Joseph DeBono, President - Choral and Orchestral Society

SFIDI LI SE JINBIDLU F’OPPORTUNITAJIET
Robert Cutajar, Sindku
Ħidmet l-Għaqdiet Mużikali fil-Mellieħa dejjem kienu
ta` kontribut fil-mixja `l quddiem tul is-snin tar-raħal
tagħna. F`dan is-sens, l-Għaqda Korali u Orkestrali
Maria Bambina mhix eċċezzjoni anzi wieħed irrid
jammira l-impenn tal-membri tagħha li fl-aħħar xhur
daħlu għal sfida li jien konvint li se tkun qed trendi
f`opportunitajiet u aktar ħidma sfieqa fil-Mellieħa.
Il-bini mill-ġdid tal-każin tal-għaqda huwa pass fiddirezzjoni
t-tajba fejn b`mod għaqli, d-direzzjoni ma`
beżgħetx tieħu dawk id-deċiżjonijiet xierqa għax
jien ċert li żammet f`moħħha li s-sagrifiċċji tal-lum ser
ikunu żgur is-sodisfazzjonijiet ta` għada. Ir-riżultati filqasam
mużikali biċ-ċertifikati miksuba mill-istudenti
fi ħdan l-Għaqda huma xhieda tal-missjoni li din
l-għaqda qed twettaq fil-Mellieħa. Huwa l-obbligu
tagħna bħala Kunsill li dan nirrikonoxxuh u safejn
huwa possibbli nkomplu nagħtu s-sapport tagħna filħidma
li għaqdiet u soċjetajiet bħall-Għaqda Korali
u Orkestrali ‘Maria Bambina’qed iwettqu fil-Mellieħa.
Ninsabu mill-ġdid f`dawn il-jiem ta` Festa fejn
bħala poplu Mellieħi wieħed maqgħud flimkien
niċċelebraw il-jum tat-twelid ta` Ommna Marija
Bambina. Huma ġranet li jerġgħu jikkonfermaw ilkwalitjaiet
sbieħ li dan il-poplu huwa mogħni bihom.
Fuq kollox tispikka l-għaqda, għaqda li matul is-sena
ħidmet il-Kunsill Lokali flimkien mal-għaqdiet tal-lokal,
inkluż din l-għaqda, kompliet tgħin biex din tkompli
toħrog fil-beraħ. Anke hawn ippermettuli nieħu din
l-okkażjoni biex f`isem sħabi l-kunsilliera nirringrazzja lil
din is-socjeta’ għall-fatt li kull meta ġiet mitluba dejjem
laqgħet bi pjaċir l-istedin tagħna bħala Kunsill
u pparteċipat fl-attivitajiet li tellajna. Ma nistax ma
nsemmix ukoll il-biċċa xogħol tajba li din l-għaqda
qed twettaq f`waħda mill-attrazzjonijiet prinċipali fillokal
tal-Mellieħa, ix-xelters tal-Gwerra , wara li dawn
ftit tas-snin ilu kienu ġew devoluti mill-Gvern lill-Kunsill
Lokali.
Nagħlaq dawn il-kelmtejn qosra tiegħi billi filwaqt li
nawgura lill-membri kollha li jiffurmaw din is-Soċjeta`
l-isbaħ xewqat għall-Festa ta` Marija Bambina
nkompli nħeġġeġ lill-poplu Mellieħi japprezza dejjem
il-ħidma tal-għaqdiet tagħna fil-Mellieħa u
jkunu dejjem parteċipi fl-attivitajiet li huma jtellgħu.
Il-preżenza tagħna ċert li tkompli timla b`aktar
kuraġġ lil dawn in-nies membri fid-diversi għaqdiet
fir-raħal tagħna, li b`mod volontarju qed jagħtu
ħinhom u saħħithom biex ikomplu jsaħħu fost l-oħrajn
il-valuri sbieħ li ħallewlna l-antenati tagħna apparti li
noħorgu aktar fil-beraħ il-karatteristiċi tagħna bħala
poplu.
Page 7
Partiċipazzjoni mill-membri tal-Għaqda waqt il-festa tal-Ħġejjeġ ta’ San Ġwann 2009, li tifforma
parti mill-ftehim kulturali mal-Kunsill Lokali tal-Mellieħa
Page 7