Paksa Teneng Edisi 37 Bulan Juni.pdf

Sabtu, 

01 Juni 

2013 

U 

jian enggo idalani janah raport (nilai 

ujian) pe enggo ialoken. Uga dage 

hasilna? Lit deba bagi nisura janah lit ka 

la bagi nisura. Uga pa pe hasilna enda jadi 

bahan evaluasi man banta kerna peranta 

Kreatif Makeken Waktu Libur 

Ogen : Kejadin 6:22-7:1 

sebage nande si tetap mperdiateken ras ngajari anak-anak 

ibas kegeluhenna terlebih-lebih ibas persekolahenna. 

Gundari bengket ka me kita ku bas wari libur. Anak-anak 

enggo ngelewati ujian si maun-maun erbahanca ia kena 

pinakit PNS (panic, nerves ras stress). Mbiar (panic) ibas 

ngalaken soal-soal ujian, gugup (nerves) ibas mereken 

jawaben-jawaben pelajaren janah banci stress ibas buena 

tugas-tugas si arus idungina. Kenca sie ibereken waktu libur 

gelah pinakit PNS enda tertambari. Gundari si perlu i rancang 

emekap uga kita nggunaken waktu enda alu pentar ras kreatif. 

Maun-maun alasen kesibuken ras masalah perekonomin 

mekatep kal si bahan jadi alasen seh waktu libur pe jadi waktu 

si biasa-biasa. La lit lainna. Si enda erbahanca anak-anak pe 

sibuk ras duniana jine. Lit deba ia ermain sepuasna, janah lit 

ka deba ku rumah teman-temanna, erdalan-dalan alu bebas 

ras la terkontrol. Adi si pergermetken piga-piga anak SMA/SMP, 

ibas masa liburen la sitik si erjabu (nangkih) entah pe kawin 

lari. Kreatifitasta ibas mbagi waktu ibas liburen banci si isi 

alu kegiaten bersama, ngajari anak erdakan adat istiadatta 

misalna landek, ertutur ras ertudung/erbulang. 

Nuah selaku orang tua ngasup ngunaken waktu alu payo 

sue ras kai sikataken Dibata. Isuruh Dibata ia ndarat arah 

kutana, ndarat ibas rutinitasna janah erbahan kapal. Ia ras 

anak-anak bagepe keluargana ngasup ngaturken waktu alu 

payo seh dung kapal e janah keluargana pe selamat arah 

pengaruh-pengaruh si negatif nari. 

” Ula siasiaken waktu libur guna ndahin si erguna” 

1 

Paksa Teneng Moria

Minggu, 


2013 

ebagai makhluk sosial kita la banci ilepas 

pisahken ras kade-kade bagepe kalak 

Ndahi Kade-kade 

Ogen : Lukas 1:39-45 

S 

sideban. Erkatepna kita jumpa ibas 

kerja adat bagepe acara-acara Gereja ras 

sidebanna erbahanca erbagesna penandaita 

kalak sideban. Tapi maun-maun perbahan dauhna kutata ras 

kuta kade-kadenta erbahanca kurang perjumpan seh maka 

erkurangna ka pe penandaita. Tentuna anak-anakta erlanaina 

tandaina mama-mami, bibi-bengkilana, turang-seninana 

bagepe ras impalna. Jadi, waktu libur, enda me salah sada 

waktu si tepat guna mempererat hubungen kekeluarganta. 

Renungenta wari enda pe ncidahken peranan nande ibas 

petandaken kade-kade man anakna aminna pe anak e ibas 

bertin denga. Keriahen ukur Maria perbahan enggo mehuli 

kulana mabai ia guna peseh berita e man Elisabet. Idahina 

Elisabeth, janah ikatakenna mejuah-juah, minter kenca sie 

anak ibas bertin Elisabet kemuit ncidahken keriahen ukur. 

Arah enda teridah maka ndahi kade-kade melala gunana man 

banta bage pe anak-anakta. Si pemena; mereken keriahen 

ukur. Pusuh Maria si ndube mbiar salih jadi keriahen, rananna 

si ipeseh Elisabet erbahanca ertambah-tambah keriahen ras 

kemalemen ate i bas pusuh Maria bagepe anak si i bas bertin. 

Si peduaken; mempererat hubungen kekeluargaan ras ikatan 

batin. Anak-anak e si tandan ras erbagesna keleng ate 

nandangi kade-kade. Si peteluken: mpeteguhi keniteken. 

Perjumpan ras kade-kade banci jadi salah sada dalan guna 

saling mpeteguhi kiniteken. Elisabet mpeteguhi kiniteken 

Maria alu ranan si mereken semangat ras pergegeh ibas 

ngalaken perbeben geluh. Arah turi-turin kegeluhen Maria 

enda nuduhken maka melala hal positif si banci sialoken 

bage pe anak-anakta alu ngisi waktu liburenna ku rumah 

kade-kade. 

”Dahilah Kade-kade alu kegiaten si positip” 

2 


Wisata Rohani 

Ogen : Lukas 2:41-45 

S 

Senin, 


2013 

ebagai orang tua si mperdiateken kegeluhen 

kiniteken anakna, nande ras bapa Tuhan 

Jesus mereken pengajaren kerna kiniteken. 

La terjeng nuriken undang-undang Dibata, tapi 

pe ibabana Jesus ibas kegiaten paskah, tep-tep 

tahun ku Jerusalem. Kuta enda, kuta si badia ibas pemahamen 

kalak Jahudi (Jes 52;1). Emaka salah sada keriahen man kalak 

Jahudi ibas ngerayaken wari paskah eme mulih ku Rumah 

Pertoton i Jerusalem. Ibabaina Jesus ku Jerusalem gelah 

pengangkanna la terjeng arah pengajaren si idatkena arah 

nande/bapa bagepe i bas kutana tapi pe ilengkapi arah 

pengidah ras penggejapenna. La terjeng sie, Jesus pe banci 

ercakap-cakap langsung ras guru-guru agama, si enggo mbue 

pengalamen ibas erkiniteken. Pengalamen enda merupaken 

pelajaren si meherga kal man Jesus, seh maka enggo riahen 

akapna i bas Rumah Pertoton emaka sanga mulih i Jerusalem 

nari, Jesus enggo tading i Rumah Pertoton. Enda ncidahken 

maka lit sada ketedehen ate Jesus nandangi Rumah Pertoton 

Si Badia. Arah kegeluhen Jesus enda nuriken kerna pentingna 

kita erwisata rohani ras keluarga bagepe anak-anakta. 

Erbage-bage pengalamen ras pengajaren si meherga si ialoken 

kita bagepe keluarganta ibas ngelakoken wisata rohani entah 

pe retreat. Perjumpan ras percakapen ras kalak sideban 

(guru-guru agama/tokoh rohaniawan) banci mereken 

pengajaren si mehuli guna pembentuken karakter anak-anak. 

Kesadarenna erkiniteken erteguhna paksa ia ngaloken 

pengalamen-pengalamen ibas kegiaten si meherga enda. Jadi 

ibas wari-wari libur si bagenda rupana perlu pe si perdiateken 

ras si persiapken alu mehuli gelah tuhu-tuhu dahin e la terjeng 

ngambur-ngamburken sen entah senang-senang saja tapi pe 

tuhu-tuhu ndatken pendidiken si meherga, mbentuk karakter 

ras kiniteken. 

”Wisata rohani mereken pengajaren kiniteken man anak-anakta” 

3 


Selasa, 


2013 

T 

alenta eme pemere Dibata si kusus man 

sekalak-sekalak, si erguna la terjeng man 

dirina tapi pe man kalak si deban. Em 

bedana ras bakat. Adi bakat banci erguna man 

dirina saja. Gelah teptep kalak nggit makeken 

Mpebelin Talenta Anak 

Ogen : Matius 25:19-21 

talentana maka Tuhan Jesus mereken sada perumpaman. Lit 

tuan si mereken man teptep juak-juakna lit si lima talenta, lit 

si dua talenta, janah lit si sada talenta. Memang beliganna la 

seri teptep jelma tapi labo lit juak-juak si la ibere tuanna. Perlu 

si inget maka si isuraken Tuan enda eme “makeken talenta” 

ertina “orientasi proses”. Labo ulih si enggo erlipat e si 

erbanca meriah ukur tuan, tapi ketutusen makeken talenta. 

Kenca iban pertaktaken juak-juak si lima talentana enggo ilipat 

gandakenna lima, si dua talenta pe enggo igandakenna dua 

talenta nari. Siperdiateken kai nina tuan ndai, 'Mehuli kal 

perbahanenndu e. Kam juak-juak si tutus dingen bujur; tutus 

atendu i bas si kitik, perbahan si e kupercayaken man bandu si 

terbelinen’. Si makeken talenta eme kalak si mehuli, tutus ras 

bujur. Emaka kalak si la makeken talenta nina tuan ndai 'Kam 

juak-juak si jahat dingen perkisat’. Meriah ukur tuan ndai adi si 

pakeken talentanta. 

Teptep anakta pe lit erbage-bage talentana iban Tuhan, si 

banci si kembangken menaken kitik-kitik nari. Umpamana lit 

anakta talentana rende, arus si bere kesempaten man bana 

guna rende muji gelar Tuhan. Ngelebeken sora emasna 

ipersembahken man Tuhan. Enterem kalak si bere Dibata 

talenta, kenca lanai lako ibas panggung hiburen doni maka ia 

makeken i bas Gereja. Lanai lako jadi artis doni emaka jadi 

artis rohani. Lanai lako jadi bintang film maka jadi pelayan 

Tuhan. Ula min perke-perke talentanta maka si persembahken 

man Tuhan. Emaka si ajarilah anak-anakta maka mulai kitikkitik 

nari ipersembahkenna talentana man Tuhan. 

”Persembahken talenta si mehulina man Tuhan” 

4 


Rabu, 


2013 

L 

it kalak si ngatakenca ”genduari, enterem 

kal manusia si ermeriah ukur adi ibuali 

seh maka cirem pe ia”. Kata enda lit 

perpayona, umpamana ikataken ia mejile 

aminna pe labo ia bage, ikataken ia pentar 

Metenget Nandangi Penipun 

Ogen : Kuan-kuanen 16:30 

aminna pe labo ia pentar, mis cirem ia. Seh maka banci saja 

kai pe sura-suranta ibas ia nari banci iberekenna. Si jadi 

penungkunen, lit nge biak sibagenda ibas dirinta? Mari 

erlajar kita arah Kitab Kuan-kuanen si jadi bahan 

renungenta ibas wari enda. 

Kitab Kuan-kuanen, si isuratken Raja Salomo sebage kitab si 

mabai kita ku kepentaren ibas rukur bage pe perbahanen. 

Ijenda ituriken kerna uga kalak penipu muat ukur kalak si 

atena itipuna guna ndatken kai sura-surana. Ijenda ikataken 

kerna ‘cirem, kirepen mata’. Ertina kula enda banci ibahan jadi 

perkakas guna mpengaruhi kalak sideban. ‘Penampilen’ si 

sikap, umpamana uis si mejile, er-make-up, er-mobil, 

ngerana alu lemah lembut ras sidebanna. Pada hal situhuna 

kerina si ibahanna e, pekulah-kulah. Ibas kalak si bage 

ikataken maka ibas pusuhna iukurkenna si jahat. 

Ibas kemajun jaman si genduari, kalak si bagenda banci 

saja lit i tengah-tengahta. Iikut-ikutna janah iukurina kita 

uga carana gelah banci idatkenna sura-surana ibas kita nari. 

Sabap sura-surana lampas bayak, banci ngikuti kerina 

kemajun jaman, nggeluh ersenang-senang. Emaka iukurina 

uga carana gelah idatkenna alu mesunah, kundul-kundul saja, 

la alu encur-curken panas. Umpamana bagi si enggo pernah 

jadi ‘menggandakan duit’, nikam togel ras sidebanna. Pigapiga 

tahun si enggo lepas enda jadi janah genduari pe lit 

denga aminna pe ibas gelar ras cara si berbeda. Emaka 

metengetlah! 

” Encurcurken panaslah ibas muat asam geluh” 

5 


Merangap Nandangi Duit Ulu 

Kejahaten 

Ogen : 1 Timotius 6:9-10 

6 

Kamis, 


2013 

N 

ai nari seh genduari, la sitik kalak si 

tempa er-Dibata tapi labo erkiniteken, 

lawes ku Gereja ras perpulungen tapi 

labo er-Dibata. Emaka lit rusur kearun ate, 

ndele ate, mbiar ras sidebanna. 

Kedungenna lit rusur perukuren rikut ras perbahanen si la 

sentudu ras peraten Dibata. Janah kerna si enda banci 

teridah sehubungen ras ekonomi (perduiten), seh maka alu 

cara siugapana pe banci ilakoken aminna pe petembil ras 

sura-sura Dibata. Mekatep kal guna peningkaten ekonomi, 

lanai ipebelin kiniteken man Dibata, seh maka kejahaten pe 

ilakoken. 

Sendalanen ras kai siikataken i datas me si ituriken Rasul 

Paulus man Timotius. I jenda ituriken kerna : 

- Kalak si ersura-sura bayak, ndabuh ku bas percuban 

dingen bene, kedungenna bene dingen kernep. 

- Merangap nandangi duit sumbul kerina kejahaten, 

geluhna lanai erkiniteken, janah gulut ukurna 

erdandanken erbage-bage kecedan ate. 

Arah kai si ituriken i datas teridah maka duit ndeher kal 

hubungenna ras kebayaken janah enda jadi sada tantangen 

geluh ras tantangen ibas erkiniteken. Emaka Rasul Paulus 

mpetangkas man Timotius gelah mbages pengangkan 

Timotius kerna si enda bage pe nurikenca man kalak 

sideban. Alu bage kegeluhen enda banci inanami dingen 

ipakeken alu mehuli, ndauh ibas kejahaten nari. 

Arah kai si ituriken i datas kita iajuk gelah megermet, gelah ula 

kita ndabuh ku bas percuban ras kejahaten erdandanken 

kebayaken, sabap Dibata me ulu kebayakenta (Masmur 127:2). 

Bage pe jaga dirinta gelah ula itipu kalak merangap. 

”Arapken Dibata mereken rejeki man banta” 


Ula Menggai Erta si La arah Dalanna Jumat 

Ogen : Epesus 5 : 5-6 


2013 

N 

ipu, salah sada dahin (profesi) si 

ilakoken manusia guna ndatken kai 

sinisurakenna. Enda banci saja jadi 

erdandanken serana ndatken dahin, banci 

ka pe erdandanken mekisat erdahin tapi 

kai pe at e lit min ras bage pe lanai mbiar man Dibata, 

mengga ate erta si lit i sekelewetta. Janah bentuk 

pendahin sibagenda pe banci mereken ulih si mesangat 

perban enterem ka kalak si nggit itipu erdandanken 

kerincuhenna. Merincuh ndatken erta si melala, ermengga 

ate nandangi kiniliten kalak sideban ras sidebanna. Emaka 

adi la kin paguh mesunah kita ndabuh, sabap sinitawarken 

eme duit, hadiah si melala. Ibas handphone megati kal 

ikatakenna nina : ‘selamat anda mendapatkan hadiah mobil 

avanza semalam di undi di BRI, entahsa pe selamat anda 

mendapat hadiah uang 50 juta atas poin plus-plus melalui 

handphone anda’ Hubungi no HP di bawah ini, bagenda me 

megati si reh man banta arah handphoneta. Tentu saja adi 

kita tek kerna si enda, minter ka si hubungi no HP si enggo 

iberekenna, minter kita iarahkenna ku rekening tabungenta. 

Kirimken lebe pajak mobil avanza si idatndu e. Kenca si 

kirim, labo seh man banta mobil. Bagepe adi undianna duit, 

nina kirim no rekeningngdu si aktip denga. Kenca kita i bas 

Bank ibabaina kita arah handphone gelah ngirim no 

rekening, ngataken no PIN rekeningta, dungna labo ia 

ngirim sen, tapi kita ngirim duit man bana. 

Ibas si enda perlu kita metenget, la mesunah kita tergoda 

erdandanken duit si melala entah pe hadiah. Cara 

nilahkenca, ola merangap, ola mengga ateta si la 

sikerajangenta. Ola pelepas ise pe nipu kita! 

”Kalak si merangap mesui atena nggeluh” 

7 


Sabtu 


2013 

H 

ipnotis, enda me salah sada cara si 

ibahan manusia guna ndatken duit 

bage pe guna nehi sura-sura si 

ngelakokenca. Emaka seh genduari labo 

terbeligai piga kalak si enggo ikenaina. la 

Jadiken Tuhan Jadi Tuanta 

Ogen : Matius 6 : 22- 24 

nehenen umurna, anak-anak, remaja, dewasa, perbapan, 

pernanden ras tua-tua. Perbahanen enda banci ilakoken alu 

sekalak, banci ka piga-piga kalak, janah banci jadi i japa pe, 

subuk i bas angkot, i tiga entah pe reh ia ku rumah-rumah. 

Carana erdahin eme alu nendeng kula dungna mpengaruhi 

pikiren ras perasan kalak si ikenaina. 

Sendalanen kai si ituriken i datas me si jadi bahan renungenta 

wari enda. Nina : ”Matandu kap tendang man kulandu, adi 

terang pengidahndu kulandu pe terang”. Ertina mata eme 

sada bagin kula si kitik, tapi ia banci mpengaruhi kula uga pe 

belinna. Adi mata ersura-sura janah pusuh la ngasup 

ngaturken ras ngendalikenca alu mehuli, maka bene me 

kula e. Adi mata ersura-sura, pusuh perukuren arus pentar 

alu ngenen kengasupen si lit. Sabap kepentaren perukuren 

e ngenca si banci naluken sura-sura mata. Emaka adi 

ngerana kita kerna ‘hipnotis’, arah sada dampar enda lit 

hubungenna ras sura-sura mata. Kalak si ersura-sura, tapi 

la idatna, emaka kai pe ibahanna guna ndatkenca, salah 

sada carana eme kap empelajari ilmu hipnotis si petembil 

ras sura-sura Dibata. Arah dampar sideban, man kalak si 

kena hipnotis eme kalak si mesunah ikuasai kuasa 

kegelapen. Alu la isedarina ia pe ersura-sura ndatken 

keuntungen aminna pe ibas keadan si la sedar. Kerina enda 

eme kap cara nggeluh ras rukur si la erbahan Tuhan jadi 

tuanna tapi sura-surana. Emaka jagailah diri ibas si enda nari 

alu erkiniteken. 

”Jagalah diri, pakelah ‘Obat Kuat’ eme kiniteken” 

8 


Minggu, 


2013 

erangap eme kalak si ngukurken 

dingen nggeluh guna dirina saja, 

emaka labo pernah ukurina kalak si 

deban apai ka mpermuliaken Tuhan. Biak 

merangap teridah ibas kalak si la pernah 

Merangap 

Ogen : Kuan-Kuanen 30:14-15 

M 

cukup ras la pernah puas akapna kai si lit ibas ia. 

Ibas ogenta sendah teridah uga kalak merangap ras uga biak 

kalak merangap. Kalak merangap teridah alu pencarinna 

ndehken kalak si musil. Sura-sura Dibata kalak musil ras si 

kote man kelengen, tapi man kalak si merangap kalak si 

bagenda jadi objek ndarami keuntungen man dirina. 

Umpamana : man kalak si motu erbinaga nggit ia mereken 

modal mbue, labo gelah maju binagana tapi gelah tumpur 

binagana, janah boroh utangna banci man bana. Emaka 

kalak si musil ndai tetap reh musilna. 

Jenari ikataken maka biak merangap desken lintah darat. 

Motto eme “bangku kerina”. Megati igambarken motto 

merangap enda bagi cigergo. Adi kalak cigergo maka kerina 

geraken tanna narik ku bas dirina. Bage me kalak merangap 

bagi perlangi padek. Megembur pe kalak arah pudi labo 

soal man bana gelah sekerajangenna sikap. 

Kalak si lit ibas ia biak merangap, la pernah inanamina 

kemalemen ate. Asal idahna sekerajangen kalak minter man 

bana atena. Emaka kai si enggo lit ibas ia la pernah 

ikatakenna bujur. Kalak merangap eme si duit (materi) jadi 

dibatana. Jelas ibas KEE 29 nina syairna ‘kita jelma mbue 

ukur, ninta banta mesera. K’rajang kalak mengga ateta, 

kenca dat lanai ngena”. Bage me megati manusia si langa 

Dibata jadi ulu kemalemen atena. Mbue ukur, mbue surasura. 

Bage me lalap kegeluhen kalak merangap erputarputar 

seh kedungenna mate ibas kinirangapenna. 

”Merangap eme kalak si la pernah puas ibas geluhna” 

9 


Senin, 


2013 

di si perdiateken kegeluhenta ibas jaman 

si genduari enda, piga kalak nari nge si 

erdiate nandangi kalak sideban? Nterem 

Jesus Erdiate Nangdangi Manusia 


A 

denga nge si nggit mereken waktuna guna 

kepentingen, kegeluhen ras keperlun kalak 

sideban? Kerina sibuk, tempa lanai bias wari-wari 

kegeluhenta: dahin, kerja-kerja, perpulungen ras sidebanna. 

Arah renungenta wari enda, ituriken kerna kegeluhen Jesus. 

Enggo ibenakenNa dahin pelayanenNa i doni enda, ngajar, 

erkhotbah, mpepalem kalak sakit. Bagepe enggo ipilihNa 

ajar-ajarNa. Ibas erbage-bage perbahanenNa , nterem kal 

kalak si ngikut-ngikut IA, si reh i japa nari pe. Iidah Jesus sie, 

nterem kal kalak ngikutkenca emaka inangkihiNa uruk, kundul 

IA, jenari reh ajar-ajarNa kundul deherken IA, ibenakenNa 

ngajar i lebe-lebe jelma si nterem si ngikutken IA. Enda me 

sinikataken ‘khotbah i datas uruk’. Tentuna, kai si ilakoken 

Jesus e erkiteken mediate IA nandangi kalak si nterem si 

ngikutken IA, ietehNa kalak e ertedeh ate dingen merluken 

pengajarenNa guna nerusken kegeluhenna. IsediakenNa 

waktuna, ibagikenNa kepentarenNa arah khotbah gelah reh 

ngasupna kalak si nterem ngalaken erbage kecibal geluhna. 

Jesus ndarami ingan si cocok, la i Rumah Pertoton, eme i 

datas uruk, enda me latar belakang ras palasna khotbah 

enda. 

Bagenda me Jesus erdiate nandangi kalak si nterem si ngikutngikut 

IA. Kuga kita, kai si banci si bahan guna erdiate 

nandangi sekelewetta. Melala kal si banci sibahan jadi palas 

guna erdiate nandangi kalak si nterem. Mari si siksiki dingen 

erdiatelah kita amin kitik ras sitik kal ngenca si banci si bahan 

man kalak sideban. 

” Erdiatelah nandangi sekelewetndu” 

10 


Selasa, 


2013 

andai bandu! Banci saja pernah si 

aloken ntah pe si sehken kata enda. 

Kai gunana kata enda? Megati, 

erbage pengaloken kalak sideban kerna 

kata e, adi alu cara negatif kita ngenen, 

Nandai Diri 

Ogen : Matius 5:3 

T 

gelah ula petua-tuaken ia, ula megombang. Tapi adi si 

renungken arah segi positifna, mabai kita nandai erbage 

kiniulin, talenta si banci si kembangken, si pebelin guna 

kiniulin geluhta. Ibas erbage kekurangenta, asa bancina si 

kurangi ntah pe si beneken gelah reh sikapna geluhta. Bagepe 

reh belinna si mehuli si banci si sumbangken nandangi 

kegeluhenta enda. 

Erkiteken sie seh kal pentingna nandangi kiniulin geluh, maka 

la sitik sekolah ‘pengembangen diri’ ntah pe psikologi ras 

kepribadian si idarami kalak guna nandai dirina. Lako mpebelin 

erbage si mehuli dingen iarahken ia guna kiniulin. 

Bagenda me arah renungenta paksa enda, sanga Jesus 

nehken khotbahna i datas uruk, lit piga-piga kata si nuriken 

kemalemen ate manusia. Sipemena nina ‘ketuahen kalak si 

nggejabken maka ia labo kai pe ertina i lebe-lebe Dibata’. 

Manusia iajuk guna nggejabken, nandai dirina maka labo kai 

pe ia iadepen Dibata. Labo kalak penting, labo kalak mehaga, 

labo hebat adi ibandingken Dibata si mbelin, si erkuasa e. Adi 

bage penandaita dirinta ‘man banta me kinirajan surga e’. 

Perayaken manusia paksa e eme kinirajan surga, berita si 

isehken Johanes peridiken eme ‘kinirajan surga enggo ndeher’. 

Ertina, tertima-tima me ia kerina nangdangi kinirajan surga e. 

Arah renungenta enda ibabai kita nandai dirinta iadepen 

Dibata, kita enda labo kai pe. Emaka ula kal pernah siagahken 

ngaruhta nandangi Gereja, nandangi perpulungen, pemereku 

si melalana, aku me erbahanca, asamku e kerina. La kita atan 

ibas kinirajan Surga e ! 

” Labo kita pantas iadepen Dibata” 

11 


Rabu, 


2013 

iga-piga kali Jesus nehken kata ibas 

mpepalem kalak si sakit niNa : 

Erceda Ate Erkiteken Dosa 


P ‘dosandu enggo ialemi’. Situhuna 

sendalanen ras pengakap kalak si nterem 

paksa e, si erbahansa pinakit ras 

sidebanna eme dosa-dosa manusia. Amin, pengangkan si 

bage itulak Jesus (Johanes 9:2) . Tapi si jelas, kerehen 

Jesus ku doni enda guna ngalemi, nebusi dosa-dosa 

manusia. Si enda labo jadi bage-bage saja, tentuna arus lit 

pengakun dosa ibas manusia nari. 

Tangkas kata si peduaken si ituriken Jesus eme ‘ketuahen 

kalak si erceda ate erkiteken dosa, sabap Dibata me ngapuli 

ia. Dosa erbahan kiniseran si mberat, mpeturah erbage si 

la mehuli, ngkuasai manusia dingen mereken kematen si 

rasa lalap. Tapi sada kinata, eme dosa lit i doni enda, 

manusia nggeluh i bas dosa. Labo ia ngasup mulahi dirina 

ibas dosa e nari, Jesus nge ngenca ngasup. Emaka si arus 

ilakoken manusia gelah idatna kemalemen ate eme 

‘erkadiola’ erkiteken dosana e. Iapuli me ia, Dibata me si 

ngapuli ia, sabap kai pe si rehna ibas Dibata nari eme 

kebenaren, kegeluhen man kalak si nggit jera. 

Bagenda me man banta ibas paksa enda, kita iajuk ‘erceda 

ate’ nangisi dirinta ibas dosa dingen ertekad, ersura-sura, 

erjuang guna nadingkenca. Moria si erceda ate erkiteken 

dosana iapuli Dibata. Ibas erbage kiniseran, pinakit, 

perbeben siturah ibas geluhna sedekah ia nggeluh i doni 

enda pasti malem atena. Sabap Dibata si ngapuli ia, si 

mpetetap ukurna maka reh semangatna kita nggeluhken 

geluhta i bas doni enda. Bage me pedah Jesus, emaka 

erceda atelah, bunuhlah dosa ibas kegeluhanta nari. 

” Ula ermeriah ate tapi erceda atelah nandangi dosanta e’ 

12 


Kamis, 


2013 

M 

eteruk ukur ibas terjemahen 

Alkitab bahasa Indonesia eme 

“lemah-lembut”. Kai kin ertina 

kata enda? Rusur iakap kalak meteruk 

ukur (lemah lembut) sada perbahanen si 

Meteruk Ukur 


hina. Kata enda situhuna ibas kata Junani nari eme ‘praus.’ 

Lit piga-piga si banci si ertiken kata enda : Si pemena eme 

tupung merawa, la ia ngelukai, tupung irawai la ia 

ngelawan. Enterem kalak tupung merawa terluka jelma si 

irawaina seh maka megati jadi ‘luka batin” ibas perdalanen 

kegeluhenna. Jenari enterem ka jelma la pernah nggit 

ipersingeti, ia ngenca akapna si payona ras si metungguna. 

Si peduaken, ahli filsafat Aristoteles ngataken kata enda 

banci si terapken jadi biakta eme ‘kelang-kelang kalak si 

mesunah merawa ras kalak si la banci merawa’. Kelangkelang 

kalak si pet ngambur-ngambur duit la ibas inganna 

(boros) ras pelit. Jadi, kalak si meteruk ukur eme kalak si 

merawa alu sada motipasi si payo, cara sipayo ras paksa si 

payo. Kalak si meteruk ukur/lemah lembut eme kalak si 

mere alu sada motipasi si payo, ingan si payo, paksa si 

payo. Si peteluken eme kalak si meteruk eme kalak si nggit 

mindo maaf adi lit salahna, janah nggi ngalemi adi lit salah 

kalak man bana. Enterem kalak si meganjang rukur, 

ipepiherna ukurna. Enggo pe itehna ia salah tapi lalap labo 

ia nggit mindo maaf. Kalak si bagenda la pernah ndatken 

kemalemen ate ibas kegeluhnna. La lit kesadarenna maka 

ia pe ibas sada paksa pasti erban salah ka. 

Jadi, ise dage si ermalem ate nina Jesus? Eme kalak 

meteruk ukur. Emaka erlajar kita gelah lit si enda ibas 

kegeluhenta. 

”Lemah Lembut adalah anak Kunci segala hati manusia” 

13 


Jumat, 


2013 

eptep kata lit kerina latar belakangna. 

Janah lenga tentu seri ertina teptep 

kata adi ibelasken paksa si la seri. 

Mejuah-juah ninta, man kalak sakit 

mungkin ertina, “meter kam sehat”. Man 

Nehken Peraten Dibata 


T 

kalak si lawes lajang banci jadi ertina “la kena mara kam, i 

taneh perlajangen”. Kata Tuhan Jesus enda pe banci la si 

erti kai maksudNa adi si gargari latar belakangna. Kata 

muas melehe labo meresap man banta adi labo pernah si 

nanami uga nanam muas ras melehe. Paksa sie enterem 

kalak si ngenanami kelehen. Bage pe enterem kalak si arus 

erdalan erkilo-kilo meter guna banci ndatken lau inemen. Epe 

megati la ka layak jadi inemen. Janah tupung rembus angin 

ibas perdalanen seh lasna, kerina kalak nutupi ayona gelah ula 

melassa. Igung inganna erkesah e pe enggo megati dem alu 

abu. Epe igengkenna gelah banci jumpa lau. 

Penungkunenna eme, enggo kin kita nehken peraten Dibata 

ibas geluhta bagi kalak si ndarami pangan entah ndarami 

lau tupung muas ras melehe ibas kegeluhen enda? 

Pengajaren Tuhan Jesus enda situhuna ngajari kita gelah 

tuhu-tuhu kita ertedeh ate gelah peraten Dibata jadi ibas 

kegeluhen enda. Kai kin peraten Dibata e? Ibas bahasa 

Indonesia ikataken “kebenaren”. Manusia umumna labo 

atena ndalanken peraten Dibata ibas kegeluhenna. Apai 

nari adi kita nggeluh denga ibas dosa, maka cenderung kita 

nutupi dosanta. Eme sabapna megati lenga bo si datken 

kemalem ate si janjiken Tuhan. Tuhan Jesus ngataken maka 

kalak si ermalem ate eme kalak si asa gegeh ras ukurna lit 

idalankenna peraten Tuhan (kebenaren) ibas geluhna, bali ras 

kalak si ndarami nakan ras lau ibas melehe ras muas ibas 

kegeluhenna. 

” Bagi perluna nakan ras lau bage min kita ndalanken kebenaren” 

14 


Sabtu, 


2013 

R 

eh tuana doni enda reh murdena isina 

pe. Manusia si ngiani doni enda reh 

egoisna, ulih pencarin iakapna ulih 

latihna sisada. Lanai lit rasa peduli/kepate. 

“enda ulih pencarinku, jadi kupepuaskenlah 

Perkuah Dingen Perkeleng 


diriku alu ulih latihku e’. Sadar entah la sadar ranan si 

bagenda mekatep sibelasken bagepe tersuan i bas pusuhta. 

Mementingken diri sendiri (hedonism), lanai lit waktu guna 

ngidah, ngukurken ras ngejabken perbeben kalak i 

sekelewetta. Kita erbahan batas-batas ibas nehken perkuah 

ate man kalak sideban, mekatep ibas nehken kekelengen e 

pe sigunaken sukat-sukat doni enda eme ‘mangkok reh 

mangkok mullih’. Kekelengen e bali ras balas budi ngenca. 

Adi bage payo nge ikataken kita perkuah dingen perkeleng? 

Kata “kekelengen” mekatep kal si begi ras ibelasken, ninta 

“kita arus si keleng-kelengen” , tapi lalah kata e terjeng babah 

ngenca, la pernah seh ku bas pusuh. ‘Ijakin ate keleng 

ndai?’ Ninta, ‘ibas Jesus’. ‘Payo’. 

Cuba si renungken penungkunen enda ndai alu mbages 

(paksa teneng)…………“Ketuahen kalak si perkuah ate 

dingen perkeleng; sabap ia me si ngaloken perkuah ate 

Dibata”, enda me salah sada siikotbahken Tuhan Jesus i 

datas uruk. Ketuahen e jadi sekerajangen kalak si perkuah 

dingen perkeleng. Perkeleng ras perkuah ate eme 

ngelakoken perbahanen si mehuli sipalasna kekelengen 

nandangi kalak sideban ras doni enda. Kalak singalokenca 

wajib mpepaler kekelengen e. Sie jadi identitasta si arus 

icidahken nandangi kalak sideban. Kita ipake Dibata jadi 

temanna erdahin guna ngataken ras peseh kekelengen e, 

sabap enggo leben sigejabken uga belinna perkuah ate Dibata 

si nemani kegeluhenta. 

”Pepalerlah sikap perkuah ras kekelengen e” 

15 


Meciho Pusuh Peraten 


S 

16 

Minggu, 


2013 

ekalak serayan erbahan tekad i bas 

pusuhna guna banci memajuken kerina 

kegiaten-kegiaten si lit i tengah-tengah 

perpulungen. Erbage usaha ilakokenna 

gelah target si enggo ibahanna e banci 

tersehi. Ulih si cukup mejile, enterem ngawan perpulungen 

ikut muat bagin ibas acara-acara Gereja. Melala pujin pe 

iendesken man bana, erbuena idatkenna pujin 

ersemangatna ia ibas ngelai. Tambah warina tambah dahin 

silakokenna. Arah sie lit piga-piga hal si la bagi siniarapken. 

Si enda mpeturah jungut-jungutna, kecewa janah merawarawa 

ia man temanna sada dahin. Ibas ndahiken dahin e 

lanai mereken kedamen man bana. Turah pandangen bas ia 

adi kegiaten e jadi la bagi ukurna, ije teridah maka la ngena 

(sukses) dahin e iadepen Dibata. 

Kai nge si idah arah serayan enda? Kesuksesen dahin e 

ibahanna jadi kunci maka ia teridah kalak si erkemalengen 

man Dibata. Kesibuken-kesibuken si ilakokenna iakapna 

enggo jadi patoken tanda ia kalak erkiniteken. Payo nge e? 

Ciri khas warga kerajan Dibata emekap meciho pusuh 

peratenna. Ibas kegeluhen kiniteken kalak Jahudi melala 

kegiaten keagaman si mereken pamahamen maka 

kegiaten-kegiaten e ilakoken guna ncidahken ia kalak si 

erkiniteken. 

Wari enda Jesus nurikenca maka labo terjeng sibuk guna 

Dibata, tanda kalak si erkiniteken tapi tuhu-tuhu meciho pusuh 

peratenna (tulus). Si jadi renungen, enggo nge payo caranta 

rukur ras perbahanen si ilakoken kita guna Dibata? Mari dage 

si pindo gegeh, gelah ngasup erdahin alu pusuh si meciho ras 

perbahanen si mehuli. Ulihna si tandai ras sigejabken Dibata 

erdahin ibas kerina dampar kegeluhenta. 

”Pusuh si meciho pejumpa kita ras Dibata” 


Erbahan Perdamen 


P 

Senin, 


2013 

iga-piga anak ibas kelas XII SMP 

ngelakoken olah raga, janah terjadi 

me percakapen i bas kamar ganti uis, 

‘Ndut, ikut ka kin engko ibas permainen 

sepak bola e? itehmu kin nendeng bola, ula 

kari enggo dekahen kari itawai kalak asangken nendeng 

bola? Hahaha…..” nina Toni sekalak anak meparas 

dagingna ras piga-piga temanna man Dodi sekalak temanna 

si gendut. Kentisik kenca itawai kalak ia, reh nina Dodi “labo 

memang ku eteh nendeng bola, tapi erlajar ateku ibas kam 

nari. La perlu aku sehebat kam, tapi gelah ku eteh saja pe 

nedeng bola e enggo bujur ningku kari man bandu. Emaka 

tolong ajarindu aku ya”. Kenca megi ranan e, minter Toni 

sinik, janah alu ranan medate ras mela nina, “baci kam ku 

ajari, pernen dage ibas kami main bola ya….’ 

Arah percakapen enda teridah maka Toni ras temantemanna 

mereken ranan si atena ncidahken kelemahen 

Dodi. Tentuna anak seumur Dodi (remaja/labil) ranan enda 

banci mpeturah emosi ras mpeturah perubaten, tapi respon 

Dodi erbahanca Toni ras teman-temanna jadi mela ras 

dungna mereken sada pelajaren man Dodi. Kai nge ndia 

sabapna? Perbahan Dodi la ngamburken minak ku bas api si 

ipegara Toni ras teman-temanna tapi ngasup ia 

ngamburken lau seh maka ingan si melas jadi mbergeh. 

Tuhan Jesus ngataken maka “ketuahen kalak si erbahan 

perdamen, sabap iakui Dibata me ia anakNa”. Kata enda 

mereken ajar maka dame e labo ipenusur i surga nari, tapi 

arus ibahan (iusahaken/iciptaken). Kita iajuk gelah ngasup 

mperdameken, maba lau si malem-malem, labo minak ras api. 

Janah kalak sibagenda me si iakui Dibata jadi anak-anakNa. 

”Malem ateta adi aktif kita erbahan perdamen” 

17 


Selasa, 

Kiniseran Erkiteken Peraten Dibata 


Ogen : Matius 5 : 10 

2013 

M 

alem ate kalak si ndatken kiniseran 

erkiteken nehken peraten Dibata. 

Enda sada bentuk keterusterangen 

Jesus nandangi kalak singikutken IA. Jesus la 

pernah njanjiken ‘jalan tol” nandangi kalak si 

ngikutken IA. Engkai maka turah kiniseran? Erkiteken kalak 

si ngikutken Jesus enggo lit prinsip geluhna. Melala perkara 

ibas kegeluhen enda si la banci si “kompromiken.” 

Umpamana kerna kebenaren. Ibas praktek kegeluhen 

bangsanta, kalak si ndalanken kebenaren megati arus ndatken 

erbage-bage kiniseran. Adi ibas ingan erdahin, la kita nggit 

ngaloken sogok, entah la nggit ngaloken sen korupsi, banci 

ikataken kalak motu, entah kalak si “pebujur-bujurken bana’. 

Emaka bagi pepatah nina, “orang jujur mati terbujur, orang 

lurus mati kurus”. 

Tapi Jesus ngataken maka malem ate kalak si ndatken 

kiniseran erktieken nehken peraten Dibata (Ind: kebenaren). 

Enda ngataken man banta maka labo lit kemalemen ate adi la 

kita ndalanken kebenaren. Si megati teridah eme “aman 

sesaat”. Kalak si ngikut arus doni enda maka teridah tempa 

aman geluhna. Tapi adi erlajar kita arah kegeluhen nurung, 

maka nurung mate-mate ngenca “ikut arus”. Nurung si 

nggeluh pang ngelawan arus. Bage me pe kiniteken si nggeluh 

pang ia ngelawan arus. Kalak si erkiniteken la ia nggit 

ndayaken kebenaren amin gia pagit tempa kentisik, tapi 

kebenaren e la pernah talu iban doni enda. Kebenaren me 

pemenang terakhir ibas kegeluhen enda. Adi siperdiateken 

maka megati ibas kegeluhen enda si begi ranan si 

‘menetralisir’ dosa. Nina, “labo dalih, bage nge kalak kerina”. 

Deba nina ka, “biasa nge adi doni enda denga kita”. Enda me 

cakap-cakap si megati la tempa salah ndalanken si benar e. 

Tapi kita la nggit ndayaken kebenaren. 

”Dalanken kebenaren amin gia pagit” 

18 


Rabu, 


2013 

L 

it kalak nungkun, nina arah ija dalan ku 

kuta enda? Emaka nina si meteh kuta 

ndai, arah enda kam erdalan. Pemena 

kari jumpai simpang pinter saja kam. Jenari 

jumpa simpang peduaken belok kiri kam. 

Igombangi Ras Ipesega-Sega 


Emaka terus kam lit kari ngincuah dalanna, janah nandangi 

kuta e kari nangkeng-nangkeng dalanna. Adi idalani kalak si 

nungkun ndai pas bagi si kataken kalak si ngeteh dalan ku 

kuta ndai maka e ngatakenca la ia papak. Tapi kune idalanina 

sada pe la cocok bagi petunjuk ndai banci jadi kalak si 

nungkun e enggo papak. Bage me Jesus enggo ngataken kaikai 

si nandangi jadi man kalak si ngikutken ia. Ibas Johanis 16 

nina Jesus, ula atendu mamang adi nembeh ate doni enda 

man bandu, sabap kam lanai sikerajangen doni enda. Alu bage 

ate Tuhan Jesus maka la kecewa kalak si ngikutken ia amin gia 

jumpa kinseran. Ajaren “teologi sukses” entah pe “teologi 

kemakmuren” megati mpeteruk erti ngikutken Tuhan Jesus. 

Nina ibas ajarenna adi kita ngikutken Tuhan, la jumpa cilaka, 

la sakit, bayak sabap kita anak-anak Raja. Padahal ibas 

Pustaka Si Badia nterem si idah kalak si ngikutken Tuhan e 

ngenanami kiniseran. Umpamana Paulus, banci si oge 

kinseranna ibas 2 Korinti 11:24-33. 

Sekalak perberita si meriah Amerika lawes ku Afrika guna 

nehken Berita Si Meriah. Piga-piga paksa ia i jah mate me 

ndehara ras dua anakna. Mulih ia ku negerina, pas ia sada 

pesawat ras rombongen atlit si menang ibas sada perlomban. 

Seh i Amerika maka atlit ndai ialo-alo alu karpet merah, tapi ia 

ise pe la lit si ngalo-ngalosa. Kecewa, ertoto ia man Tuhan. 

Nina Tuhan man bana, kam lanai sikerajangen doni emaka ula 

atendu mamang amin gia la ialo-alo kalak kam. Tapi adi i 

surga idahndu pagi uga riahna malekat ngalo-ngalo kam. 

Setialah kita, ula surut amin gia jumpa kiniseran. 

” Ula ateta mamang adi nembeh ate doni enda banta” 

19 


Kamis, 


2013 

M 

ata kalak si ngikutken Jesus ibaba natap 

dua ingan, doni ras surga. Maka banci 

kita natap dua ingan enda la terjeng 

mata kulanta si erpengidah, tapi arus pe maka 

mata kinitekenta. Kenca Jesus nuriken kalak si 

Ermengkah Dingen Ermeriah 


ermalem ate ibas kegeluhenna, maka itutupna alu sada janji 

“Ermengkah dingen meriahlah atendu, sabap enggo isikapken 

Dibata upahndu si mbelin i Surga; sabap bage me pe nabi-nabi 

si nggeluh leben asangken kam ipesega-sega kalak.” 

Lit piga-piga alasen maka kita patut ermengkah ras ermeriah 

ibas kegeluhen enda. Sipemena adi kita ngenanami kiniseran 

erkiteken kiniteken maka iperseri Jesus kita ras nabi-nabi si 

enggo leben ngenanamisa. Seh muliana kerina pendahin nabi 

ibas paksa si nai. Kemulian si idatken nabi eme erkiteken ia 

mpeseh sura-sura Dibata man manusia. Ibas sie megati 

inanamina kiniseran si mesangat. Kita pe atan ibas kemulian 

adi nggit kita “nanggung resiko” ibas ngikutken Jesus. Lit 

istilah “save fly” eme kalak si kiam nelamatken dirina jine adi 

lit perbeben ibas Gereja entah kiniteken. Biak enda, biasa 

teridah adi lit akapna “can/untung” ibas Gereja reh ia. Kalak 

Kristen si bage labo banci ndatken upah i surga. Matana 

terjeng natap keuntungen i doni enda. Sipeduaken janji 

Tuhan Jesus man banta, adi nggit kita ngenanami kiniseran 

ibas ngikutken Tuhan maka meriah dingen ermengkah ateta 

sabap mbelin upahta i surga. Ibas Pustaka Si Badia lit 32.500 

kali Dibata erjanji man manusia. Janah rikutken Bilangen 

23:19 maka la lit sada janji pe si la isehken Dibata man 

manusia. 

Bage me Tuhan Jesus ngataken man banta, maka ermengkah 

dingen meriah si akap adi kita ngenanami kiniseran, sabap la 

terjeng doni kenca upahta, i surga pe enggo isikapken Tuhan 

man banta kerina. 

”Kalak doni, doni enda ngenca perayakenna” 

20 


Jumat, 


2013 

N 

ina orangtua man 

anakna : ”Gantungkan cita-citamu 

setinggi langit”. Kata enda 

ncidahken uga belinna semangat 

orangtua ibas nekolahken anak-anakna. 

Ngaturken Perduiten Jabu 

Ogen : Lukas 14 : 28-33 

Ibas si enda tentu enggo nimai tanggungjabab ibas 

orangtua nari guna ndukung ia subuk ibas perduiten bage 

pe mereken semangat. Persoalenna eme kap maun-maun 

tanggungjabab enda la iinget, seh maka turah kekecewan. 

Renungenta wari enda nuriken kerna kalak si atena 

mbangun menara ras erperang. Menara ras erperang, banci 

ipebali ras sura-sura si meganjang, ndatken kemenangen si 

mesangat, tentu enda labo salah. Tapi sope enda lit, perlu 

lebe erbahan rencana, natap ku kengasupen, gunana eme 

kap gelah la lolo dahin entah pe perjuangen e. Sabap adi 

lolo tentu lit ije si kecewa, tertekan, mela ras erkadiola. 

Emaka ibas perencanan e, si jadi alat pertimbangen eme 

kengasupen ibas perduiten, perukuren, pengarapen ras 

kiniteken. 

Sendalanen ras kai si ituriken i datas, tentu meganjang kal 

sura-suranta kerna anak-anakta, merincuh kal kita maka anakanakta 

banci menang ibas peperangen ngelawan kebodohen 

alu pendidiken si meganjang, ngelawan ‘kemiskinen’ alu 

pemeteh si banci erbahanca la iakapna mesera ibas encari. 

Bagenda me orangtua si mehuli man anak-anakna. Emaka 

gelah sura-sura e banci seh, la salah ibas kita, selaku orangtua 

perlu kita ersikap. Siaturken perduiten rumah tangganta alu 

mehuli. Labo arus melala, tapi encarilah ibas dalan si mehuli, 

pakekenlah si lit alu payo dingen pentar. Janah bahanlah 

perencanan si mehuli, aturkenlah kiniliten maka la sia-sia ibas 

pemakenna. 

”Aturkenlah perduiten, maka sitik pe cukup, mbue erguna” 

21 


Sabtu, 


2013 

aksa enda me waktuna enterem 

anak-anakta si lawes guna nerusken 

sekolahna, subuk ku ingan si ndauh 

entah pe ndeher ibas kita nari. Lit ku 

sekolah lanjuten, lit ka ku universitas. 

Pentar Ibas Ingan Si Mbaru 

Ogen : Kejadian 18 : 1-8 

P 

Sirang ndauh ibas keluarga nari eme sada kemajun man 

bana sabap anakta e banci mandiri dingen reh dewasana, 

tapi banci ka nge ia bene. Emaka gelah banci ia sukses, lit 

nge si man sehenken ras man ajarenken, gelah banci ka ia 

ermeriah ukur tading ibas ingan si mbaru dingen tutus 

atena sekolah. Bagepe kalak si idapetina ermeriah ukur 

ngaloken ia selaku kalak si mbaru tading ije. Kepentaren 

perlu si suanken ibas ia, subuk ibas pergaulenna, 

pertemanenna, pengeranana, pemakenna duit ras waktu, 

mehamat, mehuli ras metemue ras sidebanna. Arah kerina 

enda maka banci empeturah ngena ate kalak man bana. 

Adi sipepayo kerna biak Abraham ibas bahan renungenta, 

teridah maka ia tuhu-tuhu mehuli ibas ngaloken temuena 

guna singgah i rumahna. Kai si igejabken temuena ngasup 

ia ngangkaisa, emaka iberekenna kai si iperlukenna, gelah 

temuena e ergegeh aminna gia la ipindo. Ibas si enda tentu 

labo terjeng Abraham ngenca si rukur mehuli, tapi teridah nge 

kiniulin temuena e man bana, ibas pengerana, perbahanen 

bage pe la lit si perlu icurigai ibas temuena e nari. 

Situasi perjumpan Abraham ras temuena e perlu jadi palas 

man banta guna mpeberkat anak-anakta. Situriken man 

bana kerna uga biak perantau, megenggeng ras la rate-ate, 

tapi nggit erjuang ras ngergai kalak sideban, tutus, bujur, 

mehuli ras mejingkat. Bage pe la lupa ia ndahi perpulungen 

dingen tetap ibas kiniteken. Emaka ngena ate kalak bana. 

” Suanken simehuli gelah ngasup anakta ija pe tading” 

22 


Minggu, 


2013 

iasana adi lit kalak si meteruk rukur 

tentu ia iergai ras idarami kalak, seh 

maka megati ijadiken kalak ia jadi si 

man usihen. Kalak si meteruk rukur ijapa 

pe maba kemalemen ate nandangi 

Meteruk Ukur Asam Nggeluh 

Ogen : Kuan-kuanen 3 : 32-35 

B 

sekelewetna. Beluh pe ia labo pernah ikatakenna ia beluh, 

anem gia labo ia biar-biaren nuduhken kebeluhenna e guna 

ngajari kalak sideban. Situhuna meteruk rukur banci jadi 

asam nggeluh, apai ka ibas ingan si mbaru (ibas 

perlajangen). Biak sibagenda perlu iajarken man anakta 

uga kin arusna biak kalak ibas perlajangen. Tentu adi 

meteruk rukur la banci lang kalak sideban erngena ate man 

bana. Alu bage man kalak si meteruk rukur lit 2 

keuntungenna, eme erguna ia man kalak sideban, pusuhna 

pe idemi kemalemen ate. 

Nina ibas Kuan-kuanen rikutken bahan renungenta, maka : 

‘Tuhan si masu-masu rumah kalak benar, tapi isumpahiNa 

rumah kalak jahat, kalak si meganjang rukur juru me ia 

iban Tuhan, tapi melias IA man kalak si meteruk rukur...”. 

Kata enda nuriken kerna kai si petembil ibas kegeluhen 

enda, eme kegeluhen kalak si meganjang rukur ras kalak si 

meteruk rukur, rikut ras kai ulih arah biak si bage. Jadi 

situhuna, labo manusia si mereken si mehuli entah lang 

sebage ulih biakna e, tapi Dibata jine si erbahanca bage. 

Sabap ate Dibata mehuli kal kegeluhen manusia e kerina. 

Emaka ia jine si erbahan keputusen guna mereken ulih man 

manusia erdandanken biak ras perbahanenna. 

Suankenlah kiniteruken ukur ibas pusuhta janah ajarken pe 

man anak-anakta gelah malem ateta kerina. Sabap nggeluh 

ibas pasu-pasu Dibata nge kegeluhen si mehulina. 

”Alokenlah kemalemen atendu arah kiniteruken ukur” 

23 


Senin, 


2013 

A 

nak, eme salah sada erta si 

mehergana kal i bas kegeluhen 

orangtua. Emaka selaku orangtua, 

kita ertanggungjabab guna erbahan 

anak-anakna jadi meherga. Enda 

Ngasup Sirang Guna Masa Depan Anak 

Ogen : 1 Samuel 1:21-28 

ilakoken arah didiken, pengajaren, ncidahken si mehuli si 

man usihen, kerina enda jadi gegehna guna banci ndalani 

kegeluhenna alu mehuli. Emaka aminna gia anak e ndauh 

sirang ras orangtua adi gegehna mbelin, lanai bo lit si man 

kebiarenken. Sabap gegehna si mbelin e ngasup naluken 

kerina tantangen nggeluh si engkeleweti ia. 

Hanna eme sekalak nande si enggo ndekah kal nimai dingen 

mindo anak man Dibata. Emaka kenca ia enggo metua, Dibata 

mereken sekalak anak dilaki man bana si igelari ‘Samuel’. 

Mulai kin langa lit Samuel ibas bertin nari pe Hanna enggo 

mindo man Dibata alu kiniteken. Emaka ibas bertin nari seh ku 

kenca Samuel enggo tubuh pe kegeluhen ras perukuren Hanna 

tetap lit ibas kiniteken, termasuk pe ibas mpebelin-belin 

Samuel. Isuankenna kiniteken man Samuel aminna pe Samuel 

kitik denga, ipebelin-belinna alu kekelengen, ipetandakenna 

Dibata man Samuel. Emaka kenca enggo 3 tahun umur 

Samuel (enggo ngadi minem), itaruhkenna Samuel ku Rumah 

Pertoton i kuta Silo. Ibas sie, tetap kal ukur Hanna sirang ras 

Samuel, sabap e enggo ipadankenna janah sie guna kegeluhen 

masa depan Samuel bage pe tek Hanna maka Dibata ras ia. 

Paksa enda jadi sada paksa ija enterem orangtua arus 

sirang ndauh ras anakna guna persekolahen, pendahin ras 

guna masa depan anakna. Selaku Moria, tetapken ukur 

janah peberkatlah ia ibas pertoton, maka Dibata tetap 

nemani, ngkuhi kegeluhen ras perjuangenna guna 

pendidiken ras masa depanna. 

” Ras Dibata, anakta pasti aman ras sukses” 

24 


Selasa, 


2013 

N 

ina ibas Thelogia 

Calvin: ”Pekerjaan adalah 

anugrah Tuhan”. Ertina, erdahin 

e eme pemere si mbelin man manusia 

ibas Dibata nari, emaka arus iergai. 

Tek, Tutus Ras Bujur 

Ogen : Kuan-kuan 16 : 6-9 

Cara ngergaisa umpamana rukur mehuli ibas ndahiken 

dahin e, ertanggungjabab ndahikenca, ula bahan dosa ibas 

ngelakokenca dingen ermeriah ukur. Emaka pendahinta e 

tuhu-tuhu jadi pasu-pasu, jadi kemulian man Dibata dingen 

mereken kemalemen ate man kalak si ngelakokenca. Jadi, 

kai pe pendahinta, situhuna labo e si nentuken erga dirinta, 

tapi uga kita ndahikenca. Subuk pegawai negeri, perjuma, 

erbengkel, wiraswasta, erbinaga, njait ras sidebanna. 

Ibas Kitab Kuan-kuanen, si jadi bahan renungenta enda, 

nuriken maka : ”Kalak si tutus dingen tek nangdangi Dibata 

ndatken pengalemen, kalak si erkemalangen man Tuhan la 

jadi si jahat man bana. Madin rulih sitik tapi alu bujur, 

asangken rulih mbue tapi nipu”. Arah kata enda teridah maka 

tutus ras bujur perlu sisuanken i bas pusuhta dingen silakoken 

ibas kegeluhenta sitep-tep wari. Sabap kegeluhen kalak si 

bage me si ndatken pengalemen ibas Dibata nari. Bage pe 

ituriken maka situhuna kegeluhen enda pilihen, milih 

kegeluhen si bujur entah milih nipu. Pilihen nentuken ulihna, 

emaka pilihlah si mehuli. 

Sadar entah lang, mekatep kal selaku orangtua ibas 

nentuken kegeluhen, pendahin ras masa depan anak, lanai 

bo kita ertimbang kerna kiniteken, tutus ersembah man 

Dibata ras kebujuren. Gelah seh sura-suranta kai pe 

sibahan, ngelakoken sogok pe lanai kita mbiar. Pada hal 

situhuna e la ngena ate Dibata. Emaka labo maba kiniulin 

man bana. 

”Ergai dingen dahikenlah dahinta alu mehuli maka malem ateta” 

25 


Rabu, 


2013 

K 

erina kita nandai buluh sabap mejile 

perturahna ibas inganta. Ia igelari 

“family Graminacea”. Kepeken buluh 

masuk ku bas jenis “rumput”. Ibas 

sejarah kuta Karo nai, megati pe buluh 

Gigih/Erlajar Arah Buluh 

Ogen : Masmur 18:28 

enda isuan kelewet kuta. Gunana eme jadi pagar kuta. Pagar 

kuta tujunna eme gelah rubia-rubia si meliar ras musuh si 

atena nerang la mesunah bengket ku bas kuta. 

Adi nggit kita mperdiateken buluh maka melala si banci si dat 

pelajaren nggeluh. Emaka kalak Tionghoa enda salah sada 

sinuan-sinuan paporitna. Jarang si idah buluh mbulak entah 

mbongkar. Kai rahasiana? Si pemena eme uratna enteguh. 

Ibas penelitian, 4 tahun pertama buluh fokus ku bas 

pertumbuhen uratna. Emaka la ateta mamang, rusur kal buluh 

enda isuan i tepi embang, gelah taneh ula mesunah nursur 

entah nagan (erosi). Kune kegeluhen kalak Kristen bagi fungsi 

buluh enda, maka seh nari nge mehulina. Kerehenta gunana 

mpeteguhi persadan maka la sontar. Si peduaken, batang 

buluh enda “fleksibel” (la kaku). Reh angin rembus, tempa 

ikutkenna, tapi kari mulihken ka ia bagi tangtangna. Melala 

batang kayu mesepak dahanna gara-gara la fleksibel. Si perlu 

si inget, si fleksibel e eme batangna, labo uratna. Batang labo 

perkara prinsip, tapi adi urat perkara prinsip ras perkara 

kiniteken. Si banci kita fleksibel eme perkara si labo prinsip. 

Umpamana, uga cara nggule nurung? Labo padah seh rubat 

kita mpertahanken pendapatta. Si peteluken, gedangna banci 

seh 30 m, tapi pucukna lalap nulih ku teruh. Ertina uga 

suksesna pe ia, la ia lupa uratna (kinitekennna), sabap ije 

nari ia turah. Bage me kita maka amin gia uga kecibal 

kegeluhenta, la pernah kita lupa kinitekenta, erkiteken 

kinitekenta me si erbanca kita enggo banci bagenda. 

”Paguh ibas prinsip, fleksibel ibas si labo prinsip” 

26 


Kamis, 


2013 

ai kin si menarik ibas sinuan-sinuan? 

Jarang kalak mperdiateken uratna. Amin 

gia jarang iperdiateken maka si eteh labo 

Rurat 

Ogen : Kolose 2:7 

K 

banci turah sinuan-sinuan adi labo lit uratna. 

Urat me sipemena nentuken perturah sinuansinuan. 

Tupung lit biji sinuan si ndabuh, entah lit sinuan si 

isemeken maka alu manjar-anjar reh uratna, emaka ertunas, 

jenari batang, bulung, bunga ras buahna. Kai gunana urat ibas 

sinuan-sinuan? Silanglangna lit dua eme inganna ndarami 

pangan ras gelah sada sinuan-sinuan ula ia mbulak adi lit pe 

angin si rembus. 

Urat e desken kiniteken ibas kegeluhenta. Adi mejile uratna 

e desken meteguh kinitekenta. Banci kita reh belinna alu 

mehuli seh mereken buah si mehuli ibas kegeluhen enda. 

Urat si mejile la melus sinuan tupung las, janah la 

mbungkar sinuan tupung iembus angin. Bage pe kita adi 

mejile kinitekenta, la melus kune lit pe si la bagi ukurta, 

janah la mbungkar kune lit pe perbeben si reh ku bas 

kegeluhenta. Batang kayu si paguh uratna megati ijumpai 

ibas ingan-ingan si tanehna labo mehuli. Contoh cemara 

gelarna Bristlecone, galang ras umurna enggo seh 4.600 

tahun, igelari “Cemara Metussaleh turah i deleng ‘White 

Mounthains’ California Amerika, ibas ketinggian 3.000 m, 

lau pe mesera ije, angin pe labo tanggung meterna. 

Nggeluh ibas kiniteken pe bage. Enterem kalak erpengakap, 

adi senang geluhku uga pe tutus ateku erkiniteken. Labo 

sikap kegeluhen maka tutus erkiniteken, tapi tutus 

erkiniteken maka sikap kegeluhen, ula si balikken 

pengertinta. Sikap kegeluhen labo ertina terjeng bayak, tapi 

bagi cemara ndai, ngasup nggeluh alu mehuli amin gia 

melala perbeben. Ruratlah ibas Kristus. 

” Kalak Si Rurat ibas Krsitus teridah ngasup ngalaken perbebenna” 

27 


Jumat, 


2013 

erina kita umumna banci nginget. Janah 

enda sada keistimewan si ibereken Tuhan 

man banta. Memang lit kita si mejile 

Nginget 

Ogen : Masmur 77:12-13 

K 

denga pengingetta, lit si enggo kurang. Nginget 

lit telu erbagena. Ingeten ibas jangka pajang, 

jangka pendek ras tiba-tiba. Ingeten jangka panjang terekam 

ibas pelipis otak. Ingeten si jangka pendek (hipokampus) ibas 

tonjolen otak samping. Ingeten si tiba-tiba mis lupa. 

Melala faktor si erbanca reh kurangna daya ingetenta. 

Umpamana reh tuana umurta. Si enda pe la terlawan kita, 

amin gia banci ka si permelet prosesna arah minem 

suplemen nutrisi ku bas otakta. Man banta si enggo ndekah 

man tambar erkiteken lit pinakit ibas daging kulanta maka 

banci reh kurangna pengingetta. Si enda erbahan, mbue 

kinirugin ras bahaya pe ibas sada-sada paksa. Lupa kita 

mateken kompor, lupa ertoto, lupa ku gereja ras sidebanna. 

Arah sada penelitian maka kalak si nggit ngoge jarang kal 

kolihen (pikun). Emaka ngoge salah sada si mejilena tambar 

kolihen. Bage pe lit kalak ngisi TTS (teka-teki silang). Lit ka 

arah er-olah raga ras minem vitamin si mereken nutrisi si 

cukup guna kebutuhen otakta. I Jerman lit itemuken ahli 

zat aktif procain, fungsina merasionalisasikan metabolisme 

sel. Ibas peneltian 2 tahun maka kalak si man zat enda 

cenderung bertahan daya ingetna. 

Si megati terjadi ibas geluhta eme, lupa kita nandangi si 

erbanca kita banci erpenginget, eme Dibata, tapi IA me 

megati si lupaken. Nina pemasmur, kuinget me perbahanenperbahanenNdu, 

o TUHAN, kuinget perbahanenNdu si mejin i 

bas paksa-paksa si nai. Kuinget-inget kerina perbahanenNdu, 

ku ukuri perbahanenNdu si mbelin. Sipakekenlah pengingetta 

guna nginget perbahanen Tuhan ras kerina si mehuli. 

” Enterem kalak la nginget si erbanca ia banci ngimget” 

28 


Sabtu, 


2013 

ai kin si erbanca megah si akap 

ibas kegeluhen enda? Mbue kal 

kemegahen ibas manusia. 

Umpamana, megah si akap adi pentar 

anakta. Megah si akap adi berhasil 

Megah 

Ogen : Jeremia 9:23-24 

K 

usahanta. Megah si akap adi nterem kade-kadenta, apai ka adi 

kade-kadenta e kalak si erjabaten entah kalak bayak. 

Biasana kai si erbanca megah si akap megati e si turiken man 

kalak si deban. La pe orati kalak labo maun si arap enggo 

terturiken kita. Reh ninta, “telu kap bere-berendu e. Sada 

enggo erdahin i Bea Cukai, si nomor dua kuliah UGM, singuda 

kuliah i UI”. Labo min salah sie kerina. Tapi persoalenna, piga 

kalak nge ibas kita si megah si akap erkiteken si tandai Tuhan. 

Kata nandai ibas bahasa Ibrani eme “yada”. Ertina “punya 

hubungan yang intim”. Desken hubungen sekalak perbulangen 

ras ndehara. Ibas kinata kegeluhen, megati lit temanta, 

sebalengen saja ras sekalak jendral enggo megah kal akapna, 

ikata-katakenna. Kita meriah nge si akap nuriken kerna Dibata 

erkiteken megah si akap perban si tandai IA? 

Megah mabai kita semangat nggeluh. Sekalak ahli bedah 

syaraf neurologi Korea ngataken : pusat kemampuan berbicara 

dalam otak kita menguasai seluruh jaringan urat syaraf yang 

ada dalam tubuh kita. Adi la si akap meriah, pengaruhina saraf 

e lemas”. Tapi adi meriah si akap entah megah si akap, maka 

sarafta pe pengaruhina semangat. 

Douglas G. Makenzie ngataken “Orang-orang yang saya kenal 

para paruh baya tetap menarik adalah mereka yang batinnya 

di kuasai karya Yesus. Mereka terus semangat karena batinnya 

terbuka diperbaharui Yesus dan mempunyai hubungan yang 

intim dengan-Nya”. Kemegahenta si mbelinna eme adi si 

tandai Dibata janah lit hubungen si mehuli teptep wari arah 

kerina dampar kegeluhenta. 

”Kemegahen si mbelinna eme adi si tandai Dibata” 

29 


Rutang 


30 

Minggu, 


2013 

K 

ita adalah orang-orang berhutang nina TB 

Simatupang ibas salah sada bukuna. Payo kal 

katana enda. Kita tuhu-tuhu kalak si rutang, 

erkiteken melala kal situhuna kesalahenta ibas 

kegeluhen enda. Lanai bo terbeligai dosadosanta 

ibas segedang kegeluhenta. Tapi, desken Raja Si 

Melias, keri kal ialemi Dibata dosa-dosanta. La ise pe situhuna 

ngasup nggalarisa, tapi bage me Dibatanta e, la itaktakiNa 

kerina salah ras dosa-dosanta. DR. Thomas Franklin ngataken 

maka “bagi jiwa yang agung hutang paling berat adalah 

ketidakmampuan kita membalas budi yang pernah diterima”. 

Enda me arusna lit i bas pusuhta kerina si enggo ngaloken 

perkuah ate Dibata arah penebusen dosa. 

Enggo melala perubahen mental jelma si genduari. Ibas 

kinata kegeluhen maka teremen kalak biaren rido asa 

rutang. Enterem kalak lanai ia mela rutang, erjanji ia 

nggalari utangna tapi labo ikundulina janjina. Janah bage 

pe labo mela ia. Bage pe secara kiniteken, lit nge anggota 

perpulungenta la ia mela idahi kalak lalap, ia sekali pe la 

ndahi kalak. Sakit ia bere diakonia, kecedan ia iapuli, erjabu 

anakna ipesikap perpulungen. Tapi la enggo idahina kalak 

sakit, la enggo ikut ngapuli. Kalak si bagenda eme kalak si 

la ngergai kekelengen. Arusna kita adi enggo ikelengi 

Tuhan, turah min ibas kita kekelengen. Ula kita bagi sekalak 

si enggo isasapken raja utangna si la tergalarisa, jenari 

jumpa ia ras temanna si lit sitik utangna man bana minter 

icekakna temanna. Kalak si bage itutut Dibata mulihi dosadosana 

erkiteken la lit ibas ia kekelengen. 

Marilah si asuhi sada pusuh, situhuna kita enda kalak si 

rutang man Tuhan, janah la tergalari kita. Tapi enggo 

isasapken Tuhan utang dosanta, sicidahken tandana! 

”Tanda Utangta isasap, arah kita nggit ngalemi temanta”

Paksa Teneng Edisi 37 Bulan Juni.pdf

You also want an ePaper? Increase the reach of your titles

Delete template?

Save as template?