SUFÍS D'UNA FLORETA… - Université de Provence

que l’enfant montava l’aubre se derevelhava a son torn e se metiá a far de fuèlhas
e de flors. E l’òme se risiá e picava de las mans !
- Enfants del vilatge, cridèt alara, venètz, venètz ! Crentessètz pas ! Aquel
pargue, ara es vòstre. Metrem al fuòc totas las defensas, e farem tombar las
clausuras. Venètz ! Aici es lo pargue de la vida e de la jòia que portatz !
E l’òme sol, foguèt pas pus sol !… Ni mai malurós, o foguèt pas pus…
24
UNA ESPECIALISTA
Maurici BONI
Coma o sabètz, al jorn d’uèi, es pas totjorn aisit de trobar de trabalh. Cal dire
tanben que n’i a que se gardan plan de ne cercar.
La Marineta es pas d’aquela mena. La pauròta vodriá plan ganhar sa vida.
Mas, cossí far quand avètz pas en mans cap de mestièr.
Pr’aquò se presenta a l’espital e demanda a parlar al director.
- Es qu’auriatz pas besonh d’una infirmièra ? i dis.
- Benlèu, respond lo director. Mas, es qu’avètz un diplòma ?
- Nani, mas ai dejà la practica per soenhar lo monde…
- A ba ! E cossí aquò ?
- E bé ! Ai un fraire que passa las jornadas a corre lo país ambe sa mòtò, un
autre que joga al rugbí, una sòrre que fa la “ gymtonic,” una maire qu’a lo gost
de bricolejar ambe de cisèls e de martèls, e un paire acarnassit a sègre totas
las reünions electoralas… Alavetz, pensatz se soi acostumada a far de pensaments
per soenhar totas las macaduras !
UN QU’AVIÁ PAS DE CHANÇA
Carles MOULY
Avèm totes mai o mens de chança. Lo bonur, la santat, la fortuna, son de
causas pas tròp bien desapartidas. Mas, totes, òmes o femnas, avèm un jorn o
l’autre un pauc mai de chança. N’ai pas conegut qu’un que podiá dire que
jamai de sa vidassa aviá pas avut lo mendre bonur. S’apelava Janet e demorava
a la bòria de Prat-Naut.
Quand grelava endacòm, aquò-z’èra sus sa bòria. Se de fedas avián la
pesana aquò-z-èran las sieunas. Se dins lo país i aviá una vaca entreflada, la
vaca èra de Janet. Un jorn lo tròn tombèt, e tombèt sus son estable… Dins lo
canton i aviá una filha que se disiá d’ela : “ Lo bon Dieu nos faguèssa la gràcia
de nos la donar pas coma vesina !” Lo Janet la prenguèt per femna… E aquela