Untitled - Université de Provence

Centenàri de Mistral. — Lou Capoulié baio d'entre-signe sus la preparacioun d'aquelo grando
ceremounié. Un plan es esta soumés à Dono Mistral que l'a aceta. Lou festenau coumençarié lou 8 de
setèmbre 1930 e la Santo-Estello se farié lou meme jour. Adóuta à l'unanimeta.
Recouneissènço d'Utileta Publico. — Tout s'alestis plan-plan, ai-las, pèr manco d'ajudaire e pèr
encauso, peréu, dis eisigènci di reglamen. Pamens, lou Capoulié penso qu'en 1929 saren à mand
d'ajougne la toco.
Divers. — Lou Capoulié legis uno letro de Folco deBaroncelli, que demando au Felibrige de se jougne
à la Counfederacioun miejournalo que vèn de se fourma, pèr proutesta contro l'abeissamen dis aigo
dóu Vacarès, pèr fin de garda à la Camargo tout soun pintouresc e touto sa bèuta. Lou Counsistòri
s'assocìo à-n'aquelo toco e delego un felibre is acamp de la Counfederacioun miejournalo pèr lou
representa óuficialamen.
Lou Roble di Bèus-Art. — Lou felibre Fernand Maille, aguènt tourna-mai demanda qu'aquelo Escolo
d'artisto posque agué un gouvèr felibren siéu, un Counsistòri especiau, tout en oubrant dins lou
Felibrige, se pòu respondre que negativamen à n'aquéu vot.
Assessour. — Soun nouma o mantengu:
Prouvènço, M. Rimbault, mantengu.
Lengadò, P. Chassary nouma en remp. d'Arnavielle.
Gascougno-Biarn, S. Palay, mantengu.
Guiano-Perigord, R. Benoit, mantengu.
Limousi, A. Muzac, mantengu.
Auvergno, Delhostal en rempl. de P. Ruat.
Se decido d'estudia lou restacamen di Mantenènço de Velai e de Roussihoun à la Mantenènco de
Lengadò, pèr insufisènci d'acioun e de mèmbre.
Santo-Estello de 1929. — I'a rèn d'establi encaro, de proupousiçioun estènt estado facho pèr Nîmes e
pèr Roudès. Uno decisioun sara presso dins lou courrènt de l'an.
Sus uno darriero questioun dóu majourau A. Conio, lou Capoulié aceto soun eleicioun, fisançous
qu'es dins la bono voulounta de tóuti, de l'ajuda un pau mai à l'aveni.
L'ordre dóu jour estènt ansin acaba, la segoundo sesiho, de l'Acamp generau es clavado à 19 ouro.
Lou Baile: Louis BECHET.
Lou Capoulié: Marius JOUVEAU.
RAPORT FINANCIÉ FELIBREN de 1927
PRESENTA à la SANTO-ESTELLO de LIMOGE
lou 27 de Mai 1928
Mi Car Counfraire,
Ai l'ounour de vous presenta pèr lou sieisen cop de moun Beilage, mi comte de l'eisercice financié
felibren 1927.
Coume l'anas vèire, la situacioun es en bono pousturo gràci à la rampelado d'escoutissoun que faguère
en setèmbre passa.
Emé lou Capoulié avèn countunia nosto obro de destriage di marrit pagaire e avèn alougeira ansin
nosto caisso de despènso inutilo.
Mai li mantenèire qu'avèn ansin perdu, lis avèn retrouva d'un autre las e se pòu dire que lou Felibrige
crèis à bèl-èime dis Aup i Pirenèu. Adounc acò tapo acò.
Dins l'eisercice d'aquest an auren à coumta sus la grosso despènso dóu Cartabèu, mai la caisso poudra
supourta lou bacèu sènso qu'aguènt à touca noste founs de roulamen en Banco.
Renove noste recouneissènço à Dono Mistral pèr l'ajudo que nous baio de-longo tant amistousamen.
Veici mi comte:
Recèto:
Soubro de l'eisercice 1926 17. 202. 70
Escoutissoun di Majourau e Mantenèire 1927 10. 280. 00
Rèndo di Founs en Banco 1. 408. 30