26 April 2012 OUEROMSENDBRIEF NR. 14 van ... - Laerskool Tuine

26 April 2012
OUEROMSENDBRIEF NR. 14 van 2012
Geagte Ouers en Voogde
1. UIT DIE HOOF SE KANTOOR:
1.1 Personalia:
Dit gaan baie goed met die personeel. Ons wens almal ’n aangename
langnaweek toe. Dié van u wat weggaan, ry en kom veilig terug.
Me. Thalitha Coetzee is nou met bevallingsverlof en ons verwelkom me. Dalien
Schuld wat in haar plek aflos. Juffrou Dalien ons hoop u aflostydperk hier by
Laerskool Tuine gaan baie gelukkig wees.
Ons neem ook afskeid van mnr. James Dikobe wie met pensioen gaan. James
ons gun jou ’n aangename, gesonde rustyd toe.
1.2 SKEURBRIEFIES:
Ouers ons doen ’n dringende beroep op u i.v.m. die skeurbriefies wat geteken en
terug besorg moet word op ’n gegewe tyd. Dit bemoeilik ons taak geweldig veral
as ons moet reël vir munisipale vervoer en ons het nie die korrekte totale ontvang
van leerders wat vervoer moet word nie.
Ons waardeer u samewerking in hierdie verband.
1.3 RUGBY EN NETBAL - 3 Mei:
Sterkte vir die Rugby- en Netbal liga wedstryde wat plaasvind op 3 Mei teen:
Laerskool Mayville Rugby Weg
Laerskool Akasia Netbal Weg
LW: RUGBY- EN NETBAL WEDSTRYDE:
Teen Laerskool Villieria en Theresapark.
Let asseblief daarop dat daar ’n verskuiwing plaasgevind het.
Wedstryd datum was: 17 Mei – het vervroeg na 15 Mei.
Teken dit asseblief so aan.
1.4 HOKKIE:
Die Universiteit van Tegnologie se hokkie klub onder leiding van me. Hannetjie
Cronje wil graag begin met Junior hokkie. Die afrigting sal plaasvind by Hoërskool
Tuine se velde en sal teen ’n bedrag van R10 per kind per oefening gedoen word.
Wedstryde sal plaasvind op Saterdae in die Derde Kwartaal. Enige navrae kan
gerig word aan: Me. Cronje, (012) 379-6879 of 083 3457 857.
2. VELDSKOOL – 8 tot 12 Oktober 2012:
U kan die Veldskool geld vir die Graad 6 leerders nou reeds begin afbetaal.
Die bedrag is R695 en sluit vervoer, verblyf en 3 etes per dag in.
Kampgelde moet voor of op 25 September 2012 betaal wees.
3. HAARREKKIES:
Die kleure om die rek is groen, wit en maroen. Die bestelling moet vergesel wees
met die R20.
GustavAdolfstraat Pretoria Tuine PRETORIA 0082
Posbus 48007 HERCULES 0030 Tel 012 3794406/012 3794407 Faks/Fax 012 3791949 E-Pos laerskooltuine@legalmart.co.za
Nie-winsgewende Organisasie Nr. 032-011-NPO Non ProfitOrganisation

4. SNOEPIE: Week: 2 tot 4 Mei
Woensdag:
Vienna en Chips R9,00
Donderdag:
Hoenderburgers R10
Vrydag:
Pasteie R8,00
5. ONBEKENDE DEPOSITO’S:
NB. NB. NB. Ouers gebruik asseblief die Familie Kode as verwysing.
Dit vergemaklik die allokering van die inbetalings.
A. Joubert S. De Kock
31-3-12 R1 000,00 Rugbytrui R400,00
LAN Pieterse (Ian) 1 AJ Jacobs Graad 6 Skool
2-4-2012 R1 700,00 2-4-2012 R600,00
Ouers wat gereeld en betyds hulle skoolgeld betaal sê ons dankie daarvoor. Indien u ’n
probleem ondervind, wil ek vir u vra om asseblief by die Finansiële kantoor reëlings te kom tref.
Die skool is afhanklik van elke finansiële inkomste.
6. DAMESTEE – SATERDAG 19 Mei 2012:
Ina Bonette (Kotze) gaan dié oggend ’n motiveringspraatjie hou oor die verskriklike dag in
Desember en haar lewe (Nylstroom), hoe sy verniel is deur Kotze, haar kind vermoor is en die
lewe daarna. Hou solank die datum oop indien u belangstel.
Waar: Hoërskool Tuine.
Koste: R100,00 per persoon wat tee en verversings insluit.
Tyd: 09:00 vir 09:30
Kontak: Juffrou Wilma 084 773 2325
7. BEROEP OP OUERS:
Ek doen ’n ernstige beroep op ouers (oumas en oupas) om asseblief nie voor skool of
gedurende skooltyd by die kinders op die stoepe of aantreeblok te staan nie. Geen oumas sal
toegelaat word om voor sluitingstyd by die klasse te wees nie. Dit ontwrig die onderrig en
dissipline van leerders indien u daar buite die klasse staan. Kom ons leer ons kinders om ook
selfstandig op te tree. Baie dankie dat u ook hiermee sal help.
8. LEERDERONDERSTEUNINGSKLASSE:
LOK klasse begin vanaf 2 tot 31Mei en duur vanaf 13:30 tot 14:20. Alhoewel net sekere leerders
uitgenooi is, is enige leerder welkom om die klasse by te woon. Daar word egter ’n vriendelike
versoek gerig dat leerders wat nie uitgenooi is nie en dalk iets nie verstaan van die werk nie,
eers by hul vakonderwyser/es sal aanklop vir hulp. ’n Spesifieke program word met uitgenooide
leerders gevolg en dit ontwrig die program as leerders wat nie uitgenooi is nie, net nou en dan
opdaag vir ekstra klasse.
Maandae Graad 4 Afrikaans Juffrou Annatjie de Jonge
Graad 6 Engels Juffrou Annalie Potgieter
Dinsdae Graad 4 Wiskunde Juffrou Nicolena v/d Linden
Graad 5 Afrikaans Juffrou Annatjie de Jonge
Woensdae Graad 5 + 6 Wiskunde Juffrou Nicolena v/d Linden
Graad 7 Afrikaans Juffrou Annatjie de Jonge
Donderdae Graad 4 + 5 Engels Juffrou Annalie Potgieter
Graad 6 Afrikaans Juffrou Annatjie de Jonge
Graad 7 Wiskunde Juffrou Nicolena v/d Linde
WISKUNDE LOK:
Let asseblief daarna op dat daar GEEN Wiskunde ekstraklasse sal plaasvind op Woensdag,
2 Mei 2012 asook op Dinsdag, 15 Mei 2012 nie, as gevolg van ander verpligtinge.

9. MEDIASENTRUM:
Die Mediasentrum is weer oop en leerders is welkom om uit te neem. Geen leerder mag egter ’n
mediaboek uitneem sonder ’n lapsak nie. U kan self een maak of ’n sak by die kantoor koop
teen R25. Die rede vir die sakke is dat boeke verniel en op die speelgrond lê na pouses en na
skool.
Groete
Ons was baie bevoorreg gewees om vir Elizabeth Wasserman by ons skool te ontvang wat die
bekende kinderboeke “Anna Atoom” en “Speurhond Willem” skryf. Die leerders het ’n brosjure
gekry van boeke wat hulle kan bestel. Juffrou Annatjie, van die Mediasentrum, sal boeke bestel
wat leerders wil koop by die uitgewers. Geen bestellings sal sonder die nodige geld geplaas
word nie.
__________________________
MNR. W.J. STEYN
HOOF