Bakearen dimentsio kulturala Euskal Herriko uste sistema ... - Euskara

1 . 1 . Bakeari buruzko uste sistemak . . . 19
Bake nozio honek bake kontzeptu positibo zein
negatibo baten beharra azaltzen du, bakeak honako
bost dimentsio hauek ditu :
i) Biolentzia eza .
ii) Justizia ekonomikoa .
iii) Gizarte berdintasuna .
iv) Askatasun politikoa .
v) Anaitasun Psikologikoa (Naidu, 1986) .
Ikus daitekeenez, idazle gehienek bakea
izateko gizarte-justizia funtsezkoa dela uste dute
(Curie 1971 ; Galtung, 1985 ; Naidu, 1986 ; Talcott,
Parsons, e .a .) . Fogarty-k, ordea, kritika bat egin
berri dio planteamendu honi, justizia bakerako
ezinbestekoa dela dioten froga enpirikoak dauden
bezala, aurkakoa dioten frogak ere aurki daitezkela
esanez . Bestela esanda, justuak ez diren gizarte
baketsuak -Erromako bakea aipatuz- edo gizarte
justu baina ez baketsuak aurki daitezkeela dio -
Sparta zaharrekoa adibidez- (Fogarty, 1992) .
Idazle honen arabera, beste zenbait arazo
filosofiko eta logiko ere ba dira : ez dugu bakearen
definizio onik lan egin ahal izateko . Bakea guda
eza hutsa baino gehiago dela dioen sentimendu bat
besterik ez dugu, baina hau frogatzen duen ezer ez
dago .
Bestalde, justiziaren definizioak ere arazoak
dakartza, hau mendebaldeko tradizio judeo-
kristauean oinarrituriko nozio etnozentrikoa bait