BOGA 2021

Eta azken bandera?
Bai, hori bai. Azkena iaz izan zen, Aresen. Hirugarren kaletik kriston estropada
egin genuen, Santurtziri ia lau segundo atera genizkion, eta lider jarri ginen.
Bi bandera horien artean zenbat irabazi dituzun?
Ez dakit, baino 100 inguru izango dira. Zehazki 106. Egia esan asko dira, eta
harro sentitzen naiz. Hala ere, atzean lan asko dago. Egia da ere zortea izan
dudala, baina hein batean izan ditudan taldekideei esker eman den zerbait da.
Horrela ikusirik, polita da hainbeste urteko lanak izan duen emaitza.
Xabier Etxebeste (Zarautz, 1980) Go Fit Hondarribiako traineruan dabil
2014. denboralditik. Lehen edizioan izan ezik, ACTren gainontzeko denboraldi
guztietan parte hartu ditu, 267 estropadetan parte hartu duelarik. Guztira
6 Liga irabazi ditu hiru talde ezberdinekin Castro (2009), Kaiku (2011, 2012
eta 2013) eta Hondarribia (2014 eta 2015), eta birritan eskuratu du denboraldi
batean lortutako garaipen kopuruaren errekorra (13 garaipen)
18. partaidetza izango duzu Eusko Label Ligan, erraz esaten da,
baino goi mailan urte asko dira.
Bai, egia esan bertigoa ematen du atzera begiratzea, baina horrek esan
nahi du gutxi falta zaidala arraunlari bezala.
Lehen edizioa izan ezik, Eusko Labelen edizio guztietan izan zara.
Hori da, lehen urtean 2003an San Pedron nengoen, eta ez nintzen ACTn
izan. Hurrengo denboraldian Oriora joan nintzen, eta han debutatzeko
aukera izan nuen. Pozik nago, azkenean, hainbeste urte arraunaren goi
mailan egotea, harro egoteko modukoa da.
Ligako edizio asko dituzu gainean, nola aldatu da hasieratik?
Prestakuntza aldetik erabat aldatu da. Oroitzen dut, hasieran entrenamenduak
oso gogorrak izaten zirela. Orduan entrenamendu kantitateari garrantzi
gehiago ematen zitzaion kalitateari baino. Orain prestatzaileak oso fin izaten
dira entrenamenduak jartzen, badakite kirolariak momentuoro zer behar
duen. Ni Jon Marinekin aritzen naiz, eta berak dena oso ondo neurtuta
dauka. Profesionaltasun hori gehiago ikusten dut, bai prestakuntza aldetik,
bai klub aldetik eta baita arraunlarien aldetik ere, gehiago zainduta gaude.
Gorputzak eta fisikoak aldatu dira, nik uste traineruen aldaketek eta platanitoen
aldaketek zer ikusia izan dute. Orain pisu gutxirekin ere azkar ibil
daiteke. Izan ere, pisu gutxi izateak ez du esan nahi indarra ez izatea eta
egurra ez ematea.
Ligari dagokionez, poliki poliki garrantzi handiagoa dauka arraun munduan.
Badakigu Donostiako estropadak (Kontxa) historia bat duela atzetik, baina
Ligak hemendik 20-25 urteetara historia gehiago izanda, beste urrats batzuk
emango ditu. Ikusten dut arraunlarien artean, orain Ligari garrantzia
ematen dietela. ACTren hasieran, Ligan bandera batzuk irabaztea ondo
zegoen, baino garrantzitsuena Kontxa zen. Seinale ona izango litzake
hemendik 20 urtera Ligak jarraitzea, eta historiak ematen duen pisua hartzea.
Horrek esan nahi du arraunak udaran pil-pilean jarraituko duela.
267 estropada egin dituzu orainarte.
Batzuk badira bai. Ez nekien kopurua.
Lehen estropada oroitzen duzu?
Egia esan, ez. Badakit Oriorekin izan zela, baina ez dakit non. (Orion izan
zen lehen estropadan 2004ko uztailaren 3an).
Eta lehen bandera oroitzen duzu?
Bai, Bermeorekin 2006. Urtean izan zen, Pasaiako Banderan. Gogoratzen dut
estropada hori lehen tandatik irabazi genuela.
Haizea aldatu egin zen, haize gehiago sartu
zen, eta horrek gure alde egin zuen. Denbora
onena egin genuen haizeari esker. Batzuetan
estropada hobeagoak egiten genituen, baina
estropada hartan zortea izan genuen baldintzekin.
136
267 estropada eta 106 garaipen, ia %40ko portzentaia
Datua horrela ikusirik harrigarria da. Arraunak irakasten dizun gauzetako bat
da gehiago galtzen dezula irabazi baino. Kasu honetan ere horrela da, nahiz
eta gutxigatik izan. Argi dago begi ona izan dudala taldeak aukeratzeko
(barre egiten du).
Bi urtez gainera, denboraldi bateko garaipen kopuruaren errekorra
ere lortu duzu (13 garaipen).
Bai, Castrorekin 2009. urtean eta Hondarribiarekin 2015.an puntuen errekorra
ere lortu genuen (217 puntu). Oso zaila da, izan ere badakigu arraunean
nahiz eta traineru azkarra izan, baldintzek bere garrantzia izaten dutela.
Horrek zailago egiten du urte bakar batean 13 garaipen lortzea.
Zu joan zaren taldeetan bolada ona izan duzue. Lehenik
Castrorekin (2008-2010), gero Kaikurekin (2011-2013) eta orain
Hondarribian (2014-).
Taldea aukeratzeko aukera duzunean, eta ongi asmatzeak duen garrantzia
ikusten da. Beste aukera batzuk aukeratuko banitu, ez ginateke bandera
kopuru hauetaz hitz egiten egongo, edota irabazitako 6 ligaz. Egia da zortea
izan dudala eta joan naizen klubak goi mailakoak izan direla.
Castron lehen Liga lortu zenuen. Gero Kaikun hiru Liga jarraian,
eta Hondarribira joan, eta han beste bi. Guztira 6 Liga, eta horietako
bost jarraian.
Kaikuko garai honak tokatu zitzaizkidan. Hiru liga irabazi genituen jarraian,
eta Hondarribira joan nintzenean, etxeko arraunlari oso onak zeuden, eta
bi liga irabazi genituen. Oso talde polita genuen, eta etorri naizenetik
(2014) beti goian izan gara.
Bost Liga irabazi ondoren, Hondarribirekin bost urtez jarraian
bigarren postuan izan zarete.
Ez nintzen ohartu, baina horrela ikusita urtero hor egoten garela esan nahi
du. Meritu gehiago ematen dio kirol bizitzari, nahiz eta ez irabazi, beti hor
egon gara. Beti izan gara lehiakorrak.
Pertsonalki, esan dugu urte asko daramazula goi mailan, baina
azken urteetan ia beti zaude. Azken hiru denboraldietan bi
suplentzi baino ez dituzu izan.
Nahiko ondo sentitzen naiz, nahiz eta nire gorabeherak ditudan. Egia da
azken denboraldietan asko jokatu dudala, baina lana ongi egiten dudan seinalea
da. Gainera, Mikelen (Orbañanos) konfidantza daukat. Halere, horrek
ez du ezer esan nahi, izan ere, edozein uneetan alda badaiteke. Taldeko
denok maila altua dugu, eta edonork joka dezake. Bat joan, ala bestea, ez
da asko igertzen. Entrenatzaileak nigan duen konfidantzarekin jarraitzea
espero dut, eta bestela, taldeari ahalik eta gehien laguntzen saiatuko naiz.
Lesioei dagokionez, orokorrean nahiko ondo ibili naiz. Ez dut lesio askorik
izan, 2017an "mononucleosis" bat hartu nuen, eta denboraldira nahikoa
justu heldu nintzen. Uztailean ezin izan nuen parte hartu, baina azken zatian
bai (azkenean 8 jardunalditan parte hartu zuen denboraldian).
Aurtengo sasoirako nola ikusten duzu zure burua?
Aurten beranduago hasi naiz entrenatzen, eta fisikoki maila onean jartzea kostatzen
ari zait. Saiatuko naiz ahalik eta sasoikoen egoten, urteek ez baitute
barkatzen. Taldeari dagokionez, maila onean ikusten dut, eta ea Ligako lehian
izaten garen. Gustatuko litzaidake taldekide batzuk bere lehen liga irabazten
ikustea, nahiz eta jakitun garen oso zaila dela liga bat irabaztea.