Protocol - Disentis
Protocol - Disentis
Protocol - Disentis
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Cussegl da vischnaunca 02-2006/2008<br />
Seduta dils 16 da schaner 2006<br />
<strong>Protocol</strong><br />
dalla seduta dil cussegl da vischnaunca,<br />
gliendisdis ils 16 da schaner 2006, allas 20 15 – 21 30 uras<br />
el center da telecommunicaziun TeSCo<br />
Presidi: Damian Sac<br />
Actuar: Ervin Maissen<br />
Presents:<br />
a) Cussegl Heinrich Berther Gion Hosang<br />
Giusep Caduff-Kneidinger Rita Huonder<br />
Robert Cajacob Marcus Jacomet<br />
Giusep Columberg Cecilia Maissen<br />
Paul Duff Pader Vigeli Monn<br />
Victor Flepp Carli Pally<br />
Martina Gienal Damian Sac<br />
Ivan Giger<br />
b) Suprastonza Aldo Tuor Hans Huonder<br />
communala Ignaz Deflorin-Berther Roger Tuor<br />
Duri Huonder<br />
c) Cumissiun da Gion Battesta Manetsch<br />
gestiun<br />
d) Hosps 6 persunas
“Il president dil cussegl da vischnaunca beneventa ils presents alla secunda seduta<br />
dil trienni 2006/2008.<br />
Dapi la seduta finala dil cussegl da vischnaunca dil trienni 03/05 han pliras<br />
occurrenzas giu liug. Per buca emblidar ni far entiert ad in ni l’auter serestrenschel<br />
jeu en miu onn d’uffeci cun mes plaids d’introducziun. Jeu vegnel a far menziun da<br />
schabetgs extraordinaris, menziuns da honoraziuns en connex cun la politica,<br />
schabetgs e novitads per il beinstar da nossa vischnaunca e menziunar mortoris e<br />
naschientschas.<br />
A caschun dalla radunonza da delegai dalla Regiun Surselva dils 17 da december<br />
2005 han ils delegai decidiu unanimamein da conceder il credit da frs. 5 milliuns en<br />
favur dalla Porta Alpina. Pia in ulteriur pass en favur da nossa finamira. Medemamein<br />
a caschun da quella seduta han ils delegai eligiu nies giuven convischin Richard<br />
Gadola ella cumissiun da musica dalla scola da musica Surselva. En num dil cussegl,<br />
cordiala gratulaziun.<br />
Plinavon ha nies burgheis d’honur dr. Dumeni Columberg, delegau en caussa Porta<br />
Alpina, retschiert en l’emissiun “Galerie des Alpes“ il premi “Goldene Helvetia”. El ha<br />
astgau prender encunter quei premi sco renconuschientscha per sia gronda lavur per<br />
la Porta Alpina. Entras siu engaschi han numerus parlamentaris midau lur meini.<br />
Ils 23 da december 2005 ha la scola da skis e snowboard Mustér inaugurau ils novs<br />
runals ed indrezs da skis a Sax. Possien biaras persunas haver la quida d’emprender<br />
leu dad ira cun skis.<br />
A tuttas persunas ni uniuns che han embelliu las fiastas da Nadal e la scumiada digl<br />
onn e cheutras dau ina tempra festiva a nies vitg, in grond Dieus paghi.<br />
A caschun dalla seduta constitutiva ei vegniu surdau all’instituziun “Tür auf-mo<br />
vinavon” il premi da promoziun. Il premi da renconuschientscha ha la Societad<br />
musica da Muster retschiert. Ad els cordiala gratulaziun. Als responsabels ed<br />
organisaturs da quella fiasta cumbinada in engraziament cordial. La surdada dil<br />
Premi Desertina ha era anflau in bien resun ella pressa ed ella televisiun romontscha.<br />
Il Telesguard ha denton buca anflau temps da rapportar davart nossa seduta. Els<br />
s’occupeschan pli bugen cun la “Steil’alva” a Sedrun, sco quei ei succediu l’jamna<br />
vargada.<br />
Mortoris<br />
Gliendisdis, ils 2 da schaner 2006 ha Ignaz Vincenz-Spescha bandunau la veta<br />
terrestra ella vegliadetgna da 59 onns. Sonda, ils 14 da schaner 2006 ha il zenn<br />
grond annunziau la mort da Sebastian Cathomas. El ei morts ella vegliadetgna dad<br />
85 onns. Sebastian Cathomen ei s’engaschaus fetg per la publicitad, oravontut per il<br />
turissem.<br />
Allas famiglias en malencurada admettel jeu el num dil cussegl da vischnaunca nossa<br />
sincera condolientscha. Segner, regala ad els il ruaus perpeten.<br />
2
La gliesta da tractandas secloma sco suonda:<br />
1. <strong>Protocol</strong> nr. 42-2003/2005<br />
2. Elecziuns pil trienni 2006/2008<br />
3. Varia<br />
---<br />
2.1 dalla cumissiun da baghegiar<br />
2.2 dalla cumissiun da fiug<br />
2.3 dalla cumissiun da menaschi dil Center da sport e cultura<br />
2.4 dalla cumissiun Premi Desertina<br />
2.5 dallas delegadas/dils delegai ella Regiun Surselva<br />
2.6 dallas delegadas/dils delegai ella Corporaziun dil spital regiunal Surselva<br />
2.7 dallas delegadas/dils delegai ella Corporaziun schigentera solara da gliet Cadi<br />
2.8 dallas delegadas/dils delegai ella Spitex Cadi<br />
2.9 dallas delegadas/dils delegai el cussegl da fundaziun dalla Casa da tgira<br />
Sursassiala<br />
Cussegl da vischnaunca <strong>Disentis</strong>/Mustér<br />
Il president: Igl actuar:<br />
Damian Sac Ervin Maissen<br />
3
Cussegl da vischnaunca 02-2006/2008<br />
Seduta dils 16 da schaner 2006<br />
1. <strong>Protocol</strong> nr. 42 – 2003/2005<br />
Votaziun<br />
Cun 15 encunter 0 vuschs approbescha il cussegl da vischnaunca il protocol<br />
nr. 42-2003/2005 dalla seduta dils 9 da december 2005.<br />
Cussegl da vischnaunca <strong>Disentis</strong>/Mustér<br />
Il president: Igl actuar:<br />
Damian Sac Ervin Maissen<br />
4
Cussegl da vischnaunca 02-2006/2008<br />
Seduta dils 16 da schaner 2006<br />
2. Elecziuns pil trienni 2006/2008<br />
President dil cussegl da vischnaunca<br />
Tenor art. 12 dil regulativ da fatschentas, elegia il parlament communal<br />
all’entschata da mintga trienni las cumissiuns e delegaziuns permanentas.<br />
Las elecziuns sespleigan tenor las prescripziuns dils art. 37, 38 e 39 dil<br />
regulativ da fatschentas.<br />
Cussegl da vischnaunca<br />
La gliesta ch’ei vegnida tarmessa als commembers dil cussegl da<br />
vischnaunca dat ina buna survesta per las elecziuns da questa sera. Ein las<br />
propostas ch’ein vegnidas suttamessas a scret al cussegl da vischnaunca<br />
vegnidas preparadas entras il biro dil cussegl da vischnaunca ni entras la<br />
suprastonza communala?<br />
President dil cussegl da vischnaunca<br />
La gliesta cun entginas propostas ei vegnida surdada entras la suprastonza<br />
communala al biro dil cussegl. Il biro ha cumpletau quella cun sias<br />
propostas.<br />
Cussegl da vischnaunca<br />
Per las proximas elecziuns duein las propostas succeder entras il biro dil<br />
cussegl, la suprastonza communala duei silsuenter aunc haver la<br />
pusseivladad da presentar sias propostas.<br />
President dil cussegl da vischnaunca<br />
Ils cussegliers en elecziun ston buca s’absentar, denton duein els buca<br />
votar per sesez.<br />
Per l’elecziun dalla cumissiun da baghegiar surdat il president il plaid al<br />
vicepresident dil cussegl da vischnaunca<br />
2.1 Cumissiun da baghegiar<br />
Vicepresident dil cussegl da vischnaunca<br />
Dalla cumissiun da baghegiar ha Fidel Pally demissiunau. Da niev vegn<br />
proponiu Corsin Bundi.<br />
Votaziun<br />
Cun 13 encunter 0 vuschs e 2 abstenziuns elegia il cussegl da vischnaunca<br />
suandontas persunas en la cumissiun da baghegiar:<br />
Gion Albin Ignaz Deflorin-Berther, ex-officio<br />
Corsin Bundi Damian Sac<br />
Robert Cajacob<br />
5
2.2 Cumissiun da fiug<br />
President dil cussegl da vischnaunca<br />
Dalla cumissiun da fiug han Gion Albin e gerau Duri Huonder demissiunau.<br />
Alexi Monn e gerau Roger Tuor vegnan proponi sco novs commembers.<br />
Votaziun<br />
Cun 14 encunter 0 vuschs ed 1 abstenziun elegia il cussegl da vischnaunca<br />
suandontas persunas en la cumissiun da fiug:<br />
Giusep Caduff-Kneidinger Gion Tenner, cumandant<br />
Alexi Monn Roger Tuor, ex-officio<br />
Romeo Schmed, furier<br />
2.3 Cumissiun da menaschi dil Center da sport e cultura<br />
President dil cussegl da vischnaunca<br />
Dalla cumissiun da menaschi dil Center da sport e cultura (CSC) han gerau<br />
Ignaz Deflorin-Berther, gerau Roger Tuor ed Erna Hosang demissiunau. Flavio<br />
Murer, Manuela Meier ed Aluis Cabernard, vegnan proponi sco novs<br />
commembers.<br />
Cusseglier Victor Flepp<br />
Sco ulteriur candidat per l’elecziun dalla cumissiun da menaschi CSC, propona<br />
el Gion Albin.<br />
President dil cussegl da vischnaunca<br />
Sin fundament dil diember da candidats succeda l’elecziun tenor art. 37 dil<br />
regulativ da fatschentas cun scrutini.<br />
Resultat digl emperm scrutini<br />
Cedels reparti 15<br />
Cedels returnai 15<br />
Cedels vits e nunvaleivels 0<br />
Cedels valeivels 15<br />
Total vuschs da candidats 74<br />
Pli absolut 13<br />
Vuschs han obteniu ed elegi ein:<br />
Hans Huonder 14<br />
Manuela Meier 14<br />
Flavio Murer 14<br />
Analisa Giger-Sialm 13<br />
Vuschs han obteniu:<br />
Gion Albin 8<br />
Aluis Cabernard 8<br />
Ulteriurs 3<br />
Resultat dil secund scrutini<br />
Cedels reparti 15<br />
Cedels returnai 15<br />
Cedels vits e nunvaleivels 0<br />
Cedels valeivels 15<br />
6
Elegius ei:<br />
Gion Albin 10<br />
Vuschs ha obteniu:<br />
Aluis Cabernard 5<br />
Pil trienni 2006/2008 secumpona la cumissiun da menaschi dil Center da sport<br />
e cultura da suandonts commembers:<br />
Gion Albin Hans Huonder<br />
Manuela Meier Analisa Giger-Sialm<br />
Flavio Murer<br />
2.4 Cumissiun Premi Desertina<br />
President dil cussegl da vischnaunca<br />
Per la cumissiun Premi Desertina vegnan proponi sco candidats ils<br />
commembers da tochen dacheu.<br />
Votaziun<br />
Cun 15 encunter 0 vuschs elegia il cussegl da vischnaunca suandontas<br />
persunas en la cumissiun Premi Desertina:<br />
Sonja Coray-Capaul Martina Sialm-Schwarz<br />
Hans Huonder Roger Tuor<br />
Marcus Huonder<br />
2.5 Delegadas/delegai ella Regiun Surselva<br />
President dil cussegl da vischnaunca<br />
Suandontas persunas han demissiunau sco delegai respectivamein sco<br />
suppleants ella delegaziun dalla Regiun Surselva: Linus Fry, gerau Silvio<br />
Gadola e gerau Duri Huonder sco delegai e Patrick Caminada sco suppleant.<br />
Da niev vegnan proponi sco delegai Giusep Columberg, Martin Kreiliger,<br />
gerau Roger Tuor, Giusep Caduff-Kneidinger. Gion Hosang, Rita Huonder-<br />
Tenner e Tomas Schmed vegnan proponi sco suppleants da delegai.<br />
Votaziun<br />
Cun 11 encunter 0 vuschs e 4 abstenziuns elegia il cussegl da vischnaunca<br />
suandontas persunas en la delegaziun dalla Corporaziun da vischnauncas<br />
Surselva:<br />
Giusep Caduff-Kneidinger, delegau Roger Tuor, delegau<br />
Giusep Columberg, delegau Gion Hosang, suppleant<br />
Martin Kreiliger, delegau Rita Huonder-Tenner, suppleanta<br />
Ervin Maissen, delegau Tomas Schmed, suppleant<br />
7
2.6 Delegadas/delegai ella Corporaziun dil spital regiunal Surselva<br />
President dil cussegl da vischnaunca<br />
Gerau Ignaz-Deflorin-Berther, Maria Keller, Battesta Lutz e president<br />
communal Aldo Tuor han demissiunau sco delegai, Laurenzia Cajacob ha<br />
demissiunau sco suppleanta. Da niev vegnan proponi sco delegai gerau<br />
Duri Huonder, Robert Cajacob, Martina Gienal-Caviezel, Cecilia Maissen-<br />
Desax, sco suppleanta Astrid Flepp-Manetsch.<br />
Cussegl da vischnaunca<br />
President communal Aldo Tuor ei vegnius eligius en la suprastonza dil spital<br />
regiunal. Sa la vischnaunca tuttina tschentar tschun delegai?<br />
Suprastonza communala<br />
La suprastonza dil spital secumpona independentamein dils delegai. Mintga<br />
habitont dallas vischnauncas commembras ei elegibla en suprastonza dil<br />
spital, independentamein sch’ella ei delegada ni buca. La vischnaunca ha<br />
perquei vinavon il dretg sin 5 delegai.<br />
Votaziun<br />
Cun 11 encunter 0 vuschs e 4 abstenziuns vegnan suandontas persunas<br />
eligidas en la delegaziun dalla Corporaziun dil spital regiunal Surselva:<br />
Robert Cajacob, delegau Martina Gienal-Caviezel, delegada<br />
Paul Duff, delegau Cecilia Maissen-Desax, delegada<br />
Duri Huonder, delegau Astrid Flepp-Manetsch, suppleanta<br />
2.7 Delegadas/delegai ella Corporaziun schigentera solara da gliet Cadi<br />
President dil cussegl da vischnaunca<br />
Gerau Silvio Gadola e Hugo Deflorin han demissiunau sco delegai dalla<br />
Corporaziun schigentera solara da gliet Cadi. Da niev vegnan proponi gerau<br />
Roger Tuor ed Ivan Giger.<br />
Votaziun<br />
Cun 11 encunter 0 vuschs e 4 abstenziuns vegnan suandontas persunas<br />
eligidas ella delegaziun dalla Cooporaziun schigentera solara da gliet Cadi:<br />
Victor Flepp, delegau Pader Vigeli Monn, delegau<br />
Ivan Giger, delegau Roger Tuor, delegau<br />
Iso Mazzetta, delegau<br />
2.8 Delegadas/delegai ella Spitex Cadi<br />
President dil cussegl da vischnaunca<br />
Gerau Ignaz Deflorin-Berther e Dionys Steger han demissiunau sco delegai<br />
dalla Spitex Cadi. Da niev vegnan gerau Duri Huonder e Martina Gienal-<br />
Caviezel proponi.<br />
Votaziun<br />
Cun 14 encunter 0 vuschs ed 1 abstenziun elegia il cussegl da vischnaunca<br />
suandontas persunas en la delegaziun dalla Spitex Cadi:<br />
Edith Bass, delegada Duri Huonder, delegau<br />
Martina Gienal-Caviezel, delegada Alfonsina Sac, delegada<br />
8
2.9 Delegadas/delegai el cussegl da funadziun dalla Casa da tgira<br />
Sursassiala<br />
President dil cussegl da vischnaunca<br />
Gerau Ignaz Deflorin-Berther e dr. Rudolfin Lechmann han demissiunau sco<br />
delegai el cussegl da fundaziun dalla Casa da tgira Sursassiala. Da niev<br />
vegnan proponi gerau Duri Huonder e dr. Thomas Lechmann.<br />
Votaziun<br />
Cun 13 encunter 0 vuschs e 2 abstenziuns vegnan suandontas persunas<br />
eligidas el cussegl da fundaziun dalla Casa da tgira Sursassiala:<br />
Duri Huonder Cecilia Maissen-Desax<br />
Marcus Jacomet Aldo Tuor<br />
dr. Thomas Lechmann<br />
President dil cussegl da vischnaunca<br />
Engrazia als demissiunonts per la buna lavur prestada. El gratulescha als<br />
nieveligi e giavischa ad els bia satisfacziun en lur uffecis.<br />
Cussegl da vischnaunca <strong>Disentis</strong>/Mustér<br />
Il president: Igl actuar:<br />
Damian Sac Ervin Maissen<br />
9
Cussegl da vischnaunca 01-2006/2008<br />
Seduta dils 16 da schaner 2006<br />
3. Varia<br />
President dil cussegl da vischnaunca<br />
Ils termins per las proximas sedutas dil cussegl da vischnaunca ein previ<br />
sco suonda:<br />
Venderdis, ils 10 da fevrer 2006 allas 20 15<br />
Venderdis, ils 17 da mars 2006 allas 20 15<br />
En connex cun la votaziun davart la contribuziun dalla vischnaunca per la<br />
Porta Alpina ha liug en halla Cons mintgamai mardis, ils 24 da schaner e<br />
gliendisdis, ils 30 da schaner 2006 ina sera d’informaziun. Ils cussegliers<br />
vegnan envidai da prender stediamein part allas seras d’informaziun e da<br />
sustener en la publicitad la fatschenta.<br />
Cussegl da vischnaunca<br />
Dacuort han ins saviu intervegnir en la pressa che la Regenza ha concediu<br />
ina contribuziun vid il project da canalisaziun Mumpé Medel – Fontanivas –<br />
Raveras. Sa la suprastonza communala evtl. informar co quella fatschenta<br />
sepresenta finanzialmein per la vischnaunca e tgei program da termins<br />
ch’ei previus?<br />
Cussegl da vischnaunca<br />
Deplorescha ch’ins ha buca dau pli gronda breigia da tschercar candidats<br />
per las elecziuns dil cussegl da vischnaunca. Ei havess segiramein dau ina<br />
u l’autra vischina ni vischin che fussien stai a disposiziun per quei uffeci.<br />
Cheutras havess ins saviu prevegnir ch’ils dus candidats, ils quals ein vegni<br />
anflai suenter ch’il termin da far proposta scadi, havessien fatg in aschi<br />
magher resultat.<br />
Cusseglier Heinrich Berther, president dalla cumissiun forestalesser<br />
La cumissiun ha terminau sia lavur ed ha suttamess il rapport per<br />
consultaziun als commembers dalla cumissiun. Il rapport duei vegnir<br />
surdaus sil pli tard entochen ils 20 da schaner 2006 al president dil cussegl<br />
da vischnaunca resp. alla suprastonza communala. La cumissiun fuss<br />
engrazieivla sche quella fatschenta savess vegnir tractada aschi spert sco<br />
pusseivel entras il cussegl da vischnaunca.<br />
President dil cussegl da vischnaunca<br />
Igl ei previu da tractar quella fatschenta a caschun dalla seduta dils 10 da<br />
fevrer 2006.<br />
Cussegl da vischnaunca<br />
Il cussegl da vischnaunca ha eligiu questa sera pliras delegaziuns en<br />
differentas corporaziuns. En tuttas delegaziuns fan pliras cusseglieras e<br />
plirs cussegliers parts. Il cussegl duei vegnir informaus mintgamai ad uras<br />
davart las activitads e decisiuns pridas en quels gremis.<br />
Suprastonza communala<br />
La fatschenta pertuccont la canalisaziun da Mumpé Medel pertucca il niev<br />
commember dalla suprastonza communala. Cunquei ch’el ei pér gest<br />
entraus en uffeci, ha el aunc buca giu la pusseivladad da seluvrar en tuts<br />
10
dossiers. L’informaziun davart quella damonda sa perquei succeder pér a<br />
caschun dalla proxima seduta.<br />
La suprastonza communala ha decidiu da scriver ora ina plazza per in niev<br />
emprendist da bostger. La decisiun ei succedida en entelgientscha cun la<br />
cumissiun forestalesser.<br />
En connex cun la votaziun davart la contribuziun per la Porta Alpina<br />
basegna ei buca mo la preschientscha a caschun dallas duas seras<br />
d’informaziun. Igl ei necessari ch’ins s’engaschi era ordeifer quellas duas<br />
seras, essend che mo ina pintga part dils votants vegnan e prender part<br />
allas seras d’informaziun.<br />
Il vischinadi da Mumpé Tujetsch ha a caschun da sia davosa radunonza<br />
decidiu da sligiar sias structuras. Ils acts dil vischinadi ein vegni surdai alla<br />
suprastonza communala.<br />
Las localitads dil center da telecommunicaziun TeSCo ein vegnidas<br />
vendidas. Ord quei motiv eis ei necessari d’encurir pil temps suenter ils 30<br />
da zercladur 2006 in niev local per las sedutas dil cussegl da vischnaunca.<br />
Cun igl 1. da schaner 2006 ha Carmen Monn era surpriu l’incarica digl<br />
uffeci dil stadi civil dalla vischnaunca da Tujetsch. Igl 1. da fevrer 2006<br />
entra igl uffeci dil stadi civil Sursassiala en funcziun. Ord quei motiv han ins<br />
era stuiu trer anavon las lavurs da sanaziun pil biro dall’ufficiala dil stadi<br />
civil.<br />
Quella situaziun ha per consequenza che Carmen Monn stat buca pli a<br />
disposiziun all’administraziun per lavurs da secretariat. Ord quei motiv eis<br />
ei necessari d’encurir ina persuna en plazza parziala. Igl engaschi per<br />
quell’occupaziun duei primarmein esser limitaus sin 3 entochen 4 onns. Ins<br />
quenta ch’ins sappi suenter quei temps reducir igl engaschi digl uffeci dil<br />
stadi civil dad ussa niev 100%, aschia che quella persuna sa puspei<br />
surprender certas incaricas dil secretariat.<br />
Cussegl da vischnaunca<br />
Deplorescha ch’ins sto prender cumiau dil local dalla TeSCo. Suenter ch’ins<br />
ei pli baul serendius mo nuidis naven dalla sala en casa communala en la<br />
TeSCo, succeda la nova midada era mo nuidis. Ins spera ch’ins anfli in niev<br />
local dueivels per las sedutas dil cussegl da vischnaunca.<br />
Munta la cumpart dalla plazza che Carmen Monn presta per la vischnaunca<br />
da Mustér ensemen cun la nova plazza in engaschi da 100%.<br />
Suprastonza communala<br />
La cumpart che Carmen Monn presta per la vischnaunca da Mustér e la<br />
plazza parziala pil secretariat muntan a 100%.<br />
<strong>Disentis</strong>/Mustér, ils 21 da schaner 2006<br />
Cus0008_02<br />
Cussegl da vischnaunca <strong>Disentis</strong>/Mustér<br />
Il president: Igl actuar:<br />
Damian Sac Ervin Maissen<br />
11
Change language