Download file (1,73 MB) - .PDF

More documents

Recommendations

Info

L’AMINISTRAZIUN NÖIA | informaziuns dala junta Infrastrotöres sportives Por ći che reverda le sport unse te nosc comun de beles infrastrotöres che à inće debojëgn vigni tan de gnì restaurades y adatades ales normes de lege atuales. I savun che le stadium dala dlacia vëgn adorè tratan la sajun da d’invern y inće tratan l’isté. Do da n valgügn suralüsc da pert dl ombolt Robert Rottonara, l’assessur al sport Stefan Costa y Hubert Costner assessur ai laûrs publics, él gnü tut la dezijiun che al é debojëgn d’adatè l’implant de refrigeraziun ales leges atuales. Por chësc gran laûr ti él gnü surandè la proietaziun y la direziun di laûrs ala dita THER- MOSTUDIO MERAN. Por che le stadium dala dlacia se presëntes inće bun dala pert de strada, él gnü ponsè de mëte sö na peza cun la grafica, che é gnüda laurada fora dal grafich Michael Moling da San Martin de Tor. La grafica rapresentëia i loghi dl Hockey Club Alta Badia y dl jadiné artistich. La junta é stada a öna de ti dediché le stadium dala dlacia a Albert Pezzei, fondadù y presidënt dl Hockey club Alta Badia. La dita che à metü sö la peza é la DEMA PUBBLICITA’ SAS de San Vendemiano (TV). Laûrs de aministraziun ordinara Por mantignì les strades de comun bun asfaltades ti él gnü surandè la coordinaziun y la proietaziun di laûrs al inj. Günther Huber da Bornech. Por l’ann 2011 ti él gnü surandè i laûrs de manutenziun ordinara dles condütes dles eghes blanćes y dles eghes pazes, zentrala dla forza eletrica, zentrala termica y d’atri implanć dl comun ala dita COSTABIEI SRL. Laurs publics Ai pröms de setëmber à la dita Impianti Colfosco SPA metü man cun la costruziun dl punt da Pescosta. Al é gnü realisé le proiet dl marciapisc da Punt da Bos ćina fora tl raiun artejanal. La direziun di laûrs y le coordinamënt dla segurëza ti é gnü surandè al inj. Maurizio Kastlunger da Bornech y le laûr ti é gnü surandè ala dita Verginer Srl da San Martin de Tor. Mobilité te comun N argomënt che ti sta dessigü dër a cör ala junta é chël dla mobilité. Chilò ô le comun laurè sön de plü punć: la mobilité interna al comun tles sajuns desvalies, la mobilité y le coliamënt cun i raiuns de confins y dantadöt inće chëra di jus. Le travert dess ester chël de na mobilité che dess ester tl dagnì plü saurida da sostignì. Tres aparać radar vëgnel mosoré avisa le numer de auti che passa y che s’archita te nüsc paîsc. La racoiüda de chisc dać sarà la basa por laurè fora n bun conzet de mobilité. Implanć portamunt La junta se à incuntè cun Gottfried Declara y Otto Verginer dla firma Impianti Colfosco Spa por rajonè dl proiet nü di implanć portamunt. Dër pëis ti él gnü dè al coliamënt di lifć ćina sö Rönn. Al dess la poscibilité indô de anuzé le vedl “tru dai schi” sura Calfosch fora. Por smendrì n gran impat ambiental, denanche jì ite ti “plans” tl raiun Luianta, arata la junta che al dess gnì fat n sotpassaje por i schiadus dla pista. Zënter de proteziun zivila Al vëgn portè dant da pert dl ombolt Robert Rottonara y dal assessur Hubert Costner i proieć laurà fora dal arch. Hugo Kostner cun i locai che ti é gnüs destinà al comun, ai destödafüch, al aiüt alpin y ala musiga. Atualmënter él le consëi tecnich provinzial che valutëia le proiet. Viabilitè str. Altonn a Calfosch La junta se à incuntè cun le consëi dla Fraziun da Calfosch por baié dl trafich che passa sö por la strada Altonn a Calfosch. Al é gnü spostè la tofla de limitaziun al trafich a na moda che i auti pois rové ćina la staziun a val dl implant portamunt Col Pradat.
L’AMINISTRAZIUN NÖIA | informaziuns dala junta Raiun pedonal Corvara La junta adöm cun l’Ombolt Robert Rottonara à conscidré la problematica de podëi jì pormez ai eserzizi publics tratan la sajun da d’isté. Porchël él gnü tut la dezijiun de scortè l’orar dl raiun da jì a pé da Corvara. Aladô dles ghiranzes dles ativitês él gnü fat fora de stlüje le zënter da Corvara dales 20.00 ales 22.00 y la jöbia, sciöche bele fat fora, dales 17.00 ales 22.00. Intratignimënt sajun da d’isté L’assoziaziun à presentè le program de intratignimënt por d’isté de 32.000,00 euro. Le sostëgn finanziar da pert dl comun da Corvara é stè de 20.000,00 euro. Tofles publiches Al é gnü metü sö ot tofles nöies por tachè fora informaziuns generales y dla assoziaziun turistica. Chëstes tofles po gnì stlütes por garantì che i placać ne vëgnes nia rovinà dal tëmp. Cun chësta dezijiun ôn regolamentè les afisciuns dan dant les dimenjiuns azetades. I cosć de chëstes tofles é de 15.909,15 euro. Entrades de paîsc Por la sajun da d’isté él gnü abelì les entrades dl comun da Corvara canche an vëgn da la Ila sö cuntra Corvara y sön Ćiaulunch. Da d’aisciöda él preodü dala pert de Frara denanche rové a Calfosch. Tofles Unesco Dl 2009 é les Dolomites gnüdes protlamades patrimone dla umanité da pert dla Unesco. D’isté à l’ofize di parcs dla Provinzia adöm cun le Comun da Corvara metü sö les tofles inće sön nosc territore. Conzesciuns y tarifes de cortina En chësc ann àn metü man cun la delibera dla junta comunala dl 10.11.2006 n. 133 olache al é preodü n paiamënt dla conzesciun dla fossa y dl mantignimënt dla cortina. Cultura Aladô dla junta él de gran importanza, dantadöt a livel turistich, che le tru Santa Maria dal Ciüf, che va da Minca ćina Aunejia passes fora por Corvara, portan i pelegrins a vijité spo la dlijia vedla. Al é gnü portè dant inće n azënt a val’ setur tipich de nosc Comun. L’argomënt che é gnü proponü dess ester chël dl setur imprenditorial turistich y plü avisa le svilup che à da nen fà cun i implanć portamunt. ♦
Page 1 and 2: PLATA D’INFORMAZIUN DL COMUN DE C
Page 3 and 4: PARORES DANFORA Prefaziun de Daniel
Page 5 and 6: PARORES DANFORA | intervista al’o
Page 7 and 8: ATUALITÉ | cumpëda dla jënt Pro
Page 9 and 10: Seziuns atribuides al personal inci
Page 11: L’AMINISTRAZIUN NÖIA | informazi
Page 15 and 16: L’AMINISTRAZIUN NÖIA | dal cons
Page 17 and 18: L’AMINISTRAZIUN NÖIA | dal cons
Page 19 and 20: Comité comunal de Proteziun zivila
Page 21 and 22: Kostner Emanuel - Kostner Ermanno K
Page 23 and 24: Garní Garden s.a.s. di Costa Alber
Page 25 and 26: Orlev, Uri DAS TIER IN DER NACHT Ro
Page 27 and 28: INFORMAZIUNS DESVALIES | raiun wifi
Page 29 and 30: INFORMAZIUNS DESVALIES | nightliner
Page 31 and 32: INFORMAZIUNS DESVALIES Concurs Foto

Download file (1,73 MB) - .PDF

Create successful ePaper yourself

Delete template?

Save as template?