lair ukara ‘Biyung Tulung’ kanggo ngarani<br />
swara dhemit kuwi.<br />
Salah sijining sumber nyritakke nek fenomena<br />
Dhemit Biyung Tulung iki ana nalika Tentara<br />
Pelajar lagi perang gerilya mungsuh Landa, tahun<br />
1948-1949. Diturut seka sejarah, jare jaman<br />
mbiyen kuwi ana bocah enom jenenge Kartipeya.<br />
Bocah kuwi pancen nggantheng rupane nanging<br />
senengane nggodhani para wanita ing kampung<br />
kono. Pancen ndrawasi polahe bocah kuwi lan<br />
gawe kuwatir warga merga meh saben dina ana<br />
prawan sing digodhani. Para warga sing wis<br />
padha ora jenak karo solah bawane Kartipeya<br />
banjur golek cara ben bocah kuwi ora kurang<br />
“HALO. Le, iki ana kabar lelayu. Pakdhe Sugi seda.<br />
Disarekke sesuk jam 1 awan.” Bapak ngendika mau<br />
liwat telpon bengi, jam 11 seprapat.<br />
“Innalillahi. Aduh, pak. Benjang menika kula sedinten<br />
mboten saged lunga pundi-pundi, wonten<br />
tamu penting rawuh kantor.”<br />
“Woalah. Ya wis ra papa, tapi nek isa saiki budhala<br />
layat sakdurunge bali omah, ngaruhke budhemu<br />
lan sedulur-sedulurmu.”<br />
“Inggih, pak. Kula tak budhal sakniki.”<br />
Daleme pakdhe Sugiyono sakjane ora patiya adoh<br />
seka omahku, tapi kudu ngeliwati siji-sijine dalan<br />
sing ana kuburanne. Kuburan iki wis kondhang singupe.<br />
Saben sasi mesti ana kedadeyan wong sing<br />
lewat diweruhi neng cedhak kuburan kui. Lewat<br />
ngarepe wae wis mak sreng mambu menyan sing<br />
disumet karo wong-wong sing ngalap berkah opo<br />
njaluk slamet neng wit randhu alas gedhe ngarep<br />
gapura kuburan. Ambune marai mrinding.<br />
“Nderek langkung mbah, putune ajeng liwat.” Omongku<br />
bisik-bisik karo mejet klakson motor ping 3.<br />
Let sedhela aku wis tekan ndaleme pakdhe Sugiyono.<br />
Rada ayem, tenda wis kepasang sak lampu<br />
penerangane marai padhang njingglang. Lumayan<br />
kanggo ngilangi pikiran ora penak amarga<br />
liwat kuburan mau. Bapak-bapak tangga teparo<br />
sing lagi ewuh nata kursi mung tak aruh-aruhi<br />
seka kadohan amarga aku pengen langsung mlebu<br />
omah nggoleki budhe Sugi. Mlebu omah wis<br />
ana pethi jenazah putih neng ndhuwur meja cendhik.<br />
Fotone pakdhe ya wis kepasang neng pigura<br />
disendhekke pethi. Aku thingak-thinguk nggoleki<br />
budhe tapi ora ketemu. Pikirku budhe lagi neng<br />
kamar leren merga sayah, wong ya kelangan garwa<br />
mesti rak ya ora kuat, butuh istirahat. Aku<br />
mutusi tak sholat jenazah ndhisik wae, bar kui<br />
lagi nggoleki budhe meneh.<br />
Rampung wudhu aku langsung ngadek neng ngarep<br />
pethine pakdhe, sholat jenazah dhewe. Lagi mulai niat<br />
awakku wis ngerasa mrinding meneh, tapi sing saiki<br />
ora patiya tak pikirke. Neng ngarepe pakdhene dhewe<br />
mosok wedi, batinku.<br />
ajar nghodhani para wanita meneh. Nanging<br />
para warga uga ngerti nek Kartipeya kuwi duwe<br />
kaluwihan kasekten.<br />
Banjur ana sing ngonangi nek saben malem<br />
jemuwah Kartipeya nenepi ing alas laku semedi<br />
marang prewangane, yaiku Batari Durga. Sakliyane<br />
aji katosan, Kartipeya uga duwe aji pengasih<br />
sing marai wanodya gandrung paringane<br />
Batari Durga wujude jimat pengasih ‘wulu kelek’<br />
sing dibungkus kain putih. Lan uga paring sarat<br />
nek ora kena tumindak asusila neng sakngisore<br />
plengkung Madyasura. Nek sarat kuwi dilanggar,<br />
Kartipeya bakal cilaka malah isa uga mati.<br />
Para warga sing wis ngerti kaluwihane lan<br />
pengapesane aji prewangane Kertipeya banjur<br />
sowan marang wong ampuh, wong pinter, supaya<br />
bisa nulak kasektene Kertipeya lan supaya piye<br />
carane gawe bocah kuwi wirang banjur kapok<br />
nglakoni tumindake sing ala. Dhukun kuwi mau<br />
banjur menehi biting cacahe telu sing kudu diselehke<br />
neng ngisor plengkung. Biting kuwi<br />
ampuh pokoke bisa gawe Kertipeya lena lan<br />
marani biting kuwi. Nanging dhukun iku uga<br />
kandha nek Kertipeya cukup digawe wirang lan<br />
kapok wae, aja dilarani apa meneh dipateni.<br />
Nalika kuwi Kertipeya lagi gandrung marang<br />
prawan ayu kembang kampung kono sing jenenge<br />
Lagi wae takbir pisan, aku ngerasa dijawil pundakku.<br />
Duh, apa iki. Wong lagi sholat kok ya ana sing<br />
ngganggu. Pikiranku saya ora penak tapi tetep<br />
neruske sholat karo merem. Pas takbir kepindho lha<br />
njawile kok malah sansaya ndadi. Aku mulai keweden.<br />
Apa aku kenunutan dhemit kuburan sing tak liwati<br />
mau? Pikiranku wis ora jenak. Kringetku mulai metu<br />
sak jagung-jagung tapi tetep tak niati neruske sholat.<br />
Wis mulai maca Al Fatihah, wis ora ana sing<br />
ngganggu meneh nganti aku rampung sholat jenazah.<br />
Pas salam trakhir aku mengo kiwa, aku weruh<br />
bapak-bapak sing mau nata kursi ngematke<br />
aku seka njaba pintu. Rampungan sholat aku<br />
banjur marani bapak-bapak kuwi.<br />
“Nyuwun sewu, mas menika sinten nggih?” Salah<br />
sijining bapak-bapak sing do ngumpul nakoni<br />
aku.<br />
“Nderek nepangaken kula Yadi, putranipun pak<br />
Prayoto.”<br />
“Pak Prayoto dusun Kendhangan sedherekipun<br />
almarhum?”<br />
“Inggih pak.” Jawabku karo rada ayem amarga<br />
ana sing tepung karo bapak.<br />
“Anu, dhik. Sepindhah malih kula nyuwun ngapunten.<br />
Kula wau nggih njawil panjenengan pas sholat.”<br />
Oalah, jebul sing njawil mau dudu lelembut, tapi<br />
uwong tenan. Saya ayem, batinku.<br />
“Kula jawil bola-bali panjenengan mboten mandheg<br />
le sholat, nggih kula entosi mawon bibar sholat.”<br />
“Wah, nyuwun ngapunten sanget, pak. Kula menawi<br />
urusane sholat angel diganggu.” Omongku anggak.<br />
“Lha niku, mboten napa-napa. Sakjane wau menika<br />
badhe matur menawi panjenengan badhe sholat<br />
jenazah katuran nengga kirang langkung sakjam<br />
malih, amargi jenazahipun taksih wonten rumah<br />
sakit, dereng dugi griya.”<br />
Mak tratap atiku. Jebul aku sholat jenazah neng<br />
ngarep pethi kosong, lha wong jenazahe pakdhe<br />
durung ana. Pantes omahe isih sepi. Aku mung<br />
isa mesam-mesem ngampet isin digeguyu karo<br />
bapak-bapak mau. (vin)<br />
Sukresthi. Para mudha lan para warga banjur<br />
duwe niat kanggo njebak Kertipeya. Wis dadi<br />
adate nek wayah bakda maghrib Kertipeya mesthi<br />
nggodhani prawan. Bengi kuwi kaya sing wis<br />
dikarepke warga, Kertipeya kepancing ngglandhang<br />
Sukresthi neng ngisor plengkung (sing wis<br />
diwenehi biting seka dhukun) tumindak asusila.<br />
Mbasan tekan ngisor plengkung biting telu kuwi<br />
mau rumangsane Kertipeya dadi ula, bocahe<br />
kaget lan kasektene ilang sakkal. Merga nglanggar<br />
sarat ora kena tumindak asusila ing ngisor<br />
plengkung.<br />
Para mudha sing wis pancen adhang-adhang<br />
banjur ngroyok Kertipeya. Ndilalah ana salah<br />
sijining bocah enom sing panas ati merga cemburu<br />
marang Kertipeya lan Sukresthi banjur gawe<br />
ada-ada marang warga supaya Kertipeya dipateni.<br />
Wayah kuwi Kertipeya bengok-bengok<br />
“biyuuuung....tuluuuuung...biyuuuung tuluuung...”.<br />
Swara jeriting Kartipeya kuwi sing<br />
banjur kadhang krungu ing sakubenge plengkung<br />
utawa gapura Madyasura jaman mbiyen.<br />
Bejane saiki kahanan neng sakiwa tengene<br />
plengkung Madyasura wis rame kendaraan lan<br />
padhet warga, dadi swara dhemit biyung tulung<br />
kuwi wis ora tau krungu meneh. (pal)<br />
Cerita Serem<br />
Gara-gara kuburan angker<br />
foto: unikarea.blogspot.com
11<br />
Medsos utawa medprok?<br />
MEDIA sosial utawa uga siningkat medsos ing dina-dina<br />
kang mutakhir iki wus dadi kalumrahan kang ora<br />
bisa pinisahake saka urip lan kegiatane kabeh wong.<br />
Nalika kabar globalisasi kesebar ing laladan jagad, para<br />
winasis percaya yen iki bakal dadi pratanda becik<br />
kanggo sesrawungane para manungsa ing alam donya.<br />
Kanthi pengarep-arep becik globalisasi bisa ‘nyempitke<br />
jagad saengga karengkuh ing kepelan tangan’. Apa<br />
bisa mawujud karep sing mokal ngono kuwi?<br />
Ing antarane perkara piranti globalisasi kuwi mau<br />
banjur ana pawongan aing jenenge Mark Zuckerberg,<br />
Jan Koum, utawa para pawongan liyane kang bisa mujudake<br />
impen ‘rinengkuhe jagad ing pucuk ing driji’.<br />
Kekarone bisa mujudake media komunikasi sosial kang<br />
sinebut Facebook lan WhatsApp (ing sajabaning conto<br />
loro kuwi mau para maos bisa nambahi dhewe). Wong<br />
ora perlu ketemu yen ta arep ngobrol. Akeh fasilitas<br />
media sosial sing bisa nyranani. Apa perkara iki tememen<br />
bisa mujudake semangat ‘connecting with people’s?’.<br />
Kanggone saperangan masyarakat maju mbok menawa<br />
mangkono, ananging ana ing Indonesia perkara kuwi<br />
nuwuhake perkara anyar liane. Perkara apa?<br />
Media sosial utawa kasebut medsos pranyata ora kaya<br />
sebutane. Medsos kanyatane nuwuhake watak ‘anti-sosial’.<br />
Kekudhung ukara ‘connecting with people’s’ ngeruh-ruhi<br />
kanca adoh ananging sing cedhak wae ditilapke.<br />
Ora gumun yen ana wong lima kumpul ananging<br />
meneng-menengan jalaran kabeh pada ‘nggenggem<br />
jagad’ ing drijine dewe. Apa nyambi sapa, utawa sapa<br />
nyambi apa dadi ora cetha.<br />
Emane maneh, perkara kang digelar digulung ing<br />
drijine dhewe-dhewe kuwi mau ya mbok menawa durung<br />
karuwan temanja. Ora kok lagi maca informasi kang<br />
wigati, malah kepara ngikik dhewe jalaran gojek beregu<br />
utawa chat group. Durung maneh pranyata medsos uga<br />
dadi undering perkara kang nuwuhake padudon rame<br />
ora sembada.<br />
Medsos ora ateges ‘otomatis’ bisa njembarke sesrawungan<br />
sosial. Kepara malah dadi medprok ‘alias’<br />
media ndeprok. Kaya-kaya tekan ngendi-endi ning sakjane<br />
ya pancen ora nang ngendi-endi. Pancen bener<br />
kandane para pendekar buntas ing kawruh kae, yen<br />
barang kuwi gumantung sapa sing nyekel.<br />
Pisau komando bisa kanggo ngonceki brambang, nanging<br />
lading pawon isa uga munthes uripe wong. Dibutuhke<br />
wong kang mangerti cara kanggo ngemonah<br />
sawijining piranti supaya maedahi ing liyan lan kapribadene<br />
dhewe.<br />
Sumangga para maos. Iwak sepat jenang gula. Wonten<br />
lepat nyuwun ngapura. Rahayu!<br />
Whani Dharmawan<br />
Aktor, Sutradara, Penulis<br />
Keris, barang kang mlungker, ora kena nggo ngiris<br />
Keris utawa dhuwung kuwi kalebu<br />
senjata asli seka nuswantara. Ana<br />
akeh teori sing mbahas babagan<br />
keris iki, akeh-akehe seka peneliti<br />
njaba, kayata G.B. Gardner, Griffith<br />
Wilkens, uga A.J. Barnet Kampers.<br />
Peneliti seka Indonesia uga ana,<br />
ananging jeneng-jeneng kae mau<br />
sing akeh disebut nek ngomongke<br />
babagan keris. Kena ngapa kok<br />
wong njaba iku sajak penasaran karo<br />
keris? Ya merga keris kuwi pancen<br />
istimewa.<br />
NENG sejarah Perang Salib disebutke ana pedang<br />
Damaskus. Pedang sing nduweni pamor kaya keris<br />
Jawa. Perangan sing njalari para ahli gegaman<br />
sakdonya kepingin banget arep ngerti apa kuwi<br />
keris. Tome Pires, penjelajah seka Portugis, nyathet<br />
antarane taun 1512 - 1515, bangsa India jebul ngimport<br />
keris seka Jawa. Kamangka peneliti Pedang Damaskus<br />
nyebutke menawa pedang kuwi digawe utawa paling<br />
ora teknologine njupuk seka India. Kan ya wajar ta<br />
nek peneliti asing dadi penasaran, lha wong Pedang<br />
Damaskus ki tekan saiki iseh dadi misteri asal-usule.<br />
Mbalik meneh ning bab keris. Para peneliti mau,<br />
rata-rata nyebutake cara-carane gawe keris Jawa<br />
iku teknologi seka njaba. Kamangka keris iku malah<br />
rata-rata seka pedhalaman. Wujude keris uga isa<br />
ditemokke neng relief-relief candi kayata Borobudur<br />
lan Sukuh. Dadi miturute penulis, teori kabeh kae<br />
baul. Prasasti neng Desa Dakuwu, Grabag, Magelang<br />
wae wis ana wujud gambar gaman kaya keris. Menawa<br />
ditutut taun prasastine, kecathet taun 500 Masehi.<br />
Apa ra gawe bingung?<br />
Ora masalah, sing penting para ahli kae mau padha<br />
sarujuk, menawa keris neng nuswantara iki kabeh<br />
sejarahe seka Jawa. Meneh-meneh, keris sing ana<br />
neng tangga negara kaya Malaysia, Brunei, Filipina<br />
lan sakpiturute kabeh saka Jawa. Mula ing taun<br />
2005, badan PBB UNESCO netepake Keris Indonesia<br />
dadi salah sijining intangible heritage of humanity.<br />
Tegese keris lan teknologi kanggo nggawene diakoni<br />
dadi warisan budaya.<br />
Mula-bukane keris ing sejarah tanah Jawa<br />
Katulis ing serat lan babad, uga cathetan leluhur,<br />
keris neng Jawa ora mung dadi gaman, nanging<br />
kerep diarani Sipat Kandel. Sipat iki tegese keris<br />
iku barang aji nggawa kadigdayan kanggo sing<br />
nduwe. Sakliyane kuwi, keris uga isa dadi pralambang<br />
drajat sosiale wong sing nganggo.<br />
Miturut crita legenda Ajisaka, keris kuwi dadi inti<br />
utamaning crita. Ajisaka yaiku bangsawan sing<br />
nduweni abdi loro cacahe, jenenge Dora lan Sembada.<br />
Nalika lunga, Ajisaka nitipke keris marang Sembada.<br />
Abdine Dora sing ndherekke neng tengah dalan<br />
dikon njupuk keris mau. Kamangka Ajisaka wis<br />
prentah marang Sembada aja wani-wani ngenehke<br />
keris marang wong liya, nek dudu Ajisaka dhewe<br />
sing njupuk. Cekaking crita, Dora lan Sembada<br />
banjur adu kasekten. Loro-lorone kepaten, ora ana<br />
sing menang utawa kalah. Ajisaka sedhih banjur<br />
ngrapal ‘hana caraka, data sawala, padha jayanya,<br />
maga bathanga’ sing tegese ana loro utusan, padha<br />
adu kasekten, padha digdayane, banjur padha matine.<br />
Crita keris uga ditemoni ning Kitab Pararaton,<br />
jeneng Keris Mpu Gandring. Critakke Ken Arok mesen<br />
gawe keris neng Mpu Gandring kanggo mateni<br />
Tunggul Ametung. Wilahe pancen wis dadi, nanging<br />
gagange durung. Ken Arok sing wis ora sranta milih<br />
ngrebut seka Mpu Gandring. Cilakane, mpu mau<br />
malah melu dipateni nganggo keris gaweane dhewe.<br />
Sakdurunge mati, Mpu Gandring nyupatani keris<br />
mau bakal dadi cilakane Ken Arok sak anak-putune.<br />
Cekaking crita, keris mau banjur njalari matine Tunggul<br />
Ametung, Kebo Ijo, Ken Arok, Anusapati, Tohjaya,<br />
tekan Ranggawuni. Obah lakune keris iki uga anyekseni<br />
lahire kraton Singasari.<br />
Dene ing jaman Majapahit, keris uga dadi gaman<br />
bebaya. Raja Jayanegara mati merga kerise Ra<br />
Tancha. Ra Tancha banjur dipateni dening Patih<br />
Gajahmada. Amarga kuwi Prabu Hayam Wuruk<br />
munggah dadi raja Majapahit.<br />
Mlebu neng pungkasane jaman Majapahit, akeh<br />
mpu keris kang ngrasuk Agama Islam, merga para<br />
wali, salah sijine Ki Supa. Ki Supa rabi karo Dewi<br />
Rasawulan, sedulur seka Sunan Kalijaga sakwise<br />
ngrasuk Islam. Ngerti sedulure mpu keris, Sunan<br />
Kalijaga banjur pesen keris marang Ki Supa lan<br />
diwenehi jeneng Kyai Sengkelat merga warnane<br />
abang. Dicritakke keris iku sakti, isa mabur lan<br />
ngrampungi pageblug. Keris Kyai Sengkelat saiki<br />
dadi pusaka sing sumare neng Kraton Jogja.<br />
Neng tlatah Melayu babagan keris ana ing sajroning<br />
crita Hikayat Hang Tuah. Dicritakake Raja Malaka<br />
kepingin rabi karo putri Majapahit, Raden Galuh.<br />
Raja kuwi banjur utusan marang Hang Tuah kanggo<br />
nglamar sang putri. Majapahit ora nglilakke Raden<br />
Galuh, banjur malah Hang Tuah arep dipateni. Hang<br />
Tuah sing sekti banjur nyamar dadi kewan, lan temtu<br />
ora isa dikalahake dening prajurit biasa. Dheweke<br />
banjur kuwalahan nalika adu arep karo prajurit sing<br />
nduweni pusaka keris Taming Sari. Hang Tuah bacute<br />
menang sakwise kasil ngapusi lan ngrebut keris<br />
Taming Sari.<br />
Nalika jaman Demak Islam crita keris beda meneh.<br />
Ing jaman iki, Pangeran Sekar Seda Lepen mati<br />
merga disuduk keris seka mburi sakwise dheweke<br />
sholat jumat. Sing nyuduk yaiku prajurit utusane<br />
Raden Mukmin (Sunan Prawata) anake Sultan<br />
Trenggana, putrane Raden Patah sik nomer loro.<br />
Putra Pangeran Sekar Seda Lepen, Arya Penangsang,<br />
ora trima. Adipati Jipang murid kinasihe Sunan Kudus<br />
banjur males dhendham. Rikala Sunan Prawata lagi<br />
lara, teturon ning pangkone permaisuri, prajurit<br />
utusan Arya Penangsang mlebu banjur nyudhuk<br />
nganggo keris. Keris iku nembus dhadhane Sunan<br />
Prawata tekan geger prameswarine. Sunan Prawata<br />
sing sekarat, banjur nyaut kerise dhewe, Kyai Bethok,<br />
terus diuncalake marang prajurit loro sing wis nusuk<br />
dheweke. Prajurit kelaran iku banjur mati, semana<br />
uga Sunan Prawata lan prameswarine.<br />
Sakwise merjaya Sunan Prawata, Arya Penangsang<br />
banjur nyerang Sunan Hadiri, adike Sunan Prawata.<br />
Wektu kuwi, rombongan Sunan Hadiri lan garwane,<br />
Ratu Kalinyamat, lagi bali seka Kudus. Jebulane<br />
rombongan kuwi bali seka sowan Sunan Kudus<br />
sakperlu nglaporake menawa Arya Penangsang<br />
sing mateni Sunan Prawata. Ing tengah dalan,<br />
rombongan dicegat dening prajurit-prajurit Arya<br />
Penangsang. Sunan Hadiri mati ditusuk keris, nanging<br />
begjane Ratu Kalinyamat kasil mlayu.<br />
Sakwise mateni Sunan Hadiri, Arya Penangsang<br />
banjur nyerbu Sultan Hadiwijaya (Jaka Tingkir),<br />
mantune Sultan Trenggana, Adipati Pajang. Utusan<br />
Arya Penangsang ora kasil merjaya Sultan Hadiwijaya<br />
amarga Sultan Hadiwijaya kebal tapak paluning<br />
pandhe. Saking sektine Sultan Hadiwijaya, prajuritprajurit<br />
utusane Arya Penangsang malah kontal<br />
sakwise nusukake keris. Mesthine Arya Penangsang<br />
nesu merga prajurite kalah. Prajurit mau malah<br />
padha dipateni dhewe karo Arya Penangsang<br />
nganggo keris Kyai Brongot Setan Kober.<br />
Pungkase, Arya Penangsang mati sakwise<br />
tandhing karo Danang Sutawijaya, anake Ki<br />
Gede Pemanahan. Dicritakake kerise Danang<br />
Sutawijaya kasil nyuwek wetenge Arya<br />
Penangsang, masiya Arya Penangsang ora<br />
mati. Ususe sing mbrojol metu banjur ditalekake<br />
ning keris Kyai Brongot Setan Kober sing isih<br />
nyengkelit ning gegere. Saking sektine<br />
muride Sunan Kudus kuwi isa ndhesek<br />
Danang Sutawijaya. Cilakane<br />
dhewe, Arya Penangsang<br />
ora sranta selak<br />
ndudut kerise, lali<br />
nek ususe isih<br />
nggubet<br />
ning<br />
rangkane. Pungkase, usus mau pedhot merga kerise<br />
dewe, Arya Penangsang mati. Danang Sutawijaya<br />
banjur diangkat dadi raja Mataram Islam lan entuk<br />
sesebutan Panembahan Senapati.<br />
Crita kang ngemu babagan keris iki terus ana<br />
tekan jaman Mataram Islam, malah tekan jaman<br />
Indonesia merdeka. Para penggedhe kayata Soekarno,<br />
Sudirman, lan sak piturute, nduweni Sipat Kandel<br />
awujud keris kang mesti digawa terus.<br />
Ananging jaman kajayan para mpu keris yaiku ing<br />
jamane Sultan Agung. Sultan Agung nduwe impen<br />
isa nyawijekne Jawa. Kabeh wargane kudu nduweni<br />
perangan kanggo perang, salah sijine keris. Ing<br />
mangsa iku, kabeh wong nyengkelit keris ning<br />
bangkekane. Ing jaman iki uga lair keris jinis anyar.<br />
Wiwitan karo pembrontakane Adipati Pragola II ing<br />
tlatah Pati, prajurit Mataram ora kasil naklukake<br />
pembrontak kuwi. Dicritakake yen prajurit Pati<br />
nduweni kasekten ora isa ditembus gaman, nanging<br />
isa tinembus menawa gaman kuwi ngemu emas.<br />
Mula banjur lair keris tinatah lan lapis emas. Keris<br />
iku uga dadi hadhiyah kanggo sapa sing isa ngalahake<br />
Pati. Keris sing paling kondhang kanggo hadhiyah<br />
wektu iku jenenge keris Gajah Singa.<br />
Nek diturut babagan keris bakalan dhawa banget.<br />
Ora liya merga keris wis nyawiji karo wong Jawa.<br />
Keris akeh ilang sakwise jaman Daendels ngetokake<br />
aturan babagan gaman. Ananging keris tetep isih<br />
ana tekan saiki. Salah siji turunane mpu Supa<br />
jaman Majapahit saiki dadi mpu kerise Kraton<br />
Jogja, yaiku Mpu Sungkowo Harumbraja.<br />
Semana ndhisik crita babagan keris. Tulisan<br />
candhake mengko bakal cinarita kepiye niteni<br />
jaman penggaweane keris seka tangguh lan pamore.<br />
Setei cun! (lantip)
12<br />
Bias gender tembung ‘pelakor’<br />
Durung suwe, ana pirembugan<br />
kang ndadekake rame neng<br />
masyarakat yaiku kanthi<br />
anane tembung ‘pelakor’<br />
alias perebut laki-laki orang,<br />
yen dijawake dadi wong<br />
sing seneng ngrebut bojone<br />
wong liya. Tembung iki dadi<br />
rame banget dirembug neng<br />
satengahing masyarakat.<br />
Sejatine, kang dadi objek<br />
‘pelakor’ neng kene dituduhake<br />
marang wong wadon liya sing<br />
seneng nggodha wong lanang<br />
kang wis duwe bojo. Amarga<br />
bojone sing lanang ora trima<br />
ana wedokan liya banjur<br />
nyebut wong wedok mau<br />
kanthi sebutan pelakor kaya<br />
mangkono.<br />
Tembung pelakor kuwi ana merga saka kahanan<br />
kang wis sansaya ruwet neng masyarakat. Akeh<br />
wong sing padha tumindak sleweng. Wong lanang<br />
kang wis padha duwe bojo kepencut marang wong<br />
wedok liya neng njaba ngomah. Wong wadon sing<br />
ngrasa kurang digatekake karo bojone uga wis padha<br />
wani nyleweng. Wong lanang wadon sing wis padha<br />
bebojoan ora sithik sing padha nyleweng. Jalarane<br />
merga ngrasa kurang marem karo pasangane dhewedhewe.<br />
Kahanan kaya mangkene iki sing njalari<br />
tembung pelakor sansaya moncer neng ngendi wae<br />
papan.<br />
Saktemene, kurang trep yen sing disalahke njalari<br />
anane crah neng sawijine bale wisma kuwi mung<br />
wong wadon wae. Tembung pelakor sing ditujokake<br />
kanggo para wong wadon kuwi kaya-kaya njalari<br />
anane diskriminasi gender. Kudune yen ana ‘pelakor’<br />
ana uga ‘pebinor’ (perebut bini orang), lanangan<br />
sing seneng ngrebut bojone wong liya. Nanging,<br />
stigma sing tumanjem neng masyarakat Indonesia<br />
kuwi yen sebutan pelaku kuwi asipat aktif, dadi wong<br />
wadon sing akeh disalahke. Dene, wong lanang<br />
katon dadi korban (pasif) dadi ora patiya akeh disalahke.<br />
Kudune, loro-lorone mau disalahke merga tumindak<br />
sleweng mau dilakoni wong loro sing padha-padha<br />
geleme, padha-padha duwe karep nyleweng. Dudu<br />
mung wong wadon sing salah, wong lanang sing<br />
duwe watek alami gampang kagodha wanita uga<br />
perlu ditanjehake kanggo dituturi supaya sadhar yen<br />
tumindake mau luput.<br />
Sadurunge tembung pelakor dadi moncer neng<br />
masyarakat, sejatine neng masyarakat Jawa wis<br />
luwih dhisik dirembug babagan tumindak nyleweng<br />
iki. Akeh tembang-tembang Jawa (tembang campursari<br />
jaman modhern) kang ngrembug babagan kaya<br />
ngono mau. Tuladhane tembang ‘Bojo Ketikung’<br />
kang wiwitane ditembangke grup NDX AKA lan saiki<br />
kerep ditembangke artis kang lagi wae kondhang<br />
yaiku Via Vallen. Mangkene pethikan cakepan tembang<br />
mau.<br />
Jangan apa, jangan kangkung,<br />
Tempe apa, tempe kara,<br />
Ngapa kok bingung, bojoku ditikung,<br />
Lapa kok bingung, ra lapa lapa<br />
Aku ra nyangka kowe tega karo kanca,<br />
Jarene kanca kenthel, bojoku tok sleding tekel,<br />
Apa ra ana lanang liya sing seneng kowe,<br />
Nganti kowe nikung bojone kanca dhewe,<br />
Heee kowe kancaku sing jarene cs-ku<br />
Nanging nyatane ning mburi kok kowe kaya pabu,<br />
Mbribik nikung nyiak bojone kanca dhewe,<br />
Ora mikir kancane tumindak sak karepe,<br />
Isi tembang iki nyritakake uneg-unege wong wadon<br />
sing bojone ditikung kancane dhewe. Atine kecuwa<br />
banget merga tali kekancan sing wis dilakoni jebul<br />
ora tulus. Dheweke gelem kekancan merga duwe<br />
karep pengin ngrebut wong lanang sing wis duwe<br />
bojo liya. Wong wedok kaya ngene iki padha karo<br />
paribasan ‘estri candalem acukilem’. Tegese, wong<br />
wedok kang pagaweyane nyolong. Tembung nyolong<br />
neng kene bisa uga ditegesi nyolong bojone wong<br />
liya. Temtu iki dudu pagaweyan sing becik merga<br />
dheweke wis tumindak culika. Tanpa mikir apik orane<br />
tumindake mau, neng tembe mburi malah kepara<br />
bisa ngrugekake awake dhewe.<br />
Pancen wiwitane wong nyleweng kuwi ora ana<br />
sing ngerti. Kabeh ditindakake meneng-meneng<br />
neng samburine wong liya. Nanging sing jenenge<br />
bathang senajan disimpen rapet uga bakal mambu.<br />
Prakara iki kaya dene unen-unen ‘aling-alingan katon’<br />
(senajan selak saka sawijining prakara, ananging<br />
konangan neng tembe mburi), utawa ‘durniti ganda<br />
rasa’ (wong sing lelaku ala mesthi bakal konangan<br />
dening wong liya). Kabeh tumindake manungsa, apik<br />
ala ora ana sing bisa didhelike rapet dhewekan.<br />
Samangsa-mangsa bakal konangan dening wong<br />
liya. Mula, yen wis mangkono, dhewe kudu ngadohi<br />
tumindak ala kaya dene sleweng karo wong liya sing<br />
wis duwe bojo. Yen nganti crah anggone omah-omah,<br />
sing dadi korban ora liya ya mung anake. Apa ya<br />
mentala?<br />
Nur Hanifah Insani<br />
Hoax sajrone Bharatayuda<br />
JAMAN saiki wong-wong lagi digawe umyek kanthi<br />
anane ‘hoax’ utawa warta dora. Pawarta sing ora<br />
bener iku sumebar lewat media sosial wiwit facebook,<br />
twitter, utawa instagram. Korban warta dora iku wis<br />
sepirang-pirang. Ana sing wis mlebu penjara amarga<br />
nyebarake hoax. Ana maneh sing kudu urusan<br />
karo polisi gara-gara hoax. Urip dadi ribet. Hawa<br />
panas ngebaki suwasana atine para bebrayan. Para<br />
winasis malah khawatir yen hoax bisa mbebayani<br />
awit bisa mecah kerukunan lan manunggale<br />
bangsa.<br />
Apa hoax iku mung ana jaman saiki? Nyatane ora.<br />
Yen gelem naliti jebul hoax iku wis tinemu sajrone<br />
lakon Bharatayuda Jaya Binangun. Mesthi wae ing<br />
lakon wayang Purwa iku ora disebut hoax. Sing<br />
nggumunake kang nyebarake hoax dudu Kurawa,<br />
nanging malah Pandhawa. Ing kamangka Pandhawa<br />
kang unggul ing yuda iku sinebut satriya utama.<br />
Perangan ngendi sing nuduhake yen hoax wis digunakake<br />
kanggo strategi perang Bharata Yuda?<br />
Saora-orane sumebare hoax bisa tinemu ing lakon<br />
Durna Gugur lan Jayajarata Lena.<br />
Ing lakon Durna Gugur, ing kono cinarita Dhahyang<br />
Durna kang ngadeg minangka senapati perang wus<br />
mandhegani wadyabala Kurawa. Pandhawa eram<br />
mungguh kadigdayane Maha Guru Sokalima kuwi.<br />
Kanggo ngalahake Senapati Kurawa iki, Pandhawa<br />
banjur nyebarake warta yen anake lanang Begawan<br />
Durna kang aran Aswatama mati. Krungu pawarta<br />
anake lanang mati, Begawan Durna dadi kodheng<br />
pikire. Dheweke enggal-enggal takon marang wongwong<br />
kang katon ing sakiwa tengene pesanggrahan<br />
kanggo nakyinake lamun Aswatama pancen wus<br />
tumekeng pati. Yen cara saiki kang ditindakake<br />
Begawan Durna iki lagi nindakake konfirmasi utawa<br />
nakyinake bener lan orane pawarta mau.<br />
Anehe sing ditakoni Begawan Durna malah para<br />
Pandhawa kang wektu iku dadi mungsuhe. Anehe<br />
maneh para Kurawa ora ngamping-ampingi Senapati<br />
Agung kuwi. Nakula, Sadewa, Arjuna, lan Werkudara<br />
kabeh ditakoni ngenani patine Aswatama.<br />
Nanging kabeh wangsulan pancen bener yen Aswatama<br />
wis tumekeng pati. Begawan Durna yakin yen<br />
Pandhawa ora nate cidra apamaneh kabeh iku<br />
mantan muride ing Padhepokan Sokalima. Begawan<br />
Durna setengah ora percaya awit wis lumrah yen<br />
para satriya iku gelem dora, cindra, lan apus-apus.<br />
Dheweke banjur ngupadi pawongan paling jujur<br />
sadonya yaiku Puntadewa, pambarepe Pandhawa<br />
sing kapanggonan rah seta pratandha wong kang<br />
ora nate cidra, dora, apadene apus krama.<br />
Temenan dilakoni. Begawan Durna kelakon ketemu<br />
Prabu Puntadewa ya Yudhistira kang kondhang<br />
sinebut satriya kang memper brahmana jalaran ora<br />
nate cidra. Bareng ditakoni apa bener Aswatama<br />
wus tumekeng tiwas, Prabu Puntadewa ngendika<br />
lamun Hestitama pancen wus prapteng lampus.<br />
Hestitama genah beda karo Aswatama awit Hestitama<br />
iku satemene jeneng gajah kang tinitihan<br />
saweneh senapati pengamping wadya Kurawa.<br />
Dhasar wus keladuk yuswa karomaneh pikirane<br />
lagi kuwur tan mokal lamun ora cetha anggone<br />
miyarsakake pangandikane Prabu Puntadewa, rumangsane<br />
Aswatama ya anake lanang siji-sijine wis<br />
diperjaya dening para Pandhawa.<br />
Sanalika Begawan Durna entek atine. Ilang pangarep-arepe.<br />
Lemes otot bebayune. Sirna daya kekuwatane.<br />
Ing kahanan setengah kapidara kuwi,<br />
Begawan Durna kudu andon yuda mungsuh Senapati<br />
Pandhawa kang aran Trustha Jumena, mula<br />
bisa dipesthekake Begawan Durna asor ing yuda.<br />
Kanthi gampang wae Trustha Jumena merjaya Begawan<br />
Durna. Tinigas jangga, Begawan Durna sigra<br />
gugur ing pabaratan dadya banten Bharata Yuda<br />
Jaya Binangun. Kalahe sang Senapati amarga kena<br />
warta dora utawa hoax.<br />
Crita angka loro kang nuduhake anane hoax ing<br />
Bharatayuda yaiku gugure Jayajarata. Lakon iku<br />
dumadi sawise lakon Abimanyu ranjab. Dene Abimanyu<br />
kelakon diranjab gaman sewu iku mung saka<br />
sumpahe dhewe kaya dicritakake ing lakon Kala<br />
ilustrasi dening Antomatis<br />
Bendana Lena. Biyen Satriya bagus iki nate dora<br />
karo garwane Siti Sundari. Kanggo nutupi anggone<br />
mangun bale somah karo Utari, dheweke sumpah<br />
yen nyata dora muga-muga mbesuk matine dikrocok<br />
gaman sewu. Dikabulke dewa mula Abimanyu matine<br />
diranjab Kurawa kanthi gegaman cacah sewu.<br />
Gugure Abimanyu iku ora wurung mahanani dukane<br />
Raden Janaka. Dheweke sumpah yen sajrone<br />
sedina ora bisa merjaya Jayajarata luwih becik<br />
mati obong. Krungu sumpah sing kaya kuwi wadya<br />
Kurawa sorak-sorak rumangsa entuk cara kanggo<br />
merjaya Arjuna karana alus. Wiwit esuk umum-umun<br />
Raden Jayajarata wis disingidake aneng sajerone<br />
gedhong waja. Ana pakem sing nyritakake Jayajarata<br />
didhelikake kanthi dikupengi prajurit Kurawa.<br />
Wosing crita padha wae. Jayajarata disingidake<br />
supaya wektune entek lan raden Arjuna kelakon<br />
pati obong.<br />
Meh wae Raden Janaka mati obong, nanging<br />
Kresna wis duwe cara. Ing satengahe alun-alun<br />
sacedhake gedhong waja kang kanggo sesingidan<br />
Jayajaraya, para Pandhawa wus gawe tumpukan<br />
kayu kang bakal kanggo pati obong. Nyedhaki serap<br />
surya Punakawan kabyantu prajurit Pandhawa<br />
nyebarake warta yen Janaka mati obong. Warta<br />
dora iku disebarake rame-rame. Kabeh padha pating<br />
brengok nyebut-nyebut Janaka mati obong. Janaka<br />
mati obong. Janaka mati obong. Suwara-suwara<br />
iku sesautan ngebaki papan kono. Krungu pambengoke<br />
wong sepirang-pirang, Jayajarata sing<br />
sesingidan aneng jero gedhong waja wis ora kuwat<br />
maneh. Atine goreh. Kupinge gatel. Mripate pendirangan<br />
selak nyumurupi gugure Janaka kang mati<br />
obong. Notol rasane ati pengin nyumurupi kahanane<br />
jaba, Jayajarata anguk-anguk jendhela gedhong<br />
waja. Raden Arjuna kan wus nginceng wiwit mau<br />
saka kadohan nyumurupi ana sirah kang angukanguk<br />
cendhela gedhong waja. Panah sigra dilepasake<br />
sakala tumama janggane Raden Jayajarata.<br />
Jangga tugel mustaka gumlundhung. Sakala iku<br />
uga Raden Jayajarata prapteng lampus.<br />
Nyumurupi Raden Jayajarata gugur marga layu,<br />
wong tuwane kang aran Resi Sepwani duka. Dhasare<br />
wong kang suci cinaket ing dewa tan mokal<br />
lamun kabeh pamintane disembadani. Resi Sepwani<br />
sigra amuja semedi nyuwun kamurahane dewa<br />
muga-muga Jayajarata bisa urip maneh. Kabul<br />
pamintane Resi Sepwani. Mustakane Raden Jayajarata<br />
sanalika bali urip. Sinandhangan keris pusaka<br />
mustaka tanpa gembung iku ngamuk punggung<br />
ing pabaratan. Wadya Pandhawa kocar kacir akeh<br />
kang ketaman gegaman. Prabu Kresna terus utusan<br />
Punakawan supaya nggegodha Resi Sepwani. Nalika<br />
lagi maca mantra kang nyebut urip-urip-uripurip-urip<br />
karo gedhek-gedhek mustakane sinambi<br />
ngetung tasbih wong jenitri, Petruk nyebarake<br />
warta yen Jayajarata mati-mati-mati-mati-mati. Saking<br />
pintere Petruk, Resi Sepwani ketrucut pangandikane<br />
nyebut tembung ‘mati’. Sakala iku uga<br />
mustakane Raden Jayajarata tumekeng pati.<br />
Lelakon kang cinarita ing peranganing Perang<br />
Bharatayuda iku wis dadi conto nyata yen hoax<br />
utawa warta dora mujudake saweneh strategi alus<br />
kanggo ngalahake mungsuh. Sing nyebarake hoax<br />
malah dudu Kurawa. Pandhawa kang asring sinebut<br />
jejere satriya tama wae uga nggunakake hoax kanggo<br />
ngalahake Kurawa. Kabukten yen Kurawa uga asor<br />
ing yuda sawise ketaman hoax. Piye yen jaman<br />
saiki? Hoax ora bisa diendhani minangka strategi<br />
ngalahake mungsuh. Ora perlu nyalahake liyan.<br />
Sing wigati kudu padha mawas dhiri. Wong perwira<br />
mesthine ora nggunakake warta dora kanggo<br />
ngrebut kemenangan.<br />
Ki Sudadi,<br />
Penulis Sastra & Budaya & guru SMP Negeri 1<br />
Wadaslintang cumondhok ing Wadaslintang,<br />
Wonosobo, Jawa Tengah
13<br />
Dolanan<br />
tradisional,<br />
gerat-gerit<br />
lancung<br />
KAMPUNG Kedondong (uwong-uwong ngarani Kampung<br />
Ndondong) klebu ana neng Padukuhan Sedono Desa Pundungsari<br />
Kecamatan Semin Kabupaten Gunungkidul. Kampung iku uga<br />
dikenal merga neng kampung iku ana Pesarean “Gedhong<br />
Pulungsari”, yaiku Pesarean Putra Ngarsa Dalem Sri Sultan<br />
Hamengkubuwono II. Putra Ngarsa Dalem Sri Sultan Hamengkubuwono<br />
II ingkang sumare ana neng papan kana yaiku GRM. Sumadi (putra<br />
kaping 53) lan GRAy. Sudarminah (putra kaping 59).<br />
Warga masyarakat Kampung Kedondong saben dinane urip<br />
saka asil tetanen. Ana pari organik, pari non-organik, jagung,<br />
kacang, tela lan sakpanunggalane. Merga neng Kampung Kedondong<br />
kuwi ana sumber banyu sing gedhe lan ora tau surut senajan<br />
mangsa ketiga, dadine sawah-sawahe kecukupan banyu, tuwuh<br />
subur lemu-lemu. Sakjrone setahun warga masyarakat bisa panen<br />
ping telu, mulane taun 2017 Ngarsa Dalem Sri Sultan Hamengkubuwono<br />
X rawuh ana neng Kampung Kedondong saperlu nyekseni anggone<br />
panen raya pari.<br />
Babagan kesenian lan kabudayan, warga masyarakat Kampung<br />
Kedondong uga ora nglalekake. Upacara adat lan tradisi kaya<br />
rasulan (Bersih Dusun), nyadran, wiwitan tandur, mitoni, sepasaran,<br />
matang puluh, nyewu lan sakpanunggalane isih urip kanthi lestari.<br />
Kesenian gejog lesung, hadroh/sholawat Jawa, seni karawitan<br />
lan dolanan tradisional uga isih ana, diuri-uri lan dikembangake<br />
dening warga masyarakat.<br />
Salah sijine dolanan tradisional sing isih ana neng Kampung<br />
Kedondong yaiku dolanan Gerit-Gerit Lancung. Miturut salah<br />
sijining warga, yaiku Mbah Tuminah sing saiki yuswane kurang<br />
luwih 80 taun, dolanan iku mbiyene tau dadi dolanan kang<br />
misuwur. Saben wayah sore utawa padang bulan bocah-bocah<br />
enom lan uwong tuwa padha dolanan Gerit-Gerit Lancung<br />
bebarengan. Dolanan iku ora bisa dilakokke dhewekan, kudu<br />
dilakokke wong telu utawa luwih.<br />
Tata carane kurang luwih kaya ngene: tuladhane ana wong<br />
sepuluh, salah siji kudu ana sing njaga karo nggawa watu cilik.<br />
Wong sanga liyane lungguh mubeng, lan wong siji sing njaga<br />
mau lungguh ana neng tengah-tengahe wong sanga mau. Karo<br />
nembang lelagon bebarengan, tangane wong sing njaga nylempitake<br />
watu neng salah siji tangane wong sanga mau. Lelagon sing<br />
ditembangake kaya ngene:<br />
Gerit-gerit lancung, sedalu dalu lancung<br />
Sudak krompyong, sudak krompyong<br />
Si krompyong tembe parane, parane mangetan kana<br />
Enggok sempal gerojogan, sapa nggawa iku mau<br />
Sing nggawa mesema ngguyu, ditakoni ora ngaku<br />
Melerok kaya satruku, sir-sir pong dele kopong<br />
Kocak-kacik sisil uwong<br />
Yen wis ngono, wong sing njaga, sing lungguh ana neng tengah<br />
ngenehi pitakonan karo salah sijining wong sanga sing lungguh<br />
mubeng mau: “Watu cilik sing dakcekel mau saiki sing nggawa<br />
sapa?” Karo ngenteni wangsulan seka wong sing ditakoni, liyane<br />
nembangake lelagon kaya mangkene:<br />
Salah kaprah busana<br />
Kartinian kanggo bocah -<br />
busana sabukwala<br />
foto saking buku:<br />
Busana Adat dan<br />
Tata Rias<br />
Tradisional Gaya<br />
Yogyakarta.<br />
Yogyakarta: Dinas<br />
Kebudayaan DIY<br />
Mbok Tumi entuk sekenthung, takledung sakota kate wana<br />
Bayem raja donya, londer kelutana<br />
Seblakana kelutana ndomble, kacang kawak temu kene<br />
Rong-erong dudu sanak dudu kadhang, yen mati melu kelangan<br />
Cara nggantung gunung<br />
Wong sing ditakoni kudu wangsulan: “Sapa sing nggawa watu?”<br />
Saumpama wangsulane luput wong kuwi mau entuk paukuman.<br />
Ning saumpama wangsulane bener, wong sing nggawa watu<br />
sing entuk paukuman. Paukumane isa kanthi nembang, sesorah,<br />
macapat lan liya-liyane.<br />
Jaman saiki dolanan Gerit-Gerit Lancung kuwi isih tetep diuriuri<br />
lan didolanke karo warga masyarakat. Malah neng Gelar<br />
Potensi Desa Rintisan Budaya se-Kabupaten Gunungkidul, dolanan<br />
Gerit-Gerit Lancung dipentaske ana neng sakdhuwure panggung.<br />
Mesthinipun makili Desa Pundungsari sing kalebu dadi salah<br />
sijine Desa Rintisan Budaya saka 14 desa sing ana neng Kabupaten<br />
Gunungkidul.<br />
Seka dolanan tradisional sing isih dilestarekake warga masyarakat<br />
Kampung Kedondong, bola-bali ana mahasiswa uga warga<br />
masyarakat liyane gawe penelitian lan liputan bab dolanan Gerit-<br />
Gerit Lancung. Ana seka mahasiswa Etnomusikologi ISI Yogyakarta,<br />
mahasiswa AKINDO Yogyakarta lan liya-liyane. Malah kepara<br />
seka UPT Taman Budaya Yogyakarta mbesuk tanggal 9 Mei <strong>2018</strong><br />
gawe acara Rekonstruksi dan Revitalisasi Budaya kanggo dolanan<br />
Gerit-Gerit Lancung. Muga-muga anggone pemerintah lan warga<br />
masyarakat njaga lan nguri-uri kabudayan ana ngendi wae isa<br />
langgeng lan ngrembaka nganti anak putu mbesuke.<br />
Dedy Susilo, S. Sn.<br />
Pengurus Desa Rintisan Budaya<br />
Desa Pundungsari, Semin, Gunungkidul.<br />
Saben tanggal 21 April, sekolah-sekolah<br />
neng Yogyakarta<br />
bakal mengeti laire Raden Ajeng<br />
Kartini. Acara sing diarani ‘kartinian’<br />
iki mesti ngudokke para siswa<br />
sekolah dhasar nganggo busana<br />
adat. Adate wali siswa mau banjur<br />
golek silihan neng salon sakkiwa-tengene<br />
omah. Wiwit isuk,<br />
bocah kudu tangi mruput banjur<br />
antri dandan. Apa meneh bocah<br />
wedok, kudu pupuran, gelungan,<br />
lan jarikan mlithit.<br />
ANANGING menawa diturut ana ing pranatan<br />
pengageman Karaton Ngayogyakarta, jebule<br />
kuwi kabeh kleru. Ora ana bocah cilik digelungi,<br />
dijariki mlithit, apa meneh dipupuri kandel kaya<br />
ibune. Babagan busana adat kanggo cah cilik,<br />
mligine kanggo bocah wedok kuwi ana aturane.<br />
Busana sing trep kudune dinggo nalika kartinian<br />
kuwi diarani busana sabukwala.<br />
Sejarahe, busana sabukwala mbiyen dinggo<br />
para putra-putra dalem, utawa saiki wayah<br />
dalem sing umure 5 taun tekan 10 taun. Ananging<br />
pengganggone busana iki ya kudu ditrepke<br />
marang gedhe cilike awak. Menawa umur<br />
10 taun nanging wis katon gedhe, busana sing<br />
dinggo mesthine pinjung. Miturut pranatan<br />
Keraton Yogyakarta, busana sabukwala iki dibedakke<br />
dadi telung jinis. Sepisan, sabukwala<br />
nyamping bathik kanggo pedintenan lan upacara<br />
alit. Ping pindhone, sabukwala nyamping<br />
praos utawa prada emas kanggo resepsi tetesan.<br />
Ping telune, sabukwala nyamping cindhe<br />
kanggo upacara garebeg utawa hajad dalem.<br />
Umume, menawa kartinian busana kanggo<br />
bocah SD yaiku sabukwala pedintenan. Werna-werna<br />
sing bakale dinggo antarane ana<br />
nyamping bathik dhawane 3 meter, ageman<br />
kebaya katun, sabuk lonthong, kamus kristik<br />
mawi cathok kupu. Umume, bathik sing dinggokke<br />
bocah corekane sing cilik-cilik kaya ta gringsing,<br />
kawung, parang seling, utawa ceplok. Motif<br />
ceplok kalebu pola geometris mozaik sing tinata<br />
endah lan dadi cirine para bangsawan.<br />
Kaya motif kawung sing wis ana wiwit abad IX<br />
lan isa ditemokke neng patung-patung candhi.<br />
Ana meneh motif gringsing sing ditulis neng<br />
jero Kidung Harsa Wijaya seka abad XIII.<br />
Carane nganggo busana sabukwala yaiku,<br />
1/3 seka nyamping bathik mau diubetke seka<br />
dhadha. Turahane 2/3 banjur dilempit kaya<br />
wujud draperi. Menawa wis dadi, wujude draperi<br />
kuwi ditalekke neng bangkekane bocah.<br />
Pungkasane nek wis dadi, banjur ditaleni lan<br />
disabuki nganggo sabuk lonthong. Ora lali, sak<br />
njabane sabuk lonthong diwenehi kamus kristik.<br />
Adate, ibu-ibu nyawang anake kurang marem<br />
nek ora nganggo ‘raja kaya’ senajan mung<br />
imitasi. Ananging, miturut aturan pengageman<br />
kraton, sejatine raja kaya ora gathuk menawa<br />
dinggokke marang bocah sing nganggo busana<br />
sabukwala. Geneya kudu nganggo supaya<br />
macak, olehe mung nganggo kalung utawa<br />
ating-anting.<br />
Menawa digatekke tenan, donyane bocah<br />
kuwi mung ana seneng-seneng lan dolan. Busana<br />
sing paling cocok kanggo Kartinian mestine<br />
ya busana sabukwala. Busana iki cetha ora<br />
bakal njiret bocah nalika dinggo. Apa meneh<br />
nyencang utawa marakke mlaku kangelan.<br />
Anggone jarikan cetha amba, isa dinggo mlayu<br />
utawa bebuwang sakwektu-wektu. Kosokbalene<br />
nalika bocah kudu nganggo jarik mlithit,<br />
sandhal njinjit, gelungan dhuwur, kuwi malah<br />
milara bocahe dhewe. Pancen bener ibu-ibune<br />
banjur seneng ndelok anake ayu, kenes, mlaku<br />
timik-timik, nanging busana Kartinian jaman<br />
saiki sakjane malah nyiksa bocah.<br />
Sejatine, busana sabukwala iki isih gampang<br />
ditemoni neng satengahing masyarakat. Isih<br />
okeh salon-salon sing nyewakke busana kang<br />
pener, nanging cathetane angger gelem nggoleki.<br />
Menawa wiwit cilik wis diajari bab kabudayan<br />
sing bener tur pener, gedhene besok bocah<br />
mesti bakal isa ngleluri tinggalane leluhur. Aja<br />
ngangsi apa sing wis dadi ‘identitas’ Yogyakarta<br />
saiki bakal ilang merga ora krumat. (ark)
14<br />
Burger Monalisa<br />
burger legendaris neng Jogja<br />
Darpana, pengilon<br />
para widadari<br />
MESTHINE ora ana wong wadon sing ora kenal<br />
karo pengilon. Kaca utawa pengilon iki dadi salah<br />
sijining ubarampe wajib sing kudu diduweni lan ana<br />
neng jero tas. Apa meneh yen arep dandan. Piye-piyea,<br />
nek ora ana kaca ora afdol anggone wedhakan,<br />
bengesan, apa meneh celakan. Isa-isa anggone<br />
wedhakan ora rata, pating dlemok, celakane kecorek<br />
ngiwa-nengen, arep ayu kepara malah ‘babak bundhas’.<br />
Karep ati pengen kaya widadari, malah dadine<br />
kaya memedi. Menawa digatekake, pengilon pancene<br />
mung barang sepele nanging daya gunane ora isa<br />
disepelekake.<br />
Sejatine, pengilon sing tinuju kanggo ngilo wis<br />
ana kawit leluhur mbah-mbah mbiyen. Critane jebul<br />
ora mung perangan kanggo ngilo. Miturut sejarahe,<br />
nalika durung ditemokake kaca, manungsa nganggo<br />
lempengan logam yen arep ngilo. Lempengan<br />
logam kuwi karo kanca-kanca arkeolog banjur diarani<br />
darpana. Neng India, logam mau dadi gantine<br />
kaca merga bayangan olehe seka ngilo kalebu asli,<br />
dudu bayangan distorsi. Sakliyane kuwi, negara<br />
sing dominasi agama wargane Hindu, percaya menawa<br />
darpana iku salah sijining upakara kanggo<br />
upacara para dewa-dewi. Miturut sumber arkeologi,<br />
darpana adate dinggo ‘ngedusi’ para dewa.<br />
Mesthine kabeh padha bingung, ngendi ana dewadewi<br />
adus. Menawa tenan ana, piye carane dewadewi<br />
mau anggone grujugan banyu?<br />
Upacara ‘ngedusi’ dewa liwat darpana ora ngemu<br />
teges adus banyu tenan. Ning, bayangan arca dewa<br />
sing tinemu neng sajroning darpana banjur digrujug<br />
nganggo banyu. Mesthine ora waton banyu, ning<br />
banyu sing wis diupakarani sadurunge. Bayangan<br />
arca dewa sing ginrujug neng darpana banjur diarani<br />
ngedusi para dewa kanthi simbolik. (ark)<br />
MINANGKA salah sijine kutha kang dadi pancere budaya<br />
Jawa, Ngayogyakarta duwe maneka warna kaskaya<br />
budaya. Salah sijine yaiku wayang. Ana bab kang perlu<br />
dimangerteni yaiku yen ngrembug bab gatra utawa wujud<br />
wayang. Apa Ngayogyakarta duwe wujud wayang kang<br />
mirunggan (khas)? Wangsulane, ana!<br />
Akeh panganggep kang umum utawa lumrah yen nyawang<br />
wayang mono kabeh wujude padha wae. Nanging mesthi<br />
wae yen ditamatke kanthi setiti, ana bedane. Ana ciri<br />
mirunggan. Bab kang bakal dirembug ing kene yaiku<br />
mligine wujud boneka wayange. Banjur anggone niteni<br />
kepriye? Sebut wae, yen wujud wayang kang ngrembaka<br />
ana wewengkon tlatah Ngayogyakarta yakuwi wayang<br />
kanthi gagrag utawa cakrik utawa gaya Ngayogyakarta.<br />
Wayang gagrag Ngayogyakarta mono salah sawijine<br />
kaskaya budaya kang ana ing tlatah Indonesia lan<br />
sing diduweni bangsa iki wiwit kuna makunane.<br />
Anane wiwit kapan? Ya nalika dumadine Nagari<br />
Ngayogyakarta (bab iki bakal dicritakke ana perangan<br />
candhake). Mula, kanggo ngerteni ciri kang mirunggan<br />
gatra wayang gaya Yogyakarta mau ora gampang<br />
diandharake. Supaya bisa mbedakake gatra siji lan<br />
sijine kang mapan ing wewengkon liya perlu alonalon<br />
diandharake. Bab iki satemene ana gandheng<br />
cenenge klawan “rasa” kang wis nyawiji. Mula sinau<br />
wayang mono diperlokake rasa tlaten lan gatekan.<br />
Ngrembug bab wayang, ora bakal adoh saka sumber<br />
pancere budaya, yaiku Kraton Ngayogyakarta. Perlu<br />
uga dimangerteni para maos yen Ngayogyakarta<br />
kuwi nduweni semboyan kang nandhes mbalung<br />
sungsum, yaiku “sawiji, greget, sengguh, ora mingkuh”<br />
kang nalika semana dilairake dening Pangeran<br />
Mangkubumi kang banjur jumeneng minangka Sultan<br />
Hamengku Buwana kaping sepisan. Semboyan papat<br />
iku nduweni teges manunggal, nduweni semangat,<br />
nduweni karakter kang kuwat, sarta tatag tanggon.<br />
Semboyan iku uga nyrambahi sakabehe kagunan<br />
Rerasan bab Yogyakarta, mesthi ora bakal<br />
isa dipisahke seka bab crita kulinere. Kawit<br />
ndhisik kutha iki nduwe macem-macem panganan<br />
enak sing wis melegenda. Misale wae<br />
ana gudheg, bakmi nyemek, sate klathak,<br />
lotek, soto, kabeh komplit ana neng kutha sing<br />
akrab disebut Jogja iki.<br />
Nanging seka panganan legendaris kuwi<br />
kabeh, nyatane ya ana meneh panganan landa<br />
sing jenenge wis kondhang-kawentar neng<br />
Jogja seka mbiyen, apa meneh nek ora Burger<br />
Monalisa. Senajan dudu menu asli Indonesia,<br />
sapa sing bakal ngira nek burger sing digawe<br />
karo Wibowo Agung Sanyoto iki kalebu burger<br />
paling tuwa neng Jogja.<br />
Dicritakke Agung neng tim Jawacana durung<br />
suwi iki, Burger Monalisa pisanan bukak warunge<br />
taun 1988. Kabeh bumbu burgere diracik<br />
khusus karo almarhumah ibune Agung.<br />
“Sejarah Monalisa iki cukup dawa lan unik,<br />
senajan taun semana (1988), durung akeh wong<br />
Jogja sing ngerti burger kuwi panganan apa,”<br />
kandhane Agung.<br />
Sawise nyoba ping pirang-pirang lan nemokke<br />
resep sing cocok, Agung banjur wani dodolan<br />
burger. Awale Agung mbukak nganggo<br />
jeneng Garfield Burger, sing lokasine neng<br />
pinggir dalan Kaliurang, neng daerah Universitas<br />
Gadjah Mada (UGM). Alasan nganggo<br />
jeneng kuwi mergane tahun semono Garfield<br />
lagi dadi tokoh kartun sing terkenal. Karepe<br />
Agung jaman semono, kabeh wong bakal<br />
langsung nyanthol karo jeneng Garfield, njur<br />
dadi penasaran karo menu burger.<br />
“Tapi bar dipikir-pikir meneh, ketoke kok<br />
jeneng Garfield iki ora isa awet suwe. Akhire<br />
aku nemu jeneng sing paling pas lan simpel,<br />
yaiku Monalisa. Alesane aku pengin burgerku<br />
seni, kaya ta seni tari, karawitan, sarta wayang.<br />
Ana saperangan panemu kang ngandharake yen<br />
wayang gagrag Ngayogyakarta utawa Yogyakarta<br />
utawa maneh sok ana kang nyebutake “wayang Yojan/<br />
Ngayojan” iku wujude ‘lemu-lemu’, perangan sikilan<br />
wayang jangkahane amba utawa mlengkang, sikilan<br />
luwih cendhak, tangane klangsrah (dawa nganti mepet<br />
sikil), akeh nggunakake motif ukiran/tatahan wujud<br />
inten-intenan, sunggingan utawa wernan kanthi motif<br />
sawutan, tlacapan, sarta bludiran. Ciri liyane yaiku,<br />
werna ing plemahan (sambungan antarane sikil wayang)<br />
nganggo abang polos. Kabeh katrangan ing ndhuwur<br />
mau mesthine wae ora kabeh kaya mangkono.<br />
Kanggo nggampangake ciri kang mirunggan wayang<br />
gagrag Ngayogyakarta, ing kene bakal dijupuk<br />
bandhingan antarane gatra wayang kang umum<br />
iki dadi burger sing melegenda koyo tokoh<br />
Monalisa kae,” kandhane Agung meneh.<br />
Istimewane burger monalisa<br />
Nek biasane burger kuwi rasane asin-asin<br />
gurih, nggone Monalisa nduwe rasa sing beda.<br />
Bumbu burger Monalisa sengaja digawe manis<br />
pedhes ben ora ngilangi ciri khas panganan<br />
Jogja sing cirine rasa legi.<br />
“Dadi, kita sing asli Jogja iki ya mesthine ora<br />
lali karo rasa panganan Jogja sing cenderung<br />
manis. Piye carane kudu nggawe bumbu sing<br />
‘Jogja banget’ tapi tetep enak. Tapi ya nyatane<br />
isih akeh sing rada protes, kok rasa saus mayonese<br />
legi, ora asin. Mulane tekan saiki Monalisa<br />
malah terkenal diarani Burger Jawa,”<br />
jare Agung karo ngguyu.<br />
Burger Monalisa iki dadi istimewa merga<br />
termasuk burger pertama lan paling tuwa ing<br />
Jogja. Senajan sakjane taun-taun semono wis<br />
ana saingan warung burger liya, nanging nyatane<br />
ya ora bisa urip dawa kaya Monalisa<br />
nganti saiki.<br />
“Aku wani ngomong burgerku iki burger sing<br />
paling tuwa neng Jogja. Soale mbiyen ora ana<br />
sing wani nggawe warung sing khusus dodolan<br />
burger koyo aku,” kandhane meneh.<br />
Bedane wayang kulit Jogja - Sala<br />
Perangan 1<br />
Gambar kiwa, Werkudara gagrag Ngayogyakarta; gambar tengen Werkudara gagrag Surakarta<br />
tinemu utawa dikenal umum, yaiku wayang gagrag<br />
Surakarta (Sala). Perlu dimangerteni, isih akeh kang<br />
ora bisa mbedakake antarane rong gatra utawa<br />
gagrag wayang iki. Bab iki penting dimangerteni.<br />
Bandhingan antarane wayang gagrag Ngayogyakarta<br />
lan wayang gagrag Surakarta (Sala). Para maos<br />
perlu priksa uga, menawa katrangan ing kene sipate<br />
ora kaku, mesthi wae bisa luwih luwes.<br />
Ukuran awak<br />
Lumrahe wayang gagrag Ngayogyakarta kuwi<br />
nduweni perangan awak kang luwih lemu yen<br />
dibandhingake tumrap gagrag Surakarta. “Lemu”<br />
ing kene tegese bandhingan antarane dhuwur sarta<br />
ambane wayang. Ing kene, bakal diwenehi conto<br />
tokoh wayang Werkudara.<br />
Wektu kuwi, Burger Monalisa isih sederhana<br />
banget. Panggone lesehan kanggo klasa cilik.<br />
Antarane dalan karo sik jajan mung kaling-kalingan<br />
spanduk. Papan kanggo ngracik burger<br />
ya mung meja siji, ora kalah sederhanane.<br />
“Aku kelingan banget, mbiyen pas aku pisanan<br />
dodolan isih nganggo lampu petromak.<br />
Soale jaman kuwi isih sepi tenan, dadi bingung<br />
yen meh narik listrik saka ngendi. Pas kuwi<br />
meneh sak porsi burger regane isih 400 rupiyah,”<br />
kandhane Agung karo kepingkel.<br />
Saiki Burger Monalisa nduweni limang cabang<br />
neng Jogja. Sing pisanan minangka papan<br />
utama wiwit taun 1988 sing nganti saiki isih<br />
ana neng Jalan Kaliurang, Sekip. Ping pindho<br />
ana neng omah Gedung Agung Sisingamangaraja,<br />
sing uga dadi pabrik pengolahan bahan<br />
baku. Kaping telune ana neng Jalan Damai,<br />
papat neng Babarsari, lan keri dhewe neng<br />
Mrican.<br />
Tapi limang cabang kuwi ora dicekel Agung<br />
dewe. Agung diewangi sedulure, Reni Dewi<br />
Cahyani lan Condrokumolo Sayuti Nugroho.<br />
Senajan nganti saiki Burger Monalisa mung<br />
ana neng Jogja, Agung lan keluargane tetep<br />
pengin entuk waralaba saka pebisnis liya. Agung<br />
nduwe pepinginan kanggo ngembangake<br />
bisnis burger Jawane kuwi neng kutha-kutha<br />
gedhe saliyane Jogja.<br />
“Burger Monalisa iki ora krasa wis 30 taun.<br />
Ya mesthi kepingin berkembang neng kutha<br />
liyane. Minimal aku pengin Monalisa ana neng<br />
Jakarta karo Bandung. Soale neng kutha-kutha<br />
kuwi, kabeh panganan komplet lan masyarakate<br />
ora peduli masalah rega, sing penting<br />
enak. Yo muga-muga taun ngarep wis ana<br />
dalane ya. Dongane wae,” kandhane Agung<br />
mungkasi. (ken)<br />
Werna ana ing plemahan utawa siten-sitenan<br />
Kang sinebut plemahan yaiku perangan kang<br />
nggathukake antarane sikil ngarep lan sikil mburi<br />
ana ing wayang. Dene gunane plemahan iku ora<br />
liya kanggo nguwatake adege wayang uga minangka<br />
simbul bumi utawa lemah. Mulane iku disebut<br />
plemahan=lemah; siten=siti. Lumrahe, perangan<br />
plemahan wayang gagrag Ngayogyakarta iku<br />
diwenehi werna utawa disungging abang polos.<br />
Ewadene wayang gagrag Surakarta manasuka,<br />
ana kang diwenehi werna abang, ireng, biru,<br />
kombinasi werna. Ciri kang lumrah kanggo gagrag<br />
Surakarta yaiku diwenehi garis werna emas ing<br />
ndhuwur lan ngisor.<br />
Gambar ndhuwur plemahan wayang gagrag<br />
Ngayogyakarta; gambar ngisor plemahan<br />
gagrag Surakarta<br />
Kanggo tambahan maneh, dlamakan sikil wayang<br />
gagrag Surakarta diwenehi tambahan sunggingan<br />
‘geretan’ dhobel “ (( ))” (Coba tamatna perangan<br />
dlamakan sikil ngarep sarta sikil mburi (tungkak)).<br />
Ewadene wayang gagrag Ngayogyakarta polos ora<br />
ana geretane (gatekna gambar). (ana candhake)<br />
R. Bima Slamet Raharja<br />
Dosen Sastra Jawa, UGM
15<br />
Omahe Ki Prawiro Suwarno, saiki dadi restoran<br />
FOTO: A HARTADI<br />
Murtasiyah, ibu.<br />
Ibu, kanggoku ibu kuwi gusti sing mawujud.<br />
Saben anak nduwe rasa tresnane dhewe marang<br />
ibune. Ana sing banget, uga ana sing sakukur<br />
anggone tresna. Kabeh ora isa dipadhakke,<br />
kabeh ora ana ukurane. Prekara sing baku lan<br />
utama, ibu kuwi sesambungane urip kanggo<br />
kabeh sik lair seka guwa-garbane. Ibu kuwi<br />
dalane nyawa antarane manungsa karo Gustine.<br />
Katur sembah sungkem kagem para ibu neng<br />
alam donya.<br />
Crita bab ibu ing sajroning Kabudayan Jawa<br />
ora tanggung-tanggung okehe. Kaya dene, neng<br />
piwulang Manu Smrti, dicritakke menawa ‘anakanak,<br />
upacara agama, bekti prasetya, kabungahan,<br />
swarganing leluhur lan pribadi, kabeh ana ing<br />
dlamakan epek-epeke wanita’. Wanita sing<br />
dikarepke iki ora liya, yaiku ibu. Kuwi kabeh ana<br />
merga jasa-jasane ibu. Ora ana sing isa males,<br />
ora ana sing isa ngetung, apa meneh nggenti.<br />
Salah sijining gambaran ibu sing ana neng<br />
penemune masyarakat Jawa yaiku Dewi Kunthi.<br />
Kunthi iku turunane Yadu seka Dinasti Candra,<br />
putrine Raja Surasena, Wangsa Yadawa. Nalika<br />
dadi garwane Pandu, Kunthi kondhang anggone<br />
tapa-brata. Sanadyan anak raja, Kunthi lan Pandhu<br />
milih urip neng alas dadi pertapa kanggo nebus<br />
dosane nalika ora sengaja mateni Resi Kindama<br />
sing mawujud kewan. Rasa prihatin lan ‘bhaktiyoga’<br />
sing dilakoni Kunthi dadi sranane kanggo para<br />
Pandhawa. Pangorbaning iki bakale dadi kabegjan<br />
kanggo para Pandhawa neng tembe mburi.<br />
Kunthi neng crita Mahabharata pancen kondhang.<br />
Pribadine sing kuwat anggone nggula-wentah para<br />
Pandhawa ora isa diremehke. Crita Kunthi iki kaya<br />
ta crita Murtasiyah neng Jawa. Wiwitane, Serat<br />
Murtasiyah babon ditemokke seka Cirebon, judhule<br />
Piwulang Cirebonan Serat Murtasiyah. Neng sajroning<br />
naskah kuwi, tinulis sengkalan angka taun ‘rasa<br />
gati wisaya yu’ utawa taun 1556 Ehe (1634 Masehi).<br />
Sanadyan ora pati kondhang, nanging crita Murtasiyah<br />
wis ana wiwit abad XVII. Kamangka menawa diturut,<br />
madhege Keraton Kartasura dadi salah sijining<br />
telenging paprentahan antarane taun 1680-<br />
1745. Apa meneh Keraton Surakarta lan Keraton<br />
Yogyakarta sing ana sepuluh taun sakwise,<br />
taun 1755. Naskah Murtasiyah babon saiki<br />
disimpen neng Perpustakaan Sastra, Universitas<br />
Indonesia.<br />
Sanadyan okeh sik durung padha ngerti critane<br />
Dewi Murtasiyah, nanging sunyatane crita iki<br />
okeh diputrani (ditulis meneh). Nalika panaliten<br />
sedherhana, ditemokke 22 naskah sing ngemot<br />
crita Dewi Murtasiyah. Ana limang naskah<br />
Murtasiyah ana neng Perpustakaan Fakultas<br />
Ilmu Budaya, Universitas Indonesia. Patang naskah<br />
liyane ana neng Perpustakaan Nasional Indonesia.<br />
Geneya neng Museum Sonobudoyo ana nem<br />
naskah. Ora keri, neng Perpustakaan Widyabudaya,<br />
Kraton Yogyakarta ana sak naskah. Neng<br />
Perpustakaan Widyapustaka, Pura Pakualaman<br />
ana rong naskah. Tekaning Surakarta, neng<br />
Sasana Pustaka, Keraton Surakarta ana telung<br />
naskah. Pungkasane, ana sak naskah neng Reksa<br />
Pustaka, Pura Mangkunegaran.<br />
Antarane 22 naskah sing crita Dewi Murtasiyah,<br />
salah sijining naskah ditulis nganggo Aksara<br />
Pegon, aksarane Arab nanging basane Jawa.<br />
Naskah kuwi disimpen neng Museum Sonobudoyo<br />
kanthi kode koleksi PB A 214. Dicritakke, Murtasiyah<br />
garwane Syeh Ngarip sing patuh. Pangabekti<br />
lan pakurmate marang lakine ora kurang-kurang.<br />
Murtasiyah ora mung garwa, nanging uga ibu<br />
kanggo Candrakirana.<br />
Dina-dinane Murtasiyah dilakoni saperlu nindakke<br />
kuwajiban antarane dadi garwa lan ibu kanggo<br />
anake. Kuwajibane dadi garwane Syeh Ngarip<br />
dicritakke nalika Murtasiyah ‘ingarasan lan<br />
munggah dhateng papreman’. Ora cukup semono,<br />
Murtasiyah uga angladeni dhahar pendintenane<br />
Syeh Ngarip. Nalika pandhita iki lunga neng<br />
patapan, Murtasiyah kajaluk tunggu omah, njaga<br />
kebon dhuku, lan njaga ingon-ingon. Miturute<br />
Syeh Ngarip wanita iku mestine neng omah<br />
‘pawestri wus dungdumane tinilar wonten ing<br />
griya kinarya patunggu desa’.<br />
Sanadyan mengkono, Murtasiyah ora lali nindakke<br />
kuwajibane marang Gusti. Dheweke minangka<br />
ibu mestine bakal dadi tuladha kanggo anake,<br />
Candrakirana. Mula sakabehe kabecikane urip<br />
dilakoni kanthi nrima ing pandum. Ing sajroning<br />
naskah, crita Murtasiyah sing dhuwur bektine<br />
marang laki lan Gustine cetha tinulis. ‘Caritane<br />
deya linewi nama Dewi Murtasiyah asru bakti<br />
ing lakine kakung pandhita ngibadah wancine<br />
maksi tarune Ki Syeh Ngarip wastanipun asru<br />
bakti ing Pangeran’.<br />
Menawa dibandingke marang Kunthi nyata<br />
bedhane. Murtasiyah iku gambaran wanita ing<br />
abad XIX. Jaman semono wanita sing becik iku<br />
sing manut marang lakine. Patuh lan kurmat<br />
marang wong tuwane, uga ora lali marang Gustine.<br />
Meksa mengkono, nanging loro-lorone padha<br />
dene Ibu sing isa dadi tuladha. Kunthi kuwat<br />
anggone tapa-brata, nyranani anak-anake wondene<br />
Murtasiyah sing kurmat marang lakine, lan bisa<br />
dadi tuladha marang anake.<br />
Crita Murtasiyah ibu uga garwane Syeh Ngarep<br />
sing kurmat bisa dadi gambaring wanita abad<br />
XIX. Sanadyan bedha karo kahanan jaman saiki,<br />
nalika wanita nduweni papan panggonan antarane<br />
hak lan kuwajiban sing padha marang laki, nanging<br />
jaman semono wanita utama sing bisa nggulawentah<br />
anake sisan nglakoni kuwajiban marang<br />
lakine. Pribadine sing patuh, manut, lan nrima<br />
isa diarani tapa-brata kanggo njaga kaluargane<br />
supaya ayem tentrem. Piwulanging Murtasiyah<br />
iki dudu bab emansipasi nanging luwih neng<br />
bab toleransi. Piye carane Murtasiyah banjur isa<br />
nglerem rasa lan nepsune kanggo mujudke<br />
kaluwarga sing becik. (ark)<br />
Ngungak sejarahe Wong Kalang Kotagede<br />
Ngguwangi dhuwit<br />
neng ndalan<br />
NGONCEKI sejarahe Wong Kalang Kotagede, prasasat<br />
tekan saiki tetep ndudut ati. Wewangunan awujud<br />
omah sing jentrek-jentrek ing Jalan Tegalgendu,<br />
tekan saiki isih bisa kita pirsani.<br />
Kita temtu wis mangerteni, ing sakdawane Jalan<br />
Tegalgendu iki, jaman biyen urip lan ngrembaka salah<br />
sijine Wong Kalang kang kasugihane ngedab-edabi.<br />
Wong kalang mau jenenge Ki Prawiro Suwarno.<br />
Ya, Ki Prawiro Suwarno iki sing bola-bali nyebar<br />
dhuwit ing prapatan Tungkak, prapatan Pojok Beteng<br />
Wetan, lan ing maneka panggonan sing tanpa dinuga.<br />
Lha, kena apa Ki Prawiro Suwarno bisa ana ing Kotagede,<br />
kabeh mau bakal dijlentrehake ing ngisor iki.<br />
Miturut maneka sumber lisan lan tulisan, Wong Kalang<br />
ing Kotagede wis ana wiwit jaman Sultan Agung,<br />
yaiku udakara taun 1600 M. Salah sijining versi nyebutake,<br />
ing jaman Sultan Agung, tukang kayu saka Bali ditekakake<br />
ing Mataram saperlu mbiyantu gawe maneka<br />
bangunan ing Keraton Mataram.<br />
Para tukang kayu saka Bali kasebut asring sinebut<br />
Wong Kalang. Salah sijining tukang kayu kasebut ing<br />
antarane yaiku Jaka Sona, sing sabanjure bebrayan<br />
klawan Ambarlurung, putri kinasihe Sultan Agung.<br />
Dene, anak putune Jaka Sona lan Ambarlurung mau,<br />
ana sing jenenge Ki Mertowongso. Sabanjure, Ki Mertowongso<br />
duwe anak turun kang asmane Ki Prawiro<br />
Suwarno. Lha, Ki Prawiro Suwarno iki wong Kalang<br />
sing pokal lan kasugihan dadi legendha tekan saiki.<br />
Ing Kotagede, Ki Prawiro Suwarno luwih dikenal<br />
kanthi sebutan Tembong. Ki Prawiro Suwarno lair ing<br />
taun 1873, lan urip ing jaman Sri Sultan HB VIII. Malah,<br />
nalika Ki Prawiro Suwarno isih timur, dheweke wis<br />
kulina mlebu metu Keraton Ngayogyakarta. Kabeh<br />
mau amarga ramane Ki Prawiro Suwarno sesambungan<br />
raket klawan Keraton Jogja. Ora mung kuwi, Ki<br />
Prawiro Suwarno uga kekancan apik klawan para<br />
pangeran, klebu uga pangeran kang ing tembe burine<br />
madeg Sri Sultan HB VIII.<br />
Masyarakat Kotagede wiwitane mangerteni Ki Prawiro<br />
Suwarno mung bakul sayuran lan bumbon. Saben<br />
dina, bisa diweruhi sesawangan Ki Prawiro Suwarno<br />
numpak gerobak sing ditarik jaran, dodolan maneka<br />
sayuran lan bumbon tumuju pasar. Garwane Ki Prawiro<br />
Suwarno uga sregep mbiyantu nyambut gawe, dodolan<br />
mori lan malam.<br />
Ki Prawiro Suwarno lan garwane gemi lan setiti.<br />
Dhuwite saka anggone dodolan dicelengi. Sregep<br />
nyambut gawe, mangkono pribadhine Ki Prawiro<br />
Suwarno iki. Karana naluri bisnise pancen linuwih,<br />
dhuwit celengan sing dilumpukake mbaka sethithik<br />
mau banjur digunakake kanggo ngedegake Omah<br />
Gadhe ing dhaerah Prambanan.<br />
Saka siji Omah Gadhe, sansaya suwe banjur ngrembaka<br />
dadi sewelas Omah Gadhe sing sumebar ing<br />
maneka papan. Ing antarane ing kutha Jogja, Kotagede,<br />
Delanggu, Kartasura, Solo, lan laladan liyane. Ing kutha<br />
Solo, Ki Prawiro Suwarno ngedegake Omah Gadhe<br />
cacahe loro.<br />
Karana keluwihan sistem pelayanane, Omah Gadhe<br />
duweke Ki Prawiro Suwarno kebanjiran pelanggan.<br />
Dhuwit sing dicelengi sansaya akeh. Embuh karana<br />
apa, wusanane kabeh Omah Gadhe duweke Ki Prawiro<br />
Suwarno ditutup dening Landa. Ki Prawiro Suwarno,<br />
bapak saka 17 anak (8 urip, 9 seda) iki kepeksa ngrasakake<br />
getire urip.<br />
Ananging karana Ki Prawiro Suwarno klebu pribadhi<br />
sing ulet lan ora gampang nglokro, dheweke banjur<br />
njenggelek maneh nerusake uripe. Sawijining dina,<br />
ing omahe ana tamu saka negara Landa. Tamu mau<br />
pranyata bakul berlian sing ngajak bisnis dodolan<br />
berlian marang Ki Prawiro Suwarno. Karana wis percaya<br />
marang keuletan lan kejujurane Ki Prawiro Suwarno,<br />
bakul berlian saka negara Landa mau masrahake<br />
berlian, supaya Ki Prawiro Suwarno ngedolake.<br />
Disengkuyung bojo lan anak-anake sing wis gedhe,<br />
Ki Prawiro Suwarno miwiti bisnis anyar mau. Dudu<br />
barang kang angel kanggone Ki Prawiro Suwarno<br />
ngedolake berlian-berlian mau. Wong-wong sugih ing<br />
Jogja, akeh sing nglarisi berlian sing ditawakake Ki<br />
Prawiro Suwarno lan kulawargane. Malah, kebutuhane<br />
emas lan berlian Keraton Yogyakarta lan Keraton<br />
Pakualaman, disetori dening Ki Prawiro Suwarno.<br />
Sansaya suwe, bisnis berliane nganti ‘nyakar’ kutha<br />
Surabaya, Semarang lan Solo. Suksese bisnis anyar<br />
iki ndadekake kulawarga Ki Prawiro Suwarno kuwowogen<br />
bandha. Kendharaan rodha papat sing ditarik<br />
mesin alias mobil, sing wektu kuwi langka banget,<br />
diduweki dening Ki Prawiro Suwarno. Ora mung siji,<br />
ananging pirang-pirang. Maneka merek mobil saka<br />
Eropa kayata Hudson, Minerva, Plymouth, Chrysler<br />
utawa Fiat, gonta-ganti digunakake dening Ki Prawiro<br />
Suwarno.<br />
Nyebar dhuwit<br />
Saking sugihe, Ki Prawiro Suwarno duwe cara unik<br />
nalika menehi sedhekah marang warga masarakat.<br />
Ritual aneh kasebut yaiku, numpak mobil dikancani<br />
bature lan putune, Ki Prawiro Suwarno mubeng kutha<br />
Jogja, nyebar dhuwit ing panggonan-panggonan tertemtu.<br />
Pirang-pirang besek dhuwit pengaji sak sen<br />
nganti seringgit, disebar ing dalan-dalan.<br />
Swara gemerincinge dhuwit lan wong-wong sing<br />
padha ngrayah, dadi sesawangan sing bisa ditemoni<br />
ing prapatan Tungkak (saiki Jalan Tamansiswa) lan<br />
prapatan Pojok Beteng Wetan, Jogja.<br />
“Kena apa Pakdhe nyebar dhuwit semono akehe?<br />
Luwih apik mbok diwenehe aku?” pitakone Sumarman,<br />
putune Ki Prawiro Suwarno sing biasane melu nyebar<br />
dhuwit ing dalan-dalan. Ditakoni mangkono, Ki Prawiro<br />
Suwarno njlentrehake, “Wong sing sedhekah kuwi<br />
biasane milih-milih, sapa sing mesthi diwenehi. Menawa<br />
seneng karo wong, mesthi wong kuwi diwenehi. Ananging<br />
yen ora disenengi, temtu suwalike. Lha, cara<br />
sedhekah kaya aku iki, aku ora pilih-pilih. Aku ikhlas<br />
sapa wae sing njupuk. Sapa sing entuk ringgit, yakuwi<br />
rejekine. Semono uga sing bejane mung entuk sen.”<br />
Ritual nyebar dhuwit ing dalan-dalan Kutha Jogja<br />
mau ora mung diadani pisan pindho, ananging setaun<br />
diadani makaping-kaping. Wis ora kaetung akehe<br />
dhuwit sing disebar kasebut.<br />
Malah, miturut katrangane salah sijining sesepuh ing<br />
Kotagede, ritual nyebar dhuwit iki uga diadani ing<br />
Kotagede dhewe. Bedane, ing Kotagede Ki Prawiro<br />
Suwarno anggone nyebar dhuwit mung numpak jaran<br />
ijen. Nalika wektune rada longgar, Ki Prawiro Suwarno<br />
nunggang jaran dhewe mubeng Kotagede. Dheweke<br />
wis nyiapake dhuwit sing arep disebar.<br />
Menawa papan sing arep disebari dhuwit mau katon<br />
sepi ora ana pawongan, dhuwit sing digawa mau banjur<br />
disebar ing pinggir dalan. Embuh mengko sapa sing<br />
njupuk, dhuwit-dhuwit kuwi wis dadi rejekine sing<br />
nemu. Mula, ana wae warga sing meneng-meneng<br />
ngetutake lakune Ki Prawiro Suwarno. Ing papan Ki<br />
Prawiro Suwarno mandheg, ing kono tinemu dhuwit,<br />
embuh kethip, sen, utawa ringgit. (ana candhake)<br />
Dening: Agung Hartadi,<br />
Prenggan KG II/938<br />
(Utara Masjid Perak)
Profil & Adicara<br />
16<br />
GKR HAYU<br />
Srikandhi Milenial<br />
Aja gampang nggantungake<br />
bungahmu marang liyan!<br />
apa meneh seneng utang budhi<br />
marang sapadha!<br />
URIP iku ora mung urup, nanging kudu mandhiri!<br />
Ukara iku dadi salah sijining prinsip sing diugemi<br />
Gusti Kanjeng Ratu Hayu nalika wawancara<br />
marang tim Jawacana. Gusti Hayu, asmane<br />
kang wis dikenal masyarakat Yogya ora liya<br />
yaiku putri Ngarsa Dalem kapapat. Sanadyan<br />
urip ing saubengi beteng kraton kang kenthel<br />
marang kabudayan, nanging pribadine tetep<br />
modern.<br />
Wiwit enom, Gusti Hayu kang asmane isih<br />
GRAj. Nurabra Juwita iki wis njajah desa milang<br />
kori. Sekolah SMPne dilakoni ning Brisbane,<br />
banjur SMAne pindhah ning Singapore, sanadyan<br />
sadurunge mampir Yogya sedhela. Kepiye ora<br />
mandhiri, wong kawit cilik Jeng Abra, wis adhoh<br />
saka Pak Sultan lan Gusti Hemas, ibune. Lulus<br />
SMA seka negara singa, Jeng Abra meksa ora<br />
pengen bali nang Yogya. Kaya-kaya isih kurang<br />
adoh anggone ngubengi donya. Nalika kuliah<br />
sarjana, Jeng Abra mbacutake sekolahe ning<br />
negarane Ratu Elizabeth, Britania Raya.<br />
Tahun 2012, Jeng Abra krama karo KPH<br />
Notonegoro banjur nglorod asma GKR Hayu<br />
seka Putri Dalem Sinuwun HB VI. Wiwit seka<br />
iki, asma Gusti Hayu banjur dadi asma resmi<br />
tekan saiki. Crita bab Dhaup Ageng Gusti Hayu<br />
karo Pangeran Notonegoro dadi mula-bukane<br />
ana kraton awujud digital. Tekan artikel iki<br />
ditulis, website kratonwedding.com isih isa<br />
disekseni marang netizen kabeh.<br />
Dhaup Agenge Gusti Hayu dadi dhaup ageng<br />
pungkasan uga pista rakyat Yogya. Warga<br />
masyarakat padha nyekseni kirab manten<br />
saka Kraton tumuju ning Kepatihan. Ora<br />
ana panggon sela saubenge dalan<br />
Malioboro. Mestine ya masyarakat melu<br />
bungah awit saka bungahing rajane. Setaun<br />
sakwise dhaup ageng, Gusti Hayu kang<br />
durung tutug anggone sekolah, taun 2013<br />
mbacutke sekolah master ning negara adhi<br />
dhaya, New York Amerika. Ora ana istilah<br />
stereotype kanggo wanita ning kamus uripe.<br />
“Lulus kuliah, saiki wektune ngabdi kanggo<br />
kraton” mengkono pangandikane.<br />
Pangabektine marang leluhur kawujud<br />
dening dhawuh dalem, supaya<br />
gawe pusat dokumentasi<br />
digital ning kraton. Kantor<br />
iku banjur kaparingan<br />
asma Tepas Tandha<br />
Yekti. Lumantar<br />
Tepas Tandha<br />
Yekti, masyarakat bisa ngangsu kawruh babagan<br />
kabudayan lan info-info kraton. Ora ana sarat<br />
liya, kejaba bisa dolanan media sosial. Kenapa<br />
kudu media sosial? Jawaban iki saktenane<br />
kabeh wong wis ngerti. Jaman ora kaya mbiyen<br />
meneh, nom-noman sing kerep dipoyoki generasi<br />
milenial cedhak banget karo media sosial.<br />
Generasi ing sakndhuwure uga melu ketularan<br />
dolanan media sosial kanggo ngraketake<br />
paseduluran marang sanak lan kanca suwe.<br />
Perangan iki banjur dadi dhasare Gusti Hayu<br />
supaya bisa nyedhakke kraton marang masyarakat<br />
umum. “Mumpung para kanjeng sing mandhegani<br />
kraton isih padha sugeng, isih isa disuwuni<br />
pirsa!” ngendikane nalika ditakoni bab panemune.<br />
Pancen bener panemu mengkono. Apa meneh<br />
katrangan kang dilumpukke baku seka kraton.<br />
Mesti akeh benere lan isa dadi dhasar menawa<br />
ana sing bakale sinau bab kabudayan, menehmeneh<br />
kabudayan kraton. Katrangan kang wus<br />
klumpuk saka narasumber iku banjur diwarakke<br />
ning facebook, instagram, lan twitter. Ora mung<br />
kuwi, ing taun 2017 wingi Kraton Jogja uga wis<br />
resmi ndhuweni website. Pengarepe supaya<br />
katrangan apa wae kang ana ing kraton bisa<br />
kasebar tumuju masyarakat kabeh. Website<br />
kraton ya uga isa dadi sumber pituduh kanggo<br />
kabeh masyarakat kang ndhuweni pepingin<br />
sinau lan ngerti adat ing sak jerone beteng.<br />
Ora mung kuwi, lumantar website, pangarepe<br />
masyarakan isa luwih ndhuweni rasa andharbeni<br />
marang budhaya-budhaya tinggalane leluhur.<br />
(ark)<br />
ANNISA HERTAMI<br />
Wanita Jawa jaman now<br />
Nganggo logat Jawane sing kenthel, aktris 29 taun iki<br />
crita riwayat wiwitane dheweke kecemplung ing donya<br />
akting. Awale sok dijaluki tulung karo kanca kuliahe dadi<br />
pemeran utama neng film-film pendhek kanggo tugas<br />
kuliah.<br />
Annisa Hertami iki lulusan broadcasting Sekolah Tinggi<br />
Multimedia MMTC Yogyakarta. Jalaran seka kuwi, wanita<br />
sing jeneng lengkape Annisa Hertami Kusumastuti iki wiwit<br />
seneng akting neng ngarep kamera.<br />
Taun 2011 ana casting film Soegija karya sutradara Garin<br />
Nugraha, Annisa mutuske melu casting film kuwi. Dheweke<br />
crita nek pas casting kuwi kedhapuk adegan sing paling<br />
angel neng skrip film kuwi. Ndilalah malah ketrima, banjur<br />
entuk peran Meriyem neng film sing diputer neng bioskop<br />
taun 2012 kuwi.<br />
“Nah, sakploke njajal main film kuwi aku banjur mremen<br />
sinau teater, seni pertunjukan. Dadine kuwalik, seka film<br />
dhisik lagi neng teater, kudune kan teater sik lagi film,”<br />
jare mantan juara I Dhimas Dhiajeng Yogyakarta sing<br />
pakulitane ireng manis iki. Taun 2017 wingi Annisa uga<br />
kedhapuk dadi pemeran utama film ‘Nyai’ garapane Garin<br />
Nugraha.<br />
Basa Jawa jaman now<br />
Nek miturut Annisa, Basa Jawa pancen wis ngliwati owah<br />
majuning jaman, seka jaman Jawa kuna nganti jaman<br />
internet iki mesthi nggawa perubahan. Apa meneh basa<br />
sing dadi basa komunikasi aktip kaya dene Basa Jawa<br />
mesthi ana pangrembakan-pangrembakan anyar neng<br />
babagan diksi, ukara serapan anyar, lan liyane. Sansaya<br />
bab teknologi, mesthi nggawa ukara utawa istilah anyar<br />
neng Basa Jawa.<br />
“Ngomong bab tata basa, Basa Jawa kuwi duwe nilai<br />
utawa rasa sing beda. Merga ana tingkat tutur krama<br />
neng Basa Jawa dadine unggah-ungguh basa kuwi uga<br />
dadi pedhomane unggah-ungguh solah tingkahe manungsa,”<br />
jarene durung suwi iki pas ketemu Jawacana.<br />
Wanita kudu empan papan<br />
Minangka ditakoni pitakonan bab emansipasi wanita<br />
neng Jawa, aktris kelairan Magelang iki nggenahke yen<br />
kesetaraan gender wanita lan wong lanang kuwi kudu<br />
empan papan. Artine wanita kuwi ya duwe tugas ‘ngladeni’<br />
nanging ing waktu lan papan liya kudu isa kosok balene,<br />
yaiku ‘diladeni’.<br />
“Umpamane ndilalah nek kahanane pancen kudu wong<br />
lanang sing masak, ngumbahi, setrika, ya wong lanang<br />
kudu legawa lan narima,” ngono kuwi jare Annisa, sing<br />
uga patut disebut sastrawati merga taun wingi bar wae<br />
launching buku kumpulan puisi ‘Agar Dapat Kubaca Jaman’.<br />
(pal)<br />
TENTANG<br />
Annisa Hertami<br />
Profil<br />
Nama: Annisa Hertami Kusumastuti<br />
Lair: Magelang, 7 Oktober 1988<br />
Sekolah: MMTC Yogyakarta,<br />
jurusan Broadcasting<br />
Profesi: Seniwati aktris film,<br />
teater, MC<br />
Film<br />
Soegija (2012)<br />
Jokowi (2014)<br />
Jendral Soedirman (2105)<br />
Ach Aku Jatuh Cinta (2015)<br />
Pesantren Impian (2016)<br />
Promise (2016)<br />
Nyai (2016)<br />
Siluman Tikus dan Persian Princess (2017)<br />
The Gift (2017)<br />
Penghargaan<br />
Nominasi Aktris Terbaik Piala Citra 2012<br />
Nominasi Pendatang Baru Terbaik Indonesia<br />
Movie Award 2013<br />
Pemeran Pembantu Terbaik Apresiasi Film<br />
Indonesia 2012<br />
Aktris Pendatang Baru Terbaik Piala Maya<br />
2012<br />
Juara I Dimas Diajeng Kota Yogyakarta 2013-<br />
2015<br />
Juara I Dimas Diajeng Propinsi DIY<br />
2014-2016<br />
FTV<br />
Ayam Untuk Udin – Kompas TV 2013<br />
Keadilan Untuk Hawa – Kompas TV 2013<br />
Ibu Sum – Kompas TV 2013<br />
Dokudrama – TVRI<br />
TV Series Patriot – NET TV<br />
Karya dan Penyutradaraan<br />
Seni Pertunjukan<br />
Kembara Centhini, Centhini Gunung, pentas<br />
neng Borobudur Writers and Cultural<br />
Festival<br />
Membaca Dee: Supernova, part Partikel,<br />
pentas neng IFI LIP<br />
Mother<br />
Earth<br />
Pentas Tari, Musik, Visual<br />
Karya Mila Art Dance<br />
PKKH UGM, Selasa 13 Maret <strong>2018</strong><br />
Koreografi : Mila Rosinta<br />
Kolaborator : Mila Rosinta, Luise Najib,<br />
Gardika Gigih, Lia Pharaoh, Jenny<br />
Subagyo, Manda Baskoro, Yugo Risfriawan,<br />
Rio Pharaoh, Kokoksaja