Omsendskrywe nr.5 van 7 Februarie 2013 - Laerskool Tuine

7 Februarie 2013
OUEROMSENDBRIEF NR. 5 van 2013
Geagte Ouers en Voogde
1. UIT DIE HOOF SE KANTOOR:
1.1 PERSONALIA:
Personeel is op vol sterkte. Baie welkom aan mnr. Stephan de Wet wat weer by ons
aangesluit het en ons vertrou dat hy werklik weer sy deel soos gewoonlik sal doen.
Baie welkom aan mnr. Ferdi Naude, wie by ons aangesluit het. Ons vertrou dat u ’n baie
aangename tydperk by Laerskool Tuine sal beleef.
1.2 ATLETIEK:
Geluk aan al die atlete wat by die Sub-Cluster pragtig presteer het. Ons het in totaal 33
atlete wat eerskomende Maandag, 11 Februarie by Laerskool Danie Malan aan die
Cluster byeenkoms gaan deelneem. Aan hulle baie sterkte en doen net julle bes. Dankie
aan elke afrigter wat tyd bestee het aan die atlete.
In totaal was ons 8 skole wat deelgeneem het aan die Sub-Cluster en was Laerskool
Tuine die skool wat uiteindelik die byeenkoms gewen het.
1.3 NUWE SKOOLTYE VIR 2013:
Skool begin en verdaag om die volgende tye:
Grade 1 en 2 07:20 – 12:45
Graad 3 07:20 – 13:10
Grade 4 tot 7 07:20 – 13:34
Pouse is vanaf 10:12 tot 10:42.
Ons ondervind tans weer ’n geweldige toeloop van ouers wat leerders uit klasse laat roep
vir afsprake. Dit is geweldig steurend en onderbreek onderrig tyd. Daar is steeds ouers
wat daarop aandring om persoonlik met die onderwyser te gaan praat. Help asseblief in
hierdie saak.
Indien ‘n leerder laat is, moet die leerder self vanuit Ontvangs na sy/haar klas toe stap.
U mag nie u kind verder vergesel nie.
2. FINANSIES:
Baie dankie aan almal wat so getrou hulle skoolgeld betaal ons waardeer dit opreg. Sluitings-
datum vir subsidies is 28 Februarie 2013.
Onthou, 10% korting is van krag indien u voor einde Februarie ten volle betaal.
Indien u elektroniese betalings maak meld asseblief u familiekode as verwysing.
3. SCHOOL COMMUNICATOR:
Alle ouers wat die School Communicator op hulle selfone wil gebruik kan dit aftrek by:
http://schoolcommunicator.mobi

4. LAERSKOOL TUINE - 60 JAAR VIERING:
Laerskool Tuine word 60! Ons beplan ’n groot reünie.
Ons benodig u as ouers se hulp om ons asseblief te help met inligting rakende oud-leerlinge. As
u ’n oud-leerling was of ken iemand wat ’n oud-leerling was, voltooi asseblief onderstaande
strokie met volledige inligting sodat ons almal kan nooi na ons reünie.
Dankie, vir u hulp hiermee!
Onthou om ’n kontak nommer te verskaf.
Vorms is by kantoor beskikbaar.
5. OEFENTYE VIR ATLETIEK:
Seuns en dogters o/10, o/11, o/12 en o/13
Maandae, Dinsdae en Donderdae:
13:45 – 14:05 Hoogspring
14:05 – 14:25 Verspring
14:25 – 14:45 Gewigstoot
Aflosse en naellope vind in aktiwiteitsperiode gedurende skooltyd plaas.
Middelafstande:
600m, 800m, 1200m, 1500m vind plaas om 16:00 by Laerskool Tuine.
6. ATLETIEKBYEENKOMSTE VIR 2013:
11 Februarie Atletiek Cluster byeenkoms te Laerskool Danie Malan - middag
1 Maart Atletiek Distrikskampioenskappe
7. LOKETTE:
Beskikbaar teen R120 per jaar. Betaal by finansies.
8: SNOEPIE – 11 tot 15 Februarie:
Maandag Vienna + Chips R10
Dinsdag Toast R7 / R9
Woensdag Worsrol R15
Cheesegriller R10
Hotdog R9
Donderdag Hoenderburger R10
Vrydag Pastei R9
9. VELDSKOOL:
U kan nou reeds begin om af te betaal vir die Veldskool vir Graad 6 wat in Oktober plaasvind.
Die bedrag is R775. Kampgelde moet voor of op 18 September betaal wees.
10. NETBAL:
Alle o/9 tot o/12 dogters wat hierdie jaar wil netbal speel en nie in die Atletiekspan is nie, is
welkom om elke Dinsdag en Donderdag vaardighede en fiksheid te kom oefen.
Leerders wat in die atletiekspan is, mag nie saam oefen nie en sal NIE benadeel word nie. Dit is
slegs om die onaktiewe leerders aan die gang te kry voor die seisoen binnekort afskop.
Die sessies sal deur Juffroue Marilise, Antonet, Tanya en Cherise aangebied word.
Dae van sessies is: Dinsdae en Donderdae
Tye van sessies is: Vanaf 14:00 tot 15:00.
Die dae wat daar ’n atletiekbyeenkoms is, sal daar GEEN oefening plaasvind nie.
11. PARKERING:
U moet asseblief nie parkeer by die ingangshekke wanneer u leerders op- of aflaai nie. By die
skolierpatrollie moet u asseblief ook ’n spasie laat sodat leerders gemaklik oorbeweeg. Indien u
saam met die leerders die straat sou kruis, moet u asseblief ook gebruik maak van die
skolierpatrollie. Sodoende leer hulle vroegtydig om reëls na te kom en te gehoorsaam.

12. PYTHAGORAS WISKUNDE KLUB:
As gevolg van almal se betrokkenheid by die Atletiekbyeenkoms van Vrydag, verskuif ons
Graad 4 en 5-speletjiemiddag na Vrydag, 15 Februarie.
Dit sal dan ’n Wiskunde-speletjiesmiddag vir almal van Graad 4 tot Graad 7 wees, in Kamer 7
vanaf 13:45 tot 14:45.
13. SUBSIDIES:
Kan afgehaal word by Finansies.
14. GRAAD 1 SKRYFBEHOEFTES:
Daar is nog beginnerspakkette teen R350 beskikbaar by die kantoor.
15. NETBAL 2013:
Netbalklere sal beskikbaar wees by die skool. U as ouer kom self u kind se rok pas soos by ’n
klerewinkel. Kostes sal volgende week deurgegee word.
Netbaltoer is vanaf 12 tot 14 April en net A-spanne gaan die jaar toer. Kostes is R900 te Raloka.
Ligadatums is nog nie bekend nie.
Vriendskaplike Datums:
26 Februarie Tuis teen Magalieskruin o/8A+B tot o/13A+B
2 Maart Midstream o/10 – o/13
9 Maart Boerefort o/13A
5 Maart Doxa Deo
12 Maart Louis Leipoldt o/8 – o/11 A en B asook o/12B en o/13B
12 en 13 Maart Proewe o/12A en o/13A
14 Maart Garsfontein en Proewe volg
18 Maart Boerefort Aandreeks o/11 – o/13 A + B
Liga begin in April
11 Mei Mini Netbaldag te Hoërskool Pretoria-Noord o/7 – o/9
Klere is nog nie beskikbaar nie, maar sal saans vanaf 17:30 – 18:30 beskikbaar wees vanuit
agter die saal.
16. INTERNE REDENAARS:
Ons interne redenaars vind plaas op 7 Februarie 2013.
Grade 1 tot 3 Vanaf 17:00 – 18:00
Graad 4 tot 7 18:30 tot klaar
Leerders tree op in netjiese skooldrag met skoene en kouse.
17. LEERDERONDERSTEUNINGSKLASSE:
Maandae Dinsdae Woensdae Donderdae
Gr. 4 Afrikaans Gr. 6,7 Afrikaans Gr. 4-7 Engels Gr. 5 Afrikaans
Gr. 7 Wiskunde Gr. 5 Wiskunde Gr. 6 Wiskunde Gr. 4 Wiskunde
Klasse het reeds begin en eindig 7 Maart.
Die fokus is op die volgende aspekte:
Wiskunde: Basiese getalbegrip
Afrikaans: Luidleesvaardighede
Engels: Luidleesvaardighede
Klasse word aangebied deur Juffrou Nicolena v/d Linden (eerste klas naaste aan die kantoor op
die tweede verdieping) en Juffrou Annatjie de Jonge (Mediasentrum by die sementvierkant).
Enige leerder is welkom om die klasse by te woon. Dit is egter spesifiek bedoel vir leerders wat
in die vorige akademiese jaar probleme in Afrikaans, Engels en Wiskunde ondervind het.
Indien leerders die klasse gaan bywoon, moet u asseblief toesien dat hulle ekstra kos en ’n
drinkdingetjie inpak, aangesien dit ’n lang skooldag word.

Klasse begin direk na skool en sluit af om 14:35.
18. SKOOL KLERE:
Ons het so ’n toeloop gehad wat skoolklere betref, dat ons kaste byna leeg is. Stuur asseblief vir
ons al daardie klere wat te klein geword het of indien u kind Hoërskool toe is. Ons benodig nou
veral winterklere vir die volgende seisoen. Enige ou skooldrag is meer as welkom. Skoene,
kouse en selfs ’n tas wat nog bruikbaar is en wat u kind nie meer gebruik nie, kan help vir die wat
dit nodig het.
Baie dankie aan almal wat al vir ons gestuur het.
19. SOKKIE:
15 Februarie 2013, is daar ’n Valentynsdag sokkie in die saal vir Grade 4 tot 7. Toegang R10.
Daar sal die volgende verkoop word:
Worsbroodjie R10
Worsbroodjie met slaai R15
Ons sal volgende week meer besonderhede aan u verskaf in ’n aparte brief waarop u kan aandui
of u sou belangstel om van die worsbroodjies en slaai te bestel.
20. BOEKEBUDDIES:
’n Baie goeie produksie om die leerders se lees te prikkel op 8 Maart teen R15 per leerder vanaf
Graad 1 tot 7.
21. SAAMRY GELEENTHEID:
Vanaf Laerskool Mayville of Mayville Mall vir ’n seun in Graad 5. Indien u sou kan help kontak
Dion - 073 239 0436 of 083 619 6009.
_________________
MNR. W.J. STEYN
HOOF
------------------------------------------------------------------------------------------------------------------------------------------
GRAAD 4 – HUISWERK:
AFRIKAANS:
Beplanningsdokumente in die werkboek is belangrik. Die leerders se werkspoed is baie stadig en ons is
nie by die weke soos beplan nie.
Leerders moet egter nog steeds voorberei vir alles wat vir daardie spesifieke week beplan is.
Speltoetse word op Vrydae van gelyke weke (soos in die huiswerkboeke gemerk) geskryf, bv. week 4,
week 8.
Week 10 se speltoets word op die Maandag in die week wat die skool sluit geskryf.
Hou asseblief huiswerkboeke en werkboeke dop vir oefeninge wat huiswerk word indien leerders nie in
klastyd klaarkry nie.
WISKUNDE:
Indien klaswerk nie voltooi is nie, word dit huiswerk.
SW:
Museum-uitstalling se inligting in u kind se boek wat Maandag, 11/2 en Dinsdag, 12/2 huis toe gestuur
sal word.
ENGELS:
Spelling: Write sentences with the words and write out dictation three (3) times. All work not completed
in class must be finished at home except if told not to.

ADVERTENSIES
SWEMKLASSE:
Skakel (012) 379-4370 Abel
083 321 3026 Lorraine
Vanaf Kleuterskool stadium.
Halfuurlesse vir beginners en gevorderd.
Gekwalifiseerde afrigting in alle style.
Maandae tot Saterdae
Beginners R35
Gevorderd R40
Betaalbaar per les