Suidwes Beleggings Beperk

SUIDWES BELEGGINGS BEPERK
Aantekeninge
tot die opgesomde Gekonsolideerde en Afsonderlike Finansiële State vir die jaar geëindig 30 April 2012
OPSOMMING VAN BETEKENISVOLLE
REKENINGKUNDIGE BELEIDE
Die basiese rekeningkundige beleide toegepas in die
opstel van hierdie opgesomde gekonsolideerde finansiële
state word hieronder uiteengesit. Hierdie beleide is
konsekwent toegepas vir al die jare voorgehou, behalwe
waar anders aangetoon.
BASIS VAN AANBIEDING
Die volledige Gekonsolideerde en Afsonderlike Finansiële
Jaarstate van Suidwes Beleggings Beperk (“die
Maatskappy”) en sy filiale (saam “die Groep”) is in ooreenstemming
met die International Financial Reporting
Standards (“IFRS”) en die Maatskappywet, Wet 71 van
2008, opgestel.
Die volledige Gekonsolideerde en Afsonderlike Finansiële
Jaarstate is volgens die historiese koste-grondslag voorberei,
behalwe vir die drawaardes van finansiële bates
beskikbaar vir verkoop en finansiële bates en -laste
(ingesluit afgeleide finansiële instrumente) wat na billike
waardes aangepas is.
Die voorbereiding van finansiële jaarstate in ooreenstemming
met IFRS vereis die gebruikmaking van sekere
kritieke rekeningkundige ramings. Dit vereis ook van
Bestuur om sy oordeel te gebruik in die toepassing van die
Groep se rekeningkundige beleide. Die aangeleenthede
wat groter oordeel vereis of meer kompleksiteit behels,
of waar aannames en ramings wesenlik tot die gekonsolideerde
finansiële state is, word in die volledige finansiële
state openbaar.
Aannames en ramings word gebaseer op Bestuur se
beste kennis van huidige omstandighede en aksies. Die
werklike resultate mag verskil van die ramings.
50
SEGMENTONTLEDING
Die bepaling van die bedryfsegmente is gebaseer op
verslae en inligting nagegaan deur die Uitvoerende
Bestuur wat verantwoordelik is vir die strategiese
besluitneming. Die Bestuur beoordeel die besigheid
vanuit ’n produk en dienste oogpunt.
Die Uitvoerende Bestuur beoordeel die prestasie van die
bedryfsegmente gebaseer op die wins voor belasting.
Sekere bokoste word nie na die segmente geallokeer
nie, aangesien hierdie koste op ’n sentrale basis bestuur
word.
Die bedrae wat aan die Uitvoerende Bestuur voorsien
word ten opsigte van bates, word gemeet in ooreenstemming
met die finansiële state. Bates word geallokeer
na segmente op grond van die verskillende bedrywighede.
Beleggings in aandele, geklassifiseer as finansiële bates
beskikbaar vir verkoop, word geag deel van die Finansiering
en Beleggingssegment te wees.
Die bedrae wat aan die Uitvoerende Bestuur voorsien
word ten opsigte van laste, word gemeet in ooreenstemming
met die finansiële state. Laste word geallokeer
na segmente op grond van die verskillende
bedrywighede.
’n Ontleding van die inkomste van elke segment is soos
volg:
Graan
Vergoeding ontvang vir die hantering en opberging
van landbouprodukte en die totale inkomste van
graan verkoop, sowel as kommissie verdien met graanbemarking.