Download PDF - The National Assembly of Seychelles

NATIONAL ASSEMBLY OF 

SEYCHELLES 

Tuesday 3 March 2009 

The Assembly met at 9 am 

National Anthem was played. 

Mr Speaker in the Chair 

MR SPEAKER 

Bonzour tou bann Manm Onorab, 

bonzour tou bann dimoun ki pe 

ekout nou dan lakour, nou pou 

kontinyen avek deba lo leta 

lanasyon. Mon annan en lalis devan 

mwan ki mon pou swiv, Onorab 

Gervais Henrie. 

HON GERVAIS HENRIE 

Mersi Msye Speaker. Bonzour tou 

Manm Onorab, e ou osi ki a lekout. 

Sesel i en lakaz, i en lakaz 

ki‟n fer, me i en lakaz ki‟n mal fer. 

Pou ou ki pe ekoute les mwan 

eksplik ou sitiasyon sa lakaz. Son 

miray in fele, i mank burglar’s bar ki 

anpes voler antre, krepi lo miray i a 

bos son lapentir i barbote, twatir i 

koule, louvers in mal, mal mezire e 

si ou pa fer atansyon i riske sap ou 

e tonbe kan ou pe ferm vit, son tiles 

i ranpli avek lezour siman, rido i ot e 

ba, sa lakaz se pourtan in desinen 

par en swadizan arsitek. Anfen les 

sa arsitek trankil, me annou vir nou 

latansyon lo sa kontrakter, ki li in 

fer en promes pou konstrir nou 

lakaz, e sa se parti ki o pouvvwar, 

depi retour milti parti zot in vin 

devan lepep pa en fwa, pa 2 fwa me 

4 fwa lepep i met konfyans dan zot 

ki zot ti pou fer en zoli pti lakaz pou 

nou. Me sa konfyans in ganny trair. 

SPPF in fer krwar lannen ale, 

lannen vini ki zot kapab fer en 

konstriksyon byen kan an realite 

zot en kontrakter malonnet ki napa 

konpetans, pou fini kont ozordi nou 

pe reste dan en lakaz ki pe 

degrengole, me konmsi sa pa ase 

aprezan zot oule krwar sa lakaz pou 

zot, se sa leta nou nasyon. 

Ler Prezidan i admet ki 

lapolis i koronpi, ler ou telefonn 

gard pou lasistans, e ganny dir ki 

zot napa transpor pou ariv kot ou 

ler ou annan en minister lasante ki 

ganny dezyenm pli gran alokasyon 

bidze finanse par travayer Seselwa 

me ki bezwen fye lo donasyon 

lekipman loperasyon e menm 

lanbilans. Ler en dimoun ki reste 

kot basen prizon ki bezwen 

lanbilans aparti sant Larivyer 

Anglez, i pran 4er tan pou lasistans 

ariv kot li, ler ou vwar sitan etranze 

pe rantre pou ansarz bann pozisyon 

enportan dan gouvernman kan 

Seselwa pe ganny pouse dan travay, 

ou‟n fini konnen ki nou lakaz pa a‟n 

ord, ki nou lakaz in mal fer. 

Msye Speaker permet mwan 

servi Larivyer Anglez, distrik kot 

mon‟n ne, lekol e grandi konman en 

bon legzanp pou montre ki manyer 

polisi parti SPPF ozordi pe afekte 

tou kous popilasyon dan sa 

kominote. Perfomans SPPF dan sa 

distrik i osi reflekte zot abilite lo 

nivo nasyonal koman en parti ki‟n 

fatige, ki‟n vye, ki nepli annan 

nouvo lide e ki mank senserite. 

Parmi en popilasyon, 3,842 zabitan 

kot 250 pe rod en lakaz e 75 lezot en 

morso later pou konstrir en lakaz, 

polisi gouvernman i ankor tro long, 

tro konplike e tro politize kot i 

konsern lozman. I pa akseptab ki 

SPPF i kontinyen servi sa koman en 

zouti politik kont bann ki pa siport 

li. Bokou lakaz gouvernman in 

ganny konstrir, Quincy, Majoie e 

Union Vale, me serten nou zabitan i 

kontinyen ganny kit deryer, menm 

si mon kontan ki tou Seselwa i 

1

ganny en lakaz e zot peye, fodre 

peye mon pa konpran akoz i annan 

dimoun dan nou distrik ki plis ki 

20an li i ankor lo lalis pe espere. 

Tou Seselwa pe kontribye 

finansyelman dan zot pei, alor sa 

larzan pa pou SPPF pou li fer 

diskriminasyon e swazir lekel ki 

merit ganny lasistans. Sa larzan i 

pou Seselwa i pa pou zot. 

Lozman i en drwa, anba lartik 

34 nou Konstitisyon me apre 32an 

anba gouvernman SPPF, ozordi 

lozman i en kosmar. Dan sa dernyen 

3 mwan pri materyo konstriksyon in 

ogmant par 70% a 150%, to lentere 

lo loan lakaz in ariv ant 18% a 28% 

e i tro for pou mazorite dimoun. 

Gouvernman in kas promes 

eleksyon pou asiste plizyer fanmiy 

avek lokasyon lakaz, atraver 

lakonpanyen PMC. 

Labank komersyal li i pa oule 

renegosye peyman par lao 15an. 

Prezidan i dir personn pa dan risk ki 

zot lakaz i ganny sezi, me atansyon 

gouvernman in fer provizyon pou 

asiste selman bann ki drwa HFC 

dan ka zot pe rankontre difikilte 

repeyman me i kit bann ki drwa 

bann labank komersyal dan lamezir 

ditan. Eski 2009 pa‟n fini fanmiy 

Seselwa? SNP Msye Speaker i krwar 

ki satisfer bezwen lozman i 

responsabilite tou gouvernman. 

SNP i demande ankor ozordi 

ki lakaz avek later i aret ganny servi 

koman en size politik par SPPF. En 

gouvernman SNP a lavenir, pou 

angaz li dan en progranm lakaz ki 

pou benefisye tou sa ki pli dan 

bezwen. Lekol segonder Larivyer 

Anglez i landrwar letid pou plis ki 

700 etidyan depi Machabee, anler 

La Gogue an desandan North East 

Point ziska rezyon sant lavil. San 

dout i annan en gran lenportans 

dan formasyon nou fitir zenerasyon 

me sa lenstitisyon i annan plizyer 

defi ki gouvernman SPPF ankor pe 

ezite rezourd ennfwa pou tou. Wi, 

drwa ledikasyon i ganny onore, 

parey lartik 33 nou Konstitisyon i 

fer provizyon, me apre 32an anba 

gouvernman SPPF kalite labaz 

ledikasyon ki Sesel i bezwen pou vin 

en pei mondern e en legzanp pou 

nou rezyon i an kestyon ozordi. 

La kan mon pe koze sa lekol i 

mank bann lekipman debaz i pa 

akseptab pou en zanfan debout e 

apir ek miray ouswa asiz lo latab 

letan i bezwen aprann dan laklas, 

napa ase sez avek latab pou bann 

zanfan etidye dan konfor e parfwa 

paran i bezwen donn zanfan zot 

prop sez, pou servi lekol. Sa i osi 

aplik pou bann lekipman 

ledikasyon fizik parey boul 

volleyball basketball ek football, 

laklas pou serten size spesifik napa. 

Lekol osi napa ansennyan pou 

serten size; en legzanp kler se school 

counselor. 

Bann viktim depar volonter 

dan en moman kot kriz ekonomik pe 

anmenn plis defi sosyal, servis bis 

pou anmenn zanfan lekol aler dan 

bomaten e osi difikilte ki zanfan i 

gannyen avek drayver ler zot pe 

retourn dan lakour tar apre bann 

aktivite ECA i reste 2 size ki 

management lekol avek 

lakonpannyen SPTC i bezwen 

rezourd. Tandi ki promes Msye 

Michel depi an Zen 2006 pou 

kontrol lakantite zanfan par laklas e 

lakantite peryod bann ansenyan i 

ansenye i ankor zis 2 promes. Se sa 

leta nou lekol. 

SNP Msye Speaker i krwar 

dan en pli o nivo ledikasyon pou en 

meyer lavenir, nou fer lapel avek 

bann zanfan pou realiz priyorite zot 

2

ledikasyon dan zot lavi. I annan 

zanfan ki konsyan sa, mon felisit 

bann ki‟n termin zot lekol segonder 

Larivyer Anglez lannen pase, e ki‟n 

fer byen zot legzanmen IGCSE, 

malgre lekol an zeneral pa‟n perform 

lo nivo, ki ti ekspekte. SNP i solider 

avek tou ansennyan ek paran pou 

kontinyen travay ansanm pou siport 

bann zanfan e donn zot tou 

lorportinite pou devlop sa sans 

responsabilite. Msye Michel in les 

nou konpran ki to mank lanplwa in 

sorti 1% an Novanm 2008, pou ariv 

3.6%, sa i en sinny move 

performans ekonomik. Me pir ankor 

i demontre inefikasite gouvernman, 

pou ankouraz en klima pou 

kreasyon lanplwa. 

Zenn Larivyer Anglez zis pe 

monte desann me zot pa ganny 

tyak. Lo size lanplwa i evidan ki 

SPPF i lour, lontan i ti zis abzorbe 

me la ki prezan larealite ekonomik 

in sanze, zot pa kapab kree. An 

Novanm 2008 gouvernman ti pous 

pros 2000 travayer dan sekter piblik 

angiz zot a ganny lanplwa dan 

sekter prive kot plis ki 8000 etranze 

pe travay. Me kwa ki‟n ganny fer 

pou ranplas bann etranze? Konbyen 

ki‟n ale pou fer plas pou bann 

Seselwa? Se yer ki mon‟n antann 

demann pou fer en odit dan pos ki 

bann etranze i okipe. Letan nou 

dimoun, 55 an amontan pe ganny 

forse aret travay, Msye Michel li 

aprezan ki i anmenn Irlande 3zyenm 

az pou vin travay kot nou. I annan 

pros 1500 zenn ki zwenn marse 

lanplwa sak lannen me tan ki en 

bon plan devlopman resours imen 

pa ganny devlope nou pou 

kontinyen antann Prezidan 32 an 

apre ki son gouvernman in 

opouvwar admet ki nou pa ankor 

annan dimoun kalifye dan tel ou tel 

domenn. 

Kwa ki pe anpes 

gouvernman pran linisyativ e 

renegosye avek tou bann envestiser 

etranze isi pou ki zot rezerv serten 

travay inikman pou Seselwa. I pa 

akseptab ki en letablisman parey 

Labriz zis 15% son workforce ki 

Seselwa, i pa akseptab ki se nou 

depi zardinyen, drayver pickup, gard 

sekirite e labourer i etranze 

eksetera. Eski vreman nou sitan ris 

pou nou annan sa ta etranze pou 

travay se nou? Progranm 

lokalizasyon fodre i sorti koman zis 

en lide teorik pou parti SPPF. Kwa 

ki difisil dan idantifye en zenn avek 

potansyel, met li koman understudy 

sa etranze ki la, donn li en 

loportinite lantrennman avek letid 

neseser pou li kapab vin sa 

ranplasan. Ler zot fail lo la, aprezan 

zot taye e kree progranm young 

leaders. 

Mon demann mon lekor akfer 

si zis pou ganny bann fitir MNA. 

SNP Msye Speaker i rekonnet lartik 

35 nou Konstitisyon e i an faver 

kreasyon otan loportinite lanplwa 

pou Seselwa. Nou plan pour nou 

reisi fer sa se kree en lekonomi ki 

modern e ki kapab sezi bann 

posiblite pou kree lanplwa, anmenn 

forex e ogmant sa ki nou gannyen. 

Pou ed nou dan sa misyon Seselwa i 

bezwen vin pli alert pou pran sa 

nouvo pa ver lavenir anmezir ki 

posibilite pou aktivite ekonomik i 

prezant son lekor nou osi bezwen 

regard pli lwen e vin pli kreativ e pli 

inovativ. 

Fer desann pri lavi i priyorite 

nimero enn dan progranm SNP, sa 

se akoz gouvernman SPPF son 

kredibilite lo sa size i negativ. Pou 

en gouvernman ki‟n promet pou met 

dolar dan pos Seselwa e pou double 

nou larises isi 2017, fransman zot 

zefor pa enspir konfidans. Sa 5 

3

mezir ki‟n anonse ki enkli rediksyon 

lo 11 komodite STC e rediksyon taks 

lo plizyer materyo brit lagrikiltir pa 

al ase lwen. Letan ou bezwen fer 

sakrifis pa dezennen me manz zis 

dinen, letan ou bezwen anvoy ou 

plan voyaze, ou plan konstriksyon, 

ou plan aste en propriyete, letan ou 

bezwen koup ou lalinny fixed mobile 

e al lo pre-paid ler ou bezwen 

redwir ou package intelvision, ouswa 

dekonekte servis internet ki 

esansyel pou ou zanfan. Letan ou tir 

ou zanfan lekol prive, ler ou bezwen 

kit ou transpor se ou e pran bis 

akoz karbiran i ser, ler ou bezwen 

desann apye sorti Union Vale akoz 

ou kapab afford zis sa lot pasaz pou 

al travay Providence e ler ou bezwen 

fer 2 louvraz pou sirviv mon konnen 

ki ou osi ou‟n bite fas a 

logmantasyon dan pri lavi. 

Pou ou ki a lekout kekfwa ou 

pe dir sa i bann keksoz liks e nou 

kapab sirviv san zot. Mwan mon dir 

avek ou, non. Sa i bann keksoz ki 

nou tou ki travay dir dan sa pei, 

nou annan liberte pou zouir tou 

gouvernman i ganny elekte pou ed 

nou progrese, pou avans devan. I pa 

akseptab ki en gouvernman ki‟n 

promet nou en meyer lavi apre ki i 

vin opouvwar i fer nou retourn an 

aryer, i abes nou standard lavi, i 

atrap nou lanmen e anmenn nou 

dan en fernwanr. I pa akseptab mon 

dir. 

Bann zabitan Larivyer Anglez 

ki mon‟n koz avek, ti pe ekspekte 

Msye Michel anons bann mezir pli 

direk ki kapab donn zot detrwar 

roupi anplis dan zot lanmen, ki zot 

kapab aste en keksoz an plis pou 

anmenn dan lakour pou zot zanfan. 

En legzanp kler se akoz napa en 

revizyon dan kalkilasyon GST. I pa 

akseptab ki bann MNA SPPF isi i 

ava zis glorifye sa 50sou ouswa 

R1.50 ki STC in tire lo sa 11 

prodwir. Eski zot pa kapab demande 

akoz ki aprezan sa rediksyon i 

ganny fer. I pa kapab ki 

gouvernman pe sibvansyonn sa 

bann prodwir akoz sa i kont plan 

IMF. Me anmenmtan si STC in 

kapab fer li i vedir ki tou sa letan ti 

annan en trik dan zwe, i ti kapab fer 

li depi lontan. 

En lot propozisyon ki mon 

krwar i merit bokou konsiderasyon 

se lide ki manm elekte pour nou 

distrik, Onorab Nibourette in dir 

avek en zournal resaman; Onorab i 

panse ki pli ou reste pli pros avek 

Victoria ou merit pey bis mwens, en 

tel propozisyon san dout pou 

benefisye bann zabitan Majoie, 

Quincy e Union Vale, mon swete ki 

Onorab i pous sa lide isi dan 

Lasanble e mon granti li mon pou 

donn li mon sipor osi lontan ki sa i 

benefisye zabitan bann distrik 

otour Victoria enkli Larivyer Anglez 

e non pa lentere zis son parti. 

SNP Msye Speaker, mon 

repete fer desann pri lavi i priyorite 

nimero 1 son progranm, parey in 

leka an 2009, nou pou koz san ses 

lo size pri lavi ki pe afekte tou 

dimoun kan SPPF pa apir lepep 

Seselwa SNP pou debout e met 

presyon lo gouvernman. Dan lepase 

nou‟n reisir fors gouvernman kalkil 

byen e menm retourn lo serten 

mezir drastik ki zot ti‟n pran. Alor 

nou pou kontinyen fer li. An 

konsekans sitiasyon kot nou ete, sa 

pe anmenn son prop defi. Lo bor 

semen nou vwar plis zenn zan pe 

bwar an bonn a-vini, trafik e 

konsomasyon drog pa oule redwir, 

Castor Road pe vin de mwen-zanmwen 

atiran, latak avek vol lo 

bann sitwayen inosan pe arive. Zis 

pandan mwan Desanm Msye 

Speaker i annan de latak lo bann 

endividi Larivyer Anglez enkli enn 

4

dan en laboutik gran lizour. Sa ki 

pe fer konstriksyon, son materyo zis 

i disparet. Tou sa la pe arive malgre 

lasirans Vis Prezidan dan Lasanble 

an repons kestyon mon ti table 

lannen pase ki i annan patrol regilye 

ki lapolis i fer dan distrik. 

Se pa sa karakter e 

repitasyon ki zabitan i oule vwar 

nou distrik devlope e annan. Alors 

en zour Larivyer Anglez ti sinonim 

avek laviktwar, avek sanpyon lepok 

ki Albert Marie ti pe etablir rikord 

maraton, ki 20an plitar i ankor la, 

lepok ki Thelma Pierre-Louis ti pe 

ranport tit meyer atlet fanm, lepok 

ki Donald Monnaie ti pe enspir tou 

zenn ler i pe met gol, bisiklet pou 

Sesel kont lekip Moris. Ozordi letan 

ou vwar en zenn parey Samantha 

Akasa nepli annan lakourazman 

pou swiv dan lepa nou bann ero 

sportiv parey Jimmy Baker, Peter 

Sinon, Lina Lestrange, Jocky 

Jacques e lezot, ou pa bezwen al 

lwen pou konnen ki lavenir nou 

distrik e lavenir nou pei pa dan bon 

lanmen. 

Letan nou vwar leta nou 

distrik ki mon‟n souleve i akoz pou 

tro lontan SPPF in ranport eleksyon 

an servan bann metod popilis e 

bann promes dan vid ki zot ti napa 

lentansyon onore. Lepep in fer zot 

konfyans pou ekip nou lakour me 

zot in les li abandonnen. Ozordi nou 

pe pey ser pou sa konsekans. 

Sa lakaz i demann en nouvo 

lokater pou okip li, enn ki a swazir 

si i pou fer en netwayaz zeneral 

oubyen en renovasyon ekstansif e 

rod en lasirans ki ava anmenn plis 

garanti. Ozordi malgre lesey pou 

fors nou krwar ki nou en viktim kriz 

finansyel global fodre pa Seselwa i 

fer sa fot e rezet lefe ki SPPF i‟n 

annan move rikord planifikasyon 

ekonomik, pret larzan an bonnavini 

e pa onor son det, san obliy gaspiyaz 

e koripsyon dan gouvernman. 

Msye Michel in vin isi, in koze 

e ou ti a krwar in fek debarke, ou ti 

a krwar pou 32 an li in andeor 

gouvernman SPPF, konmsi i pa ti 

zanmen en manm sinyor kabinet kot 

in menm ansarz minister finans ki 

en letan ti annan tou kontrol lo 

labank santral e direkteman 

responsab pou konsekans ki ozordi 

nou pe sibir ki‟n konmans omwen 

10an pase. Ladan menm annou pa 

oubliye ki ler ti pret serman an Avril 

2004, Msye Michel ti promet ki i pou 

protez nou aki, me ki‟n arive depi 

sa? Roupi in devalye par san pour 

san, apre sa ou pti lekonomi ki ou 

ti‟n met de kote labank pou letan dir 

in perdi son valer e redwir par 

lamwatye. Ou saler en sel kou in 

koup par san pour san e ou 

pouvwar aste in desann par menm 

kantite. To lenflasyon in ariv ziska 

63% dapre Biro Statistik Nasyonal. 

Msye Michel pa pe kapab 

protez bann fanmiy Seselwa kont la 

mizer akoz logmantasyon dan pri 

lavi. Dan son ladres Msye Michel in 

totalman say son responsabilite e 

mon pa dakor avek defans Onorab 

Pool, i ti merit dir lepep rann en 

kont lo sa sonm 2.5 bilyon ki‟n 

akimile deor, egalman in refize 

donn lepep en kont randi lo sa sonm 

808 milyon dolar ki nou drwa. 

An Oktob 2006 nou a rapel i 

ti dir ki Sesel pa pou pran loan 

ankor, alor lepep ti anvi ganny son 

leksplikasyon lo akoz nou‟n bezwen 

pret en sonm 308 Milyon avek 

Lehman Brothers a en to lentere 

24% par an. Sa 4.5 milyon ki‟n 

perdi lo zil Perseverance i pa‟n dir en 

mo lo la. I pa‟n dir nou akoz sa 

sonm 948 milyon ki ganny zenere 

5

dan nou lekonomi zis en tyer ki pas 

dan nou sistenm banker e personn 

pa rode kot larestan i ale. 

Nou tande ki pou annan en 

rediksyon 25% dan lakantite touris 

ki vin Sesel sa lannen, tourism i 

nou diber lo nou dipen, Msye Michel 

in napa solisyon kler pou redwir sa 

sif. I pa‟n dir akoz zis en kategori 

travayer ki‟n forse al lo depar 

volonter e non pa okenn o zofisye 

dan gouvernman, apre tou zis saler 

ki zot gannyen san oubliy bann lezot 

perks ankor ti ava kapab fer ase 

lekonomi pou anploy enn ou de 

zenn pou deservi piblik direkteman. 

E finalman pou bann dimoun ki 

swadizan konpran zot soufrans e 

ki‟n perdi travay, bann ki‟n tonm 

dan sa serk vilnerabilite ki‟n agrandi 

Msye Michel pa‟n donn zot en 

deadline pou zot soufrans. 

I drwa lepep pou demande ki 

SPPF ennfwa pour tou i donn 

leksplikasyon ki‟n arive avek sa pei 

akoz se zis zot ki‟n opouvwar tou sa 

letan. Ler nou koz latransparans sa 

i bezwen komans avek zot, i zot 

drwa pou donn sa leksplikasyon. Si 

lepep pe demande, lepep i annan 

rezon akoz lepep ki annan pouvwar 

e in met zot la, i tre enportan pou 

nou kontinyen fer rapel pep Seselwa 

ki sa kriz ki nou ladan ozordi pa‟n 

komans le premyer Novanm 2008 

letan Msye Michel ti adres lanasyon 

lo size reform ekonomik IMF. I 

annan omwen 10an ki SNP ti pe 

averti nou me bann MNA SPPF ti 

kontinyen aplodi tou bann desizyon 

brans egzekitiv. Semen pli kout pou 

zot sete pou abandonn mon bann 

frer e ser Seselwa ki ti‟n vot pou zot, 

aprezan ler in arive pou bann MNA 

SPPF fer refleksyon serye lo 

konbyen zot silans in kout nou pei. 

Se zot ki ti refize debout akote 

zabitan mon distrik e larestan 

popilasyon pou koz kont bann move 

desizyon sirtou ekonomik, ki ozordi 

in anmenn nou pei kot i ete. 

Zanmen zot in koz kont 

logmantasyon dan pri lavi, zanmen 

zot in koz kont lentrodkisyon 12% 

GST lo manze e 17% lo servis, 

zanmen zot in koz kont sa kantite 

konsesyon e retansyon ki 

gouvernman ti pe donn bann 

envestiser etranzer an bonnavini, 

zanmen zot in koz kont inefikasite 

progranm lokalizasyon bann pos 

dan sekter piblik, zanmen zot in koz 

kont vikitimizasyon security 

clearance, zanmen zot in koz kont 

sa ta prete ki gouvernman ti a pe 

prete, zanmen zot in koz kont 

gaspiyaz, move zestyon e koripsyon 

dan gouvernman. 

La ozordi kan zafer in sal, sa 

menm group dimoun ki ler ti 

bezwen nou vot ti konn travers pon 

Bertha, konn grenp semen 

Cosmoledo e konn sot Kap Bonm 

Zan pe azir parey bann lewa ek 

bann prens zot pe regard nou ava 

pitye. Zot leker i endiferan me zot 

pa ofer lanmen. Pour vwar zot fodre 

met randevou kot ladministrasyon 

distrik. Msye Speaker ou menm ou‟n 

dir lo SBC semenn pase ki nou 

Lasanble i bezwen matir, e fer en 

nouvo depar sorti dan sa latrap 

talkshop. Lepep i oule vwar bann 

MNA SPPF pe anvoy latet enpe plis 

avek gouvernman. Pou le moman se 

zot ki responsab nou lakour, i zot 

devwar pou pas en balye devan sa 

laport, netway sa vit e gard nou 

lakour a‟n ord. Silans nou bann 

lenstitisyon birokratik sirtou nou 

medya nasyonal i osi kontribye 

bokou pou anmenn nou pei kot i 

ete ozordi. 

I pa akseptab ki larzan piblik 

i kontinyen ganny servi pou finans 

6

Zournal Nasyon e SBC me zot 

mentenir zot lezitasyon pou reflekte 

sa diversite lopinyon politik ki 

egziste isi. Si Msye Michel parey 

Lider Lopozisyon in dir i kapab donn 

lord lazans byennet pou revwar son 

kriter pou donn lasistans, i osi 

kapab donn lenstriksyon SBC pou 

ed nou demokrasi agrandi. I pa 

akseptab pou sa de lorganizasyon i 

kontinyen ganny servi zis pou raport 

sa ki gouvernman i oule dir avek 

lepep, olye ki bann zournalis e 

producer progranm i fer gouvernman 

dir e eksplik sa ki lepep i oule 

konnen. Se zot gardyen kot sa 

lakour, zot annan responsabilite 

pou met serten lord, fodre les Msye 

Michel konn son limitasyon e pa 

soutir li abiz son privilez koman 

Prezidan viz-a-vi sa de 

lorganizasyon. 

An konklizyon Msye Speaker, 

kontrerman avek Msye Michel ki‟n 

vin isi devan nou e annons son 

kanpanny pou prosen eleksyon 

Prezidansyel atraver sa seri rankont 

konsiltatif lo nivo distrik ki i oule 

fer, parey an 2005, SNP li pa pe lans 

en kanpanny. Me parey diskour 

Onorab Ramkalawan in demontre 

nou pe lans en nouvo vizyon pou 

Sesel, nou pe renouvle nou 

determinasyon pou fer rev tou 

Seselwa vin la realite. Lo sa not 

mon oule adres de mo pou lazenes 

Seselwa atraver diskour Lonorab 

Ramkalawan SNP pe sinyal en 

nouvo lapros, en nouvo fason fer 

keksoz, en nouvo determinasyon 

pou adres bann lenzistis ki‟n diviz 

nou nasyon. Sa i nou nouvo depar 

pou Sesel, pou nou bann siporter 

pou lavenir. 

Nou partaz en rev avek 

plizyer mil Seselwa ki pa ankor 

idantifye zot lekor avek SNP e 

plizyer lezot ki pe deza fer li. Nou 

misyon se pou al de lavan e fer zot 

viv sa rev. Ozordi nou annan en 

Prezidan ki atraver son 

lorganizasyon fondasyon Jj Spirit pe 

kategoriz bann zenn. I kler si ou 

swiv son prensip, si ou krwar dan 

son lide i ava annan loportinite pou 

ou dan sa pei, me pou bann ki pa 

krwar dan son lide ou pou ganny 

met a lekar. 

Lazenes Seselwa Msye 

Speaker pa oule sa divizyon, fason 

fer SPPF i met en lafreyer enorm 

dan nou zenn. Gouvernman in 

ganny elekte koman serviter lepep, 

pa pou vin en laklas elit ki ignor 

bann norm demokratik ki lepep pe 

egzize. SPPF in vin egzakteman sa. 

Zot in vin en parti dirize par en 

group elit, ki krwar Sesel pou zot, ki 

krwar zot pou reste opouvwar pou 

lavi, ki krwar ki zanmen en zour zot 

pou rann kont, e ki krwar ki sa ki 

anvi tir zot opouvwar 

demokratikman i fou. 

Pep Seselwa fodre realize e 

aksepte ki en gouvernman pa sa 

lonbri ki nou‟n ne avek, 

gouvernman i la pou travay selon 

promes ki zot in ganny elekte lo la. 

Si zot pa deliver nou merit annan en 

sel mo pour zot, „out‟! Koman en 

nasyon kretyen nou sanse pou 

ganny beni avek sa 3 kado ki 

Bondye in donn nou, lentelizans pou 

nou reflesir, laliberte pou nou swazir 

apre ki nou‟n reflesir e volonte pou 

nou bouze e al de lavan apre ki 

nou‟n swazir. Pep Seselwa ansanm 

nou kapab sirmont nou pase, pou 

fer Sesel vin en landrwar pli sen, pli 

prospere fer li vin en sosyete lib kot 

tou dimoun i ganny menm sans 

akonpli zot rev irespektiv ki zot 

kwayans politik. Alor annou ralye, 

annou koste otour sa nouvo lapros, 

otour bann nouvo lide pou 

rekonstrir nou lakaz. Devan nou se 

7

en kontrakter konpetan ki fidel avek 

Sesel me pli enportan akoz nou anvi 

Sesel i reisi nou pou fer keksoz avek 

lanmour, sa bann parol pa okenn 

propagann pou met disel dan ou 

blesir me i nou rev, nou promes pou 

batir en lakour kot tou dimoun i lib, 

kot tou dimoun i annan menm 

loportinite pou prospere, pou nou 

zanfan reste sen e sof e pou nou 

kiltir ganny proteze. Alor nou pa 

pou zanmen les tonbe ziska ki nou 

pei i vin en later ranpli avek lespwar 

e loportinite lape avek prosperite e 

lazistis avek sekirite pou tou sa 

nasyon Seselwa. Mersi Msye 

Speaker. 

(Applause) 

HON ANSLEY CONSTANCE 

Mersi Mr Speaker. Manm Lasanble 

nasyonal frer, ser Digwa, e zabitan 

zil pros e tou Seselwa. 

O komansman sak lannen 

nou koman bann reprezantan lepep, 

nou ganny sa privilez pou nou 

deliber lo bann gran lalinny mesaz 

nou Sef Deta lo sitiasyon nou pei 

apre ki Sef Deta, ki nou Prezidan 

pei i fer okomansman premye trimes 

travay nou Lasanble Nasyonal. I en 

moman pou nou bann reprezantan 

lepep fer en analiz profon e senser lo 

kwa ki nou‟n akonpli e kwa ki 

koman en nasyon nou annan pou 

fer pou rod meyer solisyon pou nou 

pep e soutyen lavansman nou pei. I 

en moman kot nou devret kiltiv dan 

nou pep en dezir pou regard lavenir 

avek bokou pridan me touzour avek 

en lespwar malgre tou difikilte ki 

lavi i kapab prezant devan nou. 

Msye Speaker tenm sa lannen 

i selman reprezant lideal ki Prezidan 

e tou Seselwa ki oule viv sa lideal i 

bezwen sezi pour ki nou kapab 

koman en pep, en nasyon bouz 

fraternelman de lavant avek mwens 

traka lavi. Koste Seselwa i sa veikil 

ki gid sak Seselwa ver son lobzektif 

lavi si vreman nou anvi avanse 

koman en nasyon, koman en pep. 

Napa lot swa e mon pa asire ki i 

annan en lot swa. 

Mr Speaker mon‟n toultan dir 

kan nou koz lo leta nou nasyon sa i 

annan en lyen direk ou endirek avek 

sa ki sakenn de nou i fer koman 

zanfan sa gran fanmiy ki appel 

Sesel. Kan nou koz lo leta lanasyon 

Seselwa otomatikman i annan pou 

fer avek sa ki pase Lanmerik….. nou 

bezwen toultan gard antet lapel 

Prezidan e osi pa bliye dan ki lespri 

Prezidan in pronons son diskour. 

Msye Speaker dan son 

diskour Prezidan Michel in montre 

ki i Prezidan tou Seselwa e son leker 

i pou tou Seselwa. Prezidan in servi 

en langaz linite, in soulinny sa 

nesesite pour ki nou tou nou koste 

ansanm koman en sel fanmiy. Wi, 

Msye Speaker malgre tou defi, 

Prezidan in relev moral nou pep e 

enspir konfyans ek lespwar dan nou 

pep Seselwa. Prezidan in pronons 

son diskour dan en lespri fraternite 

kot nou‟n ganny rapel ki nou 

diferans i mwen enportan ki sa ki 

nou annan en komen. Wi Msye 

Speaker Prezidan in fer nou 

konpran ki nou en Seselwa avan ki 

nou en Digwa, en Pralinwa oubyen 

en zabitan Mahe. Nou en Seselwa 

avan ki nou en siporter SPPF, SNP 

oubyen DP, nou en Seselwa avan ki 

nou en kretyen Misilman oubyen en 

lot group relizyez. Nou osi en 

Seselwa avan ki nou dakor oubyen 

pa dakor avek mezir ki gouvernman 

in pran pou redres nou lekonomi. 

Msye Speaker Bondye letan 

in kree Sesel in fer li avek en plan e 

set a nou pep Seselwa pou enterpret 

8

e viv dapre sa plan. Bondye in kree 

Sesel koman en sel group zil 

granitik omonn, sa i vedir ki nou 

kreater in kree nou koman en pep 

ini. Bondye in osi peple nou pti pei 

avek diferan ras. Nou bann zanset 

in deside pou met zot diferan dekote 

e melanze koman en sel gran 

fanmiy, ini dan zot panse e zot 

aksyon. Me ozordi nou annan sa sel 

Sesel ki nou tou nou kontan. 

Msye Speaker pep Seselwa, 

ozordi nou zenn zenerasyon pour 

nou a nou tour met nou diferans 

dekote e travay ansanm pou 

anmenn nou pei pli devan. Met nou 

diferans politik dekote, pa vedir ki 

nou aret diskite. Met nou diferans 

politik dekote i senpleman vedir ki 

nou trouv bann pozisyon komen e ki 

nou diskit lo detay e meyer fason 

pou avanse. Paregzanp lo size 

reform ekonomik parti mazoriter 

koman lopozisyon in tonm dakor ki 

sa reform i merit ganny fer e i 

neseser si nou anvi donn Sesel en 

lekonomi modern ki ava anmenn 

benefis pour sak Seselwa. 

Me annou pa gaspiy letan 

pou debat lo akoz i pe ganny fer 

konmela olye 10 an pase. Annou vir 

sa paz e plito konsantre nou zefor lo 

meyer fason pour nou fer en reform 

mars pli byen. Annou rod fason pou 

fer lentere lo loan dan labank 

desann pour ki Seselwa i kapab pret 

larzan san gran difikilte. Annou rod 

meyer fason pou fer pri marsandiz 

desann plis ankor pour ki 

konsomater i santi mwen lefe 

logmantasyon dan pri lavi. Annou 

rod meyer fason pou fer pri materyo 

pou konstriksyon lakaz desann. 

Annou rod meyer fason pou kree 

lanplwa pour bann frer ek ser ki‟n 

perdi zot travay atraver progranm 

depar volonter e trouv en travay. 

Annou rod meyer fason pou 

ki bann ki lo welfare i ganny en 

lasistans sosyal ki permet zot viv 

dan dignite. Annou rod meyer fason 

pour ki to lesanz dan labank i kapab 

amelyore pour ki Seselwa i kapab 

ganny forex pli bon marse. Msye 

Speaker politik bon marse pa pour 

zanmen anmenn nou lwen. Seselwa 

pa anvi tann diferans politik ant 

SPPF avek SNP. Seselwa ozordi i 

anvi tann propozisyon konkret sorti 

kot son bann dirizan lo kimannyer 

nou pou amelyor zot lavi. Seselwa in 

elekte nou pour nou trouv solisyon 

parey Prezidan pe trouv solisyon 

pour zot problenm e non pa vin etal 

en lalis problenm devan lepep 

Seselwa. 

Msye Speaker se pour sa 

rezon ki mon pou siport lapel 

Prezidan pour ki nou tou ki viv e 

benefisye dan sa pei, nou koste e fer 

nou par pour ki nou ed sa pei 

progrese. Ler nou pe analiz diskour 

Prezidan Michel i bon ki pep 

Seselwa i pa get 2 sitiasyon an 

izolasyon avek sa ki pe pase otour 

nou. Si nou fer en pti dorizon lo 

sitiasyon enternasyonal, sa ava 

kapab fer nou pli byen konpran nou 

prop sitiasyon lokal. Lanmerik 

ozordi de milyon dimoun i san 

lanplwa. Plizyer mil in perdi zot 

lakaz e i annan ki pe dormi dan zot 

transpor. Mon mazin sa zonm 

Lafrans ki depi laz 15 an in travay 

avek lakonpannyen Peugeot, ozordi 

a laz 55 an i trouv li san en travay. 

Langleter bann gran magazen in a‟n 

egzistans pour plis ki 60 an in oblize 

ferm zot laport akoz kriz ekonomik. 

Laboutik Mark and Spencer li osi in 

ferm serten son bann brans akoz 

resesyon dan zot pei. Wi Msye 

Speaker mon pa bezwen rapel lepep 

Seselwa kriz ki pe arive dan bann 

lenstitisyon finansyel dan plizyer pei 

endistriyalize atraver lemonn. 

9

Sitiasyon klimatik pa pe ede 

amelyor sitiasyon. Lasesres, 

linondasyon pe afekte rekolt dan 

plizyer pei, menm pe fer serten pei 

vin voras ler zot stok en gran kantite 

manze e sa byensir i afekte bann pti 

pei parey nou ki napa sa gran 

pouvwar dasa oubyen menm stokaz. 

Kot nou pti Sesel i debout dan tou 

sala? Konmdir Prezidan „eski nou 

krwaz nou lebra e pa fer nanrnyen‟ ? 

Mr Speaker byensir maler lezot pa 

fer nou boner. Lemonn antye pe 

travers en moman tre difisil e nou 

osi Sesel nou bezwen konbat pli dir 

ankor pour nou reste a laflot sekous 

sa gro tanpet. Nou pozisyon 

zeografik, nou pti resours limite, 

grander nou pei, tou sala i kontribye 

pou agrav nou sitiasyon bokou plis. 

Me sa ki rekonfortan kantmenm se 

ki nou annan en dirizan serye e 

senser dan son lapros ki pe travay 

san ses pou rod meyer solisyon pou 

siport tou Seselwa dan sa moman 

difisil. Nou osi annan en pep pli 

determinen ki pe get lavenir avek 

lespwar e angaz zot dan 

konstriksyon en sel Sesel. 

Msye Speaker malgre ki nou 

pei pe pas atraver difikilte 

ekonomik, nou linite, nou 

konprenezon, nou dezir pou koste e 

travay ansanm dan larmoni i reste 

nou sel lespwar pou batir en lavenir 

plis prosper pour nou zenn ki pe 

leve. Koman reprezantan lepep nou 

rol se donn lespwar nou frer me non 

pa dekouraz li. Ankouraz sa etidyan 

pou rod solisyon me non pa ranpli 

son latet avek litani problenm. 

Ankouraz sa zenn ki anvi travay me 

non pa trouble son lespri ek bann 

term ki dekouraz li. 

Msye Speaker, pep Seselwa 

annou leve e debrouye, annou 

demann nou lekor lekel ki pe 

konsey nou, eski li i pe travay? eski 

i dan menm difikilte ki ou? ki 

konsey in donn ou? Dan nou pei, 

Msye Speaker, ser zenn i annan 

travay, i ankor annan pozisyon ki pe 

ganny okipe par bann etranze. Nou 

kapab ed nou pei si nou deside pour 

nou leve e trouv en travay. E la i fer 

mwan mazin parol en etranze ki pe 

viv e travay Sesel. I ti dir mwan ki 

son frer ti dir li. Mon quote; ‘Mon 

frer, reste kot ou ete ou pli byen 

laba Sesel. Kot nou pa fasil trouv en 

travay konmela‟. Msye Speaker mon 

pa pour pran sa legzanp ki mon‟n 

donnen zis koman en konpliman, 

me mon oule selman fer rapel mon 

bann frer ek ser Seselwa ki wi i 

ankor annan plis ki 7000 job dan 

nou pei ki ankor pe ganny okipe par 

bann etranze. E si nou kapab koup 

lanmwatye sa pou fer nou pei bokou 

dibyen. Alors annou demontre nou 

patriyotism e ed nou lekor. 

Wi Msye Speaker parey 

Prezidan in dir dan son diskour, 

lepep Seselwa pe viv en moman 

difisil, tre difisil, me nou 

gouvernman pe fer tou sa ki i kapab 

avek son mwayen pou soulaz enpe 

nou soufrans. Me lo sa not pep 

Seselwa i soulaze ler Prezidan i dir 

ki in demann STC pou revwar pri 11 

komodite debaz. Byensir sa i ava ed 

nou bann fanmiy ki pe fer zot mye 

pou met 2 bout ansanm. E mon 

demande ki ofir a mezir plis 

komodite debaz i ganny desann pou 

benefisye nou pep. 

Komodite Sesel i tro ser Msye 

Speaker. Sa ki ti krwar ki 

liberalizasyon ti pou anmenn nou en 

pli bon deal in tronpe. Okontrer in 

anmenn konpetisyon pli ser ankor. 

La i fer mwan mazin parol ansyen 

Prezidan Rene ki ti toultan averti 

nou ki bokou marsan Sesel i 

telefonn kanmarad e fikse pri olye 

donn konsomater en fair deal. Zot 

10

plito form en kartel antre zot. Sa 

menm marsan ki pe trise, zot 

souvan dir ou ki zot pa fer profi, 

selman zot kontinyen pe vann e 

menm agrandi zot biznes lannen 

apre lannen. Mr Speaker a sa pwen 

mon oule salye zefor NATCOF ki 

malgre zot resours e pouvwar limite, 

zot pe fer en bon travay kot zot pe 

averti nou konsomater kont labi 

oubyen kont bann marsandiz ki pa 

lo standar. 

Avek sa proze delwa ki pou 

vin devan Lasanble nasyonal byento 

mon espere i ava ed zot desarz zot 

travay pli efikasman. An atandan 

parey NATCOF i kontan dir nou 

bann konsomater nou devret 

kontinyen pran nou responsabilite 

pour nou rod valer pour nou larzan 

e menm pour nou deal ek sa bann 

marsan. 

Mr Speaker mon kontan pou 

aprann ki serten labank pe komans 

fer desann zot to lentere lo loan. Sa 

byensir i ava ankouraz sa fanmiy ki 

pe vwar li dan difikilte mon pe osi 

demande ki HFC i esey revwar 

lentere lo loan ki i donn son bann 

kliyan. Ozordi i annan dimoun ki 

son loan i mont par R1,100 oubyen 

menm R1,700 roupi. Sa i tro bokou 

an prenan kont lezot depans ki en 

fanmiy i annan pou fer sirtou nou 

bann servis enportan parey bill delo 

elektrisite, telefonn e pa bliy manze. 

Mr Speaker zonm depi son 

legzistans in touzour konbat pou 

sirviv parmi lezot kreatir. Sa bezwen 

pou sirviv in fer li envante e devlop 

son kreativite. 

Tan ki later i later, zonm in 

fer fas avek bokou defi. Sa enn i pa 

premye e sirman i pa pour dernyen. 

Stratezi ki nou gouvernman in pran, 

pour nou sorti dan sa difikilte 

ekonomik ozordi devret vin en 

deterans pour nou zenn zenerasyon 

demen. Omwen zot ava apresye ki 

nou bann dirizan ozordi pa‟n asiz 

avek problenm me okontrer rod 

solisyon. 

Mr Speaker rod solisyon pour 

sa zenn ki pe etidye, rod solisyon 

pour sa peser ki sakrifye son 

sonmey, rod solisyon pour sa 

planter ki pe trimouse dan sa gro 

ker soley, rod solisyon pour nou vye 

paran ki‟n donn tou son zenes pou 

konstrir Sesel ozordi, rod solisyon 

pour sa ners ki pe pran swen avek 

nou bann pasyan. Rod solisyon 

pour sa promoter dan nou lendistri 

touris, anfen pour sak Seselwa ki 

kontan e pe viv dan sa patri ki apel 

Sesel. 

Msye Speaker diskour 

Prezidan in tonm dan en moman 

apropriye dan letan kot koman 

zanfan Bondye nou pe ganny 

demande pou fer sakrifis e met nou 

leta despri a‟n ord avek nou kreater. 

Koman en pep beni nou devret 

rappel nou lekor ki zonm pa nouri 

selman lo sa bout dipen ki nou 

manze, kantite larzan ki nou annan 

dan labank me plito, pli enportan 

ankor lo mesaz lanmour Bondye. 

Dan sa menm lespri koste Seselwa 

mon ti akontan evit tou bann 

denominasyon relizyez La Digue 

pour nou zwenn dan en gran 

rasanbleman lapriyer kot ansanm 

nou ava sant laglwar nou Senyer 

dan linite e larmoni. Sa i ava osi en 

moman kot nou ava demann 

benediksyon Bondye nou pei Sesel 

ki i kler bann dirizan nou pei dan sa 

latas difisil ki devan zot. 

Wi Msye Speaker annou 

devlop sa lespri caring and sharing 

parey nou gran paran kot sa ki ti 

annan en rezim bannann ti donn 

son vwazen en lanmen e an retour 

11

ler son zironmon ti‟n bon, nou 

vwazen ti donn nou en morso. Dan 

lavi pa zis ler nou donn dimoun 

larzan ki nou pe ed li. E donn sa ki 

nou annan selon nou mwayen avek 

en bon leker, sa i kapab reste grave 

dan memwar sa dimoun. Parey 

Prezidan in demann nou tou pou 

leve e debourye, mon fyer ler mon 

vwar ki Digwa pa pe asize me pe 

debrouye pou fer sa 2 bout zwenn. 

Sa Madanm ki apre ler travay pe al 

fer son pti part time dan lotel, mon 

dir li kouraz. Sa zenn papa ki pe fer 

overtime ziska 6 er, mon dir ek li pa 

dezespere. Sa ansennyan malgre 

bokou travay i vwar letan pou donn 

dan son kominote, mon dir ek li 

mersi. Me pour ou ki pa ankor leve, 

mwan mon dir ek ou leve e 

debrouye. 

Msye Speaker avan mon 

terminen mon oule eksprim mon 

dezapwentman total lo diskour 

dirizan lopozisyon. Dan en moman 

kot nou pei pe ganny demande pou 

travay ansanm, Seselwa in tann 

menm litani problenm fer par 

lopozisyon. Ler Prezidan pe rod 

fason pou apez douler lepep, 

lopozisyon i vin dir gouvernman pey 

zot larzan le 3 Oktob. Lider 

Lopozisyon i vin koz lo plis privilez. 

Si i annan okenn ozofisye Msye 

Speaker ki pe abiz son bann privilez 

e ki pe gaspiy larzan leta, mon 

demann Prezidan Michel pou met 

en full stop avek sa pratik. I devwar 

Onorab Lider Lopozisyon pou li 

mont State House, pour li al met 

Prezidan okouran tou bann fe otour 

sa pour ki Prezidan i a kapab pran 

aksyon. Tou ozofisye ki ganny 

privilez an tro fodre ki Prezidan i 

aras zot, sa i enkli Lider Lopozisyon. 

Msye Speaker i parey mwan ki i 

annan dimoun in ganny obsesyon 

avek larzan oubyen i oule fer 

Seselwa ganny obsesyon avek larzan 

parey li. 

Msye Speaker dan sa 

Lasanble nou nou pas lalwa kont 

koripsyon. Si Lider Lopozisyon i 

konnen lekel ki annan sa 2.5 bilyon 

i devret pa zis koze parey in dir me 

fer aksyon, devwal non sa bann 

dimoun. Me non, nou annan en 

lider lopozisyon ki pa serye. Mon 

krwar ki in ganny son legzanmen zis 

pour li koze. Mwan tan-ka-mwan 

Mon pou kontinyen siport Prezidan 

Michel dan son demars pou rod sa 

ki pli meyer pou pep Digwa e tou 

Seselwa. Gouvernman i la pour fer 

son bout. Annou nou osi fer tou sa 

ki nou kapab pou ed nou lekor e 

etann en lanmen avek nou frer ki 

dan bezwen, se sa nou sel misyon. 

Msye Speaker pep Seselwa, 

Sesel i nou patri. Annou pa rode ki 

nou pei i kapab fer pour nou me 

plito dan linite annou ansanm rode 

kimanyer nou kapab ed nou pei 

avanse pou benefis nou zenn 

zenerasyon ki pe grandi. Zot pa 

demann plis ki sa. Alors annou 

zwenn lapel Prezidan pour ki koman 

zanfan sa later Sesel nou met nou 

diferans dekote e travay pou fer nou 

pei Sesel progrese ki anfen i ava en 

benefis pour sak son sitwayen. 

Msye Speaker ki benediksyon 

Bondye i vers a‟n abondans lo nou 

pei Sesel. Mersi Speaker. 

(Applause) 

HON VICKY THERESINE 

Mr Speaker, Manm Lasanble, ser ek 

frer Seselwa bonzour. 

An se moman ki mon pe koze 

lemonn antye i dan difikilte e bokou 

defi i prezant devan sak endividi, 

sak leaders e tou gouvernman. Pep 

12

Seselwa pe osi fer fas avek sa bann 

difikilte. 

An se moman kan mon pe 

koze Mr Speaker sakenn de nou pe 

eksplor bann lorizon ki pankor 

ganny eksplore e anmenn en lager 

feros kont sa kriz ekonomik ki pe 

frap lemonn. Ozordi se sa nou 

lennmi. Se sa kriz ekonomik 

mondyal. Sesel pti ki nou pti e nou 

napa preske okenn resours nou 

vwar nou fas avek bokou plis defi e 

ankor plis difikilte pour arive gard 

sa menm vites devlopman ki nou ti 

ava swete bouze dan tou laspe nou 

lekonomi. 

Mr Speaker, sa nou pti Sesel 

ki Onorab Henrie, in dekrir koman 

en lakaz ki‟n tonm an rin, in donn li 

konfor neseser e adekwa pou sa ki i 

ete ozordi. Letan ou ou dir sa lakaz 

in tonm dan sa sitiasyon Onorab ou 

pe ensilte zefor e sakrifis tou nou 

bann gran paran ki‟n travay vreman 

dir lannwit e lizour pou batir sa 

Sesel e ankor pe anbelir li pou 

lavenir tou zanfan Seselwa enkli ou 

zanfan osi ladan. 

Sa kriz ekonomik mondyal pe 

fer ki tou dimoun partou atraver 

lemonn zour o lannmen vwar zot 

san en louvraz. Parey Sid Lafrik ki 

lanmenm akote e kot bokou 

Seselwa in vizite, boner Zanvye sa 

lannen plizyer papa in perdi zot 

lanplwa, nou isi Sesel sa sitiasyon 

pe fer nou bann fanmiy Seselwa pas 

atraver difikilte. 

Yer atraver CNN nou‟n vwar 

kot bann dimoun pe vann zot bag 

lor, sennon, zano e tou zot bann 

lezot, bizou pou arive repey zot loan 

lakaz. Obor nou Mr Speaker, Air 

Mauritius i riske fermen nenport ki 

ler. Bokou Morisyen pou san en 

lanplwa. Mon zanmi Mr Speaker, 

bomaten Moris i call mwan e i dir 

mwan ki manyer en Onorab dan 

nou Lasanble isi Sesel i nabou dir ki 

Moris tou keksoz i roz. 

I posib ki nou nou difikilte i 

pli soupl an prenan kont nou 

popilasyon. I kapab pli fasil pou ou 

ki san en lanplwa ozordi trouv en 

louvraz si selman ou fer byen ou 

resers e bann dimoun konsernen i 

donn bon gidans nou bann papa 

Seselwa ki pa dan lanplwa ozordi. 

Difikilte pour sa manman 

tousel repey son loan lakaz pour 

asire ki son zanfan i kontinyen zouir 

en twa par lao son latet. Mon partaz 

difikilte sa manman ki apre ki in pey 

tou son det i preske pa reste li gran 

zafer dan son lanmen pour fer sir ki 

sa de bout i zwenn ziska lot lafen 

dimwan. Mon apresye Mr Speaker, 

par kont bokou sa zefor ki nou 

gouvernman in fer pour ki bann ki 

pli ganny afekte pour ganny ede dan 

repeyman son loan lakaz, zis parey 

mon osi apresye zefor ki GST in 

ganny tire lo manze zannimo avek bi 

pou fer ki lavyann i vin pli bon 

marse. 

Sa i ava osi ede pou asir en 

sours protein pou nou pep e ensi 

nou zanfan menm dan letan vann 

swet. Dan sa boulvers ekonomik 

nou vwar Prezidan Michel pe redwir 

pri lo komodite debaz, tou sa zefor i 

montre klerman ki langazman 

Prezidan Michel vizavi son pep i la. 

Sa kriz ekonomik napa ni 

baryer, ni frontyer e i a pe ravaz tou 

pei e tou kous sosyete san 

eksepsyon. Sa gran lakonpannyen 

mazer (EMAAR) ki baze Dubai i 

bezwen kennsel laplipar zot bann 

devlopman e proze ki zot ti anvizaze 

antreprann. Sa i rezilta ki sa kriz 

mondyal pe plonz ladan. 

13

Lanmerik en rikord 

4.99milyon Ameriken i ozordi san en 

lanplwa e bann ekonomis in dir ki 

sa sif in ariv a sa nivo zis dan 2 

semenn. 

Zapon Mr Speaker, ki son 

nasyon ti yer ganny dekrir koman 

en nasyon pli avanse dan lemonn i 

ozordi vwar en degradasyon. 

Lekonomi Zapon zis dan detrwa 

mwan sorti meyer pour desann 

konsiderableman. 

Dan en survey ki‟n ganny fer 

Lonn dan sekter finansyel in 

demontre ki i annan en bes par 64% 

dan sa sekter e sa ti zis an Zanvye 

sa lannen. Sa sitiasyon i montre 

klerman ki Lerop in osi antre dan en 

resesyon terib. E nou, nou tou nou 

konnen ki lefe advers sa i kapab 

annan lo nou lendistri tourism, ki 

nou dipen, nou diber e nou ham. 

Mon pa ganny en konpran Mr 

Speaker, alor ki manyer i annan ki 

dir nou ki problenm ekonomik napa 

nanryen pou fer avek problenm 

ekonomik mondyal. Yer lo CNN 

nou‟n tande ki manyer the American 

Investment Group in ankor pandan 

sa dernyen 3 mwan fer en perd 

61bilyon dolar Ameriken e ki ankor 

enn fwa gouvernman Ameriken pe al 

bail li out avek en sonm 30bilyon 

dolar. Zis pou montre kimanyer sa 

lensidan Lanmerik i kapab annan 

en reperkisyon lo nou lekonomi. 

Nou de gro avyon Air Seychelles, Mr 

Speaker 767, 300 series ki ganny 

asire par AIG, ki fer ki si AIG i fait 

otomatikman sa 2 avyon pa pou 

kapab anvole. Lekonomi mondyel, 

lefe i annan direk lo nou pti Sesel. 

Mwan mon krwar ki nou tou ki la 

anndan nou ase entelizan Mr 

Speaker, pou nou apresye son 

reperkisyon. Isi Sesel nou vwar 

kantmenm sa papa ki pe trimouse 

pour asire ki son zanfan i kapab 

kanmen ozordi malgre tou difikilte 

al lekol tou lezour menm si in nepli 

kapab donn li 25 roupi toulezour, 

menm si in nepli kapab aste li en 

soulye nef sak fwa ki li i anvi. Son 

zanfan ankor pe rezouir en 

ledikasyon gratwit. 

Mon lans lapel avek bann 

headteachers pour asire ki sa sonm 

larzan ki sak lekol in gannyen i pe 

tous bann zanfan ki dan vre 

bezwen. Bann headteachers zot pou 

bezwen travay an etrwat 

kolaborasyon avek lotorite distrik 

pour zot kapab ansanm idantifye 

bann vre ka. Bann zofisye kot 

Minister headquarters Ledikasyon i 

bezwen fer sir ki tou lekol i ganny sa 

larzan san okenn gran difikilte pour 

zot kapab an retour ed sa bann 

zanfan. Dan tou sa boulvers mon 

ankor vwar fanmiy Seselwa tre 

determinen ki pe re-aziste tou son 

bann depans e serten pe menm fer 

de louvraz parey bokou dimoun ki 

pe viv Langleter pe bezwen fer. Si i 

akseptab pou sa Seselwa ki pe viv 

langleter fer de louvraz akoz ki i en 

problenm pou nou fer de louvraz 

ozordi. 

Fer de louvraz i en lot kiltir ki 

pe devlope parmi nou Seselwa pour 

zot kapab fer sa 2 bout zwenn. 

Seselwa pe debourye akoz 

senpleman zot anvi sirmont tou sa 

bann defi, tou sa bann lobstak ki zot 

rankontre toulezour. Mon salye zot 

pour zot kouraz e determinasyon. 

Ozordi Mr Speaker i pa le moman 

pour nou lager lo lepase. Me i plito 

moman pour nou konsernen avek 

nou fitir, avek fitir nou bann 

travayer e pli enportan avek fitir nou 

zanfan e nou lazenes. 

14

Koman en zenn mon enterese 

avek en lavenir ki pli briyan. Koman 

en zenn mon enterese avek en 

lekonomi ki bokou pli solid e 

modern. Parey tou leres zenn mon 

anvi vwar en sosyete kot pep 

Seselwa i krwar dan travay dir. 

Parey larestan zenn Seselwa mon 

plito enterese dan bann solisyon 

byen kalkile e dirab pour nou kapab 

kontinyen asire ki tou zanfan san 

eksepsyon i ganny en meyer 

ledikasyon e gratwit. 

Pour ki servis lasante i enn ki 

vin pli efikas e ki tous tou kous nou 

sosyete, mon enterese avek en 

lavenir ki pour asire ki malgre 

difikilte, bann fanmiy Seselwa ki 

ankor pe esper en lakaz i arive 

ganny asiste. Konman en zenn mon 

osi enterese ki nou bann gran paran 

i kontinyen benefisye avek zot 

sekirite e viv dan dignite. Mr 

Speaker konman en zenn mon anvi 

senpleman en meyer lavenir pour 

Sesel e pour Seselwa. 

Si ozordi nou pe fer tou sa 

bann sakrifis se akoz nou bezwen 

asire ki sa zenerasyon ki pe monte 

zot ganny en meyer lavenir ki sa ki 

nou nou‟n gannyen. Mon dakor ler 

Prezidan Michel i dir ki ozordi i pa le 

moman pour bann politisyen fer 

politik e anmenn politik dan milye 

sa kriz ekonomik mondyal ki nou pti 

Sesel pa‟n ganny eparnye. Se sa Mr 

Speaker, ki Onorab lo lot kote latab 

in fer zis avan ki Onorab Constance 

in pran laparol. I montre ou Mr 

Speaker ki en boug letan i vwar li 

dan milye kannal kantmenm en fey 

i esey grenp avek. 

Ozordi tou politisyen i merit 

pe inifye tou bann zefor akote sa 

bann difikilte ki nou pei pe pas 

ladan e vin avek kontribisyon 

pozitiv. Lepep Seselwa i konnen e 

realize ki dan en moman difisil nou 

bezwen plis trankilite, lape e stabilte 

politik dan pei. Lepep Seselwa i osi 

konnen ki si napa stabilite politik 

dan en pei keksoz pou vin pli pir. 

Mon pa pou al pli lwen, Mr Speaker 

me annou zis pran legzanp lo nou 

vwazen Madagascar. Azanda politik 

personnel en dimoun i senpleman 

kapab alim en dife ki apre personn 

pa pou zanmen fini tennyen. 

Ozordi nou konman en 

nasyon fodre pa ki nou dir ki tou in 

fini. Ozordi nou bezwen annan 

lespwar ki pe briye. Nou bezwen kit 

nou lespwar vivan pour nou fitir. 

Les mwan dir avek bann manman, 

avek bann papa, avek bann zenn ki 

dan segonder e post segonder, sa 

zenn ki leve toule bomaten pour al 

debourye ki lespwar pour en meyer 

Sesel i prometan. Annou kit lespwar 

toultan vivan e annou gard sa linite 

ki enn bann kalite sa pep Seselwa. 

Sa lenpak ki nou pti Sesel i 

santi a sakfwa ki resesyon Lerop i 

agrave i fer nou vitman realize ki 

nou bezwen plis perseverans e 

kouraz pour travers sa peryod difisil 

dan nou listwar. Me koman en pep 

nou bezwen pe tenir for e ferm. Nou 

bezwen pe reste vizilan e swiv tre 

pros sa ki pe arive dan lemonn 

otour nou. 

Lazenes Seselwa, nou pei i 

ozordi pe pas dan movetan pa akoz 

nou ti anvi ouswa akoz nou‟n 

swazir. Nou pe pas atraver sa 

movetan par nesesite e an rezilta 

sitiasyon lemonn. Ozordi lazenes 

Seselwa nou bezwen en lider ki for e 

kouraze, nou bezwen en lider ki 

mazin dibyen pour ou lavenir, nou 

bezwen en lider ki pa vin repet bann 

menm vye ritorik politik me en lider 

ki realis. Nou bezwen en lider ki 

pare pou reazir fas a difikilte san 

15

egard son retonbe politik. Se sa 

kalite lider ki nou bezwen. Dan 

prezantasyon son diskour Mr 

Speaker lo leta la nasyon Prezidan 

Michel in konvenk mwan e in 

konvenk tou zenn Seselwa ki li i le 

sel swa pour lavenir Sesel. 

Kestyon ki lemonn pe 

demande an se moman Mr Speaker 

se ki fitir i anmase pour nou? 

Sakenn de nou, nou bezwen annan 

krwayans e konviksyon. Sa de 

eleman ansanm pou fer nou ariv sen 

e sof kot nou destinasyon. Nou lo sa 

kote latab nou swe se ki tou Seselwa 

i sorti venker apre sa reform, nou 

swe se ki tou Seselwa i redouble son 

zefor pour travay pli dir pour arive 

anmenn plis larzan dan lakour, nou 

swe se ki bann ki pa pe travay pour 

leve e al travay e debourye. Ede 

tenir ou fanmiy. Pour bann ki pe 

toultan senm laenn nou swe se ki 

zot senm lanmour. Bann ki pe 

travay kot lanplwa pare pour ekoute 

e ed bann dimoun ki vin rod en 

lanplwa. Bann landrwa travay nou 

swe lo sa kote latab se ki zot donn 

sans nou bann zenn ki‟n fek fini 

politeknik pour devlop zot abilite. 

Aret dir zot zot napa leksperyans. 

Apre tou sa bann zenn zot bezwen 

komans travay pour zot kapab 

akimil leksperyans. Sa bann pti 

keksoz parey Mr Speaker si tou i 

ganny fer byen pou soulaz nou 

sosyete. 

Prezidan Mr Speaker in 

anons en seri mezir pour ede soulaz 

nou sitiasyon e mon swete ki bann 

akter konsernen i osi ede pour fer 

sir ki tou sa la i ganny tonm byen 

dan plas. Mr Speaker swivan sa 

bann mezir i klerman montre nou ki 

gouvernman i en gouvernman ki 

care and share. Malgre difikilte, 

gouvernman pe fer sir ki personn pa 

pe ganny kit deryer. 

Premyerman, pou annan en 

logmantasyon dan lasistans ki 

Welfare Agency pou donnen tre 

byento. Depi Lendi le 2 Mars nou‟n 

vwar rediksyon lo 11 komodite de 

baz. In nepli annan GST lo manze 

zannimo e lo pti poul ki STC i 

prodwir. Sa i vedir ki tre byen nou 

pou kapab aste lavyann poul a en 

pri pli rezonnab. 

Lo legrenn, langre e pestisid 

pou osi napa GST. La ankor tou 

bann fermye i ava kapab koup enpe 

zot bann depans e zot ava pas 

benefis avek piblik. Sa osi a permet 

bann dimoun ki kot lakour ki anvi 

prodwir ava kapab aste bann 

komodite en pti pe pli bon marse. 

Ozordi dan nou pei Mr Speaker, nou 

vwar detrwa dimoun ki pe rantre 

dan biznes farmasi. La ankor 

gouvernman in tir GST lo latizann. 

Lasante i reste en preokipasyon nou 

gouvernman. Seselwa nou kapab 

aste latizann pli meyer marse dan 

prosenn lavenir. 

Dan en lakour kot ou sa 

manman tousel ouswa sa papa 

tousel gouvernman pour ed ou arive 

repey ou loan lakaz vi ki lentere in 

monte. I byen note Mr Speaker, ki 

sa sipor pou al direkteman kot bann 

dimoun ki vreman vwar li difisil 

pour repey zot loan. Prezidan Michel 

i santi zot difikilte e se pour sa rezon 

ki i a pe rod tou fason pou soulaz 

zot soufrans. Dousman, dousman 

Mr Speaker nou pe vwar pri bennzin 

ek dyezel pe desann. Letan pri 

bennzin ek dyezel i desann nou tou 

nou pe osi ekspekte vwar en bes dan 

pri serten servis, par egzanp, mon a 

donn de legzanp taxi ouswa kours 

pick up ki dimoun i servi pou savoy 

zot bann materyo esansyel. 

16

Nou‟n antann bann labank 

vin devan pour anons en bes dan 

zot to lentere, e mon asire ki tre 

byento, a longer ditan ou fir amezir i 

pou kontinyelman annan bann bes. 

Mr Speaker nou sitiasyon e nou 

latas i enn ki difisil me mon reste 

konvenki Mr Speaker ki i pa enn ki 

dezespere. Avek tou sa bann mezir 

ki Prezidan in anonse i montre nou 

klerman ki nou reform i lo bon 

semen. Konman en zenn ki optimis 

mon dir wi nou pou reisi! Mon dir wi 

nou pou travay dir! 

Mr Speaker, difikilte pou la. 

Nou bezwen fran ek nou lekor ki 

keksoz pa pou vin meyer demen 

bomaten. Apre tou napa okenn par 

dan lekritir ki‟n ekrir ki sa mon‟n ti 

pou enn san difikilte. Okontrer Mr 

Speaker, lekritir in dir ki zonm pou 

travay lasyer de son fron pour ganny 

son dipen. La Geneses Sapit 3 verse 

19 i konfirm sa. 

Fas a realite lemonn nou 

bezwen tenir for dan sa sanzman 

pozitiv malgre dir, malgre soufrans 

nou reste konvenki ki tou Seselwa 

pou travers pon e ariv lot kote sen e 

sof. Mersi Mr Speaker 

(Applause) 

HON RAMKALAWAN 

Mr Speaker, letan nou lir labib fodre 

nou konmans sapit 1 verse 1, Zenez 

pa sapit 3 anmontan. 

MR SPEAKER 

Ok, en konsey pou bann ki lir Labib. 

HON THERESINE 

Mon‟n fer li direk pou pli fasil 

Onorab, mersi. 

MR SPEAKER 

Ok mon pa expert dan Labib me 

nou annan enn de bann preachers 

la anndan ki kapab ed nou. Mon 

krwar nou ava fer en sesyon spesyal 

lo la. 


E Onorab Constance prese. 

MR SPEAKER 

Ok, order, order. Onorab Derjaques. 

HON ANTONY DERJACQUES 

Mersi Msye Speaker, Madanm, Msye 

Onorab, frer ek ser Seselwa bonjour. 

Avan mon fer mon ladres, 

permet mwan en minit pou remersi 

lider SNP Msye Ramkalawan e 

komite egzekitif SNP pou nomin 

mwan koman enn son manm 

proporsyonnel dan sa Lasanble. 

Mon osi remersi pep Seselwa dan 

profon mon leker pou zot vot ki zot 

ti donn SNP dan dernyen eleksyon 

ki‟n permet sa arive. Mon promet 

tou mon zefor pou ede retir Sesel, 

nou pei dan sa presipis ki in tonm 

ladan. Zanmen dan nou listwar 

Sesel in deza tonm dan en pli gran e 

pli profon crisis ki nou ladan. Nou 

lekonomi i dan en moman difisil e 

kritik, mank lanplwa pe fatig tou 

fanmiy Seselwa, pri lavi pa‟n zis 

double me pe kontinyen ogmante 

sitan o ki annan ki bezwen manz zis 

en repa par zour e parfwa pa anvoy 

zot zanfan lekol akoz napa nanryen 

pou met dan bwat manze. 

Nou roupi in devalye e 

lenflasyon in ariv 60% an Desanm 

2008. Sesel pa kapab pey son det, e 

i drwa plis ki 800 milyon dolar a 

letranze. Sa i fer ki nou drwa 175% 

nou Gross National Product e se nou 

pei ki pli andete par tet zabitan dan 

lemonn. Nou‟n perdi nou 

lendepandans finansyel e nou polisi 

makro ekonomik e fiskal pe ganny 

dikte par IMF. 

17

Seselwa pe soufer e dan nou 

leker nou pe plere, nou bezwen en 

nouvo vizyon. Mr Speaker kwa ki‟n 

fer nou ariv sa staz ki nou pe fer fas 

avek, se Prezidan Michel, Msye 

France Albert Rene ek bann liders 

SPPF ki responsab. Atraver en 

polisi defisit finansyel pret larzan a 

letranze e lokalman e enprim roupi 

an bonn avini zot in anmenn larin 

dan nou lekonomi atraver zot politik 

sosyalis depi kou deta an „77 dan en 

fason kalkile sekter prive ti ganny 

minimize e detri. Later biznes prive e 

lotel ti ganny nasyonalize e sete leta 

ki‟n pran kontrol biznes e komers. 

An swivan en vizyon sosyalis 

zot in abandonn disiplin fiskal e 

realite bann lareg ki gouvern tou 

lekonomi, marse lib politik miltiparti 

ti ganny ranplase par en state 

control economy e diktater. Sa a son 

tour ti anmenn mismanagement 

gaspiyaz e koripsyon dan 

gouvernman. Zot ti esey enn de 

proze pou aranz lekonomi me ankor 

ennfwa sa pa ti baze lo polisi e 

prensip rasyonal annou pa obliy 

zanmen proze pipeline pou forex 

antre dan lekonomi, annou pa 

oubliy proze MERP en lot gran 

defayans. 

Gouvernman ti antete dan 

son polisi e IMF dan son rapor lo 

Sesel le 3 Septanm 2004, ti konklir 

ki gouvernman pa pe servi kriter 

rasyonal dan son resers pou proze e 

teknolozi, ti napa tender pou 

kontrakter e materyo pli bon marse, 

lo lentere lo loan gouvernman ti 

prefer bann loan komersyal a pli o 

lentere e pou letan pli kourt. Bann 

byen gouvernman ti pe ganny vann 

par anba pri marse lib e menm 

serten ki ti aste sa bann byen pa ti 

peye. Sete serten lantrepriz ki ti pe 

ganny bann egzanpsyon trades tax e 

larzan pa ti pe antre, konsesyon e 

egzanpsyon ti pe detri nou sistenm 

tax. Anba Prezidan Michel sa bann 

polisi ti kontinyen. Dan en fason 

iresponsab e danzere i ti kontinyen 

pret larzan i ti konnen nou pa pou 

kapab zanmen repeye e a en to 

lentere komersyal egzazere e 

finalman avek sa loan Lehman 

Brothers 250milyon dolar nou pei in 

fait. 

Mr Speaker, fas avek realite 

ki nou pei in fait, Msye Michel ti 

forse al demann IMF led ek sipor. I 

pa ti swazir pou li me i ti bezwen e 

forse fer li. In realize ki li i napa en 

vizyon anmenn Sesel pli devan e 

retir nou dan sa presipis ki nou‟n 

tonm ladan, nou osi lepep Seselwa 

nou konnen ki li i napa en bon 

larepons pou nou soufrans. Leta 

nou nasyon i vreman trist. 

Gouvernman in fors nou 

antre dan reform ekonomik. Zot in 

flot roupi e in perdi son valer, an 

sortan 8roupi pou vin 17 roupi en 

dolar, plis ki 2000 travayer Seselwa 

in perdi zot travay en sel kou dan 

gouvernman e dan bann paraetatik, 

Gouvernman zot ti promet ki pou 

annan plas, ase plas dan sekter 

prive pou abzorb tou sa bann ki 

oule travay, me ankor ennfwa sa pa 

ti ni rasyonal ni kredib. 

Polisi gouvernman ek labank 

santral pou vann treasure bills ek 

bonds a 28% a 30% in etablir ki 

lentere dan labank komersyal pou 

loan biznes i prezan 28%. Sistenm 

sekirite sosyal kot biznes i bezwen 

pey plis ler i pey travayer plis, i 

dekouraz prodiktivite e nou tou nou 

perdi. Dan sa staz kot en sel kou an 

Septanm 2008, lemonn i antre dan 

en kriz ekonomik, e nou ki ti deza lo 

nou zenou lefe in vin pli katastrofik. 

Nou ti deza pou plizyer lannen dan 

en kriz, nou ti vilnerab e nou ti san 

18

direksyon. I vreman dezonnet e i pa 

pou zanmen ed nou si nou esey 

kasyet laverite e blanm lanmerik ek 

lerop pour nou problenm ek nou 

soufrans. Zanmen lepep pou 

pardonn nou, e lepep pa pou 

zanmen realize ki annefe larepons i 

reste dan zot lanmen, si nou koman 

en pep nou repran nou lavenir dan 

nou lanmen nou a kapab sorti dan 

sa kriz, nou bezwen sanzman pou 

nou etablir en meyer lavi pou nou 

zanfan. 

Lide SNP Msye Ramkalawan 

in montre nou en nouvo direksyon e 

anmenn en nouvo vizyon, i annan 

en stratezi pou Sesel, nou‟n kree en 

striktir spokesperson ki pou etablir 

en gouvernman alternativ. Mon ti 

ava apresye si gouvernman sakfwa 

ki i annan en proze mazer ouswa en 

nouvo polisi e menm en bill, bann 

minister konsernen i pran kontak 

avek spokesperson responsab lo sa 

size e sa Mr Speaker, pou donn nou 

pei en sans annan bann lide 

alternativ, nouvo solisyon, ouswa 

menm lakor avan ki nou met sa 

bann proze a‟n aplikasyon, in nepli 

ler nou krwar ki zis serten ki 

annan lide e lentere pei a ker. Sa i a 

ede devlop e ranforsi nou 

demokrasi. Mon vreman apresye 

bokou ki in nonm mwan koman 

pou pran responsabilite pou lalwa e 

sistenm zidisyer dan sa pei. 

En gouvernman SNP pou nou 

pep e pou nou pei progrese pou 

etablir en nasyon baze lo lalwa ek 

lazistis. Sak sitwayen i annan son 

drwa ek responsabilite, i annan 

proteksyon konstitisyonnel kont 

labi. Mon krwar dan nou pep, son 

lentelizans ek son linisiativ. 

Gouvernman malgre tou 

dernyenman pe koz langaz la 

demokrasi drwa imen ek bonn 

gouvernans pa kapab anmenn sa 

bann sanzman. Nou tou nou 

konpran ki i vreman difisil pou bann 

liders SPPF adapte e sanz zot 

kwayans ki‟n fonde lo politik 

marksis ek sosyalis. SNP in toultan, 

depi son nesans lite pou lalwa, 

lazistis ek la demokrasi. Nou krwar 

ki lakour i devret fer son travay 

libreman e san direksyon e kontrol 

par egzekitiv. Lakour i devret 

endepandan, e lazistis dan son 

laplikasyon pa devret depan lo 

kouler politik ek kwayans. Lazistis 

dan en sosyete modern i transparan 

enparsyal e zis. Mon vreman trakase 

ki san en zidisyer konpetan e 

modern Seselwa isi Sesel, Seselwa a 

letranze e letranze limenm pa pou 

vin envestir dan nou pei. 

Depi lannen „98 ler mon ti la 

dan sa Lasanble mon‟n touzour dan 

mosyon apre mosyon demann 

gouvernman pou etablir en nasyon 

baze lo the rule of law. Sa Lasanble 

ti rezet mon rapel pou en National 

Tender Board par egzanp, en stock 

exchange pou ankouraz biznes ek 

lanplwa, en Investment Code pou 

stabiliz e kree konfyans dan nou 

lekonomi. Ozordi mon ankor pe 

demann lamannman Licensing Act 

ki sak lantrepriz i ava ganny en 

garanti longterm par egzanp pou 

lavi diran son biznes ouswa 10an 

san bezwen perdi e rod en licence 

tou lezan. Licence fee tou lezan 

ouswa longterm parey licence loto, li 

i ava reste. Pou en lekonomi modern 

e prodiktiv nou bezwen lasirans ek 

garanti pou biznes. 

En gouvernman SNP i 

enterese e i krwar dan son pep 

Seselwa profesyonnel, alor an Avril 

fodre nou trouv nou en Sef Ziz 

Seselwa, en vre Seselwa li i pou pli 

byen konpran son nasyon e 

lanbisyon son pep ki i anvi devlope e 

grandi. In ler pou nou koman en 

19

pep pou nou pran nou plas parmi 

bann leta modern e anbisye. SNP 

pou fer sir ki bann case ankour pa 

tarde. En dimoun pa sipoze pas 

2an menm 3an an kour pou esper 

zizman. La ki mon konpran ki 

gouvernman Sinwa i pare pou ede 

pou konstrir en nouvo batiman 

supreme court, mon lans en lapel ki 

nou konsider konstrir li sa nouvo 

supreme court dan menm landrwa 

kot i ete. Konstriksyon lo zil kot 

konblaz pa konvenab e i tro lwen 

pou manm piblik e travayer ankour. 

I neseser ki tou zefor i ganny 

fer pou etablir en libreri byen ekipe 

akoz ziz e avoka i bezwen reste 

toultan byen enformen lo bann 

lotorite e zizman. Lo sa size mon ti a 

kontan lans en lapel ek gouvernman 

pou revwar Human Rights 

Commission Act pou retir drwa Minis 

restrikte travay sa komisyon. Sa 

restriksyon ki a diskresyon Minis i a 

kapab vin en baryer grav e retir vre 

lendepandans sa komisyon pou fer 

lanket dan bann ka oprofon. 

Mon osi fer en lapel avek 

gouvernman pou met a‟n 

aplikasyon, rekomandasyon Public 

Order Committee ki‟n fini fer son 

rekomandasyon depi lannen pase. 

Rekomandasyon pli enportan se 

pou revwar Public Order Act pou met 

li anlinny avek nou drwa imen ki 

garanti anba Konstitisyon pei. 

Gouvernman i dwate realize ki bann 

restriksyon anba Public Order Act 

pa permet organizasyon politik 

parey SNP ek SPPF annan en 

senbol, en paviyon e regroup li dan 

lape e pou fer son travay politik. 

Anplis ki sa komisyon e lapolis i 

annan kontrol total e arbitrer lo 

kan, kote, ki ler en parti politik i 

kapab fer son bann rally. Rapel kont 

son desizyon i restrikte. 

Public Order Committee in osi 

rekomann, parey Judge Reilley’s 

report ki SBC Act li osi i ganny 

amande, sa i pou fer ki SBC dan son 

travay i enparsyel, i endepandan 

avek gouvernman e i vin pli kredib. 

Mr Speaker napa en keksoz pli 

neseser dan en pei modern e 

miltiparti ki lapres lib. San 

sanzman dan lalwa, SBC pou napa 

dylog lib e transparan parmi nou 

pep e parti politik. Pou le moman 

SPPF ek gouvernman i kontrol e 

servi SBC pou lavantaz politik, e 

SNP i mefye zot reportaz. I fer 

mwan rapel lannen pase ler Msye 

Ramkalawan ti‟n dakor antre dan en 

dyalog avek Prezidan Michel, zis 

apre en meeting, SBC ti anons 

logmantasyon dan pri elektrisite 

PUC e i ti donn lenpresyon ki sa in 

ganny fer avek konsiltasyon avek 

Msye Ramkalawan e li i ti dakor 

avek sa logmantasyon. Sa ti fo e in 

ede detri sa dyalog ant sa 2 lider pli 

enportan dan nou pei akoz i ti detri 

tou konfyans ant sa de zonm. 

Gouvernman in osi demann 

Msye Galvin fer en rapor lo nou 

zidisyer, e sa in ganny prezante 

avek gouvernman ek bann lotorite 

par egzanp lasosiasyon avoka. 

Koman chairman lasosiasyon, nou‟n 

nonm de avoka pou asiz avek 

gouvernman, zidisyer ek lapolis pou 

revwar e met an aplikasyon 

rekomandasyon neseser. Mon 

espere ki gouvernman ler in ler pou 

met li a‟n aplikasyon i ava fer sa 

opli vit posib e avek bonn fwa. Mon 

swete ki ler sa komite ki revwar nou 

Konstitisyon i donn son 

rekomandasyon an Avril 2009, 

gouvernman dan en fason serye ti 

ava etidye sa bann rekomandasyon 

avek bi met li osi a‟n anplikasyon. 

Msye Speaker i annan en 

fanmiy kot manm in ganny egzile 

20

Moris avek son pti baba, e papa li i 

reste Roche Caiman, Prezidan 

Michel mon sipliy avek ou, e les 

madanm Timolina Pierre retourn 

Sesel avek son pti baba. Mon osi 

pran sa loportinite pou demann 

gouvernman pou ennfwa e pou tou 

abolir security clearance, menm ki 

tanzantan dan sa Lasanble zot dir ki 

i nepli egziste, i ankor en realite e sa 

pe detri konfyans ant pep ek 

gouvernman. 

Dan sa dernyen legzersis ant 

Desanm ek Zanvye ler travay 

paraetatik e civil service ti ganny 

demande pou zot pran zot retret e 

serten zot zot pos ti ganny abolir 

proporsyon travayer SNP ki ti ganny 

debarke ti bokou pli o ki bann ki 

SPPF. Serten manm SNP ti ganny 

dir avek zot supervisor ouswa zot sef 

ki zot ti ganny swazir pou ganny kite 

dan travay akoz zot siport Msye 

Ramkalawan. Msye Speaker an 

konklizyon lo sa size mon anvi 

garanti pep Seselwa ki sistenm 

zidisyer avek lalwa ek lazistis pou 

ganny tou nou latansyon e resours 

neseser pou sanze e anmenn 

sanzman dan nou pei. 

Problenm ekonomik in 

anmenn en lenpak negativ lo lord e 

lape. Krim in ogmate dan en fason 

alarman, kriminel ek droger pe pran 

zot pozisyon ek plas ouvertman dan 

tou kwen semen ek vilaz. En kiltir 

kriminalite pe devlope parmi 

espesyalman nou zenn zonm. Sesel 

pe komans vwar bann gang kriminel 

ki pe formen. Seselwa i viv dan 

lafreyer e touris pe ganny afekte 

avek sa ta vol lo lans e dan lasanm 

lotel. Nou lekol e nou zanfan i an 

danze avek menas drog ek trafikan. 

De plizanpli nou vwar bann ki pli 

zenn ki konmans konsonm pa zis 

kanabis me bann drog danzere 

parey cocaine e heroine. Menm si 

gouvernman in fer bann promes 

depi eleksyon 2006 pou atrap bann 

eskobar, mon ankor vwar zis bann 

pti pwason ki nou apel bann 

pushers ek … ki ankor pe ganny 

atrape e met ankour. Mon pa ankor 

vwar en eskobar pe ganny zize, 

anplis ki sa gouvernman in swazir 

sa moman pou pous nou bann 

zofisye Seselwa lannen 2007, 2008 e 

2009 e la prezan in ranplas zot avek 

etranze. 

Li SNP i krwar dan son pep, i 

krwar dan met resours neseser dan 

lapolis pou devlop en lafors 

profesyonnel e konpetan. Se li liders 

SPPF ki‟n ignor lapolis depi letan 

kou deta e zot ki‟n fer lenterferans 

politik dan son travay e in detri 

lapolis. SNP pou bezwen angaz li 

pou anmenn en sans fyete dan 

lapolis ki sa travay in ganny regarde 

koman en profesyon nob dan ki nou 

kapab progrese pou lavi, en saler 

atiran e en pansyon konfortab e 

neseser. An retour nou ekspekte 

sekirite pour nou zanfan e nou 

lakour. Fodre ki nou aret tann nou 

sitwayen pe konplent ki gard in bat 

zot e ki zot in ganny tortir pou 

ganny en konfesyon. Mon 

rekomande ki nou etablir en lotorite 

kot ou kapab fer konplent kont 

lapolis e sa i ava en striktir 

endepandan e lib e dirize par bann 

ex-police officers ki kredib e 

enparsyel. Nou bezwen en 

laboratwar modern ek son bann 

siyantis neseser, nou bezwen nouvo 

metod par egzanp DNA finger 

printing, electron microscope, data 

collection elektronik e 

computerisation. Isi Sesel nou 

annan zis en zouti e sa i reste finger 

printing ki‟n la pou plis ki 150an. 

Msye Speaker pou sa ki 

konsern nou lekonomi, Prezidan 

Michel in vin avek zis detrwa 

21

sizesyon pou amelyor sitiasyon. 

Mon pa pou elabor lo la, letan pe 

pase, mon ava al lo lot paragraf. 

En gouvernman SNP i realize 

ki larepons pou nou problenm i pa 

zis dan en stratezi e polisi en 

gouvernman me i dan lanmen sekter 

prive. Se zis atraver, en lekonomi ki 

pe grandi, en lekonomi prodiktiv e 

konpetitiv ki nou pou kapab ganny 

larises neseser pou fer nou pei 

marse. Tout otour nou, bann pei ki 

son lekonomi i annan en prodiksyon 

soutenab zot depan bokou lo ki 

fason zot rod e aplik nouvo lide, lo 

prodiksyon e konpetisyon. Nou 

bezwen rod bann mezir prodiksyon 

pli efikas, pli bon kalite managment 

teknolozi pou nou bezwen pou 

bezwen ganny servi efektivman e 

nou bezwen fer tou fason pou nou 

redwir kou prodiksyon. Mon 

rekomann avek gouvernman pou 

redwir taks lo biznes pou donn zot 

mwayen pou invest dan prodiksyon, 

sa pou kree parey bann lekonomis i 

defini en multiplier effect. 

An rezilta biznes pou annan 

plis reveni pa zis pou ogmant 

lenvestisman dan bizness me pou 

gard travayer dan lanplwa e ogmant 

saler. Nou bezwen kree plis aktivite 

komersyal e demann pou servis e 

komodite, en stratezi ki konsantre 

zis lo anmas larzan in circulation i 

kapab touy sa pasyan ki i sipoze 

geri. Si ou konsantre zis lo retir 

roupi dan nou lekonomi ou balans 

li avek kantite forex ki dan pei, pou 

elimin black market, ou pou kree e 

ranforsi sa resesyon e sitiasyon 

ekonomik pou vin pli grav. Olye 

grandi nou lekononi pou prodwir 

plis larises, plis forex, policy 

gouvernman pe garanti ki sekter 

prive pa pou zanmen kapab kree sa 

larises neseser pou sorti dan sa 

resesyon e pou detri blackmarket 

pou touzour. 

Gouvernman i kapab revwar 

sistenm peyman sekirite sosyal ki 

pini sekter prive ler ou donn 

travayer ogmantasyon. Annou pa 

dekouraz biznes pou pey travayer 

plis, e pli o saler ouswa bonous. Sa 

polisi aktyel i dekouraz prodiktivite 

e linisyativ e vin en baryer pou tou 

devlopman. Mon osi demann ki nou 

egzamin sa gro problenm lentere 

dan labank. Sa lo limenm i fer fait 

lantrepriz e met fardo ki pa 

akseptab. Preski tou biznes Sesel i 

depan lo finansman atraver labank, 

debit account e overdraft, sa fasilite 

aprezan i tro ser akoz son lentere in 

monte e si ou pran i pa posib pou 

ou mentenir ou biznes. 

Ankor ennfwa mon dir mon 

konpran lide deryer retir larzan an 

circulation me nou bezwen adapte 

avek nouvo kondisyon mondyal kot 

depi Septanm 2008 touris in redwir 

par 25% isi Sesel. 

Mr Speaker, Prezidan Michel 

in lans en moto pou sa lannen 

„Koste Seselwa‟ i demann ki Lider 

Lopozisyon i zwenn li dan en komite 

pou diskit problenm nou pei, in 

admet ki li i napa monopoli lo lide, e 

solisyon pou problenm Sesel me 

anvi son listwar personnel kot i ti 

vin opouvwar atraver en koudeta 

militer, e ti minis pandan parti inik 

e i ankor en sosyalis pou li kree 

konfyans, pou li kapab fer sa dylog 

nou pe demann serten aksyon, nou 

bezwen rekonsilye avek lepase, nou 

pou bezwen koriz bann fot lepase. 

Mr Speaker, en gouvernman 

SNP i annan en vizyon pou kree en 

sosyete ki lib e prosper. I krwar dan 

valer e dignite sak zonm ek fanm, 

kot nou tou nou annan drwa akoz 

22

nou imen e an nesan nou ti annan e 

nou annan limaz Bondye. En 

sosyete ki ouver e met an 

aplikasyon bann prensip demokrasi 

pou toultan en sikse, sa i akoz ler 

ou lib e ou kapab akonplir ou rev, 

menm si ekonomikman, sportif 

ouswa kiltir pou anmenn valer ek 

larises pa zis pou ou me pou ou 

fanmiy ou vwazen e ou pei. 

Pou en pep kapab avanse e 

devlope i neseser ki sa endividi li i 

kapab avanse e devlope. Ler ou 

annan lespwar akoz pa zis 

loportinite ki ou pei i donn ou me 

akoz ou prop abilite ou kapab 

anmenn sanzman dan ou lekor e 

pou ou sosyete. En pep ki lib 

finalman i en pep ki kapab reve e 

zis la pep Seselwa ki nou pou kapab 

annan lespwar pou en meyer 

lavenir, se zis la ki nou kapab fer en 

gran sanzman. Mersi Mr Speaker, 

pep Seselwa mersi pou zot 

latansyon. 

(Applause) 

MR SPEAKER 

Bon nou ava adjourn ziska 11.05am. 

(Break) 

MR SPEAKER 

Nou ava kontinyen avek nou deba. 

Onorab Wavel William. 

HON WAVEN WILLIAM 

Msye Speaker, Prezidan in koze, 

Lider Lopozisyon in reponn. Sa 

diferans in vin deplizanpli pli kler, 

lekel parmi le 2 dirizan ki annan 

matirite dirize e lasazes dan lapros e 

parol. 

Lekel ki pa zis dan botan me 

osi dan movetan pe mazin dibyen 

lepep, i pa pe dir ki lanmans pwalon 

i so, mwa les tonbe. Lekel ki pe met 

son pozisyon an risk pou pran 

desizyon enpopiler, ek bi rode anplis 

ki i kapab fer pou soulaz lavi pep 

Seselwa. O non la tolerans, i pa 

mon lentansyon ozordi vin fer, 

kankan, akize, zize ouswa pas pou 

pli malen. Sirtou mon napa 

monopoli lo lide, mon vwar li mon 

devwar kantmenm pou koz lo 

promot lespwar, donn 

lankourazman pou koste pou 

kontinyen travay ansanm pou Sesel 

avek plis determinasyon. Mon 

devwar anplis se fer en kontribisyon 

e antisip lotorite evalye zot sans e 

valer pou anplis donn Seselwa sa pli 

meyer deal. 

Msye Speaker, pep a sa 

moman pe anvi solisyon, me pa plis 

fristrasyon azoute par nou parol. 

Zot anvi lespwar e lankourazman ki 

nou posed sa kapasite, pou al de 

lavan. 

An dizan sa mon rekonnet ki 

pep Seselwa i en nasyon entelizan, 

ki voyaze, i pa en nasyon dan en 

leta primitiv e savedir pa konpran 

nanryen me dan son silans i posed 

en grander lespri ki donn li sa 

posibilite pou analize e fer son prop 

konparezon. Refren parol sanson 

Patrick Victor, Jean-Marc Volcy, 

François Havelock, David Philoé, e 

Jean Ally zot annan bokou moral 

parmi lezot ozordi pou lenspirasyon, 

mon remersi zot pou sa bann zoli 

parol dan zot sanson. 

Msye Speaker nou dan lefe 

reform e gouvernman in etabli son 

pozisyon, in eksplik sitiasyon e in 

osi dir ki i rekonnet difikilte, avek 

lentere lepep aker gouvernman in 

lans plizyer stratezi e met anplas 

serten mekanism ki pou ed pep lo 

en plan sosyal e lo en plan 

23

ekonomik depi lannen pase. Ozordi 

serten sa bann plan stratezik e 

mekanism in ankor ganny amelyore 

ek bi fasilit ankor plis lavi Seselwa 

tel parey revwar pwa pou plis 

benefis anba lalwa pou byennet 

sosyal, ki byen. Me mwan mon pe 

dir ki sa lartik ki permet Bord 

revwar bann ka i ganny byen servi 

dan en fason proaktiv ki Seselwa ki 

merite letan i bezwen, ki son ka i 

ganny evalye e deal avek opli vit 

posib a labaz dan distrik. 

Msye Speaker mon lapel ek 

gouvernman parey mon ti fer dan 

diskour bidze se ki i kontinyen 

swivre sa reform de pros e pou ert 

brav e sansib ek nesesite fer 

amelyorasyon kot i neseser ki plitar 

dan mon diskour mon pou met enn 

de konsern e sizesyon devan pou 

konsidere. 

Msye Speaker dan en kote 

gouvernman koman fasilitater e 

regilater pe esey son mye an 

negosyasyon ek fon moneter 

enternasyonal pou vwar kote i 

kapab rearanze. Trwa mwan deza e 

serten rezilta in komans montre tel 

parey abolisyon pipe line, annan 

deviz dan labank pou sa ki oule e 

lakantite ki i anvi e ranforsisman lo 

nou rezerv eksteryer ki ti‟n desann 

tre ba e fer nou sitiasyon sekirite 

enportasyon pa vin anba menas. 

Si nou‟n ganny dir ki napa lot 

swa nek atraver en reform ki nou 

pou kapab sorti pli byen fas ek sa 

sitiasyon kriz finansyel global e 

resesyon. Frer e ser Seselwa sa lapel 

koste Sesel i fer bokou sans ozordi 

plis ki zanmen. 

Alor ek ki lapros ou pou pran 

sa lapel prenon kont sitiasyon pei e 

ou lanbisyon personnel. Eski ek en 

lespri rebelyon ouswa ek en lespri 

pozitiv. Zis kritike, maltrete, zoure, 

akize e rebele pa pou aboutir dan 

nanryen e sirtou zot pa benefisyab, 

tandis ki pran li ek en lespri pozitiv, 

solider e patriyotik ek Sesel aker ek 

ki ou pou vreman fer sa diferans. 

Zis mazin byen ki dan sa 

pasaz lavi lo later tou i permetab me 

pa tou ki benefisyab. Kestyon se, ki 

nou kapab fer ozordi ki permetab e 

ki pou osi, mon repete ki pou osi 

benefisyab pou lavenir. Sa i kestyon 

ki sekter prive osi dan sa swadizan 

partenarya i devret pe preokip zot 

koman moter lekonomi akote 

gouvernman ver amelyorasyon lavi 

Sesel. Mon dir sa swadizan 

partenarya akoz pep pa pe vreman 

vwar vizibman ki lot parti pe fer 

akote gouvernman. 

Frer e ser Seselwa mon retir 

sapo ek zot e mon osi remersi 

Bondye pou zot lasazes ki ziska 

aprezan zot in fini konnen kwa ki 

benefisyab dan sa pti pei avek en 

lekonomi frazil e vilnerab. 

Msye Speaker sa ki kler seki 

sa problenm i tanporer, i kapab 

annan en rezon akoz nou pe pas 

atraver sa tes, pou balans nou 

rezilyans e konsolid nou kapasite 

pou sirmont defi ki fer mwan mazin 

sa bann vers dan labib ki dir „Si 

mon zanfan ki‟n ganny apele par 

mon non, zot kriy lo mon non, zot 

enble zot e priye mon a fer 

provizyon‟. Msye Speaker se sa 

lespwar ki gid mwan e bokou lezot 

mon bann frer e ser ki mon anvi ki 

lezot osi ki‟n perdi lespwar zot tenir 

for lo sours ki nou Kreater. Msye 

Speaker alors in prouve plis ki 

zanmen ki zonm tousel i limite a‟n 

espri e dan son fason fer pou fer fas 

avek realite lavi. I osi prouve ki 

apard ki Konstitisyon e apard ki en 

gouvernman nou bezwen nou 

24

Kreater parey son parol dan Labib i 

demande. 

Msye Speaker permet mwan 

pou prouv ek sa Lasanble e pep ki 

pe ekoute dan lekritir Daniel ki 

Lewa Nebukadneser ti dir e mon site 

„mon ti loue li sa enn ki pli o, mon 

ti onor li e glorifye li sa enn ki viv 

pou touzour, son dominasyon i 

dominasyon eternel, son Wayonm i 

dire zenerasyon apre zenerasyon. 

Tou imen i ganny regarde koman en 

nanryen ditou, i fer sa ki fer li plezir 

avek pouvwar lesyel e avek dimoun 

lo later personn pa kapab anpes son 

lanmen ouswa dir li kwa ki i pe fer‟. 

I montre ou Msye Speaker ki zonm 

pa viv lo dipen tousel ouswa par son 

prop fason me i bezwen Bondye 

akote li pou reisi. 

Msye Speaker aprezan mon 

pou tous lo ennde keksoz ki mon 

panse osi lontan ki zot kontinyen 

afekte nou sitwayen zot pou reste 

bann montanny ki kapab fer lavi 

nou sitwayen difisil e ranpli zot ek 

fristrasyon, ki gouvernman fodre i 

adrese. 

Transpor piblik: Msye Speaker, 

transpor piblik i en size dan labous 

nou sitwayen dan mon distrik. Nou 

pe eksperyans en peryod pli pir ki 

oparavan, bis pa aler laplipar ditan, 

oswa napa dan bann ler kot i tre 

merite parey mon‟n ganny rapor ki 

pou de semenn bis 7 er e 7:30 ti 

napa. Serten sa bann vye bis pa 

kapab tenir sa montanny La Misère, 

serten pe kas fren e lavi nou 

sitwayen i an menas. Lefe ki sa i sel 

mwayen transport pou mazorite nou 

sitwayen fer zot deplasman, ti pou 

byen si amelyorasyon i ganny fer ase 

vit sirtou kot nou pe koz lo ogmant 

prodiktivite dan pei. 

Ti pou byen si SPTC i fer 

konnen piblik kan ki nou ekspekte 

nouvo bis dan pei e mon osi sezi 

lokazyon pou demande ki 

gouvernman apre ki sa lodit in 

ganny fer, ki pep i ganny met 

okouran ki plan lavenir ver 

amelyorasyon. De lot kote mon 

demande ki sekter piblik ek prive 

pou annan enpe konsyans, ki realite 

sa problenm i reel e ki anplwayer pa 

menas travayer ki ganny afekte ek 

sa problenm transpor, akoz met 

presyon lo travayer pa solisyon pou 

rezourd sa problenm me ase bis lo 

larout e aler ki solisyon. Alors mon 

lans en lapel ek anplwayer 

gouvernman e prive pou esey 

konpran sa sitiasyon. 

Servis dokter rezyonnal: Msye 

Speaker lot konsern se desizyon pou 

met servis dokter lo en baz 

rezyonnal. Msye Speaker la ankor 

ek sa kalite servis transport e son 

pri ki nou pe eksperyanse dan 

kominote, zabitan i vwar sa koman 

en lenkonvenyans pou spesifikman 

vin kot dokter ler ou osi tenir kont 

lakantite dimoun, menm si dokter 

pou la tou lezour, mon pe demande 

ki gouvernman i revwar sa desizyon 

ki kantmenm ennfwa dokter i vin 

Beoliere klinik pou donn sans egal 

zabitan nou distrik ek sa servis 

dokter ki petet wi, i pa bezwen tou 

lezour. 

Labi Komersan: Lot konsern se labi 

ki serten komersan pe fer lo ledo 

lepep e kot napa rekour akoz napa 

ase mekanism pou deal ek 

sitiasyon. Se la ki mon welcome sa 

proze delwa pou Fair Trading ki 

petet a donn plis rekour pep pou 

vwar zot konplent ganny adrese e 

anmenmtan mon demande ki pep i 

ganny sansibilize lo la, akoz 

ledikasyon pep lo la pou ed li konn 

son drwa anplis. In prouve e mon 

25

anvi ki lepep i note ki ozordi ek sa 

sitiasyon ki anfaver komersan e ou 

pa tann Lasanm Komers pe koz lo 

televizyon pou dir ek komersan pou 

pa abize - eski reform benefis i zis 

pou en kote dan sa swadizan 

partenarya? 

Drwa Imen; Msye Speaker mon lot 

pwen se sa size drwa imen, en size 

ki pe pran en lenportans ase 

signifikan dan nou pti pei Sesel. 

Komisyon pou dwa imen i byen i 

anplas e mon swete ki i vreman 

donn pep sa servis enparsyal 

zisteman pou prezerv e protez drwa 

imen dan pei. Dan sa direksyon 

mon anvi ki lotorite i konsider 

seryezman sa size drwa zanfan kot 

san realize zot pe aras serten drwa 

paran e ansenyan dan vreman 

egzekit zot travay e responsabilite 

an plen. Sa fot pe kree sans pou 

labi e osi sa lesey pou kasyet sa 

eleman responsabilite e disiplin ki 

vin avek. Larogans pe komans vin 

koman konpliman e menm sa pe 

ganny promote atraver bann sanson 

e fason sanze. Kestyon ozordi se 

kwa ki pe preokip lespri nou bann 

zenn ozordi. 

De lot kote sa size drwa imen 

i devret form parti entegral dan 

ledikasyon pou asire ki a tou nivo 

endividi i konnen lekel bann drwa 

pour ki i kapab pli konsyan ler i pe 

al ver labi, tandis ki si i pa konnen, 

ki manyer nou ekspekte li evit glis 

dan labi, menm dan rol lotorite 

ouswa dan rol sitwayen, ki afen nou 

tou nou ava vin sa gardyen ver 

protez drwa endividi. 

Akt Kriminel, Vol: Lot konsern ki 

bokou sitwayen pe dir se bann akt 

kriminel kot vol i konsernen ki letan 

sa dimoun i sorti dan prizon ki‟n 

komet lofans i ganny fer rann sa 

larzan ekivalan sa lobze vole, e la 

lazistis ava pe ganny aplike kot 

viktim pa bezwen refer sa depans 

pou reganny son lobze. 

Ki gouvernman i proaktivman 

vin pli serye dan sa rol koman 

fasilitater e regilater kot i merite pou 

asire ki pa zis li ki fasilit tou dan sa 

partenarya me ki i ranforsi sa rol 

regilater ki sekter prive i osi partaz 

sa rol konsyans sosyal fir anmezir ki 

zot anbelir zot. Nou ganny dir ki sa 

eleman kou transportasyon depi kot 

faktori prodwi a letranze ziska ki 

komodite i ariv lo shelf isi Sesel, ki 

akimile e ki pou kontribye pou fer 

komodite ser, lokasyon osi i azoute 

ankor lo sa pri e la ek flotasyon 

roupi kontribye pou fer pli ser. 

Pep pe anvi vwar bann akter 

kle tel parey lasanm Komers, 

lasosiasyon boutikye, lasosiasyon 

fermye, reprezantasyon enportater 

pe esey vwar ki fason kapab 

diminyen ennpti pe lo pri sirtou par 

lefe ki gouvernman in servi larzan 

lepep menm pou fasilit zot 

kondisyon e bon lanvironnman pou 

zot fer zot loperasyon biznes. 

Mon pe demande ki Prezidan 

dan bann sesyon meeting konsiltativ 

onivo distrik i osi konsider envit sa 

bann reprezantan pou osi reponn 

konsern lepep, akoz letan ti pou 

enplimant reform nou ti osi vwar 

plizyer akter kle lo televizyon pe 

eksplike ki fason fodre fer reform, e 

la Msye Speaker lefe ki nou tou nou 

dan reform, pep tya kontan tann zot 

akote gouvernman pou osi dir ek 

nou ki zot pe mazin fer pou ansanm 

ek gouvernman amelyor pri lavi dan 

en fason kolektiv e konsistan. 

Msye Speaker an sipor sa 

nouvo zefor par gouvernman pou 

ankor ed bann fermye pou koup lo 

zot kou prodiksyon, mon demande 

26

osi ki gouvernman i evalye sitiasyon 

ki i asire ki vreman konsomater 

Seselwa i benefisye en pli meyer pri 

ki ozordi lo marse, e ki nou pa 

kontinyen tann tou sor leskiz akoz 

pa kapab. Akoz se gras a travay dir 

pep Seselwa ki‟n permet annan pou 

ankouraz sa bann sekter prodiktif, 

ki fer ou demande kan e a ki 

moman ki pep pou eksperyans sa 

benefis. Benefis pa balanse akoz 

pep i tann zis gouvernman pe 

donnen pou ankouraz sekter prive. 

De lot kote gouvernman i 

devret pe swivre sa bann keksoz 

depre si nou trouv rezilta pozitiv lo 

pri, mwan mon dir si fodre donn 

fermye ankor pou fer pli byen, 

donnen, tel parey rediksyon dan pri 

lenerzi, mon pe demande ki sa i 

ganny konsidere si se konsomater ki 

finalman pou benefisye. 

Msye Speaker nou sekter 

resours maritim i reprezant sours 

reveni anplis e a lonterm si nou 

administre e eksplwat li dan en 

fason soutenab. Mon pe demande 

ki sa eleman eksklizivite dan nou 

zone ekonomik ekskliziv i ganny 

revwar si ankor lezot partener 

stratezik apard ki linyon eropeen pa 

kapab ganny konsidere pou ankor 

maksimiz nou reveni. Dan sa menm 

lalinny ki mon felisit Prezidan 

Michel pou nouvo demars ki i pe fer 

dan mwayenn oriyan pou atir 

envestiser dan domenn akwa kiltir e 

donn valer azoute nou bann prodwi 

maritime. 

Mon osi sezi sa lokazyon pou 

felisit tou bann endividi dan servis 

piblik dan sa sekter ki‟n ede pou 

renegosye lakor lapes e nou reklanm 

pou bann tonaz pwason ki‟n 

estimen ganny mal deklare, 

mansyon spesyal i al pou Anbasader 

Faure La Belgique ki mon konnen in 

zwe en rol kle dan lobby bann pei 

manm Linyon Eropeen dan sa 

demars. Mansyon spesyal i al osi 

pou Madanm Glenys Kinnock e 

Madanm Aubert, manm parlman 

Linyon Eropeen e ki ti form parti sa 

misyon konzwent ACP/EU an Avril 

lannen pase pou evalye nou lendistri 

lapes ki atraver zot rapor in osi 

kontribye an sipor. 

Renegosiasyon nou lakor 

lapes ek Linyon Eropeen ti kapab 

amenn nou ankor anplis. Wi nou‟n 

ganny en deal, me eski i the best 

deal? 

Msye Speaker mon repete ki 

konpetisyon dan larezyon i enserten 

akoz pe ganny fer anba tapi e ki pa 

donn en zimaz fran, kestyon se ki 

degre anvi Sesel i anvi e eski nou 

ase proaktiv ek sa size devlopman 

nou lendistri lapes, e resours 

maritim dan en fason konpreansiv. 

Msye Speaker atraver ou mon anvi 

lans en lapel ek gouvernman pou 

konsider fer sa meeting rezyonnal 

ACP/EU parlman rezyon Les lannen 

prosenn ver Mars/Avril 2010 parey 

ti‟n ganny deside tar lannen pase. 

Rezon se ki Sesel pou annan nouvo 

loportinite pou met son pwen lapes 

devan serten bann manm nouvo 

parlman Linyon eropeen, akoz 

eleksyon nouvo parlman i an Zen sa 

lannen e nou ekspekte ganny plis 

nouvo manm parlman ki pa sitan 

ofet ek sa dosye pou defann nou an 

mazorite alavenir. Ki son 

lenportans? Se ki dan konteks trete 

Lisbon se parlman e konsey minis 

Linyon Eropeen ki pli enfliyansyel 

pou desizyon ganny pran. 

De lot kote nou annan nou zil 

ser Moris ki pe lobby san ses ki sa 

meeting parlman i vin ganny fer kot 

zot akoz zot konn son lavantaz 

vizavi zot ka, lefe ki mon‟n reasir 

27

nou pozisyon dan sa rasanbleman e 

nou dezir mon‟n fer li, e mon 

demann ki nou pa les sa sans sap 

nou ek nouvo Parlman Linyon 

Eropeen sirtou pou nou lakor lapes 

e bann pwen kontansyon ganny fer 

pli byen konpran pou renegosiasyon 

a lavenir. 

Msye Speaker mon lot 

konsern i sa bann envestiser dan 

lotel Sesel ki nou apel zot envestiser 

direk etranzer. Mon apresye 

sanzman ki gouvernman pe 

anmennen, pou plis reveni e deviz. 

Sepandan sa eleman travayer lokal 

fodre ganny adrese, osi vit ki nou 

sitwayen Seselwa ordiner a kapab 

ganny en plas, dan zarden ouswa 

konman sekirite. De lot kote ser e 

frer Seselwa i osi enportan ki serten 

de nou, nou sanz nou mantalite viza-vi 

prezans dan travay, e evit sa 

mantalite negativ lanmen long. Mon 

pe ensiste ki en deadline pou balans 

sa sitiasyon aktyel i ganny mete par 

gouvernman e ki i vin pli serye dan 

laplikasyon lalwa, anfen ki leta 

Seselwa dan en lanplwa ava an 

sekirite dan sa reform, sirtou pou 

benefis bann ki‟n pran depar 

volanter. Lefe ki mon‟n ganny dir i 

annan form pou laplikasyon dan 

distrik, mon lans en lapel ki nou 

sitwayen zot al fer le neseser. 

Msye Speaker, Sesel dan 

relasyon etranzer dan larezyon ver 

progre dan leta lanasyon, fodre i pli 

agresiv e vin sa katalist par pran 

linisiativ dan larezyon. Mon pe dir 

sa Msye Speaker, akoz bann 

problenm marsandiz ser, 

devlopman port, transportasyon par 

bato e devlopman nou sekter prive ti 

devret pli avans. Atraver travay 

komisyon de losean endyen kesyon 

enportan se pa in ler pou anmenn 

en revolisyon fondamantal, dan 

komisyon losean endyen, dan 

koteks sanzman global sirtou kot 

Sesel i an kour pou vin en manm sa 

lorganizasyon komers mondyal, 

WTO. 

Dezyenmman eski sa group 

CMMS ki reprezant zil Comores 

Maurice, Madagascar e Sesel pa 

devret pe form en fizyon ek COI pou 

vreman vin en lafors dan larezyon 

losean endyen pou kree sa lenpak, 

dan sa groupman COMESA avek 

SADC. Eski nou pa pli for letan nou 

dan larezyon nou pe koz ek enn 

menm lavwa dan forum 

enternasyonal ki ti laprev dan 

negosiasyon lakor partener 

ekonomik koman CMMS, lavwa 

losean endyen dan groupman les sid 

afrik e linyon eropeen ki ti fer en 

lapakt tre enfliyansyel pou lakor 

enterim akoz letan nou pe koz volim 

enportasyon anba en tel lakor se 

larezyon ki pou benefisye. Mon 

demande ki i annan en letid pli 

aprofondi dan sa demars sirtou dan 

konteks promosyon entegral 

larezyon. 

Msye Speaker de lot kote sa 

lorganizasyon napa en watch dog 

pou asire ki lentere larezyon i 

vreman ganny asire, e la mon 

soulinny lenportans groupman 

parlman larezyon ki nou ankor pe 

eseye san ses pou zisteman kree 

pou enfliyans proaktivite sa 

groupman COI, ki nou vin sa katalis 

pou fer lemonn e pei donater pran 

nou spesifisite malgre par tet 

dabitan nou GDP i o. 

Mon konvenki ki si ti annan 

plis proaktivite par sa group nou 

kapab fer lezot pei annan serten 

degre fleksibilite letan zot pe deal ek 

nou ka e nou demann. Mon osi lans 

en lapel ek sekter prive e sosyete 

sivil pou osi pran en rol pli aktiv dan 

sa lorganizasyon akoz i annan 

28

okou pou gannyen e pou pous nou 

pli lwen e nou pei pli devan. Dan sa 

menm lalinny mon demann 

gouvernman pou revwar serten 

bann kotizasyon lorganizasyon 

enternasyonal ki pa pe anmenn nou 

benefis ki nou ankor pe peye pou 

konsider koupe, sa a permet met 

latansyon lo sa ki benefisyab pou 

Sesel. 

Msye Speaker dan lalinny 

prezerv nou patrimwann, ki mon 

demann gouvernman lefe ki sa proze 

lotel Grand Anse Mahe pa tro sir 

dapre mon konpran ki mon demann 

Prezidan Michel pou donn en lord ki 

sa morso later i ganny retourn ek 

gouvernnman e si fodre pey sa 

Msye, mon pe dir rann li son larzan 

akoz bokou nou zabitan pou ganny 

afekte par sa devlopman ki servi 

lanvironnman sa landrwa. Nou 

annan en lanmar ki ris e en lans ki 

sel longer lans ki pankor ganny 

anvair ek devlopman, annou prezerv 

sa morso lans. 

Mon osi demande kot 

gouvernman pe demann SEnPA pou 

pa ogmant zot kotizasyon lwe lespas 

ki gouvernman i osi fer en letid pou 

vwar si i zistifyab sa bann pri 

egzorbitan ki serten endividi pe lwe 

zot landrwa pou biznes. Mon osi 

demande ki gouvernman i fer en 

letid pou vwar si vre ozordi kou 

konstriksyon vreman in arive 

10,000 roupi par met kare ki pou 

kout en fanmiy ordiner ozordi pou 

fer en lakaz 2 lasanm 800,000 roupi 

pou vwar si sa pri pa artifisyel ki pe 

konfle par endividi pou fer profi lo 

bann dimoun ki pa vreman kapab. 

Msye Speaker mon lot lapel i 

ek sekter ki pe fourni servis 

telekominikasyon, ki pa akoz zot 

dan biznes ki zot regard zis profi me 

ki zot osi angaz zot pou donn en pli 

bon servis, akoz fer monte kot servis 

pe deteryore, telefonn koman 

internet pe vin en gro problenm dan 

sa pei. Pa neseser pran anplis kliyan 

ki zot pa kapab soutenir. Mon osi 

demande ki gouvernman i 

seryezman get dan sa sitiasyon 

sirtou ankouraz biznes. Annou 

vwar ki fason kapab abes kou sa 

loperasyon. 

Msye Speaker soulaz 

sitiasyon ozordi, mon pe get li a de 

nivo. Lider lopozisyon pe dir ogmant 

saler, me kestyon se eski sa pou 

amelyor sitiasyon ek sa pri o. Mon 

propoze dan sa konteks ki 

gouvernman i fer en evaliasyon dan 

si i donn ogmantasyon ouswa dan 

fer desann pri karbiran pou donn en 

pli bon deal pep Seselwa. 

Koup gaspiyaz: Msye Speaker i en 

lot pwen ki mon santi ki 

gouvernman malgre i dir i pa 

konsistan avek se sa eleman 

gaspiyaz e labi ki ankor pe arive ek 

telefonn – computer e akse personnel 

pou internet e transportasyon piblik. 

I devret pe monitor plis pou koup sa 

bann gaspiyaz. 

Pour terminen Msye Speaker 

mon demande ki pep Seselwa i vin 

pli ini. Mon anvi dir ek zot, ek 

zabitan mon distrik ki mon admir 

zot konprenezon lo sitiasyon. Mon 

anvi dir zot ki sa reform pou met 

retar nou bann proze lakaz, later, 

delo, daycare centre, semen, fasilite 

lwazir. Sa pa vedir ki fir an mezir 

keksoz i amelyore ki nou pa pour 

reprann nou progranm parey nou 

ti‟n targete. Ser ek frer zabitan dan 

nou preokipasyon annou esey nou 

mye pou kontrol sa ki nou zanfan pe 

ganny ekspoze avek pour son 

devlopman. Wi i difisil me pa les 

problenm tanporer pran tou 

latansyon pou limit nou lo devwar 

29

koman paran, koman edikater e 

koman formater. Mersi pou zot 

travay ziska prezan. 

Mon swe se ki anba gidans 

Bondye ki nou zwenn ansanm ek 

nou dirizan pou asir rezilta e mon 

anvi azoute osi ki nou pou ganny 

opoze dan sa latas ki devan nou. Me 

avek determinasyon nou tou 

ansanm nou pou fer li. Nou pou fer 

li e wi, ek Bondye napa narnyen ki 

enposib dan sa faver. 

Finalman mon swet Prezidan 

bon kouraz e son lekip dan 

gouvernman, mon salye pep Seselwa 

ki lakle ver akonplisman lobzektif 

final sa reform. E pou zabitan 

distrik Grand Anse Mahe, La 

Solitude, La Misere, Souvenir, Savy 

Estate, Petit Barbarons, Barbarons 

ek Grand Anse mon ankor reste 

angaze pou zot. Mersi pou zot 

tolerans pasyans e konprenezon tou 

dilon. Wi nou kapab fer li, plis ki 

zanmen nou pou fer li atraver lafwa, 

perseverans, determinasyon anba 

benediksyon Bondye ki son faver e 

lagras i kontinyen reste lo nou. 

Mersi Msye Speaker 

HON CHARLES DE 

COMMARMOND 

Msye Speaker, manm Lasanble, 

lepep ki pe ekout mwan, dimoun 

Cascade bonzour. I en gran plezir 

pour mwan a sa lokazyon pour 

mwan dir de mo lo state of the 

nation address, sa vedir leta nou 

nasyon ki Prezidan semenn pase in 

fek pas avek nou Lasanble - met 

devan nou Lasanble pour nou diskit 

lo la. 

Mon welcome sa ladres ki 

Prezidan in fer, mon krwar ki i en 

ladres ki enportan e ki anmenmtan 

in met devan nou pep sitiasyon ki 

nou nasyon i vreman ladan. Sa ki 

mon kontan ek sa ladres se lafason 

donk ki Prezidan Msye Michel in 

adres nou avek sa fransism. In fran 

e in koz laverite avek nou. I 

enportan nou koman en lenstitisyon 

enportan nou gouvernman, nou 

Lasanble mon oule dir la i pran sa 

konteni sa ladres oserye pou kapab 

met devan nou nasyon, lavenir ki 

Sesel i bezwen anmennen e ariv 

devan. I enportan osi ki nou pep i 

swiv byen kwa ki pe arive dan son 

pei. 

Lo sa pwen la mon note ki 

nou dan en sitiasyon ki pa fasil, 

nou‟n anbark dan reform serye 

lekonomi. Sa reform mwan Msye 

Speaker mon oule dir ki mon‟n 

ekout plizyer entervenan, mwan 

pour mwan reform i pa en kestyon 

zis konmsi sitiasyon mondyal. Mon 

krwar i en melanz. Nou tou ki fran 

ki onnet, i annan en melanz la. 

Sitiasyon mondyal, wi i annan en 

lefe enkwayab lo sitiasyon lekonomi 

tou pei. Mwan letan mon‟n ekout 

bann dimoun dan Lopozisyon kot pe 

dir ki napa nanryen pou fer, mon 

krwar zot pe mislead nou dimoun. E 

mwan mon krwar, mon konvenki ki 

lemonn i konvenki ki sa sitiasyon 

kriz finansyel ekonomik mondyal i 

pez for lo tou lekonomi, spesyalman 

bann pti, pti lekonomi parey Sesel. 

E sa i pa vedir ki anmenmtan sak 

pei i annan son bann problenm 

lokal. Nou osi koman en pei i annan 

problenm lokal, ki pandan plizyer 

lannen in arive, ki nou bezwen 

revwar nou menm nou, revwar nou 

lekonomi. E in enportan, nou‟n 

annan kouraz e erezman SPPF i 

ankor la opouvwar ki nou kapab 

remet serten dinamiz dan nou 

lekonomi. 

Mon‟n ekout lezot entervenan 

kot par egzanp, mon konnen; 

Lonorab Derjacques, par egzanp ou 

30

pe dir bomaten ki nou lekonomi 

sosyalis avan ensi-d-swit kantmenm 

ou‟n dir nou bann dirizan i Marxist 

ensidwit, mwan mon konnen ou enn 

tre gran Marxist, nou‟n deza koze 

nou de ou‟n esplik tou sa la…… 

MR. SPEAKER 

Onorab, address the Chair. 

HON. DE. COMMARMOND 

Through the Chair, mon pe dir sa, 

nou konn tre byen. So, mon pa 

krwar, mwan personnelman, Msye 

Speaker Sir, mon pa krwar ki i sa 

moman letan la pour nou vwar si 

enn ti Marxist, lot ti Sosyalis, lot ti 

Idealist, lot ti se pa Liberal, se pa 

kwa. Mwan mon krwar ki Sesel, wi, 

ti neseser sanzman ki‟n ganny fer 

avan. Akoz bomaten Onorab Henrie 

Msye Speaker, i koz lo lakaz. I byen 

ozordi nou a pe koz lo lakaz 

kantmenm ou dir ki lakaz i demann 

penn, demann isi, demann laba be 

lontan ti napa. Sa ki mon oule sey 

dir Msye Speaker, i enportan ki SBC 

i aranz li ankor. I travay davantaz, 

mon vwar i annan serten progranm 

ki byen ki pe ganny fer me i bezwen 

fer ankor zefor pou montre nou pep 

la diferans ant ozordi ek yer. Fodre 

pa ki nou koman en pep nou bliye, 

nou, kot nou sorti. Fodre nou 

toultan tenir kont. Yer letan mon pe 

koze, mon pe dir la apepre 30an 

pase – 30 ekek lannen pase, serten 

nou zanfan ti bezwen pa al lekol pou 

al travay, pou donn en koudmen 

soutenir fanmiy. Ozordi i diferan. 

Yer serten sa bann zanfan, ti 

bezwen petet parfwa zis en repa par 

zour. I annan serten ki ti malad 

akoz lafengal, mank manze. 

Kwashiorkor ti‟n konmans antre dan 

nou pei. So, annou pa bliye sa bann 

keksoz. I enportan alor letan nou pe 

koze ki lakaz sepa kwa fodre aranze, 

mon krwar, poudir si donn 

Lopozisyon dan sa pei pouvwar 

demen bomaten e ki zot krwar zot, 

en sel kou i vini, i kraz lakaz i remet 

en lot nef ek swimming pool ek tou 

sa zafer. 

Ou vwar, fodre pa, Msye 

Speaker, ki nou mislead nou 

relasyon. Ou pa kapab dir, 

anmenmtan letan mon‟n ekoute, 

bomaten, pe dir ki i annan 

problenm materyo, se pa dimoun i 

bezwen prezan pa fer lakaz, pa fer 

zot devlopman, tenir. I vre i ser, me 

selman nou vwar lo lot kote i annan 

serten dimoun - dan Lopozisyon 

menm, bann leaders, pou zot napa 

problenm. So, ou konpran Lonorab. 

En lot keksoz ki mon oule fer sorti, 

Msye Speaker, se ki letan nou pe 

koz nou annan en gouvernman an 

latant, mon krwar i nonm bann 

Minis, bann dimoun ki pou get bann 

minister ensi-d-swit. Mon oule fer 

enn pti komanter lo la; 

Yer ti en problenm pou antre 

dan lakwizin akoz lanmans pwalon 

ti tro so e i ti dir granmersi pa‟n 

ganny eleksyon pou mwan pa 

tyonbo sa lanmans pwalon so. 

Lonorab Lider Lopozisyon, Msye 

Speaker, in fer kler ek nou dan le 

pase sa. Ozordi ki‟n esplik nou se ki 

tou zengredyen in fini prepare, in 

met dan pwalon e pe esper son tour 

pou antre dan lakwizin pou li kwi sa 

bon repa. Konmsi ozordi pou 

lannmen, tou sa en sel kou. Ozordi 

pou nepli so lanmans pwalon, ou‟n 

met legan la. Anyway lepep i a desid 

sa. E prezan zot oule ki eleksyon i 

ganny fer any moment, right now, sa 

lannen, vitman. Mwan mon krwar 

en senp keksoz mon ti oule dir lo la 

Msye Speaker se ki sa zafer 

eleksyon vitman, SNP in fini vwar ki 

poudir si eleksyon pa fer la, pou zot 

ganny en sans gannyen kekfwa ek 

sa reform ki pe pran son bon lanpler 

31

pou napa en sans gannyen pou 

Lopozisyon plitar. 

(Applause) 

So, i enportan alor pou zot si sa ti 

ganny fer la, mon krwar mwan ki 

Msye Speaker nou pep i pa oubliye 

tou sa bann keksoz. 

Lo sa pwen mon ti anvi tous 

en lot keksoz, Msye Speaker. I vre ki 

nou pei, sa reform ki nou‟n anbark 

lo la, i en keksoz neseser e i en 

keksoz ki nou bezwen pourswiv li to 

the end, ziska lafen. Pou mwan sa 

reform i en kestyon enportan ki i 

met disiplin dan nou dimoun, 

disiplin dan nou gouvernman, 

disiplin dan bann Parti Politik. Mon 

dir dan bann ekspre. Whatever ki i 

ava arive demen, ki swa en parti 

dan Lopozisyon ozordi, enn i 

opouvwar, Msye Speaker, nou pei 

koman en pei i bezwen annan li en 

common ground pou li avanse. I 

bezwen annan li en vizyon komen. 

Nou tou koman en pep nou bezwen 

al ansanm. Mwan, mon krwar 

senserman ladan. 

Dan sa sans la, Msye 

Speaker, se la kot i enportan pou 

nou diskit ansanm, sakenn i annan 

son polisi, metod pou nou ariv laba i 

a diferan, mon napa problenm ek sa 

me selman nou konnen nou tou 

koman en pei nou bezwen ariv dan 

sa direksyon. Sa i enportan pou 

progre nou pep a‟n antye. Prezan lo 

la, nou bezwen diskite, nou bezwen 

esanz lide e la kot mon kontan 

Prezidan dan son ladres in envit tou 

partners, enkli Lopozisyon pou 

partisipe. E Lider Lopozisyon li i dir 

ki i pa pou vini partisipe, korek. 

Selman an menmtan dan son 

gouvernman in attend la, 

gouvernman ki in prepare in 

mansyonnen lotrozour, la i dir 

poudir letan en minister alor, ozordi 

pou desid lo se pa ki kalite zafer 

lanplwa, lo lasante, lo lot bezwen 

konsilte ek son dimoun ki li in mete 

pou lasante, pou travay, pou 

ladministrasyon se pa kwa. Be 

mwan mon pa konpran sa kalite. A 

en moman ou pa oule vin koze, lo lot 

kote ou dir letan pou deside, apel ou 

pou desid ansanm. Vre i en 

galimatya. 

Mwan, mon ti a kontan ki 

Lopozisyon i serye li bokou plis e i 

pran sa lapel Prezidan pou kapab 

donn legzanp nou fitir zenerasyon 

dan sa pei pou zot kapab partisip 

ansanm, pou nou kapab esanz lide. 

Set en nouvo Sesel pou mwan. 

Mon‟n deza dir sa dan Lasanble, i pa 

fer premye fwa, mon redir ankor e ki 

mwan osi mon krwar ladan: En 

nouvo Sesel, en nouvo lanpler 

politik ki nou ladan, en nou lantant 

e i enportan sa linite. I enportan ki 

nou asize pou nou kapab diskite. Sa 

ki ti pas yer pou mwan in fini pase. 

Vre nou dir ki i enportan ki nou pa 

bliye kote nou sorti e anmenmtan 

fodre pa ki nou reste kalsinen dan 

lepase, Msye Speaker. Fodre nou 

bouze, fodre nou al de lavan e de 

lavan avek nouvo lespri, nou spirit. 

E pou mwan i enportan sa 

diskisyon, sa lesanz lide ek tou 

partner konsernen. 

Dan tou forum ki oule ale, 

deor partou, Msye Speaker, ozordi, 

zot pe evalye sa. Zot pe gete. Laba 

dan ou pei, dan tou bann pei how 

much ki ou pe involve lezot 

stakeholders, Sosyete Sivil, Chamber 

of Commerce, lezot lenstitisyon, 

larelizyon e tou. Se sa nouvo vizyon 

politik lemonn e mwan, mon krwar 

Sesel i pa kapab les li a‟n aryer avek 

sa nouvo vizyon. 

32

Dan sa lespri la, mon oule osi 

tous lo nou Lasanble. Nou Lasanble 

ozordi i enportan, nou pep i konnen 

i annan plizyer komite e mwan mon 

kontan ki nou Lasanble pe pran li 

en lanpler bokou pli serye anba ou 

direksyon Msye Speaker. Sa bann 

komite i enportan ki i la e nou tou 

nou‟n koze dan sa Lasanble pour ki 

bann Komite zot zwe zot rol bokou 

pli efikasman, bokou pli byen, i fer 

sa check and balance lo 

gouvernman. Sa bann komite dan 

Lasanble i bezwen pe monitor ki pe 

arive ek gouvernman. Se sa rezon 

Lasanble sansan nou pa ti pou 

bezwen la, nou. Nou la, zisteman, 

koman en brans gouvernman pou 

gete legzekitiv laba, zidisyer laba, ki 

i pe fer. Eski i pe fer sa ki lepep 

vreman i anvi? 

Si i pa pe fer fodre nou nou 

pouse pou fer li arive fer. Sa i pa en 

kestyon ki polisi ou parti, i bon pa 

bon. Ou polisi i kapab fantastik ou, 

parey Parti SPPF. Son polisi pou 

mwan, mon get li rosy, very nice. 

Dimoun deor i konpran, zoli polisi 

nou annan. Me lenplimantasyon - 

ou annan ou Prezidan Michel, lide 

fantastik, i oule bouz sa Sesel devan 

me letan i ariv dan legzekisyon nou 

bann polisi, la ki i annan serten 

problenm. E se la kot nou Lasanble, 

sa bann diferan komite i annan en 

rol primordyal, en rol enportan pou 

fer sir ki i fer sa legzekitiv sa 

gouvernman, sa zidisyer marse. 

Lo sa bann komite ekspre i 

annan dimoun dan tou parti kid an 

nou Lasanble. E mwan, mon ti a 

kontan, mon lans en lapel, se ki dan 

tou sa komite Lopozisyon i bezwen 

partisipe. Si i pa partisipe pour 

mwan, sa mon vwar li i mal, mon 

vwar li pa byen. E se la kot Lasanble 

e sa bann komite i pa komite zis pou 

SPPF sa, i komite Lasanble. E 

Lasanble i enkli Lopozisyon e parti 

ki opouvwar la. Therefore, se 

ansanm, parey mon pe dir dan sa 

lespri ki nou bezwen met sa zefor 

pou nou Lasanble koman sa 

lentitisyon montre son rol enportan. 

Alor ou annan ou bann diferan 

komite; ou annan ou komite pou 

finans e li, i bezwen gete, taler 

mon‟n tann sa zafer koripsyon, nou 

bezwen dir, annan levidans, be letan 

nou dan sa bann komite, nou 

anmennen. Lot fwa mwan mon ti 

anmenn papye, mon‟n donn ou 

Msye Speaker, mon‟n donn Minis ki 

ti la, mon dir ale, al gete. In annan 

larzan ki nou‟n peye, latizann pa ti 

ankor antre, nou a bezwen al gete ki 

pe arive. 

I enportan nou tou nou 

bezwen zwe nou rol e rol nou 

bezwen zwe li byen e fran e avek sa 

laverite. Nou pa kapab zis akiz 

dimoun left right and centre dan sa 

pei, in ler pou nou arete sa. Letan 

nou akiz en dimoun nou bezwen 

annan laprev lakizasyon. Se la, kot 

nou, parey mon pe dir, nou 

Lasanble, Komite Lasanble i bezwen 

- koman en dimoun in anmenn en 

dokiman, i dir: 

‘La, la Msye en tel, nou annan 

laprev, la la, in vole, in fer isi, in fer 

laba’. 

Nou, nou bezwen bouze ek sa, pa 

kapab asize, nou bezwen al rode ki‟n 

arive e si fodre deal avek 

accordingly, ganny deal avek 

accordingly, si fodre mont prizon i 

ava monte. Mwan, mon vwar li 

koumsa. E nou, nou bezwen zwe 

nou rol for. Pou tou sa lannen la e 

letan mon ekout nou Prezidan, mon 

krwar se dan sa direksyon ki nou 

bezwen ale. 

Msye Speaker, anmenmtan ki 

mon‟n tous sa, i enportan osi ki 

Prezidan i okouran enpe ki pe pase 

33

osi kekfwa ouswa i pa tro konnen, 

ouswa ki i bezwen donn nou en 

koudmen osi pou pous plis, pou fer 

keksoz avans pli byen, pour ki nou 

pep i santi li enn pti pe pli at ease. 

Nou konnen a sa moman ki nou pe 

koze la dan sa Lasanble, nou pep 

deor i pa santi li tro konfortab avek 

lefe sa bann sanzman dan sa bann 

reform ki nou‟n antreprann. Nou tou 

nou konnen deor akoz sa problenm 

la i tous nou tou. Letan pri 

elektrisite i monte, nou tou nou 

ganny afekte. E mwan, mon pa 

kontan ki mannyer pri elektrisite pe 

monte. Atraver nou Komite ki pe 

monitor reform dan nou pei, nou‟n 

trouve poudir PUC i kapab fer 

desann pri elektrisite. E i devret fer 

desann pri elektrisite ek delo dan sa 

pei. Mon a eksplike akoz mon pe dir 

sa. 

Mon dir sa akoz letan nou‟n 

koz ek PUC ek SEYPEC, nou‟n 

trouve poudir PUC i pe aste fuel ki i 

bezwen, sa karbiran pli bon marse 

ki i bezwen, SEYPEC pa pe fourni li 

sa, aktyelman napa. Prezan SEYPEC 

i bezwen vann li sa ki pli ser. Mon 

konpran PUC i dir ou mon pe aste 

pli ser alor mon bezwen fer monte, 

korek. I annan problenm. Nou 

bezwen fors sa SEYPEC, Msye 

Prezidan; fors SEYPEC fer sir i 

annan sa karbiran pli bon marse 

pour PUC kit sa pri pli ba. Si 

sa pa ganny fer i annan en 

problenm ek SEYPEC. SEYPEC i dir 

ou enn, PUC i dir ou lot. Pa kapab 

koumsa, i bezwen mars byen dan sa 

pei la. Alors, SEYPEC i bezwen fer 

sir i annan karbiran bon marse ki 

PUC pou bezwen. E letan i vann 

PUC, mon demande ki i arete vann 

PUC lo pri komersyal, vann li lo en 

pri preferansyel, sa ki nou apel Pri 

Gouvernmantal si nou kapab apel li 

koumsa. Akoz PUC ek SEYPEC pa 

sipoze fer en ta profi lo soz, i pa 

prive li, i parastatal - pou li fer 

marse nou sistenm, nou bann zafer 

fuel, nou bann zafer elektrisite, delo 

pou nou dimoun e nou bann biznes, 

bann devlopman dan pei marse. So, 

mon krwar la i annan en travay li 

bezwen ganny fer pou ki keksoz i 

aranze lo sa de konpannyen ki mon 

pe dir la. 

An menmtan pa kapab 

SEYPEC i fer vini bann prodwi 

delwil ensi-d-swit pou masin, en pti 

kou, son pri in monte, sorti sepa, 

pran par egzanp delwil pou kas ros, 

nou oule nou dimoun sey avanse, i 

annan ros danzere deryer son lakaz, 

i oule fer son zefor, Prezidan in koze, 

in tande pour li kas son ros li menm 

laba. En trou pou kas ros ti tan, la i 

bezwen monte akoz sa pti boutey 

delwil la, ki ou met dan sa bennzin 

pou fer moter marse pou kas ros in 

monte en sel kou sorti sepa R35 in 

airv R58.50. I pa kapab sa gran 

dekalaz. Mon dakor, mon konnen 

partou pri in monte. I pa mont sa 

kantite, fodre pa sa bann 

lorganizasyon i krwa poudir ki tou 

dimoun dan Sesel pa konpran 

nanryen ki pe arive. Espre 

gouvernman SPPF in donn 

ledikasyon son bann dimoun, in fer 

ki ozordi dimoun, pep Seselwa in 

epanouir dan son ledikasyon, dan 

son devlopman, e in fer li konpran 

poudir i annan en zafer ki pa marse 

la. E nou demande alor Prezidan 

pour ki sa bann pri i ganny revwar 

pour ki permet Seselwa, senp 

ordiner, bann pti biznes, bann gro 

biznes, tou sa la i kapab ganny son 

keksoz rezonnnab, pour ki fer pri an 

zeneral prezan desann ki a permet 

nou kapab marse, avanse dan sa 

letan ki difisil lo reform. 

Menm zafer ek SPTC. SPTC in 

fer monte pri bis, R7, mon napa 

problenm ek sa. Be yer, mon pe koz 

34

zot, depi 7er-edmi, dimoun Cascade 

i lo Bus Stop ziska 10er sonnen ki i 

ganny en bis. Prezidan pa i annan 

en problenm la? En gro problenm. 

Swa, mon pa konnen si fodre ferm 

SPTC oubyen si problenm i bis 

annou aranze. Bidze la nou a 

aprouve la, nou Lasanble, si fodre 

anmenn en bidze siplemanter pou 

rod en lo bis pou donn SPTC pour 

fer sir ki napa sa bann problenm. 

Prezan SPTC i bezwen osi mars 

konmsi avek bann nouvo lide. 

Par egzanp: Smartcard, pri in 

ariv R7 pou bis, i for pou nou 

dimoun. Ou pou fer desann R5? 

Mon pa konnen. Be selman, mwan, 

mon krwar ki nou kapab fer bann 

smartcard pou nou bann travayer 

sirtou. Sa pti cowboy li si i pe servi 

son bis zis 1 fwa, i pe desann anvil, 

marsaye, i a pey son R7 mon napa 

problenm ek sa, mwan. Be selman 

sa travayer ki bezwen bis toulezour, 

fer en bann smartcard pou en mwan 

ki en fason son pri i bon marse ki a 

tonm ekivalan en R3 parey lontan ti 

ete. Nou kapab fer li koumsa, kot i a 

vann. Nou pa kapab zis vini pou pini 

dimoun, nou bezwen rod en fason, 

deor partou ou ale letan ou kalkile 

en smartcard ki ou‟n aste pou en 

mwan ouswa pou en semenn i 

bokou, bokou pli bon marse ki sa ki 

ou pe pey en one way fare. So, mon 

krwar, nou osi nou bezwen design 

nou lespri, fer marse nou lespri an 

konformite avek sa ki pe arive otour 

nou dan lemonn antye. So, nou 

kapab arive ek sa. 

Ladan menm, ou pran ou, 

dan sa sitiasyon difisil ki nou ladan 

nou bann fanmiy senp ki zot zanfan 

i lekol, nou vwar ki pa tou bann 

zanfan ki pe ganny asiste avek bis. 

Aktyelman la i annan serten zanfan 

Politeknik ki napa zot bus pass. 

Pankor donnen. Paran i vwar li 

difisil. Ou pran ou parfwa serten ka 

kot en teacher; Fer krwar i annan en 

teacher Port Glaud li i bezwen al fer 

lekol - akoz konmela bann zafer 

lekol segonder i rezyonnal i bezwen 

al fer lekol Anse Boileau akoz lekol 

segonder i Anse Boileau. I annan 2 

zanfan li. I dan primer son 2 zanfan 

in demann ledikasyon – li i en 

teacher in dir „oke mon pe al fer 

lekol Anse Boileau, fer mon 2 zanfan 

osi vin lekol Anse Boileau, mon a 

kapab pli byen vey zot, mon a kapab 

pli byen swiv zot ensi-d-swit‟. 

I donn li permisyon. Prezan 

bis i bezwen pey dan son pos 

prezan. Be i for, li osi i en zanfan 

lekol. I due son bus pass, donn li en 

bus pass li osi dan en fason i a tir 

en burden lo sa paran. 

So, i annan sa bann pti 

keksoz la, i pa bokou, be mon krwar 

nou kapab byen gete e gouvernman 

i bezwen, parey mon pe dir la, 

Prezidan avek tou son lenerzi, tou 

son bon lespri me bann departman 

ek minister ou a krwar i pa pe fer 

marse sa bann keksoz koman fodre. 

I tel menm zafer ki labank. 

Nou annan la, nouvo Central Bank, 

nouvo dimoun ki pe ansarz. 

Fantastik. Nou‟n koze byen normal, 

komite in al vwar li, Msye Laporte, 

en bon entretyen avek li, fantastik. 

E nou vwar pou dir lentere dan 

labank i tro o, lentere artifisyel. Dan 

labank, ou a krwar i annan en 

nespes black market ofisyel ki li i 

marse. En white market ki mannyer 

ou pou apel sa. Lontan ti ilegal, la 

prezan i legal. Be i bezwen arete, i 

bezwen arete, Central Bank i 

bezwen met sa presyon neseser lo 

labank, pou obliz labank aranz li. I 

pa kapab nou labank, li i mars dan 

en fason, diferan ek labank dan 

lezot pei. Dan lezot pei sa diferans ki 

35

annan dan to lentere i bon, be letan 

ou konpar li avek pou nou isi, pou 

nou i bokou, bokou pli o. Be ki 

mannyer pou nou i marse, dan ki 

lespas ki i ladan li? 

So, sa i bezwen ganny aziste a 

mon avi e i bezwen ganny aziste o 

pli vit posib. Si i pa kapab fer li by 

the norm of the market, bezwen donn 

en direktif fer. Mwan, mon krwar en 

pti pe koumsa, mon pa vin otoriter, 

ni diktater, ni nanryen parey serten 

zot, zot kontan dir, be selman i 

bezwen ganny fer pou dibyen nou 

dimoun, dibyen biznes, dibyen 

devlopman sa pei. So, mon krwar 

nou bezwen serye lo la. 

Menm zafer ki lanplwa Msye 

Speaker – nou‟n fer Voluntary 

Redundancy, fantastik. Dimoun 

ki‟n al dan Labour Market la, nou‟n 

vwar in ogmante, sorti 1% vin 3% 

sepa 4%. Prezan nou dimoun i pe 

rod travay la. I ale partou, in dir li 

oke kot lotel i annan, IOT i annan, 

in pran enpe lotrozour sepa kwa. 

Kot lotel letan ou ale, serten lotel, 

sirtou bann gran lotel Msye Speaker 

ki nou pe vwar? Gard sekirite, senp 

pti maintenance boy la, etranze. E 

mwan apre nou Lasanble la mon pe 

rod en lantretyen avek Prezidan, 

pou mwan al met serten levidans 

devan li osi. Nou pa kapab, letan ou 

kalkile, etranze pe fer bann senp 

travay dan bann lotel. Sa i bezwen 

enn fwa pour tou arete, pa kapab 

kontinyen, Msye Speaker. 

(Applause) 

E mwan, an menmtan ki mon pe dir 

ou sa, lapey sa bann dimoun, move 

lapey. Lapey pli o ki bann gro zofisye 

ki travay dan gouvernman, bann gro 

zofisye Seselwa ki travay dan sa 

bann menm lotel. Be nou pa kapab 

sa koumsa, akoz li i ganny peye an 

forex. I annan en problenm kot i 

konsern sa bann keksoz. Letan i 

annan problenm koumsa i bezwen 

deswit ganny adrese par Lotorite 

konsernen e deswit sa bann zafer i 

bezwen arete. Akoz la osi ki nou pe 

koze, nou vwar bann etranze ki 

napa GOP ki pe travay dan lotel, i 

egziste sa bann zafer ki mon pe koze 

la. Ouswa ou vwar en msye li in 

ganny anploye ek sa lotel, deswit i 

fer vin son madanm, lo Visitor’s 

Permit. Letan i la kot lotel la, kot i pe 

reste ek son msye, i pe fer en pti 

travay la, i napa GOP li, i pe travay, i 

pe ganny peye li. Son dalon i vini, 

menm zafer, lo Visitor’s Permit, i pe 

travay li osi. Nou pa kapab 

kontinyen sa. 

So, pou mwan Msye Speaker, 

tou sa bann keksoz i bezwen ganny 

adrese e vitman mon krwar. I pa 

keksoz ki ou bezwen met legan pou 

al sort out sa. I keksoz parey nou dir 

an kreol, i keksoz ki bezwen kapab 

ganny fer deswit. E si nou 

gouvernman i serye e ki mon krwar 

mwan, mon annan konfyans ki 

Prezidan Michel i serye e nou 

gouvernman i serye therefore i 

bezwen ganny adrese, i bezwen 

ganny korize tou sa bann keksoz. 

Menm parey ki nou pe koze 

letan ou get dan prizon bann abuse 

ki arive, i bezwen arete. Lot fwa 

nou‟n vwar.. 

(Interruption) 

…par egzanp ou vwar kot plizyer ka 

labi. Mon pe al byento, al fer mon 

vizit dan prizon pou mwan vwar 

ankor pli korekteman bann case ki 

egziste ki nou bezwen met devan. Se 

sa ki mon dir, si sa bann keksoz, sa 

bann lenstitisyon ki egziste dan nou 

pei, i byen, me i bezwen mars byen, 

se sa kot nou problenm i ete nou. 

36

Nou problenm pa dan okenn gran 

gran lezot zafer. Se lapratik keksoz 

ki nou bezwen fer aksyon. Aksyon 

korek dan sa bann landrwa, dan sa 

bann keksoz. 

I zis menm parey pri 

marsandiz an zeneral letan nou 

koze. Pri marsandiz, bann dimoun 

ki enporte, nou pa kapab - menm la 

ki mon‟n vwar, STC in fer son bann 

pri desann, mwan mon dir nou 

bezwen revwar enn pti pe serten 

keksoz. E nou dir lepep Seselwa 

letan nou pe fer keksoz, nou pep 

parey nou dir in epanouir, i konpran 

li. So, ou a dir li ; ‘Diri la, la‟. Mwan, 

lotrozour, Msye Speaker, i annan 

serten lenformasyon la ankor nou 

pou fer ankor enn pti pe resers pou 

nou met devan Prezidan tou sa. 

Diri, ou al dan Lenn, ou al dan lezot 

pei Pakistan laba, diri pri ki nou, 

nou pe vann isi, laba ou kapab 

ganny li pli bon deal, pli bon marse. 

Ou a kapab pran 2 kalite diri 

laba, ou melanze ki an realite letan 

ou a‟n kalkile son pri i vin pli ba, 

letan ou ariv isi, pri li i vin pli ser. 

Fodre pa ki nou, nou les nou ganny 

anbete par tou sa. Nou bezwen rod 

en fason. Prezan si nou, nou krwar 

letan pri diri in vin isi, i pou tro ser, 

nou pep pa pou kapab peye, nou a 

bezwen fer li konpran serten keksoz, 

nou a dir li: 

‘La la diri i pou kout tan, be nou, nou 

pou fer desann li akoz nou konnen ki 

ou bezwen diri pou manze, nou a fer 

desann’. Ou a tir R4 lo diri, ou a 

met li R4 lo sepa lekel. Rod en lot 

prodwi ou a dir: 

„La, la, nou’n tir lo la, nou’n met lo 

la’. Fer nou pep konpran, en fason i 

annan serten keksoz ki kekfwa i ava 

en liks pou le moman, ouswa nou 

pa pou tro bezwen li. Me en fason 

serten keksoz debaz - akoz la dan sa 

moman reform i terib pou serten 

nou dimoun ki pli mizer, ki pli 

vilnerab, so serten keksoz debaz i 

ava affordable. 

MR.SPEAKER 

Onorab wrap up, i reste ou 1 minit. 

HON. DE COMMARMOND 

Msye Speaker, mersi bokou, mon 

krwar mon‟n ariv alafen sa ki mon ti 

annan pou dir e mon krwar mwan, 

mon welcome ankor ennfwa sa 

ladres Prezidan e mon donn mon 

konviksyon, donn mon sipor 

Prezidan pour ki sa lannen la, nou 

Lasanble, bann diferan komite ki 

mwan, mon form par lo la, i pou 

travay a kout bra pou kapab ede 

pou fer sa reform avanse, pou kapab 

ede osi pou aranz sistenm kot pa pe 

marse dan nou pei. Pou fer ki nou 

dimoun i ganny li en pli bon servis, 

en pli bon rapor avek sa 

gouvernman e ki i santi li pli pare 

pou donn en koudmen ansanm ek 

nou tou pou nou kapab avans pli 

byen dan sa reform. 

Mersi bokou. Ki Bondye i beni 

nou tou pou sa lannen e mon lans 

lapel ankor ennfwa, Lopozisyon 

silvouple vini, ansanm dan sa lapel 

ki Prezidan in fer pou nou avanse. 

Thank you Mr. Speaker. 

MR. SPEAKER 

Meeting adjourn ziska 2er. 

(Break) 

MR.SPEAKER 

Onorab Bernard Georges. Kontinyen 

ek nou deba. 

HON. BERNARD GEORGES 

Msye Speaker, mon bann koleg dan 

Lasanble, zabitan Les Mamelles; Ler 

mon mont dan mon distrik e mon 

rankontre en fanmiy ki pe ganny 

difikilte pou pey son loan lakaz, son 

37

ill lalimyer ek delo, ler mon koz ek 

sa dimoun ki pe rod en lasistans 

pou kapab fer 2 bout zwenn oubyen 

pou kapab anvoy son zanfan lekol. 

Ler mon regard sa zenn ki anvi 

travay me ki‟n ganny met de kote 

par landrwa apre landrwa kot in al 

fer interview, ler mon konstate dan 

ki kondisyon bokou zabitan mon 

distrik i ankor pe viv ladan, mon 

realize ki leta nou nasyon an zeneral 

e leta Les Mamelles an partikilye pa 

bon. E ler mon regard sa bann 

keksoz mon fer en lot refleksyon, 

mon realize ki si gouvernman SPPF 

ti‟n ekout sa ki nou dan SNP nou 

ti‟n dir zot, pa yer pou ozordi, ouswa 

ozordi pou demen, me lannen, 

bokou lannen pase e si zot ti‟n 

annan kouraz pour fer fas avek sa 

bann defi olye zis koz manti avek 

nou, nou pti pei pa ti pou dan 

difikilte e nou pep pa ti pou bezwen 

pas dan tou sa bann fraka ki SPPF 

pe demann nou pou pas ladan 

ozordi. 

Mr. Speaker, Prezidan in 

finalman rekonnet ki leta nou 

nasyon i difisil. Granmersi in 

rekonnet sa. Laverite se ki leta nou 

nasyon in difisil pou en bann lannen 

e i pa ti onnet pou gouvernman 

SPPF fer nou krwar ki nou lekonomi 

ti solid, ki nou ti‟n fini pret tou loan 

ki nou ti bezwen prete, ki nou ti pe 

al double nou larises avan 2017 e 

met dolar dan pos Seselwa ler zot ti 

konnen parey tou Seselwa ti konnen 

ki nou ti pe viv par lao nou mwayen, 

ki nou lekonomi ti frazil, ki nou ti‟n 

pran tro loan, ki son fardo ti vin 

ensoutenab. 

I pa ti onnet pou en 

gouvernman met son pep dan en 

fason sitan kler pou fer Seselwa 

krwar ki lannwit ti lizour. Sa ti en 

aksyon iresponsab lo lapar 

gouvernman e nou bezwen 

kontinyen fer zot rapel sa. Tel parey 

gouvernman pa ti fran, pa ti koz kler 

avek Seselwa dan lepase lo vre leta 

nou nasyon, ozordi ankor nou 

kontinyen vwar menm fenomenn. 

Gouvernman pa pe koz laverite avek 

nou. Dan premye paragraf son 

diskour Zedi pase, dan setyenm fraz 

pli egzakteman, Prezidan in esey 

menm trik. In dir nou ki nou pei pe 

santi lefe sa kriz ekonomik ki pe 

frap lemonn e sak manm SPPF ki‟n 

koze depi sa in dir menm zafer. 

Gouvernman SPPF pe ankor fer 

nou krwar ki se sa rezon ki nou pei i 

dan difikilte e Prezidan ki kapab tir 

nou dan sa kriz. Si zot, zot oule 

krwar dan sa propagann zot zot 

kapab me nou sa labwet nou pa 

manze. E lepep in konpran ki si sa 

larealite dan sa zafer. La realite Mr 

Speaker se ki se pa kriz ekonomik 

dan lemonn ki‟n met nou pei dan sa 

tourman se move planifikasyon e 

gaspiyaz gouvernman SPPF ki‟n 

anmenn nou dan sa fernwar. Se pa 

gouvernman SPPF ki pe resstriktir 

nou lekonomi parey zot kontan fer 

krwar. Sa ki pe ganny arive, se ki 

nou pe ganny forse pou fer sa 

restriktirasyon la konmela akoz nou 

napa en lot swa. 

Se pa sitiasyon ekonomik 

lemonn ki pe fer nou soufer se en 

gouvernman SPPF ki pa oule fer 

sanzman ler ti fodre, ki‟n pa‟n 

annan kouraz pour fer fas avek 

problenm, ki‟n deside pou pa fer 

nanryen olye pran aksyon neseser 

ki‟n anmenn nou la kot nou ete. Sa 

se pa zis mwan ki dir, IMF li menm 

ti dir sa 2 semenn pase lo SBC. Si 

sitiasyon ekonomik lemonn i annan 

en keksoz pou fer avek nou 

sitiasyon isi Sesel, se sa. Se ki akoz 

gouvernman SPPF in les pei drive 

olye pran aksyon apropriye ler i ti 

bezwen pran, ozordi ler nou forse 

38

war latizann, latizann i pli anmer 

akoz sitiasyon ekonomik lemonn pe 

vin azout lo nou fardo, pe vin azout 

lo sa pwa ki lo nou ledo. Si nou ti‟n 

fer azisteman ler SNP ti‟n dir fodre, 

nou ti pou‟n kapab ozordi sirmont 

sa bann difikilte ekonomik lemonn. 

Olye fer sa, sa bann difikilte i vin 

azout lo nou soufrans. An dot mo, si 

gouvernman SPPF ti‟n kapab swazir 

en moman pou fer sa Reform 

Ekonomik, pli move moman ki zot 

ti‟n kapab zwazir se la ozordi. Alor, 

ler mon ekout Prezidan demande si 

nou pa ti enplimant Reform 

Ekonomik depi lannen pase, kote 

nou ti pou ete ozordi, mon oule dir 

ki se pa sa kestyon ki i devret pe 

demande. Kestyon pli apropriye pou 

li demande, ti devret; „Si nou ti‟n 

enplimant Reform Ekonomik depi 

10an pase ki kantite pli devan nou 

pei ti pou ete ozordi. Dan sa bann 

parol Prezidan ki mon‟n fek koz lo 

la, nou vwar klerman ki si sa ki mal 

avek nou pei e nou konpran tre 

byen ki si sa SPPF. 

1. Premye se ki SPPF pa travay lo 

plan e i fer tou keksoz dan vag. Si 

en keksoz i marse, zot kriy: 

„Alelouya‟. Si i fail zot blanm en lot 

dimoun, Lehman Brothers, kriz 

ekonomik lemonn etc… e zanmen 

zot blanm zot prop lekor. 

2. Dezyenmman, se ki SPPF i 

servi en keksoz ki en lot dimoun in 

fer ouswa en lensidan ki napa 

nanryen pou fer avek sa ki zot zot in 

fer e apre fer krwar ki sa i zot 

desizyon ki‟n ganny pran par 

ekspre. Les mwan donn ou 2 

legzanp Msye Speaker pou ilistre 

sa: 

Premye; Konblaz. 

I kler ki konblaz i en size kontrovers 

dan nou pei. Lo en kote nou bezwen 

later plat pou fer devlopman, lo en 

lot kote pri konblaz i kout nou pei 

bokou ki nou‟n bezwen prete. E 

ozordi sa se enn bann keksoz ki nou 

pa kapab repeye e ki nou bezwen al 

rod lasistans IMF, Klib Paris pou ed 

nou. Sa se pa tou mon konplent. 

Mon konplent se ki bokou sa bann 

konblaz in ganny fer san ki 

gouvernman ti konnen akoz i ti pe 

fer li. An dot mo, sa bann konblaz in 

ganny fer dan vag, san plan. Ler 

Lakonpanyen Costain ti pe fer 

premye konblaz Sesel, tou dimoun ti 

konnen akoz sa konblaz ti pe ganny 

konstrir. Sa ti pou fer erport e erport 

ti ganny konstrir lo sa konblaz. 

Dezyenm konblaz, ki ti fer, ti 

fer pou nouvo por e nouvo por in 

ganny konstrir lo la. Me apre sa 

konblaz in ganny fer san okenn 

desizyon lo kwa ki pou fer lo zot. Me 

gouvernman i sote e dir ki vilaz 

Roche Caiman i ganny fer lo konblaz 

e Zonn Endistriyel Providence e 

Sport Complex e zot kriye ki sa i en 

sikse. Wi, mon dakor me se pa tou e 

legzanp i la devan nou. Konblaz pe 

ganny servi pou zet salte lo la, pou 

Dokter Ramadoss fer en lopital lo la, 

pou Eden Island. Li Eden Island in 

fouy trou dan konblaz e fer li 

retourn lanmer. Parey PUC i les delo 

lapli koul dan lanmer e apre fer 

desalinasyon avek pou fer retourn 

delo dou. E tou sa bann lezot 

konblaz ki ankor vid, Anse Aux Pins 

i annan enn, Anse Etoile i annan 

enn, devan nouvo por limenm i 

annan en pti zil. Eski nou ti bezwen 

al pret larzan pou later a apre les li 

dormi? Mwan mon pa krwar Mr 

Speaker. 

Sa bann konblaz zot ti‟n devret 

atann e fer zot ler nou ti annan en 

proze pou zot. Tel parey mon pa 

krwar ki gouvernman in pran en 

bon desizyon pou fer zoli sant 

kominoter nef dan distrik a sa 

39

moman malgre ki nou tou nou 

kontan sa. Sa se bann devlopman ki 

en gouvernman i fer ler i annan 

larzan. Mwan, mon ti ava prefere 

vwar gouvernman fer lakaz Les 

Mamelles olye fer zil pou plant sed 

lo la. Mon ti a prefere vwar klinik 

Les Mamelles ki servi tou lezour 

ganny met a nef avek tou son 

lekipman olye vwar en sant 

kominoter ki servi ennfwa letan. 

Dezyenm legzanp, sa Kriz 

Ekonomik li menm. Gouvernman i 

dir nou ki nou pe restriktir nou 

lekonomi pou fer li vin pli 

performan, sa lontan lo sa kote 

latab nou pe demann gouvernman 

fer. An mezir ki roupi in kontinyen 

perdi son valer atraver Black 

Market, nou ti demann gouvernman 

pou fer en keksoz: 

Pou koup depans 

gouvernman. 

Pou aret pran loan. 

Pou balans son bidze. 

Pou aret gaspiy 

larzan pou rezon 

politik. 

Fas a sa bann demann, gouvernman 

in fer sa ki Prezidan i dir nou ozordi 

i pa kapab fer. Gouvernman pa‟n fer 

nanryen. In kontinyen diverti 

kontan, pran loan pou repey loan, 

depans larzan pou ganny eleksyon, 

vann later pou en R1, fer proze 

initil, ziska ki en zour i ti napa 

larzan e ti bezwen kriy IMF. 

Me la ozordi, olye aksepte 

larealite sa ki‟n arive, rekonnet sa, 

demann pardon e ralye lepep, 

Prezidan i prefere fer krwar ki se 

kriz ekonomik mondyal ki nou 

problenm e fer krwar ki sa reform ki 

nou pe ganny forse pou fer se en 

bon keksoz ki‟n ganny byen planifye 

par gouvernman. Sa latitid Msye 

Speaker, se pli gro lobstak ki nou 

annan koman en pep. 

Prezidan in santre son mesaz 

lo en lapel pou linite nasyonal. E 

bokou parmi zot ki‟n koze in lans 

menm lapel. Les mwan dir zot ki sa 

se en lapel ki nou nou tande e ki 

nou krwar i merite. Me se pa en 

lapel ki demann nou zis depoz tou 

zouti ater e reponn otomatikman. 

Wi, nou en sel pep malgre ki SPPF 

parey Lider Lopozisyon in fer resorti 

yer in kree en bann divizyon ki pa ti 

neseser. I annan en lepok Msye 

Speaker, ki mwan, parey bokou nou 

lo sa kote latab zis akoz nou pa ti 

siport SPPF ek son Parti Inik, nou ti 

ganny dekrir koman lennmi. 

Mwan, Msye Speaker, 

Lonorab Dyer, Lonorab Prea, eski 

nou parey en bann lennmi nou? 

Pourtan se sa ki nou ti ganny apele! 

Non, Mr Speaker, okenn lapel 

ver linite i bezwen ganny met dan en 

konteks. Konteks ozordi ki nou pei i 

dan kriz. Me nou pei i pou nou tou. 

Nou tou nou anvi vwar li sorti dan 

kriz e retourn sa bizou, sa brand 

parey Prezidan in dir i ete. E dan sa 

demars nou tou nou bezwen ralye 

me nou bezwen ralye otour en 

keksoz ki nou tou nou kapab viv 

avek. Pa vo lapenn ki zot demann 

nou ralye otour SPPF ouswa Jj Spirit 

parey zot in demann nou dan letan 

Parti Inik. Sa i pa pou arive. Pa dir 

nou ki nou pe regard deryer me zot, 

zot pe get devan akoz sa set en lot 

fason pou dir nou pa koz lo rezon ki 

nou pei i dan kriz, me senpleman 

ede pou tir li dan sa kriz. Sa osi pa 

pou arive. 

40

Konteks ki nou bezwen travay 

ladan koman en pep se sa enn; 

SPPF i bezwen aksepte ki se li ki 

responsab pou mal anmenn nou pei 

dan sa bann dernyen letan e ki se 

sa ki anmenn nou dan sa problenm. 

Zot bezwen aksepte ki zot in fail, 

gouvernman san plan, gaspiy larzan 

ek resours, diviz lepep par politik, 

refize pran aksyon apropriye akoz 

politik. Sa zot bezwen aksepte. Zot 

bezwen aksepte ki SBC pandan sa 

dernyen 15an in travay koman en 

zouti SPPF e Lakour Siprenm anba 

sef ziz etranze in fer parey. E sa 2 

lenstitisyon zot 2 tousel in retard 

nou demokrasi e louvertir ki nou pei 

ti‟n devret pran pour tro lontan. Zot 

bezwen aksepte ki apre 30an 

opouvwar san ki en sel manager 

gran lotel, san ki en sel sef ziz, san 

ki en sel kad Lafors Lapolis in kapab 

Seselwa, sa i apel: „Fail’. 

Zot bezwen aksepte ki sa 

gouvernman in donn bokou tro nou 

pei avek etranze e in donn etranze 

tro pouvwar dan nou pei e ki 

Seselwa i ganny trete koman 

sitwayen dezyenm klas. Ki 

gouvernman Prezidan Michel pa‟n 

met konfyans dan Seselwa. Aksepte 

tousala epi aksepte ki nou, lo nou 

kote latab, nou‟n en Lopozisyon 

egzanpler e lwayaz ki nou‟n azir dan 

lalwa, ki nou‟n respekte rezilta sak 

eleksyon e apre mont kot nou 

trankil. Aret lev sa menas 

Madagascar ek Martinique, 

Guadeloupe e la wi, Lonorab 

Mondon, la wi, nou ava kapab nou 

tou koman en sel pep servi sa period 

tranzisyon parey zot, zot kontan 

apel li pour kit deryer tou bann 

keksoz ki diviz nou. 

Ozordi plis ki zanmen, nou 

bezwen annan dirizan ki fran, onnet 

e kouraze. Nou pa bezwen dirizan ki 

kasyet laverite ouswa ki donn zis en 

bout laverite. Nou bezwen annan 

dirizan ki annan kouraz aksepte fot 

lepase, pran blanm kot fodre, sanz 

direkyon ler i neseser e ralye lepep. 

Adversite i demann en pep ki ini dan 

son lobzektif e ki pare pou koste 

otour en prensip komen e non pa 

enn ouswa en lot sistenm politik. Sa 

ki nou pei i bezwen e nou pep i 

demande ozordi se ki gouvernman 

SPPF i rekonnet ki se li e li tousel 

ki‟n opouvwar sa dernyen 30an. Ki 

se ki lakoz problenm ki nou pei i 

ladan ozordi, ki se son move 

gouvernans ki‟n anmenn nou pei 

dan difikilte e nou pep dan lamizer. 

Sa ki nou pei i bezwen e nou pep i 

demande ozordi se ki gouvernman i 

dir ki i pare pou sanz direksyon lo 

sa ki mal dan sa ki in fer e sa ki in 

diriz nou. Ki i pare pou li fran e pran 

son responsabilite. Sa i pa en sinny 

lafebles, non i en sinny grander e en 

sinny matirite. 

Me sa pa ase, Prezidan i 

bezwen al met blanm e tou 

problenm lo ledo lezot oubyen lezot 

lenstitisyon. I bezwen promet pou 

koz fran parey Minis Danny Faure 

in komans fer deza. I bezwen tir 

divizyon ki SPPF in mete dan nou 

pei. Bann zafer parey Selebrasyon 

Nasyonal pou Le 5 Zen e sa zafer Jj 

Spirit i bezwen ale. Selebre Le 5 Zen 

Maison du Peuple si zot, zot oule, sa 

i ok. Fer en Fondasyon Jj Spirit si 

zot oule, me dir nou klerman ki sa 

set en zafer politik. Ouswa tir politik 

ladan e sanz son non. Bann keksoz 

ki zot bezwen fer i fasil: 

Aret met etranze an 

premye. 

Aret donn later etranze e 

detrwa Seselwa byen plase 

pou fer biznes. 

Aret met etranze ansarz 

41

Lakour ek Lapolis. 

Met Seselwa premye. 

I annan isi, regard otour ou Msye 

Prezidan e ou a vwar zot. Pa tarde e 

fer sa bann keksoz deswit e ou 

menm ou, ou a vwar ki mannyer 

Seselwa i koste. 

Si zot demann mwan, malerezman: 

‘Eski mon krwar ki sa bann keksoz 

pou arive?’. 

Mon pou reponn zot, fran: ‘Mon pa 

krwar’. Personnelman, mon pa vwar 

SPPF pe fer sa bann kosesyon. 

Mon pa vwar zot dirizan aksepte pou 

pa selebre Le 5 Zen parey labitid 

menm si i en lannen dedye a: ‘Koste 

Seselwa’. I pa dan zot natir pou fer 

sa, sa i malere, sa i tris. Me sa se 

larealite nou pei anba SPPF. 

E sa ki plis, nou pep i 

kontinyen reste dan divizyon, nou 

pei i kontinyen fail pour progrese 

parey i ti devret e nou pti dimoun 

valab i kontinyen ganny met dekote. 

Sef Ziz i kontinyen etranze, Manager 

Lotel i kontinyen etranze e se 

etranze ki vin anbasader Sesel e ki 

ganny pli zoli morso nou teritwar 

pou devlope. Alor, Mr. Speaker, sel 

solisyon pou nou pei, se ki en 

sanzman profon i arive. Sa i pa pou 

arive anba SPPF. Alor i pou bezwen 

ariv anba en gouvernman SNP akoz 

nou, nou angaz nou devan lepep 

Seselwa pou fer sa bann 

transformasyon debaz ki nou pei i 

bezwen. Pa atraver revolisyon ek fizi 

me par legzanp. 

Nou‟n pare, Msye Speaker, 

nou lekip i la, plis ki zanmen, Sesel i 

bezwen en gouvernman SNP. SPPF 

pe met Sesel an retar. Nou pa kapab 

perdi ankor 5an anba en 

gouvernman ki pe tatonnen dan 

fernwanr pou redres pei. Sesel i 

bezwen en gouvernman ki pa pou 

koze me ki pou azir. Lider 

Lopozisyon in fer nou rapel ki i 

annan bokou bann Seselwa valab ki 

pe travay isi e a letranze. Zot tou zot 

bezwen atire pou relans nou pei, zot 

tou zot bezwen atire pou koste. 

Byento Prezidan pou bezwen apwent 

en Sef Ziz, i annan avoka ek ziz 

Seselwa ki kapab fer sa travay. I pa 

enportan ki zot siporte, apwent sa 

enn ki pli bon e les nou pei bouze. 

Si Prezidan i Seselwa e ou Mr. 

Speaker ou en Seselwa, oule dir 

mwan ki nou pa kapab met en Sef 

Ziz Seselwa? 

En gouvernman SNP pa ti pou 

menm mazin 2 fwa avan fer sa: 

E si sa enn ki pli bon zot krwar i 

siport SNP? So what? Pa bokou nou 

ki‟n al kot dokter ki sipor SPPF, eski 

zot in touy nou? 

Non, Mr. Speaker, annou aret sa 

zafer politik dan profesyon. 

Napa en Seselwa ki pou met 

politik devan son profesyonalizm, 

etranze souvannfwa i rod fer faver 

pou ganny faver. Me mwan mon 

annan gran lespwar dan 

profesyonnel Seselwa. Lannen pase 

pa avoka SNP, SPPF ti fer 

prezantasyon lo Konstitisyon 

ansanm? 

Pa Lonorab Rose ek mwan nou ti 

asiz obor kanmarad e koz 

profesyonnel. Nou kapab fer li Mr. 

Speaker. Malerezman mon konstate 

ki SPPF pa oule kontinyen dan sa 

direksyon. Alor parey mon‟n dir se 

en gouvernman SNP ki pou anmenn 

vre sanzman dan Sesel. E parey 

mon‟n dir: ‘Nou, nou‟n pare‟. 

Mon‟n ganny responsabilite 

politik dan Lopozisyon pou regard 

‘Lenerzi, Lanvironnman ek Resours 

Natirel‟ dan pei. Dan sa 3 sekter i 

annan bokou pou fer akoz ankor 

enn fwa SPPF in negliz zot. Tou 

42

Seselwa pa dakor ki dan en lepok 

kot pri karbiran i pli ba lo marse 

mondyal ki i ete pou plizyer lannen 

isi Sesel nou ankor pe pey karbiran 

ek gas domestik a en pri egzorbitan. 

Parey mon‟n dir i pa akseptab ki an 

2009, nou pe les delo dou al dan 

lanmer apre pou fer en masin fer li 

vin dou ankor. 

Se sa bann pratik ki 

gouvernman SNP pou arete 

imedyatman. Solisyon pli bon marse 

e pri ekolozik pou bezwen ganny 

met an plas. En gouvernman SNP 

pou propoze ki karbiran enkli sa ki 

PUC i servi i ganny aste lo tender. 

Les tou lakonpannyen ki kapab 

supply karbiran fer li e SEYPEC i 

ava swazir sa enn ki pli bon 

marse. Avek pri karbiran ki desann, 

bill lalimyer e tiket bis pou bezwen 

osi desann. 

SNP pou imedyatman 

rekomans met lanfaz lo stokaz delo 

lapli lo en nivo endividyel, avek sak 

lakaz, par met tenk stokaz a 

dispozisyon tou dimoun ki annan 

lakaz. E lo en nivo nasyonal, par fer 

rezervwar neseser dan bann 

landrwa kot i annan larivyer. Fini sa 

bann zafer bwar delo sale. Sa set en 

seri proze ki kapab ganny 

enplimante imedyatman. I pa posib, 

Msye Speaker, ki en dimoun ki son 

lakaz i lo sistenm sewerage i pey 2 

bill delo dan enn. En bill pou PUC 

anmenn delo kot li e en bill pou PUC 

pran delo ki in servi dan laform 

sewage. Konmela bokou sitwayen 

rezyon lavil i bezwen fer fas avek bill 

delo, sewage ki pli o ki zot bill 

lalimyer. 

Kote, Mr Speaker, sa i sorti. 

Sa osi pou bezwen ganny revwar e 

revwar imedyatman. Lo nivo 

Lanvironnman, SNP pou donn 

lankourazman finansyel neseser par 

egzanp: 

Par en rediksyon pri atraver 

sibvansyon e en loan san lentere 

pou ankouraz dimoun pou aste 

sistenm sof delo soler olye aste 

water heater ki servi elektrisite. Sa 

pou ganny fer imedyatman. 

Tou sala se bann mezir ki SPPF pe 

tatonn tatonnen avek depi tro 

lontan. Sa ki nou pei i bezwen se 

aksyon imedyat pou soulev soufrans 

nou pep. Sa se promes SNP. 

Lo nivo Lanvironnman, la osi 

i annan keksoz ki bezwen ganny fer 

ozordi, pa demen, pa semen 

prosenn, me ozordi. Pandan tro 

lontan SPPF in senpleman aplodi 

Sesel koman en sanpyon dan 

lanvironnman san vreman fer gran 

keksoz pou merit sa akolad. 

Prezervasyon lanvironnman pou 

bezwen vin en keksoz ki al pli lwen 

ki koze. Proteksyon lanvironnman 

pou bezwen benefisye Seselwa an 

premye. Se pou nou pep ki nou 

prezerv nou lanvironnman. I pa 

akseptab ki nou pli gran lanmar 

Port Launay in ganny donnen a en 

lotel prive. I pa akseptab ki lans i 

ganny met andeor akse avek piblik. 

SNP pou retourn tou lanvironnman 

Sesel a nou pep e fer en fason ki tou 

Seselwa i annan akse a tou nou 

teritwar enkli bann zil. Nou pli gran 

resours, Msye Speaker, se nou 

teritwar. SPPF in sistematikman 

donn bann pli zoli morso nou later 

avek detrwa gro envestiser etranze, 

e detrwa Seselwa o plase. Annefe 

zanmen dan nou listwar koman en 

nasyon etranze in ganny plis fasilite 

ki anba gouvernman Prezidan 

Michel. 

Annou pa bliye se ki se 

sanmenm keksoz ki Msye Michel in 

fer ki i ti en leskiz ki i ti donnen pou 

43

fer koudeta kont Msye Mancham. Si 

nou pa fer atansyon, ler nou fer 

levanter sel 2 bout Sesel ki pou 

reste pou Seselwa pou Les Mamelles 

ek Mont Buxton akoz sa 2 sel distrik 

ki napa bor lanmer. Sa pou bezwen 

sanze e gouvernman SNP pou met 

en fren avek lavant nou teritwar 

avek etranze e demande ki serten 

morso nou pei ki annan en laspe 

leritaz parey ansyen Tracking 

Station, La Misere i ganny retournen 

pou benefis tou Seselwa. SNP i 

serye, Msye Speaker, nou pare pou 

travay pou Sesel. Nou‟n toultan 

pare, nou annan en progranm, nou 

annan en plan pou nou pei. Se pour 

sa rezon ki nou pa‟n zanmen refize 

eksplike ki si sa ki dan nou 

progranm malgre ki bokou nou 

bann siporter in dir nou aret donn 

lide SPPF. E i vre. SPPF in vey dan 

lapas e pok nou lide enn par enn. Sa 

pa en problenm pou nou, lide 

zanmen in fini kot SNP. Parey parol i 

dir deryer lot i annan en lot. Be la,sa 

ki nou‟n vwar se ki nou nepli kapab 

fye lo SPPF pou enplimant lide e 

gouvern pei. 

Nou nepli kapab viv dan en 

sistenm ki lazans welfare i donn 

dimoun R50 a R100 lasistans e i 

bezwen depann lo Prezidan pou 

donn li lenstriksyon. Nou nepli 

kapab viv dan en sistenm kot 

gouvernman SPPF i met GST lo 

lagrenn ek materyo lagrikiltir zis 

pou tire e donn manm SPPF dan 

Lasanble en rezon pou kriy 

Alelouya. Nou nepli kapab viv dan 

en sistenm kot pri marsandiz i mont 

par R50 me ler i desann i desann 

par R1.25. apre 30 an sel keksoz, i 

tris pou rekonnet ki SPPF in fer se 

fer nou pei Sesel fait. 

Nou pei nepli kapab perdi 

letan avek en gouvernman ki pa 

konnen kote i pe ale. SNP i pare pou 

pran labar e anmenn nou pei dan en 

lavenir stabilite e prosperite. 

Koste Seselwa, avan ki SPPF i 

demann Seselwa koste, SPPF i 

bezwen montre son senserite. Fer sa 

bann pa ki Lider Lopozisyon in 

demande e tou dimoun a vwar ki zot 

pa pe zis koze. Me si nou konstate ki 

koste i vin koze san aksyon, la 

ekskiz nou, nou pou bezwen 

demann lepep Seselwa pou fer en lot 

kalite koste, sa fwasi nou pou 

bezwen demann Seselwa pou koste 

avek SNP. Sa swa i pou zot, zot ki 

bezwen fer li. Nou Mr Speaker nou 

pare pou travay pou tir Sesel dan 

difikilte e remet Seselwa osant nou 

pei. An dot mo, nou lo sa kote latab 

nou pa pour zanmen les Sesel 

tonbe. Mersi Mr Speaker. 

(Applause) 

HON.ROY NIBOURETTE 

Msye Spiker, Manm Lasanble 

Nasyonal, zabitan La Rivyer Anglez, 

Pep Seselwa; 

Diskour lo Leta Lanasyon i pa 

en senp diskour, me en i refleksyon 

profon lo leta nou pei, lo ki bor nou 

ete ozordi e ki dwatet pe ganny fer 

pou asir en meyer lavenir pou nou 

pei. 

Donk alors, ler monn fer mon 

analiz lo leta lanasyon mon 

konstate, ki nou merit vwar li lo 2 

nivo. 

Premyerman: leta lanasyon se leta 

ki pep Seselwa pe viv ladan. 

Prezidan in fran letan in dir ki “Leta 

lanasyon i difisil”. Me Prezidan in 

osi fer resorti ki nou pa devret asiz 

lebra kwaze akoz nou napa okenn 

swa, me trouv solisyon pou nou 

problenm. 

44

Prezidan in donn pep Seselwa 

lespwar, ki nou pou trouv sa 

solisyon letan i ti dir ki sitiasyon i 

difisil me pa enposib, e osi letan i ti 

dir “Wi, nou pou reisi.” 

Lo en lot nivo leta lanasyon, i 

sitiasyon pei lo en nivo makroekonomik. 

Lo sa kote, mon vwar 

sinny ankourazan e osi sinny 

enkyetan. 

Parey Prezidan in fer resorti, 

bann sinny ankourazan se lefe ki 

nou rezerv deviz etranzer dan 

Labank Santral pe ogmante e lefe ki 

nou roupi pe stabilize e pe ganny 

son valer. 

Sepandan bann sinny 

enkyetan lye avek resesyon 

ekonomik mondyal i egziste. 

Lakantite touris ki vin dan nou pei 

pe diminye e avek li, larzan ki i 

gannyen atraver sa lendistri osi pe 

diminye. 

Msye Speaker, Sesel pa pe 

reste lebra kwaze. Nou deza pe fer 

bokou atraver reform ekonomik, me 

napa preski nanryen ki nou kapab 

fer kont sa resesyon ekonomik 

mondyal. 

Le sel keksoz ki nou kapab 

fer kont sa resesyon, se pour nou 

gard lespwar ki sa bann plan pour 

relans lekonomi ki pe ganny met an 

plas Lanmerik, Lerop, Zapon ek 

Lostrali pe marse e benefisye nou 

endirekteman. 

Wi, nou sel zarm kont 

resesyon dan lekonomi mondyal se 

pour gard lespwar, ki plan sa bann 

gran pei i marse, akoz si non nou 

prop plan reform ekonomik pa pour 

aboutir dan gran keksoz. 

Msye Speaker mon kontan 

letan Prezidan ti dir ki priyorite 

gouvernman se pour lalit kont lavi 

ser. I annan 2 fason ki nou kapab 

anmenn sa lalit. 

1. Premyerman, se fer fason ki 

Seselwa i ganny plis larzan. 

2. Dezyenmman, se pour fer 

fason ki pri marsandiz ek 

servis i redwir. 

Prezidan i anons serten mezir ki al 

dan sa sans. Letan in lans en lapel 

avek tou lotel pour entrodwir service 

charge e sa pour ed bokou fanmiy 

ogmant zot reveni akoz apard zot 

saler debaz, sa madanm Majoie pou 

osi ganny en poursantaz lo depans 

ki kliyan i fer dan lotel. Me nou 

bezwen osi mazin bann ki pa kapab 

travay, oubyen pa ganny ase pour 

zot viv byen. Lo sa pwen, Prezidan in 

byen fer pour demann Welfare 

Agency pour revwar bann pwa ki zot 

servi pou kalkil nivo lasistans 

sosyal. 

Lalwa lo fair trading ki 

Prezidan in dir pour byento vin 

devan Lasanble Nasyonal, pour ede 

konbat bann move pratik par serten 

marsan ki fer konsomater pey an 

tro. 

Bann derogasyon lo GST 

konsernan serten komodite ki STC i 

vann isi ki lo manze zannimo, pti 

poul, langre e latizann pour sirman 

ede pour redwir pri lavi me lalit pour 

en meyer lavi pa zis konsern pri 

marsandiz. I osi konsern nivo e 

kalite servis ki sitwayen Seselwa i 

gannyen dan bann biro 

gouvernman. 

Mon kontan tann Prezidan 

dir ki i pe lans lapel avek SPTC pour 

asir en servis bis pli efikas. En 

servis bis pli efikas e pou revwar son 

45

loperasyon avek bi pou fer pri vin pli 

abordab. En servis bis pli efikas e 

pli abordab i ava omwen tir presyon 

lo bann pasaze ki pe pey tiket bis pli 

ser. 

Tou sa Msye Speaker i 

montre ki nou annan en 

gouvernman ki care e mazin 

byennet son pep. Dan bokou pei, 

bokou gouvernman pe dir les bato 

marse me nou nou vwar ki isi Sesel 

nou annan en Presidan avek son 

gouvernman ki pe rod fason pou 

redrwir lefe advers sa reform ki osi 

annan pou fer avek ekonomik ki 

rezilta problenm finansyer global. 

Prezidan in dir ki i pa satisfe 

avek nivo e kalite servis plizyer biro 

gouvernman. I devwar sak civil 

servant pou pran sa komanter fer 

par Prezidan, non pa koman en 

lakizasyon me plito koman en defi 

pour fer pli byen. Letan en civil 

servant i servi en manm piblik byen, 

sa i a tir en fardo lo sa dimoun ki 

son latet i deza fatige avek lavi ser. 

En sivil servis i bezwen enn ki efikas 

e sansib avek bezwen lepep. Fodre i 

kapab akonplir bann target ki 

Prezidan in met devan zot. 

E la Msye Speaker, mon tya 

kontan dir ki nou bezwen evolye en 

kiltir dan sivil servis, ki rekonpans 

dan sa servis i baze lo rezilta ki i 

prodwir. Nou pei an zeneral, en civil 

service an partikilye i bezwen vin 

result oriented. 

Prezidan Michel i fer kler ki 

lapros son gouvernman se pour 

bann dirizan akonpanny sa reform 

ekonomik ki nou pei i ladan par 

egzekit bann aksyon ki fer tou 

Seselwa vwar ki zot pa tousel. Letan 

Prezidan in demann tou dirizan 

pour al ver lepep, i pe dir avek nou 

ki dan moman difisil ki bann dirizan 

i merit pli pros avek lepep e a sa 

pwen mon ti a kontan felisit 

Prezidan pour 2 linisyativ ki in pran. 

Msye Speaker premyerman sa 

forum ant li avek Lider Zafer 

Gouvernman ek Lider Lopozisyon. 

Sa i a met dyalog lo en pli o nivo 

akoz laplipar akter dan nou sekter 

lekonomi pe deza fer zot 

kontribisyon. Dezyenmman sa 

legzersis konsiltasyon dan bann 

distrik i reponn a en bezwen ki 

bokou Seselwa ti pe eksprimen. 

Lademokrasi se pa zis vote tou le 5 

an e annan bann lenstitisyon 

demokratik. Lademokrasi se permet 

pep partisip dan prosesis pran 

desizyon, e donn zot bann 

leklersisman lo kwa ki gouvernman 

pe fer. Msye Speaker solisyon nou 

bann problenm pour vin atraver 

lenplimantasyon bann lide. Parey 

Prezidan in fer resorti napa personn 

ki annan monopoli lo lide. Apre tou 

bann lide parey liberalizasyon, roupi 

konvertib ouswa roupi flote, pa‟n 

ganny envante isi Sesel, me zot sorti 

dan bann pei deor. 

Nouvo lide i enportan, me pli 

enportan ankor, se lafason ki i 

ganny enplimante. Letan en lide i 

ganny enplimante, i ganny 

transformen pour vin en aksyon. 

Prezidan in dir ek pep Seselwa pou 

ziz li lo son aksyon. Alor annou gete 

ki mannyer i enplimant sa bann lide 

olye anmenn deba lo lekel ki‟n vin 

avek sa bann lide ki i pe enplimante. 

I kler Msye Speaker ki 

Presidan i konsistan avek sa reform, 

annefe, ler mon reflesir lo bokou sa 

ki‟n ganny dir yer ek ozordi mon 

konstate ki i annan en problem. 

Avan, zot ti dir liberaliz tou, ozordi 

zot pe dir fodre re-entrodwir pri 

kontrol, fodre kontrol enportasyon e 

fordre re-entrodwir sibvansyon. 

46

In toultan dan nou polisi pou 

annan en sertan degree pri kontrol, 

serten degree kontrol lo 

enportasyon, serten degree kontrol 

lo sibvansyon, me imedyatman apre 

liberalizasyon, nou‟n vwar nou forse 

pou retir sa bann mezir. La kle la, 

se nou bezwen annan en 

liberalizasyon ki regle e non pa enn 

sovaz. Sa bann prinsip ki mon fek 

mansyonnen Msye Speaker, i vre ki 

toultan nou, dan parti mazoriter 

nou‟n krwar ladan. Alors ler nou pe 

re-entrodwir zot dan diferan form 

ozordi, i pa neseserman nouvo, me 

okontrer, nou pe fer sir ki 

liberalizasyon i pa vin enn ki 

souvaz, me plito enn ki ganny regle. 

Msye Speaker dan tou reform timing 

i enportan, akoz parey an kreol nou 

dir, „Avan ler‟, sa vedir „pankor ler‟ e 

„apre ler‟ i vedir in tro tar‟. 

Parey Prezidan ti dir si nou 

pa ti komans reform ekonomik 

lannen pase, ozordi nou ti pou dan 

gran problenm. Parkont, si nou ti fer 

sa reform dizon 10 an pase, ozordi 

nou ti pou trouv nou dan en lot 

problenm akoz 10 an pase nou pa 

ti‟n fini etablir nou sistenm sosyal. I 

en fo largiman pou dir ki nou ti‟n 

kapab fer reform lo en pli gran 

lespas letan, akoz tou bann 

konponan sa progranm reform 

ekononik i mars ansanm. 

Msye Speaker reform 

ekonomik pa zis responsabilite 

gouvernman ki pran bann mezir 

atraver Minister Finans ek Labank 

Santral, ni zis sekter labank ki 

ganny demande pour redwir zot 

lentere lo loan, ni menm zis sekter 

prive ki ganny demande pour anploy 

plis travayer Seselwa. Reform 

ekonomik i responsabilite tou 

Seselwa, se sa ki nou tenm nasyonal 

„Koste Seselwa’ i vedir. 

Lobzektif sa reform ekonomik 

ki nou pe pas ladan se pour 

moderniz nou lekonomi. 

Modernizasyon ekonomik pa zis 

vedir nouvo lalwa e en marse lib dan 

ki sekter prive i annan en rol pli 

aktif. Modernizasyon ekonomik i 

vedir adopte nouvo lide e fason 

vwar keksoz. Dan en mo senp, nou 

a dir en transformasyon. Dan sa 

moman difisil ki nou pei pe pas 

ladan, nou realize ki nou lennmi se 

pa en lot Seselwa ki napa menm 

kouler lapo, menm lopinyon politik, 

oubyen menm larelizyon ki nou. 

Nou lennmi se sa sitiasyon 

ekonomik ki nou bezwen redrese. 

Tenm nasyonal „Koste Seselwa‟ i 

touzour fer nou rapel ki okenn 

Seselwa pa kapab lennmi en lot. 

Msye Speaker dan son 

diskour, Prezidan Michel in 

demontre ki i vreman Prezidan tou 

Seselwa. Sitiasyon ki in dekrir i 

afekte tou Seselwa san eksepsyon. 

Koman Prezidan tou Seselwa, i merit 

ganny sipor tou nou manm dan sa 

Lasanble akoz ansanm nou 

reprezant popilasyon Seselwa a‟n 

antye. 

Dan son diskour Prezidan in 

demontre en lespri responsabilite. 

Pli enportan ankor in donn pep 

Seselwa lespwar. Letan in fer nou 

rapel ki dan lepase, nou‟n osi pas 

atraver moman tre difisil, me ki 

nou‟n toultan sorti pli for. Prezidan 

pe fer Seselwa realize ki nou pour 

sirmont nou problenm. Lavi set en 

prosesis trouv solisyon pour 

problenm. Reform i form parti sa 

prosesis. A sa pwen, mon oule met 

serten keksoz o-pwen avek Onorab 

Henrie. SPPF, ki‟n opouvwar dan 

Sesel padan 30 an i en parti 

progresis. Sa i vedir ki progre i 

prensip fondamantal ki gid desizyon 

e aksyon SPPF. Me en prensip pa 

47

kapab ganny enplimante san en 

stratezi. SPPF li in deside adopte 

sanzman gradyel e an faz koman en 

stratezi pour enplimant prensip 

progre. 

Inisyalman, lanfaz ti lo 

reform. Apre lanfaz in vin lo reform 

politik, ozordi nou antre dan faz 

reform ekonomik. Plitar nou pou 

antre dan faz reform kiltirel avek 

lanfaz lo ki mannyer nou pour fer 

Sesel vin en knowledge-based 

society. Proze Liniversite Sesel pour 

en pilye sa proze faz reform. 

Depi son legzistans, SPPF 

pa‟n zanmen aret fer reform avek bi 

anmenn en meyer lavi pour tou 

Seselwa. Parey nou‟n reisi bann 

reform dan lepase, mon napa okenn 

dout ki set fwasi nou pou reisi. 

Mon demann tou Seselwa, 

tou zabitan la Rivyer Anglez, depi 

Majoie, Union Vale, Quincy, La 

Rosiere, Grenis, menm sa madanm 

anba kot Prizon pou reste ini e for 

avek lespwar. Malgre difikilte an se 

moman ki nou pe pas ladan, mon 

konnen i pa fasil, me ansanm nou 

pa pou rekile. Mersi Msye Speaker. 

(Applause) 

HON MARC NAIKEN 

Msye Speaker, Manm Onorab, Ser 

zabitan Au Cap, tou Seselwa, 

bonozur. Mr Spekaer depi ki nou‟n 

anbark dan en reform ekonomik 

nou pei in vwar li pe pas atraver 

plizyer tranformasyon ki‟n enpakte 

pozitivman e negativman lo byennet 

nou bann zabitan. 

Ozordi kot nou‟n arrive avek 

sa prose reform ekonomik i annan 

bann zabitan Au Cap ki posed en sel 

konsern fondamantal, sa se abilite 

pour li sirviv e elev byennet zot 

fanmiy. Lavi ozordi dan distrik pour 

zabitan O Kap i pa fasil. Difikilte i 

enorm e dan serten ka ensirmontab. 

Zabitan i tourn ver zot MNA pou 

ganny asiste me dan en kantite 

lenstans led avek soutyen ki zot 

vreman bezwen i pa a laporte zot 

MNA. 

Au Cap i en distrik tre 

partikilye, nou dimoun dan laplipar 

lenstans ti prefer leve e al debourye 

ki ganny asiste. Lamazorite demann 

ki pe antre kot mon lofis i pour 

lanplwa e non pa pou lasistans 

larzan. Bann zabitan dan la 

mazorite lenstans pe rod loportinite 

travay pour zot asiste zot prop lekor 

e non pa senpleman en lasistans 

sorti kot gouvernman. 

Mr Speaker sa deza i en bon 

sinny e mon ti a kontan ki plis 

travay i ganny kree pour ki plis 

dimoun i kapab antre dan lanplwa 

permanan e kontribye direkteman 

dan devlopman ekonomik nou pei. 

Dan sa klima difisil sa ki nou vwar 

se ki resours MNA i tre limite, marse 

lanplwa li menm in diminye e 

posibilite penetre dan marse biznes i 

an se moman tre restrikte e 

kanmenm riskan. Tou sa i kontribye 

pou agrav sa malez ki prezan dan 

nou distrik. 

Sa ki kler se ki nou bann 

zabitan Au Cap i konpran tre byen 

kwa ki pe pase Sesel osi sa ki pe 

arive dan lemonn. Lefe i reste ki 

menm si dimoun i konpran sa 

reform pe afekte zot dan landrwa 

kot i pli fermal. Sa bann 

logmantasyon egzorbitan dan pri 

komodite in ariv dan en fason ki 

pa‟n permet nou dimoun pou 

bidzete oubyen rekonsilye zot 

depans avek larzan ki pe antre dan 

lakour. Menm dimoun ki pran byen 

48

swen avek son depans i an se 

moman pe ganny depase par sa 

bann levennman. 

Zabitan Au Cap i an gran 

parti aksepte reform e nesesite pou 

reform, zot santi son douler me zot 

osi konpran nesesite pour en tel 

aksyon. Sa ki zot pe eksprimen 

sepandan se ki zot ti-a swete ganny 

enpe soulazman avek sa gro fardo 

pri lavi ki zot pe anmennen. 

Konsern primer se logmantasyon 

dan pri komodite, logmantasyon dan 

pri transportasyon e logmantasyon 

dan pri bann itilite parey elektrisite, 

delo ek telefonn. Bokou nou bann 

zabitan distrik i santi ki zot in 

ganny depase par sa bann 

levennman dan pei e zot pe vreman 

ganny difikilte pou adapte. Sa ki fer 

li pli grav se ki parfwa bann striktir 

ki‟n ganny met anplas pou soulaz 

zot sor i reazir tre dousman e par 

konsekans dimoun i soufer plis. 

Sesel nou bezwen viz pou 

idantifye nou bann problenm 

fondamantal e aplik solisyon ki 

korek pour nou bann problenm. La 

dan limedya i annan en gro danze 

devan nou ki pe menas pou 

konpletman detri nou lekonomi e 

nou pei. Sa depresyon ekonomik 

global pe enpakte direkteman lo 

nou. Diran sa prosen 3 mwan nou 

pou santi son vre lefe dan en fason 

ki definitif e napa nanryen ki nou 

pou kapab fer pou eparny sa ki pe 

vini. Sel keksoz ki nou pou kapab 

fer se pou travay pou met lekonomi 

dan en pozisyon pli solid. 

Danze ki pe menas nou i pa 

enn pour lekel nou ti a kapab 

prevwar ouswa pour lekel nou 

responsab, oubyen akoz move 

zesyon. Sa danze ki devan nou i 

sorti a leksteryer e pa les personn 

fer zot krwar ki sa i en lenvansyon 

SPPF. Akoz dapre bann kritik napa 

okenn pei ki pou ganny eparnye par 

sa enn ki pe vini. Wi, nou lekonomi 

ti deza frazil me nou‟n pran bann 

mezir korektiv, la devan nou 

aprezan i annan en lot defi ki nou 

bezwen fer fas avek e nou pou 

bezwen sirmonte. 

Sel fason pour nou reisi 

amelyor lavi pou tou bann zabitan 

Au Cap se pou nou rezourd sa defi 

ekonomik. 

- Pou garanti sekirite alimanter 

nou bann zanfan Au Cap fodre ki 

nou osi rezourd nou bann defi 

ekonomik. 

- Problenm transportasyon 

piblik pou rezourd selman ler nou‟n 

rezourd nou defi ekonomik. 

Si lekonomi i nou defi primer, 

kestyon ki mon pe demande o non 

zabitan mon distrik se akoz nou pa 

asize, donn tou nou latansyon e tou 

nou konsantrasyon lo sa size. Zis 

distrik Au Cap tousel i annan en for 

prezans isi dan sa Lasanble, 3 son 

zanfan pe an se moman asiz isi 

anndan. Personnelman mon santi 

ki i pou en gaspiyaz resours imen si 

nou pa kapab asize e dyalog 

ansanm lo sor e byennet nou 

distrik, mon konvenki ki i pou dan 

lentere nou zabitan si nou reisi 

met nou zefor ansanm pou aport zot 

en soulazman. Sa ki kler se ki i 

ankor boner pou nou swazir en bon 

direksyon, azir dan lentere pou nou 

loner bann zabitan. Ouswa nou 

kapab gaspiy nou lenerzi dan en seri 

konfrontasyon san sesman ki initil. 

Swa pou mwan i kler, nou dyaloge e 

nou trouv solisyon. Annou pa detri 

nou lekor e nou nasyon avek politik 

initil. 

Koman bann politisyen nou‟n 

swazir pou nou fer politik, me bann 

sitwayen ki nou reprezante pa‟n 

49

swazir pou zot vin viktim politik ki 

nou pratike. Si politik pe remet 

kestyon byennet nou pep, alors 

petet in ler pou nou poz politik 

dekote e donn en lape avek sa bann 

diskor ek dezord. In ler pou nou fer 

en desizyon brav, ennfwa e pour tou 

pran en nouvo direksyon. Prezidan 

Michel in fini pronons son lekor lo 

sa size, in plas en lenvitasyon ouver 

pou dyalog avek le de dirizan isi dan 

nou Lasanble. 

Msye Speaker i pran kouraz 

enorm pou en dirizan fer sa ki 

Prezidan Michel in fer. I pa fasil, non 

i pa fasil ditou. I pran vizyon lafors 

karakter e konfidans solid dan ou 

abilite pou dirize pou en dirizan 

inisye sanzman. Pa krwar ki 

sanzman i vin fasil. Vre sanzman i 

pa zouzou tou dimoun, i en keksoz 

ki ganny fer avek bokou kalkil e en 

enorm konsantrasyon. Napa en pep 

ki konpran sa zafer ki ou fer li pas 

atraver soufrans pou son prop 

dibyen, i pran kouraz e konviksyon 

de lapar en dirizan pour li reisi 

inisye vre sanzman dan en pei. Sa 

nou bezwen rekonnet e aplodi li dan 

nou dirizan. 

Si i annan en keksoz ki monn 

kwar vreman, sa se dan sikse sa 

reform e reisit ekonomik nou pei. Sa 

i a labaz mon konviksyon lo sa 

sitiasyon aktyel. Nou pou reisir, wi 

nou pou reisir, dan sa mon napa 

okenn dout. En nasyon for e 

kouraze parey Seselwa i kapab fer 

nenport kwa si i met son lespri 

ladan. Deza apenn 4 mwan in 

komans annan bann pti sinny 

laklerte ki nou kapab apersevwar lo 

lorizon. Nou‟n vwar rezerv dan 

labank, deviz etranzer ki pe ogmante 

dezour an zour, black market in 

preski disparet, rediksyon gradyel 

dan to lentere, en pti rediksyon dan 

pri karbiran avek gas, dile e delwil e 

resaman rediksyon lo plizye item 

esansyel ki tou fanmiy i servi. Sa se 

bann aksyon oubyen mezir konkret 

ki gouvernman in pran pou redres 

nou lekonomi. Lonorab nou pa zis 

pe koze, nou‟n fini pas a laksyon. 

Me nou devret vreman viz 

nou zefor ver kreasyon lanplwa. San 

lanplwa nou reisit pou les en gou 

anmer dan labous nou bann 

dimoun. San lanplwa nou pou 

posed en reisit e en mervey 

ekonomik ki pa a laporte nou bann 

dimoun. Sa ki nou devret fer se pou 

garanti partisipasyon ekonomik tou 

nou dimoun. Nou bezwen garanti 

partisipasyon dan lekonomi e akse 

avek resours ki egal e ki ekitab. Sa i 

le sel fason pour ki nou reisit 

ekonomik i vin en reisit sosyal e 

tradwir direkteman koman en 

benefis pour nou pep. 

A sa pwen fodre ki 

gouvernman i kontinyen avek son 

progranm lokalizasyon bann pos ki 

bann etranze i ganny ranplase par 

Seselwa kalifye opli vit posib. 

Msye Speaker mon oule koz 

brefman lo sa mekanizm proteksyon 

konsomater ki pe vin devan nou 

Lasanble byento. En seri lalwa pou 

pase me i pa pou deservi lentere nou 

pep si zis en kote ki vote pou fer li 

pase. Alors dan lespri dyalog e 

politik konsansis mon ti a kontan 

propoze si le de kote ti a kapab 

tonm dakor pou negosye e pou fer 

bann konpromiz lo bann diferan 

pozisyon. Annou zwenn ansanm pou 

pas en seri mekanizm legal ki ava 

dan lentere e protez nou pep e nou 

pei kont okenn dimoun ki oule 

degorz Seselwa avek profi 

egzorbitan. Wi nou rol se protez sa 

bann dimoun ki nou reprezante. 

Alors annou ini nou zefor pour nou 

50

met en lafen avek sa bann dimoun 

malonnet. 

Lo size derogasyon GST lo 

bann prodwi agrikol, mon oule 

premyerman felisit Lasosiasyon 

fermye e sa komite ki diriz sa 

lasosiasyon. Zot in angaz zot dan en 

dyalog pozitiv avek legzekitiv depi 

komansman sa prosesis reform. In 

annan bokou lesanz lide e lesanz 

pwennvi ki‟n pase e finalman le de 

kote in reisi pou tonm lo en lakor. 

Mon felisit sa lasosiasyon pou latitid 

pozitiv ki zot in pran e zot in 

efektivman demontre ki dyalog in 

marse. Zot in lobby gouvernman e 

zot ganny en bon rezilta. Kontinyen 

avek sa latitid pozitiv pou byennet 

nou bann fermye Seselwa. I annan 

ankor bokou keksoz ki ansanm dan 

en latitid pozitiv zot pou bezwen 

negosye avek legzekitiv pou ogmant 

kapasite prodiktiv nou bann fermye, 

dan lord, lape, linite nou pou arive 

fer bokou plis pour nou efektivman 

atenn nou bi komen, sa se food 

security dan Sesel. 

Lo kote gouvernman, Minister 

Finans in ankor ennfwa fer laprev 

fleksibilite. Sa proze reform 

ekonomik in deblok nouvo sours 

reveni pour gouvernman e sa GST ki 

ti kolekte lo bann materyo debaz 

pour lagrikiltir i nepli esansyel pour 

kof leta. Alors pourkwa pa pas li 

avek bann fermye ki an retour i ava 

pas li avek bann konsomater. Se sa 

lespri negosiasyon e konsansis ki 

devret definir teren politik Sesel, 

sirtou la ki nou pei pe pas atraver 

en boulvers ekonomik. 

Sesel anba direksyon 

Prezidan Michel nou‟n ariv a en 

moman dan nou devlopman kot 

nou‟n bezwen redwir groser 

gouvernman. Sa dan li menm i pa 

en move keksoz, la i reste pou nou 

retir birokrasi e reponn lapel pou en 

meyer servis. Annou aret vir nou 

bann dimoun an ron. 

Sa ki nou devret fer 

atansyon selman se ki nou pa les 

dimoun retonm dan labandon zis 

akoz nou redwir servis piblik. 

Zabitan Au Cap pa devret zanmen 

ganny delese. Nou bezwen avans 

devan koman en sel Sesel, en sel 

pep enn menm nasyon ki pe travay 

ver en bi komen. 

Sa nouvo direksyon ki 

Prezidan Michel in pran i demande 

ki nou travay ansanm, nou tou 

ansanm, lo en nivo nasyonal, 

gouvernman lokal, bann 

lorganizasyon saritab, sivik e 

relizyez, nou tou ver en sel bi. 

Nou bezwen travay pou 

permet nou pep pou maksimiz zot 

prop rannman e pou donn valer zot 

lavi, nou bezwen travay pou annan 

bann fanmiy pli solid e ini, plis 

loportinite, pli bon kalite ledikasyon, 

pli bon kalite servis lasante, servis 

ekonomik, sekirite propriyete, en 

lanvironnman sen. Se sa ki nou 

bezwen pou zabitan Au Cap. 

Pou konklir Mr Speaker mon 

ti a kontan fer rapel tou Seselwa pli 

partikilyerman bann zabitan Au Cap 

ki sanzman si i vre i pa touzour vin 

fasil. Souvan i ganny fer a labaz 

sakrifis e parfwa avek bokou 

difikilte. Dan le pase nou‟n pas dan 

bann moman bokou pli difisil me 

avek determinasyon nou‟n arive 

sirmont defi. Fransman mon pa 

vwar akoz ozordi nou pa kapab fer li 

me fodre ki nou fer li dan lape e dan 

linite. Nou toultan bezwen remind 

nou ki nou pe viv dan en vilaz global 

e lemonn toultour nou pe sanze e 

nou osi nou bezwen sanze si nou 

anvi reste konpetitiv. Alors annou 

51

zwenn avek Prezidan Michel e tou 

bann lezot regroupman dan pei pou 

donn nou soutyen sa reform. Sa ki 

sa reform i garanti zot se ki zot 

sakrifis pa pour anven. Ennfwa 

sanzman pou‟n konplete nou pei 

pou annan en lekonomi modern e 

solid kot nou zanfan pou kapab 

rezouir pli gran prosperite, sa 

sanzman ki annefe met en 

fondasyon ekonomik, solid pour 

lavenir e non pa pour le pase. Si 

nou anvi prospere annou sorti dan 

le pase ansanm annou viz ver 

lavenir pou en meyer prosperite 

pour nou nasyon e bann zenerasyon 

ki pe vini. Alors koste Seselwa. 

Ansanm nou kapab fer nou pei 

mont pli o ankor. Ki Bondye i vey e 

beni nou pei. Mersi Msye Speaker. 

(Applause) 

HON JANE CARPIN 

Mersi Msye Speaker, tou manm 

Lasanble, pep Seselwa, e tou zabitan 

Au Cap, bonzour. I en gran loner 

ozordi pou mwan ganny sa 

loportinite pou adres lepep Seselwa 

lo leta lanasyon. Koman en nouvo 

manm dan sa Lasanble i en loner 

pou mwan anmenn devan konsern, 

lenkyetid e laspirasyon nou pep. 

Permet mwan pou dir zot 

deswit ki deor dan bann distrik, e 

bann vilaz lenkyetid e fristrasyon i 

gran, e ki bokou dimoun pa konnen 

ki manyer zot pou nourir zot fanmiy 

e pey zot bill. Msye Speaker lannen 

2008 in vin koman en sok pou 

bokou dimoun, sirtou bann ki‟n met 

zot konfyans dan Prezidan Michel ek 

son bann promes. Sa bann dimoun 

pa ti zanmen ekspekte ki bann ki‟n 

ganny eleksyon pou fer totalman le 

kontrer avek sa ki zot ti‟n promet, 

zot ti krwar ki zot louvraz i garanti 

me la ozordi zot trouv zot san en 

lanplwa. Zot ti ganny dir ki zot 

larzan i an sekirite anba 

gouvernman Jj me zis detrwa mwan 

apre eleksyon sa menm gouvernman 

in devalye nou larzan par 200%, e 

pourtan zot ti ganny dir ki si zot vot 

SNP zot pou ganny pouse e sa R100 

ki zot annan dan labank pou vo zis 

R50. Ozordi avek devaliasyon, 

flotasyon, azisteman, oubyen realinnyman 

nou larzan sa R100 ki 

nou annan dan labank, i vo zis R30, 

mon pa kapab konpran alors ki 

manyer Prezidan i vin devan sa 

Lasanble e dir nou ki d‟apre li lepep 

in aksepte sa reform. Sa i fo Msye 

Speaker, lepep ti napa swa, lepep pa 

ti ganny konsilte, lepep pa ti ganny 

demann son lopinyon lo sa bann 

mezir ki‟n ganny pran. Zis en zour 

bomaten dimoun ti ouver zot radyo 

e zot ti aprann parey mwan menm 

ki IMF in debark Sesel e ki zot pe 

met anplas en progranm reform. 

Nou ti tande lo radyo ki roupi pe al 

ganny flote me personn pa ti 

demann lepep si i dakor. 

Wi Msye Speaker, sa bann 

mezir in ganny forse lo nou parey en 

latizann anmer e nou pe ganny dir 

si nou pa bwar nou pou mor. „Nou 

napa swa‟, Msye Michel ti dir nou 

semenn pase, mon kestyon alors se; 

akoz i pa ti dir nou tou sala avan 

dernyen eleksyon? Ozordi i dir ki i 

pe koz fran, e ki i pa pe kasyet 

laverite, eski sa i laprev ki dan 

lepase i pa‟n azir fran e i pa‟n koz 

laverite, se pou sa rezon ki in ganny 

elekte lo en platform frod. 

MR SPEAKER 

Onorab, term platform frod, koz 

manti, pa bann term parlmanter. 

HON CARPIN 

Parey mon‟n dir pli boner, dan 

kanton problenm i grav. I annan tro 

bokou manman ki pa kapab fer 2 

bout zwenn, i annan tro bokou 

52

zanfan ki pa pe al lekol akoz zot 

napa nanryen pou met dan zot 

bwat, i annan tro bokou dimoun ki 

pa pe kapab pey sa loan lakaz akoz 

lentere i mont tro o en sel kou, i 

annan tro bokou dezespwar ki pe 

anmenn vol, prostitisyon e 

destriksyon lafanmiy, i annan tro 

bokou moral kase e rev ki‟n brize. 

Koman reprezantan SNP pou distrik 

Au Cap tou lezour mon ganny 

konfronte avek problenm sa distrik. 

Sa kriz ekonomik ek soufrans ki 

Seselwa pe pas atraver pa‟n eparnye 

zabitan sa distrik, apard sa bann 

diferan realite lavi ki mon‟n 

monsyonnen pli boner, i osi annan 

bann promes kase lo size lakaz, 

semen, led sosyal, delo trete ek lezot 

promes fer par bann diferan MNA e 

Minis ki‟n pas dan sa distrik avan 

sak eleksyon. 

Mazorite sa bann promes 

pa‟n zanmen ganny realize pourtan, 

se zot menm ki ti dir zot annan 

zorey Prezidan. Ozordi malerezman 

ler zabitan Au Cap pe esper sa bis 

R7 lo bus stop, sa bann gran 

prometer pti donner i pase dan zot 

transpor e zot get lot kote semen. 

Lepep in fini ganny oubliye. 

Erezman zabitan Au Cap pe ganny 

zot en lot sans, en lot alternativ pou 

lavenir. Desizyon ki SNP in pran pou 

met mwan dan Lasanble i ofer en lot 

loportinite pou nou pran nou distrik 

dan nou lanmen e anmenn li ver vre 

progre e prosperite. E mon 

remersye lider e manm komite 

egzekitif mon parti pour sa desizyon. 

Mon napa zorey Prezidan mwan me 

mon determinen pou fer sa ki 

neseser pou ed mon bann zabitan, 

ziska zour ki mazorite lepep Seselwa 

i deside pou swazir en lot 

gouvernman pou nou pei. 

Mon vizyon pour mon distrik 

se pou met devan konsern bann 

zabitan e pouse ki zot demann i 

ganny ekoute. Mon pou fer sir ki 

mon sezi tou mwayen disponib pou 

met presyon lo gouvernman pou 

annan plis konsiderasyon pou bann 

dimoun ki pe pey loan lakaz. Sa pti 

rediksyon 1% a 2% ki bann labank 

in anonse pa ase pou soulaz 

soufrans sa bann fanmiy. Nou pe 

vwar bann fanmiy ki pri ant de swa, 

si i pey elektrisite ek delo, i pa 

kapab pey loan ou vis versa, sa i pa 

akseptab akoz toulede kote swa sa 

lakonpanyen, swa sa fanmiy pa pe 

benefisye. Avek sa kriz ekonomik 

nou pou vwar sa sitiasyon pou 

ogmante. 

Dan mon distrik mon konn 

dimoun ki pe fer 2 louvraz e menm 

en madanm ki pe fer 3 louvraz akoz 

dan Dimans i al drese kot en lot 

lakour. Eski i akseptab Msye 

Speaker ki menm avek 3 louvraz ou 

pa kapab fer sa 2 bout zwenn? 

Nou tann koz bokou lo 

lotosifizans kot i konsern lagrikiltir 

ek elevaz zannimo. distrik Au Cap 

parey tou dimoun i konnen i annan 

en bon pe fermye. Nou annan en 

dimoun ki en spesyalis dan 

lagrikiltir e ki zabitan Au Cap ti 

elekte li dan dernyen eleksyon me 

ki‟n reste lebra krwaze ler later 

lagrikiltir ti ganny pran avek zot pou 

fer lezot devlopman lo la. Sa kalite 

konportman, i destriktiv e nou pa 

pou kapab permet li kontinyen. 

Vizyon SNP ki osi mon vizyon se 

pouse pou fer sir ki bann later 

lagrikilitir i ganny proteze e rezerve 

an priyorite pou fermye pou zot 

kapab prodwir manze. In ler pou sa 

gouvernman aret pran later agrikol 

pou fer lezot devlopman lo la. 

En lot problenm mazer mon 

distrik se akse avek delo trete, pou 

zabitan St Roch, lakaz dan Tol 

53

Pointe au Sel e dan leo Green 

Estate, i pa akseptab ki pandan en 

kantite letan zabitan sa bann 

landrwa napa akse avek delo trete. 

Oli polisi gouvernman pou fer sir ki 

bann itilite esansyel i a dispozisyon 

bann dimoun avan fer alokasyon 

later oubyen lakaz avek zot. Bann 

dimoun Au Cap i dezapwente avek 

bann MNA, SPPF ki‟n ganny elekte 

dan zot distrik e pa‟n delivre parey 

zot ti promet. 

Mwan mon konn soufrans 

bann dimoun ki debout obor semen 

pou esper bis dan bomaten pou al 

travay. Parfwa zot esper bis plis ki 

3kar erdtan avan ganny enn, 

mazorite letan ni en plas asize zot 

pa gannyen, mon dir sa, akoz mon 

la parfwa ansanm avek zot lo bor 

semen. Ti deza annan en bis ki ti vir 

dan krwaze Montagne Posée dan 

bomaten me in zis arete san konnen 

akoz. Mon osi santi soufrans sa 

dimoun ki ler i debarke dan bis 

borlanmer Pointe au Sel, e napa 

mwayen pou pey en transpor pou 

mont anler dan Tol oubyen Mouripa 

avek son sak komisyon, mon‟n fer 

sa semen plizyer fwa apye e mon 

konn son soufrans. 

Msye Speaker, mon‟n ekout 

atantivman diskour Prezidan Michel 

Zedi pase. In eksprim son konsern 

ek sagren ler i dir i get sa manman 

tousel ki pe demann led, sa pti 

biznes ki pe esey debourye malgre 

bokou difikilte, sa papa ki rantre 

dan magazen e pa kapab pey tou 

komodite debaz pou son fanmiy. I 

annan osi en bon pe zenn ki‟n fini 

pos segonder dan distrik Au Cap 

depi Novanm e pe asize dan lakour, 

lavenir pa briyan ditou pou zot. 

Avek sa kantite dimoun ki‟n ganny 

depar volonter zot santi zot pli dan 

fernwanr. Annou donn bann zenn 

avek kalifikasyon sa sans pou 

travay e kontribye dan nou 

lekonomi. Si nou pa fer li nou pou 

toultan vwar ankor bokou etranze 

pe travay se nou. 

De lot kote, montre osi 

senserite ler zot dir koste Seselwa. 

Nou annan en kantite profesyonnel 

Seselwa ki‟n kit pei e al aletranze 

pou rezon politik, tir tou bann 

baryer tel ki security clearance rode 

ki afiliasyon politik en dimoun, e 

lezot ankor ki anpes nou bann zenn 

profesyonnel ganny en louvraz. 

Annan sa kouraz pou fer li, avan ki 

ankor plis nou bann profesyonnel i 

kit pei e ale. Ler mon monte desann 

e get ex-Reef Hotel sa lotel ki trouve 

dan mon distrik e pe reste fermen sa 

i vreman trist. I trist akoz i enn 

bann premye lotel apre louvertir 

airport ki ti akomod nou bann 

premye touris. Si i ti ankor pe 

fonksyonnen i ti a kapab pe anploy 

en santenn oubyen menm plis nou 

bann zenn. Lekel pei omonn kot ou 

vwar travayer lotel pe servi en lotel 3 

Star koman zot landrwar reste. 

Dan mon distrik i annan 

bann ka trakasan asosye avek depar 

volonter, oubyen plito nou apel sa 

depar forse. I drol pou tann MNA 

elekte sa distrik pou dir ki napa 

demann pou lasistans sosyal, i pli 

zoumwen annan demann pou travay 

dan distrik. Fer enn pti monte anler 

Gaza, i fermal kan en manman 8 

zanfan i ganny forse pou pran depar 

volonter e zis papa ki pe travay 

koman sekirite avek en saler ant 

R3,000 a R3,500. Eski i normal pou 

sa manman monte desann kot 

lazans welfare san garanti en 

larepons pozitiv? Sa ki ganny 

esplike lo televizyon i pa ditou sa ki 

bann dimoun i ganny dir ler zot al 

dan sa biro, i tou lekontrer pandan 

sa letan marmay pa pe al lekol. De 

lot kote sa aplikan ki pe rod 

54

lasistans pou ganny en carer i dan 

konfizyon. Sa ta kestyon ki ganny 

demande lo sa form i konfiz zot. 

Ozordi ler nou get sitiasyon ki 

nou ladan menm en paran tousel ki 

annan 2 ou 3 zanfan e pe ganny en 

saler R4,000 a R5,000 par mwan i 

osi devret ganny kategorize koman 

vilnerab. Si sa gouvernman i anvi 

konnen tou dimoun ki vilnerab, i 

devret fer en survey lo nivo sak 

distrik e la zot ava vwar larealite. Me 

enn bann realite pli for ki zot pou 

trouve ki avan sa reform ekonomik 

ti napa sitan kantite dimoun 

vilnerab, se zot ki‟n kree sa kategroi 

vilnerab e la zot dir ki fodre nou ed 

zot ek lasistans akoz Msye Speaker, 

sa gouvernman pa ti kit zot dan 

lanplwa, plito ki fer zot vin vilnerab 

e apre donn zot lasistans. Napa 

okenn lozik dan sa kalite desizyon. 

Wi nou dakor ki serten lezot 

pei pe pas dan difikilte ekonomik me 

nou lo sa kote latab nou‟n dir e pou 

kontinyen dir ki sa i pa le sel fakter 

pou nou problenm. Kontan pa 

kontan nou pou dir zot se 

mismanagement de lapar 

gouvernman, koripsyon, devaliasyon 

nou roupi e politik bon marse ki‟n 

anmenn nou kot nou ete ozordi, 

menm sa sef IMF Msye Mathieu in 

aksepte ki si gouvernman ti‟n pran 

bann mezir 10an pase nou 

problenm pa ti pou sitan grav 

ozordi. 

Msye Speaker mon kontan 

tann Prezidan Michel dir ki letan 

politik bon marse in fini, nou 

bezwen aksyon wi, politik bon marse 

in kout nou ser e fotespere ki SPPF i 

deside pou fini ek sa kalite politik, 

ennfwa pour tou. Depi lontan 

Onorab Ramkalawan pe dir sa me 

toultan in tonm dan bann zorey 

sourd, parey nou konnen tou keksoz 

bon marse a la fen dizour i kout ser, 

ziska ozordi lepep Seselwa in konn 

en bon pe kategori politik bonmarse 

anba gouverman SPPF. Ki mannyer 

ou apel letan pri marsandiz i o dan 

en pei e zis detrwa mwan avan 

eleksyon zot fer desann. Ler bann 

plas travay i ganny kree pou donn 

travay dimoun menm ki pa bezwen 

sa travayer dan bann departman e 

apre plitar zot bezwen fer depar 

forse e apel li depar volonter, letan 

materyo konstriksyon i ganny 

donnen partou an abondans e 

ganny vole apre oubyen trennen 

avek lavalas dan semen avan ki sa 

bann dimoun i ganny letan servi, ler 

pep Seselwa i ganny dir ki sa i vot 

pou en gouvernman SPPF pou 

annan plis larzan dan zot pos kan 

saler zis apre eleksyon tou keksoz i 

vin pli ser. 

Sa ki pli mal onnet se ki 

lafason ki marsandiz in monte e 

desann, mon a donn en legzanp; 

Dir en konparezon diri bastmati 

regular ki orizinalman ti R9 kek sou 

en kilo, in monte ziska la ozordi in 

arive R20.25 en kilo, si zanmen i 

desann i pa pou zanmen ariv osi ba 

ki son pri orizinal. Eski sa pa 

sanmenm sa politik bonmarse? Wi 

tou sa la in kout nou ser e get kot 

nou ete ozordi. Si vre i annan 

senserite dan son parol, pep 

Seselwa i ekspekte ki dan prosen 

eleksyon, nou pa pou vwar ankor sa 

bann keksoz ki mon‟n monsyonen. 

Wi nou bezwen aksyon e se 

gouvernman SPPF ki bezwen fer 

premye pa. 

Annou arete avek sa latitid 

arogan e dir ; „kile lopozisyon e les 

Jj travay‟. Pandan plis ki 10an SNP 

ti pe dir ki nou lekonomi pa ti dan 

bon me zot ti demanti sa. Prezidan 

Michel i dir si i pa ti enplimant sa 

reform ekonomik aparti lannen 

55

pase, kote nou ti pou ete ozordi? 

Nou dan SNP nou dir si i ti‟n 

enplimant sa reform 10an pase kote 

nou ti pou‟n arive ozordi? Nou ti 

pou‟n ariv lwen. Mon bann ser ek 

frer Seselwa, ki ozordi vreman i 

dan soufrans ler mon get bann ki‟n 

ganny trair par bann dimoun ki zot 

in met zot konfyans ladan mon 

senpatiz avek zot, menm bann ki‟n 

imilye mwan dan lepok avan e apre 

eleksyon, mon napa okenn lamertim 

anver zot, okontrer mon annan 

lapenn pou zot. Nou dan SNP nou ti 

konnen ti pou koumsa, si SPPF ti 

ganny ankor eleksyon. Alors nou ti 

met nou pare pou manz nou margoz 

anmer. Me zot ki manyer zot santi 

zot ozordi sirtou bann ki ti krwar ki 

Jj pou met larzan dan pos kreol, se 

pour sa rezon ler Prezidan Michel pe 

dir nou bezwen ini nou zefor e koste 

Seselwa, nou dan SNP nou dir zot wi 

koste me koste otour SNP. Pa fer sa 

fot ankor pou koste otour bann ki‟n 

anbet zot ek bann promes kase, 

bann lide ki‟n fail e ki‟n anmenn 

nou kot nou‟n arive ozordi, okontrer 

koste otour en bon vizyon pou Sesel, 

en lekip nef e dinamik, en group 

dimoun ki zot lanmen i prop e ki 

pou re-donn tou Seselwa sirtou 

bann SPPF ki‟n ganny arase zot 

dignite en nouvo sans dan lavi. 

Mersi Msye Speaker. 

(Applause) 

MR SPEAKER 

Onorab Terence Francoise 10 minit 

ou krwar ou pou‟n fini, non? Onorab 

Marie? non. Bon nou ava pran en 

break ziska 4er mwen 10. 

(Break) 


Mr Speaker zis mon anvi raise en 

point of clarification, viz-a-vi sa ki 

nou pe vwar lo Nasyon e sa ki SBC 

in anonse. Mon pa konnen si in 

annan okenn korespondans ant 

SBC avek - nou annan en media 

committee, ki deliberasyon Lasanble 

pou komans 9.45 lo televizyon, i pou 

ale ziska 10.45. Mon krwar si nou 

pe koz lo en size si enportan parey 

state of the nation e ki si nou pe osi 

koz lo lenportans Lasanble Nasyonal 

ki regard nou pep, 9.45 ziska 10.45 

i totalman inapropriye. 

MR SPEAKER 

Mon a take sa avek SBC, demen 

mon ava enform ou. Onorab 

Francoise. 

HON. TERENCE FRANCOISE 

Msye Speaker, Manm Lasanble, 

Zabitan Anse Royale, Frer e Ser 

Seselwa; Msye Speaker sa nasyon 

napa letan pou gaspiye, rezon ki 

nou napa letan set akoz ki zis o 

moman ki nou‟n antre dan nou 

reform ekonomik, lekonomi lemonn 

a son tour in vir latet anba. 

Nou napa letan pou gaspiye 

akoz ki nou pep pe demann solisyon 

e non pa divizyon avek konfizyon. 

Nou napa letan pou gaspiye akoz ki 

nou bann bezwen i irzan e fodre ki 

nou delivre lo lekspektasyon nou 

pep. 

Nou napa letan pou gaspiye 

akoz ki tro bokou nou lenerzi pe 

ganny depanse dan bann frivolite 

politik olye ki dan donn swen e 

soutyen nou pep. Nou napa letan 

pou gaspiye akoz ki zabitan Anse 

Royale pa pou les nou gaspiy ni en 

moman zot letan. 

Sesel ozordi nou bezwen en 

konsansis, nou bezwen en 

konsansis politik lo size reform, nou 

bezwen en konsansis politik lo size 

byennet nou pep. Nou bezwen en 

56

konsansis politik pou nou poz 

politik dekote pou 5 minit. 

Desizyon ki devan nou se si 

nou pou met nou pei e nou pep 

avan tou e mazin lo son prosperite e 

lo son lavenir. Mwan mon priyorite 

koman manm elekte pou distrik 

Anse Royale se pou fer avanse lakoz 

e lentere bann zabitan mon distrik. 

Prezidan Michel pe tras en nouvo 

semen, en larout kot olye nou 

annan konfli e konfrontasyon nou 

asize pou dyaloge e pou rezourd nou 

bann problenm dan en fason 

sivilize. 

Pandan en kenzenn lannan 

nou‟n an konfli e diskor. Pandan en 

kenzenn lannen politik in diviz nou 

pep e koz bokou domaz. Pandan en 

kenzenn lannen nou pa‟n avanse 

akoz ki nou‟n paralize, pe zis ekout 

nou prop dezord e nou prop diskord. 

Ozordi nou annan en dirizan ki oule 

met en lafen avek en politik 

destriktiv ki pe diviz e detri nou pep. 

Nou annan en dirizan ki posed 

kouraz pou dir nou koste e viv an 

pe. Nou annan en dirizan ki pe viz 

ver lavenir. Nou annan en dirizan ki 

krwar dan konsiltasyon e dan 

dyalog. Annou an retour annan sa 

kouraz pou reponn son lapel. 

Msye Speaker en pei pa 

kapab ganny dirize par laverti. Pou 

diriz en pei ou premyerman bezwen 

en plan. Sa ki‟n sorti tre kler diran 

sa deba se ki Prezidan Michel i 

annan en plan pour lavenir nou pei. 

Devan Prezidan i annan de dosye 

irzan, sa se premyerman nou 

lekonomi ki pe ganny adrese 

atraver reform. E dezyenmman nou 

stabilite politik ki Prezidan in ofer 

pou adrese avek dialog e lantant. 

Sa prosesis reform ki nou pei 

pe pas atraver i senpleman en veykil 

ekonomik ki pou permet nou avans 

nou pei dan direksyon ki nou ti a 

swete trouv li ale. Malgre ki mon pe 

servi sa mo senpleman i napa 

nanryen senp avek sa legzersis. 

Menm Onorab yer in demontre 

klerman ki i pa ganny en konpran 

letan ki in esey eksplike akoz ki nou 

annan en rezerv deviz o milye en 

kriz ekononmik enternasyonal. 

(a) Leksplikasyon tre senp se ki: 

roupi in flote e deviz pe antre 

dan labank olye al dan black 

market. 

(b) Gouvernman in koup lo 

depans e pe ranmas plis 

reveni. 

(c) Anba lagreman progranm 

reform avek IMF tou 

repeyman det ki ti pe pran 

nou pti larzan in ganny 

sispann ziska nouvo 

lagreman lo repeyman. 

Mon asire ki si zot ti aprose pour 

diskite, tou sa bann lenformasyon ti 

ava ganny mete a zot dispozisyon. 

Pou diriz en pei e pou kontribye ver 

direksyon pei i annan en kantite 

keksoz ki ou bezwen konpran. Ou 

bezwen konpran la fason ki 

lekonomi en pei i fonksyonnen. Ou 

pa kapab zis avanse koze san ki ou 

konsilte e esey konpran kwa ki pe 

vreman pase. 

Sel keksoz ki annan pou nou 

rezourd an se moman se nou 

lekonomi. Nou pou bezwen servi 

karakter, bon leker ek senserite 

pou aranz nou lekonomi. Letan ki 

nou‟n fini aranz nou lekonomi, la 

aprezan nou ava tourn nou 

latansyon anver lezot dosye mwen 

irzan. 

Size SBC pa pou aranz nou 

lekonomi, an se moman Public Order 

Act pa pou aranz nou lekonomi. Pini 

57

ann polisye ki ti pe travay le 3 

Oktob pa pou aranz nou lekonomi. 

Si SPPF i oule servi larzan son bann 

sponsors pou selebre 5zen pa ni 

aranz, ni deranz nou lekonomi. 

Lekel ki vin Anbasader ou non, pa 

ni aranz, ni deranz nou lekonomi. 

Komisyon elektoral pa pou aranz 

nou lekonomi e en eleksyon ki pou 

kout nou pei sepamwan konbyen 

milyon roupi pa pou aranz nou 

lekonomi. I pa eleksyon ki nou pep 

e nou pei i bezwen an se moman me 

solisyon konkret pou nou problenm 

ekonomik. 

Zabitan Anse Royale mon 

konnen ki an se moman zot pe fer 

fas avek bokou difikilte, e sa bann 

difikilte i pa pou termin la dan sa 

bann prosen zour. Nou lekonomi ti 

deza frazil avan ki nou ti anbark lo 

sa reform. Sa progranm reform 

parkont pe permet nou pou redres 

enpe sa ki ti pe deza mars mal. I 

pou pran enpe letan. I pou pran 

letan akoz ki i annan bokou 

koreksyon ki pou ganny fer, i pou 

pran letan akoz ki enn bann 

problenm mazer avek nou lekonomi 

se konfidans. 

Bann akter ekonomik i 

bezwen reganny konfidans ki nou 

lekonomi pou reste lo bon semen. 

Tou sa bann milye dolar ki ganny 

zenere dan nou lekonomi ki Onorab 

Henrie in dir nou, pou bezwen 

ganny konfidans sa bann 

biznesmenn pou zot fer antre zot 

larzan dan sistenm. Sa i pa en 

kestyon politik, me plito en mefyans. 

En mefyans ki enstanksiv, tou 

biznesmenn i oule protez son 

lenvestisman. I enportan ki ou 

reganny zot konfyans. Le moman ki 

zot konfyan ki lekonomi Sesel pe 

aranze, ki dolar pou annan e pou 

toultan annan dan nou bann 

labank. Ki pou napa okenn form 

lenterferans oswa manipilasyon 

artifisyel dan nou lekonomi. Ki pou 

napa okenn distorsyon. La tou sa 

bann milyon ava antre me pou sa 

arive nou bezwen tenir ferm avek sa 

reform. Nou bezwen angaz nou pou 

reste lo bon semen pour otan letan 

ki i pran. 

Zabitan Anse Royale, deza 

keksoz in komans aranz enpe, to 

lentere pou kontinyen bese, o fir e 

anmezir ki nou roupi i stabilize, pri 

lavi i ava stabiliz ansanm avek li. 

Bann dimoun ki posed karakter e 

bon leker ki‟n avans devan pou 

kontribye tel ki lasosiasyon bann 

otelye e lasosiasyon bann fermye pe 

asire ki benefis ekonomik i antre e 

ki sa i ganny partaze. Sa kreasyon 

larises pe ganny fer pa par 

gouvernman me plito par sekter 

prive zot menm, avek led e lasistans 

gouvernman koman en partener e 

fasilitater kle. 

Lazans byennet pe vin pli 

realis fas avek bann vre bezwen nou 

pep. La aprezan i reste pou zot 

delivre lo zot promes. Me malgre tou 

sala i pa pou fasil pou bann zabitan 

Anse Royal e keksoz pa pou aranz 

desito. 

Zabitan Anse Royale enn 

bann keksoz pli presye ki nou pep i 

posede an se moman se lape avek 

sekirite. Se zisteman sa lape e 

sekirite ki nou pa pou zanmen 

kapab les personn touse. Nou pou 

bezwen fer nou mye pour asire ki zot 

pa zanmen e zanmen met okenn 

dezord dan nou kominote. 

Rezon ki mon‟n lev sa size se 

ki akoz ki i annan serten ki ti a 

kontan profit lafebles pour zot avans 

zot prop lanbisyon. I annan ki ti a 

kontan profit lafebles zis pou zot tir 

zot fristrasyon. I osi annan ki ti pe 

58

fer sirkile en mesaz SMS ki ti pe 

demann nou dimoun pou desann lo 

semen. 

Zabitan Anse Royale fodre ki 

nou reste vizilan e protez nou 

kominote a tou moman. Nou annan 

nou bann defi wi, sa mon aksepte. 

Me pli pir ki en difikilte ekonomik, 

se ler o moman detres e diran ou 

soufrans kelken i vin estig ou avek 

negativite. 

Mon konnen ki i annan pou 

dir ki mon alarmis ouswa ki mon pe 

fer politik, me sourir en zonm i 

defwa kasyet bokou keksoz, i annan 

ki asiz avek ou, riy avek ou, koz zoli 

parol avek ou, me dan son leker ou 

pa zanmen konnen kwa ki pe pase. 

Malgre tou nou difikilte nou 

en pei ki‟n avanse, nou en pei ki‟n 

fer bokou progre dan en kourt dele 

letan. Nou en pei ki‟n sers pou elev 

son dimoun e pou arm zot avek 

konesans e kapasite. 

Ozordi nou en pei ki stab e 

tou lotour nou i annan bann baz 

solid pou devlopman. Tousala fodre 

nou proteze i enportan ki nou pa 

zanmen rekile fas avek difikilte. I 

annan bokou pei ki pli feb ki nou 

ki‟n antre anba programm reform 

IMF e menm nou 10 an pase nou ti 

bokou pli feb ki ozordi. Si 10 an 

pase nou ti‟n esey fer sa reform, nou 

baz ekonomik ti bokou mwen solid e 

bokou mwen prepare e nou dimoun 

ti pou‟n ganny bokou difikilte pou 

tenir sa sok. 

Si bann pei ki pli feb ki nou 

in reisi pas atraver sa progranm e 

zot in sirviv, zot in reisir e zot in 

prospere mon pa vwar okenn rezon 

akoz ki nou isi Sesel nou pa pou 

kapab fer li. Mon pa vwar okenn 

rezon akoz ki bann zabitan Anse 

Royale pa pou kapab pran sa reform 

e fer li vin en sikse pour zot e zot 

zanfan. 

Danze avek sa ki pe pase 

Sesel ozordi se ki i annan parmi nou 

ki pe depans bokou lenerzi pou fer 

nou dimoun angaz zot avek 

problenm e non pa avek solisyon. 

Nou sitan pe focus lo fer nou 

dimoun fristre ki nou bliye ki nou 

pep in ganny ase avek sa kalite 

politik e ki zot zis anvi viv, sirviv e 

fer zot lavi vin en sikse. 

Lo kestyon lanplwa mon 

annan enn ou de sizesyon. I 

enportan ki nou travay an 

partenarya avek sekter prive e non 

pa kont zot, mon dir sa akoz i 

neseser pour annan konsiltasyon 

ant gouvernman, sekter prive e 

letablisman politik. I fasil pou dir 

gouvernman ogmant saler, me lo 

kote sekter prive sa i bezwen ganny 

fer an konsiltasyon e an partenarya. 

I enportan pou bann dimoun 

ki pe sizer logmantasyon pou zot 

asize e diskite ansanm avek 

gouvernman e sekter prive, tousala 

i form parti sa prosesis dyalog. 

Sekter prive i deza pe pas 

atraver bokou problenm e an se 

moman nou pli gro defi dan sa pei 

se kreasyon lanplwa. Nou bezwen 

sekter prive pou kree plis larises e 

plis lanplwa. Lo zot kote sekter prive 

pe sinyale ki lekonomi pe kontrakte 

e ki i annan en posibilite ki byento 

zot pou komans met zot bann 

anplwayer lo depar parey pe pase 

partou a letranze. 

A‟n adisyon mon oule aplodi 

logmantasyon bann pre dan CCA, 

Concessionary Credit Agency e la 

mon ti a kontan lans en lapel pou 

fer keksoz vin pli fasil. I annan tro 

59

okou prosedir e birokrasi e sa 

lotorite i pran tro bokou letan pou 

aprouv bann pre. Si en dimoun pa 

kalifye, i pa neseser fer li perdi tou 

son letan monte desann e tourn an 

ron. Dir li depi lo komansman ki i 

pa kalifye. Mon osi sizere ki 

gouvernman ti a kapab fer li posib 

pou met sa fasilite loan a 

dispozisyon bann biznes egzistan ki 

pe fer fas avek problenm cashflow. 

Sa si i posib ava ede pou prezerv 

lanplwa e pou stimil nou lekonomi. 

La ankor touzour dan lespri reform 

ki nou anpes labi e gaspiyaz. 

Nou‟n met fitir nou pei dan 

lanmen nou bann ansenyan e nou 

bezwen kapab asire ki zot delivre lo 

promes nou bann zanfan. Mon ti a 

swete ki Prezidan Michel i reget 

seryezman dan kondisyon travay 

nou bann ansenyan dan kad son 

revi nasyonal lo ledikasyon. Me la 

osi si nou anvi avanse lo sa dosye 

nou pou bezwen redres nou 

lekonomi. 

Me a‟n atandan i enportan ki 

Prezidan i diriz bann zofisye 

konsernen pou pran dosye bann 

ansenyan o serye e la mon ava dir 

tre serye menm. Lansennyman i 

posibleman profesyon pli enportan 

dan nou pei e nou pa kapab annan 

en sitiasyon kot bann profesyonnel 

dan sa metye i rankontre plis 

difikilte, pli letan i progrese. 

Ansenyan i bezwen ganny 

konsiderasyon adekwa e solisyon 

aplikab. 

Lo kestyon transport piblik la 

ankor mon krwar ki i zis en kestyon 

aplik lozik avek bon sans. Si SPTC i 

posed bonn volonte, tou i posib. 

Mon oule osi propoze parey 

Onorab De Commarmond in fer 

resorti ki SPTC fodre i entrodwir en 

sistenm smart card ki vann, pour 

en mwan, pou 2 mwan, pour 6 

mwan e pourkwa pa enn an si il fo. 

Plis letan ki en dimoun i aste, plis i 

ganny discount. Ki kantite vwayaze 

ki en dimoun pou fer diran en 

lazournen zis akoz in ganny 

discount, Mr Speaker pa vedir ki i 

pou asiz dann bis diran en 

lazournen. 

SPTC i bezwen vin pli inovativ 

e vin avek bann solisyon ek 

teknolozi modern pou deservi sa 

pep. Mon oule osi propoze ki 

gouvernman i annan en lezislasyon 

pou ouver board SPTC, enpe dan 

menm lalinny avek STB. Les sekter 

prive antre, les zot aport zot 

kontribisyon. SPTC pa pou kapab 

kontinyen viv dan lepase. 

Enn bann pli gro problenm 

SPTC an se moman se pri karbiran. 

Mon konnen akoz ki mon distrik e 

distrik vwazen Takamaka pe soufer 

akoz sa. Nou bezwen bann solisyon 

pli inovativ e nou bezwen plis 

fleksibilite. 

Pou bann larout lwen, SPTC i 

devret les bann operater prive avek 

bann pli pti bis ki ti ava enterese 

deservi sa larout, sa ti ava ede pou 

bes konsomasyon karbiran sa 

lakonpanyen. 

Msye Speaker pou diriz en pei 

i osi pran kouraz avek konviksyon. 

Par son bann aksyon, Prezidan 

Michel in demontre klerman ki i 

annan sa kouraz, fransism ek 

lonnekte ki i pran pou diriz en pei. 

in lans nou pei dan en nouvo 

direksyon e in pran bann desizyon 

ki‟n defwa pa tro popiler me in fer li 

an bonn fwa e avek lentere nou 

dimoun aker. 

60

Zabitan Anse Royale Prezidan 

Michel i en zonm ki pe azir dan ou 

lentere e pour dibyen ou zanfan, 

mon pa krwar ki par son aksyon i pe 

rod pour li ganny eleksyon me plito 

pou son pep ganny en meyer 

kondisyon e en solisyon. Lo lot kote 

ou annan sa ki li i pe rod eleksyon. 

Mon pa krwar ki i pe azir dan 

lentere bann zabitan Anse Royal, i 

pe zis azir dan lentere ganny 

eleksyon. Mersi Msye Speaker. 

(Applause) 

HON. MICHEL MARIE 

Zabitan Mont Buxton, Koleg MNA, 

Msye Speaker. Sak zour ki nou leve 

nou dir mersi Bondye pour nou lavi 

e osi pour nou zoli pei parey nou 

Lim Nasyonal i dir „nou viv dan 

larmoni, lazwa, lanmour ek lape‟. 

Otour nou dan larezyon malerezman 

nou pe vwar lefe enstabilite politik 

parey dan Madagascar. Leson 

enportan pour nou tire, en semen 

kourt ki fodre zanmen nou ganny 

tantasyon pou pase. Apre bann zil 

leta franse dan karaib, notaman 

Martinique e Guadeloupe, i annan 

prediksyon ki La Reunion osi pe asiz 

lo en volkan politik ki pres pou 

eksploze. Nou Sesel ozordi nou pli 

gran atou se nou lape, nou 

trankilite, nou stabilite politik, an 

gro nou linite dan diversite. 

Msye Speaker lemonn ozordi 

pe travers son pli gran kriz 

ekonomik e finansyel. Tou pei pe 

ganny afekte, isi se nou nou pe 

komans santi rezilta sa resesyon 

mondyal dan nou lendistri touris. 

Bann prediksyon se ki si sa i 

kontinyen nou pou perdi plis ki 50 

milyon dolar par lafen 2009. Sa 

sitiasyon enkyetan i montre ankor 

ennfwa frazilite nou pei dan sa 

monn globalize, pti Sesel pe 

kontinyen sibir kapris lemonn. 

Problenm lezot pei in vin nou 

problenm, fait en milti nasyonal in 

vin nou traka. 

Koman en pei fas a en tel 

sitiasyon menasan i pou annan 

moman kot nou pou bezwen 

reaziste, rekalkile, rediskite, 

reorganize pour nou ganny meyer 

rezilta malgre sitiasyon i difisil. 

Gouvernman i merit fer tou sa ki 

posib, kan i posib pou soulaz sak 

fanmiy Sesel. I pa le moman pou rod 

popilarite politik lo difikilte nou pep. 

I pa le moman pou abandonn nou 

dimoun me koman en pep nou 

bezwen koste ansanm dan solidarite 

apre tou se nou pye diri ki pe ganny 

menase. 

Msye Speaker apre plis ki enn 

an isi dan nou Lasanble Nasyonal 

mon‟n realize ki bann desizyon 

radikal i souvan bann bon desizyon 

malgre i pa neseserman popiler. Ler 

mon fer letour distrik, depi dan 

Lenn ziska Roche Bois mon konstat 

lefe dir sa reform ekonomik dan 

lakour mon bann zabitan. Realite i 

difisil, mwens roupi pou depanse, 

difikilte pou ganny en travay, 

presyon lakaz, pri bis, pri elektrisite, 

lentere labank, pri marsandiz, 

konpleksite sistenm carer, problenm 

cash flow pour bann pti biznes. 

Nou pep pe viv dan en moman 

ensertitid avek bokou presyon. Leta 

mon distrik i difisil. Nou nasyon pe 

pas dan serten difikilte. Me Msye 

Speaker sa bann difikilte i merit 

ganny eklere par optimism e lespwar 

ki nou sitiasyon pou amelyore dan 

10 mwan, dan 2 an, dan 3 an. Deza 

nou pe komans santi serten 

soulazman. Legzanp; nou rezerv ki‟n 

sorti par anba 10 milyon dolar pou 

ariv 50 milyon dolar dan lespas 4 

mwan. Lazans welfare ki pe revwar 

bann mezir ki pou permet plis 

dimoun ki vreman bezwen kapab 

61

ganny lasistans ki vreman 

rezonnab. Lentere labank pe 

komans desann, en bail out pou 

HFC pou soulaz bokou dimoun ki 

deza annan loan avek sa 

lakonpannyen, GST ki‟n ganny 

retire lo latizann. 

Fas a sa bann difikilte reel ki 

nou pep pe fer fas avek, nou 

Lasanble i annan en rol enportan 

pou soutenir nou pep. Nou Lasanble 

ozordi i merit reste sa lalimyer pou 

ekler nou pep dan sa brouyar lavi, 

nou Lasanble i merit reste sa lavwa 

lespwar tou nou pep. Msye 

Speaker i kler ki malgre nou difikilte 

aktyel, nou pep pa oule ki nou 

kontinyen fer divizyon politik ler zot 

zot pe sey debourye pou fer 2 bout 

zwenn. Nou bann dimoun aze pa 

oule ki nou ensilte kanmarad lo 

televizyon me zot oule ki nou met 

nou latet ansanm pou trouv en 

solisyon soutenab pou ki zot 

kontinyen ganny en lasistans kot 

lakour. Nou lazenes ozordi pa oule 

ki nou kontinyen fer lager ant nou 

pase ek nou prezan. Me zot oule ki 

nou adisyonn tou nou lentelizans ek 

bonn volonte pou garanti zot en pli 

meyer lavenir ki nou nou‟n gannyen 

par sa zenerasyon ki ti vin avan 

nou. 

Msye Speaker parol ki dan 

labous tou dimoun ozordi, se 

reform. Reform i zis en mo e sa ki 

enportan se rezon pou annan 

reform, se rezilta e benefis final ki 

konte malgre ki ozordi nou tou nou 

pe santi douler. Paregzanp Msye 

Speaker mon‟n note depi yer, napa 

en manm lot kote latab ki‟n koz lo 

problenm forex, pourtan sa size ti 

domin tou deba leta nou nasyon 

pandan sa dernyen 10 an. Akoz sa 

size in sanble ganny oubliye? Sa size 

ozordi pe ganny rezourd zisteman 

par sa menm reform ki lopozisyon i 

sanble kont. I vre ki ozordi dolar in 

sorti R8 pou al R17 me rezilta ki 

konte, labank i annan pou donn tou 

dimoun. 

Msye Speaker partou kote i 

annan presyon, nou standar lavi pe 

ganny konpromi, nou pa kapab 

renye bann difikilte sosyal ki nou 

pep pe pas atraver. Me nou pei i 

bezwen pa fer serten fot lepase. Nou 

bezwen evit tantasyon serten 

stratezi ki pou al kont 

modernizasyon nou lekonomi. Nou 

annan serten difikilte ozordi me i 

kler ki nou pou reisi dan sa demars 

pou donn nou pei en nouvo model 

lekonomi. Mon annan konviksyon ki 

nou pou sorti venker menm si 

parfwa nou kapab tonbe. Me sa ki 

enportan se ganny kouraz pou leve e 

kontinyen larout. 

Msye Speaker dan sa moman 

difisil nou solidarite imen i merit fer 

nou ouver nou leker avek 

konpasyon pou enn nou vwazen ki 

dan vre bezwen. La mon mazin parol 

sa poet Endyen Khalib ki dir; My 

companion’s condition is a reflection 

of my soul’. Osi nou lafwa divin in 

fer nou konpran ki „I am my 

brother’s keeper and I will be your 

comfort’. E osi nou bann frer 

Misilman i partaz sa menm mesaz 

konpasyon dan zot lansennyman 

Sadaka ki koz lo lasarite e lasistans 

pour bann ki dan vre bezwen. 

Dan sa moman resesyon nou 

pei i bezwen stabilite dan plas 

dezord akoz nou gran depandans lo 

touris. Nou pep malgre son diferans 

politik pa oule rayot lo semen, lape, 

sekirite nou pei i bann kondisyon 

esansyel pou sa reform reisir. 

Seselwa i konpran sa byen. Alors an 

gardan nou lape, pour mwan i pou 

pli gran kontribisyon ki nou pep pou 

62

fer dan la reisit modernizasyon nou 

lekonomi. 

Msye Speaker la ki nou pe 

travers sa kalite boulversman, nou 

pei i bezwen santi li an sekirite avek 

en strong leadership. Nou pep napa 

okenn dout lo kouraz ek kapasite 

Prezidan Michel pou diriz nou pei 

dan sa moman eksepsyonnel nou 

listwar. Prezidan Michel pe travay 

overtime pou ed nou travers sa 

moman pli dir dan nou reform 

ekonomik. Mon osi not sipor nou 

Lasanble anba ou direksyon, Msye 

Speaker. Sa i demontre ki nou 

ankor senser avek nou 

sermantasyon pou defann 

konstitisyon nou pei ki swa dan 

botan oubyen movetan. 

Modernizasyon nou lekonomi 

i merit mars kot a kot avek 

modernizasyon nou bann lotorite 

distrik. Sa modernizasyon a permet 

nou bann kominote vin pli for e pli 

rezilyan. Nou bezwen ranforsi 

kapasite nou bann lotorite distrik 

pou zot fer fas avek bann defi lokal 

dan tou nou bann distrik. Bokou 

solisyon nou difikilte i kapab ganny 

rezourd par nou bann kominote zot 

menm. Nou nou bezwen zis 

empower zot ankor plis. Tou dimoun 

i annan en keksoz ki i kapab 

kontribye dan lavi son kominote. 

Ler nou pe rezourd bann 

fondamantal nou lekonomi, akote sa 

i kler ki nou bezwen revwar nou 

bann stratezi ledikasyon tout an 

gardan nou filozofi sakre ki akse 

pour tou san okenn diskriminasyon. 

Pour nou travers sa nouvo frontyer 

devlopman, Sesel i bezwen en 

ledikasyon modern, pour en 

lekonomi modern dan en pei 

modern. I ekonomikman enperativ 

ki nou devlop tou nou bann talan e 

skills ki annan dan nou pei. Nou 

merit osi geri sa maladi ki apel 

braindrain. E enn bann medikaman 

pour sa se ki nou bezwen en nouvo 

sans patriotik. Nou tou nou kontan 

nou pei me an retour nou pei pe 

demann nou lanmour san okenn 

kondisyon. 

Msye Speaker par lao tou sa 

nou bezwen ankouraz ankor plis 

nou bann graduates e nou bann 

profesyonnel. Pour nou reisi dan sa 

nouvo staz nou lekonomi nou 

bezwen kont 100% lo nou bann 

profesyonnel Seselwa. Nou tou nou 

konnen ki Seselwa i annan kapasite. 

Moman in arive pour nou ganny plis 

dividend pour sa kantite 

lenvestisman ki nou‟n fer dan 

training tou nou bann Seselwa. 

Avek bann konsesyon ki nou 

ti donnen pou devlopman lendistri 

touris, sa in fer nou ganny bann 

gran mark lotel isi Sesel. La nou pe 

koz Hilton, Meridien, Four Seasons, 

Banyan Tree. Ler sa bann dimoun 

ti vin Sesel zot ti fer nou konnen ki 

zot osi annan kantite lezot lotel dan 

tou kwen lemonn. Ozordi fas a sa 

resesyon ki kapab anmenn mwens 

touris dan zot letablisman, mwan 

mon pe demann avek sa bann gran 

lotel pou servi redundancy nou 

bann Seselwa koman dernyen 

opsyon. Me petet servi sa moman 

pou donn training tou nou bann 

Seselwa par senpleman anvoy zot 

attachment dan tou zot bann lezot 

lotel atraver lemonn. Sa i posib 

Msye Speaker. Pandan ki Kenya ti 

annan rayot, Hilton pa ti met 

personn deor laba Kenya me i ti 

profite pou anvoy tou son bann 

travayer Kenya atraver lemonn. I 

annan ki ti menm ganny sans vin isi 

Sesel. 

Yer Msye Speaker Onorab 

Lider Lopozisyon ti pe koz lo 

63

ekonstriksyon Nasyon Seselwa, 

mon zis demande Msye Speaker si 

Lider Lopozisyon ti pe konpar nou 

pei avek Gaza. Eski dan Dimans ler 

bann lafanmiy Seselwa i lo lans 

Beau Vallon eski sa ki i anvi 

rekonstrir. Ler nou bann lazenes i 

al dan diskotek tou le weekend, eski 

sa ki i anvi rekonstrir Msye Speaker. 

I kler ki globalizasyon i ofer 

lemonn bokou loportinite me in osi 

kree bokou ensekirite. Bann pti pei 

parey nou pou toultan ganny afekte 

par bann boulversman ki pase dan 

lemonn. Napa narnyen ki nou 

kapab fer laba. Me isi se nou, nou 

bezwen reste fikse lo nou misyon 

pou reorganiz nou lekonomi. Nou pa 

kapab tir nou lizye lo 

modernizasyon nou servis piblik. 

Nouvo lapros pour nou 

sistenm welfare sosyal pa merit en 

lapros paternistik me en lapros 

loportinite e responsabilite egal. 

Nou‟n realize ki gouvernman napa 

solisyon pou tou keksoz. Me 

anmenmtan ki gouvernman i kree 

loportinite, sak Seselwa, sak 

sitwayen i bezwen pran son 

responsabilite. Pour mwan Msye 

Speaker, ozordi nou deba politik 

nasyonal pa merit vreman enn ant 

SNP ek SPPF me sa deba i merit enn 

ant pesimist ek lafreyer lo en kote e 

lot kote kouraz ek lespwar akoz 

larepons pour tou nou lafreyer se 

lespwar. Me lespwar i demann lafwa 

ek krwayans dan nou menm. Se 

nou krwayans ki pou vreman fer 

nou transmet mo a‟n aksyon. Msye 

Speaker si ou ki krwar dan lazistis 

sosyal, dan distribisyon ekitab nou 

larises, dan fair play dan legalite 

loportinite, krwar osi Msye Speaker 

ki se lo sa semen reform ki nou 

kapab atenn sa bann lobzektif nob. 

Me mazin osi si nou pa reisi dan sa 

demars, lekel ki pou plere, lekel osi 

ki pou rezouir, lekel ki pou vreman 

pran ou zentere. Ozordi 

boulversman dan lemonn e sitiasyon 

aksyel nou pei pe donn nou bokou 

defi. Me pour nou, nou pep Seselwa 

pa merit annan okenn defi ki pli 

gran ki okenn loportinite kot nou 

kapab fer en vre diferans dan lavi 

nou pep. Ozordi i moman pou travay 

ansanm pou fer Sesel vin en meyer 

pei. Se sa kontribisyon ki listwar pe 

demann nou pou fer. Sa nouvo 

zenerasyon pou kont lo nou, zot 

lavenir i depan lo nou aksyon 

ozordi. Annou pa dezapwent zot. 

Mersi Mr Speaker. 

(Applause) 

HON DAVID PIERRE 

Mr Speaker, manm Lasanble, 

zabitan Mont Buxton, pep Seselwa 

bonn apre midi. 

Mr Speaker i vreman tousan 

pou vwar sitiasyon ki nou pei Sesel 

ek son pep i vwar li ladan ozordi. 

Lavi in dir, pri manze i egzorbitan, 

pri bann litilite piblik tel ki delo ek 

elektrisite in pas par lao latet 

Seselwa e pri bann servis tel ki 

telefonn, internet e servis bis in 

monte e dan serten ka in menm 

double me malerezman Prezidan La 

Repiblik atraver son diskour tre 

kourt Zedi pase pa‟n donn Seselwa 

okenn lespwar. Lespwar pou lavenir 

sa pei, lespwar pou lepep Seselwa 

ozordi i retonm lo zepol SNP e lepep 

Seselwa pe finalman realize e pe 

met li pare pou larive sanzman an 

2011. 

Ozordi Msye Michel limenm 

in lans en lapel pour ki Seselwa i 

inifye, pour ki Seselwa i koste, pou 

fer monte nou pei e pou tir li dan sa 

kriz. Mon kontan trouve ki Prezidan 

Larepiblik in finalman rekonnet ki 

nou bezwen sipor tou Seselwa pou 

64

fer progrese sa pti pei ki apel Sesel. 

Mon kontan trouve ki lepok Sesel 

pou SPPF e SPPF se Sesel parey zot 

ti kontan dir sak fwa ki zot ranport 

en eleksyon in fini. Mon kontan 

trouve ki lepok sa ki pa kontan 

Sesel, avyon i pase, bato i pase, e 

zot kapab ale, in fini. E lepok, kile 

lopozisyon, kile ki ti parey en lalinny 

dan zot manifesto dan sa dernyen 

eleksyon in finalman trouv son plas 

dan bin listwar. I sanble ki Prezidan 

Larepiblik in realize ki sa kalite 

politik bon marse pa annan en plas 

dan nou pei Sesel. 

Travay ansanm, wi, me eski 

SPPF i anvi ki sa dyalog i reisir. Eski 

bann Manm Lasanble SPPF i pare 

pou respekte en tel dyalog e dir 

mwan si i annan en sanzman dan 

mindset serten bann manm 

Lasanble lo kote SPPF ki ti 

undermined sa prosesis dyalog 

dernyen fwa ki en lesey dan sa 

direksyon ti ganny fer. Paregzanp 

bann ki ti fer bann komanter lo delo 

cool easy, bann ki ti vin rakonte dan 

sa Lasanble sa ki ti swadizan pase 

dan sa bann tel rankont ki ozordi 

Prezidan Larepiblik pe repropoze. Mr 

Speaker mon vreman pa anvi al dan 

sa bann detay me sa kalite mindset 

eski in sanze, oubyen eski finalman 

nou bezwen sanz sa whole set of 

minds avan ki dyalog i kapab pran 

plas e vreman aport son fri. 

Mr Speaker eski vreman sa 

laplenn lo ki lopozisyon pe ganny 

demande pou koste pou travay 

ansanm i vreman nivo. E eski 

vreman sa bann kondisyon anba ki 

SPPF i anvi nou travay i bann 

kondisyon ki pou permet lepep 

Seselwa rekolte fri tou sa travay. Mr 

Speaker se la kot mon problenm i 

ete, se la kot problenm lopozisyon i 

ete, travay ansanm pa en prolenm lo 

limenm akoz nou tou nou Seselwa e 

nou tou nou anvi vwar nou pei 

progrese. Me tou sa ki kontan son 

pei i anvi vwar ki dyalog i ganny fer 

dan lonnekte e dan latransparans 

kot i annan bann bon lalwa e bann 

bon laplikasyon sa bann bon lalwa, 

kot the rule of law i vreman aplike e 

kot laliberte, lazistis, laverite e vre 

demokrasi i renye dan sa pei. Alors 

dan sa konteks mon anvi klerman 

dir ki sa laplenn lo ki gouvernman i 

anvi nou koste pour nou travay i 

reste anpant. Ranpli ek baryer e i 

pankor ganny nivle. Nou dan 

lopozisyon nou pa pour kapab koste 

pou travay lo en tel laplenn akoz 

nou travay pour zis en gaspiyaz 

letan. I pou zis en legzersis initil. I 

pa pour anmenn okenn rannman 

pour sa pep e nou pa pou rann 

lazistis nou nasyon Seselwa, nou pa 

pou rann lazistis sa fanmiy ki pe 

ganny difikilte pou li pey son bill. 

Nou pa pour rann lazistis sa 

manman tousel ki napa ase pou 

okip son zanfan, nou pa pour rann 

zistis sa papa ki rantre dan 

magazen e ki pa kapab pey tou 

komodite debaz pour son fanmiy. 

Nou pa pour rann lazistis sa pti 

biznes ki pe debourye me ki pa 

kapab fer fas ek sa kriz ekonomik ki 

SPPF in met nou ladan e nou pa 

pour rann lazistis sa boug ki‟n 

ganny viktimize e ki pa kapab travay 

dan son prop pei, parey mon prop 

frer e parey enn mon prop zanmi ki 

annan plis ki 10 an ki i pe esey rod 

en licence taksi. 

Seselwa i anvi en 

gouvernman ki pare pou travay pour 

li e ki pou anmenn progre ki dirab e 

ki soutenab pour Sesel. Seselwa 

nepli anvi viv dan lensertitid parey 

nou‟n vwar nou ladan pandan sa 

bann dernyen lannen. Legzanp 

tipik i sa kalite lensertitid ki zot in 

met bokou nou bann vyyar ladan. 

Avan eleksyon zot ti ganny dir ki zot 

65

pou ganny carer ziskan zot dernyen 

zour. Apre eleksyon zot ti ganny dir 

ki carer pou ale ziska Desanm e 

apre ti pou ale ziska Zanvye e apre 

la carer pour ale ziska Avril e ozordi 

sa bann vyeyar pa konnen vreman 

kote zot debout. 

En lot legzanp i se ki lepep 

ti‟n gnany dir avan eleksyon ki zot 

pou ganny peye konpansasyon pour 

letan servis pour travay ki zot in fer 

ant 1979 e 1992 me sa bann 

dimoun pa ankor ganny peye. Si se 

sa ki Msye Michel i anvi fer avek sa 

pep mwan mon pou dir avek li ki 

lepep Seselwa in fatige, lepep 

Seselwa i anvi en sanzman. E mwan 

alors mon pou lans en lapel avek 

Prezidan Larepiblik pou li angaz li 

premyerman pou nivle sa laplenn. 

Vin kler, vin onnet, vin ek senserite 

e vin pou travay pou tou Seselwa e 

Lider Lopozisyon ek son lekip i ava 

donn ou son lanmen pour ki nou 

kapab fer travay ki rantab e ki dirab 

pour tou Seselwa. 

Dan sa loptik mon demann 

gouvernman SPPF pou aret zir 

dominer e pou komans travay pou 

fer avanse nou demokrasi dan tou 

son sans. Demokrasi, sa labaz ki 

donn sak endividi son bann drwa 

fondamantal, son laliberte, 

lendepandans ek lazistis. Msye 

Michel, mon anvi ki ou konsider sa 

bann demann swivan: 

1. Premyerman. Ou‟n lans en 

lapel pour ki bann manm 

elekte dan distrik i fer zot 

travay parey i devret ganny 

fer. Me pou nou kapab fer 

sa SNP i demann ou pou 

ouver Ladministrasyon 

Distrikt pou tou Parti 

Politik. SNP i kont lefet ki 

en parti politik i kontrol tou 

keksoz ki arive dan en 

Ladministrasyon Distrikt e 

nou kont lefe ki en 

Ladministrater Distrikt 

ozordi i bezwen en manm 

SPPF parey Ex-Minis Pool in 

deza dir nou isi menm dan 

sa Lasanble. E nou pou fer 

sir ki Ladministrater 

Distrikt i aret fer kanpanny 

pour sa kandida ki 

reprezant sa parti politik ki 

opouvwar dan son distrik. 

2. Dezyenm keksoz. Dyob 

Ladministrater Distrikt i 

devret ouver pou nenport 

Seselwa ki annan sa 

konpetans e ki kapab 

montre son lendepandans 

dan travay ki i fer. E i 

bezwen travay pour tou 

dimoun dan son distrik. 

San fer okenn preferans lo 

okenn baz politik. Si zot pa 

pare pou fer li la konmela 

menm, nou, nou‟n pare pou 

anmenn sa kalite sanzman 

ki lepep Seselwa i kapab 

krwar ladan apartir 2011. 

3. Trwazyenm keksoz: Nou 

anvi ki deswit zot renons e 

aboli Security Clearance. 

Mr. Speaker, ki mannyer 

ou kapab aksepte ki nou 

koste pou travay ansanm ek 

en gouvernman ki ankor 

krwar dan diskriminasyon 

kont bann ki pa siport son 

parti politik. Ki mannyer 

nou kapab koste ler i annan 

ankor diskriminasyon dan 

travay baze lo baz politik. Ki 

mannyer nou kapab koste 

ler desizyon pou donn carer, 

koman en legzanp i depann 

lo afilyasyon politik oubyen 

lo lekel ki ou frekante. Ki 

mannyer Seselwa pou koste 

kan i annan ankor son frer 

66

ki pa pe ganny promosyon 

dan travay akoz son 

afilyasyon politik oubyen en 

lot ki pa pe ganny son 

licence pou fer biznes akoz i 

pa siport SPPF. Oubyen 

menm en lot ki bezwen ferm 

son laferm akoz en Minis 

dan gouvernman pa kontan 

li. Mr. Speaker, sa i 

deplorab e nou‟n fatige viv 

dan en tel Sesel. 

4. Katriyenmman; Fodre 

ki leta i donn Seselwa 

lendepandans lenformasyon 

pour ki annan vre laliberte 

lekspresyon dan sa pei. 

Seselwa i nepli kapab viv 

avek sa kalite SBC ki nou 

annan ozordi. Seselwa i anvi 

vwar en SBC kot bann 

travayer i vreman ganny sa 

sans pour zot fer zot travay 

dan en fason lib e dan en 

fason profesyonnel e 

endepandan. Nou anvi vwar 

ki kontrol leta lo SBC i 

disparet. 

Nou anvi ki Prezidan Michel i 

montre son senserite dan sa 

ki i fer an metan an 

aplikasyon bann 

rekomandasyon lo SBC fer 

par Ziz Reilley e ki ganny 

trouve dan Reilley Report lo 

levennman Le 3 Oktob. En 

rapor ki Prezidan Larepiblik li 

menm ti inisye e ki‟n kout 

Sesel plizyer milyon roupi. 

Montre lepep ki sa 

levestisman ki Prezidan li 

menm ti pran desizyon pou 

fer lo non sa pep i pa ti zis en 

larzan gaspiye. Lopozisyon e 

lepep Seselwa pou ziz ou par 

ou aksyon e non pa par ou 

parol. La i en sans pour ou 

prouve ki ou senser dan sa ki 

ou dir e dan sa ki ou fer. 

La ki Dirizan Lopozisyon in 

fer kler e in anons son bann 

spokespersons, nou anvi ki 

Prezidan Larepiblik i fer tou 

dan son pouvwar pour 

garanti ki Lopozisyon i ganny 

akse ekitab ek medya 

nasyonal avek bi pou anmenn 

latransparans pou anmenn 

bon gouvernans e pou 

ranforsi nou demokrasi. 

5. Senkyenmman; SNP i anvi 

lendepandans dan Servis 

Piblik. Seselwa i anvi ki 

politik i ganny tire dan 

servis piblik. Lazenes 

Seselwa i anvi trouve ki 

servis piblik i aret 

fonksyonn anba kontrol 

bann politisyen. Fodre ki 

tou Seselwa i santi li lib pou 

desarz son responsabilite 

dan en fason ki anmenn 

benefis pou zot, pour zot 

lorganizasyon travay e pou 

zot pei. 

Mr. Speaker, sa i serten bann 

kondisyon ki nou kapab sanze 

imedyatman e ki a montre ki Msye 

Michel i senser e pare pou nivle sa 

laplenn pour garanti ki sikse pour 

sa travay ki li i pe propoze. Msye 

Michel in fer plizyer statement ki 

enteresan sirtou lo nou sitiasyon 

ekonomik. In koz lo timing pou 

reform e in demann klerman kote 

nou ti pou ete si i pa ti‟n enplimant 

reform lannen pase. Me kestyon ki 

Seselwa pe demande se akoz ki 

gouvernman pa ti fer reform e pran 

bann mezir korektiv pou adres nou 

sitiasyon ekonomik 10an pase. 

Pandan ki Prezidan ti Minis 

Finans e ler Chamber of Commerce ti 

67

pe demann li pou fer li, ler SNP ti pe 

demann li pou fer li e ler IMF, World 

Bank, Linyon Eropeen ti pe ensiste 

ki zot fer li, sa lepok nou lekonomi ti 

zis dan en pti lafyev e nou ti pou 

bezwen pran zis panadol konpare 

ozordi ler i dan en staz kritik e nou 

retrouv nou lo en latab loperasyon 

kot nou pe forse pran bann pilil ki 

vreman anmer. Eski zot krwar ki 

nou devret dekrir en tel leadership 

koman enn ki a kler, konpetan e 

efikas? 

Konsekans, Msye Speaker, i 

se ki ozordi en kantite travayer in 

perdi zot lanplwa. Nou det total i vo 

plizyer bilyon roupi. E nou roupi in 

devalye par anviron 200% par rapor 

avek 2006. Sa in koz en gran 

rediksyon dan pouvwar aste tou 

fanmiy Seselwa e in ogmant sa 

kategori bann dimoun ki ganny 

konsidere koman vilnerab. I 

enportan pou Prezidan Larepiblik 

ganny li kler ki malgre ki i annan en 

pti logmantasyon dan saler, sa pa‟n 

zanmen kouver lefe e lenpakt ki sa 

gran devaliasyon anviron 200% in 

anmennen lo ledo tou fanmiy 

Seselwa. 

Sa papa ki Prezidan Michel in 

koz lo la, lo komansman son 

diskour, i bezwen pa kapab pey tou 

son bann komodite pour son fanmiy 

akoz avan Eleksyon si i ti pe ganny 

SR3000 par mwan son SR3000 sa 

lepok ti vo anviron 546 dolar. Me 

apre devaliasyon menm si i ti ganny 

en pti logmantasyon SR500 son 

SR3500 i prezan vo zis anviron 218 

dolar. Dan sa konteks i kapab dir ki 

son saler in redwir par plis ki 

lanmwatye e vin onnet akoz se sa ki 

pe koz sa gran problenm pour tou 

fanmiy Seselwa. Plis ki sa fodre nou 

mazinen ki Sesel i pli zoumwen en 

pei enportater. 

Mr. Speaker, dan sa menm 

loptik, en Seselwa ozordi avek en 

Masters Degree paregzanp ki li i ti 

pe ganny R6,000 a R7,000 par 

mwan, son saler ti ekivalan plis ki 

1000 dolar. Me ozordi i vwar li, pe 

ganny enpe mwens ki 500 dolar. E 

sa kalite ekivalans dan rediksyon 

saler konbinen ek lefe ki plizyer 

Seselwa in perdi zot travay in koz 

bokou fanmiy Seselwa pou rantre 

dan kategori vilnerabilite. E 

konsekaman sa in koz sa serk bann 

fanmiy ki ganny konsidere koman 

vilnerab pou ogmante. Ozordi 

laplipar fanmiy Seselwa i vilnerab. 

Mr. Speaker nou konnen ki i 

annan en Welfare Agency me nou 

osi konnen ki i enn ki pe donn en 

pake lenfirmite sa bann menm 

kliyan ki li i sipoze servi. Alors, dan 

sa lalinny lepep Seselwa i anvi vwar 

en vre besman sibstansyel dan pri 

bann komodite debaz. Lepep pa anvi 

ankor tande ki STC pe fer desann 

bann pri par R1 oubyen par 25sou. 

Ozordi lo non sa pep SNP pe 

demande ki gouvernman i fer 

desann pri lavi imedyatman. An plis 

ki sa, lepep Seselwa pa anvi tande ki 

se sa kriz enternasyonal ki pe fer sa 

oubyen ki annan bann lezot pei ki 

pe pas dan kriz. Seselwa ozordi i ase 

entelizan pou li konnen ki, wi, i 

annan bann lezot pei ki son nivo 

kriz i a pe pre parey pou nou. Be 

Seselwa i osi konnen ki se sanmenm 

sa bann pei kot in annan 

mismanagement, kot in annan 

koripsyon e kot in annan move 

gouvernans e alors, Seselwa i anvi 

plito vwar Prezidan Larepiblik pe koz 

mwens me plito pe pran plis bann 

aksyon konkret ki pou rezourd 

problenm ki nou pe fer fas avek e ki 

zot in met nou ladan. 

68

Nou konnen ki Lanmerik pe 

pas dan kriz me nou osi konnen ki 

gouvernman Ameriken pe ponp pros 

en trilyon, mil bilyon dolar dan son 

lekonomi. Sesel in fait, Gouvernman 

Ameriken pa‟n fait me i pe plito ed 

bann Labank ek bann lezot biznes 

ki pe fer fas avek bann tel difikilte. 

Leta nou nasyon pa bon, se zot ki‟n 

met nou ladan. E lefe ki zot ankor 

opouvwar, lepep Seselwa pe gete 

kwa ki zot annan pou zot ofer. 

Prezidan in dir nou ki i pa kit son 

lebra krwaze e ki i pe pran serten 

aksyon fantastik. Me lepep i konnen 

ki i annan plizyer lezot aksyon ki i 

devret pe pran, tel ki envestir dan 

training pou bann zenn ki‟n perdi 

zot lanplwa me ki i pa pe fer. Tel ki 

rod lasistans enternasyonal, tel ki 

avek Transparency International pou 

vwar kwa ki leta i kapab fer pou 

reganny bann larzan, ki devret 

apartenir pou lepep Seselwa me ki‟n 

ganny vole atraver bann act 

koripsyon, ki‟n arive dan sa pei 

pandan sa dernyen lannen e ki enpe 

i dan sa 2.5 bilyon dolar ki dan 

bann - Parey ki zot pe fer lodit lo sa 

50 pli gran lakonpannyen dan Sesel, 

lepep Seselwa i ekspekte ki zot pe 

inisye lenvestigasyon dan bann ka 

kot zot santi ki i annan en loder 

koripsyon. Lepep i ekspekte 

Prezidan Larepiblik pou vitman fer 

sir ki zot met an plas bann 

mekanizm efikas e transparan ki 

pou donn lepep Seselwa lespwar ki 

finalman zot in pare pou zot lager 

kont koripsyon e ki zot vreman 

krwar dan sa prensip „Zero Tolerans‟ 

pou koripsyon e pou garanti ki sa 

ki‟n arive dan lepase pa zanmen ariv 

ankor dan sa pei. E la mon dir ki 

mon espere ki sa dosye lo sa 4.5 

milyon dolar ki‟n perdi resaman i 

ava ganny met devan nou Lasanble 

Nasyonal parey Minis Finans ti 

promet sa menm Lasanble lannen 

pase. 

Mr. Speaker, mon‟n osi 

antann Prezidan koz lo bann 

kontrakter. I vre nou annan pa mal 

problenm dan sa domenn ki bezwen 

ganny korize me de lot kote nou osi 

annan dimoun ki byento pou 

montre ki pandan plizyer Eleksyon 

in annan bann kontrakter ki dan en 

scheme ti ganny peye ek 

gouvernman pou bann travay ki zot 

pa ti‟n zanmen fer e apre zot ti servi 

sa larzan pou fer kanpanny pou 

SPPF. I tough me levidans ki larzan 

lepep in ganny servi pou zot aste vot 

pour ki zot kontinyen reste 

opouvwar e fer soufer sa pep. Pa 

bezwen krwar ki nou pa konnen, 

laverite pou byento pet later, sirtou 

laba lo Praslin kot dernyen fwa bann 

Golan ti fer sekwe pye Bodanmyen 

me kot sa ennla fwasi zot pou ganny 

en sok. 

Ser, frer Seselwa Prezidan 

Michel in dir nou ki apartir mwan 

prosen i pou rekomans son legzersis 

konsiltasyon. Tre enteresan, me 

mon anvi dir avek lepep Seselwa ki 

fodre nou port byen atansyon ek sa 

ki‟n ganny dir dan sa bann zafer 

rankont akoz nou ava rapel ki sa 

legzersis dan lepase ti ganny servi 

koman en legzersis promes. 

Enn bann pli gran promes ki 

i ti fer partou kot i ti ale, se ki i ti 

pou vin en Prezidan ki pou tou 

Seselwa e ki i ti pou fer letan pou 

tou dimoun. En lot i ti pou fer lepep 

Seselwa vin pli ris, i pa ti pou …….. 

HON. CHARLES 

DE COMMARMOND 

Point of Order. Mon krwar ki Onorab 

in fer alegasyon ki pa korek e ki 

mon ti a demande ki i retreat, 

please. 

69

MR. SPEAKER 

Hold on, hold on Onorab. Eski pou le 

moman ou pare pou sede. 

HON. PIERRE 

Non, Msye Speaker. 


Laprev. 

MR. SPEAKER 

Ou a fer ou Point of Order apre ki in 

fini Onorab. 


Korek. 

MR.SPEAKER 

All right Proceed. 


HON. DAVID PIERRE 

En lot, i ti pou fer lepep Seselwa vin 

pli ris, i pa ti pou zanmen devalye 

nou roupi e anba son gouvernans, 

gouvernman pa ti pou pous okenn 

Seselwa travay. Me nou konnen 

Msye Speaker, ki tou sa bann 

promes ti bann fo promes akoz 

parey in refer sorti dan son diskour, 

ozordi Seselwa pe viv sa bann realite 

penib. Sesel pa pou kapab 

kontinyen koumsa. E alor mon pe 

dir ki moman in arive pou 

sanzman e transformasyon nou pei. 

Sanzman mon bann frer ek ser, i pa 

kapab, i pa devret e i pa pou esper 

7an. Sanzman i bezwen arive e i pou 

arive an 2011. 

An linny ek sa, mwan, koman 

spokesperson pou Ledikasyon, … 


..mon anvi dir zot ki moman in osi 

arive pou sanzman e 

transformasyon dan nou sistenm 

ledikasyon. Pour ki Sesel i ganny li 

en sistenm ledikasyon ki a mye 

reponn a demann e a bann bezwen 

marse lanplwa dan nou pei pour 

bann lannen ki pe vini. Dan sa 

konteks les mwan dir zot detrwa 

keksoz ki nou krwar ladan: 

1. Premyerman, nou bezwen kapab 

adopte en sistenm ledikasyon ki pou 

anmenn benefis pour tou zanfan 

Seselwa. Enn ki pou permet nou 

idantifye bann difikilte en etidyan 

pandan son letid tre boner pour ki 

nou kapab pran bann mezir korektiv 

atan. Me anmenmtan enn ki pou osi 

permet nou idantifye zot pwen for 

pour ankouraz plis progre e 

devlopman sak endividi. 

Lansennyman pour bann zanfan ek 

bann bezwen spesyal i bezwen 

retourn oubyen i bezwen reform 

parti nou sistenm ledikasyon. 

Lantrennman pour sa bann 

ansennyan lo sa nivo pour vin en 

priyorite. 

2. Dezyenm keksoz, alevenir, nou 

pou bezwen fer en re-organizasyon 

dan nou sistenm lekol segonder ki 

pour enkli revizyon nou curriculum 

lo sa nivo. Avek bi pou donn plis 

swa nou bann etidyan, kot an retour 

plis etidyan i a fer letid ki pou 

reponn a son laspirasyon. Etidyan 

Seselwa i ava annan plis swa e pli 

gran seleksyon size. SNP pou met 

bokou lanfaz lo bann size teknik ki 

pou vedir plis lenvestisman dan 

resours materyel e imen. Sa i ava osi 

ede pour rezourd problenm disiplin 

e pou fer nou lekol segonder vin pli 

efikas. 

3. SNP i krwar dan la kantite 

letan ki sistenm aktyel i pran pou 

prepar en zenn pou letid liniversiter 

i kapab koupe par o mwen en 

lannen, sa i a permet en zenn 

kalifye pour linivesite e pran 

70

lanplwa a en laz pli zenn. Pou nou 

achieve sa, nou pou bezwen met plis 

lanfaz lo ogmant la kantite 

ansennyan Seselwa ki kalifye pa zis 

pou bann size akademik me osi 

pour bann size ki teknik oubyen 

vokasyonnel. 

4. Katriyenm pwen, nou pou redwir 

la kantite ansennyan etranze dan 

nou bann lekol Sesel e nou pou 

donn plis training e challenge nou 

bann ansennyan Seselwa. 

5. Senkyenm pwen; letid lo nivo 

primer pou osi ganny revwar pou 

garanti kontinite parfe lo nivo 

segonder. Anplis ki sa SNP pou met 

plis lenvestisman materyel osi byen 

ki dan training pour bann 

ansennyan primer. Fodre ki nou 

bann ansennyan primer i osi ganny 

sa posibilite pou fer letid lo en nivo 

degree dan lansennyman. 

6. Sizyenm pwen; menm si kreol i 

nou lalanny SNP pou ankouraz en 

letid lo son lefikasite sirtou dan 

lansennyman matematik e pou pran 

desizyon apropriye alavenir. 

7. Setyenm pwen: Anba SNP pou 

annan en logmantasyon konsiderab 

dan lakantite scholarship ki 

gouvernman i ofer nou bann zenn 

etidyan e anplis ki sa en 

gouvernman SNP i konpran sa 

nesesite pou negosye ek bann pei 

zanmi pour ki Sesel i ganny plis 

scholarship gratwit pour nou ofer 

nou bann zenn Seselwa. Lavenir 

nou pei i depan en kantite lo kalite 

ledikasyon ki nou donn nou pep e 

dan sa konteks SNP i avoue pou 

kree sa sistenm ledikasyon ki pou 

fer lazenes Seselwa vin enn ki 

responsab. En sistenm ki pou train 

nou zenn sifizaman pou li pran 

responsabilite e en sistenm ki pou 

reward li sifizaman ler in debourye 

lekol e ler in prodwir rezilta. Dan sa 

menm lalinny SNP i konnen ki i pou 

son latas byento pou li kree sa Sesel 

kot drog pa vin en opsyon pour nou 

lazenes me plito en Sesel kot kalite 

ledikasyon i donn nou lazenes en 

vre opsyon pour zot travay e partisip 

dan devlopman nou pei. SNP alors 

pou garanti k lazenes Seselwa i osi 

ganny plis ledikasyon pratik 

oriyante ver posibilite travay spesifik 

avek bi alavenir pou ranplas bann 

travayer etranze. 

MR SPEAKER 

Times up. What is your point of 

order? 

HON DE COMMARMOND 

Point of order Mr Speaker se ki 

Onorab David Pierre in fer en 

alegasyon ki konpletman fo e ki en 

mansonz mon kapab dir lo sa 

kestyon Lenn, maryaz Lenn 

ensidswit ki i dir ki i annan en 

manm parlman ki son pasaz… 

MR SPEAKER 

Les li fer son point of order Onorab. 


Ekoute mon a eksplik ou. 

MR SPEAKER 

Proceed. 


I dir ki en kontrakter in pey pasaz 

and everything pou sa manm 

parlman ek son fanmiy pou al sa 

maryaz. Sa i konpletman fo e mon 

kapab prouv avek Lasanble ki i pa 

korek e mon kapab anmenn resi e 

tou bann keksoz ki‟n arive. 

Mwan mon en boug ki fran 

mon dir ou fransman i lalang e sa i 

pa devret ganny fer mon pa kontan 

ki sa i fer e mon demann li pou 

retire an piblik parey in dir la. 

71

MR SPEAKER 

Bon Onorab lo ou point of order….. 


Mon ava anmenn laprev Mr 

Speaker. 

MR SPEAKER 

Hold on. Ler in fer sa alegasyon 

mon problenm se mon pa konnen ki 

sennla i ti pe viz sa alegasyon kont. 


I pe viz lo mwan. 

MR SPEAKER 

Ou ti pe viz lo li? 


Be si pa lo mwan, lekel, nonmen? 

Annou fran man, ou bezwen fran. 

MR SPEAKER 

Order, hold on, order. 


Ou bezwen fran, mwan mon napa 

problenm, ou viz lo mwan. Wi 

mwan mon ti ganny envite e mon ti 

ale. 

MR SPEAKER 

Onorab anmenn bann levidans kot 

mwan lo sa ki ou pe dir e apre mon 

a pran en ruling lo la. 


Mon ava anmennen, demen 

bomaten. Yes Mr Speaker. Mersi 

bokou. 

MR SPEAKER 

Meeting adjourn ziska demen 

bomaten 9er. 

(At 4.56 pm the 

Assembly was on its rising, 

adjourned to Wednesday 4 March 

2009 at 9 am) 

72

Download PDF - The National Assembly of Seychelles

You also want an ePaper? Increase the reach of your titles

Delete template?

Save as template?