OSJ Sep 9 PDF - The One Star News

MOTTO: NA MIPHUN CAAH HMUNHMA THA VA SER PIAK HNA
EST: SEPT 12, 2010 VOLUME 1 , ISSUE 99 SEPTEMBER 9, 2012
LUNGTLINLONAK PRESIDENT SINAH
ONLINE IN REPORT KHAWH A SI CANG
September 7, 2012: Kawlram president zung
internet website thar cu September 7 in thlen a
si cang. Mipi aw timi ah mipi lungtlin lonak
vialte president sinah internet online in report
tuah khawh a si cang. Mipi aw timi ah report
tuah a si lai i, report tuahtu min, umnak hmunhma
(Address) hmatpungtin he report tuah a si
lai. Tulio hi Lei chuh, riantuantu hna kong,
media lei kong U Thein Sein sin report tuah
mi hi ca in tial a si ton. A tu website in a si
tikah a fawi deuh cang lai ti a si. President
zung website in president zung lei kong
thanwgpang cu pianciaye nih an chuah hlan in
theihkhawh zong a si cang lai. President zung
website cu http://www.presidentoffice.gov.mm/
ti a si. (Cc: Freedom News)
KAN LUNGPUT HITIN SI SEH
*Dinnak le felnak tak he nung uhsih.
2. Pakhat le pakhat lungthin tak he i daw u si.
3. Teimakte in riantuan peng uhsih.
4. Upat kan duh bantuk in midang upat ve hna
uhsih.
5. Lungnuamte in um khawh i zuam peng hna
uhsih.
6. Mithmai panhte in um khawh i zuam peng hna
uhsih.
7. Lenglei mui zoh in mi va tih hlah, va zomhtai
ve hlah, chunglei sining tu kha zoh i zuam hna
uhsih.
8. Kan pawngkam minung/thil vialte he dawh le
remte in um hna uhsih.
9. Mi kong chia chim i sum hna uhsih.
10. Mi thatnak tu hi chim hna uhsih.
Pehthan ding
Prince Harry Ch: 6
A va chiatha a tan piak,,,Ch: 5
FIFA president: Messi cu ေမွာ္ဆရာ, Ronaldo cu ဗိုလ္ခ်ဳပ
September 6, 2012: Kum 76 a si cangmi Sepp
Blatter nih Messi le Ronaldo a thangthat hna.
Messi maw Ronaldo dah tiin then awk an tha lo.
Aa lomi an silo nain nain pumpalulh cu an thiam
hrim ko. Ronaldo kan ti ahcun bual chungah
ဗိုလ္ခ်ဳပ
bantuk a si. Messi ti ah le ေမွာ္ဆရာ abntuk
a si. Hi hna pahnih cu tulio pumpalulh vawlei ah
mi raltha an si ko tiah a ti hna. Nipiah pawl kong
zong a chim rih. Morinhu cu pumpalulh vawlei ah
mi lianngan pakhat. Cun Ferguson, Winger, Pep
Guardiola hna zong minngei an si. Hi hna an rak sem hi pumpalulh vawlei caah a rak tha
tuk. Tual pawngah dai tein an thu kholo a ti hna. (Cc: Mutdfan.com)
Khungzung an phuah hna...Ch: 4
Phaisa duhah pa he ka it ton ko..Ch: 7

EST: SEPT 12, 2010 VOLUME 1 , ISSUE 99 SEPTEMBER 9, 2012
ZAN 4 CHUNG AH SING 15 MAN: CYCLE 2, MOBILE
September 1, 2012:
Hakha khua ah August 26 zantim
in 29 zan tiang zanli chungah cycle
(2), mobile phone pakhat, siizung
mizaw phaisa sing khat le a
dangdang a zapi sing 15 leng man
an fir. A firtu Ngun Ling (25) nih
a cawlcanghnak cu a tanglei bantuk
in an hung langhter:
“August 29 zan mui chupchap
hrawng ah Khuahlun Sangte
Cung Hup inn thlalang awng a
khuai i inn chung a vung lut i Cycle
tawh a laak. Cun inn tang i a
chiahmi a cycle a laak. Cun zanah
Khuathar ah zu a va cawk. Tlai
hnu a rak tinpah ah siizung hmai
ah cycle a chiah. Kan hnu 26 zan
(Sangte) khua lu chak tidil kam
burlak ah tawh a hrenh i a chiah i
a tin. Kan hnu ni 26 zan mizaw
phaisa le mobile phone tu cu ka la
hrimhrim lo tiah a pheh caah tuanvo
ngeitu nih an inn ah nehnang
an vung zoh i ni 26 zan i a laakmi
Pi Dawt Nu a bag, thukboih dur le
29 zan i a laakmi Lian Mang bag
an vung hmuh. Cu hnu lawng ah
“phone cu kan inn caku bawm
tangah ka chiah” a ti i tuanvo
ngeitu nih an vung laak than. Mizaw
phaisa cu aa pheh peng caah
palek nih an vun hrem deuh hnu
nitlak lai hrawng lawngah ‘kan
hnu mizaw phaisa zong kha ka
hawile he kan leng lai kan ti i
phaisa ka ngeih lo caah zan ah ka
KANMAH THANWG
PHONE 1 LE SIIZUNG MIZAW PHAISA A FIRTU AN TLAIH
laakmi a si” tiah a chim. Thil dang
cu a ngeitu nih an hmuh dih nain
“phaisa sing khat tu cu a ngeitu kut
cung a phan rih lo. “A firmi hi a
hmuh (case) hi- Tawh a firmi Upadi
paohmah 456, inn tang cycle 30
chunah Palek nih an tlaih cang.
Ngun Ling hi kan hnu August
26 zantim i Hakha Siizungpi,
Ruhkhan mizaw, Pi Dawt Nu phaisa
sing khat a firtu a si i mah hnu ah a
cunglei thil hna hi 29 zan ah a fir
than hna. Hi zan li chung thil firmi
kong hi Hakha Post riantuantu hna,
Khuahlun Chiatthat Zohkhenhtu,
sang mino le palek hna i bawm in a
neh an dawi a tanglei bang in an
tlaih. August 30 zinglei 8:30 ah Cycle
le mobile phone ngeitu nih
Hakha Post sinah thawng a rak
thanh. Cuti cun sang tuanvo ngeitu
le thil ngeitu hna he i bawm in a neh
dawi hram a rak laak cianak Pi Dawt
Nu ihnak a hun dah than hna. An i
thangh caah pa ihnak khan ah a lan.
Mizaw pakhat a fuh i an i thangh
caah Surgical (oparesen tuahmi)
khaan ah a kal than. Mizaw a riahpimi
(Lian Mang) a lu cung bag a
laak. A chuak. A chung ah cycle
tawh le mobile phone a um.
Cycle cu a plug a rak i
phongh caah zunzun ah a thomi mizaw
cawng tlangval pahnih hna kha
a auh hna. ‘Ka u nih cycle laak a ka
fial. A cycle ka theih lo caah rak ka
kawlpi u’ ka ti hna. An meitek ceu
in an kawlpi. An bawmh i a start
khawh in a chuak. Tim 2:00 ah a
firmi hi 380, siizung phaisa a firmi
hi 380, siizung chung phone a firmi
hi 380, siizung leng cycle a firmi hi
379 an si. A ngeitu nih an ngaithiam
lo ahcun kum 10 thong a tla ding a
si” tiah palek tuanvo ngeitu pakhat
nih a chim. (Credit for& Direct article
from The hakha post)
KA MOTOR ENGINE AH RUL NGANPI A UM
September 7, 2012: South Africa ram
ah khual a tlawngmi, Lions zoh ah
Kruger National Park ah a kalmi Nupa
hna nih an mawtawka engince chung
ah lim ( python) a kual ko kha an
hmuh. British rammi, Ms Swart (38) le
Mr Swanepoel (51) cu South Africa,
North West ramkulh ah, Lion zoh in an
rak kir lio ah lim lianpi lam pawng
ramlak in a rak chuak kha an hmuh. An dir i, cu lio ah lim cu an mawtaw
chung ah a lut. Khawika da a kal hnga tiah an kawl len nain an hmu ti lo.
Cu tikah an dir i, an mawtaw engine a chin an awn tikah, an mawtaw engine
chung ah a rak i kual ko. Lim hi pe 16 a sau. Kan mawtaw engine
chung ah a kual ko kan hmuh ahhin ttihnak he kan khat; ka khuaruah zong
a har tiah Ms Swart nih a chim. (Cc: The Mirror)
Cahmai: 2
A VOI 8 TH
NAK ASIA PACIFIC BAPTIST CONGRESS
MEETING PI AN THAWK CANG
September 6, 2012: A voi 8 th nak Asia
Pacific Baptist Congress meeting pi cu
September 6 in Malaysia ram Kuala
Lumpur khuachung Khuala Lumpur
Baptist Church ah an thawk cang. Hi
meeting ah khual a tlung kho mi minung
1,364 an si. A ram kipin a tlung
khomi hna cu Australia 29, Bangladesh
24, Cambodia 4, Canada 1, Hong Kong 11, India 498, Indonisia
96, Japan 32, Korea 73, Laos 3, Malaysia 346, Myanmar 94, Nepal
7, New Zaland 6, Philipines 53, PNG 5, Singapore 14, Sri
Lanka 9, Taiwan 3, Thailand 28, USA 7 le Vietnam 21 hna an si.
ZBC in Rev. D. Ngun Thawng Mang hruainak in minung 20
hrawng an phankho ve. The one star
CHRO: KHRIHFA HNA SINAH BIAKNAK LEI
ZALAWNNAK BUDDHIST NIH AN BUAR
September 5, 2012:
Chin nuhrin covo bu nih
Threats to Our Existence : Persecution
of Ethnic Chin Christians
in Burma timi kan sinak
ah hronak, Kawlram tlangcung
mi Khrihfa namnehnak
cathluan cu September 5 ah
phawtzamh a si cang. Cahmai
160 a um mi cathluan cu Thailand
ram Bangkok ah phawt
hram an thawk. Hi cathuan hi a
luancia kum 2 in minung 100
sinah halnak an tuah mi a si.
Cathluan chung ahcun
Chinmi tampi cu a luancia kum
10 bu in nihin tiang biaknak lei
zalawnnak buar a si. Hramhram
in rian ttuanternak, tukhremnak
le minung a si lomi bantuk in
an kan tuahto ning le nuhrin
covo an buar ning an langhter.
Cun tulio biaknak lei vunci
zung nih Chin Khrihfa kongah
zalennak donkhantu a simi biaknak
lei inn le lo saknak ah
harnak le U Thein sein a kai
hnu Chinram ah vailamtung 4
an hrawhnak kong langhter
chih a si. CHRO Program Director
Salai Za Uk Ling nih a
chim mi cu U Thein sein cozah
nih biaknak lei zalennak cu
upadi nih a dirkamh/ a humhim
ko ti a si nain a tak ah Buddha cu
rampi biaknak ah a dir ko. Chinram
ah biaknak lei zalennak a
tlawm tuk rih a ti. Cu cathluan
chungah Chinram telh in ramri
sianginn 29 ah siangngakchia
cheu thum cheu khat cu Chin
mino an si i, Khrihfa an si nain
Buddhist bantuk in an cawnpiak
hna tiah an ttial. 2008
phunghram pohma 361, 362 ah
Kawlram chungah Buddhist,
Khrihfa, Hindu, Islam le
khuachia biaknak tiin an um hna
i, Buddhist hi a tling bik mi biaknak
tiah cohlan a si.
A dang biaknak hi Kawl
ram chung a um ve mi biaknak
sawhsawh ah ruah a si. Khrihfa
90% hrawng umnak Chinram ah
Buddha se-ti 108 a um. Mindat
pengah 49, Kanpalet ah 23, Falam
ah 10, Paletwa ah 6, Hakha
ah 5, Tedim ah 4, Tonzang ah 4,
Thantlang ah 3, Matupi ah 2,
Cikha ah 1 hna an um.
(Cc: Khonumthung)
Roney fak ngai in ai hliam
Tottenham Hot Spur le Man U cu a tu thla dih ah an i tong lai i, cu
lioah Rooney zong chuih khawh tthan ding in a rak kir kho men.
Wayne rooney cu Fullham he an chuih lioah a el fak nawn in aa
khawng. A thi tam nawn a chuah pin ah a hma zong a fak pah. A chuih
kho ding a si ti lo caah, a rannak in midang nih an chan. Doctor te nih
na dam cang an ti i, na chuih kho cang an ka ti ahcun, bawlung chuih
cu ready peng ka si" tiah Rooney nih Manchester News ah a chim. Asinain
Tottenham he atu thla dih i chuih dingmi puai ahcun, ka tel kho
cang lai ka zumh tiah a chim chap. (Cc:The Mirror)

EST: SEPT 12, 2010 VOLUME 1 , ISSUE 99 SEPTEMBER 9, 2012
PYITAUNGSUH VUNCI PAWL THLAHLAWH THLAKHAT SING 6
September 5, 2012: Ralkap cozah chan
lioah rak chuahmi pyitaungsuh cozah
chungtel upadi ah pyitaungsuh vunci pakhat
thlahlawh cu thlakhat sing 30, vunci
chang sing 20 siseh rak ti a si nain U
Thein Sein cozah nih pyitaungsuh vunci
pakhat thlahlawh cu rian a tuan in pensen
a lak tiang thlakhat sing 6 a si lai i, vunci
chang thlahlawh cu sing 4 tiin president
zung vunci U Soe Maung nih a chim. September 4 ah Naypyitaw ah
tuahmi pyitaungsuh hluttaw meeting pi ah a tu bantuk in fianternak
a tuah hi a si. Tulio cozah ah president zung vunci 6 rian pek an si i
an tam tuk tiin a aupi mi an um len. Hi kongah Italy ramah vuncichoh
zung vunci 6, Thailand ah 3, Singapore ah 3, Lao ah 6, Malaysia
ah 6 le Cambodia ah 12 um ve an si. (Cc: DVB TV News)
THURA SHWEMANN NIH PIANCIAYE VUNCI ZUNG A FORH HNA
September 5, 2012:
Hluttaw ah kan ceih mi vialte
hi mipi nih an theih dih awk a
si. Cucaah pianciaye vunci
zung nih hluttaw ceihmi vialte
tling tein nan langhter awk a si
tiah Thura Shweman nih September
6 ah a forh hna. Tulio
commission kong halnak le
lehnak, hluttaw chek hlaitu halnak
le lehnak hna hi a biapi tuk
mi an si. Hihi rampi a um mi
mipi nih an theih dih dingah a
KAWLRAM THANWG
biapi tuk mi a si. Tling tein nan
langhter ding a si a ti hna. Hluttaw
chung an ceihmi vialte pianciaye
nih tlamtling in an langhter
lo caah hluttaw pawl an lung a
tlinglo ti a si. Amyotha hluttaw
biachahnak bantukin khungzung
pawl cu pyituh hluttaw hlathlaitu
bu nih hlathlai dingah an auh hna
nain khungzung pawl pakhat
hmanh an mui a langh lo caah
upadi, pyituh hluttaw dihlak le
hlathlaitu bu upat lo a si tiah
hlathlaitu bu in U Win Myint nih
a ti. Khungzung bu pawl cu hluttaw
nih hlathlainak tuah dingah
September 3 in ca an pek cang
hna nain a ho pakhat zong an mui
a de lo. (Cc: RFA)
KAWL RALBAWI 2 KIA NIH AN THAH HNA
September 3, 2012: Kachin ram Namaw
pengah Kawl ralkap khamayah (301) le
KIA mipi ralkap (MHH) hna cu September
nikhat ah Lai Hpawng in meng 6 dan
Gingga Bum ah suimilam 3 chung dohnak
a um i Kawl ralkap in boci pahnih an
thi. Bamaw peng Daga Yang le La
Hpawng karah KIA 2 hna cu Kawl ralkap
nih lambawh kahnak in an thah hna hnuah cu pawngkam ahcun biatak
in an i kah nak hi a si. Kan kah hna i ralkap an zam dih, boci
umnak lei kan dawi hna tiah KIA lei nihcun an chim. (Cc: Kachin
News)
TULUK RAM LIHNIN NIHMINUNG 60 A THAH HNA
September 6, 2012: Tuluk nitlak thlanglei lihnin ruangah
minung 60 an thi cang, mi tampi hma an pu tiah Tuluk thanhca nih
a chim. Yunnan le Guizhou ah 5.7 a thanwg mi lihnin ruangah inn
40,000 a rawk tiah Xinghua thanhca nih a tial. Li hnin hi voi 16 a
si ti zong a langhter chih. Minung 100,000 hrawng himnak hmun
ah an thial hna. A fak bik hi 5.7 thazang tiang a si i, vawlei tang
meng 6 tiang a hnin dih tiah American hlathlaitu bu pakhat nih an
ti. (Cc: VOA)
Cahmai: 3
ABSDF PRESIDENT HLUN U HTUN AUNG KYAW LE CHAKLEI
ABSDF THONGTLA HLUN PAWL TONNAK AN NGEI
September 5, 2012: Rangon
a phan mi Peace for Motherland
chungtel ABSDF siangngakchia
ralkap a pakhatnak president
U Htun Aung Kyaw cu chaklei
ABSDF ah hlathlaitu tiah rak tlaih
mi chungin a zam mi le an rak thah
mi hna chungkhar he September 4
zinglei sml 10 in zanlei 4 tiang
tonnak a ngei.
Cu tonnak ah U Htun Aung
Kyaw nih hitin a chim. ABSDF
chaklei in a luat mi ralkap hna le
an rak thah mi hna chungkhar hna
he tonnak kan ngei. Annih nih an
ka hmuh ning an chim mi theih ka
duh. Cun zeitindah ka bawmh
khawh hna lai ti zong theih ka duh
a ti. A rak thah mi hna kongah
chungkhar he ngaihchiatnak kaa
hrawm a ti. A si ding a silomi thil
a rak si.
ABSDF cu nuhrin covo
zohkhenhtu bu a si. Democracy
hmuhnak caah raltuknak vawlei a
lutmi kan si. Kut cungah hriamnam
a phak tikah nawlngeinak an i
September 1, 2012:
President U Thein Sein nih
vunci pawl thlennak a tuahmi hi
thlennak a duhmi (Reformist)
pawl hmaiah a chiah hna. Chanhlun
a tlaihchanmi hna a biapi
lomi thutdan a pek hna. Cucaah
thlennak thazang a thawng cang
lai ti a si. President he naihniam
pawl vunci U Aung Min le
vunci U Soe Thein president
zungah thutdan a pek hna. Hi
vunci pahnih hna hi thlennak an
duh tiin ruahmi an si.
Cucaah tlangcung
daihnak kong, chawlet kong an
tuanmi a rang deuh cang lai tiah
tuaktan a si. U Thein Sein a kai
hnu thlennak tampi hmuh a si
hruhpi chih i thisen luannak
tiang a phan. A mui a chia
taktak mi tuanbia a si. Cucaah
a luat mi hna minung nih
hlathlaitu an si lo zia, democracy
caah aa zuam mi an si zia
langhter a hau tiah Ko Htun
Aung Kyaw nih a ti.
A thi mi hna
chungkhat nih Ko Htun Aung
Kyaw, Dr. Naing Aung le Ko
Moe Thee Zone hna voikhat
ah tonnak ngeih an duh hna.
Chaklei ABSDF ah minung
100 hrawng cu hlathlaitu tiah
an rak tlaih hna i, 35 hrawng
an rak thah hna. A tangmi an
zam kho. (Cc: RFA)
THLENNAK A DUHMI THAZANG THAWN A HAU
nain democracy ram a si cang
tiin chim khawh a si rih lo. Democracy
lam kalnak ding innka
on lawng a si rih. Cucaah thlennak
a duhmi thazang thawn a
biapit lio can a si. President
pawngah thlennak a duhmi,
thlennak ah a kalpi kho ding
minung an um a herh.
(Cc: Irrawaddy)
KIA KUTIN RALKAP 4 AN THI
September 3, 2012: Shanram chaklei Cukoh (Pansan) pawngah
KIA mipi ralkap (MHH) tatkhuai (5) le Kawl ralkap khalaya
(65) hna cu August 31 ah dohnak a um i, Kawl ralkap 4 an thi tiah
MHH bawi pakhat nih KNG sinah a chim. A thaizing kan va zoh i
khur pakhat ah mi ruak 2 an vui hna. A dang khur pakhat ah pakhat
an vui. Pansan sizung 2 an phan i pakhat cu a hma a fahtuk caah a
thi tiah a ti. Tutan ralkap hi Yi Hku mare khuami Salang Galau
Bawm Yaw a rak thattu an si tiah KIA lei nih an ti. Kawl ralkap kut
in MA meithal kuan 100, Bazooka pakhat, kut hlonh bomb 4 le phaisa
65,000 KIA nih an lak. (Cc: Kachin News)

EST: SEPT 12, 2010 VOLUME 1 , ISSUE 99 SEPTEMBER 9, 2012
RALKAP TAINGHMU LE TATMAH HMU PAWL AN THIAL
DIH HNA
September 6, 2012:
Kawl ralkap chung chaklei
taing, nichuah chaklei taing, a
laifang taing le nichuah laifang
tainghmu pawl le tatmah hmu
pawl thlennak cu kan hnu September
31 in an thawk. Mandalay
hrambunh a laifang
tainghmu bochoh Ye Aung cu
ralkap upadi tlaitu ah a tthial.
Chaklei tianghmu bochoh Ye
Ya Aung cu tlanglawng vunci
ah hluttaw ah min pek a si.
Nichuah chaklei tainghmu bochoh
Aung Kyaw Yaw cu Pegu
hrambunh thlanglei taing ah an
KAWLRAM THANWG
tthial. Thlanglei tainghmu bohmuchoh
Nyo Saw cu a laifang
tainghmu ah, nichuah laifang
tainghmu bohmuchoh Htun Htun
Naung cu chaklei ah, ralkap IT
sianguk bohmuchoh Aung Soe cu
nichuah chaklei tainghmu riankhinh
a si.
Hitin ralbawi an rian a
tthial hna hi KIA he an i phomh
cuahmah chungah a si. Ralkap
chungkhar he naihniam pawl
nihcun nichuah chaklei tainghmu
an tthial hna hi KIA dohnak ah
ralkap tampi thih ruang le KIA
sakhan lak khawh lo ruangah a si
an ti. Cheukhat nih daihnak caah a
si lai an ti. Cheukhat nih ral an tei
lo tikah hi bantuk thlennak a um
ton an ti ve. KIA chimnak ahcun
nai Phakanh hrawng dohnak ah
ralbawi pawl telh in ralkap 70
hrawng an thi an ti.
(Cc: Irrawaddy)
PHUNGHRAM LEI KHUNGZUNG BU AN RIAN AN CHIAH
September 6, 2012: Khungzung
bu pawl an rian in
chuahnak nawl ka pek hna
tiah U Thein sein nih September
6 ah a thanh. Hi thutdan
caah a thar in thim an
silai. Pyituh hlutttaw nih 3,
Amyotha hluttaw nih 3,
president nih 3 minung 9 an
thim than hna lai. Khungzung
hlathlaitu bu nih hlathlai tuah dingin voithum tiang an auh hna
nain an chuah lo caah hluttaw ah chuahpi an si. khungzung president
le chungtel pawl an sualnak a chuahpi mi kongah September 6 hluttaw
meeting piah minung 307 nih an dirkamh. Cheu thum cheu hnih
nih dirkamh a si caah Thura Shwemann nih an rian ngol dingin a
thanh hi a si. President zung thanh ning ah khungzung bu kongah
buainak a um tilo a dih cang an ti. (Cc: VOA)
Cahmai: 4
DAW SU LE RANGON RAMTHEN VUNCI CHOH TONNAK AN NGEI
September 6, 2012: NLD president Daw
Su le Rangon ramthen vuncichoh U Myint
Shwe hna cu a voikhatnak September 6 ah
tonnak an ngei. Hi tonnak ah Rangon ramthen
upadi humhimnak kong le daihnak
kong biapi in an ceih. Daw Su cu a mah
president a tlaihnak upadi nih a kan humnak
ding, daihnak comiti hna le Rangon
ramthen hluttaw pawl he September 8 ah
tonnak an ngei lai.
Upadi soe-moe-ye comiti president dirhmun in Rangon ramthen
biaceih bawi. Sihni pawl, Palik, hluttaw lamkaltu hna he September
8 ah tonnak ngeih dingin Daw Su nih a sawm hna. Cu tonnak ah
Naypyitaw in pianciaye, kaa-gwe-ye, biaceihnak lei zung pawl le a
dang zung riantuantu bawi pawl, palik bawi, ralkap bawi pawl minung
200 hrawng an kai lai ti a si. (Cc:RFA)
KHUNGZUNG PAWL NIH AN RIAN NGOL HNA SEH
September 6, 2012: U
Thein Soe hruaimi khungzung
(ခုံရုံး)
chungtel hna cu phunghram
an buar caah le an rian an tei lo
caah an riantuannak peh dingin an
i tlak lo tiah September 6 ah
Naypyitaw pyituh hluttaw nih biachahnak
kan tuah tiah Thura
Shwemann nih a ti.
Khungzung president U
Thein Soe le chungtel hna a simi
Dr. Tin Aung Aye, Daw Khin
Hlah Min, U Htun Kyi, U Khin
Htun, U Myint Kyaing, Daw Mi
Mi Ye, U San Myint hna hi
ဖြဲ ႔စည္းပံု
အေျခခံဥပေဒပုဒ္မ ၃၃၄
ပုဒ္မခြဲ(က) ပုဒ္မခြဲငယ္ (၂) bantuk
in phunghram an buar caah le
အေျခခံဥပေဒပုဒ္မ ၃၃၄ ပုဒ္မခြဲ(က)
ပုဒ္မခြဲငယ္ (၅) bantuk in an rian
tlamtling in an tuan khawh lo caah
phunghram bantuk in hluttaw
pahnih nih a dik mi sual a phawt
hna caah khungzung president le
chungtel pawl nih tulio an tuan
liomi tuan tilo dingin biachahnak
tuah a si cang tiah Thura Shwe-
COZAH LE KACHIN (KIA) I KAHNAK PHAKANH AH CHINMI 250 RALZAAM IN AN UM
mann nih a thanh. Pyituh hluttaw
hlathlaitu bu nih khungzung
president le chungtel pawl an
sualnak a chuahpi mi kongah
September 6 hluttaw meeting
piah minung 307 nih an
dirkamh. Cheu thum cheu hnih
nih dirkamh a si caah Thura
Shwemann nih a tu bantuk in a
thanh hi a si.
Khungzung bu hi hluttaw
hlathlaitu bu nih hlathlainak
tuah dingin an auh hna nain a ho
pakhat zong an chuak lo. Cucaah
khungzung kal phung bantuk
in biachahnak an tuah hi a si.
Hi biachahnak hi Thura Shwemann
nih U Thein Sein sin a
chuahpi lai i, president le chungtel
9 a thar in thim than an si lai.
(Cc: RFA)
September 6, 2012: Kachin ram Phakanh ah Cozah ralkap le Kachin ralkap (KIA) an i kahnak Phakanh le a pawng khua ah atu hi Chinmi
ralzaam 250 an um tiah thawng kan theih. “Atu tiang ah Phakanh le kiangkap ah Chinmi ralzaam hi hmun li ah kan um hna. Phakanh Chin Baptist
Church ah 180, Zomi Baptist Church ah 28, Saitaung ah 30, maw shan sintanchin Baptist Church ah 10 kan um. Atu tiang ah kanmah Chinmi hi
cu a thimi kan um hraw lo. Atu tiang i kan theih ning ahcun Cozah ralkap hi za lengkai an thi. A cheu nih 150 hrawng an si lai an ti. Kachin hi
pakhat a thi an ti. Kachin ralkap hi tlang ah hmunhma an khuar i chukchih in Cozah ralkap kha an kah hna. Cozah ralkap hi nizan tihni Ningani
hna ah cun Helicopter nih voi nga hrawng a fuh. Hriamnam ngan in an kah hna.
Khuami nih Kachin ralkap sinah kan tuartuk , zeitindah a si lai” tiah an hal i “Zarh khat chung ah kan i fiang lai, hi chung i kan daih khawh
lo ahcun thihthih nunnun in i kah kan hau cang lai” an ti. Phakanh in Mukawng karlak hi cu tih a nung ko. Pa patling deuh cu tlaih i ralkap ah
hman thluahmah a si ko. Annih Kachin cu an zapite in ralkap an rak si dih ko. Tintan an rak kai dih ko. Hriam an tlai kho dih ko. Chin ram Tedim
in Cozah ralkap Batallion pakhat an hun kuatmi chung khan 30 cu an thi colh an ti. Hi chung ah hin Chinmi Sitcawnghmu zong i tel dawh a si.
Tutan mah tluk i an i kahnak a ruangbik hi, Kachin (KIA) nih ram ngeitu kan si i kan ram ah lung a cotu company hna nih ngunkhuai an kan pek
ve awk a si an ti in company kha an ti hna i company nih Cozah sin ah security tuanvo kan laakpiak u an ti i cozah nih hitin a kahmi a si” tiah
Hakha Post nih Phakanh um Chinmi pastor pakhat a chawnhnak ah a chim. “Tu chun (Sept.2) ni ah meeting kan tuah i Chinmi ralzaam hmun li i a
ummi kha hmun khat ah kan chiah hna lai i cuka cun kan i zohkhenh lai kan ti. Cun ZBC le MBC tibantuk zong ah bawmhhal kan i tim. Khua ah
tlun an duh ko hna nain tlunnak an ngei hnalo. Hmun kip Chinmi nih nan thlacamnak ah rak kan philh hlah u” tiah Hakha Post sin in thlacam a
cah. (Cc: Hakha post)

EST: SEPT 12, 2010 VOLUME 1 , ISSUE 99 SEPTEMBER 9, 2012
September 1, 2012:
New Hampshire ah minu pakhat
nih suimilam 26 chungah
police nih voi 4 an tlaih. An
tlaihnak ruang cu music thang
tuk in Highway lam cungah a
chuah ruang le inn ah music
thang tuk in a chuah i midang
hnahnawhnak a pek ruang, uhkaang
(mehkionak) in midang
a tuk hna caah an tlaih hi a si.
Joyce Coffey timi nu cu cacawn
ni hnihni chun hnu ah
VAWLEICUNG THANWG
SUIMILAM 26 CHUNG AH VOI 4 POLICE NIH AN TLEIHMI NU
khan police nih lam cungah music
thangtuk in a chuah ruangah
ralrinnak an pek i, cu hnu suimilam
5 hnu ah a inn ah music
thangtuk in a chuah caah police
auh piak a tong i an tlaih.
An thlah than hnu, zaan
tim ah, a inn ahcun music cu
thang chinchin in a chuah tthan
i, a innpawng nih police an auh
piak tthan caah a voi thumnak
an tleih tthan. Tlawmpal an
chimh hrinh hnu ah an thlah
tthan i, cu tlawmpal ahcun a
tupa thilri a hlawnh piak dih pinah
meh-kionak bumbel in a tuk
ruangah police nih a voilinak an
tlaih cu a si. Coffey cu thawng
ah an khumh cang i, zeitindah an
tuah lai timi hngalh a si rih lo.
Judge nih cun Headphones
a hmang ko nain tiah a chim
tiah WMUR-TV nih a phuan.
(Cc: Reuters)
SIANGINN SAYATE THLAHLAWH AN CHAP HNA
September 6, 2012: Ramthen le
ramkulh level fimthiamnaklei riantuantu
hna cu thlahlawh an
chap rih hna. Hi thlahlawh an
chap hna hi saya/mah an fimthiamnak
santer duh le tawlrel
ning santer duhah an chap hna hi
a si. Siangniamuk hna cu siang-
sangrun cachim saya/mah thlahlawh
tluk, ခ႐ိုင္ပညာေရးမႉးကို
ဒုတိယၫႊန္ၾကားေရးမႉး le, ramkulh le ramthen fimthiamnak lei lutlai hna
cu ၫႊန္ၾကား ေရးမႉး thlahlawh he aa tluk dingin an chap hna. Siangniamuk
saya pakhat a thlahlawh cu tulio a thlahlawh in 7% an chap
tinak a si. Thlahlawh chap hi kum 4 chungah voi 4 chap a si lai i,
tutan a voikhatnak hi pensen a la deng cangmi upa, cachim thiam
hmaiah an chap hmaisa hna. Fimthiamnak lei thazang a thawn chinnak
dingah district level fimnak lei uktu zong tukum chungah tam
deuh in rian pek an silai ti a si. (Cc; Mizzima)
KIA LE KAWL RALKAP AN I KAP CUAHMAH KO
September 6, 2012: Kachin ram Myitkyina
le Bamaw kar Bum Sawm Bum
ah Kawl ralkap khamaya (438), (387)
le KIA tatmaha 5 kuttang tatyin 24
hna cu September 6 zinglei suimilam
10 in an i phomh cang. Bum Sawm
Baw um kawl ralkap pawl hi eidin a
rak chantu hna khalaya 142 an hngah
hna lioah hitin an i kah hi a si. Zinglei
sml 10 in kan i kap cang. Rawl eican
ah chikhat kan i din. Kan i kap than lai. Kanmah lei a thi le hmapu
kanum lo. Anmah lei zeizat an thi ti kan theih rih hna lo tiah KIA lei
nih an ti. Eidin a rak chantu ralkap hna he an i tong kho lo ti zong an
chimchih. Kan hnu Daga Yang le lai Hpawng i kahnak ah ralbawi
pawl an thih caah hriamngan in an kan kah tiah KIA lei nih an ti. KIA
umnak kipah Kawl ralkap thazang an chap. A bik in tulio dohnak
Phakanh ah an tam khun. (Cc: Kachin News)
Cahmai: 5
HURRICANE ISAAC NIH MINUNG 13,000 UMNAK INN
LOUISIANA AH A HRAWH
September 5, 2012: US
ram, Louisiana ramkulh ah Hurricane
Isaac nih a tlawmbik minung
13,000 umnak inn a hrawh
piak hna tiah nawlngeitu nih an
tuak ning a si. Isaac nih minung
7 nunnak a lak pinah New Orleans
hmun ah tilianhnak a
chuahter rih. Tilian cu a tumlei a
panh nain minung thong tampi
umnak ngei loin a tuah hna.
Tuzarh cacawn nihnih ni tiang
ah khan 1,500 cu dornak hmun ah
an um rih. Mississippi tiva hrawn
in thlicia nih a den hna hnu ah
Electric mei cu an ngah than
cang. Hurricane Katrina nih a
hlan kum 7 ah New Orlean cu a
den hnu ah Isaac nih a van den
than hi a si. Katrina nih minung
1,800 a rak thah hna i hi khua
serthannak ah a cozah nih $14.5
billion an rak hman.
Hurricane Isaac cu
Katrina bantuk in a thawng lo
nain thlichia hi huamsam tein a
hrang i cu hnu ah ruah fak taktak
nih Louisiana le Mississippi cu a
den hna. US ramhun Obama nih
mah hi harnak an tonnak hmun a
va tlawn hna i thazang zong a pek
hna tiah thawng theih si.
(Cc: BBC)
HNAHCHUAH NGEI NU NIH A TLANGVAL PA "CHIATHA"
A TAN PIAK
September 4, 2012:
Ngaknu nih a tlangval pa
cu nudang sinah a sual ti a
hngalh hnu in "sualtertu"
thilri te cu a tan piak i,
chuah khawh ti lonak ekinn
ah a hlawnh. Huaman Julia
Muñoz ( 41) nih a tlangval
Arias Apayco (46) cu nu
dang sinah a sualtak mi a
hngalh hnu in, a thinlung
fah a celh lo caah, sual chuahtertu "chiatha" te tan piakin an karlak i
pehtlaihnak cu a dihter tiah the New Age thanhca nih a tial.
Brena, Peru i Hostel ah a tlangval a hngilh lio ah, kum 41 a
simi, Julia nih coka ah sa cannak namte cu a lak i, a tlangval pa pum
cung i sualnak a chuahtertu "chiatha" cu a tan piak deih i, zunput
chungah a hlawnh i, ti a fenhter deih. Cun, a rannak in zam colh a
timh nain hostel i riantuantu hna nih an tlaih. Mr. Apayco cu a rannak
in intensive care ah an kalpi i, a nungak Julia belte cu police kutah
an pek; hi bantuk thil a can cu a dawt tukmi nih a sualtakmi lehrul
chamnak ruang ah a si. (AFP)
US NIH SYRIA FEFUGEES $21 MILLION A BAWMH HNA
September 6, 2012: US Agency for International
Development hruaitu nih a chimmi cu
US nih Syria refugees $ 21 million an vun
bawmh chap hna, a dawng tein $ 100 million
an bawmh cang hna tiah a chim. $21 million
cu UN World Food Program ah pek in Refugees
sinah phanhter a si te lai tiah Rajiv Shad
nih a chim. Syria refugees hi ram chung le ram leng ah an um. Cun
Turkey, Jordan, Lebanon le Iraq ah tampi a zammi an um. Shad nih
nithumni ah a chimmi cu $14.3 million hi ram chungah a ummi hna
caah hman a si lai i $6.7 million hi ram leng ah a ummi hna caah
hman a si lai tiah a chim. Jordan's Zaatari camp ah hin 27,000 an um,
Jordan ah hin 160,000 an um. (Cc: Globalchin)

EST: SEPT 12, 2010 VOLUME 1 , ISSUE 99 SEPTEMBER 9, 2012
VAWLEICUNG THANWG
CHAK KOREA TYPHOON BOLAVEN RUANGAH MINUNG
50 AN THI
September 3, 2012: Kan hnuzarh chungah
Chak Korea nitlak leiah thlichia
(Typhoon Bolaven) a hrang i minung 50
nunnak a dih, mi tampi an tlau. Hma a
pumi 50 hrawng an si tiah Chak Korea
ramchung thanhca nih a chim. Hi
thlichia ruangah minung 21,000 hrawng
inn loin an um. Thlaici cinnak Leikuang
Acre 120,000 hrawng a rawk ti a si. Cun
sehzung le riantuannak 900 hrawng a rawk. Mini ngeihmi sianginn,
sizung tampi a rawk rih. Bolaven thlichia hi Tuluk ram le Japan a tan
hnu kan hnu nithum ni ah Chak Korea ram a luh hi a si. (Cc: VOA)
PRINCE HARRY CU SUALNAK KHUALIPI AH KAL I, TAK-
LAWNG IN NGAKNU A KISS
September 3, 2012: London
Olympic Games zoh ah Prince William
le Kate cu an kal nain Prince
Harry cu Olympic Games zoh loin
khawika dah a kal diam. Ziah, Harry
aa tel lo e, tiah mipi nih an hlam tuk.
Nain a thawng a ring lo. A Pitar,
Queen Elizabeth le a ule hna, Olympic
games nuam ngai in an rak zoh
lio ah, Harry tucu "Sin City" Las
Vegas i, taklawng in lamnak ah a
rak kal diam ko kha! San Diego,
California in a rami, Carrie Reichert
(32) nih, Sualnak Khualipi ah
Harry he an i cang ning cu media
sinah a phuan ai. "Lamnak party
chungah ka va luh lio ahhin, Harry
cu taklawng bak in a rak um cang",
tiah Carrie nih a ti. Crazy tak in an
rak um hna. Harry cu zoh ahhin
molh-chupchap (delirious) sehlaw a
dawh' a ti. Carries nih cun,
Harry vengtu security nih Harry
he von i nawmh ding in an ka
kawh' a ti. Harry cu a nawmh
tuk, guitar a tum i, glove ka pe
tuah u, Michael Jackson cawng
tuahning' tiah a ti' a ti.
Tlawmpal ah ka sinah a
ra i, a von ka kuh' a ti. Mithmai
panh ngai in a ra i, a taklawngpi
a si tikah, zoh ahhin ni a chuak
tuk' a ti. England ramah a chuak
vemi, Carrie nih cun, Harry nih
duhnak a ngei colh i, a ihnak
khan lei ah a kalpi colhnak kong
a chim. "Kan i kiss thluahmah
ko i, cu lio ah taklawngpi in a
um ko; a open taktak" a ti. Zuu a
ri pah i, romantic cu a si lo, nain
a nuam ngai ko' a ti. Minutes 15
in 20 tluk hnu ah, Harry nih a
ihnak khan in party ah va tel
ding in a rak chuahpi tthannak
kong cu, Carrie nih a chim.
Hmanthlaktu hna nih, kum 27 a
simi, Prince Harry nih taklawng
in a um buin ngaknu carrie a kuh
lio cu an thlak. (Cc: Reuter)
RALZAMMINUNG 58 TURKEY RILI AH AN PAM
September 6, 2012: Smuggler pawl nih Europe ram ah himnak
hmu dingah bia an kamh hna hnu ah nga tlaihnak tilawng in a
kalmi hna cu nitlak lei Turkey rili ah an lawng nih lung a phah i minung
58 an pil i an thi tiah Turkey thawngthanhnak nih a chim. Iraq le
Syria pawl cu meter 50 hlatnak in Aegean ti an i lio kho i rili kam an
phan kho. Hurriyet newspaper website nih minung 58 cu cawn nili ni
ah an thi tiah a tial.
Asia ram le Africa ram in phung loning in Europe ram
phaknak dingah Turkey hi pal hau i an i tinhmi phak hlanah harnak
an tong tawn. Turkey ram ah Syria ralzaam ramchung kah dohnak
ruangah minung 80,000 an phan cang. Ram tampi nih mah hi Syria
mi hna cu Europe ram ah phung lo ningin phan kho dingin an duh
piak ngai hna. (Cc: AP)
Cahmai: 6
IRAQ BOMB PUAHNAK AH RALKAP 6 AN THI
September 5, 2012: KIRKUK, IRAQ: Chak
Iraq ah kilvennak ralkap pawl hmuitinh in
bomb puahmi nih ralbawi telh in ralkap
minung 6 a thah hna tiah security le sii lei
nawlngeitu nih an chim. Ralkap 6 an thih
pinah minung 2 hma an pu tiah ralbawi Dr
Mehdi Abdullah al-Bayati, Tuz Khurmatu
nih siizung in biafiang an thanh. Iraq
buainak hi 2006 le 2008 kum cu a dai
ngaingai nain August thla ah khan minung 278 an thi than tiah kilvennak
le sii ei nawlngeitu nih report an pek nakin theih khawh si. (Cc: BBC)
KUM TLING LOIN SEX A TUAH CAAH VOI 100 TUK DING
September 6, 2012: Kum 16
nu cu kum tling loin sex a tuah caah
voi 100 fung in tuk ding tiah Maldivian
Court nih biachahnak an tuah.
Atu cu kum 16 lawng a si rih caah
kum 18 a phak tikah tuk ding a si lai
tiah an chim. Maldives miphun hi India
rili kam hrawngah a ummi an si i
Attol family ti zongin auh an si. Hulhudhufaaru
Magistrate Court nih Raa
Atoll ah kum 29 pa zong kum 10
chung thongthlak ding tiah biachahnak
an tuah, zeicatiah kum tling lomi he
sex a tuah ti a si.
Kum 16 nu hi cu a kum a tlin rih lo caah kan hngah rih lai i kum
18 a tlin in voi 100 fung in tuk a si te lai tiah Minivan News nih a chim.
Official nih a chimmi cu nu nih mipa hi a sawm i Island leiah an kal. Nu
innchung khar nih an fanu inn ah a um lo ti an theih tikah an kawl i Island
electric inn hnulei ah an pahnih cun an va hmuh hna. Zeidah nan
tuah tiah an hal tikah pa nih cun aa pheh lengmang, a hnuah nu nih a
phuan ti a si. Cu tikah pa cu Child Sex Abuse Act Law ningin kum 10
thongthlak ding ti a si. Gender Department nih Atoll Island ah hin report
an tuahmi ah hin December 2010 in October 2011 karlak ah hin kum
tling a simi hna sex tuahpinak hi 1,138 cases a um. 133 hi kum 18 cung
cases an si tiah an hmuh khawh. (Cc: Globalchin)
US PRESIDENT HLUN BILL CLINTON NIH OBAMA A DIRPI
September 6, 2012:
Tuandeuh US President
a simi Bill
Clinton nih Obama
cu President term
hnihnak ttuan tthan
ding bia a vun
chimpi. Mr. Clinton
nih minutes 50
chung bia a chimnak
ah Republican economic
plan cu fak
ngaiin a soisel.
President Obama
policy hi a ttha ko, economic plan zong a ttha chin lengmang ko tiah
biatak tein a chim-kanpiak. Mr. Clinton nih mipi sinah a chimmi cu "US
mipi nih hin zeibantuk ram ah dah kan um duh timi hi nanmah tein i
thim ko u" tiah a ti hna.
"Nanmah duhning cio in um nan duh i a tthawng deuh paoh nih
zeipaoh hmuhnak ram ah um nan duh cun Republican hi i thim ko u."
Caan ttha a hopaoh i hrawm khawhnak le riantuan tti khawh cionak ram
ah nan duh ahcun President Obama hi i thim ko u" tiah a ti. "Society
pakhat i hrawm tti nan duh ahcun Obama le Joe Biden hi thim hna u"
tiah a ti Republican economic plan fak ngaiin Mr. Clinton nih a dohpiak
hna. "US economic a tlak cuahmahmi hi Obama economic policy nih a
tlaih tuk caah a si. US economic hi 2008 ah khan fak tukin a tlak tikah
ahohmanh si hna seh law kum 4 chungah cun remh awk ah a har tukmi a
si. Asinain atu cu a ttha chin lengmang leiah a panh cang ko" tiah Mr.
Clinton nih a chim. (Cc: Globalchin)

EST: SEPT 12, 2010 VOLUME 1 , ISSUE 99 SEPTEMBER 9, 2012
ZAANGCELHNAK THANWG
PHAISA DUH AH MIDANG HE KAN IT TI
September 3, 2012: Sherlyn Chopra
nih phaisa duh ah midang he
ka it tawn tiah a phuan. Fianghlang
tein a chimmi cu voi tampi phaisa
pek in sex ka tuah.
A ruang cu awl zaang tein
phaisa hmuhnak a si caah si tiah a
chim. Sherlyn Chopra nih a twitter
ah a tialmi cu taksa in pehtlaihnak
mi tampi he man pek in ka rak
tuah tawn. A sinain mi pakhat te hmanh kai cinkenmi an um lo.
Mah hi ka chimmi hi midang sin in zaangfah halnak, mipi
thinlung laknak caah si lo tiah a chim chih. Sherlyn Chopra cu
Bollywood fidi tuanmi chungah taklawng in Magazine
hmanthlaknak a tuah hmasa bikmi si. (AP)
HOLIDAY A KALMI CHUNGKHAR HNA LAMPI AH
MISUAL NIH AN THAH DIH HNA
September 6, 2012: Zarhte
ni ah khan holiday a kalmi
chungkhar hna cu a thi cia in an
Motor, BMW 4x4 chung ah an
char hna. Sianginn kai a cut hlan
ah tiah British chungkhar hna
France ram ah nawmhnak ah an
kal i, minung kingnak hmun, lam
cungah meithal hmual in an mawtaw
chungah an nunnak a dih.
Chawlet a simi, Saad Al-Hilli, a
nupi Lqbal le a nu cu Alps khua ah meithal hmual in, an pathum in
a thi cia in an Motor BMW chung ah an char hna.
An pa bik, Mr. Al-Hilli cu a hmai tthutnak ah an char i, a
nupi le a nu cu hnutlar tthutnak ah an char hna. Mithi hna
chungkhar i an fabu a si lai tiah ruahmi ngakchia nu, kum 4 hrawng
cu, a nu ruak tangah cawl lo tein a rak i benh ko. Tihnak he a khat.
Suimilam 8 chung a nu ruak tangah a benh cu a si. BMW a pawng
ah ngakchia nu pakhat, kum 7 hrawng cu thi dengmang in a rak ril
ko. A rannak in sizung ah an kalpi colh. French pa, cycle a citmi,
kum 40 hrawng a si i, a min ah Sylvain Molier an timi pa cu, mithi
hna chungkhar i an BMW pawng ahcun a ril ve ko. Atu bantuk in
harnak an tonnak hmun hi, France ram, Lakte Annecy
pawngte, zalam cungah a si.
Mithi hna chungkhar hi Iraq miphun an si i British ah
khuasa an si. Ngakchia nu te, a nung in a nu tangah an charmi cu,
Mirang holh tlawmte a thiam. Hibantuk in thil a caan hi, aho
hmanh a hmutu an um lo caah, ngakchia nute lawng hi a hngaltu
bik a si lai. Nain ttihnak he a khat tikah chawnh khawh a si rih lo.
Khawika dah ka nulepa an um? Khawika dah ka nu a um tiah a ttap
ruangmang ko. Mithi chungkhar hna hi Claygate, Surrey ah a
ummi an si i, an pa bik hi Aerial Photography Company caah riantuantu
a si lai an zumh. Mi chanhtu nih an thihnak hmun an va
phak lio ah BMW seh cu a rak nung ko. Police nih an char hna i
an fimtawl hna. (Cc: The Mirror)
MORINHU NIH RONALDO NUAMH LOIN A UMNAK
KONG CHIM A DUH LO
September 6, 2012: Real Madrid coach Jose Mourinho nih C.
Ronaldo nih an club ah ai nuamhlonak a chimmi kong he pehtlai
in zei hmanh ka chim lai lo tiah a ti. “Hi kong he pehtlai in zei
hmanh ka chim lai lo”, tiah Mourinho nih a chim . “Zei kong
hmanh chim dingah ka si kho ko nain C. Ronaldo kong ka hal
hlah uh”, tiah a chim chap. “Nan ka theihthiam hau, hi kong ahcun
biachim ding ka fial hlah uh”, tiah an Realmadrid coach nih
a chim. Cc: The Goal)
RONALDO: KAA NUAMHLONAK HI PHAISA RUANGAH A SI LO
September 5, 2012: Real Madrid ah kaa
nuamh lonak hi phaisa kong he
pehtlaihnak a ngei lo tiah C. Ronaldo nih
a ti. Ronaldo nih Real ah kaa nuam ti lo
tiah a ti mi hi Europe mirum pawl PSG,
Man City le Chelsea hna sin thial dingin
bialam a phah mi a si tiah thanhca cheukhat
nih an ti nain cucu ka chim duhmi a
si lo tiah Ronaldo nih a leh hna.
Real angki he kawl 150 nak a
kawl lio zongah a lunglomhnak a
langhter lo. Ronaldo cu Real in a chuak
kho men tiah thawngpang a vah caah min an thut lio pounds 100 million in
halnak a um lo ahcun timi hi halnak a um ko rua tiah ruah cio a si. Amah
facebook ah a tial mi cu ka lung nuamhlonak hi phaisa kong he
pehtlaihnak a ngei lo, phaisa tam deuh a duh caah ti zong an ka ti. Nikhat
khat ah phaisa he pehtlaihnak a ngeih lo ning a mah tein a lang te kolai
tiah a ti. (Cc: Daily Mail)
MAN CITY NIH POUNDS 200 MILLION IN RONALDO AN HAL LAI
September 6, 2012: Spain thanhca Spainish Daily AS chimnak ah
premier League champion man City nih Real hmaikal C. Ronaldo cu
pounds 200 million in cawk an timh ti a si.
Ronaldo Agent pa nih Man City nih
Ronaldo pounds 180 million in sawm an
timh mi a chim tikah Real president nih a
hnon.
Cu hnuah 200 million in cawk an
timh than hi a si. Real nihcun Ronaldo zuar
loin Real ah aa nuamhnak caah kan i zuam
lai an ti. Man City le Real cu September 18
ah champion League a chuih ding an si.
Man City nih pounds 200 million in an
cawk khawh a si ahcun a thlahlawh kumkhat pounds 20 million kan pek
lai an ti. Hi thlahlawh hi vawleicung a sangbik thlahlawh a si lai. (Cc:
Mutdfan..com)
A LEX HE KAN I THEN KO CANG
September 7, 2012: Dawtmi he
pehtlainak hri a cah lio ahcun
ngai a chia tawn. Thinlung a
khen, thin a hung i hnar-no ruh
hna a ttam. Karlak ah tefa a
ummi hna caah cun i tthen hi
tuar a har khun. Dawtnak he a
pehtlaimi Chantelle Houghton
le Alex Reid's karlak ah
dawtnak hri a cah hi khuaruah
har awk cu a si lo, nain lung a
tha hrim lo.
Anmah pahnih hi thliherh
nih chikhat ah hnahchawl a pum bantuk in an i an i duh cangka
tein i ngaihnak bia an i tiam colh. Chikhat ah nau zong an puai. Nain
an fanu Dolly a chuah tiang bia-alnak in caan an hamn. Fanu an ngeih
khawh hnu zong ah bia an i al lengmang. An thinlung an ihmu thiam
lo. Pakhat le pakhat an kong an i chim.
A caan ah ALex cu inndang a chuak, nain tlawmpal ah a ra
tthan. Chantelle cu tlawmpal a thup, nain a rak lang tthan. Alex nih a
ngaknu cu a duhning in laksawng a tthenh bal lo. An karlak ah
dawtnak cu ti-dai bang a kik. A lum kho ti lo. A dongh, nizan ah khan
Alex cu police nih an tlaih i, Chantelle nih kan i dawtnak cu a dih
cang" tiah a ti. Kanmah pahnih hi mivanchia kan si; kan karlak i
dawtnak lumter awk ah lam dang kawl awk a um hrim ti lo. A kik tuk
cangmi dawtnak hi dihter a herh ko tiah a ngaknu nih a chim. (Cc: The
Mirror)
Cahmai: 7

EST: SEPT 12, 2010 VOLUME 1 , ISSUE 99 SEPTEMBER 9, Cahmai: 2012 12
MI DAM LO, MIZAW HNA CAAH THEIHTERNAK
Malaysia um kan Laimi a dam lomi, a zaw
fakmi, thazaang a ngei lomi,Malay siikhaan kal
aa harh deuhmi hna caah man fawi deuh le mah
le holh tein zohkhenh a duhmi hna caah a tanglei
address ah hin nifatin i piah khawh a si
(1) Sii phunphun cawk khawh a si
(2) Drip, tha umnak chunh khawh a si
(3) Hepatitis B vaccine ( thinphin chuahtertu B
rungrul khamhsii ) chun khawh a si
(4) Thla 3 khan nau hlatnak sii chunh khawh a
si
(5) In chungkhar nau ngeih a duh rih lo mi
( Family planning service )
(6) Thithlum, Zunthlum, Thittum, Thikai
tahkhawh a si
(7) A dangdang zawtnak a phunphun ca
ah man fawi tein sii chunh, sii cawk khawh a
si.
8. HIV/ AIDS zong chek khawh a si.
Address: No. 29/A , First Floor,
Jalan Brunei Barat (ACR zung a hnulei, Pudu
plaza pawng
Sii khan on caan:
Nikhat ni in ninga ni tiang, 10:00 AM in 8:00
PM
Zarhte nile zarhpi ni cu
3:00 PM in 8:00 PM
Sayama Mang Tial @ Tially
Contact: No 014 2660 597
NA PHONE CHUNGAH HLA RAWN NA
DUH AHCUN
Man fawideuh mi phone pawl ah Hla khum na
duh ahcun http://www.laitech4all.co.cc/ timi
website ah lut. Hla rawn ning tling tein a um
lai. Phone chungah Bible relnak le English
speaking a aw a tuah cuahmah lio a si. A rawn
leiah harnak na ton a si ahcun ramchung@gmail.com
a si loah 0182364591 ah
hlathlai khawh a si. Amah Kyaw Kyaw Aung
sin zongah rawnter khawh a si.
MALAYSIA LEI KALNAK MAN FAWI TEIN
Malaysia lei cunglei in chungkhar cah le
auh a duhmi paoh AIR TIKET, VISIT,
PASSPORT man fawi tein cawk le tuah
khawh a si. Fiang deuhin theih na duh ahcun
:
Pehtlaihnak
Cung Cung 0095942004460
Pa Duh 0104228724
KUANGKIK REMH LEIIN KAN IN BAWMH LAI
Kuangkik (ye-khe-te-ta) a rawhnak kongah
na lung re theih hrim hlah. Man fawi tein
kan in bawmh lai.
Pehtlaihnak
Ph: 0162862728
FAKLANGHNAK PAWL
SAYDANA SIIKHAN A UM
Damlonak na ngeih sual ahcun Saydana sikhan
a um. Thadih le nau pawi hna caah Drip man
fawi tein rawn khawh a si.
Pehtlaihnak:
Sayamah Dimte
Jalan Loke Yew No. 26 2/B
Ph; 0104223591
THLARAU TIRAWL CAAH CRUSADE A UM
Zungzal nunnak thlarau tirawl cu Malaysia
Chin UPC biakinn ah zantin phuan a si.
Thawngtha chimtu hi Australia in a ra mi
Rev. Min Cung Nung a si. Na can aarelrem
ahcun rak ngai hmanh a tha tuk.
Rev. Min Cung Nung chonh a duhmi
Ph 0126548464
Biakinn Address: 4A. Jalan Kancil Off
Jalan Pudu
PA THANG THILTHITNAK
Laithil Coat, bawngbi le a dangdang duhn
ing in thitter khawh a si. India ram Aizawl
le lawngtlai ah can saupi a rak cawngmi a a
si. Thantlang zongah min a ngeimi le a
thiam tuk mi a si.
Pehtlaihnak Ph;0163827872
( U Chan Hniang dawr)
RUAhCHAN RAMTHA NITLAK LONAK
Sichiatnak in
sithatnak ram
ruahchan ramtha
nitlak lonak
Dingthlu lairel
athut nak veel
nuncang hmunhnak
cove dingin
nanngen cio maw
tumcawk Pathian
Bawi Hlei sinah
A veel par cu
antlaan caamciin
tlanhcia mithiang
ansa dailo
ATHIANG ATHIANG
dai lo an hla
Zohhmanh u khih
Muko thawng he
ttuanman nihlawh
pekding timh cia
a kut huum he
Rat aa tiim cang
Hei cuanthan hmanh
a phan cang khih
Vankil a cul
Cerhlian a mui
Zanceu an lo
sahrang an hrum
vawlei vialte
awn cukmak in
ttihnak a khat
Leileeng vialte.
H.kn Th.lian
INDIA LEI PHAISA KUATNAK
India khuapi Calcuta, Bangalore, Dehli, Nagaland,
Kerelar, Silong, Aizawl, Lunglei le
saiha ah na chungkhat phaisa kuat na duh ahcun
zaankhat lawng rauhin kuatkhawh a si. Anmah
lei zongin kuat khawh a si.
Contact.. Hmangaihpar nu
Pudu Plaza pawng
Seven Eleven hmai
Inn number-52 M/Second Floor
Ph..0166783062
SUI PAWN LE ZUAR A DUH MI CAAH
Sui pawn a duhmi le zuar a duhmi nan um ahcun
lungtling tein zuar/pawn khawh a si.
Pehtlaihnak:
Phone: 0173477641/0122687166
Jln Loke Yew (Hleihlak tang)
HNIPUAN/THILRI THITTER KHAWH A SI
Hnipuan/thilri na duh ning tein tthitter khawh a
si. Kawlram ah cansau pi a tthi cang mi a si. A
thiam, thitman a fawi. Thitter hmanh na ruah
ning leng in a `ha lai.
Contact: 0172198451 / 0149220313
Hello! Pi Khin Shwe
Pudu
THIHLOH I ZOHKHENHNAK BU
Thihloh ton sualah i zohkhenhnak bu a um.
Chungtel sinak ah kumkhat RM 50 thawh a
silai i thihloh tonsual ah RM 10,000 in
zohkhenh a si lai. Zeitik can paohah Emmanuel
Laidawr ah pehtlaih khawh a si.
Pehtlaihnak
Pu Ngun Mang 0061421968816
Gold Berth 0103001209
The One Star Journal TawlreLtu
hna
Chief Editor :
Salai Mang Bik
Editor:
Salai Van Biak Mang
Salai Siang Za Hu
Thawng Tha Lian
Salai Sui Lian Thang
Ngun Hlei Iang
A man RM 2
Copies 500
Kuala Lumpur
Malaysia
mangbik07@gmail.com
Ph : 0126025824
A ngeitu: Zophei Students Union
Web:http://theonestar.org/