DEBARREN AHOTSA REVISTA -2019-

LAU URTE GEHIAGO, PROIEKTU BAT SENDOTZEKO
Duela 4 urte pasatxo, hainbat debarrek batzea erabaki zuten, Deba bizitzen ari zen egoera politikoaz
kezkaturik, herrian gertatzen ari zenaren inguruko ikuspegia eta kezka partekatzeko eta aldaketa bat
eragiteko.
Hauteskundeetara aurkeztu ginen auzo-elkarte plural eta independente gisa, ideia alderdikoi eta itxie -
tatik kanpo lan egiteko asmoz, eta betebehar batekin: Debarentzat bakarrik lan egitea.
4 urte igaro dira eta gauza asko egin ditugu; pixkanaka-pixkanaka, baina ilusioz ari gara gure asmoa
betetzen: Deba hobetzea. Egia da, era berean, zenbait ekintza gauzatu gabe geratu direla bidean eta
beste zenbait bideratuta daudela edo gauzatzen ari direla.
Esan behar dugu berriak ginela eta hasiera gogorra izan zela. Administrazioan lan egiteak denbora
eta esperientzia eskatzen ditu. Gaur baditugu bata zein bestea, lau urtez aritu baikara gobernatzen.
Debak hobera egin du; ondo legoke nola zegoen gogora ekartzea. Hobera egin dute zerbitzuek, Osiok,
Santa Katalinak, Elizburuk, Amillagak, kiroldegiko zerbitzuek, parkeek, gure helduentzako zerbitzuek
(Eguneko Zentroa berritu da, esaterako) eta argiteria publikoak; gainera, kaleak garbiago daude, oztopo
arkitektonikoak ezabatu dira, plazak apaindu dira, hondakinen bilketa hobetu da… Kalitate handiko
beste hainbat gauza ditugu: kultura-jarduerak, hiritarren arreta-zerbitzua, pertsonala…
Arrazoi horiengatik guztiengatik eta gutako bakoitzaren nahiz taldearen ideiak berriturik, gure nahia
da udalerriaren bizitzan parte hartzen jarraitzea eta zuk ere herriaren alde gogotsu parte hartzea.
Zure botoa eskatzen dizugu, Deba hobetzeko eta Udala debarrengana hurbiltzeko.
2