Nr. 9 – Juli 2008 - Lintgen

Schüleraudition an Diplom-Iwwerreechung
Den 13. Abrëll war a Präsenz vum
Här Paul Scholer, Direkter vun der
UGDA-Museksschoul, dem Här
Georges Herr, Scheffe vun der Lëntgener
Gemeng, der Madame Martine
Gruber, Conseiller, dem Här
Jean Ewen, Präsident vun der Lëntgener
Fanfare, d’Schülerauditioun
vun der Lëntgener Museksschoul.
Bei deer Geleeënheet kruten och 52
Schüler hir Diplomer vum Schouljoer
2006-2007 iwwerreecht.
Duerch d’Auditioun an d’Diplomiwwerreechung
am gutt gefëllte
Veräins haus huet d’Madame
Catherine Napoli-Kremer, responsable
locale vun der Lëntgener
Museksschoul, gefouert.
Als éischt hunn d’Schüler aus der
classe d’initiation à la musique vum
Här Sam Koob mat engem flotte
Programm vu Lidder an Dänz gewisen,
wéi begeeschtert si scho vun
der Musek sinn. D’Solfègeklass (année
préparatoire) vun der Madame
Monique Sturm huet ganz originell
2 Variatioune vum „Hänschen
Klein“ presentéiert, an d’Schüler
aus dem 1. an 2. Joer Solfège vum
Här Patrick Hartert hu mat „Le petit
cireur d’Harlem“ e Stéck aus dem
Jazz-Répertoire opgegraff.
Och d’Schüler aus den Instrumenteklassen
konnten, eleng oder am
Duo, weisen, wat si scho geléiert
hunn an deene jonke Schüler déi
verschidden Instrumenter virféieren:
Klarinett aus der Klass vun
der Madame Francine Sosson, Saxophon
soprano an alto aus der
Klass vun der Madame Nadine Diedenhofen,
Trombonn aus der Klass
vum Här Jean-Marie Thein, Querflütt
aus der Klass vum Här Patrice
Bach, Percussioun aus der Klass
vum Här Gilles Wagner, Trompett
a Bügel aus der Klass vun der Madame
Marie-Paule Toussaint.
Als Ofschloss huet de Jugendensembel
vun der Fanfare, ënnert
der Leedung vum Här Patrick Molitor,
nach e puer flott Stécker gespillt.
6 de Gemengebuet