A voi 5nk MCCYF civui tlamtlingte in an lim cang - Faiceu The Chin ...

Editor lungum; 

Malaysia Chin Khrihfa mino hna nih 

kum khat ah voikhat kan tuah tawnmi MCCYF 

civui cu hlunghlai ngai in lim a si cang. Hi civui 

hi Malaysia um Chin mino hna nih kan ingaih 

ngaimi a si. 

Hi civui hi Malaysia ah aa ṭhenṭhek tuk 

cangmi Chin miphun hna nih kan ilungrual 

deuhnak ding le pakhat le pakhat idawt 

deuhnak ding ah tuahmi le rak thawkmi a si. 

Cuti ilungrualnak ding ah rak thawkmi civui cu 

cheukhat nu le pa (Fellowship hruaitu) hna nih 

mino pawl khenkhamnak tuah an rak timh pah 

hna ti thawng kan theih caah ngaih a chia ngai. 

Atu hnu ah Tedim nih Chin Miphunpi Ni 

kan tuah hmanh ah Zo National Day tiah min 

an ibunh i anmah dangte in Miphunpi Ni an 

tuah ve cang. Sihmanhsehlaw tutan MCCYF ah 

Tedim unau hna an vun itel khawh ve lawng si 

loin miphun dihlak kan tlin caah lunglawm ngai 

a si. Pumsa lei in aa ṭhen cangmi kan si ko bu 

ah Pathian kan zumhnak nih kan lung a kan 

rualtermi nih kan biak Pathian kan thangṭhat 

ngaingai ding a si. Zeidah kan lung a kan 

rualtermi a si, zei nih dah pakhat le pakhat a 

kan komhter i a kan funtomter timi ruat in cu a 

kan funtomtertu thil cu thlah loin tlaihkhawh 

peng izuam hna usih. 

A voi 5nk MCCYF civui 

tlamtlingte in an lim cang 

August 31, Kuala Lumpur, Pudu Plaza 

pawng ah a ummi Zophei Fellowship biakinn ah 

a voi 5nk Malaysia Chin Chritian Youth 

Fellowship civui cu tlamtlingte in an lim cang. 

Civui pumhnak cu zinglei sml 10:30 in an 

thawk i zan sml 7:30 ah an lim. Tutan civui ah 

Fellowship 18 in mino zapi 800 leng an phan 

kho. 

Civui pumhnak cu voihnih in ṭhen a si i 

a voikhatnak pumh cu zinglei sml 10:30 in 

zanlei sml 2:30 tiang a si. A voihnihnak pumh 

cu zanlei sml 3:30 in zan sml 7:30 tiang a si. 

Zing pumhnak ah Lai Christian Fellowship 

(LCF) Pastor Rev. Run Cung Mang nih phung a 

chim i zanlei pumhnak ah Rev. Lian Hmung nih 

phung a chim. 

Tutan civui ah hlarem zuamnak, quartet 

zuamnak, solo zuamnak le bia-al zuamnak 

(debate) tiin zuamnak phun li an tuah i zuamnak 

phun thum ah CCF (Puchong) nih pakhatnak an 

laak. CCF (Puchong) hi tukum hlarem zuamnak 

ah pakhatnak an laak ṭhan caah MCCYF civui 

hlarem zuamnak ah kum thum peh in pakhatnak 

an laak cang. Voinga tuahnak ah kum thum a 

lami an si i an lung aa rualnak le an izuamnak a 

langh ngai caah zohchun tlak ngai an si. 

Zuamnak ah laksawng a lami hna cu; 

Hlarem zuamnak; 

1. CCF (Puchong) 

2. Senthang Fellowship 

3. Zophei Fellowship. 

Quartet zuamnak; 

1. CCF (Puchong) 

2. Zophei Fellowship, 

3. Senthang Fellowship. 

Solo zuamnak; 

1. Par Ṭha Hnem (CCF- Puchong) 

2. Ṭha Cung Lian (KCM) 

3. Htay Nge Aye (Matupi Fellowship) 

Bia-al zuamnak; 

1. Daniel (Zophei Fellowship), 

2. Hniang Ṭha Men (CCF - Imbi), 

3. Sui Tin Par (CCF - Puchong). 

(Faiceu)

Faiceu the Chin Journal Vol 4, No 186 September 2, 2012 

Tuluk mirum deu nih Chinmi 

pahnih taklawng in a lawiter hna 

Kan hnu August 25 ah Chinmi pahnih 

cu Tuluk mirum deu pakhat nih a hlen hna i an 

taklawng in inn an phan tiah theih a si. Atu 

bantuk thil a cannak hi Klang le Banting kar ah 

a ummi Talok khua ah a si i hlen a tongmi hi 

Hakha khuami Thangthang le Zotung in Pa 

Kung an si. 

“Bus Stop ah tlun ding in bus kan 

hngak, cu ahcun Tuluk mirum phun in aa 

hrukmi pakhat cu Malay ser Proton motor a 

nakmi aa cit i bus stop ahcun a vun dir. A rak 

ṭum i amah tein supervisor ka si tiah aa chim, 

cun ruahlopi (emergency) in innthar thianh 

dingmi a um i ka thianh lo ahcun boss pa nih a 

ka sik lai caah inn thar cu ka thianhpiak ulaw 

RM 1200 kan pek hna lai tiah a kan ti, lawi cu 

kan duh ko nain a kan pek dingmi phaisa a tam 

pah i a motor chung kan zoh tik ah inn 

thianhnak thilri pawl le tinbawsii pawl lawngte 

in an khah caah kan zumh i kan zulh. Thianh 

dingmi inn kan phanh tik ah inn a thurhnawm 

tuk i nan thil dihlak phoih ulaw tang ah chiata 

dih uh, nan thianh khawh hnu ah nan laak ṭhan 

te lai tiah a kan ti i kan thil cu kan phoih dih, 

bawngbi chungnawh te lawng in inn cu kan 

thianh. Cun khatlei khan kan thianh khawh hnu 

ah kan thil chiahnak khan kan vun luh cu 

zeihmanh a rak um ti lo, kan kawl len nain a um 

ti lo caah kan lau i pawngkam kan zoh, lamhlaat 

nawn ah Tuluk tarnu kan hmuh i bawngbi 

chungnawh he cun lam ah ka chuak i bawmh ka 

hal. Tuluk nu cu a ra ko nain a kan naih ngam lo 

i lamhlaat nawn in a au in kan nau i kan sining 

cu kan chimh hnu ah inn ah a lawi ṭhan i 

bawngbi kaupi pakhat le phaisa RM 5 a kan 

ṭhenh. Bawngbi cu kai hruk i taxi bawmh kan 

hal len nain a um lo, sau nawn a rauh hnu ah 

palik motor a ra i cucu kan chimh i inn tiang a 

kan thlah, palik pawl nih an timi cu Tuluk 

mirum deupa hi atu kan vun kawlmi cu a si tiah 

an ti. Ka hawipa belte cu inn a phanh tiang hi 

bawngbi chungnawhte he cun a si” tiah Pa 

Kung nih Faiceu sin ah a chim. 

“Kan thil a laakmi dihlak a man fonh ah 

RM 1400 hrawng a si lai, a tam lo nain Klang 

hrawng ah a ummi Chinmi nih fimkhurte in an 

iralrinnak ding ah theihter kan duh i a si” tiin a 

chim chap. (Faiceu) 

Motor pike pawl nih dingrep a 

ngei lomi saikal cit pawl phaisa 

an hal hna 

Chinram khualipi Hakha ah dingrep ngei 

loin motor saikal aa citmi pawl nih motor pike 

(traffic police) pawl phaisa bawm an khahter 

ngai tiah Khonumthung nih a ṭial. 

Hakha ah a ummi pike pawl nih zarh 

khat ah kyats 30,000 in 50,000 kar an hmuh 

peng tiah pike zung he 

aa theihngalmi Hakha 

hmun-um pakhat nih a 

chim. “Pike pawl nih 

lam dingrep zulh lo 

ruang timi min an 

bunh i dantatnak ah 

phaisa an hal tawn 

hna, an halning belte 

pakhat le pakhat aa dang, saikal luchinh ichinh 

lo ruang belte ahcun dantat a um lo” tiah Hakha 

motor saikal ngei pakhat nih a chim. 

Atu bantuk in dan an tatmi hna hi an 

zung ah chuahter loin an tlaihnak hmun ah 

phaisa an liamter hna tiah theih a si. “Pike pawl 

nih an zulh dingmi zulhphung pawl an zul lo” 

tiah hmun-um pakhat nih a chim. (Ref: 

Khonumthung) 

TABC nih Thantlang upadi zung 

rianngei taza an cuai hna 

Thantlang Association Baptist Church 

(TABC) phaisa a firmi pa cu tazacuai hlan ah 

upadi zung nih aamahkhan in an thlah caah 

upadi zung cu TABC nih taza an cuai tiah 

Thantlang laihlum pakhat nih Faiceu sin ah a 

chim. 

“Kan hnu lei April-May thla, zan khat 

ah Thantlang um Thang (min khat lawng 

langhtermi) fapa kum 13 lawng a si rihmi 

Khamh (min khat lawng langhtermi) nih TABC 

tangka kyats 300,000 a fir i an tlaih colh, 

Thantlang thong ah sau ngai an chiah hnu ah 

July thla chung ahkhan biacaih zung rianṭuanmi 

Pu Duh Lian le Pu Ceu Cin ṭanpinak in thilfirpa 

cu Malaysia kal kho ding in thong in an 

chuahter. Hiti an chuah hlan ahhin rak kan 

liamhta seh tiah TABC nih cun an duh nain 

mifirpa cu Malaysia lei ah a kal diam. Cucaah 

TABC nih Thantlang upadi zung rianṭuan U 

Thet Aung, Pu Duh Lian le Pu Ceu Cin cu taza 

an cuai hna. Pu Duh Lian hi nih cun ngaihthiam 

a hal hna i amah nih ka thiang cang tiah aa ruah. 

Mifirpa nih hin TABC phaisa a fir hlan ah 

JMBC Church phaisa kyats 200,000 a rak fir bal 

cang” tiah Thantlang laihlum pakhat nih Faiceu 

sin ah a chim. “TABC, biaceih bawipa le Pu 

Ceu Cin hi a rauh hlan ah biaceih zung a chuak 

ding an si” tiin a chim chap. (Faiceu) 

JICA nih Chinram caah kyats 

9900 million a cawih lai 

Kawlram ramkulh/ramṭhen 14 lak ah a 

sifakbikmi Chin ramkulh caah Japan 

International Cooperation Agency (JICA) nih 

kyats 9900 a cawih lai tiah theih a si. Atu 

bawmhnak hi cinthlaknak le zuatkhalhnak lei 

ihmaithlak in rian an ṭuan khawhnak ding ah 

cawih dingmi a si tiah Chinram cinthlaknak le 

zuatkhalhnak lei vunci Pu Van Thawng nih a 

chim. 

JICA nih bawmhnak a pek dingmi hi a 

karh 0.01 ret in cham ṭhan ding a si i 2013-14 

hnu ceo ah a phan te lai tiah ruah a si, August 

30 ah JICA pawl cu Chin ramkulh ah 

hlathlainak tuah ding in an kal tiah theih a si. 

Tukum 2012-13 kum caah ramkomhpi 

cozah nih Chinram sifahnak hloh ding ah kyats 

3000 million a chiah i cu phaisa pawl cu 

cinthlaknak, ngandamnak, fimcawnnak le a 

dangdang ṭhanchonak caah an hman tiah theih a 

si. JICA hi Kawlram 

thingram lei vunci 

zung he ibawm in May 

15, 2006 kum thawk in 

Chinram chung ah 

minung zatlang nu a 

ṭhanchonak ding ah 

khuacaan kalning in a 

herhmi thingthei 

cinthlaknak, sii-ai lei a 

ṭhami thingkung 

cinnak, thing firnak hloh ding le thingram 

zohkhenh thiamnak pawl caah Japan phaisa yen 

50 million dih in Chinram an rak bawmh cang 

tiah JICA website nih a ṭial. 

Kawlram chung ah a sifakbikmi Chin 

ramkulh ah khua a sami hi milu 540,000 

hrawng an si i cu hna cu cinthlaknak le 

zuatkhalhnak in a paw aa cawmmi an si hna. 

Chin ramkulh chung ah district 3, myone 9, 

myone khuai 4 a um. 

Kawlram ah a sifakmi hi zatuak 26 an si 

i 2015 kum ahcun zatuak 16 ah kan thlak lai 

tiah Kawlram President Thein Sein nih August, 

2011 ah tuahmi parliament biachimnak ah a rak 

chim. (Ref: Irrawaddy) 

2 

Chin ramkulh chung tlangrian 

ṭuanternak kong CHRO nih 

report a chuah 

January, 2011 in atu tiang ah aa dangmi 

tlangrian ṭuanternak cathluan (document) 20 cu 

Chin Human Rights Organizatoin (CHRO) nih 

kan hnu cawn nili ni ah a chuah i cheukhat cu 

khua pawl ah tlangrian ṭuanternak a si. 

Tlangrian ṭuanternak kong he pehtlai in 

zatuak 50 cu Kawl ralkap nih ṭuantermi a si i a 

dang zatuak 50 cu hmun-um nawlngeitu hna nih 

ṭuantermi a si tiah report nih a langhter. 

Ṭuantermi rian ah porter phorhter, innlo sakter, 

ciatsu cinter le a dang rianṭuannak pawl aa tel. 

May, 2011 ah International Labour 

Organization (ILO) nih Hakha ah ningcangte in 

thil sining theihhngalhternak (official 

awareness-raising) workshop a tuah i cu ahcun 

uknak lei, biaceih zung lei, palik le ralkap 

rianngei lei in official minung 160 hrawng an 

rak itel kho. Cu an tuahmi cu hi bantuk kong he 

pehtlai in Chin ramkulh ah official tein an tuah 

hmasa a si. 

Cuti workshop an tuah khawh hnu in 

CHRO nih aa dangmi hmunhma pawl in 

tlangrian ṭuannak cathluan 12 a rak chuahpi 

ṭhan i cu 12 chung ah zatuak 50 cu Kawl ralkap 

nih porter an phorhtermi a si i a dang zatuak 50 

cu mipi nawlngeitu le Chin ramkulh vunci lutlai 

fialmi zong aa tel ti a si. 

2012 kum belte in cun CHRO nih 

tlangrian ṭuantermi le porter phorhtermi cazin 

an ichiahmi a um ti lo. (Ref: Mizzima, Aug 30) 

MACCF a voithumnak civui an 

tuah 

USA ram lai chung ummi Chinmi 

Khrihfa bu hna komh in dirhmi Mid-America 

Chin Christian Fellowship (MACCF) nih a 

voithumnak civui cu, August 31 - September 3, 

2012 tiang sunglawi tak in an tuah cuahmah lio 

a si. Civui tuahnak hmun cu Chicago khuapi 

kam ah a ummi St. Charles, IL khua ah a si. 

MACCF ah hin US ram i Iowa State, 

Illinois, State le Winsconsin State hna i a ummi 

Chin Khrihfa bu 8 an itel. Mah hi Christian 

Fellowship hi 2009 kum ah Khrihfa bu pakhat 

le khat izohkhenhnak caah rak dirhmi a si. 

Tutan civui ah MACCF chungtel Khrihfa bu 8 

in minung 700 hrawng an rak itel kho lai tiah 

ruah a si. 

“MACCF hi Des Moines khua, Iowa 

peng ah Khrihfa bu 8 in pastor, haotu, 

chungṭuan le aiawhtu upa hna nih December 19, 

2009 ah rak dirhmi a si. Hi bu nih aa tinhmi cu 

Mid-America ramkulh chung ummi Chin 

miphun hna caah le kan ban nih a banhkhawhmi 

zat in kan miphun le ram, Khrihfa bu caah 

rianṭuan ve usih ti saduhthahnak he dirhmi a si” 

tiah MACCF Secretary Pastor Danny Bawi 

Thianhlun nih GCN sin ah a chim. Civui hi kum 

khat voikhat in tuahmi a si. 

Atulio MACCF OC Upa Hruaitu Hna 

cu; Pastor Chan Thawng Lian (Chairman), 

Pastor Dar Lian (Vice- Chairman), Pastor 

Danny Bawi Thianhlun (Secretary), Pu Lian Uk 

Thang (Asst. Secretary), Pastor Ro Sang 

(Treasurer), Saya Ram Dawt Lian (Asst. 

Treasurer) tiin an si hna. (Ref: Globalchinnews)


Report: Karen minung cheuthum 

cheukhat cung ah Kawl ralkap 

nih covo buarnak an tuah rih 

Kawl cozah le Karen National Union 

(KNU) hmaizarh chung ah tonbiaruahnak ngeih 

an itim ko nain Kawl ralkap nih Karen minung 

cheuthum cheukhat cung ah minung covo 

buarnak an tuah rih tiah kan hnu cawn nihnih ni 

ah a chuakmi report pakhat nih a langhter. 

Karen ramkulh ah a ummi chungkhar 

cheuthum cheukhat cu tlangrian hramhram in 

ṭuanternak, pumsa tukvuaknak, tlaihhremnak 

phunphun an ton tiah Physicians for Human 

Rights (PHR) report nih a langhter. PHR nih 

kahdaih hnatlaknak an tuahmi cung zong ah 

KNU nih iralrin deuh ding in ralrin a pek lawng 

si loin cozah nih minung covo a buartu pawl cu 

azizutnak le dantatnak, a dikningte in 

tawlrelnak ding ah remh ṭhannak tuah ding in a 

chim chih. 

“US phaisa phum pawl nih minung covo 

buarnak pawl kan duhlo lai tiah Obama nih a 

chim ko nain hihi biatak deuh in a kham ding a 

si, a bik in Karen miphun umnak le tlangcung 

hmunhma pawl ahhin a si. Ramdang company 

pawl nih hin minung covo kan buar lai lo tiah 

an chim tawn ko nain a tak thil a vun can tik 

ahcun an ca ṭhatnak ding ah nawlngeitu pawl he 

an ibawm ṭheo tawn” tiah PHR in Kawlram 

director Bill Davis nih a chim. (Ref: Mizzima, 

Aug 29) 

Naypyidaw ah palik pakhat amah 

tein mei aa khang 

August 28, zanlei sml 3:30 hrawng ah 

Naypyidaw ah palik pakhat amah tein mei in aa 

khang tiah theih a si. Aa khangmi hi SB palik 

thawngpang phu in palik uk Win Min Thant 

timi a si i amah tein maw aa khangh, mi nih dah 

an khangh timi belte theih a si rih lo. 

“A thihnak kong he pehtlai in theih a si 

rih lo i datsi aa toih hnu ah mei in aa khang tiah 

zumh a um, Dr pawl nih zeitin a si timi an 

chekhlat lio a si, amah te zong in aa khanghmi a 

si kho i mi nih khanghmi zong a si kho men, a 

thih hnu ah khanghmi cu a si lai lo” tiah 

Naypyidaw ah a ummi sakhanhmu palik uk U 

Myint Kyaw nih a chim. 

Naypyidaw ah atu bantuk in palik 

pakhat nih amahte in mei ikhanghnak a tuahmi 

cung ah zei ruang a si timi hi mipi tampi nih 

theih an duh ngaimi pakhat a si. (Ref: RFA, 

Aug 29) 

Siiṭhalo a zuar tiah lungrumhmi 

Shan pa Tuluk sin ah chanh a si 

Kan hnu cawn nihnih zinglei sml 4 ah 

Shan miphun, siiṭhalo a zuar lai tiah 

lungrumhmi pakhat cu Kengtung myone 

nawlngeitu hna nih Tuluk sin ah an chanh tiah 

theih a si. Sai Aung Myat tiah theihmi siiṭhalo 

zuar pa hi nikum ah Mekong tiva ah tilawng 

(sail) aa citmi Tuluk minung 13 a rak thattu hna 

ah ṭuanvo ngei pakhat a si i hriamnam aa 

tlaihmi bu pakhat i lieutenant pakhat a si. 

Atu an tlaihmi Sai Aung Myat hi an 

hruaitu a simi siiṭhalo zuarnak siangpahrang Sai 

Naw Kham cu Lao nawlngeitu hna nih an tlaih i 

Tuluk cozah sin an ap hnu ah amahte in Kawl 

cozah sin ah aa apmi (surrender) a si. Nikum 

Aug 5 kong he pehtlai in hlathlainak tuah ding 

ah Sai Aung Myat cu Tuluk cozah sin ah kan 

chanh tiah Kawlram cozah thawnghzamhnak 

nih kan hnu cawn nithum ni ah an langhter. 

Sai Aung Myat Tuluk kut cung ap ding 

hi Tuluk nawlngeitu hna nih Kawlram cozah sin 

ah voi tampi an hal hnu ah atu bantuk in an ap i 

cucu Kawl cozah nih Tuluk he irem deuhnak 

ding ah lam a onmi a si tiah thawngzamhca 

tampi nih an ṭial. Sai Aung Myat hi May 15 ah 

a ralkap pawl he Tachilek District nawlngeitu 

hna sin ah aa apmi a si. (Ref: Irrawaddy, Aug 

29) 

Yuzana nih a chuhmi vawlei 

hmunhma a pek ṭhan hna lai 

Yuzana company a ngeitu Htay Myint 

nih Kachin ramkulh, Hukaung tlangkar i ekah 

1000 leng a chuhmi hmunhma cu kokek ram 

ngeitu hna sinah ka pek ṭhan hna lai tiah a chim. 

Nithum ni ah Htay Myint he 

tonbiaruahnak a ngeimi Bauk Ja nih hmunhma 

pawl cu pek ṭhan an si lai i mah leng ah vawlei 

hmun a ngei ti lomi pawl liamh ding zong 

iceihnak a um lai tiah a chim. Mah hmun hi fu 

le cassava (carrot phun a simi) tbk cinthlaknak 

ah an hman ngaingaimi a si. Hiti an khirh 

ṭhannak hna cu nili ni ah Yangon khuapi 

Shwegondine lam hnu lei a ummi Yuzana Hotel 

hmai ah duhlonak an langhternak in a chuakmi 

a si. 

Mah leng ah khuate lei a ummi lothlo 

pawl liamh ding a zat zong an iceih cuahmah 

liopi a si. Khuate lothlomi Pu Zau Seng nih ka 

vawlei cu kum 4 chung an thuan i an hrawh, ka 

ngah ṭhan ko nain a hlan bantuk si ṭhan ding ah 

kum 8 hrawng non-ek toih i sersiam ṭhan a hau 

tiah a chim. A luancia thla tlawmpal zong ah 

Kawlram mirum Tay Za nih a ngeihmi Aye Ya 

Shwe Wa company zong nih hramhram in 

chuhmi vawlei hmunhma ekah 40,000 leng cu 

hlan lio a ngeitu pawl pek ṭhan ding in tiah 

cozah sin ah a rak pek ṭhan bal cang hna. 

Kawlram ahcun ralkap, cozah le chawlet pawl 

nih vawlei hmunhma hramhram chuh ruang ah 

buaibainak hi atu le tu a cang peng. (Ref: 

Mizzima, Aug 31) 

3 

UNFPA hruaitu Kawlram a 

tlawng i a kir ṭhan cang 

Kan hnu cawn nikhat ni ah United 

Nations Population Fund (UNFPA) director Dr. 

Babatunde Osotimehin le Kawlram President 

Thein Sein cu Naypyidaw ah tonnak an ngei i 

remh ṭhannak le ṭhanchonak pehzulh ding pawl 

caah zeitin fund nih a bawmhchanh khawh lai 

timi kong an ceih. Cun cawn nithum ni ah a kir 

ṭhan tiah theih a si. 

President le Dr. Osotimehin cu UNFPA 

nih a chuah ṭhanmi a ngandammi mino policy 

kong an ceih ti a 

si. Dr. 

Osotimehin hi 

ngandamnak lei 

vunci Dr. Pe 

Thet Khin, NLD 

hruaitu Aung San 

Suu Kyi, MP 

pawl le cozah 

rianngei pawl 

zong a ton hna 

tiah theih a si. 

Cawn nihnih ni 

ah Lower House 

biachimtu Shwe 

Mann le naite ah 

dirh tharmi 

Parliamentary Committee on Population and 

Social Development in chungtel pawl a ton hna. 

Kawlram nih milurelnak a tuah dingmi 

ah UNFPA nih bawmh a timhmi cung ah Thein 

Sein nih aa lawmhnak kong zong a chim. (Ref: 

Mizzima, Aug 29) 

UN le mibawmhnak rianṭuan 

pathum Thein Sein nih a 

ngaihthiam hna 

Kan hnu cawn nihnih ni ah Kawlram 

President Thein Sein nih Rakhine ramkulh ah 

an rak tlaihmi UN rianṭuan pahnih le 

mibawmhnak rianṭuan pakhat cu a ngaihthiam 

hna. 

Atu an ngaihthiammi hna hi zei ruang 

ngaihthiam an si timi cu President website nih a 

langhter lo nain a thlah hna lai maw timi a fiang 

rih lo i hi hna pathum hi thong kum 2 in kum 6 

kar a tla khomi an si. “Cozah dawtnak in 

thlahmi an si” tiah website nih a ṭial tiah RFA 

nih cawn nithum ni ah a ṭial. Rakhine ram 

buaibainak ruang ah a thimi hi minung 80 

hrawng an si i UN le NGO rianṭuan pawl nih 

ramleng thawngthanhnak pawl sin ah 

thawngpang a si lo ning in an thanh ti ruang ah 

bawmhnak a pemi bu rianṭuan minung 12 

hrawng an tlaih hna lai tiah ruah a si. 

Cu chung ahcun UN rianṭuan pahnih le 

hmun-um mibawmchantu bu rianṭuan 6 lawng 

thlah an si rih tiah UN lei nih an chim. (Ref: 

Mizzima, Aug 29)


Zisuh A Kan Fialmi 

“Dawtnak Nun” 

Matthai - 22:37-39, Luka - 10:27-28 

Evan - John Ceu Mang (Ruan) 

Na innpa cu nangmah naa dawt bantuk 

in na dawt lai, ti hi a si. Matthai - 22:39. Cucu 

va tuah law na nung lai, tiah a ti. Luka - 10:28. 

Zisuh Khrih nih zumtu hna kan nun ram 

ah si hna seh ti a 

kan duhmi le a kan 

fialmi hi, nihin 

zumtu hna nih kan 

tuah hna in ka nun 

ram ah kan inunpi 

hna maw, ichek tuah 

hna u sih. Zisuh nih 

a kan fialmi le siter 

a kan duhmi hna hi 

kan tuah rih hna lo i 

kan nun ram ah kan 

inunpi rih hna lo a si 

ahcun nihin zumtu 

Khrihfami hna kan 

nun hi a poi taktakmi thil ah kan cang ko lai. 

Bawipa Zisuh nih a kan fialmi “Dawtnak 

Nun” 

Zisuh nih cun, “Bawipa na Pathian cu na 

lungthin dihlak le na ruahnak dihlak le na 

nunnak dihlak in na dawt lai” ti hi a si. Cucu 

Zisuh nih “A nganbik le a biapibik nawlbia” ah 

a chiah. Zisuh bia bantuk tein kannih zumtu 

vialte nih Bawipa Pathian cu kan lungthin 

dihlak kan ruahnak dihlak kan nunnak dihlak 

cun kan daw taktak hna maw? Zisuh nih le 

amah Bawipa Pathian dawt hi a kan fialmi a si 

fawn, kannih zumtu Khrihfa vialte nih kan dawt 

lo a si ahcun zumtu Khrihfa kan sinak hi i ruah 

ngaingai kan hau lai. Zumtu Khrihfa vialte nih 

dawtnak nun hi kan ngeih khawh hna lo a si 

ahcun zeitindah Bawipa Pathian nih cun a kan 

dawt khawh ve lai i, dawtnak thluachuah cu kan 

hmuh khawh hna lai. “Pathian nih a ka dawmi 

cu ka khamh hna lai i a ka hngalmi cu ka 

huhphenh hna lai. An ka auh tikah ka leh hna lai 

i harnak an in tikah ka umpi hna lai. Laksawng 

ah nun sau ka pek hna lai i ka khamh hrimhrim 

hna lai, a ti. “Psalm 91:14-16” Cucaah dawtnak 

nun hi Pathian zong nih a kan duhpiakmi a si i a 

fapa Zisuh Khrih zong nih a kan duhpiakmi le a 

kan fialmi a si bantuk in le dawtnak nun hi a 

nganbik nawlbia le a sangbik ah an chiahmi a si 

caah, kannih zumtu Khrihfa vialte hna nih cun 

kan nunnak hrampi ah hin dawtnak nun cu kan 

ngeih ding le kan inunpi ding cu an si ko lo 

maw? Luka chung zong ah kan hmuh bantuk in 

- “Phungbia cawnpiaktu saya pakhat zong nih 

zungzal nunnak chung i a luh khawh nakhnga 

ding ah Zisuh kha bia a hal, Zisuh nih cun 

cathiang nih zeitindah zungzal nunnak chung i 

na luhkhawh nakhnga ding ah an chimh i, 

zeitindah a sullam naa laakning a si, tiah a hal- 

Mipa nih cun a leh i, “Bawipa na Pathian cu na 

thinlung dihlak na nunnak dihlak le na thazaang 

dihlak le na ruahnak dihlak in na dawt lai i, na 

innpa zong kha nangmah naa dawt tluk in na 

dawt lai a ti tiah a ti” Zisuh nih cun a leh i, “Na 

bialehnak a hmaan; cucu va tuah law na nung 

lai, tiah a ti” Hi bia hi mipa nih a chim khawh le 

cangka in Zisuh nih a lehmi cu- cucu va tuah 

law na nung ko lai a ti. Zisuh bia bantuk tein 

kannih zumtu vialte nih hihi kan tuah khawh 

hna i kan inunpi hna a si ahcun nunnak kan 

hmuh lai i Pathian dawtnak thluachuah cu kan 

nun ram ah a lang ko lai. 

Zisuh nih pakhatnak ah a kan fialmi cu 

amah Bawipa Pathian dawt hi a si i, pahnihnak 

ah a kan fialmi cu kan innpa dawt hi a si. 

“Bawipa na Pathian cu na lungthin dihlak le na 

ruahnak dihlak le na nunnak dihlak in na dawt 

lai” tihi a nganbik le a biapibik nawlbia a si. A 

hung changtu biapi nawlbia cu, cu bantuk 

ṭhiamṭhiam cu a si i, ‘Na innpa cu nangmah naa 

dawt bantuk in na dawt lai’ tihi a si. Zisuh nih 

hi dawtnak nun a kan fialmi hi kan tuah kho hna 

in kan innpa cung ah dawtnak cu kan ngei 

taktak hna in kan daw hna maw? Hika ah na 

innpa a timi hi khua kan saknak kan inn le kan 

lo i innpa le lopa khi a 

chim duhmi a si lo. Nihin 

kan pawng ah a um vemi 

kan hmuh zungzalmi hna 

kan hawinu kan hawipa 

hna le sifak santlailo, 

michambau le 

tlamtlinglo, mihrut le miaa, 

ngakṭah le nuhmei le 

pahmei hna khi an si. Cu 

hna cung ahcun kannih 

zumtu vialte hna nih 

Zisuh nih a kan fial 

bantuk in dawtnak 

thinlung le dawtnak nun 

cu kan ngei hna maw? Nihin ah Zisuh nih a kan 

fialmi amah Bawipa Pathian dawt le kan innpa 

dawt hna hi kan nun ah le kan thinlung ah le 

kan tuahsermi hna ah kan ngeih rih hna lo a si 

ahcun zumtu Khrihfa kan sinak hmual a ngei 

hrimhrim lai lo hih. 

Cucaah kannih zumtu Khrihfa vialte nih 

Zisuh nih kan nun ram ah a kan duhpiakmi le a 

kan fial bantuk in dawtnak nun le dawtnak 

thinlung hna hi ngeih izuam hna u sih law, mi 

cung ah dawtnak in an herhmi thil va tuah piak 

hi izuam hna u sih. Cucu kan thluachuahnak a si 

lai i kan ilawmhnak a si lai. 

Pakhatnak ah amah Bawipa Pathian daw 

hna u sihlaw a caah zumhtlak in nung zungzal 

hna u sih. Pahnihnak ah kan innpa- ngakṭah, 

sikfak, michambau, tlamtlinglo, hmuinu 

hmuipa, hi daw hna u sih. Cucu zumtu kan nun 

ram ah Zisuh nih a kan fialmi le a kan 

duhpiakmi a si. 

Pathian duhnak tuah kha nan duhnak 

nganbik i a chiami cu lunglawmmi nan va si 

dah; Pathian nih nan duhnak cu a tlinter lai. 

Midang cung ah zaangfahnak a ngeimi cu 

lunglawmmi nan va si dah; Pathian nih an 

zaangfah hna lai. Matt - 5:6-7 

Pathian nih a bia a reltu vialte kan 

nunnak ah thluachuahnak kan pekpiak ko seh. 

Nang le Kei ṭhanchonak ah 

New Star 

Vawleipi a ṭhanchoning cu mithmuh 

kuttawngh a si. Minung kan pawngkam cu 

minung ṭhiam kan si i nunnak sullam kan timi 

zong cu minung sinak kha a si ko. Minung kan 

sinak ah kanmah duhnak le ruahnak lawng kan 

zoh sual a si ahcun rawhralnak lam a chuahpi 

khawh bang, zeihmanh duh lo, ruah lo ahcun 

ithihpi khawh a si fawn. 

A ṭhangchomi chanthar pakhat le pakhat 

ipehtlaihnak ah hin pawngkam thil 

sining le thil umtuning tampi 

zohchih a hauh caan a um tawn. 

Minung pahnih asilole tam deuh kar 

ah upatnak le theihthiamnak 

thinlungput a tlau ahcun rianṭuanṭi 

khawh a si ti hnga lo i nun khi 

sullam ngei loin ṭihnung tu a si hnga. 

Nifatin kan nunnak ah kan hmuh kan 

ton, kan theihmi thil hna hi a rak idang tuk cio 

lai. Mi pakhat nih a hmuhton, a intuarmi le a 

sining kha tuaktan huaha loin a cung ah fawi 

4 

tuk cun biachim ngam a si lai lo. Kan lungum 

bia kan chimmi hna hi a minung le thilsining 

zohthiam in chim khawh, chimthiam, langhter 

khawh a biapi ngai. A theitu, a ngaitu nih a 

inkhawh lomi fahnak bia hna kan chim sual 

ahcun thil dawh lo a chuak kho. Minung pakhat 

a lungdongh cang ahcun a taangmi hmai lei a 

nunnak lam caah lam tluang a si kho lo men. Cu 

ve bantuk in pakhat le pakhat forhfialnak he 

tinhmi a tlau lo ahcun aa thlengmi nunnak 

chung ah aa dawhmi le sullam a ngeimi nun a 

ngei ko lai. Cucaah pakhat le pakhat kar ah 

zeirellonak hrawh i-upatnak lungput he kan 

ipehtlaih a herh. 

Pakhat le pakhat ipehtlaihnak, 

ihawikomhnak, ihruainak ah hin thinlung 

ruahnak ikhah lo caan i kan buaibainak zong hi 

khatlei ruah ahcun ṭha deuh in itheihthiamnak 

caah lamsialtu zong a si ve. Hiti thil ka tuah 

ahcun amah le keimah kar kan tlamtling kho lai 

asilole zeitin dah ka tuah ah a ṭhat deuh hnga 

timi a kan ruahter. Ruahnak lungput aa khat 

lomi hi zoh in hmailei caan saupi tiang 

ihawikomh, ipehtlaih i rianṭuanṭi khawhnak 

ding caah lam thar kawl khawh a si fawn. 

Thil tampi kan hmuhton, kan theihmi 

lawng ruah i keimah ka hmaan ko tiah 

khawngton in i-al hna kan hmang ṭheo tawn. Ka 

hmaan ko timi lawng itlaih i khatlei i a thinlung 

a ruahnak zohpiak ti lo kha a poi ngaimi cu si. 

Ka hmaan timi hi mitei ah kan ruah tawn. 

Pakhat le pakhat duhsahte in ceihhmai buin 

khua kan khan ahcun a ṭhapi a si lo hmanh ah 

ṭhatnak lei cu a panh hrimhrim ko hnga. 

Minung hi kan ilawhnak a rak um hrim 

lo. Ziah dah kan ilawh hna hnga lo? Kan 

thinlung aa khat lo, kan ruahnak aa khat lo, kan 

hmuhning aa khat lo, kan herhmi zong aa khat 

lo i minung kan sinak kan bu kan ihruainak, kan 

ihruaidan zong aa khah lo caah a si. Cu ruang 

ah i-alnak a chuak tawn. Cucaah kaphnih thil 

ruahkhawhnak nih hin ṭhatnak lei a panh kho 

deuh. Kanmah hna thil pakhat khat ah kan rak 

palh komi kha kan palh ti thei loin midang kha 

va kal i keimah bantuk in nan ruat kho lo na 

palh tiah kan va ti hna tik ahcun a tenau tukmi 

thinglungput a si hnga. Cu ve ṭhiamṭhiam in 

kanmah thinlung ruahnak kha kan ichek dih hnu 

ah midang i a ruahnak, a lungput, a zumhnak 

pawl le a duh lomi pawl kha theih khawh ding 

in izuam ṭhan ahcun amah lei zong in a 

hmaannak a rak um ve ko kha kan hmuh thiam 

ve hnga. 

Minung cu a palhmi lawngte kan si kho 

lo i a hmaanmi lawng te zong kan si kho hlei 

fawn lo. Kanmah lei in zeitluk tiang in dah kan 

hmaan, kan palh timi mah le mah idothlatnak 

ngeih hmasa a herh ngaingai. Cu chung ahcun 

“Anih he cun caan saupi tiang pakhat le pakhat 

ipehtlai in kan ihawikom kho lai i rian kan 

ṭuanṭi kho lai,” timi lungput kha kan ingeihcia 

ngai a hau. Cuti kan tuah ahcun kan thinlung, 

kan ruahnak a ngan deuh lai i poipang kan ton 

caan zong ah ceihhmai buin kan tawlrel ahcun 

theihthiamnak a kau deuh ko hnga. Aa tlukmi le 

aa khatmi thinlung he pakhat le pakhat aa 

tlakmi hmuhṭi khawhnak thinlung a ngan chin 

lai. Cu tik ah kan 

sining zong kha a 

sang deuh ko lai. 

Upat ṭihzahnak 

lungput a karh deuh 

lai i kan ruahnak 

zong a hmaan lei ah 

a panh ko hnga. 

Cucaah cun thinlung 

ruahnak ṭhanchoter khawh kha chanthar nang le 

kei kan ṭhancho taktak a si ve ko tiah.


A voi 36nk Pyithu hluattaw 

meeting 

Pyithu hluattaw meeting cu August 30 

ahkhan an tuah. 

Pyithu hluattaw lutlai 

Thura Shwe Mann le 

hmunkip in hluattaw 

aiawhtu MP 409 an 

itel kho i biahalnak 6 

lehnak le upadi 

pakhat an fehter tiah 

The New Light of 

Myanmar thanhca 

nih a ṭial. 

(1) Patheingyi in 

hluattaw aiawhtu U 

Aung Thant nih 

zinan le mei vannak 

(bio fuel) hmannak kong ah hmailei 

timhtuahnak kong a halmi kha Deputy Minister 

for Energy vunci U Htin Aung nih “Hi kong 

hi kanmah Ministry of Energy, Ministry of 

Agriculture and Irrigation, Ministry of Science 

and Technology, Ministry of Environmental 

Conservation and Forestry and Ministry of 

Industry he ibawm in gasohol and biodiesel 

chuahnak, chiahnak le zuarnak ti bantuk cu 

ramdang bantuk in tuah khawh ve ding ah vunci 

zung in ruahnak petu hna le cozah a si lomi bu 

in mifim mithiam thluak-um (think tank) hna he 

bu pakhat kan ser. Cu nih National Energy 

Management Committee dirh ding ah 

timhtuahnak a ngei i mei lei (energy and 

electricity) ṭhanchoternak rian kha a ṭuan te lai. 

Kanmah Energy Ministry nih a herhning in kan 

bawmhchanh ve te lai” tiah a leh. 

(2) Wundwin in hluattaw aiawhtu U Than 

Myint nih ramkhel rianṭuan hna pension kong a 

halmi cu Union Minister at the President Office 

in U Soe Maung nih “Ramkhel rianṭuanmi hna 

sin in pension a sawkmi 166 ah 57 cu an hmuh 

dingmi pension hlawh kaiter an si cang i an 

sawkmi cohlanpiak ding ah a taangmi 109 

chung ah 74 lawng hi President zung ah a phan, 

35 ta cu a phanh rih lo caah anmah le an myone 

cio ah hlathlainak an tuah cio a herh tiah a leh. 

(3) Htigyaing in hluattaw aiawhtu U Soe Soe 

nih ṭhal ah cinmi fu le anhnah cinnak kong le 

(4) South Okkalapa in hluattaw aiawhtu U 

Aung Thein Lin nih lothlo le leituah pawl caah 

hmun lawngmi kha sawk ningcang le a 

dangdang ah hman duh tik ah form 39 le 105 

sawk ningcang timi pawl an halmi cu Deputy 

Minister for Agriculture and Irrigation vunci U 

Khin Zaw nih a leh hna. A pakhatnak biahalnak 

ah; ṭhal ah cinmi fu te pawl caah anmah he aa 

pehtlaimi sehzung pawl nih an timhtuahpiak 

cuahmah lio a si i kannih cu Kawlram pumpi 

caah facang cinthlaknak a karh chinchin 

nakhnga phaisa chuahpiak ding hi kan timhmi a 

si rih caah hihi cu kan ruat rih lo tiah a leh. A 

pahnihnak; hihi cu anmah le pengtlang cio in 

nawlngeitu (respective region/state 

governments) hna lawng nih mah le hmunhma 

zohchun in an tuah khawh dingmi a si tiah a leh. 

(5) Padaung hluattaw aiawhtu U Khin Win nih 

zarhkhat ah voikhat lawng Yangon le Pyi a 

kalmi tilawng caah voi tam deuh kal ding 

timhtuahnak a um le um lo kong le 

(6) Kyangin in hluattaw aiawhtu Dr Tin Maung 

Kyaing nih Pyay le Danubyu kar ah Ayeyawady 

tiva pawng ah lung an laak ruang ah tilam a 

khamnak kong ah nawlngeitu lei nih dantatnak 

nan ngeih le ngeih lo kong, an halmi cu Deputy 

Minister for Transport vunci U Han Sein nih a 

leh hna. A pakhatnak; zeihmanh timhtuahnak 

kan ngei rih lo. A pahnih nak; cu bantuk in 

phungninglo in lung a lami 

hna cu ti lei tawlrelnak le 

zohkhennak lei upadi (water 

resources and water system 

conservation law) ning in 

dantatnak kan tuah cuahmah 

lio a si tiah a leh hna. 

Upadi fehter kong he 

pehtlai in a voi 32nk 

hluattaw meeting ah 

Economy and Commerce 

Development Committee 

nih an chuahpimi Kawlram 

mi nih phaisa thap in 

tuahkhawh venak upadi 

(Myanmar Citizens 

Investment Bill) cu pakhat hnu pakhat in 

ceihṭinak an tuah hnu ah fehternak cu an tuah. 

Obama nih Thei Sein visa a onh 

ṭhan Kawlram president Thein Sein cu a 

ralaimi thla chung ah tuah dingmi UN General 

Assembly va kai khawhnak ding ah US 

President Barack Obama nih a luancia nithum 

ni ahkhan visa onpiak ṭhan ding nawl a chuah. 

Asinain Thein Sein cu anmah nih ri an 

khiahpiaknak New York in UN headquarters 

hrawnghrang lawng ah chawhvahnak nawl pek 

a si te lai. 

Obama nih hitin biachahnak a tuah cu 

Thein Sein cozah nih thlennak a tuah 

cuahmahmi ruang ah le amah he naihniam in 

rianṭuanṭi kan duhnak 

langhternak caah a si. 

A bik in ramkhel 

kong le chawleh 

chawhrolnak kong ah 

fawi deuh in thlennak 

a tuah nakhnga ding 

caah kan 

ipehtlaihning kan 

ṭhawnter deuhnak hi 

a herh ngaimi a si tiah White House national 

security in biachimnak nawlngeitu Tommy 

Vietor nih a ti. Cun hi lio ah US democracy 

hruaining kha ṭhate in a theihfian khawhnak 

ding ah hruaitu cheukhat he phungning in 

tonnak nawl onh a si te lai ti zong a chim chap. 

Aung San Suu Kyi zong caankar a 

khualtlawnnak in Congressional Gold Medal va 

hlam ding in tu thla chung ah US kal ve colh 

ding a si caah Thein Sein zong Suu Kyi kal lio 

ah hnawh ngai in khualtlawn aa thawh ve lai 

tiah ruah a si. Kawlram uktu bawi le ralkap cu 

minung covo an buar caah US nih 2008 upadi 

ning in visa a phih piak hna. (Ref: DVB) 

India nih Rakhine ram caah 

bawmhnak a pek 

India cozah nih nitlak Rakhine ram 

ummi harsa pawl caah a pekmi phaisa US$ 

220,000 cu Indian Ambassador Dr. V.S. 

Seshadri nih Kawlram Minister of Border 

Affairs and Industrial Development Lieutenant- 

General Thein Htay kut ah a pek cang tiah 

Indian media nih thanhnak a tuah. Rakhine ram 

buaibainak ruang ah minung 89 an thi i 116 

hma an pu. 65,000 cu inn ngei loin dornak 

hmun a kawl cuahmahmi an si. Inn 4,822, 

Muslim biakinn 17, phungki siang 15 le 

sianginn 3 cu mei in khangh a si cang. (Ref: 

Mizzima) 

5 

Mitt Romney: America biakam 

ka tlinter lai 

Florida ah tuahmi party itonnak ah Mitt 

Romney nih Republican Party in America 

President icuh ding ah an thimnak cu a cohlan 

hnu ah America ram caah biakam cu ka tlinter 

ṭhan lai tiah bia aa kam. 

“President Obama nih a rian ah teinak 

hmu seh tihi ka saduhthah a si, ziah tiah cun, 

America hi teinak hmu seh ti ka duh. 

Sihmanhsehlaw nan theih bantuk in a ṭhabikmi 

ilungmuihnak he a caah me nan thlak i 

President a hun si tik ah a ṭuanmi a rian he 

pehtlai in palhnak a um” tiah Mitt Romney nih 

mipi sin ah a chim. 

“President Obama nih rili ti a kai 

nuarhter ding le kan vawleipi damter hramthok 

ding in bia an kamh hna. Kei ka biakam cu hihi 

a si. Nangmah le na chungkhar kha kan bawmh 

hna lai” tiah a ti. 

Rian ngei lomi 8.3% he nuam lo ngai in 

a kan umtertu kan sipuazi (economy) hi ka thlen 

lai i kum li chung ah American pawl rian nuai 

12 (million) ka serpiak hna lai tiah bia aa kam. 

Kum 2020 ahcun America nih energy (gas, 

zinan, datsi tbk) he pehtlai in ramdang 

ihngatnak in ka luatter lai. Rampi hman ding 

phaisa rikhiahmi (deficit) zong kan tan lai i 

chawlehthalnak lungtlinṭinak a thar tuah ding 

zong ceihkhannak ka ngei lai tiah a ti. 

“President Obama nih President a sinak cu 

ngaihthiam hal in a thawk i kei cu President ka 

sinak cu rian he ka thawk lai” tiah a ti. 

Kan hawi a simi Israel kha harnak tang 

ah a hlonh i Iran kha zaangfahnak a pek tiah 

Romney nih President Obama kha a mawhchiat. 

“Keimah hruainak tang ahcun kan hawi a simi 

ram hna nih American zumhtlak a sinak kha 

tam deuh an hmuh lai i Russian President Putin 

zong nih America a dirhmun a feh deuhzia kha 

a hmuh lai” tiah a chim. 

Party itonnak ah a ummi republican 

pawl nih cun kanmah nih teinak kan hmuh ko 

lai tiah an izumhnak kha an chim i President 

Obama milunglaaknak ah manager a ṭuanmi 

Jim Messina tu nih cun Mitt Romney a chimmi 

hi thil tlawmte lawng aa tel i Oboma sual a 

phawtnak tu a tam deuh tiah a chim ve. (Ref: 

BBC) 

Japan ah Samsung nih Apple a 

tei 

Tokyo biaceih zungpi nih Samsung nih 

Apple nawl a cawng lo tiah biakhiahnak an 

tuah. Mah hi US ah Samsung nih Apple nawl a 

cawn (a fir) ti ruang ah $1 billion leng liamh 

ding bia an khiah tlawmpal ah a hung chuak 

vemi a si. 

Hi kong he pehtlai in Samsung lei nih 

Samsung nih Apple nawl a cawn hrimhrim lo 

timi caan sau buainak kong ah hitin biakhiahnak 

dik an tuahmi cung ah kan ilawm tuk tiah an 

chim. Agust 24 ah US biaceih zung nih 

Samsung cu Apple thilchuah pawl iPad le 

iPhone telh in phone lei thilri pawl aa cawn (a 

fir) tiin bia an rak khiah. Nain Samsung nih US 

biakhiahnak cung ah nawlnak tuah ṭhan ding in 

timhtuahnak a ngei. (Ref: BBC, Aug 31)


Tuluk spy a ṭuanmi US pa an 

tlaih Tuluk ram US pehtlaihnak zung a 

cawngtu (guard) a ṭuanmi Bryan Underwood cu 

Tuluk cozah sinah US biathli pawl zuar a timh 

caah tlaih a si. Kum 32 a simi Bryan 

Underwood hi Guangzhou khuapi thlanglei ah a 

ummi US pehtlaihnak zung ah 2009 in 2011 

karlak a ṭuanmi a si. Amah cu Tuluk ram 

humhimnak zung ah US humhimnak hnatlak 

minthutnak a dikthlir hna le hmanthlak pawl 

chanh a timh hna ruang ah tlaih a si. 

Mah a zuarmi hin $ 5 million 

(£3.2million) hrawng a hmuh lai tiah an zumh. 

Bryan hi ramdangmi 

caah rianṭuanpiak 

ruang ah tlaih a si. 

Nain pumpak 

pawcawmnak harsat 

ruang ah pumpak 

ṭhatnak caah a ram 

rawi (betray) a timh 

hi a si tiah cozah lei 

upa pakhat nih a 

chim. US biaceih 

zungpi nih Bryan 

nih Tuluk cozah sin 

ah biathli pawl 

chanh a timh hna nain a cawngtu pakhat nih lam 

a rak kham tiah an chim. Cun mah hmanthlak 

pawl kong agent pawl nih an hal ṭhan tikah 

Tuluk cozah sinah zuar a timhnak kong a phuan 

ṭhan. Nain hi a tuahmi a tlamtling tiah zumh 

awk le chim awk in tehte kan hmu rih lo tiah an 

chim. Bryan kong cu November thla ah 

biakhiah te ding a si i a tlawmbik kum 20 leng 

thongthlak a si lai tiah zumh a si. (Ref: BBC, 

Aug 31) 

Hamas: Gaza ah porn websites 

kan phih lai 

Palestine Hamas, Islam hriamtlai bu 

pawl nih Gaza ah porn (nupasualnak lei he aa 

pehtlaimi) websites zoh khawhnak cu phih ding 

ah timhtuahnak an ngeih kong thawng an thanh. 

Gaza a uktu Hamas nih a nganbikmi 

maivan petu (internet provider) 10 hna cu 

September 1 thawk in nupasualnak he aa 

pehtlaimi internet websites pawl cu phih ding 

ah an duh hna. Hi cawlcanghnak i aa tinhmi cu 

Gaza zatlangnun a hrampi himter ding hi a si 

tiah cozah lei rianṭuantu pawl nih an chim. A 

soiseltu pawl nih cun hi nupasualnak website 

phihnak ah an hmanmi technology hi ramkhel 

lei he aa pehtlaimi chimrelnak a ngeimi website 

pawl tinh in an hman sual lai ti an phan ngai. 

Hamas nawlngaitu hna nih Palestine 

lamhla ichawnbiaknak lei ah company pakhat a 

simi PalTel he kap hnih lungtlinnak min an rak 

thut i Gaza ah nupasualnak he aa pehtlaimi 

website pawl phih hi 2008 in an rak thawk 

cang. Hi kong ah zohhlatnak a ngeimi pawl nih 

“Hi nupasualnak he aa pehtlaimi websites pawl 

phih ding in an izuamnak hi a nganbikmi 

zuamnak a si” tiah an chim. Sihmanhsehlaw, 

nawlngeitu hna nih cun cozah nih hi website 

pawl hi a phih bia si loin maivan petu hna kha 

ramkip nih hmanmi Safe Content Standards tu 

kha bunhpiak ding in a hal hna tu khi a si tiah 

an chim. Hamas nih Gaza nawlngeihnak 2007 

ah an rak laak ri in Gaza ah hin Islam 

nungphung hi a dirpi cang. Nikum ah khan pa 

nih nu samtan lo ding timi phung kha a rak 

fehter i 2008 ah, thil dawr ah an piahmi minung 

zukṭuh le hnichungnawh le angki chungnawh 

lawng he a ummi model hmanthlak cu nu thil 

zuarnak dawr in an rak hlonhter dih hna. (Ref: 

BBC) 

India PM Manmohan Singh Iran 

a phan 

India PM Manmonhan Singh cu Non- 

Aligned Movement (NAM) tonbiaruahnak ah 

kai ding in Tehran a phan. NAM cu ram 120 in 

fonh a si i zei ram thawngṭha hmanh ṭanh hlei 

ngei loin dingthlu in rian kan ṭuan lai tiah 

dirhmi a si. 

Cun PM Singh cu Iran lutlai pawl le 

Pakistan ramhum Asif Ali Zardari hna he zong 

tonbiaruah ding in timhlamhnak a ngei. Mah 

leng ah US nih Iran sehhang a cawkmi ṭhumh 

deuh ding in a forhfialnak cung ah Iran lutlai 

hna he hnatlak minthutnak pawl zoh ṭhan ding 

ah timhtuahnak a ngei fawn. India hi Asia 

ramchung Iran sehhang a cawibik pakhat a si 

ve. Singh nih atu lio Syria sining ah le 

vawleicungpi chawleh a tlaknak hna telh in 

ramkhel lei le chawleh zuamcawhnak lei 

tlangtlaknak ah tampi NAM nih a bawmh hna 

lai tiah a chim. (Ref: BBC, Aug 29) 

Vawleicung ah zumh tlak lobikmi 

Ghana nu le Thailand nu 

Vawleicung ah an tlangval pawl caah 

zumh tlak lobikmi nu hi Ghana nu le Thailand 

nu pawl an si tiah naite ah a chuakmi survey 

result nih a langhter. 

Hi survey hi condom a chuahtu Durex 

nih ram 36 in nu 29,000 sin ah hlathlainak 

(survey) a tuah hnu ah a langhtermi a si. Ghana 

nu zatuak 62 nih an tlangval um lo kar ah 

tlangval dang he an sualṭi (sex an tuah) ti a si i 

Thailand nu nih zatuak 59 in an zulh hna. A 

pathumnak zumh tlak lobikmi nu cu Malaysia 

nu an si i 

zatuak 39 nih 

an tlangval 

pawl um lo 

kar ah pa 

dang he an 

sual tawn ti a 

si. A palinak 

ah Russia nu 

pawl nih zatuak 33 in le a panganak ah 

Singapore nu pawl nih zatuak 19 in an zulh hna. 

Nuva aa hleng vevemi (nupi nih pa dang 

he iduh, va nih nu dang he iduh) ah South 

Korea le Thailand khawh in Malaysia nih an 

zulh hna. Nu he a ihṭi tambik ah Singapore pa le 

Hong Kong pa pawl hi an itluk i a buakthlak in 

pa pakhat nih nu 16 he an itṭi ti a si. (Ref: 

Indiaexpress, August 27) 

Randy Jackson nih American 

Idol a chuahtak ṭhan ve 

Record producer a simi Randy Jackson 

zong a hawile Jenifer Lopez le Steven Tyler hna 

keneh zul in American Idol 

biakhiaktu sinak in a ngol ve 

cang. Nain US muicuang aa 

zuam ding in chimtu lei tu in 

a taang rih lai. Kum 56 a si 

cangmi Randy lawng hi a 

hnubik a taangmi a si i a dang 

a hawile cu Paula Abdul le 

Simon Cowell hna an rak si. 

American Idol biakhiaktu pawl cu an 

dihlak in an chuak dih cang. Nain a thar in hun 

ser ṭhan cang i minung pali in biakhiaktu chiah 

a si. Cun Pop hlasa Mariah Carey cu minthut 

hnatlaknak a ngei cang i Hip hop hlasa Nicki 

Minaj zong minthut ding a tuah cuahmah lio a 

si. Cun Country hlasa Brad Pailsy le Keith 

Urban hna zong American Idol a zohtu pawl an 

lung a lawmhter ngai hna lai tiah zumh a si. 

(Ref: The Sun, London) 

6 

Tax bill £ 200,000 pek lo ruang ah 

an tlaihmi Steven Segal 

Los Angeles County Recorder's Office 

nih Steven Segal cu tax bill $ 335,606 man leng 

a pek lo ruang ah an tlaih. Mah hi 2010 in a rak 

bat cangmi a si. 

Steven Segal hi a leiba a cham dih hlan 

cu chuah khawh dawh a si lo. Steven hi kan hnu 

kum hrawng aa thlakmi Machete, Born To 

Raise Hell le 

Steven Segal 

series a simi 

Lawman le 

True Justice 

hna tangka 

hmuh a tlawm 

caah atu lio 

hrawng hi a 

sifah dawh 

ngai a si. 

Nain 1992 

hrawng i a lar 

tukmi Under Seige zukcuang ah a hun langh 

tikah Sylvester Stallone i a lar tukmi The 

Expendables series i part 3 ah aa tel khobiktu a 

si tiah zumhmi a si. Hi kong ah part 2 ah aa tel 

vemi Jean Claude Van Damme nih part 3 ahcun 

Steven Segal aa tel hi hmuh ka duh ngai. Nain 

aa derter deuh a hau lai, mah lawng ah rang 

deuh in a cawlcang kho lai tiah capo nih pah 

khin a chim. 

Amah he hin voikhat hnih cu kan itong 

pah, mi ṭha a si. A ka uar tuk lem lai lo nain kei 

nih cun ka uar ngaingai, a hlei in screen chung 

ah. Mah ka (The Expandebles) ahcun hmu kho 

ning law cu kai lawm tuk hnga tiah JV nih a 

chim. Ziah Steven nih an uar lo tiah an hal tik 

ah, Because I am good. Keimah cu ka zat caah 

ta! tiah a leh hna. (Ref: The Sun, London) 

Sylester Stallone fapa thihnak 

kong a thiang 

Sylester Stallone (Rambo) i a fapa Sage 

Stallone (kum 36) cu thin tur (heart attack) in 

July 13 ah a thi i Sage a thihnak hi rithaisii 

hmannak he pehtlaihnak a um lo tiah cozah lei 

nih thawng an thanh. Nain mah tluk kum note te 

nih mah bantuk zawtnak ngeih cu ningkel 

(unusual) a si lo tiah micheu nih an ti. 

Sage cu Stallone i a hmasabik nupi 

Sasha Czack he an hrinmi a si i an fa hmasabik 

a si. A fapa a thih leng ah Stallone cu The 

Expendables 2 muicuang mipi lunglaknak tuah 

ding (promotion) tam tuk a tlolhmi nih 

ngaihchiat le awlawkchawng in a umter 

chinchin. Hi a fapa ngeihchun a thih 

ngaihchiatnak hi nunchung philh khawh a si lai 

lonak le a nu Sasha ca zong ah a 

ngaihchiatpinak kong Stallone nih a chim. Mah 

leng ah kan hnu zarh hrawng zong ah khan a 

farchin (half sister) Toni Ann Filiti cu thin 

(lung) cancer in a thi ve. (Ref: The Sun, 

London)


Europe a thiambik laksawng 

Andrés Iniesta nih a laak 

2011-12 kum caah UEFA a thiambik 

chuihtu laksawng (UEFA Best Player in Europe 

Award) peknak cu 

August 30, France 

ram, Monaco khua 

ah an tuah i Spain le 

Barcelona chuihtu 

Andrés Iniesta nih a 

laak. Iniesta hi a 

chuihṭi hawi a simi 

Argentina minthang 

Lionel Messi le Real 

Madrid club in 

Portugal chuihthiam 

C. Ronaldo hna lonh in a thiambik tiah an 

thimmi a si. 

Iniesta hi nikum ah Barcelona nih 

Champion League final an phanhnak ah a 

bawmtubik a si ve lawng si loin Europe 2012 

puai ah Spain nih champion an hmuhnak ah a 

rak bawmtubik a si. 

Iniesta nih a teimi Lionel Messi hi 

nikum pumpululh chuih kum chung Barcelona 

caah kawl 73 a kawl i kum khat chung 

vawleicung kawl tambik kawltu a si. Cun C. 

Ronaldo zong nikum Real Madrid nih La Liga 

champion an tlaihnak ah a bawmtubik a si pin 

ah kawl tampi a kawlpiakmi hna a si. 

Hi Europe a thiambik pumpak laksawng 

hi a luancia kum thum chung cu Lionel Messi 

nih a rak laak i kha hlan kum ah C. Ronaldo nih 

a rak laak ve cangmi a si. (Ref: UEFA) 

George Soros nih Man U share a 

cawk American mirum a simi George Soros 

(Soros Fund Management LLC dirhtu) nih Man 

U club i Class A shares 3.1 million man 7.85% 

a cawk tiah Securities and Exchange 

Commission nih an langhter. 

Cucaah Mr Soros cu Man U club ah 

share 1.9% a ngei ve cang lai. Man U club share 

hna cu Class A share le Class B share tiah an 

ṭhen hna i A hi mipi sinah an zuar i B cu Glazer 

chungkhar nih an laak ti a si. Class A share cu 

B nak in power a niam deuh. Atu Class A share 

an zuarnak nihhin $650 hlei an hmuh lai i hi 

chung in $233m cu club leiba cham ding ah an 

timh i £417m cu Glazer chungkhar nih an ilaak 

lai tiah an ti caah Man U thapetu mipi cu Glazer 

chungkhar cung ah an buaihnawh hna. Mirum 

Soros nih Man U share cawk a duhbiknak hi TV 

right in tangka hmuhnak 70% a karh i 

vawleicung ah Man U thapetu 700 million an 

um caah a si lai tiah Hargreaves 

Lansdown lutlai Richard Hunter nih a chim. 

Man U club cu American mirum Glazer 

chungkhar nih 2005 kum ah an cawk i $233m 

leiba an ngei. 

Glazer chungkhar nih Man U share cu 

US stock market ah kan hnu thla ahkhan an zuar 

i share pakhat ah $14 in, club man cu £1.46bn 

ah a kai caah vawleicung man sangbik 

celhzuamnak a si pinah vawleicung ah fanbase 

700million tiang an phan ti a si. (Ref: BBC, 

Aug 27) 

Moutinho cawknak Spurs nih a 

tlinh ko nain cawkzuar caan nih a 

donghtak hna 

England club Tottemham Hotspurs nih 

Portugal club Porto lai in a chuihmi Moutinho 

cawk ding ah hnatlaknak tamtlingte in a tuah 

dih cang ko nain cawkzuar caan nih a donghtak 

hna caah tutan ṭhal ah an sin a phan kho lai lo. 

Moutinho hi Spurs manager AVB nih 

naite ah a zuar tharmi Modric hmunhma a 

rulhtu ding ah aa timhmi a si nain tlam a tling 

manh lo. Mautinho cawknak ding ah Spurs nih 

Porto cu £22 million pek ding in hnatlaknak an 

ngeih cangmi a si. A cawk manh lo caah Spurs 

chairman Levy nih a nam chih nain Porto club 

ah a taang rih lai. (Ref: Goal) 

Chelsea laium Essein Real nih an 

ihlan 

Chelsea laium Michael Essein cu Real 

ah kum khat chung chuih ding in Chelsea nih an 

hlanh hna. 

Kum 29 a si cangmi Essein hi nikum 

Chelsea caah Premier League puai 10 lawng a 

thawk in a lutmi a si. Ghana miphun Essein hi 

2005 kum ah Chelsea manager a rak ṭuanmi 

Mourinho nih France club Lyon in a rak 

cawkmi a si. (Ref: BBC) 

Berbatov Fulham ah aa ṭhial cang 

Kum 31 a si cangmi Bulgarian le 

Manchester United hmaikal Berbatov cu 

Fulham ah kum hnih chuih ding in min a thut i 

aa ṭhial cang. 

Berbatov cu 2006 kum ah Germany 

Bundesliga Bayer Leverkusen in Tottenham 

Hotspur nih an cawk i aa rak iṭhial. Tottenham a 

um chung ah puai 102 a chuih i kawl 46 a 

kawlpiak hna. Sir Alex Fergoson nih Tottenham 

sin in £30.75million in a cawk i Old Trafford 

(Man U) ah 2008 kum ah a rak iṭhial. 

Man U a um chung ah puai 149 a chuih i 

kawl 56 a kawl. 2010/2011 kum ah khan 

Premier League an chuih caan chung ah kawl 

tambik kawl khotu Golden Boot zong a rak 

laak. Asinain Man U nih hin first lineup caah a 

hmang tuk lo. Atu 

Van Persie a cawk 

cang hnu cun 

Berbatov caah cun 

First lineup cu chim 

lo a chuih khawh 

ding aa zumh ti lo 

caah Man U in 

Fulham ah £5 

million in aa ṭhial I 

No 9 aa hruk te lai. 

A liamcia Premier 

League 2011/2012 

kum February thla chung in Man U i lineup 

chung ah aa tel tuk ti lo. 

Bulgarian hmaikal Berbatov cu Italy 

Club Serie A Champion Juventus le Fiorentina 

zong nih cawk ding ah an hal len nain Berbatov 

nih amah a rak hruaitu a saya pa ṭhing Martin 

Jol sin ah chuih kha aa thim deuh. Martin Jol he 

hin Hotspurs ah a rak ihruaimi an si. (Ref: 

Givemefootball) 

7 

Luka Modric Real Madrid ah 

tlamtlingte in aa ṭhial kho cang 

Caan saupi ṭhialnak kong ah a rak buai 

pengmi Tottemham Hotspurs club in Croatia 

miphun chuihthiam tawhfung Luka Modric cu 

Spain club Real Madrid ah tlamtlingte in aa 

ṭhial cang. 

Modric ṭhial man hi £ 33.2 million a si i 

kum nga caah min a thut. Tottemham ah aa 

hruk tawnmi angki number 14 cu Spain 

chuihthiam Xabi Alonso nih aa tlaih cang caah 

number 19 aa hruk te lai. 

Champion League Group an ṭhen 

cang 

August 30; France ram, Monaco ah 

UEFA Champion League a chuih dingmi Group 

ṭhennak an tuah i nikum champion a simi 

Chelsea cu group E ah Sakhtar Donetsk, 

Juventus timi pawl he an chuih te lai. 

Tutan Group ṭhennak ah thihnak Group 

a si tuah ruahmi cu Real Madrid, Man City, 

Ajax le Dortmund tepawl umnak Group D hi a 

si 

GROUP A - Porto (POR), Dynamo Kyiv (UKR), 

PSG (FRA), Dinamo Zagreb (CRO). 

GROUP B - Arsenal (ENG), Schalke (GER), 

Olympiacos (GRE), Montpellier (FRA). 

GROUP C - Milan (ITA), Zenit (RUS), 

Anderlecht (BEL), Málaga (ESP). 

GROUP D - Real Madrid (ESP), Man City 

(ENG), Ajax (NED), Dortmund (GER). 

GROUP E - Chelsea (ENG), Shakhtar Donetsk 

(UKR), Juventus (ITA), Nordsjælland (DEN). 

GROUP F - Bayern (GER), Valencia (ESP), 

LOSC (FRA), BATE (BLR). 

GROUP G - Barcelona (ESP), Benfica (POR), 

Spartak Moskva (RUS), Celtic (SCO). 

GROUP H - Man United (ENG), Braga (POR), 

Galatasaray (TUR), CFR Cluj (ROU). 

Premier League a hnubik chuihtu 

hna ṭhialnak 

Man City in Nigel de Jong cu AC Milan 

ah aa ṭhial i Inter Milan hnukham Maicon cu 

Man City nih an cawk ve. Man City hi Swansea' 

club in Scott Sinclair cu £ 8 m, Fiorentina 

hnukham Matija Nastasic cu £ 12 m, Everton 

club in Jack Rodwell cu £ 12 m hna in an cawk 

cang hna. 

Liverpool hmaikal Andy Carrol cu West 

Ham nih kum khat caah an ihlan i tuallai 

chuihtu Charlie Adam zong Stoke City ah £ 4 m 

in, tuallai chuihtu thiam Jay Spearing cu Bolton 

club sinah an hlanh ve i Chelsea hmaikal 

Sturridge cu kum khat caah an hlan ve. 

Fulham hmaikal Clint Dempsey Aston 

Villa ah iṭhial ding a rawk ṭhan i Liverpool 

biaruahnak an tuah lio a si ve. 

Arsenal club nih an hmaikal (Korea) 

Park Chu-Young cu Spain club Celta Vigo ah 

kum khat caah an hlanh. Fulham club cu 

Barbatov an cawk khawh in Sunderland chuihtu 

Richardson zong £ 2 m in an cawk ṭhan. 

Netherland leTottenham tuallai chuihtu Rafael 

Van Der Vaart cu a rak umṭhingnak club a simi 

Germann League Hamburg club ah £10 in aa 

ṭhial cang. (Ref: BBC, Aug 31) 

Tuzan (zarhpi) zan puai 

Liverpool vs Arsenal (8:30pm) 

Newcastle vs Aston Vila (11:00pm) 

Southamptom vs Man Utd (11:00pm) 

Udinese vs Juventus (12:00am) 

Inter Milan vs Roma (2:45am) 

Real Madrid vs Granada (1:50am) 

Barcelona vs Valencia (3:30am)


Rian lawngmi a um 

KL pawngkam ah rian lawngmi a um. UN card, 

CRC, ACR, FRO card pawl in ṭuan a ngah. 

Tanglam in Kawlram tlun a duhmi zong kan 

tuahpiak chih. 

Contact: Zulte: 0173527899, 

Mawite: 0102580087 

Haa Siamnak 

Haa phawi le haa siam na duh ahcun 

kanmah Laimi nih an tuahmi haa siamnak 

ah phawi le siamterkhawh a si. 

Pehtlaihnak: Pu Thang Peng 

0169986477, 172059605 

DINGDI 

Hair & Beauty Saloon 

Mahle duhningte, iremningte in sam meh a 

duhmi hna nih fuhpanh khawh a si i ṭhitum 

puai, birthday party, ceremonial le VCD caah 

fitlaw/fidi a ṭuan ding pawl zong nih ṭamhtu 

ding ah auhkhawh a si. Monu thil hlan na duh 

zong ah hlankhawh a si. Sam meh thiam a 

duhmi cu a thiam taktakmi nih pawcawmnak 

tiang ṭhahnem ding in an chimh lai. Biakinn 

puai le hmun dang puai paoh ah decoration 

tuahter ding caah auh khawh a si. Ring le 

diamond pawl zong cah chih khawh a si. 

Ahmun: Wisma Indah (Pudu Pasar pawng) 

Contact: 0142607885 (Maa Nu), 0173562187 

Thihloh Izohkhenhnak 

Malaysia i thih le loh tik ah zohkhenh a duhmi 

hna caah tuahmi a si. Minung pakhat a thih ah 

RM 10,000 in bawmh a si lai. Kum khat caah 

minung pakhat nih RM 50 thawh a si lai. A herh 

tik paoh ah chawnh khawh kan si. 

Address: Ngun Mang Dawr, Jln Imbi. 

Contact: Ngun Mang – 0061421968816 

Gold Berth - 010-3001 209 

Email: emmanuellaidawr@gmail.com 

Rawl Cahkhawh A Si 

Voksa le arsa Lai chuan, emmi pawl a hmun ah 

ei khawh a si i order khawh zong a si chih. Puai 

caah Chicken Rice siseh, Lai chuan rawl siseh 

order khawh a si thotho. Chihlam peih a duhmi 

caah chihlam zong kan peih chih lai. 

Contact: Sang Bawi 

Farja, Food Court 

(0126053524, 0173231529, 0172907586) 

Phaisa Kuat Man RM 8 A Si 

Thantlang, Falam, Hakha le Yangon ah phaisa 

kuat a duhmi, Australia in phaisa ikuatter a 

duhmi hna nih fuhpanh khawh a si. Atu kuat, 

atu hlamkhawh colh a si lai. A hmun cu Jln 

Imbi ah a si. Australia in Malay kuat ahcun 

zeizat kuat paoh ah kuat man 10 lawng a si lai. 

Contact: Malaysia 

Pi Sung Ṭial (Nwe Ni nu), 0173939474 

Thantlang: Hre Kam, 60027 

Falam: Lianlian Nu, 07040267 

Hakha: Aye Soe, 21409, 09400493775 

Yangon: Mi Nge, 092450350 

Australia: Kyawpi, 0423465197 

Ṭhaṭha, 0421991902 

Ṭhitumnak thuam hlan le iṭamh 

khawh a si 

Ṭhitumnak thuam hlan a duhmi nih man fawite 

in hlan khawh a si i iṭamh a duhmi zong nih 

ṭamhtu ding ah auh khawh a si. Lamhlat a ummi 

zong nan umhmun ah kan in fuh hna lai. 

Pehtlaihnak: Esther (Loke Yew) 

0126094496, 0172093761 

Haa Siamkhawh A Si 

Haa phawi le haa siam na duh ahcun na duhning 

in siamkhawh a si. 

Pehtlaihnak: Pu Ling (Jalan Loke Yew) 

0102358242 

SEYDANA CLINIC 

Dam lo ruang ah thazaang derthawnmi, 

Naupawimi le nau a ngei dingmi pawl nih man 

fawite in i zohterkhawh le sii rawnh (drip 

thlaih) khawh a si. 

Contact: Sayama Dimte (0104223591) 

Address: Jln Loke Yew, No 26, 2/B 

CIT International Video 

Protocation 

Puai phunphun caah video thlak a duhmi, Edit 

tuahter a duhmi, copy tuahter a duhmi hna nih 

auh khawh a si. 

Pehtlaihnak: Van Bawi Hrin (0173117157) 

Van Thawng Ceu (01113427106) 

FAICEU BIAZAI 

Mangṭha Mu 

Minu, 

Kan nun caan khat chung ah kan itong 

donghnak a ngei lomi dawtnak in kan idaw 

conak aa tel lomi duhnak hri kan hrual 

lam dang veve a zul ding kan si nain kan 

itheithiam 

cucu a za ko, ka caah. 


Na nunnak ah thil thar dang tampi na ton te lai 

ka philh te hlah tiah bia kan cah lai lo 

rak cohlang hlah kan ti fon lai lo 

na cohlan ruang ah kan mawhchiat lai lo 

a sunglawimi (kan) caan pawl belte rak philh 

hlah mu. 


Kan thinlung ne zong a tla ve te lai, caan sin ah 

thinlung thar he na um te kho men 

rim dang zong na hnim te kho men 

lam dang zong na pial te kho men 

ka caah a za ko, a rak ka dawt tuk timi na philh 

lo ahcun. 

Na nunlam tluang hram seh tiah 

hi ka biazai hin na zaṭial nem kan tlaih. 

“Kan dawt tuk, mangṭha mu! 

Tangkang Van 

8 

Everest Phaisa Kuatnak 

Malaysia in Kawlram lei phaisa kuat a duhmi 

nih Everest phaisa kuatnak ah hnangamte in 

fuhpanh khawh a si. Hika na kuat lawng ah 

Hakha Everest dawr ah na hlam khawh lai. Atu 

kuat atu thoh zong a ngah. US (Indiana Polis) 

zong in Malaysia ah ikuatter khawh a si. 

Contact: San Peng (Main) 

(0142631669, 0163859431) 

Fiakfairok (0166410625) 

Maluri (0102640997) 

Pudu (0169683744) 

Farja (0172130891, 0162974559) 

Ampang (0166508073) 

Cheras (0163483997) 

Sg Besi (0147114335, 0173725573) 

Hlamnak: Hakha (Everest) (07021279) 

Yangon (09421032256) 

Kalay (0947073034) 

USA: Lily (0013179108720) 

Lai Thil Cawk Khawh A Si 

Lai thilthuam a tlaihchanmi caah nu thil he, pa 

thil he a tling. Saphaw angki leng (nu/pa) zong 

kan zuar chih. India la, Korea la zong a um. Sui 

le ngun, Thailand angki phunphun, chantling 

khuh, India le Thailand phanah pawl zong cawk 

le cah khawh a si. Lungthi zong cawk khawh a 

si. Ramthumnak a ummi zong nih nan duhning 

in cah i ikuatter khawh a si. Saya Lian Hei 

Cung nih a ṭialmi Computer le Email cawnnak 

cauk zong cawk khawh a si. 

Address: Jln Imbi 

Phone: 0126165792, 0129912946 

Email: tbnausui@gmail.com, 

obedthang@gmail.com 

Lai lei kawm solh kan zuar 

Lai lei in rak phurhmi kawm solh kan zuar. 

Pawng khat ah RM 4 a si. 

Pehtlaihnak: Pu Ṭha Peng (Jalan Ipoh) 

(0172778621, 0126897265) 

Sui pawn le zuar khawh a si 

Sui pawn a duhmi, zuar a duhmi le cawk a 

duhmi caah pehtlaihnak tuah khawh a si. 

Pehtlaihnak: 0173477641, 0122687166 

Loke Yew hlei tang 

Faiceu Media Group 

Editor-in-Chief: 

Salai Van Cin Mang 

Editor: 

Van Kham Hranglung 

New Star Sui Tin Ṭial 

Tawk Cung Cin 

Steven Zahu 

Marketing: 

Mang Ling, Za Ceu Lian, Tawk Al 

Email: faiceujournal@yahoo.com 

Ph: 0172130891, 0172093542 

Website: www.faiceunews.com 

Faiceu The Chin Weekly Journal 

Kuala Lumpur, Malaysia 

Copies: 500 

Price: RM 2

A voi 5nk MCCYF civui tlamtlingte in an lim cang - Faiceu The Chin ...

You also want an ePaper? Increase the reach of your titles

Delete template?

Save as template?