Download PDF - The National Assembly of Seychelles

NATIONAL ASSEMBLY OF 

SEYCHELLES 

Tuesday 20 th October 2009 

The Assembly met at 9 am 

National Anthem 

Mr Speaker in the Chair 

(Technical Problem) 

MR DEPUTY SPEAKER 

..Onorab Georges to take us to the 

motion. 

HON BERNARD GEORGES 

Bonzour Mr Deputy Speaker, 

bonzour tou mon bann koleg dan 

Lasanble, Clerk avek son lekip. 

Mr Deputy Speaker mon 

mosyon lo Order Paper i demann 

gouvernman pou konstrir en 

lenstitisyon apropriye kot 

dimoun, apard bann ki kalifye, 

pou Old People’s Home ki pa 

kapab pran swen avek zot lekor e 

ki napa personn pou fer sa, i ava 

resevwar lozman e swen ki 

neseser. 

Mr Deputy Speaker pou 

laplipar parmi nou e mon krwar 

pour nou tou isi dan sa Lasanble 

lavi i bon. Nou annan fanmiy, 

nou annan lakour, nou annan en 

travay, bann parmi nou i annan 

zanfan, nou annan zanmi, nou 

fakilte mantal e entelektyel i a en 

bon nivo, nou lasante i oke. Nou 

kapab dir ki nou ansarz nou lavi. 

Nou lev dan en lakaz konfortab 

bomaten, nou annan dekwa pou 

manze, nou benny dan delo ki 

koul dan tiyo e nou sanz dan 

lenz prop. Nou annan en bi dan 

nou lavi e nou ranpli nou 

zournen dan en fason konvenab 

– parey mon’n dir lavi i bon. 

Kekfwa i pa fasil, souvannfwa i 

annan lanmertin ek latristes. I 

annan defwa nou tonm malad e 

nou bezwen sonnyen, ouswa nou 

fer en aksidan, maler parfwa i 

pase. Me kantmenm tousala i 

ariv nou, nou annan fanmiy ek 

zanmi ki siport e soulaz nou dan 

nou letan difisil. Bann dimoun 

ki zot lavi i deroul normalman 

parey nou, avek parey sanson 

John Wirtz i dir, son bon kote e 

osi son move kote, nou bann 

dimoun normal ki pe viv en lavi 

normal. Sa mosyon Mr Deputy 

Speaker pa konsern nou. 

Me malerezman lavi pa osi 

bon, ouswa fasil pou tou nou 

sitwayen. Parey dan tou sosyete 

i annan nou dimoun ki pou 

divers rezon in tonm lo kote. 

Parfwa se zot menm ki 

responsab, parfwa se lavi ki’n 

donn zot en move kart pou zot 

zwe. Ki swa rezon, i annan dan 

tou nou distrik, enn ouswa 2 

dimoun ki tousel, ki’n ganny 

rezete, ki pe viv lo franz lavi, ki 

annan en lavi marzinal, sa ki 

Angle i apel life on the edge, se 

pou sa bann dimoun ki mon’n 

anmenn sa mosyon ozordi. 

Nou sosyete in fer bokou 

pou fer ki bann dimoun ki 

vilnerab i ganny sekour, 

gouvernman in fer bokou e bann 

lenstitisyon saritab in osi fer 

bokou. Pou zanfan, en rezo lalwa 

sosyal, NCC, tribinal, school 

meal, eksetera in ganny met an 

plas pou fer sir ki zanfan pa 

ganny ni abandonnen par sa ki’n 

1

met zot omonn, ni abize par 

okenn dimoun. 

Pour sa ki ganny 

abandonnen kantmenm lalwa i 

fer prosedir pou adopsyon e pou 

foster care. Pou bann ki napa 

personn dan lavi, legliz katolik i 

propoz fwaye e atraver 

lasosiasyon SOS gouvernman in 

met en vilaz Prezidan a zot 

dispozisyon. Avek en tel 

kouvertir i pa posib isi Sesel pou 

nou dir ki nou annan zanfan ki 

dormi dan semen parey bann 

street children ki nou vwar dan 

lezot pei. Nou rann gras ki sa 

napa isi e mon profit sa moman 

pou remersye tou bann ki devoue 

zot letan pou okip sa bann 

dimoun. 

Pou bann vye dimoun 

menm fenomenn i egziste. Avek 

sistenm pansyon sekirite sosyal 

pour tou dimoun ki’n ariv 63an, 

home carer pou sa ki annan 

lakaz, old people’s home dan 

distrik pou sa bann ki napa lakaz 

me ki ankor kapab viv tousel e sa 

enn North East Point pou sa ki 

pa kapab, nou vyeyar i ganny 

proteze e viv dan otan dignite ki 

nou pei i kapab afford. 

Andikape fizik ki pa kapab 

reste kot zot e dimoun ki tro 

malad pou reste dan zot prop 

lakaz i ganny fasilite kot lopital 

North East Point. 

Andikape mantal ki bezwen 

ganny trete koman in-patient si i 

annan e dapre sa ki mon 

konpran pou annan dan lefitir 

en lopital sirkyatrik pou zot. 

Bann ki’n fail akoz zot komet 

lofans i ganny enkarsere dan 

prizon. 

Nou kapab dir Mr Deputy 

Speaker ki nou pei i annan en 

kouvertir sosyal ase byen devlope 

pou son bezwen e bezwen sa 

bann parmi nou popilasyon ki 

tonm dan enn sa bann sekter ki 

mon’n dekrir. Parkont i annan 

en kategori dimoun ki pas 

atraver bann mayon dan sa seri 

mezir ki servi koman en safety 

net. 

I annan sa msye ki annan 

apepre 35an, i napa fanmiy, in al 

lekol me son lespri pa tro, tro 

bon, i enpe retarde, i napa 

malady mantal ki fer ki i bezwen 

reste dan en lopital sirkyatrik, 

kekfwa i annan en pti andikap e i 

tonm bebelouka e i pa byen pou 

detrwa zour. Fon sekirite sosyal i 

donn li en lasistans dezabilite. 

Ler i byen, i fer en zournen kot 

en laboutik ouswa dan en lakour. 

I annan son prop pti lakaz, ler 

son maladi i leve, malerezman i 

dekontrole. I pa bennyen, i pa 

manze e i pa pran son latizann. 

Akoz son sitiasyon dimoun 

dan semen i sikann li ouswa i 

malkoz li. Sa i fer li fristre e 

parfwa i komet en lofans. I bat 

en dimoun ouswa i kraz en vit 

transpor e i ganny arete par 

lapolis. Ler i ganny son sekirite, 

i pa konn depanse e i fini depans 

sa dan enn de zour, apre sa i 

bezwen al rod lasarite, en lasyet 

manze, en bwat ton eksetera. I 

annan defwa i bwar e i 

dekontrole. Ler sa i arive i vin en 

nwizans e dimoun ki godnard li. 

Sa i fer li pli fristre e serk i rekomanse. 

Zabitan ki konn sa 

msye i dir ki ler i byen i en bon 

garson, me ler in bwar ouswa ler 

2

son fou in leve i en vre nwizans 

dan lasosyete. 

Tanzantan sa garson i 

ganny en led – en vwayzen i donn 

li en lasyet manze, ouswa detrwa 

lenz, gouvernman i ed li avek 

reparasyon son lakaz, tanzantan 

i fer en keksoz ki anmenn en lot 

dimoun bat li e anvoy li lopital 

pou detrwa zour. 

Nou annan la Mr Deputy 

Speaker legzanp en dimoun dan 

lamaz lasosyete. Ler i komet en 

lofans i ganny met dan kaso pou 

detrwa zour ziska ler i re-ganny 

kontrol. Ler son fou i leve i 

ganny met dan ward sirkyatrik 

pou detrwa zour. Ler i byen i 

reste kot li. Me menm ler i byen i 

pa kapab okip son prop lekor, i 

pa manz konvenableman, i pa 

benny ler i fodre, i napa dimoun 

pou lav e dres son lenz, alor i 

reste sal, i pa pran son pilil. 

Eski sa garson i devret 

reste dan en kominote kot 

dimoun i ignor li o minimanm e 

godnard li o maksimanm? Eski 

kominote i bezwen en tel dimoun 

dan zot milye kot ou pa konnen 

si i pou respe ou, ouswa si i pou 

komet en lofans lo ou, e lekel ki 

responsab pou li, kominote? 

Legliz? DA? MNA? 

Epi i annan sa lot zenn 

onm, i annan paran e i annan ser 

ek frer, i viv dan en bon lakaz kot 

i annan tou sa ki i bezwen, in al 

lekol. Son fanmiy in donn li tou 

sa ki zot in kapab me in tonm 

dan drog. Son manman i dir ki 

set en garson model ler i pa’n 

fimen, i travay byen e i devoue 

kot lakour. Me ler in fimen son 

fou i leve. Sa se en zistwar 

Doctor Jackyll and Mr Hyde. I vin 

telman vyolan ki ni son manman, 

ni son papa pa kapab apez li, i 

kraz salon, i kraz divider, i kraz 

tou sa ki sa fanmiy in bati dan 

en lavi a’n antye. Son paran i 

esey fer tou sa ki zot kapab, zot 

apel lapolis pou aret sa garson, 

zot in anvoy li Mont Royal, zot in 

fer mon Per, servis sosyal, tou 

sord lotorite koz avek li. Ler i fer 

vyolans i pas en zour dan kaso 

me apre i ganny large akoz swa i 

pa’n vreman komet okenn lofans 

akoz son latet pa bon, swa son 

fanmiy pa oule fer zafer. I pa fou 

alor ward sirkyatrik pa oule li, i 

pa sanz son lavi ditou e sa 

fanmiy i viv dan en kosmar 

toulezour, dan lafreyer ki sa 

volkan pou pete a nenport ki 

moman. Zot pa konnen kote zot 

pou tournen. 

Apre i annan sa zenn onm 

ki li i napa personn dan lavi. I ti 

reste avek en manman sonnyen 

me ler son manman sonnyen in 

mor in tonm dan lalkol. Personn 

pa oule anploy li e annefe i pa 

enterese pou li ganny anploye. I 

fouy dan bin e vann boutey 

plastik pou li ganny son lavi. 

Me okontrer sa bann lezot 

dimoun ki fer sa travay koman 

en ganny-pen, li i fer sa zis pou li 

bwar. An fouyan dan bin in 

realize ki souvann fwa i annan en 

bwat take away avek manze ki 

ankor ladan, alor sa zenn onm i 

servi bin koman son restoran e i 

manz restan lezot dimoun. I 

dormi anba lavarang laboutik 

ouswa dan en pti gento kek par. 

I pa bennyen, i pa sanz son lenz. 

In ariv Mr Deputy Speaker o pli 

ba ki i posib dan lasosyete. 

3

Mon’n donn sa 3 legzanp 

koman ilistrasyon sa problenm. 

Tou le 3 i baze lo dimoun ki 

egziste e mon sir ki nou tou nou 

rekonnet sa kategori dimoun dan 

nou distrik. Nou tou isi dan sa 

lasanble nou annan enn ouswa 

de sa dimoun dan nou landrwa e 

pourtan i pa ti devret annan. 

Personn pa devret Mr Deputy 

Speaker viv dan dezespwar lo 

lamaz lasosyete e personn dan 

lasosyete pa devret bezwen pe viv 

avek fardo sa bann tel dimoun. 

Nou en lasosyete devlope 

avek en lenfrastriktir debaz lo en 

bon nivo, nou annan le mwayen 

pou anmas sa ki pli vilnerab me 

nou sosyete pa’n pran an kont sa 

kategori dimoun ki mon’n fek 

dekrir. Zot en kategori apar, zot 

pa ase fou pou al Lazil, lofans ki 

zot komet pa ase enportan pou 

zot al prizon, zot pa ase vye pou 

zot al dan Old People’s Home e 

zot pa ase byen pou zot viv tousel 

ouswa dan en fanmiy normal. 

Me zot la e nou angaz nou avek 

zot toulezour. Nou donn en R25 

a sa garson ki tonm bebelouka, 

nou dir avek sa enn ki pe fouy 

dan bin, ‘e ou la aret fouy dan sa 

bin don’. 

Nou asiz avek sa manman 

ki son garson in fou avek drog e 

nou pran par dan son soufrans. 

Tanzantan nou al enpe pli lwen, 

nou ekrir departman sosyal pou 

met sa ka devan zot oubyen nou 

anmenn enpe lenz prop pour sa 

dimoun. Nou menm pran enpe 

son larzan sekirite tanzantan e 

aranz li avek en take away, pou 

donn li en bwat toulezour pou ki 

omwen i a ganny en repa 

apropriye par zour. Lapolis a 

son tour i ede, zot anferm sa 

bann dimoun ler en lofans in 

ganny komet e gard zot pou 

detrwa zour pou apez enpe 

tansyon e les sa dimoun retrouv 

son leta normal. Lopital osi 

parfwa i met sa dimoun lo 

tretman ler son fou i leve me to 

ou tar sa bann dimoun i bezwen 

ganny large e serk visye i rekomanse. 

Vwazen i agase, touris 

i konplent ki zot vwar dimoun pe 

fouy dan bin, sa manman i 

retrouv li dan la terer e sa 

dimoun i retourn fer parey i 

abitye. Limaz Mr Deputy 

Speaker e larealite pa bon. 

Mon mosyon pe rod en 

solisyon pou problenm ki bann 

dimoun ki mon’n fek dekrir i 

poze. I annan plizyer solisyon 

anvizazab me i annan de solisyon 

ki pa solisyon. Avoid sa size e dir 

ki sa i ariv dan tou pei e isi Sesel 

omwen nou pa vwar li bokou 

ouswa i pli pir dan bann pei 

parey Lanmerik ek Langleter. 

Menm si sa i vre i pa en solisyon. 

I annan en problenm ki egziste e 

menm si i en pti problenm lo nivo 

mondyal i enn ki nou sosyete i 

devret aborde e rezourd parey 

nou’n fer avek bokou lezot. 

Solisyon tanporer osi i pa 

en solisyon. Nou’n seye e i pa’n 

marse. I pa en solisyon pou les 

en dimoun fer en lofans e apre 

aret li e les lotorite deal avek li. 

Parey sanson i dir, en zour i a 

sorti e problenm pou rekomans 

ankor. Menm zafer avek ward 

sirkyatrik. Ler sa dimoun in 

refer o ganny large e souvannfwa 

i rekomans son problenm. 

Sa ki mon pe demann sa 

Lasanble pou aprouve se fer fas a 

4

sa problenm e trouv en solisyon 

permanan. Parey bokou sosyete 

dan lemonn Sesel in rod fason 

pou ki dimoun rezete i ganny 

okipe. Depi lontan nou dimoun 

in adopte en sistenm foster care 

pou zanfan e bokou zanfan in 

grandi dan bann fwaye ere e stab 

avek sa ki nou apel en manman 

sonnyen. Koman noter, mon 

souvann fwa ganny demande par 

en madan pou fer en testaman e 

les en keksoz – en bout later 

paregzanp pou son piti sonnyen. 

Parfwa si en dimoun ki vin fer en 

lavant later e donn lazouisans 

son manman sonnyen. Sa bann 

keksoz set en temwayaz a sikse 

en sistenm ki’n ganny met an 

plas par nou sosyete pou rezourd 

nou problenm. En home grown 

solution parey nou kapab dir. E 

sa se meyer solisyon posib dan 

en pei. Se pou sa rezon ki okenn 

progranm sosyal ki vize ver 

proteksyon ouswa amelyorasyon 

lavi en dimoun i merit otan ki 

posib ganny fer par fanmiy 

limenm. 

Rol gouvernman se pou 

met striktir an plas me les 

lafanmiy okip zot prop dimoun. 

Lafanmiy i pli devoue e dimoun i 

pli alez dan en lanvironnman ki 

zot abitye avek. Nou’n ganny en 

legzanp sa fenomenn, pa tro 

lontan pase ler sistenm home 

carers ti ganny reformen e kot 

gouvernman in bezwen retourn lo 

son desizyon pou pa pey en 

manm lafanmiy pou okip en lot 

manm menm fanmiy koman 

home carer. 

Mon’n fer sa parantez Mr 

Deputy Speaker pou eksplike ki 

malgre ki nou ti ava kapab 

anvizaz en solisyon kot en manm 

fanmiy, enn sa bann dimoun ki 

sa mosyon pe koz lo la i ava 

ganny lasistans gouvernman pou 

pran swen avek zot dimoun 

ouswa kot en foster parent, 

oubyen en home carer i ava 

ganny peye pou fer li, sa pa pou 

marse dan tou ka. Si sa bann 

dimoun in ariv dan sitiasyon kot 

zot ladan, se presizeman akoz 

manm zot fanimy pa oule ouswa 

pa kapab deal avek zot ouswa zot 

napa en manm lafanmiy. Pou 

trouv en solisyon nou bezwen 

alor regard an deor lafanmiy. 

Mon mosyon i koz lo en 

lenstitisyon. Permet mwan pou 

dir o komansman ki mwan mon 

pa en gran gran fan lenstitisyon. 

Otan ki posib mon krwar dan en 

solisyon kot lafanmiy i annan 

premye devwar pou okip son 

dimoun. Me ler napa lot solisyon 

gouvernman i bezwen step in e 

pran son responsabilite. Mon’n 

reflesir bokou lo bann lezot 

solisyon posib, paregzanp en 

NGO ouswa en legliz ti ava kapab 

etablir en landrwa kot bann ki 

napa manze ti ava kapab vin 

pran en repa, en soup kitchen 

parey nou vwar dan diferan pei. 

Me mon pa krwar ki sa i en 

solisyon. 

Premyermman i ti pou ed 

sa detrwa dimoun ki viv dan 

zanmerant lavil me parey mon’n 

dir sa bann kalite dimoun ki 

bezwen latansyon i eparpiye dan 

tou nou bann distrik e i napa 

bokou zot. Alor en landrwa 

santral pa pou ed tou sa ki 

bezwen e enn dan sak distrik pa 

5

fer sans akoz napa ase sa bann 

dimoun. 

En tel fasilite i fer sans dan 

en gran lavil kot i annan bokou 

san-z-abri me pa dan en pti pei 

kot napa bokou e tou manyer en 

tel linisyativ pa ti pou reponn a 

bann lezot bezwen parey swen e 

landrwa dormi. 

Nou ti a kapab anvizaz en 

travayer sosyal dan sak distrik 

pou okip sa detrwa dimoun me 

kou en tel linisyativ ti pou 

proibitif e tou manyer sa piti ki 

fou ler i fimen pa ti pou kapab 

ganny deal avek dan en tel fason. 

Mon’n vire tournen Mr Deputy 

Speaker me mon pa vwar okenn 

lot solisyon ki en lenstitisyon, 

enpe parey Old People’s Home 

North East Point pou sa bann 

dimoun ki bezwen latansyon swa 

an permanans swa tanzantan. 

Mon anvizaz en home avek 

son direkter, son ners e son bann 

asistan. Mon vwar sa koman en 

landrwa parey Sant Mont Royal 

ki ganny finanse par fon sekirite 

sosyal. Dimoun a kapab ganny 

admet dan sa home swa par zot 

prop linisyativ, swa linisyativ par 

travayer sosyal dan distrik, zot 

paran eksetera. Ler en dimoun i 

ganny admet dan sa home i pou 

konnen ki i pou ganny 3 repa par 

zour, ki sa miss pou asire ki i 

bennyen e ki i met en lenz prop e 

pli enportan ki i pran son 

latizann dan fason ki i fodre e 

kan ki i fodre pran. 

Sa dimoun nwizans ek sa 

dimoun homeless ki fouy dan bin 

pou retrouv en dignite dan zot 

menm, lasosyete pou santi li pli 

byen akoz son sitwayen pa pou 

ganny les en kote. Sa home i ava 

osi trouv en lanplwa pou sa ki 

kapab travay e fer zot re-vin 

prodiktiv. Fodre pa ki sa home i 

vin en prizon ouswa en kazern, 

fodre ki i reste en home. 

Me i annan en lot kategori 

dimoun ki fodre nou pa obliye – 

sa se sa dimoun ki normal me ki 

tanzantan i dekontrole. Li i pa 

kapab reste dan kaso e 

deplizanpli spesyalis sirkyatrik 

pa oule pran sa bann dimoun 

koman en inpatient. Me sa 

dimoun i bezwen ganny met dan 

en landrwa pou son sekirite ek 

sekirite son fanmiy e lasosyete 

pou detrwa zour ler son fou i 

leve. 

Mon anvizaz en parti sa 

home pou deal avek sa kategori 

dimoun. Tel parey fanmiy en 

dimoun ki vreman annan maladi 

mantal i kapab demann en ziz 

pou fer lord pou admit sa manm 

zot fanmiy kot lopital sirkyatrik, 

menm prosedir i kapab ganny 

anvizaze pour sa bann dimoun ki 

akoz zot overdose oubyen zot 

mank zot dose zot pe kontrole. 

Sa kategori dimoun zot osi pou 

ganny swen ki zot bezwen me zot 

pou reste dan en landrwa ki an 

sekirite, kot zot pa kapab sorti 

ziska ler zot in retourn normal. 

Mon rekonnet kantmenm 

ki pou sa kategori dimoun ki 

drog i tourn zot latet ki menm en 

home i en solisyon tanporer akoz 

ler zot byen, zot normal e zot 

retourn dan lasosyete kot zot 

lakour. Si mon’n propoz ki zot 

osi zot ganny pran an kont dan 

en tel lenstitisyon se pou donn 

lespwar sa bann paran ki napa 

6

landrwa pou anvoy zot zanfan ler 

zot zanfan i vin vyolan. Mon pa 

krwar ki ni kord gard, ni ward 

lopital i apropriye. A’n atandan 

ki en lenstitisyon i ganny kree 

pou zot prop bezwen sel 

alternativ se sa home ki mon pe 

propoze. 

Avek en tel lenstitisyon Mr 

Deputy Speaker mon krwar ki 

nou kouvertir sosyal pou ganny 

ankor en pwen. Mon konnen ki 

mon pa tousel dan sa panse, 

mon’n koz avek bokou travayer 

sosyal e relizye pou esey rezourd 

sa bann problenm ki nou fer fas 

avek. Mon’n ekout bokou paran 

e diskit avek zot lo sa ki zot ti 

pou kontan vwar pou ed zot. Tou 

sa bann dimoun i dakor ki i 

annan en mank mekanism pou 

deal avek sa kategori dimoun ki 

nou pe koz lo la e ki bann 

lenstitisyon ki egziste pa bann ki 

apropriye pou servi. 

Mon lapel ozordi a nou 

Lasanble se pou siport demars e 

anvoy sa lide kot gouvernman 

pou son letid e mon espere pou 

son lenplimantasyon. Mersi Mr 

Deputy Speaker. 


Okenn ki segonn mosyon? Ou ti 

a kontan fer lentervansyon? 

Proceed Onorab Potter. 

HON MARIE-LOUISE POTTER 

Mr Deputy Speaker byen ki nou 

konpran lespri sa mosyon e nou 

konpran bon lentansyon Onorab 

Georges. Byen ki nou konpran 

konsern ki’n ganny souleve, 

bann legzanp ki’n ganny donnen 

e bann ilistrasyon ki’n ganny fer. 

Byen ki nou senpatiz avek bann 

viktim sa sitiasyon e nou 

senpatiz avek bann fanmiy ki 

ozordi vwar zot fas a sa sitiasyon. 

Byen ki nou senpatiz avek nou 

bann MNAs, nou tou ki la nou 

annan enn ou de sa bann 

sitiasyon dan nou distrik ki 

souvann fwa zot vin 

rod led devan nou laport. Byen 

ki nou ti a swete nou osi annan 

en solisyon en pti pe ideal ki 

petet pli vit ki posib. 

Malerezman tou pa sitan 

fasil Mr Deputy Speaker. Nou pa 

partaz lopinyon ki en lot 

lenstitisyon, mon dir en lot 

lenstitisyon finanse par leta, 

konstrir par leta, e manage, e 

mentenir par leta tousel pou en 

solisyon dirab pou sa problenm. 

Nou pa partaz sa lopinyon apre 

ki nou’n konsilte, nou’n rod 

konsey bann profesyonnel dan sa 

domenn e nou’n osi rod konsey e 

pozisyon minister zafer sosyal lo 

sa size. 

Mr Deputy Speaker ki 

bann profesyonnel dan sa 

domenn i dir nou? Premyerman 

bann profesyonnel i dir nou ki 

tandans modern ozordi se pou 

dekouraz enstitisyonalizasyon sa 

problenm. Dekouraz li akoz dan 

bann pei kot zot in esey al dan sa 

direksyon zot in plito agrav sa 

problenm. Agrav li dan ki fason? 

Zot in kree en landrwa ki 

finalman in vin, mon regrete pou 

servi sa term en dumping site 

pou sa bann kategori dimoun ki 

nou pe koz lo la e sa dan limenm 

i dehumanize sa problenm ki nou 

oule adrese. 

Bann profesyonnel i dir 

nou osi ki enstitisyonalizasyon sa 

problenm i pou ankouraz, annan 

7

plis sa bann ka akoz i pou 

ankouraz bann fanmiy pa pran 

zot responsabilite viz-a-vi zot 

bann pros e dan en serten fason 

pou ankouraz labi. Me pli 

enportan zot santi ki 

enstitisyonalizasyon sa problenm 

pou tir nou lo laspe pli enportan, 

adres en problenm parey e sa se 

son laspe prevansyon. Sosyete 

pou give up de-o-debit, de-okomansman 

pou etablir bann 

progranm pou anpese ki sa bann 

frer ek ser imen i tonm dan sa 

sitiasyon. Fanmiy pou pas sa 

problenm antyerman lo ledo 

gouvernman ouswa sa 

lenstitisyon. Nou pou end up 

avek menm sitiasyon ki nou 

gannyen ler nou kree bann 

lenstitisyon parey nou konn tre 

byen. 

Mon krwar ki nou tou nou 

konnen ki ler ou kree en 

lenstitisyon parey ou pou osi pe 

kree demann e ou pou menm pe 

kree demann ki pa neseserman 

reflekte bann kriter ki Onorab 

Georges in koz lo la. 

Mr Deputy Speaker nou 

pou pe fail koman en sosyete dan 

nou resposanbilite koman 

parlman pou responsabiliz nou 

sosyete, nou kominote, nou bann 

fanmiy fas a sa bann dimoun 

parey. E ler koman en sosyete, 

koman en kominote, koman en 

fanmiy nou give up lo enn nou 

pros, nou annan en problenm. 

Mr Deputy Speaker Onorab 

Georges in dir nou, mon konnen 

tre senserman ki sosyete in fer 

en kantite dan sa direksyon e 

limenm li i rekonnet sa. Wi, 

nou’n fer en kantite, nou’n kree 

en kantite schemes, nou’n kree 

en kantite lenstitisyon ki’n kout 

en kantite pa zis pou konstrir, 

pou mentenir, pou anbelir e pou 

fer sir ki i marse. 

Me ki nou’n vwar? Annou 

pran tou sa bann lenstitisyon 

enn par enn. Ler nou ti kree li 

nou ti dir - napa bokou zot sa 

bann dimoun, i annan enn de 

dan sak distrik, annou dir ki sa 

bann ka ki Onorab Georges in dir 

nou i annan enn de dan sak 

distrik, ki fer 25 fwa 2 ki fer 50 

dimoun. Demen nou al kree en 

lenstitisyon parey nou pou 

annan nou 50 dimoun dan en 

lenstitisyon e nou pou annan 

nou en waiting list 150 mil – 

petet mon enpe egzazere me 150 

e sa waiting list pou kontinyen 

ogmante, ogmante e ki pou arive, 

nou tou nou pou fer sa ki nou 

konnen politisyen i fer byen e tre 

byen se pass the buck. 

Mr Deputy Speaker lo sa 

size, bann profesyonnel dan sa 

domenn in dir mwan dir Onorab 

Georges the buck must stop here. 

Kot sak fanmiy, kot sak 

kominote, kot bann dimoun ki 

bezwen osi donn en koudmen 

pou anpese ki sa zenn onm i 

tonm dan sa sitiasyon, anpese ki 

sa zenn onm i viv lo semen. E se 

sa ki mon krwar ki nou devret 

met tou nou lenerzi lo la, se sa ki 

nou devret met bann progranm 

vize ver. 

Yer nou’n fer lenstitisyon 

pou bann home for the elderly, 

bann dimoun - yer nou’n fer en 

lenstitisyon pou bann ki’n ganny 

entoksike avek drog avek lalkol, 

yer nou’n fer en lentitisyon pou 

bann orfelina. Mr Deputy 

8

Speaker si ozordi nou pe dir 

annou fer en lot lenstitisyon pou 

sa lot kategori dimoun ki pa ni 

enfirm, ki pa fou, ki pa malad, ki 

pa disabled, ki demi fou me i pa 

fou. Demen nou pou vin la dan 

Lasanble e nou pou dir, i annan 

en problenm prostitisyon annou 

kree en lenstitisyon pou bann 

prostitye. Apre-d-men nou pou 

vini nou annan en problenm 

bann dimoun ebete, annou kree 

en lenstitisyon pou bann dimoun 

ebete. Mr Deputy Speaker mon 

regrete pou dir ki lo sa size mon 

prefere swiv konsey bann sikolog, 

bann profesyonnel ki’n advise 

nou lo sa direksyon. 

Mr Deputy Speaker nou osi 

pa partaz sa lopinyon baze lo 

konsey ki minister responsab 

pou sosyal in donn nou. Ki 

minister responsab pou sosyal i 

dir? Ki konsey zot dir nou? 

Minister sosyal i dir nou 

premyermman ozordi minister e 

gouvernman pa dan en pozisyon 

finansyel lo en pwennvi kou pou 

nou al envestir dan en nouvo 

lenstitisyon e menm si nou ti pou 

annan sa ta larzan pou envestir 

dan sa lenstitisyon nou napa 

garanti ki nou pou annan sa 

lekip resours imen ki pou kapab 

antretenir en tel lenstitisyon. Si i 

difisil e enposib pou en fanmiy 

deal avek en ka ki i annan ou en 

kominote deIal avek 2 ka ki i 

annan, kimanyer nou pou 

espekte ki kalite profesyonnel, ki 

kalite mendev ki nou pou al rode 

pou met dan sa lenstitisyon pou 

fer li marse. 

Mr Deputy Speaker 

minister sosyal i les nou konpran 

ki already nou annan en kantite 

problenm pou nou soutenir bann 

servis ki nou pe donnen dan 

bann lenstitisyon egzistan. Home 

for the elderly North East Point, 

Minis in vini 2 semenn pase in 

dir nou i kout gouvernman R1 

milyon par mwan pou mentenir. 

Sa san kont lezot homes ki 

annan dan bann distrik, e dan 

bann rezyon, san kont lezot 

lenstitisyon parey Mont Royal, 

parey Les Canelles ki pou le 

moman zot pe ganny pran swen 

North East Point, parey Rehab, 

parey lopital North East Point 

limenm tou sa bann lenstitisyon 

ki nou’n sey etablir pou adres en 

problenm sosyal spesifik. 


minister sosyal i konsey nou e i 

dir nou ki ozordi sa ki zot zot 

konsevwar koman en solisyon pli 

dirab se re-entegrasyon, se met 

anplas bann progranm sipor lo 

nivo distrik, lo nivo kominote, lo 

nivo fanmiy pou re-entegre nou 

bann frer ek ser ki’n tonm 

dekote. Ranforsi bann servis 

after care ki Psychiatric ward i 

donnen. Ranforsi servis, elarzi 

servis ki Mont Royal i donnen, 

elarzi servis ki fitir lopital, sant 

mantal Les Canelles pou donnen 

e mon’n ganny fer konpran ki 

plan pou nouvo lopital Les 

Canelles pou osi enkli en 

additional wing ki pou zisteman 

target bann ka enpe pli acute, pa 

bann dimoun ki fou net me 

selman bann ka ki vreman 

medikalman bann sikolog, bann 

dokter i dir, wi, sa enn la nou’n 

donn li tretman 1 semenn dan 

lopital me si nou larg li 

probableman si i mank enn sa 

9

pilil, si i neglize lo son after care, 

son follow up treatment i pou vin 

pli fou. Sa i a selman ganny fer 

baze lo konsey strikteman 

medikal akoz si nou al ouver sa 

laport nou tou la mon krwar – 

omwen mon krwar dan sak 

fanmiy oubyen dan sak extended 

family nou annan enn sa bann 

dimoun ki nou osi nou pou met 

lo sa lalis pou anvoy laba. 


krwar ki tou resaman parey zot 

in tande sa size, bann problenm 

ki vin bann konsekans direk, 

bann abi drog, abi lalkol, bann 

problenm sosyal ki nou vwar pe 

ogmante dan bann distrik, nou’n 

swiv, in vin size, in konsern, in 

ganny souleve dan bann meeting 

konsiltativ ki Prezidan in fer avek 

son gouvernman dan tou bann 

distrik. E mon krwar pou mwan 

in en lokazyon pou gouvernman 

e Prezidan edik, pas en mesaz 

resposanbilite, pas en mesaz care 

avek nou bann dimoun e pas en 

mesaz avek nou pep ki i annan 

en limit lo sa ki gouvernman i 

kapab fer. Napa limit lo sa ki 

gouvernman ti a kontan fer 

oubyen i anvi fer, napa limit lo 

nesesite ede, napa limit lo 

nesesite rezourd tou problenm. 

Nou krwar ladan koman bann 

politisyen me i annan en limit 

malerezman lo posiblite ki 

gouvernman i annan pou li 

kapab adres tou bann problenm 

sosyal e sirtou bann problenm ki 

pe anplifye avek sa fleo drog. E 

mon realize, Onorab Georges 

koman en avoka i vwar sa bann 

problenm, i viv sa bann problenm 

e mon konnen i senser sirtou ler 

kot i konsern distrik ki in ganny 

elekte ladan. Me malerezman 

nou pou bezwen adres sa 

problenm dan son fason en pti pe 

pli obzektiv, nou pou bezwen 

ansanm, e nou pa kapab divize lo 

la, ed nou pep, ed nou bann 

fanmiy, met anplas bann 

progranm sipor, donn bann led 

profesyonnel, kominote i bezwen 

involve ladan. Nou pa kapab sot 

laba e dir nou anvoy sa kot 

gouvernman akoz gouvernman se 

nou. Sa larzan ki gouvernman 

pou al invest ladan probableman 

nou pou bezwen prete, sa larzan 

ki nou pou bezwen maintain sa 

lenstitisyon nou menm nou ki 

pou vin la dan sa Lasanble e nou 

menm nou ki pou vot kont sa 

bidze pou al laba, nou menm nou 

ki pou vin la nou poudir la la ki 

pe arive avek sa lenstitisyon, oli 

ners, akoz ners pe kite, pey ners 

plis, pey gardyen, pey lot, pey 

sekirite. Nou pou pe agrav sa 

problenm olye donn li en solisyon 

dirab e en solisyon pli imen. 

Mr Deputy Speaker dan 

high level forum ki nou’n fer 

deryenmman, sa size osi in vin 

en topik diskisyon e kot Prezidan 

ti eksprim son konsern e mwan 

osi mon’n pas konsern bann 

MNAs avek Prezidan akoz nou 

tou nou partaz e nou viv sa ki 

Onorab Georges e tou bann MNA 

lopozisyon e ki afekte tou bann 

MNA lot kote latab. Sa i pa en 

problenm en kote ou en lot kote, 

i en problenm tou le de kote. Se 

pou sa rezon ki Prezidan in 

demann minister zafer sosyal 

ansanm avek minister 

devlopman kominoter pou adres 

sa size dan en fason en pti pe pli 

10

agresiv e mon kontan pou anons 

ek lasanble ki semenn prosenn, 

tre byento pou annan lansman – 

Onorab De Commarmond i dir 

mwan demen, pou annan 

lansman en seri task force dan 

tou distrik ki i ava konpri tou 

bann partener konsernen ki pou 

ganny met an plas pou zisteman 

donn sa sipor sa fanmiy, donn sa 

sipor sa viktim, donn sa sipor 

kominote kot nou tou nou ava 

kapab zwe nou rol, nou a kapab 

zwe nou pti bout e mon asire ki 

sakenn de nou i fer nou pti bout 

nou pou vwar en laklerte dan sa 

direksyon, rezourd sa problenm 

apard kree en lot lenstitisyon, en 

lot batiman, en lot 

ladministrasyon pour nou 

rezourd en vye problenm me ki 

malerezman nou pe vwar ki i pe 

agrave. 

E la mon a osi profit sa 

lokazyon pou mwan dir ki 

gouvernman e byensir Prezidan 

Michel nou pe komans vwar en 

pe laklerte, enpe lespwar, mon a 

dir lespwar dan nou lalit viz-a-vi 

drog Sesel. Nou’n koz bokou 

akoz mon krwar at the back of 

tou sa bann problenm nou pou 

vwar en sel keksoz drog. Se pou 

sa rezon depi ler nou’n dan sa 

Lasanble nou’n koz for lo drog, 

nou’n pran bann mezir ki pa 

popiler. Nou’n etablir NDEA nou 

ti divize lo letablisman NDEA, 

nou’n tann en ta kritik lo NDEA, 

nou’n tann Irish bashing kot 

NDEA i konsernen me nou’n tenir 

for. Nou’n tenir for e nou pe 

vwar rezilta ki NDEA pe 

anmennen dan sa lalit kont drog 

e ki a labaz sa bann problenm ki 

nou vwar pe agrave dan tou nou 

distrik. 

Mr Deputy Speaker an 

konklizyon mon a dir ki priyorite 

minister responsab pou sosyal se 

premyermman pou konsolid e 

enplimant bann nouvo progranm 

sipor dan bann distrik, dan bann 

kominote, dan bann fanmiy. 

Dezyenmman pou konsolid 

bann lenstitisyon ki deza an 

egzistans. Nou pa kapab al kree 

en nouvo lenstitisyon kan nou 

deza annan problenm pou 

soutenir bann lenstitisyon ki nou 

menm nou nou deza kree. 

Trwazyenmman, e la mon a 

remersye Onorab Georges ki’n 

anmenn sa problenm a latansyon 

sosyete - konsyantiz nou pep. 

Annou fer en ledikasyon nou pep 

lo sa problenm, annou nou tou 

anmenn en crusade personnel e 

ki i ava vin en crusade nasyonal 

pou nou angaz nou pep pou fer 

fas e pou nou rod en solisyon 

dirab, en solisyon responsab, en 

solisyon ki pa pou kree en lot 

problenm fas a sa sitiasyon ki 

nou pe debat. 

Alor lo sa not pou konklir 

mon regrete ki malgre nou 

konpran lentansyon nob e senser 

sirtou sorti kot Onorab Georges, 

nou pa pou kapab aprouv sa 

mosyon ki pe demann 

gouvernman pou al kree en lot 

lenstitisyon, pou al envestir dan 

en lot lenstitisyon sirtou dan sa 

sitiasyon kot nou pe koz lo 

responsabiliz nou pep, nou pe 

koz lo reform, nou pe koz lo 

sakrifis, nou pe koz lo problenm 

ekonomik, nou pe koz lo koupir 

bidze, nou pe koz lo IMF. 

11

Mr Deputy Speaker pour 

sa bann rezon nou pa pou kapab 

siport sa mosyon. Mersi bokou. 

HON GERVAIS HENRIE 

Bonzour tou-l-monn. Mr Deputy 

i annan enpe letan pase, en zour 

swar mon sorti regard en film kot 

Deepam Cinema e mon pe monte 

Castor Road ver 11er diswar mon 

vwar en tantin pe asize kot Kris e 

sa tantin i kriy mwan, e i 

demann mwan si mon annan 

sigaret. Zantiman mon reponn 

mon dir li non mon pa fimen, 

ekskiz mwan, me i zour mwan. 

Mon’n zis riye e mon’n ale. 

Me sa sitiasyon in fatig 

mwan en pti pe. Akoz mon dir be 

sa tantin 11er ekek diswar ki i pe 

fer la lo semen, i kapab ganny 

atake, i tre vilnerab. E eski dan 

Sesel sa ler i annan en tantin ki 

napa en lakour pou li antre, 

ouswa napa zanfan pou okipe. E 

apre letan ou reste dan visinite 

lavil ou vwar en kantite sa bann 

sitiasyon kot aswar ou pas kot 

Maison La Rosière ou vwar en 

boug pe tal en pti sifon avek en 

zorye pou li dormi devan laport 

H.Savy Insurance e i komans fer 

ou demann ou lekor kestyon kote 

ki nou’n al mal. 

Dan letan ki mon’n travay 

SBC, ou al travay granmaten, 5er 

bomaten ou lo semen e ou vwar 

bann dimoun pe dormi partou lo 

bann latab ki vann bingo anba 

Camion Hall e ankor sa in en size 

ki’n preokip mwan en pti pe. 

Letan ki mon’n antre dan 

politik parfwa i annan dimoun, i 

annan fanmiy paregzanp dan 

distrik Larivyer Anglez i annan 

dimoun ki’n apros mwan, ki’n 

akont mwan bann sitiasyon 

egzakteman parey Onorab 

Georges in dekrir kot i annan 

bann fanmiy ki malgre zot oule 

pran swen avek me selman akoz 

kekfwa zot vin vyolan parfwa e 

malgre fanmiy i konsyan ki zot 

bezwen annan sa responsabilite 

zot anvi take care of their own me 

zot napa kapasite pou fer li e zot 

pa konnen ki zot pou fer. 

Ou voyaze ou al dan bann 

lezot pei aletranze ou vwar sa 

bann sitiasyon, bann sans-abri e 

premye lenpresyon ki kree se ki 

vwala i annan en pei ki pa pe 

pran swen avek son bann 

dimoun, en gouvernman ki pa 

care, ki napa konpasyon e parfwa 

i afekte menm ou sezour pou 

reste dan sa pei akoz ou ganny 

harass avek sa bann dimoun. 

Sesel i pa byen pour nou 

annan bann sitiasyon parey akoz 

souvanfwa nou’n tann dir poudir 

zonm i osant devlopman dan 

Sesel, nou bann dimoun pa pou 

ganny kit deryer e sa mosyon 

napa nanryen kontrovers avek e 

pour mwan si mon etidye li byen 

mon vwar i en mosyon tre imen e 

pe demann nou pou annan 

konpasyon pou bann zisteman ki 

pe ganny kit deryer parske nou 

pe pas atraver en sanzman rapid 

dan nou sosyete, reform 

ekonomik gouvernman i pli 

konsernen avek, bann sanzman 

dan kad legal, son….. 

(Technical Problem) 

E nou koman en sosyete sirtou 

bann MNA ki’n ganny elekte 

direkteman ki annan en 

12

esponsabilite pour deal avek 

bann sitiasyon, bann dimoun 

dan zot distrik i bezwen anvoy en 

mesaz for e kler kot gouvernman. 

E mwan anfet sa sitiasyon i en 

keksoz ki mon’n diskit bokou 

avek bann dimoun e mon ava 

admet pou dir lopinyon sosyete i 

enpe divize lo sa sitiasyon. Akoz? 

Lo en kote i annan dimoun ki dir 

ou i bon akoz si zanmen en 

lenstitisyon parey i ganny kree 

nou pou vwar pou dir zisteman i 

annan dimoun pa ganny kit 

deryer, nou anpese ki Viktorya i 

annan dimoun pe manz dan bin, 

pe dormi partou, konmsi i ava 

ede netway en pti pe limaz nou 

pei e sirtou nou nou en pei ki 

nou tre fyer avek fason ki lemonn 

i regard nou, en pei touristik. I 

enportan ki napa sa bann 

nwizans, sekirite piblik i an 

menas letan ou vwar en boug pe 

malad nerf kot supermarket SMB 

e entel lenstitisyon ti ava ede met 

enn pti pe lord dan sa sitiasyon. 

Me lo lot kote zisteman 

enpe parey bann menm largiman 

ki Onorab Potter in avanse i 

annan dimoun ki dir ou non, i pa 

normal ki en group dimoun i vin 

depandan lo leta ouswa ki 

gouvernman i envestir sa kalite 

kapital dan bann tel proze e i 

responsabilite lafanmiy pou pran 

swen avek lezot. Me mon pa 

krwar i normal pour nou zis 

dismiss, rezet en tel lide, en 

propozisyon tre valab ki nesesit 

diskite e vwar bann diferan 

opsyon ki nou kapab konsidere 

pou etablir en tel lenstitisyon. 

Nou’n admet poudir wi i 

annan bann kouvertir sosyal ase 

eleve Sesel me i pa al ase lwen, e 

vwala kot si nou ti pran enpe plis 

letan pou diskit sa lide e nou ti 

kapab vwar kwa ki nou ti kapab 

etablir fas a kontrent ki nou 

annan, kontrent finansyel, 

kontrent resours imen, nou 

konsyan sa me nou pe dir poudir 

annou pa dismiss sa lide. annou 

konisder kwa ki nou kapab fer. I 

pou byen, demen i kapab enn 

nou fanmiy, i kapab enn nou 

vwazen, i kapab en dimoun ki’n 

vot pour nou ki nou ti ava 

kontan konnen ki i annan en 

landrwa ki i kapab ale ki i ganny 

en landrwa pou li kapab dormi, 

en landrwa pour li bennyen, 

manze pour li manze, lenz prop 

pour li mete. I bann keksoz 

debaz, i pa bann gran gran 

keksoz gran dyoz ki nou pe 

demande. Apre tou konstitisyon 

pei i fer provizyon ki nou bann 

sitwayen i annan drwa lozman, i 

annan drwa pour li viv dan en 

lanvironnman ki sen e sof. Drwa 

dignite tre enportan Mr Deputy e 

osi swen lasante. Sa i bann 

keksoz ki nou konstitisyon i fer 

provizyon. 

E parey mon’n dir avek sa 

bann sanzman ki pe arive dan 

nou sosyete nou menm nou’n 

vwar sitiasyon drog, i annan 

bann keksoz ki malgre nou 

konsyan me nou pa kapab 

anpese e letan nou pa kapab 

anpese sitiasyon i pe deborde 

somehow we have to do 

something, we have to start 

somewhere. E pou mwan sa ki i 

atriste mwan en pti pe pozisyon 

ki mon’n vwar Onorab Potter 

pran. Parski letan nou dir 

gouvernman fer en lenfrastriktir, 

oke gouvernman i ava fer me 

13

anmenmtan parey mon pe dir 

annou pa dismiss sa lide, annou 

diskit bann diferan posibilite ki 

kapab ganny konsidere. I annan 

diferan model, bann NGO i kapab 

ede, legliz i kapab ede, bann 

mouvman volonter, la yer swar 

mon’n vwar in kree mouvman 

volonter pour zwe de zil, sa osi 

tou i kapab ganny konsidere 

pour ede, donasyon i kapab antre 

pou ede avek bann lenstitisyon 

parey, Vwar ki Rotary Club in fer, 

in fer en hospice. Alors sa i bann 

keksoz ki nou kapab konsidere. 

E zis pou nou dir konpran 

bon lentansyon senpatiz avek 

bann fanmiy ou endividi ki dan 

sa sitiasyon i pa ase, nou merit 

fer en keksoz. Parski si 

gouvernman par egzanp in fer 

elderly home, dan elderly home i 

pa en dumping site li osi pou 

konsider li koumsa akoz fanmiy 

osi ti merit pran swen avek son 

bann dimoun aze e si 

gouvernman i santi poudir i pe 

depans R1 milyon par mwan, be 

annou revwar son model 

management. Dan bokou pei kot 

bann dimoun i swazir pou al dan 

elderly home, ki zot fer, zot lwe 

zot lakaz ki zot deza annan or 

vann e servi sa larzan pou 

kontribye kot zot pe reste. 

Tousala i bann keksoz ki nou 

koman en sosyete nou merit 

kapab konsidere e nou pa merit 

zis pran en latitid let nou bann 

dimoun down. 

E nou’n vwar poudir dan 

en sosyete letan i devlope ou 

annan en kantite problenm ki ou 

bezwen fer fas avek e parey 

mon’n dir nou pou bezwen, 

kontan pa kontan me rod 

mwayen pou nou envestir dan 

bann keksoz. 

Nou vwar i annan pei par 

egzanp ki envestir pirman dan 

bann HIV Centre. Sesel sitiasyon 

HIV pe ogmante e nou pa pe 

envestir dan bann lenfrastriktir 

parey. Mon kontan mon vwar 

poudir nou pe envestir dan bann 

lenfrastriktir ki deal spesifikman 

avek sitiasyon drog me egalman 

bann dimoun sans abri osi pe vin 

en sitiasyon ki nou bezwen deal 

avek. 

Si Onorab Potter in dir 

poudir reorganizasyon lopital Les 

Canelles pou pran kont tel, tel, 

tel keksoz be sa i en landrwa kot 

nou kapab konsidere dan son 

plan. Nou a dir be nou ava fer sa 

osi avek, extend met en lot bout 

pour bann dimoun sans abri 

akoz, parey Onorab Georges pe 

dir, i pa pou en lenstitisyon 

permanan me i pou en landrwa 

kot pou remet bann dimoun lo 

zot lipye ankor. 

Alor pou mwan i atriste 

mwan en kantite pou vwar 

poudir parti SPPF ki’n opouvwar 

tou sa letan e bokou bann 

sitiasyon – malgre i pa zot lafot, 

ouswa zot pa ti neseserman anvi 

me bann sitiasyon in ganny kree 

on your watch and it’s your 

responsibility pour deal avek. E 

nou nou pe zis ofer lide. E mon 

pe dir annou pa dismiss me 

annou asize diskit bann posibilite 

e anvoy en mesaz avek 

gouvernman poudir get sa nou 

koman bann reprezantan lepep 

nou konsernen avek sa sitiasyon, 

i pe devlope dan kominote, i pe 

14

vin alarman pou bann fanmiy, i 

pe get out of hand e nou anvi 

kolektivman fer en keksoz. Nou 

pa pe dir ou demen bomaten al 

fer me par egzanp gouvernman i 

kapab fer en letid serye lo sa size 

pou vwar gravite sa sitiasyon dan 

pei. E sa task force ki pe lanse 

demen tousala a vin form parti 

son terms of reference pou vwar 

ki kalite solisyon i kapab met 

devan avek gouvernman. E zis 

pou vini poudir zot pa pou kapab 

siporte mon pa konnen si akoz 

dan short term zot pa vwar 

benefis politik avek. I pa byen, 

moralman i pa byen akoz dan 

lepase nou’n envestir en kantite 

dan elderly home - sa ti byen zot 

ti bezwen vot bann dimoun 

trwazyenm az e sa i zis en keksoz 

imen ki nou pe demande. Akoz 

pourki dimoun viv parey nou 

vwar bokou dimoun pe viv, manz 

dan bin, dormi anba bus stop - 

pa kapab vol dignite en dimoun 

koumsa sa i pa byen. Letan zot 

pase zot pe al se zot aswar zot 

vwar en dimoun anba bus stop ki 

manyer zot kapab dormi knowing 

en dimoun i dan risk expose son 

lekor avek tou kalite danze. 

Alor mon ti ava demann 

bann manm dan parti mazoriter 

pou rekonsider sa e silvouple 

aport soutyen pour en mosyon 

tre merite. Mersi. 

HON MARIE-ANTOINETTE 

ROSE 

Msye Deputy Onorab Georges in 

demann gouvernman pou fer en 

home pour sa bann dimoun ki in 

dekri, e Onorab Henrie in 

demann gouvernman pou revwar 

model management bann home ki 

deza egziste. E pou mwan ler 

mon regard sa ki sa 2 Onorab in 

dir i fer mwan realize ki sa 

mosyon in ganny mal formile, in 

napa bokou panse ki’n al dan sa 

mosyon e mwan mon krwar 

lopozisyon i merit tou senpleman 

repran zot mosyon rediskit antre 

zot e regarde vreman kwa ki zot 

anvi, kwa ki i annan available 

ozordi, kwa ki zot anvi e tonm 

dakor lo en mosyon ki volapenn 

ki realis. 

Msye Deputy mon krwar 

lespri dernyer sa mosyon i en 

lespri imen, e mon anvi dir avek 

lopozisyon ki sa keksoz imen ki 

zot pe demande dan sa mosyon 

kote mazoriter in fer li pandan 

31an pandan ki zot in asize e zot 

in kritik tou sa bann keksoz 

imen ki nou nou’n fer e pour 

bokou lannen e en kantite fwa e i 

lo rikord zot in dir sa bann 

keksoz imen set en bann 

gaspiyaz. 

Msye Deputy sa pa vedir ki 

nou lo sa kote nou pa santi 

soufrans sa bann dimoun ki 

annan fanmiy avek sa bann 

problenm, pa sa ki nou pe dir. 

Mon krwar koman bann MNA 

nou’n vwar bokou sa bann 

sitiasyon devan nou laport 

Dimans bomaten, Dimans 

apremidi pe vini, zanfan in ganny 

met dan kaso, ou ganny en 

phone call, ou ganny isi ou ganny 

laba e nou tou nou konnen e 

mon krwar si lopozisyon ti asiste 

bann meeting piblik zot ti pou 

vwar en kantite sa baI en 

konsern reel li, nou pa pe dir i pa 

en konsern reel, i en keksoz ki pe 

arive dan nou sosyete e nou 

15

ezwen pran konsiderasyon. Me 

mon pa krwar ki sa mosyon ki’n 

ganny met devan Lasanble i en 

solisyon reel a sa problenm. E 

mon krwar i enportan ki dimoun 

i konpran ki i pa en solisyon reel 

a sa problenm, e nou nou pe dir 

ki direksyon kot pei pe ale avek 

reform ki nou pe fer nou pe 

esansyelman sanz mindset nou 

dimoun a lafason ki nou atak en 

problenm, e i enportan ki sakfwa 

nou dan Lasanble nou pran en 

desizyon nou bezwen pran en 

desizyon ki reel, ki realistik e ki 

reponsab. E mwan a mon’n avi 

mon pa vwar ki sa mosyon i ase 

responsab e i al pli lwen ki sa ki 

nou nou anvi. 

Msye Deputy i anann en 

kantite fanmiy parey mon’n dir ki 

pe soufer, i annan en kantite 

zenn ki’n tonm dan drog e parey 

Onorab Georges in dir zot out of 

control zot pran tou larzan zot 

paran, zot kraz lakaz, aswar 

paran pa kapab dormi avek zot. I 

annan en kantite zenn fiy ki 

trouv zot dan prostitisyon e 

menm zour ou ofer zot en louvraz 

zot pa oule akoz mon mazinen 

zot ganny plis larzan ek 

prostitisyon, mon mazinen ki zot 

osi zot afekte par drog. I annan 

serten distrik ki kominote antye 

pe kriye tre for avek sa problenm 

prostitisyon, serten distrik dan 

lavil ki mwan mon konnen ki 

sosyete, dimoun i pas obor tel, tel 

landrwa i vwar zenn fiy dan 

prostitisyon e i en problenm. I 

annan bann dimoun parey in 

ganny dekrir ki en bann dimoun 

nwizans, zot pa neseserman fou 

oubyen parfwa zot fou oubyen zot 

annan en pti dezabilite mantal e 

parfwa zis ou vwar zot pase dan 

semen pe fouy dan bin e en 

kantite fwa sa bann dimoun i 

quite harmless e zot pa 

neseserman bezwen pe ganny 

mete dan en kaso akoz zot quite 

harmless, zot pase zot demann 

ou en take-away, zot isi zot laba. 

Sa osi i en problenm. 

I annan en group zenn e en 

kantite zenn garson ki tou 

senpleman petet zot pa dan drog, 

zot pa dan lalkol be zot out of 

control. Sa bann zenn napa respe 

pour okenn lenstitisyon, okenn 

personn e tou keksoz ki ou dir 

zot zot boycott, zot pa anvi tann 

nanryen, e mon krwar i rezilta en 

kiltir detanzantan nou kontinyen 

boycott isi laba e i enkilke dan 

lespri dan en serten dimoun ki 

nothing is ever good enough for 

them. Zot vin devan ou, ou ofer 

zot en louvraz, zot pa oule akoz 

zot dir ou mwan mon pa pou 

travay pou tel, tel keksoz, ou ofer 

zot en solisyon, zot pa oule e sa 

osi i en problenm e petet in ariv 

en serten keksoz dan zot lavi ki’n 

afekte zot. 

Mon krwar ki over the 

years gouvernman in rekonnet ki 

i annan sa bann problenm. Mon 

pa pou dir i alarman oubyen i pe 

pet avek nou akoz nou pase 

kekfwa en zour swar sorti get 

film nou vwar en tantin in asize 

devan Christ in zour nou me mon 

pa krwar sa tantin pa’n ganny 

ede mwan, mon krwar kekfwa sa 

tantin i bezwen enpe sipor pou li 

depans byen son pti larzan 

sekirite sosyal akoz sa larzan ki i 

pe gannyen probably i pou al aste 

sigaret, probably i pou al aste 

16

lezot keksoz, e petet i vre ki 

fanmiy i tou senpleman ganny 

ase avek sa kalite dimoun. So 

mon krwar i enportan ki dimoun 

i konpran ki nou pa pe rezet sa 

bann dimoun, sa bann dimoun 

pa pe ganny rezete par sosyete. 

Sa kote latab par vot kont sa 

mosyon, nou pa pe deside rezet 

sa bann dimoun tou senpleman 

nou anvi ki wi nou vwar en 

solisyon me en solisyon ki reel. 

Msye Deputy annou 

regarde lekel sa bann dimoun, 

annou regard enn par enn lekel 

sa bann dimoun ki nou pe koz lo 

la. I pa bann dimoun avek 

dezabilite fizik oubyen mantal 

akoz i annan lenstitisyon ki pran 

ka avek zot, i pa bann zenn ki 

bann zanfan ki napa landrwa 

reste akoz i annan lenstitisyon ki 

pran ka avek zot, i pa bann 

dimoun aze ki napa landrwa 

reste akoz i annan landrwa ki 

pran ka avek zot, i pa bann 

dimoun ki pa kapab pran ka 

avek zot lekor e ki bezwen en 

carer, zot annan se zot selman 

zot pa kapab pran ka avek zot 

lekor akoz i annan en progranm 

ki pran ka avek zot, i pa bann 

dimoun ki lo zot dernyen zour 

lavi ki annan bann terminal 

illness akoz i annan landrwa ki 

pran ka zvek zot, i pa bann 

dimoun ki annan serten 

dezabilite selman zot kapab 

deboury en pti gin akoz zot 

annan sant reabilitasyon kot zot 

aprann en pti pe keksoz 

evantyelman serten parmi zot i 

ganny metye. I pa bann dimoun 

ki fanmiy pa kapab pran ka avek 

zot akoz zot kondisyon medikal, 

par egzanp zot pou bezwen 

toulezour en ners pe vwar zot, 

alors zot annan en lenstitisyon ki 

pran ka avek zot e i pa bann 

dimoun aze ki napa fanmiy e 

napa personn ki pran ka avek zot 

akoz i annan home for the elderly. 

So sa ki nou pe koz lo la se 

esansyelman, mwan mon krwar 

dimoun ki dan bokou ka i annan 

fanmiy, fanmiy i rezet zot, fanmiy 

i pa kapab pran ka avek zot, 

oubyen zot zot in rezet fanmiy. 

Zot pa kapab viv avek zot fanmiy 

akoz zot kraze, zot oule vole, zot 

oule fer isi laba. E a mon’n avi i 

pa en gran kantity dimoun sa. 

Nou annan en popilasyon 80 mil 

Seselwa, nou pa kapab annan 

andeor la en 2 mil dimoun ki dan 

sa sitiasyon. I pa en gran kantite 

dimoun, i en pti group dimoun e 

mwan mon krwar e mon dakor 

avek Onorab Potter nou kree en 

home ozordi suddenly nou pou 

vwar en bann group dimoun ki 

petet, wi, i ti pe reste dan en bout 

lakaz avek fanmiy e fanmiy 

tanzantan ti pe pase dan 

bomaten donn li manze, donn li 

isi, donn laba. Sa fanmiy pou 

realize ki, sa lasanm mon kapab 

donn mon garson, mon garson pe 

grandi, mon a donn mon garson 

ek son madanm, mon a tir sa 

tonton la, mon a met li dan sa 

home e mon a fer li homeless. 

Sa i rezon akoz nou pa 

krwar i en solisyon, nou krwar ki 

dimoun, ler zot dimoun i aze 

oubyen ler i annan serten, 

problenm zot merit ed sa fanmiy 

e zot merit ganny sipor pou ed sa 

fanmiy e vwala solisyon a sa 

problenm. I family support 

oubyen sipor e si i annan en 

17

dimoun ki homeless ki vreman 

rar akoz Sesel i pti pti, nou tou 

nou konn tou dimoun, nou tou 

nou konn fanmiy tou dimoun i 

vreman rar, napa personn pou 

pran ka avek li, i annan en 

lenstitisyon dan sa lalis ki mon 

pou al lir ki pou kapab pran ka 

avek sa bann dimoun. 

Msye Deputy dan Sesel 

nou annan old people’s home dan 

bann distrik, nou annan 

psychiatric ward ki tret bann 

dimoun avek serten sa bann 

problenm ki nou’n koz lo la. Nou 

annan Mont Royal ki ede detox 

serten sa bann dimoun e reabilit 

zot. Nou annan lopital Ans Nord-Es, 

nou annan sistenm carer 

an plas, nou annan sistenm 

sekirite sosyal, nou annan NCC, 

nou annan Care ek lezot NGO ki 

enkli bann lorganizasyon legliz 

relizye. Nou annan family support 

unit, nou annan home for the 

elderly sa ki nou ti apel kazern 

lontan, nou annan family 

tribunal, nou annan kot 

probasyon, nou annan sant 

reabilitasyon pour bann dimoun 

avek dezabilite, nou annan 

disability benefits, nou annan 

President’s village, Foyer de 

Nazareth eksetera, e dernyen 

resort nou annan prizon si sa 

dimoun in komet en lofans grav. 

Nou annan plis ki en 

ventenn lenstitisyon ki dan en 

fason ou en lot si nou annan 300 

sa bann dimoun, oubyen si nou 

annan 200 sa bann dimoun i 

devret kapab anmas sa bann 

dimoun e ed zot e siport zot 

fanmiy. 

E sa i pwen ki nou anvi fer 

resorti. Dan plan i annan sa 

progranm tax force dan distrik ki 

Onorab Potter in dir, i annan 

extention of serten lenstitisyon ki 

pou kapab pran ka avek sa bann 

dimoun ki pa tro ekstrenm dan 

zot fou, e i annan juvenile prison 

e i annan halfway home ki dan 

plan. Mon’n dir dan plan si ou ti 

pe ekoute Onorab ou ti a 

konpran, i dan plan pou fer 

juvenile prison e halfway home. 

So i annan tou sa bann 

lenstitisyon ki kapab e ki devret 

pran ka. Pwen ki Onorab Potter 

pe fer resorti sa bann lenstitisyon 

ki nou annan, e i en pwen ki 

toultan - e mon krwar ki Onorab 

Georges i krwar ladan akoz 

tanzantan dan Lasanble in dir 

nou annou pa fer en nouvo 

keksoz zis pourvi, annou ranforsi 

sa ki nou annan e fer li marse e 

mon krwar i enportan sa, annou 

ranforsi e wi mon dakor ek 

Onorab Georges annou petet 

revwar the model of management 

sa bann lenstitisyon, Onorab 

Henrie ki’n dir sa. Annou petet 

revwar the model of management 

sa bann lentitisyon, annou 

revwar ki manyer zot pe 

fonksyonnen, si zot kapab pran 

ka ek sa bann dimoun. Annou 

revwar tousala. Wi mon dakor 

avek Onorab Henrie akoz in 

kontradwir mosyon Onorab 

Georges, in kontradwir mosyon 

Onorab Georges konpletman. 

(Interruption) 


Order, order. 

18

HON ROSE 

..e mon krwar i enportan ki 

dimoun i konpran sa, mon pou 

pran mon letan pou eksplik sa, 

mon krwar i enportan. Onorab 

Georges in demande ki 

gouvernman i fer en lenstitisyon, 

Onorab Henrie in dir annou 

revwar model of management 

bann lenstitisyon egzakteman ki 

nou nou krwar ladan, ki Onorab 

Potter in fer tre byen kler, i dir 

annou ranforsi kapasite sa bann 

lenstitisyon. E sa i petet enkli 

revwar lafason zot ganny 

manage. E nou nou pe dir annou 

ranforsi kapasite sa bann 

lenstitisyon. 

Msye Deputy mon anvi koz 

lo 3 problenm ki mon krwar i 

devret solisyon a sa problenm ki 

Onorab Georges in met devan 

nou. Nou rekonnet ki i annan 

problenm e nou bezwen atak sa 

bann problenm at its roots, e 

ankor i en keksoz ki tanzantan 

Onorab Georges i vin dan 

Lasanble i dir, be sa i en shortcut 

solution to the problem in dir nou 

souvann fwa. Annou tonm dakor 

pour nou atak sa bann problenm 

at its roots, en kantite sa bann 

problenm i relye avek 3 keksoz, 

drog, lalkol e prostitisyon, e mon 

krwar i enportan. 

Drog i en problenm ki nou 

devret atake at its roots, nou 

devret komans tonm dakor ki wi 

nou bezwen e nou pou dakor ki 

sa bann dimoun i en bann viktim 

drog. En kantite sa bann zenn la 

ki out of control i en bann viktim 

drog, e nou bezwen tonm dakor 

ki nou aret sa bann eskobar e ki 

nou met zot dan prizon e ki zour 

zot ganny mete dan prizon nou 

dakor ki wi lalwa NDEA, 

gouvernman pe fer son travay e 

nou pa sey enterfer pas par 

deryer eksetera. Nou bezwen 

tonm dakor lo la e nou bezwen 

onnet dan nou demars pour deal 

avek problenm drog. E nou pa 

kapab - wi nou la me selman en 

lot zour nou tay akote oubyen en 

lot zour nou pa kapab. Nou 

bezwen for, e i en batay ki difisil 

en kantite larzan involve, en 

kantite lenfliyans involve, me i en 

batay ki difisil me nou bezwen 

onnet dan sa demars. En kantite 

paran pe soufer, en kantite 

zanfan pe soufer sa bann dimoun 

ki nou’n koz lo la bomaten se 

esansyelman bann viktim drog e 

nou bezwen atak sa problenm at 

its roots. 

Msye Deputy nou annan 

problenm lalkol, en kantite 

problenm lalkol dan pei. I vre ki i 

annan en kantite zenn ou pase 

ou dir zot be sa dimoun i annan 

25an in konsonm en kantite 

lalkol e mon propoze ki wi bann 

local brew, i annan dimoun i fer 

zot pti biznes local brew, mon 

krwar i normal me selman i 

bezwen ganny fer dan en fason ki 

bon pou sosyete ki i bezwen 

ganny fer dan en fason ki a’n 

akor avek bann lalwa ki egziste 

dan pei. 

Msye Deputy nou pa kapab 

met en lakanbiz baka obor lopital 

Ans Nor-d-Es. Sa bann tantin, sa 

bann tonton pou sorti pou al 

rode, e toulezour nou viv sa nou 

vwar zot sorti dan baro zot ale, 

zot al rode e mwan mon demande 

19

wi sa mon demann gouvernman 

pou tough lo bann licence e fer ki 

omwen otour bann lenstitisyon 

sa loperasyon pa kapab ganny fer 

within a 100 or 200 metres, zot 

konnen i la, ler pe fermante zot 

santi loder, zot pou vini, zot pou 

ale, zot pou al rode e nou bezwen 

sipor sa bann dimoun pour zot 

rekipere, nou bezwen atak sa 

problenm kot i ete. 


nou bezwen en pti pe pli tough lo 

kestyon protitisyon osi akoz 

prostitisyon in dekouver ki liye 

avek drog en kantite zenn fiy i al 

dan prostitisyon akoz drog. Pa 

akoz napa louvraz, mwan mon’n 

deza zwenn en zenn fiy in dir 

mwan li i dan prostitisyon akoz 

sa louvraz ki i ti pe fer dan en 

laboutik anvil i donn li R3700 

alors li R3700 pa ase pour li viv e 

i bezwen al dan prostitisyon. So i 

enportan ki nou bezwen tackle sa 

problenm prostitisyon. 

Ozordi i annan en distrik 

kot i annan en MNA lopozisyon ki 

preski tou dimoun dan sa distrik 

pe kriye, i annan en landrwa kot 

i annan prostitisyon, tou dimoun 

dan sa distrik pe kriye.. 

DEPUTY SPEAKER 

Order.. 


HON ROSE 

... e zanmen Msye Deputy in 

annan ni en kestyon, ni en 

mosyon dan sa Lasanble pour 

deal avek sa problenm. E nou 

bezwen deal avek sa problenm, e 

nou konnen akoz nou pa anvi 

abord sa problenm. Lopozisyon 

in koz lo vot, nou konnen akoz 

nou pa anvi, nou fermen, nou pa 

koz lo sa problenm. 

Msye Deputy the point I’m 

making is nou bezwen onnet dan 

lafason ki nou adres serten 

problenm, mwan mon krwar 

gouvernman i devret entervenir i 

napa problenm, tanzantan gard 

in monte mon okouran, gard in 

monte, lotorite distrik eksetera e 

selman nou koman bann 

politisyen nou bezwen met sa 

presyon. Nou bezwen met sa 

presyon e nou bezwen onnet 

menm si i vedir nou perdi detrwa 

vot sa bann dimoun, mon krwar 

nou bezwen onnet Msye Deputy. 

Msye Deputy ki direksyon 

nou pei pe ale avek sa problenm? 

Mon krwar i enportan nou gete 

kote pei pe ale pour nou adres sa 

problenm. E mwan mon krwar 

Onorab Georges i pe sorti dan 

lespri lopozisyon ki enpe liberal 

oubyen neoliberal pou antre dan 

lot ekstrenm, en pozisyon ki 

nou’n fini depase nou’n ale lot 

ekstrenm. E eski sa mosyon i a’n 

akor avek prensip oubyen lide 

liberal? Eski i a’n akor avek bann 

keksoz ki zot in toultan krwar 

ladan ki sekter prive i devret 

kapab fer sa, sekter isi i devret, 

strengthen bann NGO eksetera, 

e mon pa krwar i a’n akor. 

E Msye Deputy mwan mon 

krwar direksyon ki nou pei pe ale 

se ki wi nou bezwen strengthen 

bann fanmiy me selman mon ti 

a’n voudre tann Onorab Georges 

par egzanp, i en keksoz ki mon 

krwar i krwar ladan, koz en pti lo 

private nursing home. Nou pa pe 

20

dir tou Seselwa al pey nursing 

home me nou pe dir dimoun ki 

kapab, ki eze, ki’n fer larzan 

anba sa sistenm ale al pey en pti 

gin en landrwa pou ou vye paran 

mon ti an voudre tann li koz en 

pti gin lo la. Mon ti an voudre 

tann li koz en pti gin lo bann 

private detox centre. En kantite 

dimoun ozordi, zanfan ki annan 

problenm drog i ale, i al Moris, 

zot ede zot anmas larzan, zot pe 

rod en solisyon a sa problenm zot 

selman zot bezwen pey tiket, 

bezwen pey isi, pey laba. Mon ti 

a’n voudre tann li koz en pti gin 

lo annou annan en detox centre. 

Annou rod en landrwa en pti pe 

izole fer sa bann dimoun vini 

detox, rod bann dimoun avek 

kapasite pou ed sa bann dimoun 

anpese ki al dan bin pou al rod 

zot manze. 

Mon ti a’n voudre tann koz 

enpe lo bann rehabilitation centre 

pour bann dimoun ki’n ganny 

afekte tape ek lavi oubyen vre zot 

annan en pti dezabilite, me sa pti 

dezabilite ki zot annan pa anpes 

zot vin productive dan sosyete. E 

mon krwar i enportan ki nou 

komans koz lo la akoz nou pei pe 

pas dan en reform e si nou pa 

koz avek nou bann dimoun sa 

langaz e koz avek sekter prive ki 

la la direksyon kot nou pe ale, 

mon krwar nou pe mank en gran 

sans. Onorab Georges tou kou i 

dir, nou mank en gran sans dan 

sa Lasanble. Mon krwar nou pe 

mank en gran sans pour edik 

nou bann dimoun ki wi nou 

rekonnet ki i annan en problenm 

dimoun ki pa kapab merit ganny 

sipor, merit ganny tou sipor nou 

bann lenstitisyon i bezwen 

strengthen pou anmas sa bann 

dimoun me i annan lezot opsyon 

dan lavi i annan lezot keksoz ki 

nou pei i kapab fer koman en pei, 

pa gouvernman, antye koman en 

pei ki nou kapab fer pour donn 

en koudmen adres sa bann 

problenm. 


mon’n dir sa me nou en sosyete 

avek selman 80 mil dimoun isi, e 

nou tou nou konn tou dimoun. 

En pti lensidan i arive nou tou 

nou’n fini ariv lo scene, nou pe 

donn koudmen, nou lo telefonn 

nou pe call, akoz, nou en sosyete 

nou dir be zot entel in tonm dan 

aksidan lot, lot. Nou en pti pei e 

nou en pei kot nou konn preski 

tou dimoun e nou konn fanmiy 

preski tou dimoun. E mon dakor 

avek Onorab Potter nou bezwen 

move away from enstitisyonaliz 

nou bann dimoun, nou bezwen 

move towards konpran nou bann 

dimoun empower nou bann 

dimoun e vin en sosyete ki pran 

ka ki tonm dakor pou pran ka 

avek nou bann dimoun, nou pa 

kapab e i fatig mwan en pti gin 

nou pa kapab dan en sosyete 

avek 80 mil dimoun nou annan 

preski en ventenn progranm 

oubyen lenstitisyon konmsa. 

E nou pa kapab tonm 

dakor isi ozordi pou fer ankor en 

lenstitisyon koumsa. Nou bezwen 

ankouraz dimoun pou vin pli 

responsab, nou bezwen e in 

annan bokou koze ki’n koze lo 

district empowerment, pou 

empower distrik enkli bann NGO, 

nouvo progranm sipor parey 

21

Onorab Potter in dir, e wi nou 

bezwen konsyantiz nou pep. 

Msye Deputy nou bezwen 

ankouraz dimoun, lafanmiy e sa 

mon dakor avek Onorab Georges 

i en tradisyon ki’n toultan annan 

dan nou sosyete fostering, pran 

ka e ed nou bann pti zanfan. Nou 

bezwen komans koz lo bann 

fanmiy ki for, e Msye Deputy 

mwan mon prefere ankouraz e 

vwar en mosyon ozordi ki 

ankouraz bann hard working 

families e la mon pou koz lo 

annou tonm dakor e annou 

kontinyen lager pou lentere lo 

loan desann pourki sa fanmiy ki 

annan en pti problenm avek enn 

son fanmiy i a kapab fer en pti 

lakaz akote, met li ladan e ed li. 

Annou tonm dakor ki nou 

bezwen ankouraz sa e kominote 

family support unit i a vini i a vin 

ed sa fanmiy. Annou tonm dakor 

ki nou empower byen boner - 

nou komans empower nou bann 

zenn e i vin avek en mindset sa. 

En kantite zenn i tonm dan lalkol 

dan drog avek the wrong 

mindset. Byen boner nou 

empower nou bann zenn e 

empowerment i komans avek en 

sosyete, pa gouvernman. 

Msye Deputy vwala mon 

pozisyon lo sa problenm. Ankor 

ennfwa mon repete ki nou pa la 

pou lager kont en lide lopozisyon. 

Mon krwar en kantite fwa nou’n 

tonm dakor avek bann mosyon 

lopozisyon, me i pa en solisyon 

pou adres sa problenm e i annan 

plizyer fason pou adres sa 

problenm parey lo nou kote 

nou’n point out ozordi. Mersi. 


Nou adjourn nou a tournen 11er. 

(Break) 

HON WAVEL RAMKALAWAN 

…simityer. Letan mon dir avek 

zot nou’n senm divan, nou a pe 

rekolte siklonn tousala se bann 

divan ki nou’n senmen e ki 

ozordi nou pe anmas son bann 

siklonn. Kot nou pou bezwen 

komans fer keksoz e vir li around 

kot i annan partnership. 

Si ozordi par egzanp 

gouvernman e son patron, pa 

bliye ki poudir patron SSPCA se 

ansyen Minis zafer etranzer, pa 

bliye ki poudir si i pe ganny tou 

sa lankourazman, si zot kapab 

fer animal week, get sa enn, ou 

kapab fer animal week, fantastic, 

i bon e si ou annan bann dimoun 

ozordi Mr Deputy ki pran li 

koman zot devwar lo en baz 

volonter pour zot si koman zot 

tande poudir i annan 4 pti lisyen 

dan en dustbin zot ale zot 

anmase, letan zot tande poudir i 

annan bann stray dogs laba 

Providence, zot pare pou zot pran 

zot transpor pour zot al donn 

manze sa bann lisyen, pour zot 

anmas sa bann lisyen anmenn 

anba kot veteriner, fer koupe pou 

fer sir ki sa bann... - Be oule dir 

mwan - sanmenm sa, son lespri i 

annan en miray otou-l-tour - si 

nou kapab annan sa bann 

dimoun andeor me ki 

gouvernman li in donn zot sa 

teren pour zot kapab konstriy sa, 

eski nou napa sa lespri 

volontarya, eski nou pa pou napa 

sa bann dimoun ki pou pare pou 

22

al travay lo en baz volonter dan 

sa bann landrwa. 

Mr Deputy mon a dir ou en 

keksoz, en kantite sa bann teori 

ki mon’n tande bomaten, se zis 

bann teori, konmsi se zis bann 

sound bites parey nou dir. I byen 

pou nou fer bann sound bites, 

briz sa silans, la nou pou al lager 

kont bann labi seksyel bann 

zanfan. Oli silans ozordi? Tou sa 

vit ou a krwar in rekoste 

ansanm. Oli briz sa silans? Depi 

ki nou’n briz sa silans la, 

konbyen ka ki nou’n fight? Labi 

zanfan i kontinyen, e Onorab 

Rose bomaten in aksepte ki 

poudir bann zanfan i pe - i zis en 

kantite sound bites e in ler pou 

nou sorti lo sound bites pou nou 

al pli devan. 

E Onorab Georges pe vin 

avek en keksoz konkret, vin avek 

en keksoz konkret kot nou ava 

ed sa dimoun. Letan nou pase 

nou vwar nou frer pe fouy dan en 

dustbin pe rod en bwat takeaway 

ki annan en pti git dan fon, 

eski nou pa krwar ki poudir ti 

ava meyer pour li si i ti dan en 

landrwa e kot kekfwa dimoun ti 

ava pare pour ede. Regard sa 

bann lenstitisyon, Ste Elizabeth, 

SOS, Foyer de Nazareth 

ensidswit, konbyen dimoun ki 

donn son letan pou al ed sa bann 

dimoun? Sak korvet Ameriken ki 

vini enler ou trouv zot pe penn 

Ste Elizabeth, ou trouv zot pe 

sanz tol lo lenstitisyon St 

Elizabeth. Se pa gouvernman ki 

soz, pour nwel ou trouv bann 

diferan lorganizasyon. Sa ki nou 

pe dir, e lefe ki gouvernman li i 

en partner mon krwar ki nou 

bezwen realize ki nou bezwen 

met sa devan gouvernman 

koman the main partner, koman 

sa partner ki gouvern Sesel a’n 

antye. E Onorab Georges in dir 

sa byen kler, regarde ki manyer 

nou kapab balanse pour nou 

donn lankourazman, pour nou 

kpab fer li marse ensidswit. 

Alor pa nekzis vin koz lo 

bidze ki pa pou aprouve, lot, lot. 

Zwe de zil parey Onorab Henrie 

in mansyonnen, zwe de zil ozordi, 

Minis i ganny lafyerte pour li vin 

devan Lasanble pou dir nou pe 

sey organiz zwe de zil, pa avek 

larzan gouvernman me avek 

finansman prive, zwe de zil. Be 

si nou kapab annan sa kalite 

panse, why not mazin osi pour sa 

bann dimoun, nou bann frer 

imen ki’n kree parey nou a limaz 

Bondye ki manyer nou kapab osi 

ed zot e ki manyer prive osi tou i 

kapab rantre ladan koman en 

partner, lekel ki dir ki en proze 

parey, kot mon tann rotary kan 

zot fer Regatta zot pe anonse ki 

zot pou al ede, ki kalite masin - 

lekel ki dir ki i pa pou kapab met 

sa koman en proze. E rotary 

oubyen round table zot kapab 

adopte sa koman en proze e apre 

en keksoz i vin realite. 

Mon krwar ki nou bezwen 

al bokou pli lwen, e mwan mon 

osi anvi vwar ki - letan mon pe 

koz lo aksyon konkret, annou pa 

zis koz lo en lakanbiz mwens ki 

200 met avek North East Point 

hospital, annou mazinen ki kalite 

promes ti ganny fer avek sa bann 

dimoun, ki poudir si zot vot pour 

SPPF zot pou ganny en licence. 

Wi demann dokter Payet byen 

23

menm, Dokter Payet i konn byen 

sa akoz i dan distrik Glacis. Si 

nou pe koz konkret, annou 

komans koup lakantite licence lo 

bann baka, annou pa bliye ki 

sete Minis Morgan ki ti debout e 

ti dir ki lapire i oke alors olye 

bann dimoun konmsi zis fer 

bann pti soz ilegal alors la nou 

pou large e tou keksoz pou oke. 

Mr Deputy mon krwar ki 

fodre nou fer atansyon e mwan 

mon osi anvi dir en keksoz. Lot 

zour Minis Dugasse in vin dan 

Lasanble in dir ki dezorme zot pe 

travay pourki en minimanm ki 

dimoun pou peye pour zot 

housing loan se R1000. Annou 

kalkile ki kantite dimoun ki pou 

pas atraver sa mayon. E annou 

prepar nou, e Minis in vin dir 

byen kler ki poudir si dimoun pa 

pe pey zot lakaz sepa ki deal 

pou annan bann prosedir pou 

repran zot lakaz avek zot. 

Alor annou regard bokou 

pli devan, annou regard posibilite 

kot nou annan bokou plis sa 

bann dimoun ki ozordi zot pe 

dormi parey sa madanm menm si 

i annan serten dimoun in pran 

lofans ladan, wi sa madanm ki 

laba kot Christ ki parfwa ou vwar 

li pe marse 12.15 pe mont dan 

direksyon Le Chantier annou 

mazinen ki poudir i kapab 

ogmante. E annou pa bliye Mr 

Deputy ki poudir nou sistenm 

ekonomik i osi annan en 

konsekans direk lo sa bann 

keksoz ki kapab arive. 

E la annou pa bliye ki 

poudir la povrete, e Onorab 

Ferrari tanzantan i koz lo la, ki 

poudir la povrete i pe ogmante 

dan nou pei e i anann serten 

paran wi zot anvi kapab soutenir 

sa dimoun be la povrete i v n tro 

bokou e la povrete set en keksoz 

ki pe ogmante dan nou pei. 

Ou ti a kontan annan bann 

serten fasilite, ou ti ava kontan 

annan lezot keksoz pou ede me 

ou pa kapab. I en plezir pou en 

paran pa kapab met nanryen dan 

bwat son zanfan pour li al lekol? 

Dapre ou si gouvernman in 

nobou trouv li neseser pou li 

lannen pase dir ki bann diferan 

lekol pou annan en fon pou ed 

bann zanfan ki mwen privilezye e 

ki pe pas dan soufrans, akoz se 

parski tou keksoz pe vin pli bon? 

Oubyen akoz keksoz pe 

deteryore. 

So mon krwar nou bezwen 

regard keksoz anfas, dan lizye 

olye ki nou zis fer letour po 

annou aim ladan, aret nekzis fer 

sa bann letour vin avek en bann 

soz. E Onorab Rose in dir 

klerman zot out of control be si 

zot out of control ki nou fer pour 

nou remet en serten sans 

normalite. Ki nou fer? I enportan 

pour nou fer keksoz e byensir i 

admirab letan ou trouv serten 

paran ki pe sey fer zefor pou tir 

zot zanfan dan en lenstitisyon. 

Par egzanp mon admir kouraz sa 

madanm Anse Boileau ki son 

zanfan in fer en aksidan e i 

paralize me ki i anvi tir li dan sa 

lenstitisyon e i a pe fer tou son 

demars pou li kapab aranz son 

lasanmben pourki son zanfan, 

Onorab Pool I’m sure ou konn 

byen sa sitiasyon ki mon pe koz 

lo la, kot pour li kapab met son 

zanfan la pou reste avek li. I 

fantastik, i formidab parski i 

24

annan serten pei kot letan en 

dimoun i andikape i ganny servi 

koman en lobze pou mandyan. 

Me anmenmtan osi mon 

krwar Mr Deputy fodre ki nou 

koman en Lasanble zot, koman 

en Lasanble annou pran sa 

problenm koman enn ki reel, e 

Onorab Georges in prezant bann 

pwen solid lo ki manyer nou 

kapab sey fer sa. I annan en 

kantite keksoz malerezman - 

mon konpran zot mindset lot kote 

latab. I annan en kantite keksoz 

letan nou propoze zot vwar li 

koman en montanny ki tro o pou 

grenpe me dousman dousman 

zot vwar ki poudir sa ki zot ti 

krwar i en montanny ofet i en 

plato. 

Mon kontan letan zot dir 

‘Mr Speaker ozordi nou napa 

problenm forex’ me zot ti krwar 

poudir i en gro montanny sa pou 

monte salerla ti en plato sa. Zot 

ti sitan krwar i en gro montanny 

zot ti vin anmenn en bann lalwa 

ki konmsi ti parey bann lakord ki 

ou bezwen pik lo ros pour ou fer 

rock climbing, kan ofet sete en 

plato ki nou ti kapab pronmnen 

lo la e ozordi nou vini nou dir, 

‘wi, wi, wi, nou nepli annan 

problenm forex la nou soz nou 

oke reform pe marse’, tou bann 

zafer. Sa ki Onorab Georges pe 

prezant zot la sa ki Onorab Rose 

in vwar koman en gro montanny 

ki annan zis gale lo la ki ou 

bezwen fer rock climbing, al rod 

bann expert pou soz, sa ki 

Onorab Potter i dir atansyon 

pangar i a vin en dumping 

ground. 

Mr Deputy set en plato sa, 

e to ou tar en zour nou pou tann 

- si i ariv avan eleksyon nou pou 

tann zot Minis pou vini pou dir ; 

‘la wi, la nou’n soz, dan bidze, 

capital project nou ava mazin an 

term en lenstitisyon, ou konnen 

pou led, la nou pou ganny led 

avek tel, tel lorganizasyon’. E 

mon ava dir ou en deryen keksoz 

Mr Deputy pou montre ki manyer 

zot vwar keksoz koman en 

montany. Sesel en moman nou 

ti pe sitan byen fer ki nou sikse ti 

ganny servi koman nou pinisyon. 

Tou bann lenstitisyon nou ti 

nepli ganny grants parske nou 

pei konmsi ti pe byen fer, e alors 

nou GDP ti sepa konbyen e bann 

pei – e la ozordi nou tande ki 

linyon Eropeen in donn grant 

pou siport bidze, extended fund 

facility. Ou vwar kimanyer 

parfwa.. parfwa konmsi annou 

aret anbet dimoun. E mwan mon 

konnen Mr Deputy, Mr Deputy 

mon konnen ki poudir sa ki 

Onorab Georges pe propoze nou 

kapab osi fasilman ganny led 

avek bann diferan lorganizasyon 

enternasyonal. 

Regard zafer drog. Ozordi 

legliz katolik pe al komans en 

lenstitisyon pou ede avek bann 

zafer detox. Legliz Advantis in 

vin fer NGO ki a pe deal avek sa 

bann zafer drog ek lalkol. 

Legliz Anglikan in anmenn 

expert li osi. Si nou’n ouver nou 

pou ganny led e sa ki Onorab 

Georges pe propoze i pa en 

leksepsyon. Annou ouver li e 

nou ava ganny diferan sipor e 

bann diferan lenstitisyon i ava 

pare pou zot ede akoz Mr Deputy 

25

mwan mon osi konnen ki poudir 

legliz i en problenm pou li, letan i 

trouv bann nwizans sa bann 

dimoun la, ki pou kapab vin en 

nwizans. Ou annan en seremoni 

relizye, zis zot rantre, zot fer tou 

kalite nwizans, zot menm zot 

parfwa ki al kas tabernak, ki al 

vol losti, ki fer en bann kalite 

nwizans. Lekor en dimoun pe 

ekspoze ou trouv enn fanmiy i 

dan dey – I mean konbyen fwa 

mon’n tir dimoun sa bann kalite 

dimoun kot Unity Chapel. Lekor 

en fanmiy pe ekspoze, fanmiy i 

an dey, ou trouv en boug i vini i 

soz, i komans kares sa dimoun, i 

komans pas lanmenm dan figir 

tousala sa bann zafer ou a krwar 

li ki …. en nwizans. Alor mon 

konnen ki poudir lo kote legliz osi 

tou i pou annan sipor pou sa 

kalite proze. 

Avek sa Mr Deputy 

Speaker mwan mon a dir annou 

reflesir ankor. Mwan mon ti a 

demande ki nou donn sipor sa 

mosyon e nou osi regarde ki 

bann mwayen, ki bann fasilite ki 

kapab ede pou fer sa keksoz vin 

en realite. Mersi Mr Deputy. 

HON CHARLES DE 

COMMARMOND 

Mr Deputy Speaker mon’n ekout 

plizyer entervenan koze lo sa 

mosyon. Zis pou benefis 

Lasanble les mwan sey relir sa 

mosyon ki i dir e pou benefis osi 

dimoun ki pou swiv letan SBC si 

i pas sa bann zafer lo televizyon. 

Mosyon ki devan nou i lir 

koumsa; sa Lasanble i demann 

gouvernman, ganny mwan kler, i 

demann gouvernman, i pa dir al 

fer separe li, i dir sa lasanble i 

demann gouvernman pou 

konstrir en lenstitisyon apropriye 

kot dimoun apard bann ki kalifye 

pou old people’s home – setou zis 

old people home - ki pa kapab 

pran swen avek zot lekor e ki 

napa personn pou fer sa i ava 

resevwar lozman e swen neseser. 

Oke, nou ganny li byen sa 

mosyon. Domaz Mr Deputy 

Speaker Onorab Ramakalawan 

Lider Lopozisyon in koz toutafe 

or de sa mosyon. Mon en pti pe 

soke, in gat sa mosyon e Onorab 

Georges mon’n obzerve letan ou 

pe koze Onorab Georges i dir ‘pa 

li, pa li e pa li’, pa sa ki son 

mosyon pe demande. 

En lot keksoz Mr Deputy 

Speaker Onorab Lider Lopozisyon 

i koz lo SSPCA. Me SSPCA, be 

zot zot pe self financed zot lekor 

zot. Mosyon pa demann sa li, i 

pa pe dir kree en lenstitisyon ki 

self financed son lekor li, mosyon 

pe dir gouvernman fer. 

Gouvernman pa’n fer SSPCA laba 

li, i pa’n finanse li. I diferan. 

(Interrutpion) 

..Sa en lot zafer loan later, mon 

pe koz lenstitisyon – kree 

sitiasyon en lot zafer sa. Napa 

okenn miray, miray i ek ou, ou ki 

vwar ou dan kat miray. Ou vwar 

ou dan kat miray e ou pa fouti 

kapab think out of this box. 

Sa ki mwan Mr Deputy 

Speaker mon dir ki bann dimoun 

ki’n koz lo la dan lopozisyon lo sa 

mosyon zot in koz dan en fason 

ipokrit, mon servi sa mo e mon a 

kalifye ki mon oule dir. 

26


HON DE COMMARMOND 

Be ou a koze epi Onorab 

Derjacques. Ou osi ou form 

parti sa bann…… 


Proceed…. 


Mr Deputy Speaker ou vwar dan 

sa Lasanble nou’n vin plizyer fwa 

koze lo dir ki drwa imen, mon 

rode si sa bann dimoun ki tonm 

dan sa kategori ki Onorab 

Georges pe dir ki mosyon i 

esplike, si vreman zot in dir ki 

zot anvi antre dan en 

lenstitisyon. Si letan ou met zot, 

ou bezwen fors zot antre dan en 

lenstitisyon si ou pa pe vyol zot 

drwa imen. Sa osi i en issue. 

Mwan ankor ennfwa mon a 

kalifye ki mon pe dir. 

Cascade parey tou lezot 

distrik nou vwar nou fas a bann 

dimoun ki Onorab Georges in koz 

lo la. Nou pa pe dir ki i pa 

egziste sa bann dimoun nou. I 

kler, nou tou, nou popilasyon an 

antye i vwar sa bann keksoz ki 

egziste, sa bann dimoun i egziste. 

Me Cascade paregzanp mon 

annan en zenn fiy, son papa i dir 

li, i dir mon piti arete sa kalite 

lavi, vini asize la dan mon 

laboutik, zis asize, ou pa oule 

travay, ou pa oule isi, ou pa oule 

laba, ou annan 2 zanfan pou 

sonnyen, napa papa whatever. 

Napa problenm. Mwan ou papa 

mon’n debrouye asize la dan 

laboutik mon a pey ou - ou a 

okip ou zanfan. Ditou i pa oule, 

ditou i pa oule. Ou anmar li ou 

fer li asize la, i ava pourswiv ou, 

kont drwa imen. 

Mr Deputy Speaker nou 

gouvernman in kree en kantite 

lenstitisyon ki kapab deal avek 

sa bann kalite dimoun, bann 

problenm ki nou sosyete i pas 

ladan gras a osi devlopman. 

Napa en pei dan lemonn ki napa 

sa bann zafer la ki nou pe koze. 

Mon wonder ki kantite ki annan 

sa bann lenstitisyon ki Onorab 

Georges pe koze ki gouvernman 

ki pran tou sa. Me nou nou 

annan en kantite lenstitisyon, 

mon bann koleg avan in 

mansyonnen Mont Royal, Vilaz 

Prezidan, Fwaye de Nazareth, Ste 

Elizabeth, North East Point, 

Fiennes, you name it, en ta – si 

alor nou pran sa bann dimoun, 

nou kategoriz zot, nou pou vwar 

paregzanp ki plizyer i pou ale dan 

serten sa bann lenstitisyon. Me 

selman i annan lezot keksoz ki 

mon krwar nou pa pe regarde. 

Taler Onorab Lider 

Lopozisyon in mansyonn dan 

legliz. Wi, parfwa nou annan sa 

bann dimoun ki mon pa konnen 

kimanyer nou pou apel zot 

ennler. Per pe prese e lanmenm 

la i antre li e i vin koze, i vini i 

koze avek Per – konmsi parfwa i 

kapab fer ou vin emosyonnel 

ouswa whatever. 

Me selman nou poz nou 

lekor en kestyon osi, nou kree en 

lenstitisyon parey, gouvernman i 

a fer ankor enn apard sa ta ki 

nou annan, i al kree en 

lenstitisyon parey ankor nou pou 

met ladan en fou, en demi fou, en 

trwakar fou, enn ki prostitiye, en 

lot ki kas loto parey ou pe dir, 

27

ensidswit - ou zis wonder 

kimanyer zot fonksyonnen, 

kimanyer ou manage en tel 

lenstitisyon ki annan tousala 

ladan. Parkont nou demann nou 

lekor kestyon, oli rol lafanmiy? 

An parlan sa la mon pe rod José 

la ki abitye dan semen ennler, 

mon pa vwar li detrwa zour li osi, 

enn mon zanmi be i paret en bon 

imen, in anmas li, ouswa en 

fanmiy in anmas li. Mon tande i 

oke konmela. 

Ou vwar Mr Deputy 

Speaker sa bann ensidan ki nou 

pe koze, i vre i annan en 

ogmantasyon tou dernyenman 

dan nou sosyete sa bann dimoun 

me depi lonta,n mwan mon’n 

zanfan, letan mon pe grandi 

mon’n vwar i annan sa bann 

dimoun mwan. I annan pti plim 

i annan lot, lot you name it. I 

annan serten Mr Deputy Speaker 

letan in ariv dan bann moman la 

ki nou ladan la, dan Oktob, 

Septanm, Oktob, Novanm i veye. 

Ou vwar li dan semen ou krwar i 

fou, i dan bin limenm, i isi i laba, 

i fer tou sa nwizans, tou sa 

ensinifyan ki ou pa mazinen me 

li i kree en sitiasyon letan in ariv 

sa ler la li, sa bann moman 

Oktob, Novanm la, i ale i kree en 

sitiasyon swa i vole, swa i al kas 

en laboutik, i fer ekspre i dir akoz 

la nwel avek lannen pe vini i pa 

pou manz lavyann alor i kree en 

sitiasyon gard i tyonbo li e 

anmenn li devan lakour, sa letan 

letan nou gard ti ankor ase 

vitman pou prosekit en dimoun 

vitman, pa parey konmela 

anmenn devan lakour e li avan 

menm ziz i dir pou kondann li i 

dir Msye votre oner kondann 

mwan prison, mon oule monte. I 

oule mont prizon li akoz pou li fer 

sir i pas son detrwa mwan laba, 

byen happy apre i sorti akoz i 

konnen dan prizon sa letan i 

annan lavyann ek soz dan sa… 

konmela napa – zis pou montre 

ou Mr Deputy poudir sa bann 

issue la, i la avek nou depi 

lontan, wi avek bann devlopman 

i annan logmantasyon. 

Me mon pwen mwan ki 

mon oule vin lo la ankor se ou 

vwar poudir taler mon ti pe koz lo 

rol lafanmiy. Kote fanmiy i osi 

antre dan sa bann keksoz la? 

Souvannfwa petet nou menm 

nou la dan Lasanble i kapab 

annan serten nou manm fanmiy 

ki dan sa degenn. Nou poz nou 

lekor kestyon nou tou, annou fer 

en legzanmen de konsyans, 

konbyen nou ki sey reach out 

pou sa bann dimoun? Konbyen 

nou ki sey ede? Oubyen petet 

serten nou nou krwar nou’n ariv 

en zistans, en staz dan nou lavi e 

noun obliy zot. Mazin sa ki mon 

pe dir e parfwa ou vwar kot 

lafanmiy pa fer nanryen, nou les 

tou avek lasosyete. 


krwar mwan mon pou dir en 

keksoz ki fran la dan nou 

Lasanble e ki mon oule ki nou 

pep osi i reflesir lo la. Lo nou 

kote isi nou’n koz en kestyon 

mindset ki wi, i vre nou pep i 

bezwen sanz son mindset. Nou 

gouvernman osi koman en 

lenstitisyon i bezwen sanz son 

mindset. Nou pa kapab 

kontinyen - i vre pou serten 

rezon nou dir sosyete i donnen sa 

letan ensidswit me in ariv en staz 

28

nou bezwen revwar tou bann 

keksoz. Pa kapab kontinyen zis 

donnen, donnen, donnen nou 

pou gat nou pep e kontinyen gat 

li dan sa sans. 

Sa bann dimoun ki nou pe 

koze, Onorab Georges limenm, 

loter mosyon in fer resorti boner 

letan i ti komans koze poudir sa 

bann dimoun zot ganny lasistans 

finansyel avek gouvernman. Be 

Mr Deputy Speaker gouvernman 

alor i pe deza ed sa bann 

dimoun. 

E mwan mon annan en 

kestyon la mwan e se la kot mon 

pa dakor lafason donk ki nou 

sistenm sosyal i marse e mon 

demande pou annan en sanzman 

radikal, e mon ensiste lo la Mr 

Deputy Speaker. Lafason ki nou 

sistenm sosyal i marse i bezwen 

o pli vit posib sanze radikalman. 

Nou pei, nou sosyete pa kapab 

kontinnyen pran larzan tax 

payers, larzan bann ki kontribye 

dan sekirite sosyal, bann 

travayer ki serye, ki kontribye 

dan sa pei pou donn larzan pou 

sa bann dimoun parey, soutenir 

zot. Parkont letan ou get en 

fanmiy ki li i pe debrouye, i a pe 

eskent li, i a pe travay, i a pe 

donn tou me akoz sitiasyon 

ekonomik – taler Onorab 

Ramkalawan ou’n byen dir, wi i 

annan en sitiasyon ki pe arive 

avek reform ekonomik e nou ti 

konnen ki poudir pou vin 

koumsa se sa i annan serten 

safety net e sa bann safety net i 

pa pe mars byen parey nou nou 

anvi. 

Serten fanmiy parey mon ti 

pe dir ki vreman bezwen pou fer 

2 bout zwenn, fanmiy ki serye zot 

zot vwar zot pa pe kalifye pou 

ganny lasistans sosyal, finansyel 

pou kapab ed zot fanmiy 

parkont ou vwar bann dimoun 

parey, bann demi fou, bann 

whatever ki zis pran sa larzan i 

bwar, i litousel, i dan drog 

konman ou donn li i fini, dan 2 

zour parey Onorab Ramkalawan 

in dir taler 2 zour i fini, zot zot pe 

gannyen bon manyer larzan 

finansyel ek sosyal. Sistenm 

sosyal i annan en problenm la. 

Sa rezon ki mwan mon 

krwar nou pa bezwen 

gouvernman al kree ankor 

lenstitisyon pou anmas sa bann 

dimoun, nou annan ase 

lenstitisyon. Si mosyon parkont 

ti dir annou agrandi sa bann 

lenstitisyon ki deza egziste 

paregzanp si ou dir annou fer 

ankor plis Old People’s Home la 

mon ti ava kontan la, mon ti ava 

siporte – nou Cascade nou napa 

enn, nou ti a kapab ganny enn i 

ti ava anmas sa madanm kot 

legliz kekfwa si i napa en fanmiy 

ki taler Onorab Henrie in dir. 

Alor si nou pou dir annou 

ogmant kapasite ki petet Foyer 

de Nazareth, Ste Elizabeth 

ensidswit i pran en lot zafer sa. 

Mosyon pa dir sa li, i dir kree en 

nouvo lenstitisyon ankor. Se sa 

mwan ki mon pa dakor, tro 

bokou lenstitisyon e sa enn la i 

pa pou ed nou rezourd sa 

problenm. Si ou dir mwan 

ogmant kapasite Mont Royal 

fantastik akoz lotozour mon pas 

laba i ti’n fini plen. Mwan menm 

mwan mon ti vin avek 2 dimoun 

sorti Cascade pa kapab mete. 


29


Non sa nou pou anvoy pou ou 

avek soz laba…. 


Proceed Onorab. 


Si nou pe koz pour nou ogmant 

kapasite Fiennes, letan mon koz 

lo Fiennes Institute la, kot Kazern 

nou ti dir lontan, Mr Deputy 

Speaker la osi annou take note 

dan sa pei poudir laba kot 

Kazern la i annan dimoun ki son 

fanmiy i kapab byen ed li, i 

kapab pran responsabilite e nou 

pran nou met laba, kekfwa zot 

kontribye en larzan I dont know, 

pou serten rezon, mon pa kont sa 

mwan me selman mon pe dir, 

nou take note. Nou kapab petet 

ogmant kapasite laba pou kapab 

pran plis sa bann dimoun. 

Mon konn dimoun 

paregzanp ki North East Point 

Hospital oubyen menm ki 

Kazern, i ti annan later, 

propriyete, i pran, i pa ni vann, i 

pran i donn serten lezot dimoun 

apre li i napa landrwa pou li ale, 

apre li i pas. Gouvernman i 

bezwen anmase li. Me ki kalite 

gouvernman ki nou nou pou 

annan e nou pou kontinyen 

annan dan sa pei? Mr Deputy 

Speaker se pou sa rezon ki mon 

pe dir ki nou pa kapab kontinyen 

avek sa. 

Mon koz lo rol paran taler. 

Be paran konmsi nou pa vwar 

nou zanfan ki direksyon i pe 

pran? Nou pa seye konmsi pou 

koz avek? La osi nou bezwen sey 

rod fason dan nou sosyete, dan 

nou bann distrik sey fer plis 

ledikasyon, wi ledikasyon i zwe 

en rol enportan pou nou kapab 

re-konsyantiz nou paran pou 

kapab vwar koman nou kapab 

take up pou anpes dan nou 

fanmiy ariv sa bann keksoz 

koumsa. Nou pa swete ki i arive, 

nou tou nou sagren letan i arive, 

nou pa kontan me selman nou 

bezwen al travay davantaz pou 

anpes sa bann keksoz arive. 

Mon donn legzanp Mr 

Deputy Speaker, lot fwa Prezidan 

dan son tre bon legzersis dan 

bann distrik ki in fer i annan 

dimoun ki’n vin devan in dir avek 

Prezidan, ‘wi Msye Prezidan kot 

mwan mon annan piti ki koumsa 

e lopital laba pa ed mwan’, me 

nou’n dir, mon’n follow up mwan, 

mon’n fer mon bout mwan 

koman MNA, nou’n ale, mon’n 

tyeke, Minis i donn apwentman 

sa paran pa vin ditou. Limenm 

li in vin devan Prezidan in dir, 

devan tou piblik Cascade in dir. 

Me letan prezan i apel li pou vin 

diskit case son piti ki dan 

problenm e ki pe fer problenm ek 

nou popilasyon, me i pa vini. En 

fwa, 2 fwa, 3 fwa i pa vin ditou. 

E ou pou al pran sa piti pou met 

dan lenstitisyon letan gard menm 

i rod li bann ensidan ki i fer, 

paran i pran i kasyet. Annou 

think about kwa ki nou pe koze 

en. Sa zafer zis pran anvoy lo 

gouvernman, kree lenstitisyon 

isi par kote laba mwan mon dir 

mon pa dakor. 

Kote nou nou bezwen 

rezourd sa bann problenm Mr 

Deputy Speaker la demen 

30

Merkredi i annan sa special task 

force sosyal ki pe al ganny kree 

nou tou manm Lasanble ki la 

nou bezwen zwe en rol enportan. 

Dan tou bann distrik pou annan 

sa task force, nou bezwen nou 

swiv ki pe arive e nou bezwen 

annan en input ladan. Mon dir 

nou tou manm Lasanble, se sa ki 

mon pe dir i devret annan en 

sanzman radikal dan sistenm 

sosyal, manm Lasanble nou pa lo 

la, i kler, mon dakor avek ou 

Onorab Ramkalawan nou pa lo la 

e se sa ki mon pe dir nou bezwen 

rod en fason, manm Lasanble i 

kapab dan lopozisyon, dan parti 

opouvwar mon napa problenm 

avek sa e nou ki nou pe diskit sa 

e ki konsyan sa problenm, nou 

bezwen annan en rol pou zwe, se 

la kot petet sistenm parfwa i 

manke bann keksoz koman pou 

take up. 

Alor nou bezwen vwar de 

pros kimanyer sa task force ki 

mannyer pe ale e nou bezwen 

swiv e fer sir ki i marse e i morde. 

Nou pa kapab e mwan sanmenm 

sa mon koz for lo district 

empowerment. Distrik i bezwen 

ganny son pourvwar li pou li deal 

avek son bann dimoun. Petet la i 

kapab ede rezourd sa bann 

problenm akoz letan nou dan 

distrik nou vwar i annan sa bann 

kalite endividi, nou pa pou kapab 

aksepte pran larzan gouvernman 

zis pou donn zot pou zot e al fer 

fize koumsa, apre i pas 2 zour, 3 

zour i re-vin kot ou, konmsi la si 

ou pa ede mon pa konnen ki 

kalite move imen ou été. Nou pa 

pou kapab koumsa e nou nou 

pou bezwen, sa dimoun ki 

bezwen ganny lasistans i bezwen 

kontribye akoz nou’n dir, loter 

mosyon in fer sorti i annan de 

moman sa dimoun i an bon 

kondisyon li i pa malad, i annan 

de moman letan i pa ganny son 

pilil la wi, me otherwise i kapab 

fer keksoz. Be ou a vini bomaten 

ou a raport kot distrik oubyen 

mon pa konnen kote ou a donn 

en koudmen balye kot legliz, 

balye kot lekol - ou a fer en 

keksoz, i annan en keksoz ki ou 

a kapab fer apre ou ava ganny en 

lasistans. Prezan si pou donn ou 

lasistans e ki ou pou al mal servi 

li, sa osi ou pa pou dakor, i 

bezwen annan en manm fanmiy 

ki a bezwen responsab pour sa e 

nou a monitor, nou a follow up. Si 

napa nou a rod fason kot distrik, 

i ava annan en sistenm kel konk, 

si fodre pey en take away, si 

fodre en isi, en laba i annan en 

mwayen, en fason kot nou pou 

kapab annan solisyon e anmenn 

solisyon pour sa bann kalite 

problenm. 

So that is why Mr Deputy 

Speaker, Sir, ki mwan mon pa 

pou kapab siport sa mosyon tel 

parey i ete la. Tout an rekonetan 

pou dir ki i annan serten sa 

kalite problenm, sa bann endividi 

i vin en nwizans, i vin en 

problenm dan nou sosyete, dan 

sak nou bann distrik. Me nou 

bezwen vwar fason pli realisti, 

fason pli konkret, fason pli byen 

pour nou kapab deal ek sa bann 

keksoz koumsa. 

An pasan mon fer resorti 

klerman ki loter mosyon in fer 

resorti osi kot bokou sa bann 

problenm ozordi i liye avek drog. 

31

E annou donn en koudmen pou 

elimin sa bann keksoz, annou pa 

siporte letan konmsi lotorite pe 

zwe son rol byen e i a pe tyonbo 

sa bann dealer pou nou redwir 

sa bann case e ki nou nou ale 

nou al anmenn bwat take away, 

nou al donn sipor isi, sipor laba, 

annou careful ki nou pe fer dan 

sa kote. 

Mr Deputy Speaker pou 

fini mon annan alors sa pou dir 

se ki nou sosyete, wi avek bann 

devlopman, avek osi bann 

problenm ki nou pa ‘n swete i 

arive, in ede tou sa kree ki nou 

annan sa bann problenm, sa 

bann viktim ozordi me nou tou 

nou bezwen donn en koudmen 

sirtou la MNA dan son distrik, i 

bezwen zwe en rol kle, en rol kot 

nou bezwen spearhead si ou oule 

dir sa bann sanzman ki pe arive 

dan distrik, ki nou kapab ede 

anmenn solisyon konkret, mon 

pe dir pou ki bann problenm 

parey i ganny met anba control 

serye si non menm ganny 

eliminen. 

Mon demande alor ki nou 

osi koman MNA nou koste avek 

lotorite pou kapab anmenn 

solisyon pour sa problenm. Mon 

ti a swete si loter mosyon ti 

kapab amann sa mosyon dan en 

serten fason ki ti a fer mwan 

kapab vot lo la. Me lafason tel ki 

i été, mon sorry avek tout respe 

mon pa pou kapab siport li ki 

manyer i été. 

E mon demande alor ki 

nou konpran le problenm i 

egziste e ki nou rod fason pli 

apropriye pou rezourd sa 

problenm e non pa nou tou 

anvoy tou keksoz lo gouvernman 

akoz nou gouvernman osi nou 

vwar sa sanzman ki pe arive avek 

li, responsabilite ki i pe pran e 

nou osi koman imen, koman 

responsab nou bezwen revwar 

lafason, nou mindset, lafason 

donk nou apros bann dimoun viz 

a vi sa bann problenm e nou 

demann nou dimoun osi, nou 

popilasyon pou zwenn avek nou, 

pou koste, pou vwar koman – 

nou annan dimoun deor la ki 

kapab ed nou to be more 

empowered pou kapab rezourd 

sa bann problenm e mon 

demande ki sa i ganny fer 

koumsa. 

Vwala Mr Deputy Speaker 

mersi, e mersi pou a lekout tou 

bann dimoun. Mersi. 


I reste nou 10 minit. Onorab 

Prea you are next on the list, ou 

pou pran plis ki 10 minit? 

HON NICHOLAS PREA 

Wi mon pou overlap enpe. 


Onorab Loizeau ou osi plis ki 10 

minit? Si non nou ava adjourn 

nou a retournen 2er. 

(Break) 


Nou repran nou travay. I reste 

mwan 2 entervenan lo mon lalis. 

Eski zot still annan lentansyon 

pou koz lo mosyon? Oke Onorab 

Prea. 

32


Mr Deputy Speaker mon pou 

aport sipor pou mosyon prezante 

par Onorab Georges. Whether 

Lasanble in pran linisyativ, 

whether gouvernman pou fer 

oubyen i a osi sezi linisyativ, i a 

bouz avek, i a rod en fason pou 

fer, sa pou le moman i pa vreman 

enn mon konsern. Mon konsern 

se ki depi mon’n antre bomaten 

dan Lasanble konsern ki’n leve 

se ki nou pe fer fas a en realite. I 

annan en sitiasyon, e sitiasyon 

pe regard nou dan nou figir nou 

bezwen reakte, nou bezwen pran 

bann mezir apropriye. 

Sa size i enn ki mon’n deza 

aborde avek plizyer dimoun e i 

annan plizyer konsern ki’n ganny 

leve lo la. Mon’n osi ganny en 

rankont avek serten group 

travayer minister lasante ki zot 

lenkyetid se ki parfwa lotorite, 

sirtou lapolis i aret plizyer sa 

bann dimoun a zot end up 

Psychiatric ward. Sa bann 

dimoun, bann travayer Lasante i 

dir avek mwan ki zot pa bezwen 

latizan pou dimoun fou, zot pa 

bezwen tretman sirkyatrik. Zot 

annan en lot problenm, zot 

problenm se ki zot napa en 

landrwa pou zot, zot problenm se 

ki parfwa zot menm zot zot dir ki 

zot bann rejects ki lafanmiy in 

rezet zot e petet ki lasosyete osi 

in rezet zot. E parey mon’n dir i 

en realite ki nou pe fer fas avek e 

nou pti kapital - pou bann ki pas 

dan nou pti kapital whether i 

lizour oubyen avek soley kouse 

nou vwar poudir sa problenm pe 

agrandi. 

Mon kontan ozordi pou 

mwan tande, anfen pou pa tande 

ki sa bann problenm i zis dan 

bann pei parey Moris kot plizyer 

fwa, plizyer nou isi dan sa 

Lasanble nou’n dir Moris ki nou 

mandyan, Moris ki nou vwar 

dimoun pe dormi dan bwat 

kartron obor laboutik eksetera, 

ozordi problenm i se nou e nou 

bezwen reakte. 

Pou en popilasyon 80 mil 

dimoun, Moris i annan 1.2 

keksoz milyon. Sesel nou annan 

nou 80 mil dimoun e pour nou 

dir ki sa i pa alarman mon sorry. 

Si nou pran sak distrik nou 

annan nou 25 distrik. Si dan 

sak distrik nou kapab idantifye 

10 dimoun ki tonm dan sa 

kategori lanmenm la i fer 250 

dimoun e pou mwan i bokou e 

nou tou nou konnen poudir i 

annan distrik ki annan plis ki 10 

dimoun ki tonm dan sa kategori. 

Pou mwan ler mon antann 

serten manm koze, konmkwa i 

deza annan tou keksoz anplas, i 

deza annan tou lenstitisyon 

anplas. Me sak sa lenstitisyon ti 

ganny kree avek en serten bi. 

Par egzanp lopital pou vye 

dimoun North East Point i pa’n 

fer pou pran enn sa bann zenn ki 

pe marse anvil, ki pe mandyan e 

ki pe rod en pti pe manze pou 

met laba. Mont Royal pa’n fer 

pour sa bann dimoun. Mont 

Royal i annan en purpose 

spesifik, nou tou nou konnen. 

Tou sa bann lenstitisyon ki’n 

ganny fer, ki’n ganny kree Vilaz, 

SOS Port Glaud tousala i annan 

son purpose be sa bann dimoun i 

pa ganny anfermen dan sa 

lasenn. Sa bann dimoun i reste 

33

an deor e nou bezwen rod en 

fason pou nou kapab tackle sa 

problenm. 

Mon pa krwar, malgre dan 

nou bann lentervansyon i annan 

in sey say en pti pe ki petet en 

distrik i pli afekte ki lot. Tou 

distrik i annan sa problenm. Tou 

distrik i annan sa bann social ills 

swa ki’n ganny kree par 

problenm ekonomik, swa in 

ganny kree par problenm drog 

oubyen labi lalkol, oubyen par 

selman kot sa dimoun in fall out 

kot son fanmiy e apre i pa pe 

vwar li anba en twatir i pe dormi 

nenport kote. 

I annan en sitiasyon mon 

krwar ki Onorab De 

Commarmond in leve bomaten 

Mr Deputy Speaker kot petet 

parfwa nou pe dekouver ki i 

annan bann dimoun ki dan sa 

bann homes ki deza la ti deza 

annan mwayen avan, ti deza 

annan later avan me apre serten 

roulman ki’n arive, zot in vwar 

zot ozordi napa nanryen e zot 

laba. Dan mon distrik Bel 

Ombre i annan detrwa ka 

koumsa, kot sa ki pli malen in 

anbet zot,i e menm i annan en 

bann ki ti dir mon a pran sa later 

mon a donn ou drwa lazouisans 

me apre en serten ler menm sa 

drwa lazouisans in fatig zot, 

finalman zot in pran sa dimoun 

zot in al met North East Point e 

zot zot pe zouir sa propriyete ki 

sa dimoun i annan. 

Mon annan en lot ka kot 

ozordi sa dimoun ki ti annan 

later i pe dormi partou obor 

semen akoz en sitiasyon parey 

ankor in arive. I sa bann 

sitiasyon ki mosyon pe demande 

pou kapab rantre en pti pe, pou 

kapab anmase. 

Annou regard en lot kote. 

Nou ki pas – bann ki marse ki 

pas dan lavil, lizour, lazournen 

pour nou parfwa i fatigan pou 

marse dan lavil. I fatigan pou 

nou kot nou ganny aprose avek 

bann dimoun ki pe rod – mon 

pran en senp legzanp semenn 

pase mon’n rankontre enn ki 

deklar son lekor i annan 

HIV/AIDS i annan SIDA li. 

Deswit koman in dir mwan sa i 

pe rod manze and all that, li i 

annan SIDA mon mazinen mon 

dir be konbyen dimoun ki pou fer 

parey li ki ouvertman i pou vin 

deklar son lekor i annan SIDA 

whether i annan oubyen non. Sa 

i pa en sitiasyon ki ou zwe avek. 

Konbyen sa bann dimoun 

ki vini ki ou pe marse anvil 

menm lazournen konmela I 

harass nou. E si i harass nou ki 

lokal ki Seselwa nou pti lavil i 

ganny frekante par nou 

popilasyon touris. Konbyen sa 

bann touris ki ganny harass par 

bann tel dimoun? Konbyen si i 

pou nou ki nou pe drive around 

oubyen nou pe marse, nou vwar 

en boug ki’n perdi en kote lebra 

dan enn sa bann bin nespes gro 

vant, nou pe rode ki i pe rode 

ladan si en bwat take away, si en 

boutey, si kwa, si pou nou i fatig 

nou, pou sa viziter ki kalite 

portre sa i pe montre pou nou pti 

kapital Viktorya. 

Mon pe al enn pti pe dan 

sa bann ekstrem, mon pe koz en 

pti pe koumsa pou sey montre bi 

sa mosyon. Mwan osi mon ti’n 

fayle en keksoz dan sa direksyon 

34

me apre mon ti retire ler mon’n 

aprann ki Onorab Georges in 

anmenn enn koumsa akoz sa 

problenm i la, sa problenm i 

devan nou e nou bezwenn reakte, 

nou bezwen fer fas avek. 

Mon koz lo sa laspe touris. 

Ozordi STB pe fer en gro travay 

pou kapab - menm son moto 

Seychelles Another World pou 

sey kapab portre nou 

destinasyon touris koman en lot 

destinasyon ki pa parey lezot me 

ler nou viziter i rantre Sesel i 

ganny harass par bann tel 

sitiasyon, par bann tel dimoun ki 

pe zis napa en landrwa, napa en 

bouse manze and so on, mon pa 

krwar ki sa moto ‘Seychelles 

Another World’ i marse pou zot. 

Mr Deputy Speaker parfwa 

i bon, petet nou ki la antre nou 

nou kapab rankontre enn sa 

dimoun. Petet nou kapab ganny 

an dyalog avek li e find out 

vreman ki son lakoz, ki rezon ki i 

la. Semenn pase, Vandredi 

mon’n rankontre en sitiasyon kot 

Storey House, kot mon’n zwenn 

en garson ki pe fouy dan bin e i 

pe tir en bwat take away. 

Konbyen letan ki in ganny zet 

dan sa bin? Mon pa konnen, 

pou li sey rod en pti pe manze 

ladan. En dimoun in ofer li en 

bwat take away ki sa dimoun in 

aste, in manze de kwiyer me li in 

ensiste ki anmenmtan ki i pou 

pran sa bwat, i pou rod sa lot 

bwat osi ki dan bin. 

Ler konmsi ou demann li ki 

son problenm, son problenm i dir 

ou i lafen, sa bwat pa pou ase 

pou li, i bezwen rod ankor. Si 

ozordi en tel lenstitisyon ki nou 

pe mazin pou kree i kapab 

omwen, sa dimoun li i kapab 

omwen al laba i konnen ki poudir 

be oke mon pe manze, mon pe 

ranpli mon lestoman petet nou 

pa pou vwar li pe fouy dan sa 

dust bin, petet nou pa pou vwar li 

pe demann dimoun manze, petet 

anmenmtan kot sa lenstitisyon i 

ava kapab annan lezot pti lwazir, 

lezot pti keksoz pou li fer. 

Nou’n koz lo district task 

force ki pe lanse demen. 

Bomaten Onorab Rose in koz lo 

sa family support unit. Bel 

Ombre ti annan enn family 

support unit, in fail, i pa pe 

marse. E i pa pe egziste. Demen 

nou pe al lans en district task 

force, eski i pou marse? Nou pa 

konnen si i pou marse. Akoz? 

Ankor nou pa pe target the root, 

the cause of the problem, nou pa 

pe rode kwa, kimanyer sa bann 

dimoun – nou nou pe panse 

poudir be sa bann dimoun i 

viktim drog, viktim lalkol, 

whatever. Sa bann dimoun i en 

bann bezwen spesifik, sa bann 

dimoun i bann dimoun ki’n tonm 

dan lari, ki pe dormi a’n 

bonnavini, ki pe fouy dan dust 

bin, ki annan en bezwen spesifik, 

ki annan en bezwen ki ganny 

demande pou ganny ranmase. 

Ranmas sa bann dimoun i 

pa vedir vyol zot drwa imen. Ler 

sa bann dimoun i apros nou, i 

apros bann touris osi tou, nou 

osi nou annan drwa imen. Eski 

sa bann dimoun ler zot pe harass 

nou, pa pe vyol nou drwa imen? 

Me si an krean en tel 

lenstitisyon, en tel home ki kapab 

pran swen avek sa bann dimoun 

35

lotorite i ava kapab fer sir ki zot 

ganny ranmase zot a ganny sa 

bann swen neseser e sa kalite 

problenm ki zot koze sirtou dan 

nou lavil i a kapab ganny 

eliminen. 

Byensir i annan parmi nou 

si nou pa’n rankontre en tel 

sitiasyon pa pou konpran 

rezondet deryer sa mosyon. 

Byensir si i annan en bann parmi 

nou ki si nou marse anvil nou 

mars zis dan en loto nou pa mars 

apye, sa bann dimoun pa apros 

nou nou pa pou konpran sa 

sitiasyon e nou pa pou konpran 

lide deryer sa mosyon. 

Semenn pase mon’n fer fas 

avek en lot sitiasyon ki i 

enportan pou mwan partaz sa 

leksperyans avek zot. En fiy in 

pran son manman ki’n vin en ka 

parey atraver lefe lalkol, atraver 

lefe baka. In pran son manman 

in anmenn Mont Royal, from 

there i telefonn mwan i demann 

mwan ki i pou fer. Ki i pou fer? 

Son manman in anmenn Mont 

Royal zour i pou sorti i pou 

retourn dan menm lanvironnman 

kot i reste obor en lakanbiz, ki i 

pou fer? Ou vwar? I pa en 

problenm ki nou pran sa dimoun 

nou anmenn detox oubyen nou 

anmenn sa dimoun Psychiatric 

ward, i pa bann dimoun ki 

bezwen sa, i bann dimoun ki 

bezwen en lot kalite bezwen, en 

lot kalite led nou sosyete e mon 

krwar se sa lespri deryer sa 

mosyon. 

Nou tou nou konnen ozordi 

i annan mwayen led. Menm i 

annan bann lorganizasyon 

enternasyonal ki kapab ed nou. 

Ozordi bomaten Onorab 

Ramkalawan in koz move bann 

group relizye, legliz Katolik, 

Anglikan, Advantis par egzanp 

pou sey tackle sa problenm drog 

e son bann ills ki anmennen. 

Ladan osi tou nou nou kapab 

ganny led si nou permet nou 

kapab vwar sans sa mosyon e 

bouz avek sa lide pli devan, 

ladan osi tou nou kapab ganny 

led. Annou pa reste nou fermen, 

annou pa reste nou fermen pou 

dir be non, nou pa kapab fer 

nanryen oubyen nou pa kapab 

demann gouvernman. Annou 

demande, gouvernman i a 

regarde kimanyer i pou bouze, 

kimanyer i pou depay li ladan. 

Mr Deputy Speaker parey 

mon’n dir kreasyon en tel 

lenstitisyon parey loter mosyon 

pe demande a kapab donn en lot 

sans viv, en lot sans lavi sa bann 

dimoun. Nou tou nou konnen 

poudir dan sa bann ka koumsa i 

annan dimoun ki pou kapab 

sorti e pou kapab re-entegre dan 

nou sosyete. 

Bomaten Onorab 

Ramkalawan in koz kot parfwa 

nou menm nou atraver keksoz ki 

nou fer, atraver keksoz ki nou dir 

nou ganny kit deryer. Wi, mon 

annan en pti bout la kot mon’n 

mansyonnen lo nou’n sitan koz 

lo devlopman, ki manyer Sesel in 

devlope san mazinen poudir nou 

pe kit serten group dimoun 

deryer e sa bann dimoun i ganny 

kite deryer, nou bezwen aksepte. 

Sa bann dimoun i ganny kite 

deryer e si nou ferm lizye ozordi, 

ozordi si i annan 20 dan lavil 

demen i pou vin 40. 

36

Prostitisyon ki nou’n koz lo 

la, ki ti napa yer – ozordi i 

annan, demen pou annan plis. 

Ler mon dir ti napa yer, i pa ti 

alatrenn parey i été ozordi. 

Ozordi ou fer en pti letour anvil 

aswar nou vwar. Nou tou nou 

konnen, nou tou nou konnen ki i 

pe dir. 



Order, order… 


Ozordi i partou, me parfwa ki 

nou dir, nou vante nou’n sitan 

devlope, nou GDP in sitan o and 

all that nou bliy en lot group nou 

dimoun ki vilnerab, ki sape ki 

tonbe e nou pare ozordi pour nou 

kit zot deryer. 

Mr Deputy Speaker mon ti 

anvi fer detrwa pwen, mon 

konnen petet mon pwen i enn pti 

pe kri, mon’n al en pti pe dan sa 

ekstrenm and all that, me zis pou 

montre zot en pti pe annou come 

back to earth, annou fer fas avek 

larealite, annou parey zot kontan 

dir annou etre realis. 

Annou regard en pti pe, 

petet ler nou pe koz the root sa 

problenm, lakoz, annou regard 

en pti pe. I annan en sitiasyon 

kot mon konn en garson in sorti 

prizon e nou tou nou konnen 

ozordi poudir prizon napa en 

rehabilitation program. In sorti, 

in al rod led, partou kot in al rod 

led i pa’n gannyen e ozordi i enn 

parmi sa bann manrmay ki pe 

fouy dan bin. Son lespri i bon li, 

i pa’n zanmen servi ni drog, ni 

lalkol nanryen, me sosyete in 

obliy li, in kit li deryer. Ozordi in 

komanse mandyan, mandyan, 

mandyan ozordi finalman ler i 

nepli kapab mandyan i fouy dan 

bin. E ankor i bann keksoz ki 

nou bezwen fer fas ava. Vwala 

alor mon 2 pti pwen ki mon ti 

anvi fer Mr Deputy Speaker zis 

pou kapab sey regir nou bann 

manm pou nou kapab vwar 

larealite. 

Parey mon dir ler nou koz 

gouvernman ki bezwen fer se 

gouvernman ki la me 

gouvernman i ava regarde ki 

fason pou tackle sa problenm. 

Nou nou’n idantifye 

problenm nou nou la nou’n met 

devan gouvernman, gouvernman 

i ava vwar kwa, koman fason, ki 

pli bon fason pou deal avek. 

Mr Deputy Speaker sa i 

mon kontribisyon lo sa mosyon 

mersi. 

HON NORBERT LOIZEAU 

Mr Deputy parey nou konnen sa 

size ki Onorab Georges in 

anmenn devan nou ozordi i enn 

ki nou tou isi dan Lasanble nou 

vwar e nou pe rankontre 

toulezour. Sa ki Onorab Georges 

pe demann gouvernman ozordi 

malgre nou dan en moman 

reform, mwan mon vwar li 

koman enn bann ka irzan e ki 

fodre keksoz i ganny fer pour sa 

bann dimoun an partikilye. 

Mr Deputy mwan mon 

annan en distrik kot anviron 

lanmwatye lavil Viktorya i form 

par. Laplipar sa bann dimoun ki 

nou pe koz lo la ozordi, zot tou 

zot desann dan Viktorya pour zot 

vin fer zot bann kalite mers e 

37

apre la ki zot mont dan distrik 

plitar, me laplipar ditan sa bann 

dimoun pandan lannwit zot still 

reste dan Viktorya. 

En keksoz ki mon remarke 

tou dernyenman se ki i annan en 

gran logmantasyon dan sa bann 

dimoun. Konmela partou anvil ou 

rankontre sa bann dimoun e 

parfwa i vreman fer lapenn kan 

ou vwar en zanmi ouswa en frer 

ki ou’n konn li enpe letan ki dan 

sa kalite problenm. E ler zot 

tonm dan sa kalite problenm Mr 

Deputy i fer zot vin vilnerab e zot 

tonm dan en lapovrete terib. 

I annan Mr Deputy parey 

Onorab Prea in mansyonnen 

taler ki napa nanryen pou 

manze. Ou vwar zot kot pe sentri 

kot lezot dimoun i vin manze dan 

apremidi e kan bann dimoun i 

met sa pti morso manze dan bin 

zot taye zot sot lo la. 

Dernyen fwa Mr Deputy 

mon rapel isi dan Lasanble letan 

mon ti pe koz lo lapovrete serten 

manm dan lot kote ti reprann 

mwan an dizan ki lapovrete nepli 

egziste dan Sesel. Zot ti menm 

dir ki lontan ki dimoun ti al lager 

mang ek lera, en keksoz koumsa. 

Me mon a dir zot en keksoz Mr 

Deputy, konmela anvil ou pou 

vwar zenn koman vye pe lager 

restan manze dan bin, ennler ou 

a dir sakenn i annan en bin pour 

zot menm. Si zot vwar lot pe vin 

fer en check dan sa bin, zot lager. 

Mr Deputy sa ki mon pe 

rakonte se sa ki mon pe vwar 

toulezour ki pe pous mwan pou 

donn Onorab Georges en sipor 

pour son mosyon, e Mr Deputy 

sa i zis bouton, i annan bokou 

ankor. 

Onorab Georges in osi 

demande ki sa bann dimoun i osi 

ganny en landrwa zot a kapab 

vin repoze kan lannwit i fer, sa 

Mr Deputy mon toutafe dakor 

avek Onorab Georges akoz 

partou kote kot ou pase kan in 

ariv aswar nek ou vwar en boug 

in mete dan en kwen, lo en nat 

pe cool konmsi kot li. Enler ou a 

krwar si sa bann landrwa se HFC 

i donn zot sa bann dimoun pou 

zot tenir zot lekor anba la. Anvil 

konmela tou bann ban, tou bann 

bus stop ki antoure ek lavil i 

annan en tenant Mr Deputy. Tou 

le swar ou vwar menm kalite 

dimoun pe dormi lo sa ban, i 

annan menm ki si ou krwar ou 

pe vin cool lo ban ziska en pti pe 

tar ek ou fanmiy, zot debout la 

zot esper ou, koman ou sorti zot 

mete. 

Anba peron bann flat, en 

lot landrwa ki’n vin bann lasanm 

prive pour sa bann dimoun e sa i 

vin en nwizans pour sa bann 

fanmiy ki reste la akoz sa bann 

dimoun pa zis vin dormi la, zot 

menm pran lenz lo lakord pour 

zot mete, lenz sa bann dimoun. 

Mwan mon konn en landrwa dan 

flat Lari Hangard obor kot Msye 

Patrick Hoareau i annan en 

garaz. I annan en msye i annan 2 

fanmiy ki reste anba zot laport 

lakwizin i reste lock full time sa 

akoz i annan 2 msye ki’n tal zot 

nat la, fer zot bann parwaze 

aswar, tournen lannwit, dormi, 

fer zot bezwen lanmenm la anba 

stairs, sa bann dimoun pa ouver 

sa laport lakwizin ditou, i reste 

zis fermen akoz sa bann dimoun 

pe servi sa. Se pour sa rezon ki 

38

mwan mon pe demande e mon ti 

a kontan ki gouvernman i get 

enpe dan welfare sa bann 

dimoun vi ki dernyen fwa, pou 

dernyen eleksyon zot logo ti en 

leker pour tou Seselwa e alors sa 

bann dimoun mon krwar zot en 

Seselwa zot osi. 

Mr Deputy anvil konmela 

napa zis bann zenn onm ouswa 

zenn garson ki pe fer sa bann 

kalite keksoz, i menm annan 

bann zenn fiy. Nou ti pe koz lo 

Loka taler, nou pou tourn lo 

Loka en pti kou. Mwan 2 semenn 

pase mon’n zwenn en fiy ki pe 

cool dan sa Loka ki Onorab Rose 

in donn mwan Bel-Air in pas lo 

mwan. 

HON MARIE-ANTOINETTE 

ROSE 

Msye Deputy mon pa’n koz lo Bel 

Air. Mersi. 


Mr Deputy e mon demann li kot i 

pe ale, i dir mwan i pe al travay 

mwan ankwayan i pe al travay 

lotel, sa ler, dan bann pti 7 er. 

Apre in eksplik mwan in dir 

mwan, be non li i fer bann 

deroule anvil, i post up i fer bann 

deal. E sa fiy ler mon get lo mon 

lalislaz voter sa fiy pa en zabitan 

Bel-Air e mon anvi dir ek Onorab 

Rose… 


Address the chair. 


..Mr Deputy mon anvi dir ek sa 

Lasanble ki dan distrik Bel Air sa 

bann fiy ki vin anler dan sa Loka 

la, napa enn ki zabitan Bel Air, e 

mon menm anvi fer konnen ki 

dan sa Loka anler Bel-Air i 

annan menm fiy serten Minis ki 

monte vin fer bann roulman. 

Mon ti a kontan dir li dan mon 

parol normal me i pa pou 

parlmanter me selman sa pe 

arive. E konsernan sa problenm 

Loka ti annan en madanm dan 

konsiltatif ti fer resorti sa pwen 

ek Msye Prezidan vi ki i ti pe 

ekout problenm bann dimoun, i 

ti dir ki i annan sa problenm e 

dan son distrik sa, li osi i pase, 

mwan osi mon monte, dan son 

distrik, mon krwar madanm Savy 

ti adres sa pwen e mon krwar 

zot, mwan mon pa gard, zot, zot 

a liyez avek zot bann lazans 

konsernen, zot a vin deal avek sa 

problenm. 

Mr Deputy taler ii annan ti 

pe koz lo labi lalkol, konmsi labi 

lalkol parmi bann zenn, ki pe 

pous sa bann zenn apre pou al 

dan sa bann form move pratice. 

Ler mon get labi lalkol osi parfwa 

nou ki anmenn bann zenn dan 

labi lalkol. Mon rapel tou 

dernyen fwa ti annan bann 

fonksyon ki ti fer kot Mahe Beach 

pour bann zenn, ti annan lalkol, 

e bann manze ti pran anler kot 

mwan, sa bann letan, full soz 

anler ti provide bann burger ti 

provide e bwar ti donnen, diverti 

kontan, lo lans e manrmay ti pe 

donn bal. E sa problenm lalkol 

mon krwar nou ki’n met dan sa 

bann dimoun e zot rod en fason 

pour rezourd sa problenm. 

Mr Deputy pou terminen 

mon anvi felisit Onorab Georges 

pour son mosyon, akoz 

39

lentansyon son mosyon i bon e 

sa size i enn ki reel ki bokou 

dimoun ozordi pe vwar zot dan sa 

bann tel sitiasyon kot parfwa i 

vreman difisil pou zot kapab 

sorti. Alor mon vwar li i normal 

pou en keksoz parey i ganny met 

a zot dispozisyon pourki vi parey 

mon’n dir taler vi ki Prezidan i dir 

annan en leker pour tou Seselwa, 

annan en leker pour sa bann 

dimoun osi. Mersi Mr Deputy 

mon donn mon sipor Onorab 

Georges. 

HON COLIN DYER 

Mr Deputy deba in lo lot kot 

latab in paret ase enteresan pour 

mwan bomaten lo sa mosyon 

prezante par Onorab Georges, e 

sa in pous mwan pou dir detrwa 

parol pou nou fer analis kot nou 

sorti, kot nou pe ale, e kot nou 

pei i anvi arive. 

Mr Deputy Onorab Rose in 

dir, in fer nou remarke poudir sa 

mosyon prezante par Onorab 

Georges i pa sipoze en prensip 

liberal ki nou SNP nou 

reklanmen nou afilye avek. Mon 

pa konnen ki degre definisyon 

liberal Onorab Rose in pran me 

selman mon ti a kontan analiz 

serten keksoz. 

Nou toultan nou’n dir 

poudir Sesel komers, biznes e 

lezot servis ledikasyon, Lasante 

on and on fodre i ganny liberalize 

e fodre lakominote a’n antye i 

ganny permisyon e drwa lezitim 

pour zwe en rol dan devlopman 

nou pei. Me ki listwar Sesel in 

montre nou? Parti opouvwar in 

dir ek nou e Onorab Potter in dir 

nou enstitisyonalizasyon fodre i 

arete ozordi. I pa sa ki i ti krwar 

ladan 30an pase. Onorab De 

Commarmond in dir ek nou fodre 

nou arete fye lo gouvernman 

avek lo leta, i pa sa ki i ti krwar 

ladan 30an pase. 

Ler nou analize apre ki nou 

ti antre dan en sistenm parti 

inik, nou ti touy demokrasi - 

mon byen dir nou ti touy li 

parski i pa ti annan drwa egziste. 

Mwan mon ti napa drwa fer 

politik, sa bann Onorab la ti 

napa drwa fer politik. Nou ti 

ganny zize, bate, met dan kaso, 

deporte on and on. 

HON MARIE-LOUISE POTTER 

Mr Deputy relevance order 47. 


Avek sa mon pe dir nou ti napa 

drwa pran ka avek bann dimoun 

ki nou mosyon pe koz lo la 

ozordi. Lekol prive i ti fer fermen, 

sistenm lasante prive i ti fer 

fermen, bann NGOs ti napa dwa 

egziste parey i egziste ozordi, e 

bann dimoun dan LUNGOS i 

annan ki’n dir ek nou apre retour 

miltiparti dan Sesel kan bann 

NGOs ti pe retourn aktiv tel 

parey Scout avek Girl Guide ki zot 

ti fer fermen, gouvernman li i ti 

ede avek bann nouvo asosiasyon 

pou antre dan LUNGOS e ki sa 

bann dimoun dan LUNGOS ki ti 

senser zot zot ti apel sa bann 

(gonggoz ??) ki ti pe sey vin anval 

LUNGOS e defann li fer son 

travay parey i devret fer. Sa parol 

in ganny dir avek nou sa, i en 

realite ozordi. 

Mr Deputy mon dir sa pour 

nou realize kote nou sosyete i 

sorti e kote nou sosyete pe ale e 

kote nou anvi arive. Biznes ti 

40

ganny fer fermen e dimoun ti 

napa drwa fer biznes, fer larzan. 

Dimoun ti napa drwa vin ris 

dapre zot e nou tou nou ti devret 

appel nou lekor kanmarad e nou 

tou oue gal. Nou sef deta ti dir 

ek nou class dan Sesel fodre i 

abolir. 



Order. Onorab take us to the 

motion. 


Mon lo mosyon Mr Deputy. 

Ekoute mon pe analize pour nou 

ansanm avans devan akoz mon 

anvi nou al devan. Onorab Rose 

in deza dir nou dan sa Lasanble 

poudir li i sorti dan bann lower 

class e ozordi in ariv li dan upper 

middle class dapre son sef deta 

avan ti annan 3 class e li in dir 

nou ozordi i annan 4 class. 

Mr Deputy si i annan 4 

class e ozordi gouvernman pa 

kapab pran ka avek sa kategori 

dimoun ki Onorab Georges in 

prezante dan son mosyon, me 

bann ki li i ti sorti dan lower 

class in ariv dan upper middle 

class kontribye pour ed sa bann 

dimoun. Akoz? 


.. be sanmenm sa ki mosyon pe 

demande.. 


Order, order. 

HON DYER 

..Gouvernman i ede netway sa. 

Mr Deputy mon pou fer zot 

vwar en keksoz, parti opouvwar 

pe rezet sa demann ki mosyon 

Onorab Georges pe fer. I annan 

en dimoun ki li i enstab i vot 

Beau Vallon selman i pa reste 

Beau Vallon. Wi, mantalman 

enstab, i vot Beau Vallon i pa 

reste Beau Vallon me SPPF ler i 

get lalis voter li i vwar non sa 

boug selman i pa konnen kote i 

reste. Mwan mon konn li tre byen 

sa boug, sa msye la e i menm 

annan mon limero telefonn akoz 

mwan mon ed li ler fodre i ganny 

ede. I pa vot Beau Vallon li e 

mon pou dir zot en keksoz osi ki 

zot pou vwar la, eleksyon i vini, 

sa boug mantalman i pa stab 

mon pa al sers li pou al rod en 

vot ek li mwan, wi mon ed li pou 

ganny la nouritir pour li viv 

koman en imen dan dignite. Mon 

onte pou mwan al sers li, pour 

mwan anmenn li pou donn mwan 

en vot. Ki ou vwar, aktivis SPPF 

in rode lekel sa non, in konn non 

sa boug, zot al sers li, zot 

anmenn li dan biro vote kot pe 

vote, i napa idantite, i napa 

papye, i pa kapab vote fodre en 

dimoun i idantifye li pour li 

ganny permisyon vote, e napa en 

SPPF dan stasyon vote ki kapab 

idantifye sa boug dir li wi mon 

konn li sa msye. Mwan mon 

konn li mwan, zot in al sers li 

akoz son non i lo lalis zot konnen 

sa msye entel selman zot pa 

konn vreman son fanmiy ki 

manyer zot ti idantifye li. 

(interruption) 

41


Order order. 

HON DYER 

..E mwan mon ti kapab idantifye 

li akoz mon krwar konn li. Wi be 

selman mon pa’n fer li akoz si 

mon ti idantifye li son vot ler ti 

pou al cast apre ki SPPF in 

anmenn li i ti pou’n vot pour 

mwan. E mwan mon pa pare pou 

profit lo en dimoun enstab pou 

donn mwan en vot. E mwan mon 

pare en dimoun enstab pour 

mwan ed li pou viv an dignite e 

sa mon fer li e mon fer li byen 

kan mon kapab. 

Mr Deputy ozordi mon 

krwar demann Onorab Georges i 

annan serten lezitimite e mon 

krwar sa ki mon’n dir avan, 

detrir tou bann biznes e bann 

asosiasyon ki ti kapab ed la 

sosyete, bann dimoun ki enstab 

progrese, pran ka avek zot, ed zot 

viv an dignite. Sa bann dimoun 

zot menm pa’n ganny sans avans 

devan. E ozordi i responsabilite 

gouvernman e sa sistenm ki’n 

anmenn sa bann soufrans pou 

komanse ede pran ka avek e apre 

lasosyete i a demare i ava ede 

pour ed sa bann dimoun. Mersi 

Msye Deputy. 


Onorab Georges right of reply. 

HON BERNARD GEORGES 

Mr Deputy mosyon pa pou pase, 

lenstitisyon pa pou ganny fer e 

sitiasyon pou reste parey. E i 

annan 2 fason ki mon kapab 

reazir apremidi, 1 se tanto mon 

mont Mamelles mon al kot sa 

madanm ki en madanm SPPF ki 

manman enn sa 3 dimoun, mon 

pou dir li, ‘la, la mwan mon’n 

anmenn mon mosyon, ekout 

mwan vandredi swar. Zans la, ou 

bann dirizan in zete, mwan 

mon’n fer mon devwar madanm’, 

mwan mon pou sorti byen. 

Lot fason pou adres sa 

mosyon apremidi se pou dir oke 

nou annan en diverzans lopinyon 

me nou tou nou dakor lo tou sa 

ki’n ganny dir sof kreasyon en 

lenstitisyon. Zot tou zot konn 

mwan dan sa Lasanble e zot 

konnen lekel ant sa 2 semen ki 

mon pou pran. 

Mon pou mont Mamelles 

tanto, mon pou dir ek sa 

madanm ‘mon’n anmenn ou 

mosyon madanm zans la in zete.’ 

E mon krwar ki sa fwasi mon 

pou bezwen fer, pa akoz mon feel 

bad or whatever me akoz mon 

krwar ki parey Onorab Rose ti dir 

mon kontan dir, nou’n mank en 

lot loportinite. E ler sa dimoun ki 

pou vin ekrir vre zistwar Sesel, 

pa Mr Shillington me en lot pou 

vini, mon mazinen i pou apel son 

liv The Land of Missed 

opportunites akoz i vre ki depi 

zour nou’n ganny dekouver ziska 

ozordi, tro souvan ler nou ariv 

fas a en tournan dan semen nou 

pran sa enn ki nou pa devret. 

Mr Deputy ler mon ti vin 

Mamelles pour premye fwa 

koman reprezantan, enn bann 

premye keksoz ki en dimoun in 

dir mwan, i dir, ‘ou konnen 

Mamelles i en landrwa spesyal, 

dan nou distrik nou annan sa 

Seselwa ki pli ris ki reste, Msye 

Joe Albert e nou annan en 

Seselwa ki pli mizer ki reste, en 

garson, mon pa pou mansyonn 

42

son non, ki ti dormi sa lepok lo 

en tenk kabinen, en septic tank. 

Setou ki i ti annan. Ozordi 8an 

plitar sitiasyon i ankor vre, sa 

dimoun pli ris i dan mon distrik, 

sa Seselwa pli ris dan mon 

distrik i nepli Msye Joe Albert i 

Msye Sivasankaran akoz li osi in 

aste en lakaz Mamelles. Msye 

Siva, Ambassador at large.. 


…Arab i lot kote, Aarab i dan 

distrik Grand Anse. E sa garson 

ki ti dormi lo en septic tank, in 

bouze, in mont en pti pe dan la 

sosyete, i dormi anba leskalye en 

flat konmela. I pa enn parmi sa 

bann kategori dimoun ki mon pe 

koz lo la ozordi akoz li i pa en 

nwizans, tanzantan i byen, i pa 

bezwen al dan en lenstitisyon. E i 

annan bokou dimoun ki nou’n 

koz lo la ozordi ki a mosyon 

annefe pa pe adrese. 

Sa boug ki fer nwizans 

oubyen sa boug ki tanzantan i 

devwale i pa size sa mosyon, size 

sa mosyon se sa lot kategori 

dimoun ki pa kapab pran swen 

avek son lekor. I pa dormi lo en 

tenk kabinen akoz i anvi, me i 

dormi lo en tenk kabinen akoz i 

napa lot landrwa e i pa kapab fer 

sa ki nou nou fer. 

Mr Deputy mon’n koz 

bokou bomaten dan mon 

lentervansyon lo lafanmiy, e i vre 

e mon’n dir senserman 

okomansman ki mwan mon pa 

dakor, mon pa an faver 

lenstitisyon, mon pli an faver en 

pozisyon kot lafanmiy i pran son 

responsabilite. E mon kontan 

pou dir ki i annan en kantite 

dimoun ki pran zot 

responsabilite e i annan ki al 

menm pli devan ki pran zot 

reponsabilite ki pa pou zot. La la 

la midi mon’n fek rankontre en 

madanm ki pa siport mwan 

politikman me ki mon byen avek, 

toultan mon’n byen avek li e mon 

devret tir mon sapo avek sa 

madanm, akoz i annan son prop 

fanmiy, me la, in ale, in al pran 

en pti zanfan, en pti baba fek ne 

avek en madanm ki pa kapab 

okip sa zanfan. Zanfan pa ti anvi 

ne, zanfan pa ti’n ganny plan e 

tou manyer sa madanm pa 

kapab pran son responsabilite sa 

lot in vini, in pran li, nou pe fer 

demars pou adopte li byento. Sa 

mon vwar i byen e nou devret 

felisit li. E la in telman kontan sa 

pti baba ki in al pran en lot gran 

ser sa pti baba pour anmenn li 

lekol, pou okip li, pour donn li 

tou sa ki i bezwen malgre ki 

limenm li i annan plizyer zanfan. 

Se sa bann keksoz ki la sosyete i 

fer, nou pa bezwen mon krwar al 

pli lwen. Nou sosyete i konsyan 

sa kalite keksoz. 

Yer mon ti pe koz avek enn 

mon koleg avoka e mon dir li, 

Sanmdi swar mon pa’n vwar ou 

dan konsern lanmizik classic, 

mon’n vwar Onorab Adonis 

malgre ki li in sov en pti pe 

boner. Mon dir avek mon koleg 

mon pa’n vwar ou pourtan mon ti 

ekspekte vwar ou. I dir mwan 

mon pa’n vini akoz mon madanm 

in vini, mwan mon ti pe babysit 

en zenn ki reste dan Vilaz 

Prezidan ki li ek son madanm zot 

pran sa zenn dan weekend. Se 

bann keksoz fantastik sa, se 

bann keksoz ki arive dan nou pei 

43

e ki i annan en kantite sa keksoz. 

SOS Kinderdorf - mon a vin lo 

lenstitisyon en pti kou. SOS 

Kinderdorf ki’n ganny kree 

koman en model bann fwayer 

pour bann orfelen ek bann 

zanfan ki zot paran pa kapab 

pran ka avek zot. In ganny kree 

lo menm konsept pour li pa vin 

en lenstitisyon me pour li vin en 

fwayer kot sak unit i vin en home, 

i annan en manman ki ansarz 

bann zanfan plizyer laz, tou le de 

sex i viv anba en manman dan 

fwayer tel parey zot ti pou fer kot 

zot. 

Alor i kler e mon toutafe 

dakor avek Onorab Potter ki the 

norm se pa al dan lenstitisyon, 

retourn bann dimoun dan 

fwayer, retourn zot dan fanmiy e 

fer sir ki fanmiy i okip sa bann 

dimoun. Lo la, lo sa 2 kote latab 

nou konpletman lo menm 

frekans. Me i pa reponn a 

legzisans bann problenm ki 

mon’n anmennen ozordi. 

Onorab De Commarmond 

in lir mon mosyon, in lir li byen, 

in lir li dousman, in pas letan 

pou regard sa mo demann, ek sa 

mo gouvernman, ek sa mo 

lenstitisyon ek a mo konstrir me i 

pa’n pas okenn letan lo 

trwazyenm fraz mon mosyon ki 

dir sa se pour bann dimoun ki 

napa personn, that’s the point. Si 

ou annan en manm fanmiy of 

course sa manm fanmiy i devret 

ganny tou fasilite neseser e ou 

devret retourn sa dimoun dan sa 

fanmiy me sa enn ki napa 

personn, ki fanmiy ki ou pou al 

rode? Sa dimoun ki dan SOS 

village oubyen ki dan Ste 

Elizabeth, oubyen ki Foyer de 

Nazareth, oubyen ki North East 

Point old people’s home, bokou 

zot zot laba akoz zot napa en 

fanmiy. E alor ki ou fer, ou 

bezwen met zot dan en 

lenstitisyon akoz napa lot 

landrwa pour met zot e se sa 

bann dimoun ki mwan mon focus 

lo la, akoz zot egziste sa bann 

dimoun. E ozordi parey mon dir 

taler, mosyon pa pase, 

lenstitisyon pa ganny konstrir 

problenm i reste, sa bann 

dimoun pou still dan nou distrik, 

zot pou still pe fer lapenn, zot 

pou still pe komet lofans, zot pou 

still pe marse sal, zot pou still pe 

fouy dan bin akoz napa en 

dimoun ki kapab pran swen avek 

zot. 

Mr Deputy isi nou felisit 

nou lekor e mwan mon’n felisit 

Sesel taler lo lefet ki nou annan 

en home grown solution pour 

zanfan. Annefe mon ti pe fer en 

pti pe politik patriotism, nou pa 

by far meyer legzanp. Langleter 

parey nou tou nou konnen 

zanfan pa ale dan lenstitisyon, 

zot al avek en foster parent e se 

koumsa ki fodre en zanfan si sa 

zanfan pe ganny abize avek 

mwan, son papa, i al into care e 

care i plas li avek en lot dimoun 

ki lo lalis foster parents e i grandi 

dan en fanmiy. I pa toultan ki i 

successful, i annan ki fail, i 

annan ki succeed me se sa fason 

ki - Langleter i fer sa avek tou 

son zanfan, pa en bann, pa en 

mazorite me avek tou zanfan 

akoz i annan sifizaman foster 

parents ki ganny peye par fon 

sekirite sosyal pour zot take care 

44

avek sa bann zanfan. Mon ti a 

kontan vwar sa mwan isi. Lekel 

sa paran, oubyen lekel sa fanmiy 

ki pou take care avek en boug ki 

annan en problenm mantal, ki 

annan en problenm pa bennyen, 

dimoun i seye. Si ozordi sa boug i 

ankor pe fouy dan bin, oubyen i 

ankor pe azir dan sa fason ki i pe 

azir se presizeman akoz napa en 

dimoun ki’n anvi pran li, napa en 

avoka ki’n dir li vin pas weekend 

kot mwan, napa en fanmiy ki pou 

fer plis ki sa ki i pe ganny fer 

deza ki pa ase. Tanzantan i 

ganny en lasyet manze, dimoun i 

call mwan e i dir mwan, ou’n 

vwar entel, in pas kot mwan 

ozordi i ti fay, i ti pe ganny 

gidigidi, mon bezwen donn li en 

limonnad, i dir mwan i pa’n 

manze depi trwa zour – mon’n 

bezwen donn li en lasyet manze. 

E nou feel good about it, nou feel 

good akoz nou’n fer en keksoz. 

Lasosyete i feel good, ou konnen 

akoz ? Akoz in donn sa msye en 

lakaz, zot in fer en pti lakaz pour 

li. Zot donn li R1400 tou le lafen 

dimwan e nou tou nou konnen i 

desann le 20 i pran son 1400, le 

21 i pe rod pret en sigaret avek 

en boug akoz in fini. I napa le 

mwayen, i napa sa fakilte mantal 

pour li konnen. Tanzantan i vini i 

dir avek en dimoun, gard sa 

R200 pou mwan akoz mon pa 

anvi depanse e imedyatman i 

bliye ki in donn sa dimoun sa 

R200 se fodre nou tay deryer li. 

Sa bann dimoun koumsa 

se bann dimoun ki bezwen nou 

latansyon e zot bezwen nou 

latansyon dan en fason irzan ek 

total. Nou pa pou met zot dan en 

lenstitisyon Mr Deputy, zot in dir 

pa met zot dan en lenstitisyon, si 

nou pa pou met zot dan en 

lenstitisyon, mon kestyon se kote 

nou pou met zot? Kote ki nou 

pou met sa bann dimoun. 

Sa set en kestyon ki napa 

enn zot dan tou zot pledwari 

ozordi zot in kapab reponn. E 

mon konpran zot byen, les mwan 

dir zot ki zot pozisyon i enn ki 

mon konpran. Zot reprezantan 

en gouvernman ki anba en 

restriktirasyon ekonomik in 

ganny dir annou koup otan ki 

posib lo depans sosyal nou tou 

nou konsyan e zot pa kapab, i 

toutafe normal, zot pa kapab vin 

dir dan en leta kot zot 

gouvernman pe koup lo depans 

sosyal otan ki posib, vin fer en lot 

lenstitisyon. Mon konpran zot sa, 

mon konnen, mwan osi si mon ti 

dan zot plas se probableman 

menm deba ki zot zot in fer 

ozordi ki mwan mon ti pou’n fer. 

Me annou pa koz ozordi 

pou ozordi, oubyen ozordi pou 

demen. Annou pa avoid akoz 

mon ti konnen ki ti annan en 

risk ki nou ti pou avoid sa 

problenm. Nou ti pou dir tel 

parey en dimoun in fer resorti 

ozordi, i pa telman en gran 

problenm, annou avoid li, annou 

monte, annou kontinyen koz lo 

lafanmiy lo lefet ki nou pa oule 

institutionalize dimoun, apre tou 

lafanmiy i bezwen annan en 

dimoun, legliz i annan NGO 

eksetera ki ava anmas sa bann 

dimoun. Non, non eskiz mwan 

pou dir zot, se responsabilite 

gouvernman, se responsabilite 

gouvernman pou institutionalize 

45

sa bann dimoun. Legliz, NGO 

eksetera i vin ranpli en trou ler 

gouvernman in fail, ler 

gouvernman pa’n ranpli sa trou. I 

pa responsabilite personn apard 

gouvernman ki anmas sekirite 

sosyal pou pran aksyon sosyal 

avek en sosyete. E zour ki nou pa 

realiz sa se zour ki nou’n kit nou 

sosyalis deryer e nou’n adopte en 

sitiasyon marse lib parey Onorab 

De Commarmond in montre nou 

ozordi. Kot ler nou nou pe rod 

swanny dimoun ki dan bezwen 

zot zot pe dir, tir larzan avek zot, 

aret pey zot. Zot in realize ki zot 

in fer, zot konnen ki parti ki kote 

gos dan sa lasanble? Se nou, zot 

zot in bouze, zot in al kote drwat. 

E si zot, zot pa realize, dimoun 

deor laba i realize. Se pa akoz zot 

met en lenz rouz ki zot pou dir 

zot left wing, zot zot in fini kite 

left wing, zot in kit sosyalis 

deryer zot, nou ki pe koz an faver 

bann pti dimoun. 

Ozordi Sesel i annan zis en 

tim ki pe koz an faver bann pti 

dimoun e sa tim, se nou. 

E se pour sa rezon Mr 

Deputy ki an remersyan zot tou 

pou en deba tre enteresan, an 

deploran lefet ki nou pa pe pran 

en pa konstriktif, mon pou 

bezwen tanto monte e dir avek sa 

madanm, ‘mwan mon’n ale, 

mon’n koz pour ou, bann dimoun 

ki ou’n vot pour zot an 1993, 

1998, an 2002 ek an 2006 in fail 

ou’, mon pou bezwen al dir zot 

sa. E mon ti a kontan ler zot 

monte tanto e ler zot vwar enn sa 

bann dimoun ki zot tou zot zot 

pou vwar, ki zot annan en remord-konsyans 

e ki zot konsyans i 

mord zot en kou e ki zot dir, 

‘nou ti’n kapab fer keksoz Mardi 

le 20 Oktob dan Lasanble me 

nou’n prefere zwe kart IMF olye 

zwe kart sosyal’. Mr Deputy 

Speaker mon remersye ou. 


In ariv ler pour nou pran vot. Tou 

sa ki an faver mosyon. Okenn ki 

kont. Mosyon in ganny defeated. 

Nou ava pran next item, 

Onorab Waven ou’n pare for the 

second motion, proceed. 

HON WAVEN WILLIAM 

Msye Deputy, mosyon i lir konm 

swivan: ki sa Lasanble i aprouv 

pour demann gouvernman pou 

konsider revwar lafason ki 

netwayaz semen e koupaz pye 

dibwa pe ganny fer dan vwazinaz 

pou kontrol lerozyon. 

Msye Deputy o debi mon 

anvi dir ki i pa mon lentansyon 

koz bokou lo sa mosyon. Mon dir 

sa akoz sa Lasanble dan son 

lasazes in fek aprouv 2 mosyon, 

enn lo lenerzi renouvlab e en lot 

lo etablisman bann green zones 

zisteman an relasyon ek 

mitigasyon e adaptasyon dan 

nou lanvironnman ki pe degrade 

dan son leta natirel. 

Bi mosyon i vize zisteman 

ver kontrol lerozyon atraver sa 2 

aktivite ki mosyon pe trete, ki osi 

ouver laport pou antre lezot 

aktivite imen dan netwayaz dan 

kominote. Dezyenmman se pou 

konsyantiz nasyon Seselwa e 

lotorite vizavi lenpak gradyel lo 

nou sosyete. Serten a dir ki sa 

mosyon i annan en konfli lentere 

akoz mwan osi afilye avek 

aktivite netwayaz koman en pti 

46

kontrakter. La Msye Deputy mon 

anvi ou gidans akoz sa mosyon 

pa pe viz dan donn plis larzan 

kontrakter me pe demann en 

revizyon dan kriter e fason fer sa 

bann netwayaz e koupaz pye 

dibwa dan nou kominote 

zisteman pou diminyen lerozyon. 

Mr Deputy mon konsernen 

avek sa size akoz mon konn son 

lefe gradyel ki kapab fer si pep pa 

pran konsyans e menm lotorite 

dan vwar sa sitiasyon ekl en 

nouvo lapros pou azir 

korekteman. 

Msye Deputy eski ou’n 

temwanny sa vizaz e sa 

leksperyans lo en bato an mer pe 

apros nou bann zil, ouswa dan 

lezer par avyon apre detrwa zour 

a letranze, sorti travay ouswa 

dan voyaz ant nou bann zil, dan 

avyon pe al apoz airport Sesel. Sa 

vizaz en lanvironnman sen, ver 

atiran sirtou si in tonm en pti 

lapli, sa se Sesel nou zoli pti pei, 

mon pei en lanvironnman inik ki 

Kreater in bless nou avek sa pei 

ki tous leker e met en dezir dan 

lespri touris ki vwar li lo legran 

dan zot pei pour zot anvi vin 

eksperyans li vivan Sesel, e viv sa 

kouler kreol. E la mon a profite 

pou felisit STB pour nouvo 

langazman dan promouvwar dan 

zot marketing a letranze, sa size. 

Msye Deputy pou mwan sa 

i en plezir pou mwan kares 

labote nou zil, dan lezer a’n alan, 

e pli bokou an retournan. Se dan 

sa loptik ki mon pe avans sa 

mosyon pou montre lavaler nou 

verdi dan lanvironnman pou 

konsyantiz nou pep lo sa 

nesesite pour toultan kit en regar 

lo son proteksyon a tou pri. Sa i 

larzan en lenvestisman pou 

prezerv li dan son ot posib leta 

natirel. 

Msye Deputy i malere ki ek 

devlopman sa latansyon lo nou 

lanvironnman i sap nou letan 

nou mazin nou larzan e gen 

personnel. San pran konsyan 

nou aktivite netwayaz e koupaz 

pye dibwa dan bokou fwa i 

responab ki gradyelman degrad 

nou lanvironnman. La mon anvi 

montre ledrwa lo kriter netwayaz 

ki an viger konmela dan en fason 

konmsi lese fer dan vwazinaz. 

Msye Deputy Speaker mon 

kapab sit enn de legzanp. Par 

egzanp bann dimoun ki al sye 

bann dibwa dan bwa ki fer li 

avek en sans iresponsab e kot 

napa monitoring, bat kannel dan 

vwazinaz, koup zerb e desikotaz 

dan vwazinaz, koupayaz, netway 

lans e bann rido obor lans, 

dispozisyon fey tonbe, fason 

rekolte santol par bann pti men 

ki nou apel zot, olye mont pye 

santol nou pran en chainsaw 

ouswa gran kouto nou koupaye, 

mank konsiltasyon ek 

kordinasyon a nivo lokal par 

lotorite santral, aksyon 

vandalizm dan fore e iresponsab, 

mank konesans e leksperyans 

travayer dan la pratik pou balans 

sa laspe prezervasyon e 

proteksyon. 

Msye Deputy mon dir sa 

ek tou senserite an rekonesan osi 

ki lotorite pe fer keksoz me mon 

a dir i demann redouble zefor 

pou revwar ek bi pou protez nou 

lor ver si mon kapab servi sa mo. 

Mon distrik i en realite, mon 

zorye i la mon konnen ki mon pe 

dir. Konstitisyon i donn mwan 

47

liberte pou sirkile e mon konn 

sitiasyon enpe partou dan tou 

nou distrik. Deputy zis fer en pti 

cruise dan Dimans otour Mahe e 

ou a konfirm sa ki mon pe dir. 

Msye Deputy I rest my 

case, e an dizan sa mon anvi fer 

sa bann rekomandasyon swivan; 

Ki lotorite konsernen i fer 

en real evaliasyon nou 

bann vwazinaz pou konstat 

sitiasyon; 

ki en plan konpreansiv re 

etablisman bann sa ki nou 

apel bann zone danzere i 

ganny rebwaze e 

konsiltasyon ek lotorite 

distrik; 

ki i permet lesanz 

lenformasyon lo lekel 

kontrakter ki ganny donn 

nenport ki kontra dan 

distrik i gannyen; 

e prosesis kominikasyon 

okomansman ziska o 

finisyon; 

ki travayer i ganny training 

lo ki fason pou fer 

netwayaz, koup pye dibwa 

e netway obor lans dan 

kominote; 

ki lalwa ki anpes labi e 

move pratik i ganny 

ranforsi ouswa aplike kont 

endividi ki deliberaman 

detriy nou labote verdir; 

ki kriter e lafason netwayaz 

i ganny revwar e byen 

eksplike; 

Ki lotorite i ankouraz 

prodiksyon bann plant pou 

fer rebwazman dan tou 

distrik kot i osi donn sa 

gidans teknik pou konstriy 

sa bann tel nurseries 

partou; 

Ki sa eleman policing i 

ganny revwar e 

desantralize kot ditsrik i 

kapab kree lazans 

sirveyans ki gouvernman i 

konsider desantraliz 

aktivite gard fore parey zot 

pe fer pou gard lans; 

Ki lotorite planning i vin pli 

aktiv dan distrik e fer 

networking ek lotorite 

distrik pou konplimant 

sipervizyon; 

ki lotorite i redouble zefor 

dan konsyantizasyon pep 

depi lekol; 

Ki en kanpanny nasyonal i 

konsider ganny lanse dan 

tou distrik ki pe pli byen 

protez zot lanvironnman e 

incentive i ganny donnen. 

Ki replant pye dibwa i 

ganny enkorpore dan lalwa 

planning pou en nenport 

devlopman e rebwazman 

sid ki danzere; 

Ki EIA i pran en plas 

vreman avangard en 

lobzektif pou protez nou 

lanvironnman; 

Ki preparasyon teren pou 

fer lakaz lo montanny 

planning i vin pli vizilan lo 

rebwazman; 

Ki dan konteks resofman 

later, sanzman klimatik e 

prosen meeting 

Copenhagan lefe ki sa 

Lasanble i tre konsernen 

ek sa devlopman e son 

potansyel lefe lo nou 

letazil, ki en komite 

Lasanble i ganny formen e 

48

ki pou fer oversight lo 

gouvernman lo tou laspe 

proteksyon nou 

lanvironnman pou asire ki 

bann aksyon konkret 

dezirab e mezirab anyel pe 

ganny pran pou ede protez 

nou pei ek zefor Lafrik ek 

larestan lemon; 

Ki Sesel… 

(Technical problem) 


..ki outdated e pe ekspire. 

An terminan mon pe solisit 

sipor tou manm anver zefor pou 

atir latansyon lotorite e nou pep 

ver kontrol lerozyon pou otan 

posib mentenir en nivo 

konsantrasyon verdir otour nou 

bann devlopman. Mersi Mr 

Speaker. 


Okenn ki segonn mosyon. 

HON VICKY THERESINE 

Msye speaker mon segonn 

mosyon e mon ti a kontan aport 

mon kontribisyon osi. Lo 

mosyon Onorab William. 

Mr Deputy avek reform ki 

nou pei in antreprann dan nou 

lekonomi ki in osi tous striktir 

nou gouvernman, nou’n vwar en 

kantite transformasyon nou’n fer 

fas avek defi e bokou nou, nou’n 

osi sezi bann loportinite ki sa 

transformasyon in anmenn avek 

li. 

I annan bokou servis ki 

gouvernman lepep in met dan 

lanmen lepep pou zot delivre lo 

en baz kotidyen, netwayaz lekol 

landscaping, nou’n vwar 

kreasyon, bann lazans lanplwa e 

netwayaz akote nou bann semen, 

sirtou dan nou bann kominote in 

osi tonm parmi. Tou sala i byen, 

akoz i donn Seselwa sans pou vin 

bann pti entreprener e devlop 

serten sans responsabilite vizavi 

servis ki zot pe delivre e ofer. 

Plizyer fwa Mr Deputy, in 

annan bokou diskisyon ki’n 

tourn outour partaz bann pti 

kontra dan en fason ki bokou 

plis dimoun ava benefisye e se sa 

ki’n arive dan sa sekter. In annan 

en pa ki’n ganny fer dan sa 

direksyon me mon senserman 

krwar ki i annan bokou plis pou 

fer. 

Dan donmenn netwayaz 

nou bann semen, nou’n vwar 

bokou zenn ki’n pare pou pran 

sa challenge pou fer en diferans. 

Mon etan ki en zenn mon kontan 

letan mon vwar nou zenn pe sezi 

bann loportinite e pe leve e 

debourye. Fodre nou koman zenn 

Mr Deputy nou pa les okenn 

louvraz fer nou per, parske apre 

tou travay dir i pou ou prop 

dibyen, pou byenet ou fanmir, 

pou benefis ou kominote e nou 

pei i tre enportan. 

Me i reste kantmenm en 

laspe gidans pou tou bann servis 

ki gouvenrman in konfye dan 

lanmen nou pep in marse e i 

mars byen. I osi enportan ki 

standar i ganny etabli dan 

delivrezon tou sa bann servis. 

Pran sa size ki pe ganny diskite 

ozordi dan Lasanble Mr Deputy, 

49

a mon’n avi i bezwen annan en 

moman kot sa bann endividi ki 

dan sa biznes i ganny en apersi 

lo fonksyonnman lavironnman 

baze lo aktivite ki zot fer 

toulezour, par egzanp bann 

lenformasyon ki zot merit pe 

domin byen se zisteman lerozyon, 

nou bann dimoun i merit konnen 

ki letan nou koup pye dibwa, 

aras zerb ou lezot plant nou pe 

osi ekspoz later avek divan, avek 

lapli e osi ede pou ki bann 

maladi ki asosye avek later i 

propaz pli vit, parski letan lapli i 

tonbe e tap direkteman lo later i 

trenn avek li pa zis later me osi 

serten maladi ki asosye avek 

later me letan i annan bann 

ground covers pye dibwa sa risk 

pou maladi propaze i byensir 

diminyen. Zot pe bezwen osi 

konnen ki se rasin bann plant ki 

gard later ansanm, mon dir Mr 

deputy akoz i annan dimoun ki 

krwar ki letan in netwaye, kan i 

vwar later deor i satisfe e dir ki 

landrwar i prop, in byen netwaye, 

san prenan kont sa laspe 

lerozyon e sa i ariv menm kot 

bann lakour. Ozordi avek sa 

servis netwayaz semen, bann 

zabitan dan kominote i 

souvannfwa dir, ‘sa wi, la nou 

vwar nou semen i prop e pe byen 

ganny netwaye’. 

Pou nou anpese pou 

diminyen sa problenm ki 

netwayaz i kapab anmenn avek 

li, nou bezwen met a’n 

aplikasyon serten solisyon. 

Dabor Mr Deputy, plis 

lendikasyon lavironnman pou 

donn gidans bann ki dan sa 

biznes, bann group i merit pe 

konnen ki fason zot bezwen dil 

avek diferan plant lafason ki ou 

dil avek fatak, i pa neseserman 

menm fason ki ou pou dil avek 

zerb koko, teknik pa parey. 

Dezyenmman sa lazans ki 

responsab pou sa servis i bezwen 

annan en systenm monitoring ki 

konsistan. 

Twazyenmman Mr Deputy 

mon krwar ki i bezwen annan 

bann standar lo oter ki zerb i 

ganny koupe e lo lafason ki pye 

dibwa osi i ganny koupe akoz i 

annan serten landrwar ki ou 

pase ou vwar zis bann siko 

kannel pe debout. 

E ler mon koz lo standar 

oter ki zerb i merit ganny koupe, 

nou bezwen tonm dakor lo 

frekans ki sa bann zerb osi i 

ganny koupe. Katriyenmman 

mon santi ki i bezwen osi annan 

en plan lanbelisman ki mars kot 

a kot avek netwayaz semen, me 

sa plan lanbelisman i osi bezwen 

ganny fer byen, ki bann 

vezetasyon i ganny byen metenir 

pou ki zot pa koz en danze pou 

bann drayver ensi ki pyeton 

sirtou dan bann kontour. Bann 

plant ki merit ganny servi i bann 

plant ki pa devret demann bokou 

latansyon e ki zot osi bann plant 

ki pa atrakte dife fasilman. 

Senkyenman Mr Deputy 

nou bezwen pe pran kont lo 

lafason ki akote semen i ganny 

mentenir, par egzanp nou 

bezwen pe vwar lenpakt servi en 

rake dan plas en blaye zig, bann 

rigol osi zot bezwen pe ganny 

debouse regilyerman pou anpese 

ki delo i rod en lot semen pase 

dan letan lapli. Akimilasyon salte 

Mr Deputy, dan rigol i osi 

kontribye dan okazyonn lerozyon 

50

parski kan rigol i bouse avek 

salter, delo i fer son prop semen 

pase e la i ferm avek li later dan 

son semen. 

Sizyenmman Mr Deputy 

mon rekonnet ki sa laspe finans 

pou antre dan zwe, mon 

konsyans ki letan ou komans 

enplimant en proze ou bezwen 

annan plis larzan me a loger 

ditan sa kou pou desann. Apre 

tou i napa en pri pou nou peye 

pou nou prop lavironnman. 

Setyenmman Mr Deputy, 

lerozyon later i osi arive souvan 

dan bann lezot aktivite ki ganny 

antreprann dan nou kominote 

par lezot dimoun. Par egzanp 

dan devlopman serten sit e 

konstriksyon nouvo semen. La 

mon demann lotorite konsernen 

ki aprouv bann plan pou pli 

serye viz-a-vi monitoring e 

evaliasyon plis serye lo lakantite 

letan ki en dimoun i pran ou 

konpanyen pou li met beton lo en 

nouvo semen, zot osi zot bezwen 

reste konsistan dan zot lapros 

viz-a-vi konservasyon later. 

Mr Dputy letan ki nou ti pe 

konstrir semen nou fer li akoz ti 

annan en bezwen e en nesesite, 

letan nou ti komans netwayaz 

akote nou bann semen nou ti fer 

li akoz ti annan en bezwen, en 

nesesite e en demann me a lafen 

dizour Mr Deputy nou bezwen fer 

sa ki nou fer byen tou lezour e 

dan en fason tre soutenab. Son 

lakle pli esansyel dan tou sa 

bann servis Mr Deputy se 

monitoring serye, en sistenm 

monitoring ava asire ki metod pli 

satisfezan e pli apropriye ava 

ganny met an pratik. Mersi Mr 

Deputy. 

HON TERENCE MONDON 

Mersi Mr Deputy. De pti mo lo 

sa mosyon. Mr Deputy mosyon 

ki devan nou Lasanble i annan 

son merit akoz sa mosyon pe 

demann tou dimoun enplike dan 

bann travay netwayaz dan nou 

bann distrik pou vin pli konsyan 

ki sa bann aktivite i annan en 

lenpakt lo nou lavironnman. 

Bann legzanp ki loter mosyon e 

mon koleg in koz lo la i demontre 

ki i annan ankor en lespas pou 

amelyorasyon e ki devret annan 

en zefor kolektiv pou konsyantiz 

bann dimoun konsernen lo bann 

lefe negativ ki lerozyon i kapab 

anmennen, mon krwar ki sa 

mosyon pe osi anvoy en mesaz 

pour tou dimoun konsernen pou 

travay pli pros e anpartenarya, 

en mesaz pou lakominote an 

zeneral pou devlop plis lentere 

dan proteksyon sa lespas natirel 

ki fer labote nou vwazinaz e donn 

nou bann distrik en valer 

eksepsyonel. 

Mr Deputy padan sa bann 

dernyen semenn nou Lasanble in 

adres plizyer topik relye avek 

proteksyon nou lavironnman, 

lenpak, aksyon zonm lo nou 

lanvironnman natirel in vin size 

plizyer deba nou Lasanble 

Nasyonal, e nou’n vwar ki sa in 

anmenn bann diskisyon byen ris 

e tre relevan bann manm sa 

Lasanble in demontre ki nou pa 

devret zanmen difere lo sa size 

proteksyon lanvironman, sa i pa 

zis akoz nou depan antyerman lo 

sa larivronnman me pli enportan 

ankor se ki nou annan en 

responsabilite anver nou fitir 

zenerasyon. 

51

Mr Deputy i kler ki sa 

kategori travay ki mosyon pe fer 

referans avek i parmi bann 

aktivite enportan pour nou pei e 

pou plizyer rezon sa bann 

aktivite pou bezwen kontinyen. 

Nou konnen par egzanp ki bann 

brans dibwa ki tous lo lalinny 

elekstrisite i bezwen ganny koupe 

akoz sa i annan en lefe direk lo 

distribisyon elektrisite e nou tou 

nou konn lenkonvenyans koupir 

elektrisite ler en pye dibwa i 

tonm lo lalinny distribsyon me sa 

ki pa devret kontinyen se sa 

bann travay ki defigir nou 

lavironnman oubyen met an koz 

son stabilite e balans ekolozik. 

I enportan ki tou semen 

piblik dan bann distrik i ganny 

byen netwaye e i egalman 

enportan ki nou protez bann 

lateras kont lerozyon e 

evantyelman deboulir later. Mon 

krwar ki nou devret regard sa 

size netwayaz dan en loptik 

proteksyon e prevansyon, e fer 

tou ki posib pou trouv sa balans 

neseser dan bann aktivite parey. 

Mr Deputy nou devret 

premyerman adopte en lapros 

kolektiv pou amelyor sa bann 

travay dan distrik, tou lazans e 

dimoun konsernen enkli lotorite 

distrik i devret pe met zot 

ansanm e inisye en travay pou 

devlop bann meyer pratik e bann 

standar apropriye pour sa bann 

travay parey. Atraver sa legzersis 

nou devret kapab adopte par 

egzanp en progranm reanbelisman 

ki angaz lotorite 

distrik, bann kontrakter ki pe fer 

sa bann travay netwayaz e 

larestan kominote pou anbelir zot 

distrik, lotorite distrik i devret 

dan en pozisyon pou egzers 

serten pouvwar an relasyon avek 

sa bann standar ki ava ganny 

etablir pou fer sir ki travay i 

ganny fer byen e a la oter ki nou 

ekspekte. 

Avek sa de mo Mr Deputy 

mon pou definitivman aport mon 

sipor pou sa mosyon. Mersi 


Yes Onorab Prea. 


Mon pou dir de mo lo sa mosyon 

e anmenmtan aport mon sipor. 

Mr Deputy Speaker, ler 

bann kontra ti ganny donnen 

pou netway semen, pou fer 

koupayaz bann pye dibwa and all 

that ankor in vin en fason kot 

petet nou pa’n regard byen, 

nou’n vwar plizyer bann 

kontrakter ki’n come forward 

suddenly in ganny licence 

kontrakter, in vin build lakaz, 

nou donn zot kontra e apre nou 

pe end up avek plizyer problenm. 

In sorti lo bann meeting 

konsiltasyon, nou’n koz lo la isi 

dan sa Lasanble e nou konnen 

kwa ki mon pe dir. 

Lo sa size netwayaz e koup 

pye dibwa in vin parey. Parfwa 

zis atraver petet koneksyon nou 

vwar en dimoun, in come forward 

in ganny en licence e in ganny dir 

al koup pye dibwa, e al koup pye 

dibwa, in al koup pye dibwa san 

konnen en pye dibwa dan en 

landrwar koman nou tackle li, 

koman nou koupe, e avek sa nou 

vwar in anmenn plizyer dega, 

plizyer lefe negatif e ankor parey 

52

mosyon pe demande in perdi 

kontrol pou lerozyon. 

Mon distrik i pa en 

leksepsyon, plizyer nou bann 

sours delo, plizyer nou bann 

lariyer ozordi apre de semenn kot 

napa en lapli in sek. Akoz i sek, 

se lafson ki nou antreprann koup 

bann pye dibwa. I annan plizyer 

sa bann larivyer, sa bann dibwa 

menm in ganny koupe e apre zot 

bann bout son bann tron in reste 

dan larivyer e ler delo i desann i 

tap avek i pa ale i manz, i erode 

son bann rivaz, son bann borders 

and all that e sa ankor i koz en 

lot problenm i annan osi sa lot 

bout, i annan kot netwayaz ki 

ganny fer par bann kontrakter lo 

bann site, la i annan bann site 

kot en building pe ganny fer, i 

annan bann site kot en lakaz pe 

ganny fer e i annan en sitiasyon 

ki mon pou koz lo la kot en road 

diversion, kot mon’n vizite 

Dimans. 


Sanmdi mon’n al fer en seminar 

ki ti ganny organize ankor baze 

ennpti pe lo sa bann sitiasyon, 

proteksyon lanvrionnman and so 

on, kot en keksoz ki’n fer sorti, 

ki’n leve ladan se petet in ariv ler 

pour nou regard, revwar serten 

lalwa, serten Act si fodre 

amande, e enn ki’n monte se 

Town and Country Planning Act i 

paret ki i vreman, vreman 

outdated e la petet i en sans ki 

mon met devan nou pou nou dir 

nou bezwen regarde si pa in ler 

pour nou update. 

Sa ki nou pe koz lo la 

ozordi i devret kapab mars avek e 

ler nou pe koz sipervizyon, bokou 

fwa ki nou’n vin la, oubyen ki 

nou demann kestyon Minis, 

toultan i mank sa laspes 

sipervizsyon. Eski sa minister in 

supervise sa semen kot pe ganny 

koupe, sa semen kimanyer i pe 

ganny fer, anba ki spesifikasyon 

sa batiman, sa netwayaz sa 

teren, sa koupaz sa lateras and 

so on, and so on. Parfwa nou 

oubliye e ler en desas i arive ki 

nou dir, wi in mank sipervizyon e 

ki i pa’n meet serten lord, serten 

spesifikason. Poukwa pa, la petet 

i sa moman pour nou vwar e zot 

ki lo kote gouvernman petet pou 

demande atraver 

rekomandansyon ki pe sorti vizavi 

sa mosyon pou nou revwar 

town and country planning, mon 

pa konnen si petet Rivers Act i 

kapab mars ansanm, proteksyon 

nou larivyer lontan, lontan 

whether i ti dan sa Act oubyen 

non, ti annan en norm lo koup 

dibwa obor larivyer. Ozordi nou 

koup li bonn-a-vini san pran 

okenn ka ki son rezilta ki nou pe 

dir en canopy, en kouvertir lo sa 

sours delo, and then nou perdi. 

Mr Deputy Speaker, 

anmenmtan ler mon koz lo 

netwayaz bann sit par bann 

kontrakter; ankor de keksoz ki 

mon’n okouran, bann dimoun in 

vin koz ek mwan semenn pase se 

gouvernman i donn approval me 

ankor i mank sa sipervizyon e de 

topik ki’n mont dan mon 

latansyon semenn pase se, 

lafason ki travay pe ganny fer lo 

sit Ephelia Port Launay, kot i 

annan konsern pou leta 

lavironnman, lerozyon e menm 

konsern pwen lanmar ki nou isi 

53

dan sa Lasanble anba 

konvansyon Ramsar nou’n dedye 

li a proteksyon UN, ki son leta 

ozordi? Sa lanmer bann roulman 

ki pe ganny fer ladan i pe koz 

lerozyon lo son bann rivaz dan 

vouloutye, en ta problenm. E 

dapre mon konpran, mon’n 

ganny lenformasyon semenn 

pase, mon pa konnen si lotorite i 

rantre pou vwar devlopman the 

new Plantation Club. La osi mon 

tande i en pwen konsern, 

lanmar pe ganny konble e sa i pe 

koz problenm en lot kote. Sa osi 

tou i tonm en pti pe ankor anba 

kontrol lerozyon. 

E mon dernyen pwen ki 

mon oule fer sorti se sa ki mon’n 

vizite dimans e dimans ti dan en 

moman kot ti annan en gro lapli 

ki ti pe tonbe, mon pa konnen si 

zot ki la antre zot zot okouran i 

annan en proze road diversion 

Glasis, sa main public road ki pas 

obor lotel Sunset; aparaman 

lenformasyon ki mon’n gannyen i 

pa paret i annan okenn zofisye 

planning avek Land Transport ki 

pe monte ki pe monitor sa 

sitiasyon, lateras in ganny koupe 

an bonn avini e dimans ti aparan 

ek sa lapli, lerozyon pey dibwa in 

zis ganny koupe bonnavini, teren 

in ekspoze e i annan prosesis 

lerozyon ki pe pran plas. 

Sa bann pye dibwa, i bann 

pye dibwa osi tou ki I’m sure i 

annan en bann ki i bezwen pe 

ganny proteze anba act 

lavironnman ki protez serten pye 

dibwa. Aparaman menm i annan 

pye dibwa ki’n zis ganny marke, 

mon vwar bann cross lo la, mon 

pa konnen si forestry, si 

lanvironnman a en moman in 

monte in regarde, in marke, me 

ler ou regard sa bann pye dibwa 

nou pe koz bodanmyen, nou pe 

koz mang e tousa la i bann pye ki 

mon krwar i annan en lalwa ki 

protez zot e dapre en serten 

fanmir ki baliz avek sa landrwar 

kot travay pe ganny fer, i menm i 

annan serten zwazo andemik ki 

pe nest dan sa bann pye dibwa 

me okenn latansyon pa pe ganny 

anmennen viz-a-vi sa ka. 

Ankor nou vini nou koze, 

nou vini nou anmenn mosyon, 

Lasanble i aprouve, me nou vwar 

keksoz i kontinyen parey. Mon 

pe atir latansyon nou Lasanble lo 

sa sitiasyon akoz pour mwan i 

paret ki en desizyon in ganny 

pran ki keksoz pa pe ganny 

monitor e i parer ki i napa 

konsiltasyon - i napa 

konsiltasyon dan sa proze la e 

parey mon’n dir mon pa konnen 

si sa lapli ki’n tonm la ozordi, in 

tonm laba, I’m sure i pe fer enpe 

dega, akoz Dimans ler mon laba 

lapli in komans erode. 

Lot keksoz avan mon 

terminen Mr Deputy Speaker, 

mon ti ava anvi met dan sa 

Lasanble, i annan en lannen 

antye, i annan en sezon sek ki 

nou apele kot mon krwar in plis 

ki ler pour nou si nou pe otoriz 

okenn koup lateras, okenn 

netwayaz en gran sit pour en 

konstriksyon i annan en moman 

dan 12 mwan ki nou kapab fer li. 

Me i parer ki laplipar sa bann 

travay koumsa i ganny kite dan 

nou bann moman kot nou pe 

rantre dan vann nor, kot nou pe 

rantre dan nou sezon lapli. E 

definitivman sa problem lerozyon 

54

pou come up e i pou al ver 

katastrof. 

I pa fasil apre, nou tou ki 

konn laspe rebwazman, laspe 

pou retourn sa lavironnman dan 

son fason kimanyer i ti ete avan, 

i pa fasil. So sa osi tou mon pe 

met devan koman en 

rekomandasyon pou 

gouvernman, pou nou revwar. 

Nou annan 12 mwan dan 

lannen, mon krwar i bezwen 

annan en moman depi Septanm 

oubyen lafen Septanm ziskan 

Fevriye apepre ki okenn travay 

koup lateras pa devret pe ganny 

fer e i bezwen ganny monitor e 

okenn dimoun ki kas sa lalwa, 

aksyon i bezwen ganny pran kont 

zot. Vwala mon kontribisyon Mr 

Deputy Speaker, e lo nou kote 

nou pou siport mosyon. 


Onorab Ramkalawan 10 minit, 

apre nou fer en sel ale. 

HON WAVEL RAMKALAWAN 

Mr Deputy mon letan mon regard 

sa mosyon, spesyalman letan 

mon’n antann Onorab William 

koze, i fer mwan poz serten 

kestyon e kekfwa akoz mon 

kontan ennde bann pti 

kontrovers. 

Konmsi mon kontan letan 

Onorab William in dir avek ou Mr 

Deputy konmsi si ou pe apros en 

zil kimanyer i zoli, si ou pe apoz 

Sesel spesyalman letan pti lapli 

in tonbe, ki manyer i zoli, konmsi 

ki manyer nou pei i zoli, konmsi 

ler ou get sa bann kouler ki 

manyer i zoli. Selman mon trouv 

i drol ki Onorab William avek son 

parti, zot pa ti dir absoliman 

nanryen letan Msye Savy avek 

Msye Pool, ti pe donn piblisite 

Sesel an black and white, STB 

tou son bann posters ti black 

and white e ozordi Onorab 

William, i vin dir avek nou get 

kimanyer i zoli letan konmsi nou 

vwar sa bann kouler, konmsi sa 

paradi e alors, konmsi parfwa 

annou balans en pti git. 

Mr Speaker mon konpran 

bann keksoz ki Onorab William 

pe dir e petet ozordi zot ganny 

enpe plis kouraz pou dir, me 

koupayaz - koupaz pa en mo 

kreol, koupayaz ki en mo kreol - i 

depan lekel ou. Dan sa pei 

serten dimoun i fer sa ki zot anvi. 

Ler nou pe koz koupayaz, pe koz 

labote nou pei, nou pe koz isi, 

nou pe koz laba, be get Praslin, 

al laba Anse Boudin kot pti zil i 

ete - letan ou regard sa ki bannla 

in fer e sa pwa delo later rouz 

ki’n koul dan sa bout laba ki ti 

sipoze en landrwar ki ti pe ganny 

proteze, la devan kot pti zil kot 

en kazye ou pa ganny drwa mete, 

sa kantite later rouz ki’n desann 

ladan, nek zot in deside divert 

semen senpleman akoz li sa 

msye ki pe fer Raffles li i anvi tou 

sa landrwar pou li fer sa ki li i 

anvi. Se sa ki vin problenm, 

menm parey avek sa Onorab 

Prea in mosyonnen - Sunset, 

ankor ennfwa i depann lekel ou 

dan sa pei, se sa ki nou bezwen 

mazinen mon konpran ki Onorab 

William pe dir, i a pe sey debat 

me selman Beau Vallon, laba 

Glasis sa diversion, se sa mon 

ti’n anvoy en PNQ, lo sa size, 

akoz en levestiser li i anvi 

agrandi son biznes ou divert en 

55

semen, ou divert en main road, 

ou tir sa main road kot i ete ou 

anvoy li lo kwen son propriyete 

san ki ou pran konsiderasyon 

bann lezot zabitan. Akoz ki ou 

main road i ava sorti pou satisfer 

en propriyeter prive, me ki 

rezidan li aprezan bis tata pou 

pas anba son lasanm, tou sa 

tapaz semen - senpleman akoz 

li sa dimoun li i annan bon 

kontak. 

E sa bann zafer EIA ki ou 

pe nonmen Onorab, fantastik me 

napa EIA ki pe ganny fer, 

pourtan parey Onorab in dir i 

annan koup en kantite bann gro 

pye dibwa, bann gro pye dibwa ki 

nou tou nou konnen ki dan 

serten sezon i act koman bann 

wind breaks. Konmsi mazinen 

ou, ou annan ou lakaz enkou 

angran zis vini koup tou sa bann 

pye dibwa devan ou, anvoy en 

semen anba ou salon e 

senpleman akoz li sa msye 

envestiser li i anvi met de chalets 

e alors li i ok, e pe pas lo larivyer 

ki ankor ennfwa katastrof. 

E menm i annan serten 

dimoun, zis pou montre ou 

parfwa sa ki Onorab pe dir ki 

manyer keksoz i al lo en 

lekstrenm ki pa akseptab kot 

aprezan i annan serten dimoun 

ki zot la aprezan avek sa 

diversion semen zot zot bezwen al 

konstrir, zot semen i deza la zot, 

avek sa diversion ni rantre se zot 

zot pa pou kapab antre se zot. I 

annan enpe sa bann problenm 

Onorab, sanmen sa mon pou 

siport ou mosyon akoz sa bann 

problenm i bezwen ganny adrese. 

La ozordi msye anler La 

Misere, ankor ennfwa i apel 

lerozyon, i apel polisyon, msye 

anler La Misere in deside pou 

vini avek son bann katapiler nek 

zis vini tir tou bann tenk, dyezel 

in tonm dan larivyer. Ozordi Mr 

Deputy bomaten, kankan La 

Misere. Akoz? SBC pe sey fer en 

raportaz msye in dir avek SBC ou 

pa pou filme nanryen ou, kankan 

anler laba senpleman akoz msye 

li i annan lotorite. 

E la en lot zafer ankor ki 

mon aprann - mon pe dir sa 

mwan senpleman akoz parfwa i 

montre nou kimanyer keksoz i 

et,e letan nou vwayaze nou ti 

annan nou en zoli pti stanp ki 

imigrasyon ti met dan nou 

passport, shape en koko-d-mer, 

Msye Arab in dir sa en soz vilger, 

i endesan, la lotorite imigrasyon 

pe al sanz nou koko-d-mer. In 

fini sanze pou li vin en senp pti 

kare, en senp pti ron, en senp pti 

triyang, se sa kalite keksoz ki 

arive dan nou landrwar ki 

montre ki poudir parfwa nou dan 

sa Lasanble la - e mwan zot 

konnen ki manyer mon koze, dan 

sa Lasanble nou vini avek bann 

pli bon lentansyon, parey nou pe 

dir pas RAMSAR, konblaz lanmar 

- prezan ki annan konblaz 

lanmar, apre sa msye ki’n ede 

pou konble, i al dir kimanyer li i 

kontan, mon kontan ou msye. Lo 

televizyon la i en bon boug me 

selman lanmar laba antretan 

North East point, dimoun letan 

lapli i tonbe dan plato North East 

Point, monte partou kote. Se sa 

bann zafer kontrol, kontrol 

lerozyon kontrol isi, kontrol laba 

lanvironnman nou kontinyen vir 

56

an ron, e sa Lasanble nou pou 

kontinyen vir an ron, tan ki sa ki 

nou appel rule of law, tan ki 

lalwa pa aplik pou tou dimoun. 

Pa krwar ki poudir zofisye 

lavironnman pa konnen sa. 

Zofisye lanvironnman i konnen li 

selman ki ou a fer, li i en senp 

pyon li, kot i ganny anvoye, kot i 

ganny dir laba pa ale, i pa ale. 

Kot i dir al laba soz, si Msye 

Ramkalawan la zot ava fatige li 

avek bann let 14 zour, selman i 

pa vwar i vwar zis Msye 

Ramkalawan, i pa vwar pli o ki 

manyer larivyer in ranpli avek isi, 

in ranpli avek laba. 

Mr Deputy Onorab William 

in anmenn en mosyon ki i annan 

son valer, i annan tou son sans, 

me mosyon Onorab William pa 

pou ariv okenn par, se bann pti 

dimoun ki pou ganny dir, ou pa 

kapab koup sa pye fiyapen i 

ganny proteze, ou pa kapab koup 

sa pye - me msye mon bezwen 

soz, non ou pa kapab. Tandi ki 

sa bann lezot ki annan lotorite, 

vre lotorite dan sa pei zot zot pou 

koup sa ki zot anvi ler zot anvi, 

fason ki zot anvi. Se sa ki bezwen 

sanze, napa narnyen ankor ki 

bezwen sanze, se tou ki bezwen 

sanze. E mwan mon pou donn ou 

sipor, zot i mansyonn en bann 

propozisyon. Mr Deputy, in 

menm propoz en komite 

Lasanble, mwan mon ti ava 

kontan ki sa komite Lasanble i 

ganny formen koman en 

oversight committee, sa enn la, 

met mwan lo la, pou nou letan 

nou pe fer sa bann zafer la, 

mwan osi mon ti a kontan vin lo 

la me parey nou pe dir Mr 

Deputy napa nanryen ki pou 

arive. Ou konnen ki pou arive? 

Mon a dir ou ki pou arive, 

netwayaz semen, la ou osi tou ou 

pou al pas ladan i pou dir avek 

ou, la i la oter ki ou bezwen 

koupe - ou pou annan en ta 

presyon lo ou, tou sa bann pti 

dimoun la, sa bann pti 

kontrakter zot pou ganny en ta 

presyon lo zot zot. Sey mont La 

Misere, sey mont laba, ou, ou a 

sorti avek ou file lavironnman 

dan ou liniform ver, dan tou ou 

bann zafer, tou ou bann bataklan 

ou a tonm lo koltar ou. 

Mr Deputy fodre sa pei i 

vin serye. Si nou koz lo en keksoz 

annu met li a’n aplikasyon, si 

nou anvi protez nou 

lavironnman, pye koko sepa ki 

lot dil, annou protez li pou tou 

dimoun. Akoz zis Msye Pierre, 

Madanm Pierreline, Zozef ek Zan 

ki pou protez tou pye koko, 

selman Sheikh Khalifa, Sheikh 

Bin Laden sepa ki lot zafer zot, 

zot pou koup tou sa ki zot anvi. 

E anplis ki sa, pa zis sa Mr 

Deputy, zet dyezel dan nou 

larivyer tou, ou si ou ti’n zet 

dyezel dan larivyer ou ti pou’n 

fini ganny sarze, tanto ou ti pou 

lo nouvel, anplis ki sa ou ti pou 

lo nouvel poudir Msye De 

Commarmond in koup de soz 

laba, in zet dyezel e lapolis in 

raporte ki poudir in fini ganny 

kondannen swa 6 zour prizon, 

swa R200 e tou sa bann zafer. 

Sa bann lezot la.., Mr Speaker 

mwan mon dir annou serye. E 

Onorab mon felisit ou pou sa 

mosyon me selman mon anvi dir 

avek ou menm si nou lev de 

lanmen anler, napa nanryen ki 

pou arive, mon frer. Mersi. 

57


Onorab William, right of reply. 


Mersi Msye Deputy. Premyerman 

mon ti a kontan remersi tou 

bann dimoun ki’n koz anfaver sa 

mosyon e mon krwar sa Lasanble 

pe anvoy en mesaz ki, enn, i 

konsernen avek sa ki pe arive 

dan nou lanvironnman e ki sa 

Lasanble osi i anvi form parti 

solisyon pou rezourd e kontrol 

enpe sa bann problenm. An 

dizan sa Msye Deputy, i reste zis 

pou mwan dir ki, enn, se ki i 

zanmen tro tar pou fer sa ki 

byen, de mal pa fer en byen me i 

enportan se ki nou konsyan kwa 

ki pe arive, kwa ki pou en danze 

pou nou e kontinyelman koz lo la 

akoz letan mon fer en tour 

d’orizon mon vwar ki sa Lasanble 

lafors koz lo plizyer keksoz, nou’n 

reisi anmenn serten progre e 

menm sa in ganny reflekte 

atraver plizyer bann komite ki 

mon oule felisit zot ozordi. 

Mon propozisyon pou ki sa 

Lasanble swa i kree en komite 

pou fer oversight, e pa oubliye 

Mr Deputy nou annan osi en lot 

komite ki mon mazinen sa 

Lasanble i kapab donn li manda 

osi, pou fer oversight lo sa 

problenm ki sa mosyon pe trete e 

sa se Assurance committee. 

E avek sa de mo Msye 

Deputy mon pou demann ankor 

tou bann manm pou donn siport 

sa mosyon. Mersi 


Nou a pran en vot lo mosyon, tou 

sa ki an faver. Mosyon in pase. 

Nou ava adjourn ziska Mardi 

Prosen. 

(Adjournment) 

58

Download PDF - The National Assembly of Seychelles

Create successful ePaper yourself

Delete template?

Save as template?