DAWN TI SEI - Shavei Israel

www.shavei.org
Weekly News Bulletin for Bnei Menashe in Mizo
Founder Chairman : Michael Freund
Hqrs. : 58 King George St. Heichal, Jerusalem, Israel
PARASHA : AKHAREI (SHABBAT HAGADOL) April, 2011/ Nissan, 5771- Vol. 5 - No. 309
Lev. 16 : 1 - 18 : 30 — Haftara : Amos 9 : 7 - 15/Malakhi 3:4
— Shavei News Network
Aharon-a fapa pahnih, Nadav leh Avihu thih hnuah, P-thianin Aharon-a hnena
hrilh turin Moshia thu a pe a. Engtik hunah pawh Hmun Thianghlim ber daidantu
parda chhûnga Thuthlung bawm khuhna (Kaporet) hma-ah a lut tur a nilo; a nih
loh chuan a thi ang, Kaporet chungah hian chhumah Ka inlar \hin si a...” tiin.
Kum khat chhunga ni thianghlim ber - Yom Kippur-ah intithianghlimin,
thuamhnaw var a inbel anga, tin, hemi ni atana thawi thilhlan ruat bik zawng
zawngte rawn kengin, Thuthlung bawm awmna pindanah a rawn lut anga......”
tiin Kohen Gadol in Israel mipui tlanna atana rawngbawlna a kalphung dan tur
chipchiar takin A hrilh a ni.
Yom Kippur rawngbawlna hrang hrang zing a lailum luahtu pakhat, ‘Kelpa pahnih’
chungchang tarlan a ni a. Kelpa pahnih chungah hian \hum vawrin, pakhat chu
Hashem pual a ni a, pakhat chu Azazel pual tur a ni \hin. Kelpa te hi an pianphung
in ang chiah tur a ni a, an man pawh a inang anga, mipui thawhlawm tlingkhawma
lei a ni nghe nghe. Azazel-a pual tih chungchang hian sawi zui a hlawh nasa hle
a, kan sakhaw mirilte pawhin hrilhfiahna hrang hrang an....(Contd/- Page - 2)
HALAKHA LEH MINHAGIM
SAWIFIAHNA - 47
— Rav Yehudah Gin
THU AWMTE
HALAKHA & MINHAGIM - 47
Rav Yehudah Gin— (p-1 & 3 )
LASHON HARA
Tzvi Khaute— (p -1 & 2)
PARASHA AKHAREI
SNN— (p -1&2)
HMEICHHENATNA BIK
SNN— (p -4)
LOCAL NEWS,
DAWN TISEI — p-4
LASHON HARA — Tzvi Khaute
“Chanchin dikhlel dawngsawng suh” tih chungchanga
khapna dan hian min zirtir chu : Lashon Hara hi lo
ngaihthla leh dawnsawn loh tura kawhhmuhna a ni.
Nimahse, thil \angkai tur chi leh a \ha zawnga thil kalna
tur chi a nih chuan ngaihthlak a phu a ni.
Q. Shabbat HaGadol hi engtihna nge ?
A. Pesakh thlen hma Shabbat hi Shabbat Hagadol
(Shabbat Ropui) ti a hriat a ni. Shabbat Hagadol
tihna chhan lian tak pathum a awm a, pakhatna-ah
chuan kan pi leh pute Aigupta ram an chhuahsan
hma khan, Nissan thla ni 10 niah (chumi ni chu
Shabbat a ni a) chhungkaw tinin a hnu ni 4 maia
hlan tur beram dahrang \heuh turin thupek an ni a.
Kan hriat angin beram hi Aigupta mite ran serh
pawimawh tak a ni a, ram neitute ran pathian ualau
taka inthawi nâna han hman tum mai chu thil namai
lo tak a ni. Nimahsela, Chunglam puihna avangin
Thu lengvak ngaihthlak tur chi chu, alo ngaithlatu
emaw a sawitu emaw an sawia emaw midang hrim hrim
tana \ul lova chhiatna thleng thei tur laka vengtu emaw
pumpelh tir theitu a nih chuan ngaihthlak tur a ni.
Ngaihtuahna a ni emaw , tisa a ni emaw sum leh pai
thil pawh nise, harsatna thleng thei laka vengtu emaw
siam\ha theitu a nih phawt chuan thu lengvak pawh
nise lo dawnsawn ngei zawk tur a ni.
Aigupta mite chuan kan pi leh pute chungah “Felna in i chipuite chungthu ngaihtuah rawh” tiin To-
engmah an ti theilo a ni. He thiltheng hi a ropuiin a rah chuan a tarlang a (Lev. 19:15). Helai thu hi kan
mak hle a, khami Shabbat kha Shabbat Ropui tih sakhaw mirilte chuan, he thupek hi mahni Jew puite
loh rual a nilo.
ham\hatna tur chi chu a létin (double) pe rawh tihna a
Pahnihna : Haftara a Zawlnei thuziak kan en chuan
“Lalpa ni Ropui” a thlen hmain, Lalpa’n kan tân
zawlnei Eliyahu (Elija) a rawn tirh tur thu kan hmuh
vang a ni.
ni tiin sawizauna an nei nghe nghe a ni (Shevuot 30a).
A mihring puite chunga rilru a put dan a zirin Tzadik a
nih nih-loh dan chu chatuan atan chu chuan a hril a
ni. Kan sakhaw mirilte sawi dan chuan, mitthi
thawhlenna huna Rorelna ni Ropui a thlen tikah chuan,
Pathumna : Hmanlai a\ang tawhin Shabbat Hagadol lehkhabu pathum keu a ni anga; pakhat chu fel
bikah hian community member zinga ropui ber famkimte hming chuanna tur a ni anga, pakhat chu sual
chanchang, Rabbi te’n Pesakh kut kaihhnawih famkimte hming chuanna tur a ni anga, pakhat chu hemi
Halakha leh Aggadah, bakah Midrashic thlirna lam inkara awmte hming chhuanna tur a ni thung ang. Mifel
zirtirna an pe \hin a. Chuvangin, hemi changchawi famkimte chu chatuan nunna buah ziahluh an ni anga,
hian an mahni chawimawi nàna tih a ni.... (Page - 3) sual famkim te chu Gehinom atan ziahluh..... (Page - 2)
For Mizoram Information : Dial - Shavei Israel Hebrew Center : 9774031967 — Printer : 9436141093

Shavei Israel Page - 2
PARASHA .....chhunzawmna
....chhawpchhuak a, chutiang zinga pakhat chu
tarlan i han tum teh ang : Kelpa hi Hebrai chuan
“Sair” a ni a, chu chu hmul nghah (hairy) tihna a
ni. Hei hian pian tirha hmul ngah tak, Esauva a
kawk a. Yom Kippur-a K’lal Yisrael
bawhchhiatna zawng zawng chu Lalpa’n Esauva
chungah a nghat a, Israel fate khawlohna chhan
bulpui chu gentel rama Esauva thlahte neksawrna leh
tihluihna vang a ni, tiin kan sakhaw mirilte chuan an
sawi. Tichuan, kelpa, hmul nghah tak chuan Israel
sualna zawng zawng a phur ta a, Yom Kippur chuan
ngaihdamna a thlen ta a ni.
Mak angreng tak pakhat chu, Yom Kippur
rawngbawlna hi Kohen Gadol - Shimon HaTzaddik
thih hnu a\ang chuan a kaldan a dang tawh hle a,
Hmun Thianghlim Ber luhkâ a an khai \hin, lazai
senlar a, a vara inthlak ziah \hinte chu a chang
chauhvin a thleng tawh a. Beit Hamikdash pahnihna
hunlai Kohanim Gedolim ho kha thàmna hmanga
nihna chelh \hin an awm avangin, chutiang mite chu
Hmun Thianghlim Ber lut turin an thlarau level-in a
tlin lova, Shekhina hmachhawn turin an nunin a zo
lova, an thih phah fo \hin a ni.
Shabbat HaGadol : Pesakh thlen hma Shabbat hi
Shabbat Hagadol (Shabbat Ropui) ti a vuah a nihna
chhan hrang hrang a awm bakah, kalphung (minhag)
hrang hrang a awm bawk a ni. Shabbat Hagadol
hmasa ber chu Israel mipuiin Nissan ni 10 khan
Aigupta-ah an hmang a; He Shabbat bik atan choh
hian thupek an dawng a : “Tun thla (Nissan) ni 10 ni
takah hian mi tinin an chhungkaw tân beram an la
anga, chhungkaw tin tân beram pakhat \heuh”, tiin
kan hmu a (Exo. 12:3). He mitzvah hlèn tur hian
Pesakh ni (tlai) a hlan tur beram chu a hma ni li (4) a
lák láwk tur a ni.
Helai thu hi mumal taka hriat a \ha hle : Nissan ni 14
tlai (erev) a hlan tur chu Nissan ni 10 a lak lawk tur a
ni. Beram lak nî hi shabbat a nih avangin, he thupek
hi Aigupta chhandamna hun atân chohva hman tur a
ni. He kalpung hi chhuan thar tana hman tur a ni tawh
lo. A chhanchu Shabbat a ni tlat!
Tin, Pesakh hnukpui hriat chian lohna avang hian
Tanakh (Bible) kaltlanga Chung P-thianin A fatir (Israel-te)
tana ramri A kham chin ngaih-haihna a hrin
phah a, hei hian A ram ngaia kur kur \hinte thinlungah
chawmawlhna a thlen mêk a ni. Chuvangin, Shabbat
Hagadol chungchang hi tlema sawizau deuh a \ha
awm e. Shabbat Hagadol hmasaber chanchin a
‘Beram no sawisel bo” hian B’nei Menashe zingah
zung a kaih thûk hle a, hnùk-ngulh \euh khawpin tun
thleng hian rinna kawnga an khawhmuh a ti vài nasa
hle a ni.
Israel fate’n Shabbat Hagadol hmasa ber atana, beram
hlan tur an dah-hran hi Aigupta ràn serh leh pathian
a ni a; Moshia meuh pawhin Aigupta ran serh...
�����
LASHON HARA .....chhunzawmna
.....an ni anga, hemi inkara awmte chu Gehinom-ah
chhukin siam\hatna hun an paltlang zet anga, chumi
hnuah chunglama lakchho leh an ni ang, tiin (Rosh
Hashanah 16b).
Hashem hian mitin chungah rorelna fir leh khawng
tak kalpui sela chuan, an damchhungin chhiarsen
loh thil\ha ti \hin pawh nisela, Rorelna ni Ropui kin
dawnah chuan lawmman tlemte bak dawn tur a nei
lovang. Chuvangin, thil\ha tih hian engemaw zawng
takin felhlelna a kai \hin. Mihring thil\ha tih chhunte
chu a sualna in a buk hneh hle chuan chatuan sualna
kengtu anga ngaih a ni dawn a, chuvangin, mahni
chipuite chunga ngaihtuahna fel tak kalpui mi chuan
Lashon Hara bawhchhiatna sualna tam tak a kalsan
dawn tihna a ni. Shabbat Shalom.
....nawmnah taka khawih sak chu a hlau hle a, mahse
Hashem thupek angin milem pathian biakna ziarang
leh a kaihhnawih zawng zawng hnehchhiah a,
mualpho leh diriam taka kalpui turin Israel fate kha
fiah an ngai miau bawk si a ni. Chuvangin, “Talh
tur, Beram no sawisel bo chhäwm” chungchang hi
hriatthiam lohna avangin mi tam tak an lungchhia a,
khawngaih mittui a luan tir ta \hin a nih hi(h), a-bula-bal
hriatchianna awm si lovin, thusawi thiam tak
takte’n mipui lairil fan zawnga, lungchhe \euh
chunga an han au khum \uau tawh hi chuan
khawdang hawi a har tawh \hin a ni.
P-thian thupek anga Israel fate’n Shabbat Hagadol
hmasa bera Aigupta ran serh, an khum bana an
thlunglai an hmuhin Aigupta mite chu thinur
engphiarin an ha chäng an \hial rawp rawp a, mahse
\awngkam emaw tha thawh turin engmah tih theihna
réng an nei lo a ni. Hei bakah hian thilmak hrang
hrang a thlen avangin, tunthleng hian Pesakh thlen
hma Shabbat hi Shabbat Ropui tih alo ni ta a ni.
TODA RABA
Kan fate, Itzkhak Fanai leh Julie Hrahsel
inneihna a kan mualpho lohna tura a \ul apiang
min thawhsaktu, Community hruaitute leh
\halaite hnenah lawmthu kan sawi a.
Tin, Sheva Brakhot hmang tura Aizawl veng
hrang hranga sawmtute leh minyan tling ziah
thei tura \awiawmtu zawng zawngte chungah
thinlung takin lawmthu kan sawi bawk a ni.
Kan chunga in \hatna zawng zawngte hi Lalpa
zara kan dawn a ni tih kan hria a, ropui kan tiin
kan lawm êm êm a ni. Lalpa chu fak leh
chawimawin awm mawlh rawh se.
— Benyamin Fanai te nupa
Upper Republic, Aizawl
S

Shavei Israel
Page - 3
HALAKHA LEH MINHAGIM - 47 .....chhunzawmna
...(Yahadoot lemaaseh bu enla). Tin, he shabbat
danglam bika thusawi ngaithla tur hian community member
an punkhawm tam bik \hin a, Shabbat Ropui chu a
ni hrim hrim.
Q. Khametz hi engnge a nih ?
A. Khametz awmze ngialngam chu “Chhang dawidim
telh loh” tihna a ni a, Israel ram buh chi 5 (Khamisha
daganim) wheat, barley, rye, oats leh spelt a\anga siam,
chhang phut chu tui nena nuaiin minute 18 chhunga ur
loh, emaw dawidim telh a nih pawhin minute 18 aia tlema
ur loh pawh a ni thei.
Number 18 hi Hebrai chuan ‘yud’ leh ‘khet’ emaw ‘khet’
leh ‘yud’ hawrawp belhkhawm zah chiah a ni a, he
hawrawp pahnih hian Hebrai thumal ‘khai’ tih a chhuak
a, chu chu ‘nunna’ tihna a ni. Tin, Pesakh chhungin
chhang dawidim telh reng reng ei khap a ni a, hrereng
chunga ei lui chuan ‘Karet’ hremna a chungah lek a ni
ang, hemi awmzia chu Olam haba a chân ang tihna a ni.
Chuvangin, chatuanna chang tur leh chân tur
chungchang chu “Khai” thumal, number 18-ah hian a
innghat tihna a ni.
Q. Matzah hi enge a nih ?
A. Chhangphut “Khamisha daganim” a\anga siam chu
nuaiin dawidim (yeast) tel lova ur, minute 18 chhung
emaw a aia hma a siam chu Matzah tih a ni.
Q. Engatinge Peaskh lai hian Khametz hi a thianloh
(asur) em em ?
A. Torah-ah tarlan a ni miau si a ni.
Q. Bedikat Khametz hi enge ?
A. Khametz zawn tihna ni a, mahni \heuhvah Nissan ni
13 zanah zawn tur a ni a, khametz zawn hma hian brakha
chham \hin a ni.
Q. Biur Khametz hi engtihna nge ?
A. Khametz halralna, Nissan ni 14 tuka kalpui \hin a ni.
Q. Taanit bekhorot hi engtihna nge ?
A. Taanit bekhorot chu fatir tana chawnghei tè a ni,
Pesakh thlen hma (erev Pesakh) a neih \hin a ni. Rabbi
\henkhat chuan pa lam emaw nu lam a\anga piang
hmasa ber in chaw a nghei tur a ni; he chawnghei hi
Aigupta a tlanna thilmak thleng hriatrengna (zekher le
leyetziat Mitzraim) a ni. A chhanchu, fatir tihhlumna
(makat habekhorot) thlen khan Israel fatir pakhatmah
an tel velo a ni.
Nimahsela, chhan \ha tak - seudat mitzvah (Brit milah
emaw Bar mitzvah) hmang tur a nih chuan fatir pawh
nise “taanit bekhorot” a kalpui kher a ngailo (ei tur
mitzvah a ei tawh chuan in lamah pawh a ei chhunzawm
thei ang), tin, Talmud emaw Mishnayiot zir zawh lawmna
ruai (siyum massekhet) pawh a kil thei ang.
Q. Pesakh thlen dawn niah (erev pesakh) hnathawh phal
a ni em ?
A. Duhthusam chuan erev pesakh chawhnu herah
chuan hnathawh tawh loh tur a ni, a tlângpui thu chuan...
Page - 3
....he hnathawh khapna hi Khol haMoed a
hnathawh khapna nena inzul a ni a, sumdawnna
thilah chuan chawhnu her hma chu, a zàl deuh
zawngin an kalpui \hin. Nimahsela, hei hian Pesakh
tana inbuatsaihna ang chi chu a huam lo, entirnan
: Tin hleh, thuam nawh mar, pheikhawk nawh
(Kitzur Shulkhan Arukh Makor Chaiim 87:8 enla).
He kaihhruaina thil tum ber chu, miin Leil Seder
inbuatsaihna atan hun tam zawk a hman neihna
tur a ni ber a. Tin, hahdam taka Leil Seder a hman
theihna tur leh chhungkaw bila Hagaddah
chhiarna hun thawl a neih theihna tura tih a ni.
Chuvangin, miin erev Pesakh a chawlhahdamna
hun a neih chuan Leil Seder nuam takin a hmang
thei anga, tin, naupang lam pawh phur leh
harhvang taka an hman theih turin chhun lama
muttir a \ha hle bawk ang (ibid 87:9).
Q. Tunlai huna Pesakh kût inbuatsaihna hu engtia
kalpui tur nge ni ang ?
A. Bedikat khametz a hun taka hman a, khametz
chambang zawng zawng halral vek tur; eirawng
bawlna atana hmanrua kanhman \hin zawng
zawng tih thianghlim (kosher) vek tur, Pesakh zana
Haggadah chhiar/ngaihthlak ngei ngei tur; Matza,
marror (sawhchiar nen) ei ngei tur, wine no 4 in
ngei tur; hemi zan hian Hallel chham ngei tur,
Afikoman ei tur; Nirtzah chhiar/ngaihthlak tur,
Pesakh kût bika \awng\aina (makhzor) - shakharit,
mussaf leh minkha hman ngei tur. Ma-thei-lovin,
zan leh zing chawei hmain kiddush hman tur, tin,
kût zawh zanah havdala hman a ngai tih manghilh
loh tur.
Q. Pesakh ei siamna hmanrua/bungbel (kelim)
Kosher dan han tarlang teh ?
A. Pesakh kût atana ei siamna hmanrua/bungbel
Kosher-na atan hian kalphung (ke bol’o kakh polto)
a awm a, “ei siamna hmanrua a thil bet/bei theihna
chi reng reng chu hnawl tur” tih hi a ni (ei siamna
hmanrua tihah hian, fian, chem, thir kut, etc.
thlengin a huam vek - Ed.)
Thil vawt sawngbawlna atana hman chi chu tui
vawta tihthianghlim tur a ni a, thil lum
sawngbawlna hmanrua chu tui so hmanga
tihthianghlim tur a ni, hei hi ‘Hagalah’ tih a ni nghe
nghe. Thil sa tak sawngbawlna ang chi chu, tui
hmang lovin meisa hmanga tihthianghlim tur a ni,
hei hi ‘Libun’ tih a ni a, chihnih a \hen a ni. pakhat
chu ‘libun kal’ tih a ni a, chutiang hmanrua/bungbel
chu meialh a nasa taka hemin, buhbawlin a deh
pawha alh thei tur a ni. Pahnihna chu ‘Libun
khamur’ tih a ni a, \ek ser ser thei khawpa sa leh
ling ham tur a ni. Hetianga kalpui tur hi chuan chu
hmanrua/bungbel kan hmandan a zir a ni. {Hriattur
: Kosher hi a bungbel a zir a ni a, entirnan : Thir
(metal) lam chi a ni thei a, keh thei (glass) lam pawh
a ni thei a, hlum, etc. pawh a ni thei bawk}

Shavei Israel
C O M M U N I T Y N E W S
� B’H, Mizoram Shavei Israel Centre inkhawm a
kaltluang a, Shabbat inkhawm pawh kan \ha zel bawk. Pessakh
kût thleng tur atan Sunday kalta khan Shavei Israel Centre-ah Shavei
Fellow te’n zirtirna an kalpui a. Tin, menber \henkhat chuan chawlhkar
bul lam a\ang khan mahni in leh a velte tifaiin an buai hle a ni thudawn
a ni. Kosher Pesakh hmang turin \an han la sauh sauh teh ang.
� Pu Itzkhak Lalramnghaka Fanai leh Pi Julie Lalremruati Hrahsel te
inneihna pawh P-thian zarah tluang taka hman zawh a nih hnuah
Aizawl veng hrang hranga awmte’n duhsak takin Sheva brakhot
hmanna turin chawhlui nen ruahhmanna an siamsak \hin a, a fakawm
hle a ni. Tin, Sheva brakhot a minyan tling ngei turin kan \halaite leh
leh pa valaite bakah, Sialhawk leh Sihphir lam unaute an thawh hlawk
a, an ti lawmawm hle a ni.
� Sialhawk unaute pawh Pesakh inbuatsaihna an kalpui nasa a, Leil
Seder atan Aizawl lam a\ang Grep ro chah pawl an awm laiin, a \hen
chuan ‘cial’ taka a hring sawrchawp ngei hman an tum ni a thudawn
a ni. Matzah pawh an dawng tawh a, Leil Seder atana pawimawh thil
dangte pawh an khawnkhawm kim thawkhat tawh ni a thudawn a ni.
� Kum danga kan tih \hin angin Aizawl community pawhin a huhovin
Shavei Israel Hebrew Centre-ah Leil Seder hmang turin a inbuatsaih
mek a. Bungbel Kosher-na tur dekchi lianin tui chhuan so vut vut a
ni dawn a, a duh apiang tan Pesakh chunga hman tur bungbel rawn
tithianghlim turin kan sawm vek che u a ni. In bungbel kha tui so a
chhiah hmain rawn nawt fai hmasa ula a \ha ang. A hmunah pawh
tihfai theih tho mahse faisa a rawn ken khan kan awlsam anga, kan
chet phah zawk ngei ang.
HMEICHHE NATNA BIK (CHHUL CANCER LEH PAP SMEAR)
Chhul hmawr (cervic) cancer hi ram \hang lai mêk, India ram anga
hian a tam em em a. Khawvel pumpui-ah pahnihna a ni nghe nghe.
Heti khawpa cancer hluar hi hriatchhuah meuh chuan a tlai lam hret
tawh \hin a, tihdam pawh a har em em tawh \hin.
Chhul cancer lo awmna chhan hi chiang taka hriat ni lemlo mahse, a
bul tumtu chu, natna hrik (virus) chikhat “Human Papilloma Virus”
(HPV) tih chu an hrechhuak tawh a. HPV hi mipat hmeichhiatna a\anga
kaichhawn a nih avangin hetiang kawngah hian a bikin hmeichhe tan
thianghlimna vawn \hat a pawimawh lehzual. Tin, serhtan loh kawp
chungchangah te hian fimkhur hle a \ha.
Chhul cancer hi a \antirh tea hriatchhuah chuan awlsam taka tihdam
theih a ni a. Ram changkangah a hmuhchhuah hma \hin avangin,
thihpui pawh an vang a, mahse Zoram angah hi chuan kan la thihpui
nasa hle a nih àwm hi. Hmeichhiate hian insawisela hrang hrang an
ngah a, hetiang kawngah hian Gynaecologist mumal taka rawnin,
hmuh mai theih ang chi chu Pathologist kaltlanga Biopsy tih tir thuai
tur a ni. Chhul lam insawisel hma hian chhul hmawr tuamtu dik lohna
(Dysplasta) a awm hmasa \hin a, heng hi cancer-ah a chang thei a,
hetiang insiam \an hi Pap Smear kaltlangin a hriat vat theih a, chhul
bul vela tui tling tlemte leh chhul hmawr zawitea ziah a\angin a hriat
theih a, a hautak lova Mizoram-ah pawh kan uar \an tawh hle.
Pawmlai nei kum 30 tling tawh chin tan chuan tih ngei ngei a \ha a,
chumi result a zirin chuan engtia zinga tih tur nge anlo hrilh mai ang
che. A pangngai tan pawh kum 2/3 dan vela tih ziah a \ha bawk.
DAWN TI SEI
Shavei Israel
Founder Chairman :
Michael Freund
Page - 4
@ Zawhna zawh hi zawh lai chiahin
a zahthlak a, zawhna zawt ngailo
chu, zahna in an damchhungin a
umzui \hin.
@ I hringnun damchhung hi chona
hlirin a khat \hin a, chu chu pawm
ngam la, in kaihkun phah suh, i
bihruk san tak tak thei chuang
lovang.
@ Talent tahhriam hi mimal
zahawmna leh puitlinna lantirtu a
nih avangin mahni talent ngei
hmang turin tat hriam rawh.
@ Hlawhtlinna hlimpui lemlo,
tawrhna pawh hre lemlo te ai
chuan tluk leh thawh fawma
hlawhtlinna dawntu hlawhtlinna
hi a ropui fé zawk.
@ Mimal chunga thilthleng \hinte hi
tihpalh thilthua thleng a nilova,
duhthlanna kaltlanga thleng a ni
zawk \hin.
@ Mi \henkhat chuan a landan in an
thlir a, engvang nge? an ti \hin.
|henkhat erawh chuan anla
hmuh ngailoh pawh nise, a ni
dawn lo’m ni ? tiin an zawt thung.
@ Mahni tih tur chiah hlentu chuan
hlawhtlinna chungchuang an
dawng ngailo.
@ Mihring theihna hi a tawp thlen
tirtu emaw an ti \hin, mahse a
thlen tirtu dik tak chu a khawsa
zia (character) zawk a ni \hin.
Weekly News
Bulletin
in Mizo/Kuki
Hrqs. : 58 King George St. Heichal,
Jerusalem, Israel
Website : www.shavei.org
Mizoram : Mercy Villa, Upper Republic,
Aizawl, Mizoram.
Manipur : B. Vengnom, Tuibuang,
C.C. Pur, Manipur.
Contact mails :
Israel : tzvi@shavei.org /
tzvilun@walla.co.il
Mizoram : madinga13@yahoo.com
Manipur : yochanan10@yahoo.com
Published by : Shavei Israel Org.,
Jerusalem, Israel.