Haiti Liberte 15 Avril 2015
Create successful ePaper yourself
Turn your PDF publications into a flip-book with our unique Google optimized e-Paper software.
Kwonik Kreyòl<br />
An nou oze envante lavni!<br />
Kòdinasyon Desalin KOD<br />
Twazyèm fowòm popilè!<br />
Jodi 14 <strong>Avril</strong> 20<strong>15</strong> lan, nan lokal « Bar<br />
de l’ère » Pati politik popilè Kòdinasyon<br />
Desalin te tanmen twazyèm fowòm li<br />
pou l te kab braselide ak tout kanmarad,<br />
zanmi, senpatizan ki vle kenbe beton<br />
mobilizasyon an olye yo antre nan<br />
souze zo eleksyon.<br />
Li te 10zè tapan lè seremoni an te<br />
konmanse pou resevwa tout delege yo.<br />
Te gen plizyè gwoup atelye sou non<br />
Makandal, Desalin, Bwa Kayiman,<br />
Pyèsili, Peralt, Jan Dominik, Anil Lwijis<br />
ak Rozalvo Bobo<br />
Diferan moun ki te patisipe nan fowòm<br />
sa a se sòti nan vil Pwovens ak nan Kapital<br />
la. Men kèk òganizasyon ki te prezan<br />
: Batay Ouvriye, MONOP, FOPARK,<br />
MECHAN, Anbake pou chanje, UNNOH,<br />
CTFP, MOPAM se nou BOUKE, Grenadier<br />
07, MELA pou site sa yo selman<br />
Nan jounal semèn pwochèn lan, n ap<br />
pibliye rezolisyon ki sòti nan kokenn<br />
aktivite sa a ki te fini vè 4trè 25 konsa.<br />
Men deklarasyon dirijan yo nan<br />
ouvèti Fowòm lan<br />
Salitasyon Patriyotik pou tout moun,<br />
manm senpatizan, zanmi Kanmarad<br />
KOD ki reponn prezan pou nou kapab<br />
chita, reflechi ansanm, pou n gade kòman<br />
nou kapab abòde lafyèv elektoral la,<br />
epi ki sa pou nou fè nan enpas sa a?<br />
Alapapòt KOD ap deklare : Yon<br />
pèp ki pa konn listwa l oubyen ki pa tire<br />
okenn leson nan istwa l, kondane nonselman<br />
pou l repete menm erè yo, men<br />
tou pou l pa janm sòti nan tribilasyon li.<br />
Premye leson nou dwe tire pèp Ayisyen<br />
depi 1806 apre sasinay Papa nou,<br />
Desalin poutèt li t ap mande pou richès<br />
peyi a pataje ak tout pitit peyi a. Desalin<br />
pat dakò ak politik « yon pati pran tout<br />
ak yon pati pa jwenn anyen » k ap kontinye<br />
jounen jodia ; kote yon ti minorite<br />
pran tout richès peyi a pou li epi grann<br />
majorite ki se pèp la, noumenm k ap<br />
viv nan Lasalin, nan Site Solèy, nan Fò<br />
Nasyonal, nan Raboto, nan Solino, sou<br />
Bèlè, yo pa kite anyen pou nou. Okontrè<br />
se nan yon esklavaj modèn nou ye.<br />
Chak fwa yo fè yon eleksyon , se<br />
ti minorite sa a ki pataje l ant yomenm<br />
nan konplisite peyi enperyalis yo, peyi k<br />
ap goumen ak Ayiti yo pou nou pa janm<br />
fè yon pa kita yon pa nago. Se sa k fè<br />
se toujou yon eleksyon-seleksyon yo fè<br />
; sèlman nan lane 1990 te gen yon bon<br />
eleksyon san okipasyon Nasyonzini,<br />
men malgre tou, Wachintonn te kraze l<br />
sèt mwa apre pou anyen pa janm chanje<br />
pou nou. Depi apre koudeta 2004 la se<br />
Meriken, Franse ak Kanadyen k ap deside<br />
eleksyon pou nou.<br />
Noumenm malere k ap bourike<br />
nan faktori yo, noumenm peyizan pòv<br />
yo, noumenm k ap travay kote se chak 9<br />
mwa nou touche yon mwa. Noumenm<br />
ki nan Batèy Sendomeng san nou pa<br />
bliye moun nan Karakòl nan tout zòn<br />
franch yo. Etidyan pitit malere-malerèz<br />
k ap bourike pou fè san sòti nan wòch.<br />
Se pa janm pou nou Klas dominant yo<br />
fè eleksyon. Se poutètsa n ap di nou pa<br />
pral nan Eleksyon Martelly-Evans Paul<br />
ak Anbasad yo ap prepare pou yo kontinye<br />
politik lamizè a, politik souse san<br />
pèp la, politik vann tout richès peyi a bay<br />
etranje a.<br />
Noumenm nan KOD nou pa<br />
ladann. Desalin pa ba nou dwa pou nou<br />
vann okenn moso nan teritwa peyi a. Li<br />
pa ba nou dwa pou n kolabore ak okenn<br />
nouvo kolon ki vle rekolonize Ayiti.<br />
Se pou sa nou di nou pa nan eleksyon<br />
Machann peyi.<br />
Si tèlman yo konnen y ap<br />
eksplwate nou, matirize nou, yo mete<br />
kanpe yon fòs Okipasyon pou sizanka<br />
nou ta vle leve kanpe pou n revandike<br />
dwa nou, pou vin tire sou nou. Lame<br />
Minustah ki la a se menm wòl ak lame<br />
kolonyal Bonapat te voye ak jeneral<br />
Leklè nan lane 1801 pou te vin retabli<br />
lesklavaj. Ki sa zansèt nou yo te fè ?<br />
Twazyèm Fowòm Kòdinasyon Desalin KOD<br />
Yo te kanpe djanm, goumen kont lame<br />
kolonyal la. Yo pat ba yo kontwòl peyi a<br />
konsa, yo pat ba yo fè eleksyon konsa.<br />
Se goumen Tousen, Desalin, Kristòf ak<br />
latriye lòt yo te goumen. Se pou sa noumenm<br />
nan Kòdinasyon Desalin, nou vle<br />
mache sou tras zansèt nou yo, se pou sa<br />
nou di Aba Minustah ! Aba Okipasyon !<br />
Fòk pèp la kontinye mobilize kont okipasyon<br />
peyi a, kont elesyopn fo mamit<br />
okipan yo ap ba nou pou yo toujou domine<br />
nou.<br />
Noumenm nan KOD, n ap di tout<br />
kanmarad, senpatizan, zanmi ki la a, pa<br />
gen wout pa bwa oubyen ou lan goumen<br />
pou chanjman oubyen ou pa ladann, w<br />
al jwenn lènmi pèp la.<br />
Noumenm nou vle rete kanpe nan<br />
kan pèp la ! Pou n pote limyè nan kalfou<br />
danjere nou ye la KOD ap repwopoze sa<br />
l te di deja nan lane 2013, nan premye<br />
fowòm li : « Pa kab gen eleksyon ak<br />
Martelly ! Pa kab gen eleksyon ak Lamòt<br />
ni ak revè li Evans Paul. Pa kab gen<br />
eleksyon onèt, lib sou Okipasyon »<br />
Se pou pèp la leve kanpe pou voye<br />
Martelly ak Evans Paul ale. Pou se yon<br />
Gouvènman Pwovizwa Popilè ki pran<br />
pouvwa ak yon Jij kou Kasasyon pou<br />
nommen yon gouvènman, sètadi yon<br />
premye minis, minis nan diferan ministè<br />
yo. Ak yon nouvo Konsèy elektoral<br />
Pwovizwa selon atik 289 Konstitisyon<br />
an, ki pou fè eleksyon san pran yon peni<br />
wouj nan men peyi enperyalis<br />
Suite à la page (18)<br />
FENK PARÈT<br />
Nou toujou kontan, chak Ayisyen<br />
te dwe kontan, kontan anpil,<br />
chak fwa li wè yon ekriven, kit se yon<br />
powèt, kit se yon romansye, kit se yon<br />
eseyis, k ap bay lang kreyòl la jarèt,<br />
k ap fè l mache ak lestonmak li byen<br />
bonbe pou l pwomnen ak anpil fyète<br />
akote lòt lang ki deja fè chimen yo nan<br />
listwa lengwisyik limanite.<br />
Men se pa tout. Youn se bay<br />
lang lan fòs, fè l kanpe djanm nan<br />
pami lòt zèv an kreyòl ki parèt deja.<br />
Yon lòt bagay se fè lang nan pwogrese<br />
antèm kalite lengwistik, antèm rafinman<br />
lengwistik, antèm anrichisman<br />
lengwistik, antèm pòte yon mesaj ki<br />
gen arevwa ak lavi a, ak rechèch yon<br />
depasman de noumenm.<br />
Se tout sa ki prezan nan<br />
rekèy pwezi Lenous Suprice sa a ki<br />
rele Soukiyaki. Tit la gen yon kiryozite<br />
ladan l, yon ti mistè ladan l. Mistè a<br />
ou dekouvri l ofil twa moman kote otè<br />
a ap deplòtonnen bèlte lang nan, toupandan<br />
l ap fè yon mesaj pase, tankou<br />
lò l ekri:<br />
Ou di m ou prèt pou eklate,<br />
lè w remake se pran sèlman<br />
y ap pran nan men<br />
w san menm yo pa rive<br />
lonje ba ou, pou piti,<br />
yon ti moso satisfaksyon<br />
Si w ap gade Soukiyaki nan<br />
orijinalite lengwistik li, li prezante<br />
tankou yon ladous-kivyen-kenèp-timoun-la-yo-se-fonn-nan<br />
bouch. Soukiyaki<br />
eksplore tout chimen limyè ki<br />
mennen pwezi a kòmsi m ta di w nan<br />
yon konkirans ki pa rans ak lakansyèl,<br />
ak ti dlo sous peyi lakay, ak yon<br />
lalin won kou boul ou ta vle mande l<br />
klere konsysans anpil moun ki pa gen<br />
FILOKTÈT<br />
Zile n ap make pa<br />
Ou poli mo ou fè dyaman<br />
Ou mitonnen pwezi anba sann cho<br />
Pou lavi pa mouri<br />
Ou menm ki jwe marèl ak lanmò<br />
Pote Mama sou kè w<br />
Jouk nan pòt simityè<br />
Eske w konnen valè powèt<br />
Ki suiv tras ou nan fèy kaye<br />
Van Lasenjan fin pot ale ?<br />
Chak riyèl nan Pòtoprens<br />
pote mak pye w<br />
Kou l fè nwa lasigal nonmen<br />
MASKAWON<br />
Twal lenj pandye sou fildefè<br />
Chen ap tranpe kasav<br />
Pou abitan nan vil Bonbad<br />
Grantoryan lage pwa grate nan jaden n<br />
Si memwa nou longè siga<br />
Fò w kwè rèv nou gen dan doukla<br />
Yon lapli demwazèl ap lave je Granri<br />
okenn konsyans. Soukiyaki souke anpil<br />
branch bwa pou fè zòtolan, toutrèl<br />
ak ramye vin mennen w dekouvri nan<br />
forè vire isit vire lòtbò lavi a, ki yo,<br />
ki ya, ki ki, ki sou, ki sa ki plòtonnen<br />
nan pwezi a pou ka deplòtonnen l, oumenm<br />
menm.<br />
F.L<br />
NOTE:<br />
An Ayiti se Communications<br />
plus ki distribye rekèy la. Yo nan<br />
24, Delmas 60, Musseau, BP 13205<br />
Delmas, Haïti - HT6120; telefòn yo:<br />
(509) 2816-0404; (509) 2230-1<strong>15</strong>0;<br />
kouryèl yo se: complusa@yahoo.com<br />
Nan Monreyal, Kanada, kontakte<br />
Éditions Trois Amériques, swa nan<br />
(514) 508-8848, swa sou kouryèl yo:<br />
editorial3americas@gmail.com<br />
non w sou pòtay<br />
Vwayaj powèt la bout<br />
Li depoze chapo l<br />
Demen granmoun a fè wonn<br />
Limen gwo boukan<br />
Pase te nan gòdèt<br />
Divage nan veye<br />
Timoun va rakonte<br />
Yo te wè Filoktèt sele chwal Desalin<br />
Yon maten mwa septanm<br />
Foumi fou te fin fou ap chèche Pyè Sili<br />
Guy-Gérald Ménard<br />
Literati anba okipasyon/<br />
literati sou okipasyon<br />
Guy-Gérald Ménard<br />
Wòl powèt yo, wòl ekriven yo, se<br />
prezante reyalite a sou divès fòm atravè<br />
kreyativite yo pou pèmèt tradisyon<br />
nou, koutim nou, kontinye fè chemen<br />
yo. Yo rakonte istwa nou, fè nou sonje<br />
ki moun nou ye, kote nou soti. Yo ede<br />
nou reflechi sou kote nou prale. Ekriven<br />
ak powèt yo se memwa nou. Literati<br />
sou okipasyon pèmèt nou pa bliye. Se<br />
sa Georges Castera di nou nan Pyè Sili:<br />
Jou apre jou mwen dòmi nan soulye m<br />
Jodi a m deside vire do bay lawont<br />
Nou sitèlman bat kò n<br />
Nou manje nan tout plat<br />
Lè libète ap boujonnen<br />
Nou rekòlte foskouch makak<br />
Guy-Gérald Ménard<br />
M pap ekri anyen pou moun/Kenbe lan<br />
kè apre san tan/Se jounen jodi/Moun<br />
ap chache/Chimen lonè/Bagay byen<br />
bèl/Bèl mèvèy sou late/Pyè Sili/Wi se<br />
li/…Yo te vin chavire lèt nou/Sou dife/<br />
Li di:Fe! sou lèlmi. Gen ekriven ak atis<br />
ki imòtalize jès ewoyik ti sòlda ayisyen<br />
sa a ki te deside se sou kadav li pou<br />
anvayisè yo te pase 28 jiyè 19<strong>15</strong>, pou<br />
yo te pran kontwòl Lasnal kote li t ap fè<br />
Suite à la page (18)<br />
6 <strong>Haiti</strong> Liberté/<strong>Haiti</strong>an Times<br />
Vol. 8 • No. 40 • Du <strong>15</strong> au 21 <strong>Avril</strong> 20<strong>15</strong>