+ Descargar revista nº 15 (PDF) - Centro Gallego de Vitoria

Por diversas circunstancias, esta
obra permaneceu inédita até que en
1990 o Concello de Noia patrocinou
unha edición homenaxe deste poemario
e Uxío Novoneyra publicou na
revista A Trabe de Ouro catro poemas
inéditos do conxunto, que non foron
incluídos no volume por motivos de
economía editorial. Toda a obra da
autora viu a luz en 1994 baixo o título
de Obra completa, nunha edición de
Victoria Sanjurjo Fernández.
María Mariño foi soterrada no camposanto
de Romeor do Courel, onde
repousan os seus restos mortais.
É a súa unha poesía que se inspira
na tradición popular e se enriquece coa
intimidade profunda dunha muller que
acadou a madureza espiritual no
momento no que comezou a escribir.
Ambas as dúas obras, Palabra no tempo
e Verba que comeza, teñen como eixos
temáticos a existencia e o paso do tempo,
remitindo os propios títulos a esta
mesma idea: a palabra como fundamento
do ser do home e o tempo como
dimensión indesligable do mesmo sentido
da vida.
Tal vez neste ano 2007, centenario
do nacemento da autora e no que
serán numerosos os estudos arredor
da súa figura, se dea máis luz sobre a
vida e obra de María Mariño, figura
rodeada durante anos de escurantismo
e misterio, coa circulación de elementos
mitificadores que fomentaron
un clima de escepticismo sobre a súa
verdadeira existencia, chegándose a
sospeitar que puidera ser unha inven-
ción poética do propio Uxío
Novoneyra. En todo caso, a mellor
homenaxe que sen dúbida se lle pode
render a un escritor ou escritora é ler
as súas obras.
Bibliografía:
Agrafoxo, Xerardo (2007), Biografía de
María Mariño, Vigo: Galaxia.
Blanco, Carmen (2007), María Mariño.
Vida e obra, Vigo: Edicións Xerais de
Galicia.
Mariño, María (1994), Obra completa.
Palabra no tempo. Verba que comeza,
ed. de Victoria Sanjurjo Fernández,
Vigo: Edicións Xerais de Galicia.
(2007), Antoloxía poética, ed. de
Patricia Arias Chachero, Vigo: Galaxia.
9