nr. 19 - Disentis

Publicaziuns ufficialas
Rapport tecnic
Ils detagls en connex cun la cumpletaziun dil plan da quartier ein publicai en casa communala (stanza
nr. 10) naven da gliendisdis, ils 11 da matg 2009 entochen mardis, ils 9 da zercladur 2009. El
senn dallas prescripziuns digl art. 18 OPT sa enteifer 30 dis dapi l’exposiziun publica vegnir inoltrau
protestas alla suprastonza communala Mustér. Las protestas ston vegnir inoltradas a scret ed ein da
motivar. Disentis/Mustér, ils 6-5-2009
Suprastonza communala Disentis/Mustér
PURSCHIDA GRATUITA
La vischnaunca da Mustér porscha a ses habitonts la pusseivladad da visitar gratuitamein la Casa da
traffic a Lucerna (www.verkehrshaus.ch). Al spurtegl dall’administraziun communala sa per mintga di
digl onn vegnir retratg 5 entradas gratuitas. En quella purschida ei cunteniu: – entrada gratuita ella
Casa da traffic a Lucerna cun museum, planetarium, museum da Hans Erni – teater da film IMAX per
in prezi special (frs. 4.– reducziun) – 10% rabat sin artechels ella stizun dil museum Co fuss ei da far
inagada in’excursiun a Lucerna, forsa gest cun nezegiar la carta dil di per viagiar cun quasi tut ils
mieds da traffic publics en Svizra? Dapli informaziuns retscheveis Vus tier l’administraziun communala
Mustér (tel. 081 920 36 36 ni e-mail: admin@disentis.ch). Nus giavischein ina nunemblideivla aventura
el museum il pli frequentau en Svizra.
Suprastonza communala
NOVA BURGHEISA
En concordanza cun las autoritads cantunalas e federalas ha la vischnaunca burgheisa concediu a:
– Zelkida Donlic, naschida Drapic, 1956, concediu dalla vischnaunca burgheisa ils 8 d’uost
2008, consentiment da Cantun e Confederaziun ils 27 d’avrel 2009 il dretg da burgheis dalla
vischnaunca da Mustér.
Nus selegrein d’astgar beneventar ella en nossa cuminonza da votants e votantas e giavischein ad
ella tut bien.
Suprastonza communala
PROGRAM PER IGL ONN DA SCOLA 2009/10: CORRIGENDA
Entschatta digl onn da scola 2009/10:
Gliendisdis, ils 17-8-2009
scola, 8 jamnas
gliendisdis, 17-08-2009 – venderdis, 09-10-2009
Vacanzas d’atun
gliendisdis, 12-10-2009 – venderdis, 23-10-2009
scola, 81/2 jamnas
gliendisdis, 26-10-2009 – mesjamna, 23-12-2009
Vacanzas da Nadal
gievgia, 24-12-2009 – mesjamna, 06-01-2010
scola, 71/2 jamnas
gievgia, 07-01-2010 – venderdis, 26-02-2010
Publicaziuns ufficialas Jamna 19 4