ACTA APOSTOLICAE SEDIS - La Santa Sede

Congregatio pro Episcopis 949
ACTA CONGREGATIONUM
CONGREGATIO PRO EPISCOPIS
PROVISIO ECCLESIARUM
Latis decretis a Congregatione pro Episcopis, Sanctissimus Dominus
Benedictus Pp. XVI, per Apostolicas sub plumbo Litteras, iis quae sequuntur
Ecclesiis sacros praefecit praesules:
die 11 Octobris 2007. — Cathedrali Ecclesiae Sacramentensi, Coadiutorem
Episcopum, Exc.mum P.D. Iacobum Soto, hactenus Episcopum titularem
Segiensem et Auxiliarem dioecesis Arausicanae in California.
die 15 Octobris. — Titulari episcopali Ecclesiae Suavensi, R. D. Iesum
González de Zárate, e clero archidioecesis Caracensis ibique hactenus Vicarium
Generalem, quem constituit Auxiliarem eiusdem archidioecesis.
die 17 Octobris. — Titulari episcopali Ecclesiae Albulensi, R. D. Ioannem
Carolum Seneme, C.S.S., hactenus in Brasilia provinciae Sanctae Crucis Congregationis
a Ss. Stigmatibus D.N.I.C. Superiorem Provincialem, quem deputavit
Auxiliarem archidioecesis Curitibensis.
die 18 Octobris. — Praelaturae ab Alma Domo Lauretana, Exc.mum P.D.
Ioannem Tonucci, hactenus Archiepiscopum titularem Torcellanum et in
Svetia, Dania, Finia, Islandia et Norvegia Apostolicum Nuntium.
— Metropolitanae Ecclesiae Halifaxiensi, Exc.mum P. D. Antonium
Mancini, hactenus Episcopum titularem Natchitochensem et Auxiliarem archidioecesis
Marianopolitanae.
— Metropolitanae Ecclesiae Sancti Ioannis Terrae Novae, Exc.mum P.
D. Martinum Villelmum Currie, Episcopum Grandicataractensem, qui proinde
utrique Ecclesiae in persona Episcopi coniunctae praeerit.
— Cathedrali Ecclesiae Liburnensi, R.D. Simonem Giusti, e clero archidioecesis
Pisanae, ibique hactenus paroeciae Sancti Stephani protomartyris
in oppido vulgo dicto « Cascine di Buti » Curionem, et Officii dioecesani pro
Evangelizatione et Catechesi Moderatorem.