Profesionaliza a túa lingua matemática - Universidade da Coruña

• Os números decimais non deben marcarse cun apóstrofo (‘) senón cunha coma (,). Por outra banda, prefírese
separar os decimais con coma e os millares con punto e non á inversa, algo que é considerado como
anglicismo.
Ex.: 12,50 é a forma correcta fronte a *12’50 ou *12.50,00
• Na expresión do tempo podemos separa as horas dos minutos por medio dun punto (.) ou de dous punto
(:) pero nunca dunha coma (,).
Ex.: 12:45 ou 12.45
Debemos ter en conta que teñen que ir sempre os ocos dos minutos aínda sendo unha hora exacta.
Ex.: 13:00 h fronte á forma incorrecta *13 h
• Na expresión do tempo en metroloxía é incorrecto usar os símbolos de forma voada así como usar os
apóstrofos simples ou dobres para marcar minutos ou segundo.
Ex.: 12 h 30 min 40 s fronte ás formas incorrectas *12 h 30’’ 40’ ou *12 h 30 min 10 s
• En canto ás porcentaxes, o máis aconsellable é escribir todo en letra ou o número en cifra acompañado
do símbolo pero non mesturar.
Ex.: 20% ou vinte por cento fronte a formas menos aconsellables como 20 por cento ou á
sempre incorrecta *vinte por 100.
O símbolo % ten que lerse en galego ‘por cento’; en castelán pode lerse ‘por ciento’ ou ‘por cien’.
• As datas deben ir separadas por punto (.), guión (-) ou barra (/) e sempre coa expresión completa do ano.
Ex.: 12/08/1978 fronte á forma incorrecta *12/8/78
• Poden combinarse cifras e letras cando van dous números seguidos de seis ou más ceros, para facilitar a
lectura.
Ex.: 15 millóns ou 25 000 000
• As cifras que se refiran a unidades dun sistema teñen que ir acompañadas do seu símbolo; irán acompañadas
polas palabras enteiras cando os números vaian escritos en letra.
Ex.: 13 l ou trece litros fronte á forma incorrecta *13 litros
• As unidades matemáticas deben ir sempre en minúscula cando se escriba con letra, independentemente
de como estea establecido o seu símbolo.
Ex.: trece litros; oito quilogramos