brandmerk bly brandmerk bly amptelike identifikasie ... - Agra

More documents

Recommendations

Info

Die Bemarkingsafdeling het verlede jaar tydens ons kliëntediens navorsing ook navraag by u as leser gedoen oor die doeltreffendheid, aantreklikheid en leesbaarheid van die Ring. Na maande se beplanning lewer ons dié maand ons eerste uitgawe met ‘n nuwe ontwerp en uitleg. Hoewel die Ring se hoofdoel kommunikasie na Agra lede is, in besonder die produsent, sluit ons vanaf volgende maand ook twee nuwe staande rubrieke vir die dames in – Tuinbou en Huis wenke vir die vrou. In hierdie uitgawe se hoofartikel word die vereistes rakend die identifikasie van beeste wanneer produsente besendings bemark na abattoirs van nader beskou. U word ook op hoogte gebring rakende die stand van die Europese Gemeenskap se verslag oor inspeksies. Agra Otjiwarongo is tans besig met die beplanning van die Omatjenne Inligtingsdag wat plaasvind op 21 April 2004. Die verrigtinge wat reeds vanaf vroeg die oggend begin sal verskeie interessante onderwerpe vir beide mans en dames bied. Die artikel op bladsy 2 vertel meer oor wat u daardie dag te wagte kan wees. Ingevolge ‘n direksie besluit wat in Junie 2003 geneem is om nie-winsgewende takke te sluit, is die Otjiwaneho tak gedurende Oktober 2003 op ‘n tender uitgeplaas en toegeken aan Mnr. B. Malan. Mnr. Malan huur tans die eiendom van Agra waarvandaan hy sy besigheid bestuur. Ook die Kamanjab tak van Agra is op 29 Februarie 2004 gesluit. Mnr. en Mev. Robberts wie voorheen werksaam was by Agra, het die winkel oorgeneem en bedryf hulle eie besigheid, North-West General Dealer, vanaf 1 Maart 2004. Mnr. Robbers sal egter voortgaan om ‘n agentskapsrol vir Agra Lewendehawe op Kamanjab te vervul. Met Paasnaweek wat voorlê wens die redaksie u spesiale tyd saam met u familie toe. Koöperasie groete Lélanie Farmer Bemarkingsbeampte Tel. 061 - 290 9299 Fax. 061 - 290 9250 Privaatsak 12011 Windhoek E-pos: lelanie@agra.com.na Interessante Omatjenne Inligtingsdag word beplan Na die suksesvolle Inligtingsdag wat verlede jaar te Omatjenne aangebied is, beloof dié dag om vanjaar nog meer besonders te wees. Dié geleentheid wat weer deur die Otjiwarongo tak van Agra aangebied word, sal vanjaar plaasvind op 21 April 2004. ‘n Spesiale woord van dank gaan aan Mnr. Wolfie von Wielligh wie weer vanjaar die Omatjenne fasiliteite beskikbaar stel vir die geleentheid. Standard Bank tree as hoof borg op, terwyl Virbac, N-Wes Fosfaat en Intervet ook borgskappe vir die geleentheid beskikbaar gestel het. Dié dag, wat ondermeer ‘n heerlike saamkuier geleentheid vir die boerdery gemeenskap is, het ook ten doel om inligting rakende boerdery praktyke en produkte aan kommersiële en kommunale boere oor te dra. Die verrigtinge wat reeds vanaf 7h00 begin, sal verskeie interessante onderwerpe vir beide mans en dames bied. Sprekers tydens die geleentheid sluit in: Arnold Klein, Hoofbestuurder van Handel by Agra, sal ‘n oorsig rakende die stand en toekoms van Agra gee. Mnr. Pieter Hugo, Senior Bestuurder van Lewendehawe by Agra, sal die onderwerp “Kleinvee produksie in Namibia – Gister, Vandag en Môre”, hanteer. Standard Bank sal inligting verskaf oor finansiële produkte wat tot beskikking van die produsent is. N-Wes Fosfaat se spreker, Prof. Izak Groenewald, is verbonde aan die Sentrum vir Volhoubare Landbou aan die Vrystaatse Universiteit en tree op as N-Wes Fosfaat se voedingskundige. Die onderwerp waaroor hy sal gesels is “Evaluering van ekstensiewe, optimale, ekonomiese rooivleisstelsels en verskeie bestuurspraktyke”. Phlip Niemann, die bestuurder van N-Wes Fosfaat in Vryburg sal ook die dag teenwoordig wees. Virbac se Groep Produkbestuurder, Dr. Lourens Havenga, sal die onderwerp “Die belangrikheid van mikro-minerale in produksie, reproduksie asook in die voerkraal”, hanteer. Ander Virbac verteenwoordigers wie die dag teenwoordig sal wees, is Mnr Hendrik van Niekerk, Mnr. Johan Louw en Mnr. Leon Burger. Dr. Francois Malan of soos almal hom ken, Dr. Faffa, wat gereeld die artikel “Vra vir Faffa” in die Landbouweekblad behartig, is die hoof van Intervet se VSD afdeling. Hy sal die namiddag ‘n praktiese werkswinkel aanbied wat handel oor wurms. Mnr. Wolfie von Wielligh van Omatjenne het vir die dag ‘n bees en ‘n skaap geskenk wat geslag sal word om die hantering van inwendige en uitwendige parasiete te illustreer. Die werkswinkel staan bekend as “Dr. Faffa se wurm werkswinkel”. Mnr. Louw van der Merwe, die verteenwoordiger van Intervet in Namibia, sal ook die dag teenwoordig wees. Soos verlede jaar sal ‘n aparte program ook vir die dames aangebied word. Barloworld Plascon sal die dames vergas met verf idees and tegnieke, aangebied deur Sharon Barnard en Henry Hoepfner. Mnr. Liebchen van Namcas sal meer gesels oor “natuurlike worsderms en speserye”. Dames sal ook meer inligting kan bekom oor Efekto en nuwe produkte wat nou beskikbaar is, aangebied deur Riaan Momberg van die Agra Distribusie Sentrum. Die Vleisraad in samewerking met Hartlief (Mnr. Raith) sal ‘n praatjie aanbied oor die versnitting en verwerking van ‘n karkas. En die reeds bekende Mev. Gretel Briedenhann sal weer die dames se skat vermoëns toets, met “Wat skat jy weeg die meel, of hoeveel knope is in die bottel, of hoeveel kos die rok?” Aanloklike pryse is op die spel met dié kompetisie. Verskeie uitstallers het ook reeds hulle bywoning vir dié dag bevestig en ‘n spesiale tydgleuf is ingeruim vir besoeke aan die stalletjies. Uitstallers wie reeds bywoning bevestig het, is: Bayer: Mnr Marius Alberts, verteenwoordiger Janssen Animal Health: Erwin Strubing, verteenwoordiger Willard Batteries: Christo Maritz, verteenwoordiger Namox: Carlie Schafer en Arno van Wyk, verskaffers van gas in Namibia Harding Treated Timbers: Paul Coetzee, vanaf Natal. Meadow Feeds: Johan Laubcher, vanaf Welkom in die Vrystaat. Alpha Cement wat nou bekend staan as Holcim Group: Frank Reyneke, met sy bekende sleepwa wat die musiek die aand sal verskaf. Jovi Civils: Johan Theron, Sweis roosters, lekbakke, donkies en baie ander produkte BP: Leon Retief, vanuit Walvisbaai Shell: Leon Coetzee, verteenwoordiger in Namibia Pfizer: Adriaan Louw, verkoopsverteenwoordiger in Namibia Molatek: Henk van der Westhuizen, Streeksbestuurder van Namibia, vanuit Bloemhof in SA, en David Botha, verteenwoordiger van die Noorde van Namibia Voermol: Barry van der Walt, verteenwoordiger in Namibia Voermeester: Willie Grobler, verteenwoordiger Merial: Magda Engels: verteenwoordiger in Namibia KK Animal Nutrition: Cecile Guest of Dirk Cloete, beide vanaf Suid Afrika Bushwacker: Peet Hatting, vanuit die Transvaal, met bosgif Total: Mias Vermaak, verteenwoordiger van Total in Otjiwarongo Namibia Beverages: Stel ‘n tent beskikbaar vir die dag en pryse Arcto: Piet van Zyl met sy robleerskoene Springbokskoeisel: Jan Lucas vanaf Springbok in Suid Afrika Agra Distribusie Sentrum: Die uitstalling van die volgende verskaffers se produkte, wat ook pryse geborg het: Lister, Cemo pompe, Jooste silinders en Efekto Safari Den: Buitelug en kampeer toerusting en produkte Wire Industries: Callie van Greunen Starke Ayres: Sebulon Hansen met ‘n uitstalling van saad Al bogenoemde uitstallers het ook pryse geskenk wat later die aand deur middel van ‘n prystrekking uitgedeel sal word. Ons dank gaan ook aan Namib Mills, Meatco en Agrinet wat donasies, pryse en geskenkpakke beskikbaar gestel het. Die amptelike verrigtinge sal teen ongeveer 18h00 ten einde loop, waarna ‘n heerlike “steak” braai gehou sal word en die prystrekkings en uitdeling sal plaasvind. Heerlike musiek en saamkuier word beplan tot laat aand. Indien u die dag graag wil bywoon, skakel asseblief vir Mariaan by Agra Otjiwarongo, by 067-303101 of 081 122 3314, voor 16 April 2004 om u bywoning te bevestig. 2 Maart/March 2004 www.agra.com.na
EG Verslag lei tot AKSIEPLANNE Tydens die Ring se onderhoud met Dr. Archie Norval van die Direktoraat Veeartseny, is ook navraag gedoen oor die stand van sake rakende die Europese Gemeenskap se verslag oor verlede jaar se EG-inspeksies. Hierop het Dr. Noval geantwoord: “Alle tegniese aspekte wat onmiddellik deur die Direktoraat aangespreek kon word, is reeds gehanteer. Ander aspekte wat in die verslag uitgewys is as onvoldoende (en wat nie noodwendig Veearseny se sertifisering direk beïnvloed nie), sal aangespreek word deur verskillende rolspelers in die industrie. Die Direktoraat Veeartseny is tans besig om regstellende aksies in reaksie op die verslag te finaliseer vir voorlegging aan die Kabinet. Die wye implikasie van personeeltekortkominge wat in die verslag uit gelig is, kan byvoorbeeld alleenlik aangespreek word indien die regering die Ministerie van Landbou, Water en Landelike Ontwikkeling se voorstelle soos voorgestel aan die Kabinet, sal aanvaar. Regstellende aksies soos omskryf in die aksieplan wat deur die Direktoraat Veeartseny aan die EG voorgestel word, is redelik ingrypend en behels nie net aksies wat binne die Direktoraat se verantwoordelikheid val nie. Dit lê baie beslis ook op die vlak van die produsent en die industrie. Dit moet gesien word as gesamentlike pogings van die hele industrie om sy mark in die EG en die res van die wêreld te behou.” Die Ring sal meer inligting oor die aksies aan produsente kommunikeer sodra dit bekend gemaak is. VEILING DONDERDAG 8 APRIL 2004 10:00 AUAS VALLEY INKOOPSENTRUM AANBOD • 1996 Toyota Camry 2000 N 28956 W 1996 Toyota Camry 2000 N 79781 W 1989 Ford Bantam 1600 N 45692 W 1996 Toyota Hilux 2200 N 1803 AR Klerasie Meubels Kampeertoerusting Navrae: Mev Y Burger Tel (061) 290 9257 Mnr M Holdt Tel (061) 290 9205 Doeltreffende lekaanvulling van Somer na Winter Pieter Oosthuizen (KK Animal Nutrition) Dit is algemeen bekend dat reënval en klimaat ‘n invloed op veld en grasproduksie het en dat dit ‘n proses is wat geleidelik oor tyd plaasvind. Om dié rede moet lekaanvulling voortdurend by heersende veldtoestande aangepas word ten einde volgehoue diereprestasie te verseker. Oorgangslekke word daarom aanbeveel gedurende die oorgangsperiode van somer na winterweiding en dus die oorskakeling van fosfaat- na proteïenlekke. Somerweiding aan die begin van die seisoen voorsien gewoonlik voldoende energie en proteïen om aan die onderhoudsbehoeftes van weidende diere te voldoen, maar het ‘n tekort aan fosfor. Dit is daarom algemene praktyk om sout -fosfaatlekke (verryk met spoorminerale) gedurende die somerseisoen te supplementeer (sien Lek 1). Die vraag is egter of die proteïenvlak van veldweiding later in die somerseisoen steeds voldoende is? Die meeste grasspesies skiet saad tydens die maand van maksimum reënval, waarna die proteïen inhoud weer begin daal, die veselinhoud begin toeneem terwyl die verteerbaarheid van die weiding begin afneem. Namate die reënval begin afneem en die grasse verouder, verander die verhouding tussen blaar en stam, en alhoewel die inherente energiewaarde steeds genoeg is om aan die onderhoudsbehoeftes van diere te voldoen, kan die dier dit vanweë die laer proteïeninhoud nie doeltreffend benut nie. Hierdie afname in voedingswaarde en verteerbaarheid van weiding, beteken dat die dier minder voedingstowwe inneem, wat massaverlies tot gevolg het en diereprestasie uiteindelik nadelig affekteer. Dit is belangrik om daarop te let dat fosfor nie doeltreffend benut kan word as die proteïen en energie-inname van die dier laag is nie. Gevolglik sal fosforaanvulling slegs ‘n respons gee wanneer die vlakke van veral proteïen (8.1 – 9.4%) en energie voldoende is en fosfor die voedingstof is wat prestasie beperk. Inname en vertering van weiding word oor die algemeen beperk as die proteïen– inhoud daarvan minder as 7% (op ‘n DM-basis) is. Vleisbeesprodusente moet dus oplet of diere kondisie behou op slegs sout- fosfaat aanvullings in die vroeë herfs seisoen. Oorgangslekke word dus gebruik om die oorgang van groen weiding, wanneer fosfaat die grootste tekort is, na droë volwasse weiding, wanneer proteïen die grootste tekort is, suksesvol te oorbrug. ‘n Oorgangslek is daarom niks anders as ‘n sout - fosfaataanvulling waarby ‘n klein hoeveelheid ureum gevoeg word nie. Die ureum en fosfaatbron voorsien beide proteïen en fosfor aan die dier en die mikrobes in die rumen, om optimale vertering en inname van volwasse somerweiding wat saad geskiet het, te verseker. Kalori 3000/ Melasse meel (vinnig beskikbare energie-bronne) en Voergraad Swael word ook by die lek gevoeg om die optimale benutting van ureum te verseker. (sien Lek 2). Die doel met die gebruik van ‘n oorgangslek by vleisbeeste is om te verseker dat teeldiere die winter in ‘n goeie kondisie tegemoet kan gaan, wat ook tot hoër speenmassas van kalwers behoort te lei. Die kondisie van teeldiere gedurende die herfs tot lente (in somerreënvalgebiede) hou ook direk verband met hul vermoë om herbeset te raak in die daaropvolgende somer. Om die redes word oorgangslekke reeds deur verskeie produsente as ‘n standaard praktyk in hulle huidige supplementeringsprogram gebruik. ‘n Ander voordeel met die gebruik van ‘n oorgangslek is dat diere reeds gedeeltelik op ureumbevattende lekke aangepas is by die aanvang van die winterseisoen. Diere oorvreet hulle dus nie aan winterlekke nie en sodoende word die risiko van ureumvergiftiging verminder. Normaalweg word oorgangslekke na die eerste goeie ryp met ‘n proteïenlek (winteronderhoudslek) vervang (sien Lek 3). Tabel 1. Lekke vir Beeste. Grondstowwe Mieliemeel / Hominy chop* Sout Voergraad Ureum Kimtrafos 12 / Fermafos 12 Kalori 3000 / Melasse Meel Voergraad Swael TOTAAL Aanbevole inname g/ bees/ dag Beraamde samestelling Ruproteïen (%) Ca (%) P (%) Lek 1 Somer- fosfaatlek Kg/mengsel - 450 - 500 - 50 1000 100 - 200 Lek 1: Somer- fosfaatlek waarin die belangrikste spoorminerale aangevul is in die regte verhouding tot fosfaat. KK Animal Nutrition vervaardig ook klaargemengde Somer- fosfaatlekke nl. Kimtrafos 6 (P6) en Fermafos 6 (P6), wat reeds die regte hoeveelheid sout bevat om innames te reguleer en kan dus ongemeng aan diere verskaf word. Lek 2: Die Oorgangslek het ten doel om voldoende proteïen en fosfor aan die weidende dier te voorsien vir die optimale benutting en vertering van volwasse somerweiding wat saad geskiet het. Lek 3: Winteronderhoudslek (proteïen-lek) vir vroeg- dragtige vleisbeeskoeie sonder kalwers op droë winterweiding. Samevatting Lekaanvulling moet voortdurend by heersende veldtoestande aangepas word ten einde optimale benutting en vertering van beskikbare weiding en sodoende volgehoue diereprestasie te verseker. Oorgangslekke sal verseker dat diere nie onnodig massa verloor met die oorgangsfase van somer na winterweiding en dus van fosfaat- na proteïenlekke nie. Hierdie aanpassing in lekaanvulling behoort gevolglik ‘n positiewe respons op die algemene produksie en reproduksie van die kudde te hê. Vir meer tegniese inligting of lekresepte skakel gerus ‘n KK Animal Nutrition Voedingkundige by (012) 663 4747 www.agra.com.na 3 Maart/March 2004 - 11.8 6.0 Lek 2 Oorgangslek Kg/mengsel - 450 75 300 120 5 980 250 - 300 23.2 7.6 3.8 Lek 3 Winter Onderhoudslek Kg/mengsel 250 350 150 150 50 7 957 350 - 500 * Mieliemeel/ Hominy Chop kan met Melassemeel vervang word (1:1) in die Winteronderhoudslek. Melassemeel is smaaklik en innames moet gereguleer word. 50.9 4.2 2.0
Page 1: BRANDMERK BRANDMERK BLY BLY AMPTELI
Page 5 and 6: www.agra.com.na 5 Maart/March 2004
Page 7: AGRA Veilings: April 2004 Website:

brandmerk bly brandmerk bly amptelike identifikasie ... - Agra

Create successful ePaper yourself

Delete template?

Save as template?