Bijzonderheden - Vrienden van Wijnandsrade

allemoal get groeatser aan te pakke. Hea houw zich ein groeatere bus
gereigeld: ein milkbus mit inne inhoud van dertig liter. In de bodem
doavan hubbe v’r toen ein gaat geboard; v’r hubbe doa inne flinke knoa
carbid ingedoa, inne sjeut water op d’r carbid gesjud en mit inne sjtek
d’r carbid tot ontploffing gebrach. Dat woare mich ein sjleag! Ut leek
waal kreech in g’n durp. De milkbus sjprong doabie mit ein enorme
krach weg. En d’r diksel, dea vloog nog vuel wiejer weg.Vier mooste
dem dan noa elke gesjlaagde ontploffing in ut pikkeduuster goan
zeuke. Om ut os get gemekkelikker te make, koame v’r op ut idee die
milkbus mit sjtange te verankere en d’r diksel mit ein touw aan inne
baum vast te binge. Dan hoofde v’r neet mië zoea wiet te zeuke. Ut
ging dea oavend hiël lang good. En ut klonk allemoal prachtig: sjleach
as van ein kanon! Mèr opins wouw de ontsjteaking van de milkbus
neet aafgoan. D’r Kiel ging zelf poolshoogte numme….. Noa get rammele
aan de bus, trok hea d’r diksel d’r mèr ins vanaaf ….. En toen
koam mich toch ein sjteakvlam! Vol in zien gezich! D’r Kiel rende
geliek ut erf aaf. Onger de poart sjtong inne tob mit verse koeiemilk.
Hea duikte geliek mit ziene ganse kop tot onger in de ummer. En dat
bliekt achteraaf zien redding te zin geweast. Oos ouwesj zoote dea
oavend in café Bruls. Doa woord mit oud op nuuj ummer de sjpaarkas
oetbetaald en inne dansoavend georganiseerd. Toen vier hun koame
vertille wat d’r woar gebeurd, woar ut dat joar verder mit oud op nuuj
waal gedoan. D’r Kiel woort in paniek noa ut ziekenhoes van Hearle
verveurd en is doa mit sjpoed verzurgd. Ein paar daag later woar hea
al weer thoes. Hea how nieks van de sjteekvlam euvergehoute; allein
get verbrande hoare en wenkbrauwe.
Aan de belhamels van Zjwier hubt g’r dus de traditie van ut vuurwerk
te danken; en aan d’r Kiel van Mieësse ut bekinde gezigkde: ‘Je bent
een rund, als je met carbid stunt!’
Betste Luuj van Roa, tot zoeaver mien herinneringen aan oud op nuuj.
Wea wit sjteit hie volgend joar waal eemesj van uch, dea zien of huer
herinneringe aan nuujjoar wilt vertille. ‘Ein gelukzieëlig nuujjoar en
alles wat wunsjelik is’. En ich ving dat ich noe waal ein waffel en inne
ganse boel drupkes hub verdeend.
Math Marell
18