Joseph DeBono, President - Choral and Orchestral Society

TLIET ANNIVERSARJI
Michael Bonanno
Din is-sena l-Għaqda tagħna qiegħda tfakkar tliet anniversarji
importanti. Dawn huma l-15-il sena mir-restawr
ta’ l-Għajn tal-Mellieħa, u 10 snin mir-rappreżentazzjoni
storika taċ-Ċentinarju mill-Inkurunazzjoni tal-Madonna
tal-Mellieħa u ż-żjara mill-Kor u Orkestra fil-belt ta’ Adenau
l-Ġermanja.
Ċentinarju mill-Inkurunazzjoni tal-Madonna tal-Mellieħa
Fis-snin disgħin, l-Għaqda tagħna ħadet il-fama li ttella
rappreżentazzjonijiet storiċi b’suċċess fosthom dak
dwar l-Assedju l-Kbir. Fl-1999 kien imiss li tiġi mfakkra
l-festa taċ-Ċentinarju tal-Inkurunazzjoni tal-Madonna
tal-Mellieħa, fejn ġiet imtella` rappreżentazzjoni storika
dwar din l-istorja fil-bitħa ta’ l-istess Santwarju. Għal
dan id-dramm, inkitbet mużika għall-okkażjoni, intużaw
persunaġġi fl-istorja b’kostumi adatti u kienu intervistati
L-iskript kien ta’ Dun Mose` Debono, id-direzzjoni kienet
f’idejn il-President ta’ l-Għaqda, s-Sur Joseph DeBono
u s-Sur Vince Zahra li ħolqu l-persunaġġi u qassmu lprogramm,
filwaqt li l-mużika tmexxiet mis-surmast Mro.
Victor Vella.
L-ewwel Żjara f’Adenau l-Ġermanja
Membri ta’ l-Għaqda żaru l-belt ta’ Adenau fil-
Ġermanja, bejn id-19 u s-27 ta’ Gunju 1999. Dawn ilmembri
tellgħu żewg programmi mużikali bis-sehem talkor
u orkestra, u żfin folkloristiku b’kostumi Maltin fil-pjazez
ewlenin ta’ Cologne u ta’ Bonn. F’Adenau, ħadna sehem
f’quddiesa ta’ l-iscouts fl-okkażjoni tal-festa ta’ San
Ġorg u tellajna programm mużikali fl-‘Open House Day’
ta’ l-isptar San Josef.
Fl-okkażjoni tal-festa ta’ San Ġwann, nhar il-Ħamis 24
ta’ Ġunju, ġiet imtella’ Akkademja Mużiko-Letterarja filknisja
ta’ San Johannes, f’Adenau stess. Il-konslu Malti,
s-Sur Kraemer, stieden lill-membri fir-residenza tiegħu
ġewwa Cologne, u ġew ospitati wkoll fl-Ambaxxata
Maltija, f’Bonn, mill-Ambaxxatur Malti għall-Ġermanja,
s-Sur Carmel Aquilina. Din iż-żjara kienet waħda memorabbli
u ta’ unur mhux biss għal dawk kollha li ħadu
sehem fiha imma wkoll għall-Mellieħa u għal pajjiżna.
L-Għajn tal-Mellieħa
Fl-24 ta’ Lulju 1994, saret l-inawgurazzjoni tax-xogħol lest
fir-restawr tal-Għajn tal-Mellieħa. Din l-għajn għandha
storja ta’ mijiet ta’ snin, u kienet taqta’ l-għatx kemm
tan-nies kif ukoll tal-bhejjem u tar-raba’. Qabel sar irrestawr,
l-għajn kien ilha fuq 30 sena abbandunata,
bla ilma, bil-ħwat tal-ħassiela kważi mirdumin. Membri
ta’ l-‘Għaqda Korali u Orkestrali Maria Bambina’ ħadu
ħsieb ir-restawr ta’ din l-għajn li kien jikkonsisti fit-tindif
tal-kanal il-kbir, tindif u restawr tat-tliet iħwat li minnhom
kienu jixorbu l-bhejjem kbar huma u sejrin għax-xogħol
jew ġejjin lura, saru l-imwieżel li minnhom jgħaddi l-ilma
żejjed mill-ħwat għall-ħwat tal-ħassiela ftit ‘l bogħod,
ġew irrestawrati l-ħwat tal-ħassiela, ġiet iċċangjata lpjazzetta
u l-passaġġ ‘l fuq lejn il-ġibjun u sar il-pont imsaqqaf
bl-injam.
Page 13