Kiel la fervojo funkcias 1. - Kristály Tibor

Konsultitaj fakliteraturoj:
FERVOJA TERMINARO EN ESPERANTO, suplemento al Lexique général
des termes ferroviaires (UIC)
SZOLGÁLAT A SZÉCHENYI-HEGYI GYERMEKVASÚTON (MÁV Rt)
2
Fervoja trafiko
1. Bazaj sciindaĵoj
Veturi oni bezonas. Ĉu al laborejo, ĉu al lernejo aŭ ĉu al ekskurso la
homoj uzas diversajn veturilojn. Tiuj veturiloj estas ekz. autobuso, metroo, ŝipo,
flugmaŝino kaj fervojo. Krom la pasaĝerveturiloj vi povas vidi ankaŭ
kargoveturilojn. Unu veturigas nur homojn la alia transportas nur varojn. En ĉi
tiu libro vi povas legi pri la fervoja trafikado, kiel oni funkciigas la fervojon.
Kaj ĉe la pasaĝertrafiko kaj ĉe la vartransportado oni povas trovi samajn
indikojn, kiuj indikoj valoras egale al ambaŭ. Unu indiko estas ekz., ke la
lokŝanĝiĝo okazas amase. Iu alia estas, ke ĉi tiu lokŝanĝiĝo okazas laŭ
temporegulo, laŭ tn. horaro. Ankaŭ estas komuna grava indiko, ke por la
movigo oni uzas ian teknikaĵon. Se ĉi tiujn indikojn ni kunigas, ni ricevas novan
nocion, la „trafikon”.
La trafiko estas lokŝanĝiĝo de pasaĝeroj kaj varoj amase, kiu uzas por tio
diversajn teknikajn instrumentojn.
Inter la diversaj trafikaj branĉoj nun vi ekkonu la fervojan trafikon, kiu
trafiko okazas sur trako per vagonoj, kaj ties trafikon direktas fervoja personaro
per diversaj teknikiloj.
Se vi, kara leganto, post la trastudo de ĉi tiu libro veturos per trajno kaj
atenteme observas la fervojon, certe trovos konatajn teknikaĵojn, eĉ la fervojaj
deĵorantoj jam salutas kiel konatuloj.