O'zbek tilida ish yuritish bo'yicha mashqlar to'plami. I qism ...

Islom Zaripov foydasi uchun ana shu o‘zimga tegishli merosdan voz
kechaman.
36-mashq. Nuqtalar o‘rniga “tavsiya” yoki “taqdim” so‘zlarini
kerakli shaklda ishlating.
1. Men ma’lumotni talab qilingan joyga … qilishim kerak.
2. Men o‘quv bo‘limidan tinglovchilarni mukofotlash uchun
ro‘yxat … qilishni so‘radim.
3. U ishga kirish uchun hujjatlarini … qildi.
4. Mening akamni hukumat mukofotiga … qilishdi.
5. Ikkinchi Jahon urushi qatnashchisiga bir xonali uy … etishdi.
37-mashq. Gaplarni namuna bo‘yicha to‘liq bering.
Namuna: – Menga moddiy yordam berishingizni so‘rayman.
– Menga oilaviy sharoitim og‘irligi tufayli moddiy
yordam berishingizni so‘rayman.
1. Menga uch kunlik ta’til berishingizni so‘rayman.
2. Yozgi sessiyani muddatidan oldin topshirishga ruxsat bering.
3. Meni o‘z vazifamdan ozod qilishingizni so‘rayman.
4. O‘z hisobimdan ta’til berishingizni so‘rayman.
38-mashq. Agar siz:
1) imtihonlarni muddatidan avval topshirmoqchi bo‘lsangiz;
2) bir necha kunga semestr mobaynida uyga ketmoqchi
bo‘lsangiz;
3) yakka tartibda qishki imtihon sessiyasini topshirmoqchi
bo‘lsangiz;
4) televizor, muzlatkich ustasini chaqirtirmoqchi bo‘lsangiz;
5) boshqa lavozimga o‘tkazishlarini so‘rasangiz;
6) moddiy yordam ko‘rsatishlarini istasangiz;
7) akademik ta’til berishlarini so‘rasangiz;
8) hisob-kitob qilishni so‘rasangiz;
9) lavozimingizdan bo‘shatishlarini so‘rasangiz va shu kabi
iltimoslarni arizada qanday asoslab berasiz?
39-mashq. Arizalarda ishlatiladigan quyidagi gaplarni belgilangan
tartibda tuzing.
17