You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
62<br />
VARIATIONES IN BREVIARIO ET MISSALI<br />
Quod si occurrat eodem die dominica I post Epiphaniam, fit Officium de S. Familia, sine commemoratione<br />
Baptismatis Domini et sine commemoratione dominicae. Tunc initium Epistolae I ad Corinthios legitur sabbato<br />
praecedenti.<br />
25. Peculiaria pietatis exercitia, quae cum populi concursu, feria VI post dominicam I Passionis, in honorem B.<br />
Mariae Virg. Matris dolorosae peragi consueverunt, continuari possunt. Permittuntur etiam eo die, duae Missae festivae<br />
de septem doloribus B. Mariae Virg.<br />
26. Pro antiphona ad Magnificat, ad Vesperas feriae VI, tempore Paschatis, sumitur antiphona ad Magnificat quae<br />
habetur ad II Vesperas dominicae praecedentis.<br />
27. Post Officium dominicae V post Pascha, in Breviario ponatur sequens rubrica:<br />
In Litaniis minoribus<br />
Litaniae minores seu Rogationes per se assignantur feriis II, III et IV ante festum Ascensionis Domini.<br />
Ordinariis autem locorum facultas tribuitur eas transferendi ad alios tres dies continuos magis opportunos iuxta<br />
regionum diversitatem aut consuetudinem aut necessitatem.<br />
De Litaniis minoribus nihil fit in Officio.<br />
Obligatio recitandi Litanias Sanctorum cum suis precibus, his diebus, urget tantum in processione aut aliis<br />
peculiaribus supplicationibus. Proinde, qui ad recitationem divini Officii obligantur, processioni vero aut aliis<br />
peculiaribus supplicationibus non intersunt, non tenentur dicere, his diebus, Litanias Sanctorum cum suis precibus.<br />
In Missali autem, in Missa de Rogationibus, post epistolam, deleatur Alleluia cum suo versu, et eius loco ponatur<br />
graduale et Alleluia cum suo versu, necnon tractus, et Alleluia cum suis versibus, quae in Missa pro quacumque<br />
necessitate, iuxta diversa anni Tempora, inveniuntur. Verba demum: praefatio paschalis, deleantur.<br />
28. Feria II infra hebdomadam V post Pascha, omissis lectionibus de homilia in evangelium Missae de<br />
Rogationibus, ponantur hae lectiones de Scriptura occurrenti:<br />
De Epístola prima beáti Petri Apóstoli<br />
Lectio I Cap. 2, 1-5<br />
Deponéntes ígitur omnem malítiam, et omnem dolum, et simulatiónes, et invídias, et omnes detractiónes, sicut<br />
modo géniti infántes, rationábiles, sine dolo lac concupíscite: ut in eo crescátis in salútem: si tamen gustástis, quóniam<br />
dulcis est Dóminus. Ad quem accedéntes lápidem vivum, ab homínibus quidem reprobátum, a Deo autem eléctum et<br />
honorificátum: et ipsi tamquam lápides vivi superædificámini, domus spirituális, sacerdótium sanctum, offérre<br />
spirituáles hóstias, acceptábiles Deo per Iesum Christum.<br />
Resp. Dicant nunc, ut adhuc hoc die.<br />
Lectio II Cap. 2, 6-10<br />
Propter quod cóntinet Scriptúra: Ecce, pono in Sion lápidem summum angulárem, eléctum, pretiósum: et qui<br />
credíderit in eum, non confundétur. Vobis ígitur honor credéntibus: non credéntibus autem lapis, quem reprobavérunt<br />
ædificántes, hic factus est in caput ánguli, et lapis offensiónis, et petra scándali his, qui offéndunt verbo, nec credunt in<br />
quo et pósiti sunt. Vos autem genus eléctum, regále sacerdótium, gens sancta, pópulus acquisitiónis: ut virtútes<br />
annuntiétis eius, qui de ténebris vos vocávit in admirábile lumen suum. Qui aliquándo non pópulus, nunc autem pópulus<br />
Dei: qui non consecúti misericórdiam, nunc autem misericórdiam consecúti.<br />
Resp. Cantáte Dómino, ut adhuc hoc die.<br />
Lectio III Cap. 2, 11-17<br />
Caríssimi: Obsecro vos tamquam ádvenas et peregrínos abstinére vos a carnálibus desidériis, quæ mílitant advérsus<br />
ánimam, conversatiónem vestram inter gentes habéntes bonam: ut in eo, quod detréctant de vobis tamquam de<br />
malefactóribus, ex bonis opéribus vos considerántes, gloríficent Deum in die visitatiónis. Subiécti ígitur estóte omni<br />
humánæ creatúræ propter Deum: sive regi quasi præcellénti, sive dúcibus tamquam ab eo missis, ad vindíctam<br />
malefactórum, laudem vero bonórum: quia sic est volúntas Dei, ut benefaciéntes obmutéscere faciátis imprudéntium<br />
hóminum ignorántiam: quasi líberi, et non quasi velámen habéntes malítiæ libertátem, sed sicut servi Dei. Omnes<br />
honoráte: fraternitátem dilígite: Deum timéte: regem honorificáte.<br />
In Officio feriali: Te Deum.<br />
In Officio ordinario, resp.: Narrábo, ut adhuc hoc die.<br />
Antiphonae ad Benedictus et ad Magnificat retinentur quae in Breviario nunc exstant.<br />
29. Dies a feria VI post Ascensionem Domini usque ad vigiliam Pentecostes exclusive sunt feriae temporis<br />
Ascensionis.<br />
Ad Officium et Missam horum dierum quod attinet, haec animadvertantur:<br />
a) In Officio feriali, antiphonae et psalmi, ad omnes Horas, et versus Nocturni sumuntur de currenti<br />
hebdomadae die, ut in Psalterio pro tempore paschali; lectiones de Scriptura occurrenti, cum suis responsoriis, et dicitur<br />
Te Deum; reliqua, una cum versu in responsorio brevi ad Primam, ut in festo Ascensionis.