Groot vraag na aangepaste ramme - gwk

Grundlingh verduidelik dat die tegnologie
basies `n versamelpunt van verskillende
afvalstrome is wat vermeng
word en dan in `n beton fermenteerdam
(digestor) gepomp word. Die
mengsel (substraat) bly 30 tot 40 dae
in die dam. In die dam vind `n bio-
logiese fermentasieproses plaas deur
die bakterieë wat in `n bees se maag
voorkom. Hitte word tot die proses
toegevoeg om die temperatuur tussen
35°C en 37°C te hou. Dit skep `n
optimale omgewing vir die bakterieë.
Die fermenteerdam bestaan uit twee
ronde kamers, die een binne die
ander, van gelyke volume (in totaal
660m 3 ). Die aanleg is so ontwerp dat
die substraat in die fermenteerdam
voortdurend in suspensie bly en geen
sediment op die bodem ontstaan nie.
Die betonkonstruksie is `n meter diep
in die grond in en ongeveer 6m hoog
en 11m in deursnee.
Die bokant van die fermenteerder is
met `n sementblad verseël. Aan die
onderkant (vloer) van die binneste
kamer is openinge sodat die substraat
tussen die twee kamers kan beweeg.
Aan die bokant van die fermenteerder
is `n klep wat die opgeboude gas en
druk binne in enige van die kamers na
die ander kan verplaas om sodoende
die substraat voldoende in beweging
te hou. Binne-in die fermenteerder is
ook `n menger (soos `n motorboot
se skroef) wat ook vermenging matig
aanhelp. In elke ka-
mer is `n vlekvrye staalbuis (thermo
gas lift of TGL) waardeur warm water
sirkuleer wat hitte aan die substraat
moet oordra.
Tydens die fermenteringsproses word
metaangas vrygestel wat in `n gassak
(ballon) opgevang word. Wanneer
die druk in die gassak `n sekere vlak
bereik, word die metaangas deur `n
gekombineerde hitte- en kragenjin
(kragopwekker) gebrand, wat dan aan
die abattoir elektrisiteit verskaf.
Die hitte wat ontstaan wanneer die
enjin loop, word in water vasgevang
wat weer gebruik word om die afge-
keurde materiaal te kook, hitte aan die
fermenteringsdam te verskaf en warm
12
Mnre. Japie van Straaten (tegnikus) en Alfred Hlanza (aanleg-operateur) doen
verstellings aan die kragopwekker.
water vir die slagproses in die abattoir.
Namate die substraat in die fermenteerdam
afgebreek word, word dit
ligter en styg na die oppervlak waar dit
dan uitgelaat word. Volgens Grund-
lingh beplan Meat-to-Market om
hierdie substraat aan die omliggende
besproeiingsprodusente as vloeibare
bemesting beskikbaar te maak. “Die
onverwerkte materiale in die afvalstrome
het goed getoets vir NPK.
Die chemiese samestelling van die
substraat behoort dieselfde samestelling
te hê. Ons begin binnekort met
`n proef en sodra ons die uitslae van
die chemiese ontledings het, kan ons
begin om die impak van die substraat
op die grond en plant te toets (sien
Diagram 2 vir `n grafiese voorstelling
van die proses).”
Die kragopwekker (CHP) is `n omgeboude
MAN-motor van 135kWh met
`n uitsetkapasiteit van ongeveer
115kWh vanweë die hoogte bo seevlak.
Die CHP is in `n skeepshouer
(“container”) gemonteer. Die skeepshouer
is in drie verdeel met die CHP
in die middel. Aan die een kant is die
beheerkamer met die elektroniese beheerpaneel
(PLC) waarvandaan alles
outomaties beheer word – die aan- en
afskakel van die CHP, mengers, pompe,
vlaksensors, temperatuurlesings,
gasvlakke, ens. Aan die ander kant is
`n gas warmwaterketel (boiler), wat
ekstra warm water of hitte kan lewer as
dit nodig sou wees.
Die gassak is gemaak van `n plas-