Joseph DeBono, President - Choral and Orchestral Society

PROGRAMM IMTELLA’ MILL-
JUNIOR CHOIR AND ORCHESTRA
Nhar is-Sibt l-1 ta’ Awwissu, l-Għaqda tagħna tellgħet serata mużikali bil-parteċipazzjoni tal-istudenti talmużika
tal-Għaqda u tal-‘Junior Choir and Orchestra’ tal-istess Għaqda, fi Triq il-Kappillan Magri biswit id-dar
tal-Għaqda. Għal din l-okkażjoni, li issa daħet sew fil-kalendarju tal-attivitijiet tal-Għaqda, ġew ippreparati
siltiet minn musicals, Beatles, New Cuorey u Disney fost oħrajn interpretati mill-‘Junior Choir and Orchestra’.
Il-Junior Choir kien ippreparat minn Susanne Bonello, filwaqt li l-Junior Orchestra kienet taħt id-direzzjoni ta’
Michael Bonanno. Tajjeb ninnutaw li l-‘Junior Choir and Orchestra’ qegħdin kull ma jmur jagħmlu suċċess u
jagħtu pjaċir lill-udjenzi li jattendu għal dawn it-tip ta’ programmi. Ħadu sehem ukoll numru ta’ studenti talmużika
tal-Għaqda, li daqqew siltiet fuq l-istrumenti rispettivi tagħhom.
F’din l-istess okkażjoni tqassmu ċ-ċertifikati lill-istudenti li għaddew mill-eżamijiet ta’ l-‘Associated Board of the
Royal Schools of Music’. Ta’ min jgħid li għal din l-attivita` attendew numru sabiħ ta’ ġenituri, membri, studenti
u ħbieb, u kien programm ta’ suċċess għal kull min ħa sehem. Din l-attivita’ hija waħda mill-impenji prinċipali
tal-‘Junior Choir and Orchestra’, u nittamaw li jkomplu jiżdiedu okkażjonijiet simili fil-futur.
Page 10
SEJĦA JUNIOR CHOIR
Il-‘Junior Choir’ tal-Għaqda qiegħed kull ma jmur jagħmel suċċess. L-Għaqda
qed tipprepara għall-attivitajiet li jmiss tal-‘Junior Choir’ fejn se jkun qiegħed jieħu
sehem ukoll mal-‘Junior Orchestra’ tal-Għaqda.
Għal dan il-għan, l-Għaqda qiegħda tistieden lil dawk it-tfal ta’ eta` minn sebgħa
snin sa ħdax-il sena li jixtiequ jkunu parti mill-‘Junior Choir’ sabiex jagħmlu kuntatt
magħna permezz tat-telefon jew ikellmu lill-membri tal-Kumitat tal-Għaqda u
jagħtuna d-dettalji sabiex ikunu jistgħu jibdew jattendu għall-provi bi tħejjija għallattivitajiet
li jmiss.