kawlram thawng - The One Star News

MOTTO: NA MIPHUN CAAH HMUNHMA THA VA SER PIAK HNA 

EST: SEPT 12, 2010 VOLUME 1 , ISSUE 101 SEPTEMBER 26, 2012 

COZAH NIH AN DUH LO CAAH RANGON TUAH SANDAHPIAHNAK AN TUAH 

September 22, 2012: International Peace Day ah Sandahpaih ding in Kachin Peace Network nih an hawihawtmi cu Cozah lei nih Naypyidaw kal 

an sianh hna lo caah, Yangoon tu ah Sandah kan 

piah tiah Sandah Piahnak ah a tel vemi Chin 

Ngaknu Aidii nih the One Star sinah a chim. 

Minung 250 hlei nih Chaklei Kawlram i ithahnawnnak 

a um cuahmahmi raldohnak hi dihter 

cang in Ralkap lutlai umnak headquaters ah daite 

in an duhnak langhter an i timh. Nain cozah 

nawlngeitu lei nih Buss i cit an sianh hna lo. 

Naypyidaw ah kal an i timhnak zong cu 

Yangoon i police lutlai nih a kham hna caah 

Naypyidaw ah cun kal khawh loin an umnak 

cu Jaw Gum nih Irrawaddy News sinah a chim. 

Naypyidaw ah kal khawh ding kan si lo caah 

Yangoon tu ah daite in sandahpiahnak cu tuah an 

i timh, nain Yangoon downtawn ah nan piah 

kho lo tiah an ti tthan rih hna. Zinglei suimilam 

3:30 am ah sandahpiah pawl cu Yangoon ah 

Naypyidaw kal ding in an i pumh cang, nain 

Naypyidaw an kal kho ti lo i, Yangoon 

Downtawn ah piah le an duh fawn lo tikah vaivuan 

in an um. A karlak ah Police nih i tthentthek 

dih u! Nan i tthen-tthek dihlo ahcun kan in 

tthuat hna lai tiah an hro chih hna caah, Sandahpiah 

ah aa thawhmi cu pawl an i tthen-tthek dih 

hna. Kachin Peace Network nih an hawihawtmi 

sandahpiah ahhin Chin Mino 12 hlei nih an telpi hna i, Blue angki a hrukmi hna phu, Chin Mino cu an i tel venak phu nih InnYar Kan hmun ah 

cozah nih Kachin an kah lengmangmi hna ngol cang ding in halnak cu an langhter. CC: Irrawaddy/Onestar/ 

DAW SU LE OBAMA TONNAK AN NGEI 

September 

20, 2012: Noble 

daihnak laksawng 

a hmutu 

Aung San Suu 

Kyi cu America 

Congress nih Laksawng 

an pekmi a 

lak hnu ah USA 

ramhun Barack Obama he tonnak an ngei tiah 

thawng theih a si. 2008 May thla ah America 

Congress nih Daw Suu cu Gold Medal an rak 

pek nain innchung thongtlak in a can a rak 

hman lio a si caah a rak la kho lo. 

A tutan USA ram ah ni 17 rau in 

khualtlawnnak a rak ngeih can ah hi laksawng 

sung cu a hlam pah a si. Mah hi laksawng a 

hlamnak ah Daw Suu nih biachimnak a ngei i 

“Vawleicung hmunkip ah daihnak cu ruahchannak 

pakhat a si”, “Democracy hmuhnak cu kan 

dihlak nih kan I tinhmi a si” tiah a chim. Cu 

pinah kan ram hmailei can ah rualremnak le 

daihnak in kar kan hlang kho lai tiah ai 

ruahchannak zong a chim chih. (Cc: RFA) 

2013 ah US nih Chin ralzam tam deuh a lak lai..Ch; 4 

Mirum hna chungkhar an thihnak konglam 

tharchuah an timh..Ch: 6 

Daw Su laksawng a hlam 

Linsay Lohan an tlaih than...Ch: 7


MALAYSIA LOKE YEW UM CHINMI KAN ZUAL TUK CANG 

September 27, 2012: Malaysia ah 

Laimi tampi khua kan sa. Sangkip 

ah Laimi kan um lonak a um 

lo. Loke Yew sang ah Chinmi 

1,000 in 1,500 kar kan um lai 

tiah ruahdamh a si. Zuri ruangah 

le tthutdir thiam lo ruangah 2011 

ah The New Strait thanhca nih 

Lai Miphun Loke Yew ummi 

pawl kan thangchiatnak le zohdawhlo 

kan hmanthlak hna zong 

cahmai 2 in tial le phozar a rak si 

kha. CDAC le CRC ttanpinak in 

pawngkam thianhhlimhnak talin 

kan i hlawh lo ahcun tiin kan si 

khawh tawk sang thianhhlimhnak 

kan tuah. 

Thianhhlimhnak lawng a 

rak zaa hrim lo. Zantin zuri le 

aukhuang kan dong lo. A phan 

thar , CRC card he lawng a ummi 

ko an ral a tha. Ttih ding le 

ngamh ding awk an theih rih lo 

cu a si fawn lai lo. Kan zudin 

ruangah local mi an mit kan 

kemh ko cang hna. Kan rit sawh 

a si lo, sualnak ngei lo le mahte i 

a um ko mi Motor hna kan va 

thong, chuih thulh. Nai zong ah 

kan Laimi pakhat nih motor a 

chuih. Motor ngeitu a hawipa nih 

hi thil hi a ngeitu nih a theih ahcun 

an nunh hna lai lo caah keimah 

nih ka phisin lai RM 150 in 

chuah ulaw Laimi (Myanmar 

Orang) nih an hrawk lo, India 

pawl an si tiin kan chim piak hna 

a kan ti. Cuticun a kan humzual 

rih. CDAC upa hna he an in ah 

tangka hal ah kan va fuh hna i a 

umtti hawi nih an cawih chung. 

Cuticun voikhat hnangam in kan 

um. 

India pa nih kanmah 

Chin mi nih (Motor) kan chuih 

kha a theih fawn tik ah cupa cu 

an kawl. Aa phuhrung rua.. 

Cheras lei ah a zam tiah thawng 

kan theih. Cheras ah lai misual pa 

aa sawm i Loke yew CDAC upa 

pakhat Cheras a kal ah velh ding 

KANMAH THAWNG 

in an rak kawl ti kan theih. Hi ka 

chimmi pa lawng hi si lo. Loke Yew 

sang ah Zahnaktlang mi si hna seh , 

Falam leimi si hna seh, Zotung lei mi 

si hna seh, an zudin tthinh cu chim lo. 

Kan zual chin lengmang. Hiti ning te 

nan um ko rih ahcun a rauh hlan ah 

nan caah thil tthalo a tlung lai tiah ralrin 

an kan pek lengmang. Miphun kip 

kan i cawhnak Loke Yew sangah i 

chimhhrin hi thil fawi a si ti lo. 

Khua kan rak umkel khan kan 

um hoi. Panchian (pangpar dum ) ah 

zu kan ding , kan zudinnak palang 

zong zu a um lo hnu ahcun kan khuai 

rih. Zu a um lio (din hlan) ah a khuai 

ngam kan um lo. Hi hmun hi zingchiar 

UN kalmi nih an palmi a si . Palangkuai 

nih a chunhmi hna zong an tam 

cang. Zan zongah riahnak (Hotel) ah 

cu hmun cu kan hman. Zinglei sml 

11:00 ah a tho rih lomi zong an um. 

Ram ngeitu (local) pawl nih 

dinhdamhnak ah an hmanmi hmun hi 

kan rolhkanh tuk hna. A SI IN KAN 

SI LO. KAN ZUALHMA KO. KAN 

TI TUK KO. LOKE YEW SANG 

HIN HMUN DANG AH A RANNAK 

IN TTHIAL KA DUH KO. KAA 

TTHIAL KHO FAWN LO. KAN 

ZUAL CHIN, KAN LAIMI ZUDIN 

LEI AH. KAN TTHANGCHO CHIN 

LENGMANG, HNAHNAWK LE 

LURITNAK TUAH LEI AH . KAN- 

MAH RUANGAH KAN LAI MI- 

PHUN DANG THANG KAN CHIAT 

HI RUAT TUAH. 

Note: pumpak in i tinak a um lo, thil 

sining a tlangpi huap in kan tialmi a 

si. 

IRAN: LEHRULH DINGAH TIMHCIA KAN SI 

September 21, 201: A senior Iran ralkap bawi nih Israel hrocernak 

cu zeihmanh ah a relpiak hna lo, a herhning paoh in Iran cu timh cia a si 

tiah a chim. Kah an kan timh ahcun fak piin Armed Forces of the Islamic 

Republic in lehrulnak a um lai, lehrulnak cu a fak taktak lai tiah Iranian 

Army's Ground Forces Brigadier General Ahmad Reza Pourdastan nih report 

sinah a chim. Kah ding in a kan timh ahcun an theih awk cu Iran nih a 

sangmi hriamnam hman ding cu kan i ngeih ngai ko tiah a chim. November 

6 ah a um dingmi US President thimnak a um hlanah hin Israel nih Iran 

nuclear hriamnam cu kah an duh. Asinain US nih caan aa tet-khawt tuk 

lioah kah ding cun an duh lo. Iran nih hin mipi caah nuclear kan ser an timi 

hi ralkap caah an timh tiah an theih tikah Israel nih kan kah hrimhrim a hau 

ti a si. September 19 ah Iranian Defense Minister Brigadier General 

Ahmad Vahidi nih a chimmi cu kan ralkap hriamnam thazaang kan karhter 

chin lengmang cang, cucaah Israel uknak hi a hrawh khawh cang lai tiah a 

chim. "Israel nih Iran a kahnak dingah Iran ram runvennak a ttha tuk cang. 

Israel hi a hrawh khawh cang lai" tiah Vahidi nih a chim. (Cc: Globalchin) 

Cahmai: 2 

CHINRAM AH PHAISA DUHAH MINUNG AN FIR HNA 

September 17, 2012: U Hla Thun hruaimi 

minung 4 nih, Arakan People Army kan si 

tiah Paletwa peng, Kara Maih tlangthluan um, 

Kungping khuate khuami Chinmi pakhat, 

September 12 ah khan an fir tiah Khonumthung 

News nih September 19 ah a tial. 

Minung a firtu pa 4 lak ah pakhat nih 

Kung Ping khuami sin in tangka a hal hna i, 

an khuabawi U Zaw Zaw le U Kyaw Oo nih tangka an kholh.“Atu ah, 

minung firnak kong cu Sinletwa khua um Kawl ralkap le Chin National 

Army nih an hlathlai cuahmah lio” tiah Ko Aih, Paletwa 

khuami nih a chim. Minung firtu phu pawl cu Mizoram Lawngtlai 

district, Lungpuk khua ah an i thup ko lai tiah khuami lung a hrin. 

(Cc: Khonumthung) 

PALIK NIH CHIN PHUNGCHIM PA INN A CHEH 

September 19, 2012: Hakha ah chiahmi police 

inspector bawmtu a thin a hung tuk i, 

Chinmi phungchimtu a hmai ah a thongh. 

September 12, zan sml. 9:00 ah lung in 

phungchimtu a inn a cheh tiah Khonumthung 

News nih nihin September 19 ah a tial. Thun 

Lwin, Kawl police pa nih phungchimtu Cung 

Aung le a hawile a sik hna, phungchim a 

khap hna. 

Cung Aung le a hawile nih an innchung ah Khrihfa thawngtha 

hla an sak lio ah a si. Police pathum nih Pu Cung Aung inn, lung in 

an va cheh tthan tiah report nih a chim. A inn thlanglang awng benh 

thlalang an khuai. Innpa ngaknu pakhat nih thil a can hnu ah, police 

station ah a hei report hna. “Innpa chakthlang an hun chuah tikah cun, 

police cu lo diam an kal cang. Police pa 3 – Thun Lwin, Kyaw Mint 

Shwe le Aung Pho – cu an tlaih cang hna” tiah inn ngeitu Cung Aung 

nih a chim. Police pathum cu cunglei nawlngeitu bawisang deuh nih 

action an laak hna lai tiah local newspaper nih a ti. 

KAWLPA: CHIN PAWL THLUAK AH EK AI CAWH 

Chin State Lah-wah-kah bawi U Than 

Lwin nih a zung hmai pal in mawtaw 

mawngtu Chinpa sinah Chin pawl thluak 

ah ek nak ai cawh tiah volhpamhnak bia a 

chimpah in, a hmai ah a bengh tiah 

Khonumthung Burmese Version nih nizan 

September 19 ah a tial. Hi thil hi September 

11 ni ah a cangmi a si; Hakha 

khuahlum Pu Ca Mang nih umnak inn ai 

tthial lio ah, mawtaw in a innchung thilri 

a chek i, Lah-wah-kah zung hmai, a thil 

chektu mawtaw nih a pal. 

A pal lio ah, Lah-wah-kah bawi nih a hmuh i, ‘Chin pawl hi nan 

thluak ah eknak a um’ tiah volhnak bia le cerhronak bia in a tlerhpah in, a 

biang ah a bengh tiah mit hmu tehte nih an chim. “Pu Ca Mangte 

nih peng huap Lah-wah-kah bawi sin ah zung hmai in mawtaw mawngh 

a herhnak kong an chimh hmasa diam ko cang nain, atu bantuk in, ramkulh 

huap Lah-wah-kah bawi nih sersat zuamhtai ngai in kut a thlak” tiah 

mithmu tehte nih an chim. Zung staff Pu Chia Mawng nih peng huap Lah 

-wah-kah bawi sin ah an chimh ko cang dahkaw tiah a hei fianter lio ah, 

ramkulh huap Lah-wah-kah bawi nih cun, na hei i thlak ve hrimhrim tiah 

a ttang ah a thongh i, a chuih tiah an chim rih. 

“A hraang bak si, nan mawtaw kha a cawi in cawi u law, a zawnh 

in zawn u” a ti rih hna tiah mithmu tehte nih an chim. Pu Ca Mangte 

chungkhar cu, mah cu ruang ah cun, atu tiang in, inn an i tthialkaam kho 

rih lo i, mawtaw ngeitu Roman Catholic phungki pa zong an ngaih lawng 

a chia ko tiah Khonumthung News nih a ti. “Miphun dang pawl nih kanmah 

kan khua le kan ram ciacia ah rak ra riangmang in, duh paoh in an 

hung tawnglungkio hnawh ve dah mu, a tuar ka tuar kho lo ee...” tiah 

Chin tlangval pakhat nih a chim. U Than Lwin (Kawlpa) hi ralkap bawi 

in Lah-wah-kah bawi ah a kaimi Kawl miphun a si tiah an ti. 

(Globalchin)

v 


RAMCHUNG DAIHNAK LAM TLANGCUNG PAWL MEETING 

AH AN FEHTER 

September 18, 2012: 

Ramchung raldaihnak kong he 

pehtlaih in zulhding 6 aa telmi 

cu tlangcung mi meeting ah 

fehter a si. Thailand ram ah 

September 14 in nithum chung 

tuahmi meeting ah ramkhel 

kong cabuai cungah ceih ding, 

Pinlong bantuk meeting pakhat 

tuah ding, rampi huap in 

kahdaihnak cozah nih thanh 

ding hna aa tel tiah chimnak 

nawl ngei Dr. Sui Khar (CNF) 

nih Irrawaddy thanhca sinah a 

chim. Cozah nih tulio daihnak 

a kalpi ning hi tlangcung mi 

kong a si lo, anmah ca lawng a 

si, cucaah tlangcung mi nih 

kanmah kong ceihnak kanmah 

tein kan ser a hau cang tiah 

Mon pyitit party chungtuan 

Naing Han Ta nih a ti. 

Daihnak caah lam kan 

sermi kan zulh lai. Parliament 

lengah daihnak a phi kan kawl 

lai, parliament chung cu cozah 

minung lawngte an si a ti. 

Cozah nih daihnak lam an ser 

mi cu kahdaihnak ser in ramri 

hngak ralkap dirh ding, 2008 

phunghram cohlan ding, party 

dirh in thimnak luh ding, hluttaw 

chungah ramkhel kong 

ceih ding ti hna an si. Tlangcung 

mi meeting cu September 

14 in 16 tiang Thailand ram 

Chaingmai ah tuah a si i, ram 

chung ramkhel party hruaitu 

pawl, KNU, KIO tiin minung 

130 hrawng an kai kho. Cozah 

nih ramchung daihnak caah 

KAWLRAM THAWNG 

ramkhel kong ceihhmainak caah 

zapi kan i tel khawhnak meeting 

pakhat an tuah lai ti a si nain hi 

kongah zeitin kan tuah lai timi 

fianternak a um lo, hi meeting a 

tlam a tlin khawh ding le ceih 

dingmi cozah he tonnak kan 

ngeilai tiah Dr. Sui Khar nih a 

ti. Hi meeting kong hi daihnak 

sertu lutlai chang, president 

zung vunci U Aung Min nih 

2015 hlanah kan tuah lai i, 

tlangcung hriamtlai bu he 

ceihhmainak kan ngei tiah a rak 

chim cang. Ramchung daihnak 

caah ramchung le ramleng ton 

biaruahnak le a dotdot tein nu, 

mino hna he tuanti a herh tiah 

Dr. Sui Khar nih a ti. 

Cu pinah ramchung ral 

ruangah ralzam dirhmun a phan 

mi minung 90,000, Arakan buai 

ruang sunghnak vialte cozah nih 

a rannak in tawlrel ding zong cu 

meeting ah an langhter chih. Hi 

meeting biachahnak cu cozah 

sinah pek an si lai, cozah nih 

daihnak phung an sermi 8 chungah 

a cheu cu tlangcung mi nih 

pom khawh a si lo an ti. 

(Cc; Mizzima) 

TLANGLAWNG PALIK PAKHAT KUT IN MIPA A NUNNAK A LIAM 

September 17, 2012: Kachin ram Hupin peng, Zuatitkyi khua 

tlanglawng palik kutin mipa pakhat nunnak 

a liam. September 9 ah Ko Maung Oo timi 

pa cu Nankhanchotaung rian a tuannak in a 

tlun leiah tlanglawng dinhnak ah rai nih a 

fenh i a it ko. Cu lioah tlanglawng rianngeitu 

palik Kyaw Soe Lwin cu zu a ri i 

mipa cu a hro. A dir ter. 

Mizaw pa cu a dir khawh lo caah 

palik pa nih a meithal in a tuk, a chuih. Zan 

suimilam 11:00 hrawng a si caah minung an 

king. Mipa cu a zaw tuk i a dir khawh lo 

caah zei bantuk minung ah dah na ka rel tiah palik pa nihcun a 

chuih, a tuk. A pawng ngakchia nu pakhat chimnak ahcun voi 82 

bak a chuih a ti. Cu mizaw pa cu September 13 ah sizung ah palik 

pa velhnak cun a thi. Maung Oo a thihnak kongah Hupin palik sakhan 

ah report an tuah. Mithi pa nupi Win Kyi nih zei bantuk in 

remnak an tuah zongah a si kholo, ka va cu a thi ko cang i, a 

hmanmi thil a chuah ding a biapi ko a ti. (Cc: DVB) 

Cahmai: 3 

KAWLRAM THONGTLA 514 AN CHUAH HNA 

September 17, 2012: Ramdang thongtla 

telh in thongtla 514 chuah dingin president 

nih nawl a chuah. Hihi U Thein 

Sein American UNO meeting a kai hlan 

ni tlawmpal ah a chuah hna hi a si. 

Tutan president nih a chuah mi hna 

chungah ramkhel ruang thongtla cheukhat 

an i tel nain zeizat an i tel ti theih 

fiang a si rih lo. Kawlram nih pakhat khat a um paoh ah thongtla a 

thlah ton hna nain ramkhel ruang thongtla an tan rih ko caah zei dah 

an duhnak a si ti theih a har ko ti a si. Kawlram thonginn chungah 

ramkhel ruang thongtla um rih a si. Thlennak an duh taktak ko ahcun 

hi hna hi chuah dih ding an si tiah nuhrin covo cawlcanghtu hna nih 

an ti. U Thein Sein a kai hnuin thongtla thlahnak hi voi 6 a um cang i 

thongtla an thlah mi hna dihlak 29018 an si cang. Hi chungah 

ramkhel ruang thongtla 800 hrawng an si. (Cc: VOA) 

UNO PALAI MR. VIJAY NAMBIAR KAWLRAM A TLAWNNAK 


September 12 in 17 tiang Kawlram 

a rak tlawng mi UNO palai 

Mr. Vijar Nambiar a khualtlawnnak 

a dihter cang. Kawlram 

a um chungah president U Thein 

Sein ruahnak petu pinah pyituh 

hluttaw president Thura Shwemann, 

ramleng vunci U Wanna 

Maung Lwin, ramri vunci bochoh 

Thein Htay, president zung 

vunci U Soe Thein, U Aung 

Min, a pakhatnak nu vuncichoh 

Daw Myat Myat Ung Khin le 

pianciaye vunci U Aung Kyi 

pawl a ton hna. 

Mr. Nambiar cu tlangcung 

bu hna zong a ton hna. 

Chin party CPP in U Do Zam, 

GNO in Za Boi John, Karen in 

Hellen Saw Oo, Karen ni mino 

pakhat, Chin pastor pakhat hna a 

ton rih hna. Kachin ral daihnak 

kongah a si khawh chungin kaa 

zuam lai a ti. UNO riantuannak 

ah a har mi cu ramchung kong i 

thlak hi a fawi lomi a si nain kaa 

zuam ko lai a ti. U Thein Sein 

UNO meeting a kai ding kong le 

September 27 ah New York UNO 

zungah U Thein Sein biachimnak 

a ngei lai timi hna a phuan rih. 

Mr. Nambiar hi Arakan buainak a 

thawk bak in Kawlram a lut i, 

Arakan ram tiang a va phan mi a 

si. (Cc: VOA) 

KACHIN RAM MAH TEIN I UKNAK CAAH KNO- 

THAILAND BU AN DIRH 

September 18, 2012: Ramleng 

um Kachin (KNO) nih 

Kachin ram mah tein i 

uknak dingah KNO- 

Thailand (Kachin National 

Organization-Thailand) cu 

Thailand ram Chinmai ah a 

um mi kachin hna le KIA 

ralkap hlun pawl he September 

16-17 ah an dirh. Kachin ram mah tein uknak kan hmuh hlanlo 

kan tho lai i raltuknak ah kan um ko lai an ti. 

Cozah thar nih ramdaihnak tawlreltu a dirh i, daihnak an ser 

cuahmah lioah ramleng um Kachin nih hitin an dirh hi a si. Ramkhel 

lei biaruahnak a um hlan lo daihnak kan la lai lo tiah KNO president 

Duwa Bawmwang Laraw nih a ti. Ramleng um Kachin (KNO) le 

tulio ral a tu cuahmah mi KIO hna cu kan hnu June thla chungah KIA 

sakhan laiza ah nihnih chung tonnak an ngei i hnatlaknak anngeih 

hnuah hitin an dirh hi a si. (Cc: Kachin News)


KACHIN RAL KONGAH SUU KYI LUNGPUT U TIN OO NIH 


A PHUAN 

September 20, 2012: Kachin ral kongah 

Daw Su a kaa a cip ko timi kongah 

U Tin Oo nih Daw Su cu democracy 

kong le daihnak kongah a kaa a 

cip bal lo tiah a ti. Tulio American 

laksawng a laknak ah Kachin 

chungkhar (Kachin Alliance –KA) nih 

kan chuak lai lo tiah September 16 ah 

Daw Su sin ca an kuat. Cu hlan ah Daw Su cu mipi hruaitu a si nain a 

tu cu Kawl cozah hruaitu pakhat a si cang. 

An party zong cozah chung ah aa tel. Hluttaw zong nih cozah 

dirpi a si cang tiah Kachin Alliance –KA in hruaitu Nsang Gum San 

nih a ti. Kachin ram ral ruangah kan miphun harnak phunphun an 

tuar. Minung a sing nih umnak chuah takin ralzam dirhmun an um 

lioah zeitindah nuam taktak in kan um khawh lai ti zong a chim. 

(Cc: Irrawaddy) 

2013 AH US NIH CHIN RALZAM TAM DEUH A LAK LAI 


US Cozah nih Chin le Kawlram 

in ralzam hna cu kum 2013 

(Fiscal Year 2013) zong ah tam 

deuhte in a lak ding a pehzulh 

tthan lai. Presidential Refugee 

Admissions nih kum 2013 caah 

vawleicung ram tampi in 70,000 

lak tthan ding in State Department 

Secretary Hillary Clinton 

nih Congress ah September 19, 

2012 proposal a phanh pi cang. 

US Congress nih an pompi ko 

lai tiah zumh a um. An pom hnu 

ah President Obama nih hnatlaknak 

min a thut te lai. 

Hi proposal ah hin East 

Asia caah 17,000 an i telh. East 

Asia hi tam deuh cu Malaysia le 

Thailand in an lakmi hna hi an 

si. Hi vialte lak ah 60% cu Malaysia 

in an si lai i, 40% hrawng 

hi Thailand an si te lai, tiah 

theih a si. "Burma ram aa thleng 

cuahmah tiah ruah a si in, Chin 

ralzam hna an lak ti hnga maw 

tiah ruahnak a phunphun a rak 

um lio ah hi bantukin US cozah 

nih Chin ralzam laknak pezulh 

ding an cohlanmi cung ah lawmh 

a um ngaingai. FY 2013 ah Malaysia 

lei in Chin ralzam tam deuh 

an lak lai caah lung a hmui khun", 

tiah Salai Elaisa Vahnie nih a 

chim. Salai Elaisa Vahnie hi a rak 

tuah tawn bantukin kan hnu thla 

August ah khan US Department 

of State ah Chin ralzam hna caah 

chim relpiaknak a ngemi kha a si. 

US cozah nih hin vawleicung ralzam 

pawl kum khat ah a tlangpiin 

60,000 in 70,000 hi a lak tawn 

hna. An kum thar hi kumtin tein 

October in a thawk in September 

ah a dih tawn. Tu kum Fiscal 

Year 2013 cu October 2012 ah a 

thawk than cang lai. 

(Cc: Globalchin) 

Cahmai: 4 

DAW SU NIH GOLD MEDAL LAKSAWNG A HLAM CANG 


Daw Aung San Su 

Kyi cu US Congressional 

Gold Medal cu 

pek a si cang. Mah 

laksawng hi 2008 lio 

ah an rak pek cangmi 

a si nain inn-thong 

chung ah a um lio a si 

caah, nihin lawng ah 

a hlam khawh. US 

Treasury nih President 

Thein Sein 

cozah cungah sanction an chiahmi a cangka tein Innrangpi ah 

President Obama he caan tlawmpal tonnak an ngei. Capitol Rotunda 

i Laksawng laknak ceremony ah US Secretary of State 

Hillary Clinton le US Frist Lady hlun Laura Bush zong an i tel. 

Laksawng laknak ceremony ah Aung San Suu Kyi nih biachimnak 

a ngei. 

Atu lio hi ka nunnak ah sullam a ngei in a kal lio bik caan a 

si" a ti. Nangmah le Democracy a duhtu karlak ah hawi sinak ah 

temh chih in le, I theithiamnak hungchoter chuahmah a si cang' 

tiah a chim. Laksawng lak dih hnu ah President Obama he, mimal 

in i tonnak an ngei tthan. Zei kong dah an chim timi cu hngalh a si 

rih lo. Tutan US i laksawng an pekmi hi US ram chung i Civilians 

caah a sang bik an tuahmi laksawng a si. Mipi le daihnak caah rian 

a tuannak ah a hlawh a tling takmi hna an hlawhtlihnak lawmpinak 

caah an pekmi laksawng a si. US tuanbia ahcun, mah laksawng a 

hmu hmasa bik cu George Washington a si. BBC 

KALAYMYO PAWNGAH BANGALI 10 AN TLAIH HNA 

September 19, 2012: Kalay Myo peng 

Phottaw khua Zinan chuahnak hmun ah 

Bengali minung 10 an tlaih hna i Kalay 

Myo Palik pawl nih phunglam ningin 

biaceihnak an tuah lai tiah thawng theih a 

si. “Mah hna pawl hi kan hmuhnak hna cu 

Kalay Myo in tlawmte ai hlatnak Phottaw 

khua Zinan chuahnak hmun ah a si. 

Khuami hna nih an hmuh bakin Khuabawi 

hna le Mitat pawl he an va tlaih hna 

i Palik Sakhan le Lah-wah-kah pawl thawng an thanh colh hna. Kalay 

Myo Palik sakhan ah an kal pi hna i phunglam ningin biaceih an si 

lai,” tiah khuami pakhat nih a chim. Mah hi Bengali minung 10 hi 

India ram Mowre khua in a rak lutmi an si. Hi bantukin Bengali minung 

hna hi India ram in kawlram an rak luh hi a tu hi a voikhatnak a 

si lo, cu hlan zong ah an rak lut pah len cang. Mah hi an tlaihmi hna 

hi a tlawmbik kumhnih thong thlak an si lai. Cu hnu ah phunglam 

ningin an kong ceih than an si lai. Hiti tlaih a tongmi hna hi kum 20 

tluk minung an si hna. Micheu cu kawl holh tlawmte an thiam i Bengali 

holh hmangmi an si. (Cc: Hakha Post) 

Kenya ram ah thlan nganpi an hmuh 

September 20, 2012: Kenya tiva kam ah thlan ngan pipi pahnih an hmuh i minung 20 cu mithattu an si tiah 

Police nih an puh hna. Kan hnu thla hrawngah khan khuatemi an i do i minung 100 hrawng an thi ti a si. 

Kilelengwani khuate ah thlan cu an hmuh i minung 38 an khanghmi an hmuh, cun police 9 an i tal. Nihnih ni 

ah khan police nih minung 20 cu anmah hi mithattu ah aa talmi an si tiah an puhmi an um. Khua khat minung 

an si le si lo cu a fiang rih lo. Sual an puhnak hna catlap ah aa ttialmi cu meithal, namte, fei, tbk in khuate ah 

cun an rak lut i inn cu an khangh hna cun minung 108 an thah hna tiah a ttial. Local officer David nih a 

chimmi cu lunghrinhmi minung hna cu an hriamnam he ram lak ah an i thup ko tiah a chim. President Mwai 

Kibaki nih Curfew kan hnu zarh khan a tuah i ralkap hna cu buainak donghter ding in ram lak ah cun a thlah 

hna. Cun Regional police chief Aggrey Adoli nih a chimmi cu thlan chungah ruak a ummi hna hi biaceihnak 

zung nih hnatlaknak an tuah cun kan hlai lai i kan zoh hna lai. Minung zeizatdah thlanchung ah an um timi hi 

kan thei rih lo tiah a chim. (Cc: Globalchin)


Hakha AG Biakinn hmai 

“C Family” dawr, Kan hnu zarh 

cawn nihnih ni ah zaantim sml 

1:00 hrawng ah an bauh i 

tangka sing thum hrawng an fir 

hna. “voi dang ah cun tangka hi 

kan manhmi le a dang ca i 

khonmi he kan tinpi tawn. Atu 

an kan firmi hi, kan dam lo caan 

i hman awk ah le bawipa caah 

tiin kenret kan thlakmi, tangka 

kaa khonmi te a si. Voi dang ah 

cun ka tinpi tawn ko. Chun ah 

hin inn hngaktu ngaingai kan 

ngeih lo caah dawr ah ka chiah- 

VAWLEICUNG THAWNG 

HAKHA KHUA AH C FAMILY DAWR AN BAUH 

nak a si” tiah dawr ngeitu nih a 

chim. Hi an fir hna zaan, cawn 

nihnih zaan ah hin tangka an 

khonmi cu tinpi an philh. Zaan 

tim 1:00 hrawng ah uico bao an 

theih. An dawr cu a hnulei innka 

in an bauhpiak hna i, tangka 

kuang cu an laak, dawr in pe 100 

hrawng aa hlatnak ah an hrawh i 

a chung tangka cu an lak. 

A zapi ah sing thum deng 

cu a si lai tiah an zumh. “Hi 

tangka hi kan fapa a dam lomi 

kuat awk le, bawipa caah ti in 

kaa khonmi tangka an si” tiah 

dawr ngeitu nih a chim. “mah 

tangka an kan fir ni chun ah hin 

mikhaan niam nawn, zu mawng 

nawnmi pakhat nih tangka a ka 

hal i, kan tangka chiahnak zong 

cu a ngiat pah, mah hlan deuh 

zong ah kan inn ah zuri pa a lut i 

ka pa a um lo ma aa titer i a 

chuak than” tiah a chim chap. 

Ch. : Hakha Post News 

ZAHNAKTLANG HAWIKOMHNAK BU PUMPALULH CHUIH 

AN LIM CANG 

September 20, 2012: Zahnaktlang 

Thanchonak Bu 

(Malaysia) hruainak in 

kum khat voikhat tuah 

tawnmi Zahnaktlang khua 

kip pumpululh chuih zuamnak 

cu September 17,18 

ah Cheras ah tuah a si. 

Zahnaktlang khua 11 kan i 

tel kho. Hi zuamnak ah 

Champion Bel cu Sihhmuh 

nih an co. Sihhmuh he Final 

aa cuhmi khua cu Ruakhua 

an si. Malaysia um Sihhmuh hi mi tlawmte kan si. 

Zaangtlang, Dawn, Lungler an tei hna hnu ah Ruakhua he Final kan 

kai i 2-2 in kan i tluk caah penalty (4-3) in kan tei hna i champion 

kan co hi a si." A khua kan tam ruangah nikhat ah puai 3 hna chuih 

a si caah chuihtu cu an ba hringhran ko. Ruahnak nakin zuri an um 

tuk lomi zong nih puai a nuamhter ngai. Bawlung puai ti ahcun rian 

zong an rak off kho ngai lehlam hna, ruah lo leng in . Mino caah 

cun lentecelhnak nih hin fellowship a chuahter khawh ngai ti in ka 

ruah" tiah khua upa pakhat nih a chim. Malaysia ah Zahnaktlang mi 

1,000 in 1,400 kar an um tiah theih a si. Nikum ah champion a rak 

latu cu Zaangtlang an si. 

Champion : Sihhmuh 

Pa 2nak : Ruakhua 

Best Player : Simon (Sihhmuh) 

Best Defender : Sang Thu (Saikah ) 

Best midfielder : Ezakiel (Saikah) 

Best goal-keeper: Awi Bik (Bungkhua) 

Top goalscorer : Tial Peng (Ruakhua- kawl (7) 

Khua Tlir (Vice-chairman) 

Zahnaktlang Thanchonak Bu (Malaysia) 

Cahmai: 5 

TULUK RAMAH VA NGEI ZA NUNGAK 200 MILLION A HERH 

September 18, 2012: Tuluk cozah nih 

ramdang nu firnak lam on bantuk in a 

thanh caah Kawlram nu ralrin a hau tiah 

Kawlram nu lei covo cawlcanghtu Daw 

Susanna Hla Hla Su nih a ti. Tuluk ramah 

nu an zuar khunnak hna cu Tuluk cozah 

nih one child policy a hman caah 

chungkhar nih nu nakin pa deuh hrin an 

duh cang hna. Cucaah tulio Tuluk ram 

dirhmun in va ngeih a za mi nungak 200 

million a herh tiah an ti. 

Kawlram ah nu an fir hna i an zuar mi hna tam deuh cu Tuluk 

ram an phan. Nu an fir mi hna cu va caah zuar, nu zuarnak dawr 

ah tuanter hna a si bik. Nu zuarnak kongah fimnak tampi pek an hau 

rih. Ramri ah cozah rianngeitu nih tha tein chek an hau tiah NLD 

party in Daw Phyo Phyo Thein nih a ti. 2012 May thla tiangah Tuluk 

ramah nu an zuar mi hna Kawlram a phan than mi 780, Thailand in a 

phan than mi 483 le Indonisia in 16 an si. Minung ramdang zuar a 

tong mi hna hi 85% cu nu an si i, a zuartu 65% hi nu an si ve. 

(Cc: Myit makha Media group) 

VOKKUANGLAWNG LEH RUANGAH MINUNG 24 AN THI 

September 18, 2012: Pakukku 

Peng, Pauh khua pawng, Kaanmaphu 

tiva ah vokkuanglawng, 

seh tha in mawnghmi aa let i Minung 

(24) an thi tiah thawng theih 

a si. Hi vokkuanglawng ah hin 

minung (40) an i cit. Mindat 

khuami Khrihfa upa Kan Mana le 

a pu zong a thimi ah an i tel tiah 

theih a si. An fale nih tangka kuatmi an va hlam i an kir lei ah hi 

bantuk in sual an huahnak hi a si. Kanmana le a pu i an cycle le thilri 

cu an hmuh na in an ruak cu an hmu rih hna lo tiah thawng theih a 

si. Hi tiva hi thal ah cun ti a luang menmi a si nain, fur ah hin cun tih 

a nung ngaimi a si tiah theih a si. Kum dang zong ah mawtawka hi a 

kham tawn hna i a fenhmi le a phummi hna zong an um tiah theih a 

si. (Cc: Hakha post) 

MITT ROMMNEY: PALESTINIAN NIH DAIHNAK AN DUH 

TAK LO 

May 17 - Fundraiser lio ah Mitt 

Rommney nih donors (lawmbawm 

petu) sinah a rak chimmi bia pawl 

cu, Obama lei a ttangmi i Mitt 

Romney thlak a duhmi nih Video a 

rak thlak hna i,"Full Secret Video" 

tiah mipi theih khawh ding in 

kengkip ah Mother Jones nih a 

thlah Mah Video chung i Mitt 

Romney nih a chimmi, a bik in an 

langhter khunmi cu, Palestinian 

kong le President Obama cozah sin 

in income tax return a hmu lomi kong hi a si. 

Palestinian nih hin daihnak hi an duh taktak lo' cucaah, middle 

east ah daihnak umter hi thil si khawhmi a silo tiah Mitt Romney 

nih donors sinah a chim. Cun, a chim chap rihmi cu, American ram i 

47 percent hi cozah sin in harnak a tuarmi (victim) an si, zeicatiah 

income tax an hmu tthan lo" tiah a chim chap. Anmah hna caah hin 

ka thin a phang lo. Cun, zei tik hmanh ah ka soilem hna lai lo; an 

nunnak caah a herhmi le an pumpak kong cu anmah tein tuanvo an 

lak awk a si' tiah a chim. President Obama nih, nizan i David Letterman 

Show ah a chim vemi cu, Mr. Romney nih American rammi 47 

% cu victim an si a timi hi a palh a si. BBC



MOEKOH MIRUM U MYAH MAUNG A THIHNAK KONG 

THARCHUAH AN TIMH 

Moekoh mirum 5 an 

rak thihnak kong tharchuah 

an timh tiah thawngpang a 

vak. Hi kong hi Nawatah kutneh 

a si caah thawngpang dik 

chuah a har lai a timi an tam. 

Thawngpang dik a 

chimngam miraltha an um 

zong a herh fon. Lunglut 

thawng pakhat cu a si. An 

rak thih lio kuan number an 

zoh tikah du-bochohci 

Maung Bo kuan number a si an ti. Atu chekhlai than an timh tikah a thi 

ciami Maung Bo liangcung an chiah lai, an puh dih lai tiah zumh a si. Hi 

mirum a runrun in rak thahnak a hram zoh tikah Pu Than Shwe Than Dar 

Shwe thitumnak puai in aa thawk. 

Pu Than Shwe fanu va a ngeih lio Dimon vialte kha mirum hna 

thihnak lam sialtu a rak si. A chuah ning cu Moekoh mirum U Myah 

Maung ti ahcun theih dih a si. 

Zeitluk in dah an rum ti ahcun 

bank ah phaisa a chiah cia a techin 

hna nih nihin tiang an hman. 

Dimon an chiah mi hna hi an pupa 

chan in rak chiah mi a si caah chan 

khat hnu chan khat in zohkhenh 

mi a si. U Myah Maung te chung 

thah an rak tuarnak hi Mandalay 

tainghmu bochoh Ye Myin nupi 

Dr. Daw Tin Lin Myint he an i 

komhnak in a chuak. Cutin a si 

caah Pu Then Shwe fanu thitumnak 

puaiah Dimon hman ding cu 

bochoh Ye Myint nupi an hlan ter 

hna. U Myah Maung te chungkhar caah thil har pakhat a si cang. Hlan lo 

awk le a tha lo, Dr. Daw Tin Lin Myint mithmai zoh a hau. Pu Than 

Shwe fanu ca a si fawn tikah an Dimon vialte cu an hlanh hna. Pu Than 

Shwe fanu nih a hman hnuah Dr. Tin Lin Myint sinin bia a vorh chap 

hna. Nan dimon vialte hi zuar uh, a man zeizat dah a si lai a ti ter hna. 

U Myah Maung nih kan pupa chan in rak kilven mi a si, kanmah 

zong nih kan tufa caah zohkhenh ding rian kan ngei, cucaah kan zuar lai 

lo, phaisa zong kan herhnak a um lo a ti hna. Pu Than Shwe fanu nih 

Kawl phaisa nan duh lo caah a si, Dollar in a man chim uh a ti than hna. 

A thi mi chungkhar nih zuarthil a si lo, dollar zong kan herh lo, a dang 

thil sisehlaw a lak in laksawng ah kan in pek ko hna lai an ti rih hna. Cu 

hnuah a rau ti lo, mirum sen 5 thahnak a chuak colh. Pu Than Shwe fanu 

va a ngeih lio Dimon hna cu mirum sen ruak 5 a chuahtertu a si ai. 

(Cc: www.mmbloggers-malay.co.c) 

Cahmai: 6 

MEXICO AH THONGTLA 132 AN ZAM 

September 20, 2012: Mexico 

nawlngeitu nih US ram 

lei kalmi lampi cu an phih i 

ramri thong in a zaammi 

minung 132 a tlai kho mi 

hna cu $15,000 laksawng 

pek dingin thawng an 

thanh. Mah hi thongbauhnak 

hi cawn nikhat ni 

ah Chaklei Mexico ram, 

Coahuila peng, ramri khua 

Piedras Negras ah a 

cangmi a si. Piedras Negras cu Egle Pass, Texas in meng nga 

tluk ai hlatnak le San Antonio in meng 150 ai hlatnak ah a 

ummi a si. Mah hi a zaammi pawl nih thonginn kulhnak 

thir pawl an cik hnu ah an zam hi a si. Nawlngeitu pawl nih 

thong in a zaammi pawl cu an kawl cuahmah lio hna a si i 

Palik nih Mexico le US ramri lam cu an phih. Kan hnu February 

ah thongtla 30 cu Monterrey thonginn in an zam hnu in a 

tu bantukin hi thil hi a cang thanmi a si. (Cc: BBC) 

BRITAIN SIANGPAHRANG CHUNGKHAR HMANTHLAK 

THALO TARTU DAN AN TAT 


Kate Middleton taklawng 

hmanthlak a photu France 

mekazin Closer cu France 

biaceih zung nih US$ 2,000 

liam dingin biachanak a tuah. 

Cun a phomi hmanthlak vialte 

hi suimilam 24 chungah siangpahrang 

te chung na pek than 

dih lai. Na pek than lo i, na tlai 

sual ahcun nikhat US$ 13,100 

na liam lai tiah biachahnak a 

tuah. Closer mekazin nih 

online kan chiah mi kan hnawt than lai an ti. 

Hi hmanthlak lio an umnak hmun hi zapikal khawh lonak 

hmun a si pinah zapi umkal nakin metre 100 leng aa hlatnak 

hmunah a si. Hman an thlak mi hna hi pumpak zalennak hrawh a 

si tiin taza an cuai hna hi a si. Closer mekazin nih hmanthlak a tar 

mi hi 14 a si. Cu hmanthlak cu Ireland ram chuahmi Irish Daily 

Star le Italy ram chuahmi Chi mekazin nih an tar ve caah Irish 

Daily Star Editor Michael O’Kane zong a rian phuah a si. Kan nih 

cu careltu caah kan chuahmi a si ko, England ram nih a kan 

lehning hi khuaruahhar a si ko. Kate Middleton cu minthang hna 

lakah pakhat a si ve tiah kan hmuhmi a si tiin rian an phuah mi pa 

nih BBC sinah a chim. (Cc;moemaka.com) 

Sarah Catt kum 8 thongdan an pek 

September 20, 2012: England ram ahhin nau hrawk duh ahcun zarh 22 hlan ah hrawh ding a si. zarh 22 hlan paoh cu 

cozah phung nih nau hrawh hi a awnh ko. Nain zarh 22 hnu kha cu nau hrawh hi lainawng a si cang. Ms Sarah Catt nih 

a pasal he an ngeih dingmi fapa te a pawimi cu zarh 39 hnu ah a thah i, a ruak cu khawika dah a phum hngalh a si lo. 

Damte in vawleicung ah a rak chuak ko dingmi fapa te cu a chuah-hlan dung-dang ah a nunnak a dihter tikah, a nu cu 

lainawng case in sual an phawt i kum 8 chung thong ah umter ding in bia an chah piak cu a si. Khawika dah na fapa 

ruak cu na chiah tiah an hal lengmang nain a chim duhlo. Zeitindah a hrawh ning a si timi medical record an kawl tikah 

an hmu lo. An hmuhmi cu Indian, Mumbai ah si a rak cahmi a um i, mah si a cahmi cu nau hrawhnak ah hman awk 

tha a si tiah an ti. Internet in a cahmi drug hmang in amah tein nau cu a rak thah. Court ah a mah nih a chim ning ahcun, 

keimah tein ka um lio ah nau ka rawk i, ka naute a rak chuah tikah a thaw a chuah lo; cucaah, ka phummi a si tiah 

a ti. Asinain khawika dah na phum tiah an hal tikah a chim duh lo. Atu bantuk in nau a hrawh i, a pasal nih ngaknu 

dang a ngeih tak caah, a lung a fak i a fa a hrawhmi a si tiah an chim. Sarah Catt hi 1999 lio hrawng i University a rak kai lio ah fa pakhat a rak 

hrin cang. Nain a thli tein a hrin i, ngakchia cawmtu sinah a rak pek hna i, a nulepa a theihter duh hna lo. Cu khawh i tlangval a ngei tthan i, a 

tlangval pa he nau a pawimi cu a tlangvalpa lungtlin buin an hrawhter. Cu hnu ah a tlangval pa he fa pahnih an hrin. Hmasa deuh an hrinmi cu a 

pasal nih a thei lo; a pahnihnak a hrinmi belte cu sizung in an auh caah a hngalhmi a si tiah Mirror nih a tial. (Cc; AP)


LINSAY LOHAN AN TLAIH THAN 

September 19, 2012: Zan-ttim i New 

York Khualipi ah leng a chuakmi 

Lindsay Lohan nih Mipa cu a mawtawka 

in a suk i, a suknak hmun cu a 

kaltak caah Police nih an tlaih. Police 

nih an chimning ahcun an tlaih 

lio i zan-ttim suimilam 2:25 AM ah 

a si i, Manhattan i Nighclub party in 

a rak chuak hnu ah a si an ti. Tutan 

accident a ton hi zuu rit ruang ah a si 

lo; duhsah tein mawtaw a mawngh 

ko nain a cang sualmi a si' an 

ti. Amah belte an tlaihnak a ruang cu midang hliamhma a tuarter hna 

i, hliamhma a tuarternak hmun a kaltak caah sual an phawtmi a si. 

Police nih ticket an pek i, A rauh hlan ah Court ah a chuak te lai. A 

sukmi pa hi a khuk ah a khawng; sizung ah si an thuh piak hnu ah an 

ttinter tthan cang. TMZ nih an chimning ahcun, Zan-tim ah Dream 

Hotel parking ah mawtawka ka park lai a ti lio ah kum 30 hrawng 

mipa cu a suk' tiah an chim. Cucaah, mi pakhatkhat nih police an auh 

piak. Hotel in a chuak hlan zan-ttim 2:25 am ahhin Lindsay Lohan cu 

police nih an tlaih rih lo" tiah an tial chap. AP 

TUTUK SIANGINN PAKHAT NIH U THEIN SEIN DOCTOR- 

ATE DEGREE AN PEK 

Tuluk ram nitlak chaklei um 

cinthlaknak le thingram lei 

sianghleirun nih upatnak ah an 

pek mi doctorate drgree cu september 

19 ah U Thein Sein nih 

a hlam. laksawng an peknak 

kongah sianguk nih a chim mi 

cu Kawlram ah cinthlaknak lei 

thancho lei a panh caah a si tiah 

a ti. Doctorate hi president nih rampi chawletnak lei a sersiamnak 

ah cinthlaknak lei, thiamnak lei le mipi thanchonak rian pinah 

kanamh ramhnih pehtlaihnak lei a tuanmi thapeknak caah hitin kan 

pek hi a si ti zong a chimchih. Cu sianginn nihcun Kawlram cinthlaknak 

lei a thanchonak dingah kumtin minung 5 kan auh hna lai 

an ti. Tuluk cozah sawmnak in Tuluk ram a phanmi U Thein Sein 

nih upatnak laksawng nan ka pek caah kaa lawm. Kawlram khuate 

sifah a lohnak dingah Tuluk he kan i zuam lai a ti. Tutan U Thein 

Sein upatnak a petu sianginn hi kum 77 a upa cang a si i, riantuantu 

4,557 le siangngakchia 20,000 an kai. (Cc: 7Day) 

Mother Teresa (1910-1997) 

Mother Teresa amin taktak cu Agnes 

Gonxha Bojaxhiu ti si. 26 August, 

1910 ah a chuak. A sinain 27 August 

hi tipil a-in ni a si caah 27 August hi a 

chuahni taktak ah a cohlan. Unau 

chuak pa 5 an si nain pahnih nih an 

thih tak hna. Pa pakhat le nu pahnih an 

tang. A chuahnak cu Skopje, Yugoslavia 

(Macedonia) ah a si. Albanian ciikawr 

an si. A pa nih a hngakchiat lio 

tein a rak thih tak hna. Kum 12 a si lio 

tein Pathian auhnak hi a rak ngei cang. 

Kum 18 a si ah Ireland ram nih an tuanmi 

Order of the Sisters of Our Lady 

of Loreto timi rian ah pehtlaihnak a 

ngei. A nu le a u le dang cu a donghnak 

bik mangtha a tuah ta hna hnu ah Ireland in India lei kal ai thawh. 

Riantuan ai timh hin Sister Teresa timi min hi Thérèse of Lisieux philhlonak 

ah ai thim. 

Jesuit ministry hruainak in Culkatta ah 30 December, 1925 in an 

VAWLEICUNG THAWNG 

Cahmai: 7 

ministry an thok. Kolkata lawng si loin hmun dang tete zong ah huamsam 

tein an riantuannak an rak karh ter chih. Jesuit ministry riantuannak hi Bengal 

Mission tiin an riantuannak kong kha ca in an khrihfa bu sinah thawng 

an thanh tawn hna. Cu thawngthanhnak cu an i pumhnak ah an rel piak 

tawn hna. Teresa nih hi riantuannak a theih tikah Bengal Mission caah a 

nunnak ai pe ve. Teresa nih ai tinh ning a tlamtlin hnu kum 18 a van si ah 

India ram Calcutta ah Pathian riantuan dingin a rak phan. Riantuan ai 

thoknak cu St. Mary’s High School ah a si. Kum 1928 in 1948 tiang siangcachim 

rian a tuan. A can ah sianguktu rian zong a tlaih chih tawn. Geography 

subject hi a ca chimhmi cu a si. Cupinah Daughter of St. Annie timi 

sianginn zongah cachim rian a tuan chih rih. 

1946 kum ah thlarau lei thazaang laknak ah tiin Darjeeling a kal lio, 

tlanglawng chung a thut lio ah Pathian sin in auhnak thar a hmuh. Cucu 

“thildang vialte kal takin Jesuh hnu zulh le sifak lakah sifak cemmi sinah 

ministry tuan kha a si”. Cu auhnak cu Theresa nih ai fiang tuk. El awk tha 

loin a thinlung ah cu auhnak nih cun nikhat hnu nikhat in rian a tuan. Cu 

tikah Arch Bishop, Calcutta ummi sinah thawng a thanh. Cu hnu ah Pope 

Pius XII sinah ai tinhmi riantuannak kong cu ca in an kuat. Pope sinin 

thawnglehnak a hmuh hnu ah Patna ah sii lei mizaw thlawpbulnak caah tiin 

training a lut. Teresa nih misifak retheimi sin riantuan ai thokka tein 

thilthuam sawhsawh te ai aih. A rangmi angki fual, atlang vandum le a liang 

ah vailam tung ai menhmi a aih. 21 December, 1948 kum ah Sainghngakchia 

5 he misifak caah tiin sianginn a on. Sii lei thiammi Doctor pawl le 

Nurse pawl nih Teresa riantuannak cu an van bawmh cio i Teresa riantuannak 

cu nikhat hnu nikhat in a thang cho chin lengmang. Kum 1952 ah “a thi 

cuahmahmi chanhnak ministry” timi min bunh in riantuannak thar an thok. 

Cu rian cu inn le lo, chunkhat sahlawh le unau ngei lo pawl, lam 

cungah zawtfahnak tuarmi, zohkhenhtu ngei lo pawl kha a char hna i a 

thlopbul hna. Cu mizaw cheukhat nih damnak an hmuh than. Sihmanhsehlaw 

micheu khat cu an nunnak a liam than. Cun nu le pa nih an hlawtmi 

hngakchia pawl kha a char than hna i a cawm hna. Kum 1957 kum ah 

thinghmui zawtnak in a zawmi pawl thlopbulnak rian a thok than. A riantuannak 

hi India ram lawng si loin Ceylon, Tanzania, Venezuela ram tiang a 

cul. Nikhat cu Teresa nih thinghmui in a zawmi pa a hma a tawlpiak lio 

ramdang pa pakhat nih a hmuh i hitihin bia a hal. “Zeitin dah hi rian hi na 

tuan duh kei cu phaisa pek hmanh in hi rian hi ka tuan duh lai lo” a ti. 

Teresa nih a lehmi cu “Keizong ka si ve ko. Sinain mizaw pa hmai ahhin 

Jesuh ka hmuh caah hi rian hi ka tuannak si” tiah a leh. 

Teresa cu a riantuannak hi vawlei pumpi nih theih pi a si. Laksawng zong a 

phunphun an pek cu lakah tlawmpal ka van langhterh duh. 

1. “Padmashres Award”, 1962 kum. 

2. “Pope John XXIII Peace Prize, 6 January, 1971. 

3. “The Good Samaritan Award”, 26 August, 1971. 

4. “John F. Kennedy International Award”, 16 August, 1971. 

5. “Doctor Human Letter Degree”, 28 October, 1971. 

6. “Jawaharlal Nehru Award”, 15, November, 1972. 

7. “Master at Magistra Award”, 19 June, 1974. 

8. “Nobel Peace Prize”, 1972. 

Mother Teresa chim lo midang nih Pathian riantuannak in Noble laksawng 

an hmu tihi theih an si rih loh. 

Mother Teresa cu zeitik hmanh ah thil man fak ai hruk bal loh. Thil 

sawsawh te peng a aih. Jesuh nun taktak a cawngmi le a nunpi tu a si. Kum 

87 a si, 5 September, 1997 ah Pathian sinah a nunnak a din. India rampi nih 

Mother Teresa a nunnak a liam cu India ram nih kan sungh taktakmi a si 

tiin an phuan. A ruak humh hi Mahatma Gandhi ti dah lo nihin tiang amah 

tluk in a sunglawimi an um rih loh. 

A Bia Roling tlawmpal: 

1. Thilfa te ah zumhtlak si. Zei catiah cu ahcun na thawnnak a um. 

2. Mi pakhat cio hi Jesuh ah muicuang khat kan si. 

3. Daihnak a um lonak a ruang cu pakhat le pakhat ai neitu kan si kan philh 

caah a si. 

4. Mi zakhat rawl na pek khawh lo hmanh ah pakhat te tal cu pe ve. 

5. Nuamhnak cu dawtnak sur a si i mah cu cun thlarau na tlaih khawh. 

6. Hmaipanh tein pakhat le pakhat i tong hna si. Zei ca tiah hmaipanhnak cu 

dawtnak hram ai thoknak si. 

7. Zawtnak nganbik cu midang caah zeihmanh santlaihnak ngeih lo hi a si. 

8. Daihnak cu hmaipanhnak in a thok. 

9. Khirh ceunak ai tel lomi bia hna nih muihnak a karh ter. 

10. Dawtnak rawl a ttammi cu rawl a ttammi taktak nakin an tuar deuh. 

11. Dawtnak cu kan neihnaimbik sinin ai thok awk si. Kan chungkhar in.

EST: SEPT 12, 2010 VOLUME 1 , ISSUE 101 SEPTEMBER 26, 2012 Cahmai: 12 

MI DAM LO, MIZAW HNA CAAH THEIHTERNAK 

Malaysia um kan Laimi a dam lomi, a zaw 

fakmi, thazaang a ngei lomi,Malay siikhaan kal 

aa harh deuhmi hna caah man fawi deuh le mah 

le holh tein zohkhenh a duhmi hna caah a tanglei 

address ah hin nifatin i piah khawh a si 

(1) Sii phunphun cawk khawh a si 

(2) Drip, tha umnak chunh khawh a si 

(3) Hepatitis B vaccine ( thinphin chuahtertu B 

rungrul khamhsii ) chun khawh a si 

(4) Thla 3 khan nau hlatnak sii chunh khawh a 

si 

(5) In chungkhar nau ngeih a duh rih lo mi 

( Family planning service ) 

(6) Thithlum, Zunthlum, Thittum, Thikai 

tahkhawh a si 

(7) A dangdang zawtnak a phunphun ca 

ah man fawi tein sii chunh, sii cawk khawh a 

si. 

8. HIV/ AIDS zong chek khawh a si. 

Address: No. 29/A , First Floor, 

Jalan Brunei Barat (ACR zung a hnulei, Pudu 

plaza pawng 

Sii khan on caan: 

Nikhat ni in ninga ni tiang, 10:00 AM in 8:00 

PM 

Zarhte nile zarhpi ni cu 

3:00 PM in 8:00 PM 

Sayama Mang Tial @ Tially 

Contact: No 014 2660 597 

NA PHONE CHUNGAH HLA RAWN NA 

DUH AHCUN 

Man fawideuh mi phone pawl ah Hla khum na 

duh ahcun http://www.laitech4all.co.cc/ timi 

website ah lut. Hla rawn ning tling tein a um 

lai. Phone chungah Bible relnak le English 

speaking a aw a tuah cuahmah lio a si. A rawn 

leiah harnak na ton a si ahcun ramchung@gmail.com 

a si loah 0182364591 ah 

hlathlai khawh a si. Amah Kyaw Kyaw Aung 

sin zongah rawnter khawh a si. 

MALAYSIA LEI KALNAK MAN FAWI TEIN 

Malaysia lei cunglei in chungkhar cah le 

auh a duhmi paoh AIR TIKET, VISIT, 

PASSPORT man fawi tein cawk le tuah 

khawh a si. Fiang deuhin theih na duh ahcun 

: 

Pehtlaihnak 

Cung Cung 0095942004460 

Pa Duh 0104228724 

KUANGKIK REMH LEIIN KAN IN BAWMH LAI 

Kuangkik (ye-khe-te-ta) a rawhnak kongah 

na lung re theih hrim hlah. Man fawi tein 

kan in bawmh lai. 

Pehtlaihnak 

Ph: 0162862728 

FAKLANGHNAK PAWL 

SUI PAWN LE ZUAR A DUH MI CAAH 

Sui pawn a duhmi le zuar a duhmi nan um ahcun 

lungtling tein zuar/pawn khawh a si. 

Pehtlaihnak: 

Phone: 0173477641/0122687166 

Jln Loke Yew (Hleihlak tang) 

DICTIONARY CAWK KHAWH A SI 

English-Burma-Chin Dictionaty a tha taktak 

mi Pu John Kham dawr ah cawk khawh 

a si. 

Pehtlaihnak 0163533054 

Pu John Kham dawr (Imbi) 

UN card tlaumi kan hmuh. Card thlen 

tharmi te a si. 

Min..Sui Par Hnem 

Number..791/09C04809 

Hlamnak ding..Zophei Centre. 

Ph ...0176420492 

Pi Bawi Iang Thilthitnak 

Na duh ning tein thilthit na duh ahcun Pi 

Bawi Iang sinah ra. Hakha ah can saupi a 

rak thi cangmi minthang a si. Hlaremhnak 

Uniform zong thitter khawh a si. Thilthit 

cawn a duh mi zong cawn khawh a si. 

Pehtlaihnak, Pudu Plaza Uico zuatnak 

pawng 

Ph.01114281910 / 0163512393 

Saturday 22 September 2012 

Swansea v Everton 

Chelsea v Stoke 

Southampton v Aston Villa 

West Brom v Reading 

West Ham v Sunderland 

Wigan v Fulham 

Sunday 23 September 2012 

Liverpool v Man Utd 

IPHOE 5 ZUAR A SI CANG 

September 22, 2012: Apple 

company ser thil a uar 

tukmi Asia fa nih caansaupi 

hngahmi iPhone 5 

cu zuar hram an thawk 

cang. American Electronic 

thil chuahtu company 

nih Smart a hnu bik 

chuahmi kuttlaih phone cu kan hnu ninga ni 

ah vawleicung hmunkip ah zuar hram an 

thawk. Australia le Japan ram hna ahcun an 

zuar hlan nithum in dawrhmaikhathtup in 

an hngak ti a si. Hong Kong ah Apple 

zuartu nih an kutdong 5 chuah in iphoe, 

iphoe tiah an auh ti a si. American, Canada, 

Britain, France, Germany ram hna zongah 

an zuar hlan in dawr hmaiah an hngak cia 

cang. iPhone 5 cawk a duhmi cuhlan rak 

chuah cia a duhmi nakin an tam deuh. An 

zuar nikhatnak ah cawk dinginmin a pemi 

hna 20 million an si i, september chungah 

phone 10 million kan zuar kho lai tiah tuak 

a si. (Cc: VOA) 

ICH MITHAR COHLAN A SI CANG 

Pu Ngun Mang le chungkhar nih dirhmi 

ICH rian cu peh lengmang a si. Atu thip 

9nak thawk a si cang lai caah min pek 

khawh a si cang. Minung 10 in 15 kar cohlan 

a si. Thla hnih chung a si lai i pathian 

biain nitin i thithruai a si lai. Phaisa thawh 

zeihmanh a um lo, rian ngeitu nih 

zohkhenh dih a si. 

Pehtlaihnak: 010300129 

0143206117 

0163814902 

0176418784 

PA THANG THILTHITNAK 

Laithil Coat, bawngbi le a dangdang duhn 

ing in thitter khawh a si. India ram Aizawl 

le lawngtlai ah can saupi a rak cawngmi a a 

si. Thantlang zongah min a ngeimi le a 

thiam tuk mi a si. 

Pehtlaihnak Ph;0163827872 

( U Chan Hniang dawr) 

HNIPUAN/THILRI THITTER KHAWH A SI 

Hnipuan/thilri na duh ning tein tthitter khawh a 

si. Kawlram ah cansau pi a tthi cang mi a si. A 

thiam, thitman a fawi. Thitter hmanh na ruah 

ning leng in a `ha lai. 

Contact: 0172198451 / 0149220313 

Hello! Pi Khin Shwe 

Pudu 

THIHLOH I ZOHKHENHNAK BU 

Thihloh ton sualah i zohkhenhnak bu a um. 

Chungtel sinak ah kumkhat RM 50 thawh a 

silai i thihloh tonsual ah RM 10,000 in 

zohkhenh a si lai. Zeitik can paohah Emmanuel 

Laidawr ah pehtlaih khawh a si. 

Pehtlaihnak 

Pu Ngun Mang 0061421968816 

Gold Berth 0103001209 

The One Star Journal TawlreLtu 

hna 

Chief Editor : 

Salai Mang Bik 

Editor: 

Salai Van Biak Mang 

Salai Siang Za Hu 

Thawng Tha Lian 

Salai Sui Lian Thang 

Ngun Hlei Iang 

A man RM 2 

Copies 500 

Kuala Lumpur 

Malaysia 

mangbik07@gmail.com 

Ph : 0126025824 

A ngeitu: Zophei Students Union 

Web:http://theonestar.org/

kawlram thawng - The One Star News

Create successful ePaper yourself

Delete template?

Save as template?