Aansoekvorm: b-Smart-kaart - Welkom by Lekker Kampplekke

More documents

Recommendations

Info

KOSTE VAN KREDIET Administratiewe kostes (b-Smart) R 20.00 per maand Kaartfooie: Kaartfooi vir elke addisionele kaart R 48.00 per jaar Kaartversekering R 5.70 per jaar Kaartfooi by vervanging R 48.00 Betalingsfooie: Ons sal die volgende fooie verhaal: Kontantbetalings by Eerste Nasionale Bank - Kontant deposito fooi (per R100.00): R 0.65 (Minimum fooi van R5.50 van toepassing) Tjek deposito fooi R 5.50 Elke betaling by die Poskantoor R 9.81 Elke betaling by Shoprite Geldmark R 5.63 SMS balansnavraag (opsioneel) R3.00 per SMS Rentekoers: Ons sal rente hef teen Eerste Nasionale Bank se prima uitleenkoers plus 6% per jaar op enige bedrag wat nie op die betaaldatum betaal is nie. Hierdie koers sal wissel saam met Eerste Nasionale Bank se prima uitleenkoers. Bonus: U verbeur u bonus op enige bedrag wat nie op die betaaldatum betaal is nie. Transaksiefooie Transaksiefooi (per transaksie): 60c Maandeliks: Heffing op aankope: Die onderstaande heffings is u bydrae tot u bonus wat in November elke jaar uitbetaal word: Alle aankope by Shoprite, Checkers, Checkers Hyper, Liquor Store, House & Home en OK Grocer/ Mini Market/Food/Meubelwinkels: 2.50% Woolworths, Spar-Groep, Tops Drankwinkels, Pick n Pay Familiewinkels, Pick n Pay Drankwinkels, Seven Eleven en Fruit & Veg City: 2.00% Builders Warehouse, DionWired, Game en Game Drankwinkels: 1.25% Alle aankope by apteke (geen bonus): 1.25% Alle maandelikse petrolaankope (geen bonus): 2.50% Bogenoemde heffings en kostes is onderhewig aan verandering en indien daar ’n verandering is sal ons u in kennis stel. TERME EN VOORWAARDES: 1. DEFINISIES: 1.1 “ooreenkoms” beteken die kwotasie saamgelees met hierdie terme en voorwaardes; 1.2 “rekening” beteken u rekening by ons; 1.3 “wet” of “NKW” beteken die Nasionale Krediet Wet Nr 34 van 2005 en die Regulasies wat gepubliseer is in terme van die NKW. 1.4 “aansoek” beteken die skriftelike aansoek aan ons vir ’n b-Smart kaart; 1.5 “Kaapse Verbruikers” of “ons” of “kredietverskaffer” beteken Kaapse Verbruikers (Edms) Bpk, registrasie nr1955/003218/07, van Laer Burgstraat 20, Kaapstad; 1.6 “kaart” beteken die geldige elektroniese kaart wat ons uitreik aan verbruikers om te gebruik vir transaksies tussen die verbruiker en die verskaffer; 1.7 “verbruiker” of “u” beteken die persoon wat ‘n ooreenkoms met ons aangegaan het op hierdie terme en voorwaardes vir ‘n kredietfasiliteit en kaart en wat as “koper” beskryf word in ons Akte van Oprigting en Statute; 1.8 “kredietburo” beteken: Experian (Hoofkantoor), kontaknommer 0861 105 665, TransUnion (Hoofkantoor), kontaknommer 0861 482 482, Compuscan (Hoofkantoor), kontaknommer 0861 514 131, Expert Decision Systems (XDS) (Hoofkantoor), kontaknommer 0860 937 000 1.9 “kredietlimiet” beteken die maksimum bedrag volgens die kwotasie wat die verbruiker in enige handelsperiode kan spandeer; 1.10 “betaaldatum” beteken die laaste werksdag van elke kalendermaand; 1.11 “fasiliteit” beteken die kredietfasiliteit wat ons aan die verbruiker gee in terme van die ooreenkoms; 1.12 “primakoers” beteken die prima uitleenkoers van Eerste Nasionale Bank Beperk; 1.13 “kwotasie” beteken die skriftelike kwotasie wat die kredietlimiet en ander inligting soos deur die wet vereis, spesifiseer; 1.14 “verskaffer” beteken enige verskaffer van goedere of dienste met wie ons gekontrakteer het om goedere of dienste aan ‘n verbruiker te verskaf teen betaling met die kaartfasiliteit; 1.15 “handelsperiode” beteken die periode wat begin op die 16de dag van elke maand en eindig op die 15de dag van die volgende maand, of enige ander periode wat ons bepaal; 1.16 “koste van krediet” beteken die tabel wat deel van die ooreenkoms vorm met die titel “KOSTE VAN KREDIET”. 2. AANSOEK: 2.1 Die verbruiker het vir ‘n fasiliteit en kaart aansoek gedoen by ons. Kaapse Verbruikers het ‘n kwotasie en vooraf – ooreenkoms soos die NKW vereis aan die verbruiker voorsien en die verbruiker het die terme daarvan aanvaar. 2.2 Die ooreenkoms sal die verhouding tussen Kaapse Verbruikers en die verbruiker met betrekking tot die fasiliteit en die kaart se gebruik reël. 2.3 Die NKW is van toepassing op die ooreenkoms. 3. BETALINGS: 3.1 Die verbruiker moet die volle bedrag vir die betrokke handelsperiode verskuldig op die laaste werksdag van elke kalendermaand betaal. Die eerste betaling is verskuldig op die laaste dag van die eerste maand wat die verbruiker sy/haar kaart ontvang het. 3.2 Indien die verbruiker die kaart eers na die 15de van enige maand ontvang het, moet die verbruiker die aankope wat daarna gemaak is op die laaste werksdag van die volgende kalendermaand, na die maand waarin die kaart ontvang is, betaal. 4. REKENINGSTAAT: 4.1 Kaapse Verbruikers sal maandeliks ’n rekeningstaat aan u lewer deur dit te pos, of e-pos, soos u verkies. 4.2 Die rekeningstaat sal die volgende wys: 4.2.1 Die totale bedrag verskuldig op die datum van die rekeningstaat; 4.2.2 Die totale aankope vir die maand; 4.2.3 Die totale heffing vir die maand; 4.2.4 Die jaarlike rentekoers wat op enige uitstaande balans van toepassing sal wees; 4.2.5 Die rente verskuldig vir die maand. 4.3 Dit is u plig om seker te maak dat u die rekeningstaat ontvang. Indien u dit nie ontvang het nie, moet u ons skriftelik in kennis stel. Indien u vir enige rede nie ‘n rekeningstaat ontvang het nie, beteken dit nie dat u die bedrag wat verskuldig en betaalbaar is, nie hoef te betaal nie. 4.4 Indien u kies om ons met ’n tjek deur die pos te betaal, dra u alle risiko daarvan. Dit sluit in, maar is nie beperk nie, tot bedrog deur ‘n derde party, diefstal of die tjek wat verlore raak. 4.5 Dit is belangrik dat u die rekeningstaat nagaan om seker te maak dat dit korrek is. Indien u nie saamstem met enige item of inskrywing op die rekeningstaat nie, moet u binne 30 (DERTIG) dae van die datum van die maandstaat vir ons skriftelik in kennis stel sodat ons dit kan ondersoek, die relevante dokumentasie kry en die regte navrae maak. Intussen moet u steeds die bedrag wat volgens die rekeningstaat verskuldig is, betaal. 5. ADMINISTRASIEKOSTES BY WANBETALING: Ons sal die volgende kostes hef indien u nie betaal voor of op die betaaldatum nie: Onbetaalde debietorders/tjeks: R 78.10 Fooi vir aanmaningsbrief: R 33.06 6. VROEË AFLOSSING: Die verbruiker kan die totale uitstaande balans enige tyd aflos. U hoef ons nie voor die tyd in kennis te stel nie, maar as u die volle bedrag wil aflos, moet die totaal van die onbetaalde balans van die hoofskuld op die betrokke tyd, saam met enige onbetaalde rente en alle ander fooie en kostes wat aan ons verskuldig is, betaal word. 7. VERBRUIKER SE REGTE TOT BEëINDIGING: 7.1 U kan die ooreenkoms beëindig deur die volle bedrag wat aan ons verskuldig is te betaal, soos in terme van klousule 6. 7.2 Voor u betaal, moet u die volle verskuldigde bedrag van ons aanvra en ons sal u telefonies, deur e-pos of faks daarvan inlig. 8. ADRES VIR KENNISGEWING: 8.1 Kaapse Verbruikers kies die adres op die aansoekvorm as die adres waar hulle dokumente, pleitstukke en kennisgewings met betrekking tot die ooreenkoms, sal ontvang. 8.2 Die verbruiker kies die woonadres op die aansoekvorm as die domicilium citande et executandi (die adres waar ’n dagvaarding en ander belangrike regsdokumente aan u afgelewer sal word) adres waar u die diening van alle dokumente, pleitstukke en kennisgewings met betrekking tot hierdie ooreenkoms, sal ontvang. 8.3 Indien Kaapse Verbruikers of die verbruiker hierdie adres wil verander, moet die ander party skriftelik in kennis gestel word van die nuwe adres. Aansoeker se paraaf: Gade: 9. VERMINDERING VAN KREDIETLIMIET: U kan enige tyd skriftelik versoek dat ons u kredietlimiet verminder of ‘n maksimum limiet vir die fasiliteit vasstel. 10. KREDIETBURO INLIGTING: Die verbruiker bevestig, stem toe en aanvaar dat: 10.1 ons enige inligting oor u aansoek, opening en sluiting van ‘n rekening aan die kredietburo mag gee en die kredietburo mag hierdie inligting met ander geregistreerde kredietverskaffers deel; 10.2 ons inligting van ander geregistreerde kredietverskaffers mag ontvang, oorweeg en verifieer wanneer ons u aansoek en kredietwaardigheid oorweeg; 10.3 ons navrae by derde partye mag doen om te kyk of die inligting wat u aan ons gegee het tydens aansoek of enige ander tyd tydens die ooreenkoms, korrek is. 10.4 indien u nie die ooreenkoms nakom nie, ons dit aan die Kredietburo sal rapporteer. Ons sal u 20 dae voordat ons beplan om dit te doen, in kennis stel dat ons hierdie inligting gaan bekend maak; 10.5 die kredietburo ‘n kredietprofiel en ‘n krediettelling van u kredietwaardigheid verskaf; 10.6 Kaapse Verbruikers die bogenoemde inligting aan enige ander derde party kan verskaf indien: 10.6.1 dit tot u voordeel sal wees; 10.6.2 ons in terme van die reg dit moet doen; 10.6.3 ons glo dat dit in ons of die publiek se belang is om dit te doen; 10.7 wanneer dit vereis word, ons u persoonlike inligting aan die kredietburo mag voorsien. Alle intekenare van die kredietburo het toegang tot die inligting; 10.8 u die Kredietburo kan kontak en versoek dat u rekords aan u beskikbaar gestel word. U kan ook daarop aandring dat enige inligting wat verkeerd is, reggestel word; 10.9 u ‘n klagte by die Nasionale Krediet Reguleerder by 0860 627 627 of by die Nasionale Krediet Tribunaal kan lê. 11. ALGEMEEN: 11.1 U bevestig dat u die ooreenkoms se terme en die gevolge en effek daarvan verstaan. Indien u dit nie verstaan nie sal u vir Kaapse Verbruikers vra om dit aan u te verduidelik. 11.2 Kaapse Verbruikers sal die verskaffers wat goedere en dienste aan u gelewer het, namens u betaal wanneer ons ‘n geldige eis van die verskaffer ontvang. 11.3 Ons sal ’n b-Smart Kaart aan u uitreik nadat u die ooreenkoms met ons aangegaan het. Ons het die diskresie om toe te stem om kaarte aan ander partye wat u aanwys, uit te reik. 11.4 Die verbruiker kan die b-Smart Kaart en alle voordele wat daarmee saamgaan, gebruik en benut in terme van die ooreenkoms. 11.5 Die kaart sal altyd ons eiendom bly en wanneer ons dit versoek moet u dit aan ons teruggee. 11.6 Die verbruiker moet behoorlik na die kaart kyk, wat insluit om alle redelike stappe te neem om te voorkom dat iemand die kaart gebruik wat nie gemagtig is nie, of om te voorkom dat die kaart verloor, gesteel of beskadig word. 11.7 Indien die kaart verloor of gesteel word of indien iemand sonder magtiging dit gebruik, moet u ons dadelik by (021) 409 7600 tydens kantoorure op besigheidsdae (08:30 - 16:30) of vir Nedbank, ons agent na-ure by die tolvrye nommer 0800 110 929 bel en in kennis stel. 11.8 Nadat u ‘n verlore of gesteelde kaart aangemeld het, sal ons u nie aanspreeklik hou indien iemand die kaart gebruik het nadat u ons in kennis gestel het nie, behalwe indien: 11.8.1 u handtekening op die kwitansie, koopbewys of soortgelyke dokument voorkom wat wys dat u die kaart gebruik het; of 11.8.2 Kaapse Verbruikers ander bewyse het wat in hulle opinie redelikerwys aandui dat u iemand gemagtig het om die kaart te gebruik. 11.9 Ons sal u skriftelik in kennis stel indien die koste van krediet verander. Ons koppel ons rentekoers aan die primakoers van Eerste Nasionale Bank Beperk. 12. VERBRUIKER SE REGTE: 12.1 U sal ‘n maandelikse kredietlimiet hê, soos ons dit in die kwotasie uiteengesit het. 12.2 U sal ’n jaarlikse bonus van tot 5% van u aankope tydens die vorige finansiële jaar, naamlik Julie tot Junie, ontvang. Let asseblief op dat die persentasie wat ons gebruik om die bonus vir die jaar te bepaal, van jaar tot jaar kan verskil, afhangende van hoe goed Kaapse Verbruikers gedurende die jaar gedoen het. Die bonus sal bereken word en op die November rekeningstaat as ‘n krediet toegeken en gewys word. Verbruikers dra by tot die bonus deur middel van die heffing, soos uiteengesit in die koste van krediet en rekeningstaat. 04/5
12.3 Kaapse Verbruikers kan in hul diskresie besluit om bydraes tot die verbruiker se Reserwefonds te maak. Ons Akte van Oprigting en Statute (hierdie verwys na sekere maatskappy dokumentasie wat bepaal wat ons mag en nie mag doen nie) laat ons toe om hierdie fondse proporsioneel aan verbruikers te betaal wanneer die ooreenkoms beëindig word. Indien die ooreenkoms beëindig word weens u kontrakbreuk, sal geen betaling aan die verbruiker gemaak word nie. 12.4 Indien die verbruiker daarvoor vra, sal ons ‘n lys van verskaffers aan die verbruiker gee. 12.5 Die verbruiker kan die kaart vir betaling van goedere en dienste aanbied tot die maksimum bedrag van die verbruiker se kredietlimiet en Kaapse Verbruikers sal die verskaffer namens die verbruiker betaal in terme van die ooreenkoms. 12.6 Kaapse Verbruikers is nie aanspreeklik om enige handelaar wat nie ‘n verskaffer in terme van die ooreenkoms is, namens ‘n verbruiker te betaal nie. 12.7 Die verbruiker kan vir ‘n begrotingsfasiliteit aansoek doen 6 (SES) maande nadat die ooreenkoms aangegaan is. Ons mag besluit of ons dit wil goedkeur of afkeur. Indien ons dit goedkeur, sal ons u toelaat om die uitstaande begrotingsfasiliteitbedrag oor ’n langer tydperk (maksimum van 36 maande) terug te betaal. U sal ‘n aparte ooreenkoms vir hierdie begrotingsfasiliteit aangaan. U mag dit slegs gebruik vir aankope van R300,00 of meer. 12.8 Die verbruiker kan vir ‘n lening aansoek doen 6 (SES) maande nadat die ooreenkoms aangegaan is. Ons mag besluit of ons dit wil goedkeur of afkeur. Indien ons dit goedkeur, sal ons u toelaat om die uitstaande leningsbedrag oor ’n langer tydperk, in terme van ‘n aparte ooreenkoms, terug te betaal. 12.9 Indien u u kredietlimiet enige tyd wil verhoog, kan u dit skriftelik vra en ons aansoekvorm voltooi. Ons sal die aansoek oorweeg. Hierdie versoek vir ‘n verhoging is nie dieselfde as die jaarlikse outomatiese verhoging waarvoor u moontlik in die korrekte spasie op die aansoekvorm, aansoek gedoen het nie. 12.10 Indien u ons versoek het om outomaties die kredietlimiet van tyd tot tyd te verhoog, sal ons dit in terme van die NKW doen. 12.11 Indien u enige probleme met hierdie ooreenkoms ondervind, kan u: 12.11.1 aansoek doen by ’n skuldberader om te verklaar dat u te veel skuld het; 12.11.2 ‘n geskil met ons deur middel van ‘n alternatiewe dispuut oplossingsagent, verbruikershof of ombud met jurisdiksie, oplos; 12.11.3 ’n klagte teen ons by die Nasionale Kredietreguleerder indien; en 12.11.4 ’n aansoek by die Tribunaal indien. 12.12 Die Nasionale Kredietreguleerder se besonderhede is: 15de Straat 127, Randjespark, MIDRAND Skakelbord: 011 554 2600 Oproepsentrum: 0860 627 627 of 0860 NCR NCR E-pos: info@ncr.org.za of complaints@ncr.org.za, Webtuiste: www.ncr.org.za 12.13 Die Ombudsman vir Krediet se besonderhede is: Oproepsentrum: 0861 662 837 of 0861 OMBUDS E-pos: ombud@creditombud.org.za, Webtuiste: www.creditombud.org.za 13. VERBRUIKER SE VERPLIGTINGE: 13.1 Die verbruiker stem toe om alle kostes soos ons in die kwotasie uiteengesit het, te betaal. Die kwotasie sal deel van hierdie ooreenkoms vorm. Ons sal die kostes in die maandelikse rekeningstaat uiteensit. Dit sal die administrasiekostes en rente insluit. 13.2 Die verbruiker moet alle bedrae wat op die rekeningstaat aangedui word voor of op die betaaldatum betaal. Hierdie verpligting is van toepassing ongeag of: 13.2.1 die verbruiker of enige derde party vir goedere of dienste met die kaart betaal het; 13.2.2 die bedrag op die rekeningstaat reg is of nie; 13.2.3 daar ‘n geskil tussen die verbruiker en die verskaffer(s) is; 13.2.4 die verskaffer betaling van ‘n derde party kan ontvang. 13.3 Die maandelikse rekeningstaat is prima facie (op die oog af) bewys van die verbruiker se verpligtinge teenoor Kaapse Verbruikers ten opsigte van aankope van verskaffers en u stem toe dat indien u dit betwis, u die teendeel moet bewys. 13.4 Die verbruiker stem toe om nie die kredietlimiet in terme van die kwotasie te oorskry nie. Indien die NKW van toepassing is 13.4.1 mag die verbruiker nie sy kredietlimiet oorskry nie, tensy ons skriftelik toestemming gee. Indien ons in ons diskresie besluit om ‘n koopbewys of aankoop te vereffen wat die kredietlimiet oorskry, beteken dit nie dat ons die kredietlimiet permanent verhoog het nie. 13.5 Indien Kaapse Verbruikers en die verbruiker ander ooreenkomste vir ‘n begrotingsfasiliteit of ‘n lening soos in klousule 12.7 en 12.8 genoem, aangaan, sal alle bedrae wat aan Kaapse Verbruikers in terme van alle ooreenkomste tussen die partye verskuldig is, onmiddellik verskuldig en betaalbaar wees indien u nie betaal in terme van enige van die ooreenkomste nie. 13.6 Indien u meer as een ooreenkoms met ons het, moet u duidelik aandui in terme van watter ooreenkoms u ‘n betaling maak indien u ‘n vroeë betaling op die lening of begrotingsfasiliteit maak. 14. KONTRAKBREUK EN BEëINDIGING VAN DIE OOREENKOMS: 14.1 Die ooreenkoms is nie vir ‘n bepaalde tyd nie en sal vir ’n onbepaalde tyd voortgaan totdat ‘n party die ooreenkoms in terme van hierdie ooreenkoms beëindig. 14.2 Kaapse Verbruikers mag die ooreenkoms vir enige rede kanselleer indien hulle 10 dae skriftelike kennisgewing aan die verbruiker gee dat hulle die fasiliteit gaan toemaak. 14.3 Indien die verbruiker kontrakbreuk pleeg mag ons die ooreenkoms beëindig, te alle tye onderhewig aan die NKW. Ons sal u van die kontrakbreuk in kennis stel en as u nie dit wat u verkeerd gedoen het binne 10 dae regstel nie, sal ons die kontrak beëindig. 14.4 Die volle bedrag wat aan ons verskuldig is, sal onmiddellik opeisbaar en betaalbaar wees indien ons die ooreenkoms beëindig. 14.5 Alle uitstaande bedrae op persoonlike lenings en begrotingsrekeninge sal by beëindiging van die ooreenkoms na die verbruiker se kaartrekening oorgedra word. 14.6 Indien die verbruiker ’n afbetalingsreëling met ons tref, nadat die rekening gesluit is, beteken dit nie dat ons die rekening of fasiliteit weer oopmaak nie. 15. EFFEK VAN KONTRAKBREUK: 15.1 Indien die verbruiker enige terme van die ooreenkoms verbreek, het Kaapse Verbruikers die reg om sonder enige benadeling van hul regte die verbruiker se kaart/e te kanselleer en op te eis, die rekening te sluit, en die volle bedrag verskuldig aan Kaapse Verbruikers onmiddellik te vorder. 15.2 Indien die verbruiker die ooreengekome kredietlimiet oorskry, sal dit neerkom op kontrakbreuk en sal alle bedrae wat aan Kaapse Verbruikers verskuldig is onmiddellik opeisbaar en betaalbaar word sonder kennisgewing. 15.3 Indien ons regstappe teen die verbruiker neem vir die verhaal van enige bedrag verskuldig, stem die verbruiker toe: 15.3.1 tot die jurisdiksie van die Landdroshof, selfs al is die bedrag wat geëis word meer as wat normaalweg in ‘n Landdroshof geëis kan word; en 15.3.2 om alle regskostes op prokureur- en kliëntskaal te betaal. Dit sal rente, opsporingsfooie en invorderingskommissie insluit. 15.4 Die partye kom ooreen dat hierdie ooreenkoms aangegaan word by die plek waar die verbruiker vir Kaapse Verbruikers meedeel dat hy of sy die kwotasie en ooreenkoms aanvaar. 15.5 Die verbruiker sal die voorregte en gelde, insluitend die jaarlikse bonus (klousule 12.2) en die verbruiker se aandeel in die Reserwefonds (klousule 12.3) verbeur indien die verbruiker kontrakbreuk pleeg. 15.6 Die verbruiker stem toe dat ons ‘n opsporingsagent kan aanstel indien die verbruiker kontrakbreuk pleeg en ons hom, of haar nie kan opspoor nie. 16. AANSOEK OM SKULDHERSIENING: 16.1 Die verbruiker het die reg om aansoek te doen by ’n skuldberader om oorverskuldig verklaar te word. 16.2 Die verbruiker mag nie hiervoor aansoek doen indien ons reeds met regsaksie teen hom of haar begin het nie. 16.3 Die skuldberader sal bepaal of u oorverskuldig is en indien u beweer dat ons roekeloos krediet verleen het, sal die skuldberader ook ’n bevinding hieroor maak. 16.4 Die skuldberader kan u aansoek verwerp of aanbeveel dat beide van ons oorweeg om ooreen te kom om die skuld te herrangskik. 16.5 Die skuldberader kan ‘n voorstel maak waarin hy aanbeveel dat die landdroshof ‘n gepaste bevel maak, indien hy bevind dat u wel oorverskuldig is. 16.6 Indien die skuldberader se aanbeveling deur albei partye aanvaar word, kan die ooreenkoms in die vorm van ’n bevel vervat word en indien al die partye toestem daartoe, sal die skuldberader dit liasseer as ’n bevel by ooreenkoms. 16.7 Die verbruiker kan met die toestemming van die gepaste landdroshof direk na die hof gaan vir ‘n gepaste bevel indien die skuldberader ‘n voorstel verwerp. 16.8 Die kontakbesonderhede van die National Debt Mediation Association (NDMA) is as volg: Hulplyn: 086 111 6362 of 086 111 NDMA E-pos: info@ndma.org.za, Webtuiste: www.ndma.org.za 17. INVORDERINGSPROSES: 17.1 Ons sal u skriftelik in kennis stel indien u nie u betalings in terme van die ooreenkoms maak nie en ons sal voorstel dat u die ooreenkoms na ‘n skuldberader, ’n alternatiewe dispuut oplossingsagent, die Verbruikershof of die ombud met jurisdiksie verwys, met die bedoeling dat die partye die dispuut oplos of op ’n plan ooreenkom om betalings op datum te bring. 17.2 Indien u vir skuldhersiening aansoek gedoen het in terme van artikel 86 van die Wet en die hersiening nie binne 60 (sestig) besigheidsdae nadat u aansoek gedoen het afgehandel is nie, kan ons ’n kennisgewing in terme van Artikel 86 (10) van die Wet stuur, in terme waarvan die skuldhersiening beëindig word. 17.3 Ons sal slegs met regsaksie voortgaan indien: 17.3.1 u op die tydstip meer as 20 (twintig) besigheidsdae in versuim is om te betaal in terme van die ooreenkoms; en 17.3.2 daar reeds ten minste 10 (tien) besigheidsdae verloop het, nadat die aanmaningsbrief of kennisgewing afgelewer is (die 10 dae-periode kan dieselfde tyd as die 20 dae- periode loop); en 17.3.3 u nie gereageer het op die kennisgewing wat ons gestuur het nie, of u die voorstel wat ons gemaak het om die saak te verwys na ’n skuldberader, ‘n alternatiewe dispuut oplossingsagent, die Verbruikershof of die ombud met jurisdiksie, verwerp het. 18. SESSIE: 18.1 Die verbruiker stem toe dat ons enige regte, titel en belang in terme van die ooreenkoms aan ‘n derde party kan sedeer (oordra). 18.2 Die verbruiker mag net enige regte, titel en belang in terme van die ooreenkoms aan ‘n derde party sedeer (oordra) met ons skriftelike toestemming. 19. GEEN-WYSIGING: Hierdie is die volle ooreenkoms en geen veranderinge sal enige effek hê behalwe indien dit skriftelik is en albei partye dit onderteken nie. 20. AFSTANDDOENING: Ons doen nie afstand van enige van ons regte indien ons nie ‘n reg uitoefen waarop ons geregtig is nie. 21. VIR EN NAMENS REGSENTITEITE: Indien die verbruiker ‘n regspersoon is, waarborg die persoon wat die kwotasie/kredietfasiliteit namens die regspersoon aanvaar dat hy behoorlike magtiging het en aanvaar hy as borg en medehoofskuldenaar van die regspersoon aanspreeklikheid vir die betaling van alle verskuldigde bedrae in terme van die ooreenkoms. VIR KANTOORGEBRUIK Bestuurder Datum Aanvaar te Kaapstad Kredietlimiet Aansoeker se paraaf: Gade: 05/5
Page 1 and 2: KAAPSE VERBRUIKERS (EDMS) BPK AANSO
Page 3: G. GEMAGTIGDE GEBRUIKERS (Opsioneel

Aansoekvorm: b-Smart-kaart - Welkom by Lekker Kampplekke

You also want an ePaper? Increase the reach of your titles

Delete template?

Save as template?