Bijzonderheden - Vrienden van Wijnandsrade

en gezeagend door meneer pesjtoear – ging men dan bie de familie
en gow bekinde aan. Doa kos men dan op ein waffel en ein drupke
reakene.Vaak ut iësjte oet inne hieële lange reeks! De luuj noome zich
vreuger rustig de tiet, om mekaar te verrasje. Dat ging soms zelfs
door tot mit Maria Lichtmis, op 2 februari. Men trampelde in de iësjte
weake van ut joar gemoedelik de familie aaf, die in de naburige durpe
en gehuchte woonde.Woar ut sjlecht wear, dan sjtilde men dat bezeuk
gewoon effe oet, tot de wearsomsjtandigheden get beater woare. As
jeugd van Zjwier ginge vier op nuujjoarsdaag ummer van deur tot
deur; de luuj van g’n dörp verrasje. Soms leverde dat get geld op, mèr
ech riek is doa neemes van gewoare.V’r woorte dan veural volgesjopt
mit waffele, hiël vuel waffele!
Ein van de sjoeanste tradities die Limburg hat gekint – mèr die
joamergenog bekans is oetgesjtorve – is ut frühsjoppe. In Roa koste
v’r doa auch get van. Oos durp kinde inne harde kern, dea elke zondig
noa de hoeagmis ging frühsjoppe. En die ‘Rötcher jonge’ ginge mit
nuujjoar natuurlik auch alle kasteleins ein zieëlig nuujjoar wunsje.
Oet die doorgewinterde frühshoppers is in ut midde van d’r veurige
ieëuw nog inne groep beroepsverrasjers ontstange, dea mit nuujjoar
noa de mis ummer alle cafés van Roa en Zjwier aafleep. Dea groep
ging door mit verrasje tot in de late oavend, vaak zelfs tot deep in de
nach. Ze bezochte dan trouwes neet allein alle cafés, mèr ginge auch
zoea ongeviër van duer tot deur. En ze krege doa dan van alles te
drinke: beer, wien, jonge kloare, ouwe kloare, keizerbitter, glühwein.
Num mèr op! En natuurlik waffele, hiël vuel waffele!
Die beroepsverrasjers woare in de laup van ut joar best waal get
gewind; mèr oud op nuuj, dat woar veur hun toch ummer waal ein
fiëst dat hun hieël lang bleef heuge. Ze krege dan zo’n ontzettend
sjtuk in d’r kraag, dat ze zich dan heilig veurnoame ut joar doanoa ut
get rustiger aan te doon. Mèr ja, ein joar duurt lang en d’r miensj vergit
nogal sjnel. Van dat gowwe veurnumme is dan auch meistal neet
vuel terech gekoame.Vuel leden van die ouw garde beroepsverrasjers
zint os in de laup der joare ontvalle. ‘Dat God veur hun ein good
plekske moach hubbe gereserveerd; aan d’r tie-èk doa boave in de
hemel.
16