2425_argia
2425_argia
2425_argia
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
MUSIKA -<br />
ERDIKO KAIERA<br />
Voltaia<br />
Voltaia<br />
Autoekoizpena, 2014<br />
Basamortuko doinuak<br />
VOLTAIA taldea Zumaiakoa (Gipuzkoa) da. Aurten<br />
sortu da, eta jadanik bere lehen diskoa kalean dauka.<br />
Unai Eizagirre (baxua eta ahotsa), Jon Duran (bateria)<br />
eta Ion Brakamonte (gitarra) dira taldekideak, eta<br />
aurretik Itaka eta Got Ham taldeetan jotzen zuten.<br />
Voltaiaren lehen lanera zazpi kantu bildu dituzte, eta<br />
taldekideak beraiek grabazioaz, ekoizpenaz eta diskoa<br />
kaleratzeaz arduratu dira.<br />
Taldearen izenaren beraren harira, volt maila handiko,<br />
tentsio handiko musika egiten dute, ozen<br />
entzuteko aproposa. Metal, stoner, rock eta punk<br />
aireak suma daitezke haien kantuetan. Basamortuko<br />
doinuak dira, basatiak, astunak, azkarrak, indartsuak<br />
eta bortitzak.<br />
Hitzetan, izurrite baten moduan, haien samina eta<br />
haserrea zabaltzen dute. Ahoan bilorik gabe, zuzen<br />
eta gupidarik gabe. Han eta hemen, haien herrian<br />
bertan eta munduan ikusten duten itxurakeria, bidegabekeria<br />
eta beste oker batzuen gainean hitz egiten<br />
dute: “Hesi bat gaindituz, ia odolustuz sailkatzen<br />
dituzte, paper ziztrin bat ez baldin badute; ez zara<br />
ezer” (Urrun). “Itsuen herrian okerrak errege dira;<br />
izurritea bezela zabaltzen dugu indarra, samina ta<br />
iraina, hau da gure voltaia” (Gure voltaia). “Besteen<br />
kontuak bizkarrez herriko kaleetan, hitz egiten, gaizki<br />
esan artean; hagin zorrotzak, nortasunak<br />
biluzten dituzten bitartean” (Atarian).<br />
“Ez dugu erregerik nahi hemen jendearen<br />
dirua alferrik gastatuz; barkuan udara ederki<br />
pasatzen du beste batzuek jatekoa dute<br />
murriztu; egoera hau aldatu beharko” (Erregerik<br />
ez). “Gaua kanpoan zero azpiko gradutan,<br />
gizon emakumeak arratoien antzera;<br />
lurpean oihartzunak, itxaropena besterik ez<br />
da” (Uda Berri). “Laino bat zeruan hiriaren<br />
erdigunean, motor zarata, naturaren iluntasuna;<br />
beltza dago etorkizuna” (Motordun Zaldun).<br />
“Eskubide guztiak mozten dizkigute<br />
boterearen guraiza zorrotzek; izaki trajedunen<br />
indiferentzia, herritar xumearen hondamendia”<br />
(Orratzak).<br />
Voltaia taldearen doinuak ikaragarriak<br />
dira, beldurgarriak. Taldekideek grina eta<br />
kemen handiz jotzen dute. Zer egin nahi duten eta<br />
nola egin nahi duten badakite, eta oso ongi egiten<br />
dute. Ez dira doinu alaiak, lasaiak, jende orok entzuteko<br />
modukoak, baina stoner-punk doinuak maite<br />
dituztenek Voltaiaren diskoa gustura<br />
entzungo dute, ongi landua, grabatua<br />
eta ekoitzia baitago. n<br />
Joxi Ubeda<br />
2014KO UZTAILAREN 27A<br />
29