FUNGORUM - Acervo Digital de Obras Especiais

VIII
hucusque editorum) ex quibus diagnoses excerpsi, Syllogi
præmittitur. Si libros quosdam et hinc diagnoses contentas
omiserim mycologis tunc facile patebit.
XII. Ad finem cujusque sectionis vel subordinis addidi
repertorium alphabeticum specierum secundum matrices,
quod quam utile sit in nominibus fungorum inquirendis
nemo est qui ignoret. Tam repertorium istud, quam indicem
librorum prædictum, peritiæ et diligentiæ JACOBI BIZ-
ZOZERO, Horti patavini conservatori debeo, cui publice permultas
ago gratias.
Restat nunc ut botanicis æstumatissimis amicisque plurimis
tam Europæ quam Americæ, qui operi meo strenue
variisque rationibus faverunt, gratias perquam maximas
agam. Inter quos licitum sit mihi illos tantum citare qui
vel suorum magni pretii operum duplum exemplar mittendo,
vel libros perraros mycologicos commodando vel transcribendo,
vel tandem operis notitiam per diaria benevole
diffundendo, Sylloges vitam excitarunt; qui sunt: M. J. BER-
KELEY ¹), T. CARUEL, V. CESATI, M. C. COOKE, J. B. ELLIS,
J. H. FABRE, P. A. KARSTEN, E. LAMBOTTE, G. DE NIESSL,
G. PASSERINI, C. PECK, N. PEDICINO, O. PENZlG ²), DOCT.
REHM, C. ROUMEGUÉRE, J. SCHRÖTER, C. SPEGAZZINI, F. DE
THÜMEN, G. WINTER.
Patavii, XIII Junii, MDCCCLXXXII.
P. A. SACCARDO
1) Referre lætor illustrissimum et venerabilem BERKELEY benevole mihi
misisse (præter alia opera sua) schedulas permultas diagnoses Hymenomycetum
a se jam editorum continentes, quas paraverat ad Syllogen concinnandam,
quæ in omnium votis erat. Occupationes vero tardaque ætas propositum
impediverunt. Utinam celeberrimo Viro datum sit fructus suos videre
cunctos in hac Sylloge systematice recollectos.
2) Fungorum aliquot nondum plene descriptorum egregius et amicus prof.
PENZIG paravit adumbrationes, quibus usus sum ad eorumdem diagnoses perficiendas.