Untitled - Impak

WELKOM BY IMPAK
DIE ONDERWYSBONDGENOOT WAT OUERS ONDERSTEUN IN HUL TAAK OM HUL
EIE KINDERS VOOR TE BEREI VIR DIE VOLWASSE LEWE DEUR:
„N Eenstop-Onderwysdiens Te Voorsien,
Doeltreffend, Aanpasbaar En Koste-Effektief Te Wees,
Geldige En Gesogte Akademiese Kwalifikasies Aan Te Bied,
„N Kultuur Van Sakevernuf By Leerlinge Te Kweek,
Oplossings Vir Sosialisering, Sport En Kultuur Aan Te Bied, En
Leerlinge Voor Te Berei Om Op Elke Lewensterrein Mededingend Te Wees.
IMPAK Tuis- en Hulpsentrumonderrig/Home and Support Centre Education 2013 Brosjure/Brosjure
DIREKTEURE/DIRECTORS
P.B. Botha | S. Botha | P.N. de Waal | W.E. Kitshoff | M.A.H. Koen
Reg. No.: 2011/011959/07
bladsy/page 2

INHOUDSOPGAWE
1. ONTMOET DIE NUWE IMPAK VAN 2013 4
Ons visie
Die eienaars
Ons plan om u gesin se opvoedingswaarde en -styl te pas
Ons onderwysmodel
Ons kwalifikasie
2. IMPAK SE PRODUKTE EN DIENSTE VIR 2013 5
Impak se produktereeks
Impak se kliëntesteundienste
3. KIES U PAKKETOPSIE 7
Volpakket
Hulpsentrumpakket
Eie-keuse pakket
4. REGSASPEKTE EN GRATIS REGSDIENSTE 9
IMPAK Tuis- en Hulpsentrumonderrig/Home and Support Centre Education 2013 Brosjure/Brosjure
DIREKTEURE/DIRECTORS
P.B. Botha | S. Botha | P.N. de Waal | W.E. Kitshoff | M.A.H. Koen
Reg. No.: 2011/011959/07
bladsy/page 3

1. ONTMOET DIE NUWE IMPAK VAN 2013
ONS VISIE
Impak wil ouers deur middel van topgehalte onderwysprodukte en -dienste ondersteun in hul taak om
hul eie kinders suksesvol te begelei na gebalanseerde en afgeronde volwassenheid.
DIE EIENAARS
Impak Onderwysdiens is „n maatskappy waarin PSG Private Equity „n meerderheidsaandeel besit. Die
res word deur privaat beleggers gehou. Die aandeelhouers is gesteld op die lewering van unieke
produkte en uitstekende kliëntediens deur professionele en gekwalifiseerde bestuurders en personeel
aan te stel en deur beproefde administratiewe, finansiële en kommunikasiestelsels te implementeer.
ONS PLAN OM U GESIN SE OPVOEDINGSWAARDE EN -STYL TE PAS
Impak bedien kliënte met wyd uiteenlopende standpunte. Impak se kliënte wissel van uiters vrydenkend
tot uiters behoudend. Impak respekteer elke kliënt se beginsels en waardes en skep graag
ruimte daarvoor. Impak bied die opsie van twee planne om vir hierdie diversiteit voorsiening te maak.
U kan kies tussen die volgende:
Die Impak Progressiewe Plan is ontwerp, onderhewig aan Impak se visie, om diegene te
huisves wat hulself as vrydenkend ten opsigte van opvoedingswaardes en -norme bestempel.
Die plan is ook nommerpas vir gesinne wat hulself as Afrikaanses, deel van die groot Suid-
Afrikaanse nasie, beskryf.
Die Impak Identiteitsplan is ontwerp, onderhewig aan Impak se visie, om diegene te huisves
wat hulself definieer as behoudend en konserwatief ten opsigte van Bybelse beginsels,
opvoedingswaardes en norme. Die plan is ook nommerpas vir gesinne wat as gelowiges die
uitlewing van nasieskap, taal, kultuur en geskiedenis as „n sleutelaspek van opvoeding beskou.
ONS ONDERWYSMODEL
Impak het oor meer as 10 jaar „n onderwysmodel ontwikkel wat met groot sukses gebruik word in
tuisskole, hulpsentrums, mikroskole en privaat skole. Die model bestaan uit „n kombinasie van unieke
produkte en dienste wat daarop gemik is om:
leerlinge toegang te gee tot uitstekende akademiese materiaal, in ooreenstemming met die
Nasionale Kurrikulumverklaring, en relevant vir die behoeftes van die Suid-Afrikaanse en
internasionale bedryf en verdere akademiese opleiding;
ouers stap vir stap te begelei in vakke en tegnieke sodat hulle met selfvertroue hul eie kinders
kan ondersteun en lei in hul ontdekkingsreis na volwassenheid;
leerlinge se leervaardigheid te verbeter deur hulle gewoond te maak aan „n selfgedrewe
omgewing;
leerlinge die geleentheid te gee om teen hul eie pas te vorder (met sekere voorbehoude) en
dus eers die leemtes in vakke onder die knie te kry voordat hulle met nuwe werk voortgaan;
„n kombinasie van assesseringstegnieke te gebruik (soos byvoorbeeld mondelinge-assessering
of projekassessering) om sodoende die spanning van eksaminerings te verlig.
Impak het reeds groot sukses met hierdie model behaal deurdat ons tuisskool Matrieks elke jaar „n
slaagsyfer van meer as 93% bereik. Uitstekende uitslae is veral in vakke soos Wiskunde, Fisiese
Wetenskap en Rekeningkunde behaal, en van Impak se kandidate in hierdie vakke was voorheen
onder die toppresteerders in die Republiek.
IMPAK Tuis- en Hulpsentrumonderrig/Home and Support Centre Education 2013 Brosjure/Brosjure
DIREKTEURE/DIRECTORS
P.B. Botha | S. Botha | P.N. de Waal | W.E. Kitshoff | M.A.H. Koen
Reg. No.: 2011/011959/07
bladsy/page 4

ONS KWALIFIKASIE
Impak is ingeskakel by 'n eksamenraad wat by Umalusi geakkrediteer is om die Nasionale Senior
Sertifikaat (NSS) aan te bied. Hierdie eksamen word jaarliks in Oktober/November by
eksamensentrums regoor Suid-Afrika afgeneem. By suksesvolle aflegging van dié eksamen reik
die staat, deur Umalusi, „n amptelike Nasionale Senior Sertifikaat (NSS) aan die leerling uit.
Indien die regte vakkombinasie geneem en universiteitvrystelling behaal word, verleen die NSS
toelating tot enige Suid-Afrikaanse universiteit. Die NSS word, met sekere voorbehoude, ook
internasionaal aanvaar.
Leerlinge kan slegs tot Graad 12 toegelaat word mits hulle:
geldige rapporte vir Graad 10 en 11 besit, óf
‟n ekwivalente kwalifikasie kan toon, óf
„n toelatingseksamen tot die toetredingsgraad slaag.
Umalusi se NSS-eksaminering beskou Graad 10 tot 12 as „n eenheid, met ander woorde,
die Graad 12-eindeksamen handel in die meeste gevalle oor die werk van sowel Graad 10, 11 en 12.
Geen leerling kan na Graad 11 vorder sonder „n geldige Graad 10-rapport nie, en geen leerling kan
tot Graad 12 toegelaat word sonder „n geldige Graad 10-en 11-rapport nie.
2. IMPAK SE PRODUKTE EN DIENSTE VIR 2013
IMPAK SE PRODUKTEREEKS
Die produktereeks vir 2013 bestaan uit:
Die Leerlinghandleiding of -handboek. Impak se span vakskrywers skep akademiese
materiaal, bestaande uit „n stel lesse wat met die jongste leerplanvereistes en onderwysontwikkelinge
tred hou. Dit is kindervriendelik en volgens die leesvermoë van die betrokke
ouderdomsgroep saamgestel, sodat leerlinge graag self met die lesstof wil werk en
eksperimenteer. Die handboek is resepmatig geskryf, en kan dus die ervare onderwyser se
plek in tuisonderwys volstaan en dien as kragtige hulpmiddel vir onderwysers en ouers.
DVD-lesse (sekere vakke). In bepaalde vakke in Graad 8 tot 12 vergesel ‟n DVD die
handleiding. Die DVD bevat videomateriaal van lesse waarin vakkundiges die werk in die
leerlinghandleiding verduidelik en demonstreer. Dit verbeter die leerervaring deurdat leerlinge
die les of eksperiment kan sien en hoor.
Antwoordboeke. Antwoordboeke verskaf antwoorde met puntetellings vir die vrae wat in die
handleiding gestel word.
Fasiliteerdersgidse. Die fasiliteerdersgidse bevat stap vir stap begeleiding aan die ouer oor
die maniere waarop tuisonderwys en die betrokke vak aangepak kan word. Dit sluit in
werkskemas, die assesseringsbeleid en -riglyne, toetse en memorandums, eksamens
(eksamens kan in Impak se diskresie elektronies beskikbaar gestel word), asook
projekopdragte en take.
Ander leesmateriaal (sekere vakke). Sekere vakke sluit addisionele leesmateriaal in
(byvoorbeeld voorgeskrewe werke in Afrikaans en Engels).
IMPAK Tuis- en Hulpsentrumonderrig/Home and Support Centre Education 2013 Brosjure/Brosjure
DIREKTEURE/DIRECTORS
P.B. Botha | S. Botha | P.N. de Waal | W.E. Kitshoff | M.A.H. Koen
Reg. No.: 2011/011959/07
bladsy/page 5

IMPAK SE KLIËNTESTEUNDIENSTE
Die kliëntesteundiens vir 2013 bestaan uit:
Impak se vakforums op Internet. Leerlinge met toegang tot die internet kan by geselekteerde
vakke se vakforums inskakel. Deur middel van hierdie forums is gereelde kommunikasie tussen
die leerling en die vakadviseur maklik en bekostigbaar. Die onderwyser word met behulp van
vakforum-tegnologie in u huis of sentrum geplaas!
Vaksteundiens. Navrae ten opsigte van vakke waarvoor daar nie vakforums beskikbaar is nie,
kan op gespesifiseerde tye per telefoon, faks of e-pos aan Impak se vakadviseurs gerig word.
Navrae wat intensiewe en tydrowende verduideliking verg, word as ‟n ekstra les beskou. U mag
met vakadviseurs onderhandel om teen ‟n addisionele fooi ekstra lesse aan te bied of
nasienwerk te verrig.
Assesseringsdiens en rapporte/vorderingsverslae vir Graad 1 tot 11.
Alle eksamens vanaf Graad 1 tot 11 word tuis, of by Impak se hulpsentrums afgeneem.
Impak stel die eksamenvraestel vir alle grade ekstern op en bied die eksamen slegs op „n
geskeduleerde basis aan. Daar kan nie vir leerlinge wat teen hul eie pas werk buite die skedule
voorsiening gemaak word nie. Indien die leerling se antwoordstelle binne die geskeduleerde
nasientye ingedien word, sal die nasieners hulle nasien. Impak sal dan ‟n geldige rapport op
grond van die uitslae uitreik. As die antwoordstelle buite die nasiengleuf ingedien word, moet
die leerling en ouer tot die volgende nasiengleuf wag om die werk te laat nasien, of die ouers
kan memorandums van Impak aanvra en dit self nasien.
IMPAK Tuis- en Hulpsentrumonderrig/Home and Support Centre Education 2013 Brosjure/Brosjure
DIREKTEURE/DIRECTORS
P.B. Botha | S. Botha | P.N. de Waal | W.E. Kitshoff | M.A.H. Koen
Reg. No.: 2011/011959/07
Indien die ouer self nasien, sal Impak „n rapport uitreik waarin verklaar word dat die uitslag die
betrokke ouer se mening oor die leerling se vordering weerspieël. Impak se eindeksamen tel
75% van die finale rapportpunt. Ouers en sentrums stuur die jaarpunte (deurlopende
assessering of DASS), wat 25% tel, in. Jaarpunte word verkry deur kwartaal 1, 2 en 3 se
toetsuitslae en projekpunte in berekening te bring. Kwartaal 1, 2 en 3 se toetse, met
memorandums, en die projekopdragte word in die ouer- of fasiliteerdersgids van elke vak
voorsien. Impak verwerk die eindeksamen en jaarpunte en reik „n geldige rapport of
vorderingsverslag vir Graad 1 tot 11 uit. Indien die jaarpunt met meer as 20% van die
eindeksamenuitslag verskil, verval die jaarpunt en tel slegs die eindeksamenuitslag. Hierdie
maatreël verseker die integriteit van Impak se rapporte en vorderingsverslae.
Psigometriese toetsing en hulp met studiemetodes en vakkeuse. Dit is vir Impak van groot
belang dat leerlinge die regte vak- en beroepskeuses maak. Die dienste van gegradueerde
beroepsvoorligters en geregistreerde psigometriese evalueerders word tot Impak-leerlinge se
beskikking gestel. Die dienste word gelewer teen „n spesiale tarief, wat net vir ingeskrewe
Impak-leerlinge beskikbaar is. Konsultasies en toetsing geskied per voorafgereëlde afspraak.
Sosialiseringsdiens. Impak se Afdeling vir Sosialisering en Geestelike Ontwikkeling sien om
na avontuurkampe, leierskampe, ons matriekafskeid, staptoere en uitstappies, sportdae vir
winter- en somersportsoorte, kultuuraktiwiteite en die inskakeling van Impak se sport- en
kultuurpresteerders by erkende instansies.
Kongresse. Impak poog om jaarliks streekkongresse in Gauteng, die Wes-Kaap, die Noord-
Kaap en Namibië aan te bied, indien belangstelling dit regverdig. Die kongresse lig ouers in en
lei hulle op ten aansien van uiteenlopende aspekte van tuisonderwys.
Winter- en afrondingskole. Die winterskool vind gewoonlik tydens die Junie/Julie-vakansie
plaas. By die winterskool word daar op Wiskunde, Fisiese Wetenskap, Rekeningkunde, tale en
praktiese komponente van die tegniese vakke gefokus. Om koste en tyd te bespaar, vind die
avontuur- en leierskampe gelyktydig met die ouerkongres op dieselfde terrein plaas.
bladsy/page 6

3. KIES U PAKKETOPSIE
Impak bied „n keuse uit drie pakketopsies, naamlik:
Volpakket. Kies hierdie opsie indien u „n formele en gestruktureerde onderwysbenadering wil
volg en deel wil wees van die Impak-familie. Hierdie opsie is beskikbaar vir leerlinge vanaf
Graad 0 tot Graad 12.
Hulpsentrumpakket. Kies hierdie opsie as u kind by „n geregistreerde hulpsentrum of
mikroskool ingeskryf word. Let asseblief op dat die kontraktuele verhouding (insluitende
betaling) nog steeds tussen die ouer en Impak gesluit word, en dat die hulpsentrums slegs die
koste van addisionele dienste, soos met u ooreengekom, van u sal hef.
Eie-keuse pakket. Kies hierdie opsie indien u „n informele, minder gestruktureerde
onderwysbenadering (soms ook genoem “un-schooling”) wil volg. Hierdie opsie is slegs
beskikbaar vir leerlinge vanaf Graad 0 tot Graad 9, waarna die leerling moet oorslaan na „n
Standaarpakketopsie om te verseker dat hy/sy wel aan die toelatingsvereistes van „n Nasionale
Senior Sertifikaat (NSS) voldoen.
VOLPAKKET
Die volpakket bevat die korrekte aantal en mengsel van verpligte en keusevakke en is so saamgestel
dat dit u help om die korrekte vaksamestelling te kies met die oog op u kind se verdere studies. Die
pryse word in die aansoekvorm verduidelik.
Die volpakket sluit die volgende in:
Al die produkte (leerlinghandleidings, DVD-lesse waar beskikbaar, antwoordboeke,
fasiliteerdersgidse en addisionele materiaal, soos voorgeskrewe werke) per vak. Geen
praktiese apparaat of addisionele programmatuur vir vakke met praktiese of tegniese
komponente word by die pakketprys ingesluit nie.
Kwartaaltoetse en memorandums, eksterne eindeksamen en nasiendiens per vak (eksamens
en memorandums kan in Impak se diskresie elektronies beskikbaar gestel word).
Alle druk- en produksiekoste, asook verpakking en posgeld (geregistreerde pos deur die Suid-
Afrikaanse Poskantoor) binne Suid-Afrika. Kliënte buite die grense van Suid-Afrika betaal die
gekwoteerde prys plus enige addisionele belastings en pos-/koeriergelde, behalwe in gevalle
waar Impak moontlik die oorsaak van veelvuldige versendings is.
Jaareindrapporte en vorderingsverslae.
BTW en agentekommissie.
Toegang tot ander Impak-dienste, teen die betrokke addisionele koste, insluitende die kongres,
avontuur- en leierskamp, winter- en afrondingskool.
Regsbeskerming binne Suid-Afrika deur die Pestalozzi Trust.
HULPSENTRUMPAKKET
Impak het verskeie goedgekeurde en gelisensieërde hulpsentrums en mikroskole wat deel vorm van die
Impak-familie. „n Hulpsentrum bestaan uit vyf of meer gesinne wat in „n spesifieke omgewing saamwerk
om kundige hulp te voorsien aan ouers in die beste belang van hulle kinders se onderrig. Sien ons
webtuiste (www.impakonderwys.co.za) vir „n lys van gelisensieërde hulpsentrums. Pryse word in die
aansoekvorm verduidelik, en die hulpsentrumpakket is nagenoeg 20% goedkoper as Impak se
volpakket.
Impak-hulpsentrums en mikroskole word jaarliks goedgekeur en gelisensieër op grond van vooraf
bepaalde minimum vereistes. Hulpsentrums moet „n sertifikaat kan toon dat hulle wel gelisensieerd is.
Let asseblief op dat die kontraktuele verhouding (insluitende betaling) nog steeds tussen die ouer en
IMPAK Tuis- en Hulpsentrumonderrig/Home and Support Centre Education 2013 Brosjure/Brosjure
DIREKTEURE/DIRECTORS
P.B. Botha | S. Botha | P.N. de Waal | W.E. Kitshoff | M.A.H. Koen
Reg. No.: 2011/011959/07
bladsy/page 7

Impak gesluit word, en dat die hulpsentrums u slegs vir die koste van addisionele dienste, soos met u
ooreengekom, aanspreeklik sal hou.
Die Hulpsentrumpakket sluit die volgende in:
Leerlinghandleidings, DVD-lesse (waar beskikbaar) en addisionele materiaal, soos
voorgeskrewe werke per vak. Let op dat die pakket nie enige fasiliteerdersgidse of
antwoordboeke insluit nie. Geen praktiese apparaat of addisionele programmatuur vir vakke
met praktiese of tegniese komponente word by die pakketprys ingesluit nie.
Kwartaaltoetse, eksterne eindeksamen en nasiendiens per vak.
Alle druk- en produksiekoste, asook verpakking en posgeld (geregistreerde pos deur die Suid-
Afrikaanse Poskantoor) binne Suid-Afrika. Kliënte buite die grense van Suid-Afrika betaal die
gekwoteerde prys plus enige addisionele belastings en pos-/koeriergelde, behalwe in gevalle
waar Impak moontlik die oorsaak van veelvuldige versendings is.
Jaareindrapporte en vorderingsverslae.
BTW en agentekommissie.
Toegang tot ander Impak-dienste teen die betrokke addisionele kostes, insluitende die kongres,
avontuur- en leierskamp, winter- en afrondingskool.
Regsbeskerming binne Suid-Afrika deur die Pestalozzi Trust.
Ouers kan, bykomend tot Impak se produkte en dienste, die volgende van „n hulpsentrum verwag:
Fasilitering van „n leerling se keusevakke by Impak. U word direk deur Impak voorsien van
enige akademiese boeke en materiaal.
Beskikbaarstelling van vakkundiges in veral Wiskunde, Fisiese Wetenskap en tegniese vakke.
Administratiewe hulp met verskeie Impak-prosesse, insluitende inskrywings, veranderings en
gereelde kommunikasie.
Fasilitering by die afneem van toetse, take en eksamens.
Bevrediging van die sosialiseringsbehoefte vir tuisonderwys-leerlinge.
Moontlike spesialisering in addisionele vakke (soos Musiek, Kuns of Drama) of sportsoorte wat
as belangrike onderwys- en kulturele dienspole in die gemeenskap kan dien.
Let egter daarop dat hulpsentrums nie die ouer se verantwoordelikheid vir die kind se onderrig mag
vervang nie, maar slegs as addisionele hulp kan dien. Indien u meer inligting verlang oor ons
Hulpsentrumbeleid, of belangstel om „n hulpsentrum te registreer, sien asseblief die brosjure “Impak
Onderwysdiens BK Hulpsentrumbeleid vir 2013”.
EIE-KEUSE PAKKET
U mag, op eie risiko, self kies hoe u vakke wil meng en pas. U moet egter seker maak dat u wel in die
beste belang van u kind optree en dat u u deeglik vergewis het van die moontlike effek wat u keuse op
u kind se verdere studieloopbaan kan hê. Die pryse van eie-keuse-vakke word in die aansoekvorm
verduidelik. Die Eie-keuse pakket is beskikbaar as „n individuele (Vollpakket) opsie of „n
Hulpsentrumpakket opsie. Hierdie opsies sluit dieselfde produkte en dienste per vak in wat u ontvang
as deel van die vol- of hulpsentrumpakkette.
IMPAK Tuis- en Hulpsentrumonderrig/Home and Support Centre Education 2013 Brosjure/Brosjure
DIREKTEURE/DIRECTORS
P.B. Botha | S. Botha | P.N. de Waal | W.E. Kitshoff | M.A.H. Koen
Reg. No.: 2011/011959/07
bladsy/page 8

4. REGSASPEKTE EN GRATIS REGSDIENSTE
U het „n grondwetlike reg om u eie kinders tuis te onderrig. In Suid-Afrika word onderwys deur die SA
Skolewet (84 van 1996: “SASA”) en verskeie ander wette en regsbepalings beheer. Artikel 3, 4 en 51
van SASA maak voorsiening vir tuisonderwys. Alle gebruikers van Impak Onderwysdiens se produkte
en dienste is en bly self daarvoor verantwoordelik om hulle van die toepaslike wetgewing te vergewis.
Ten einde gebruikers in hierdie verantwoordelikheid te ondersteun, bied Impak gratis regsbeskerming
vir alle Impak-leerlinge deur die Pestalozzi Trust, die regsfonds vir tuisonderwys.
Indien u as ingeskrewe Impak-kliënt deur enige persoon/persone of instansie gedreig of bedreig word
omdat u u kinders tuis onderrig, van „n sentrum se ondersteuning gebruik maak of „n hulpsentrum
bedryf, kan u dadelik by die onderstaande adres met u regsfonds vir gratis ondersteuning
in verbinding tree:
Tel: 012 330 1337
Faks: 011 507 5997
E-pos: defensor@pestalozzi.org
Webadres: www.pestalozzi.org
Posadres: Posbus 12332, Queenswood, 0121
IMPAK Tuis- en Hulpsentrumonderrig/Home and Support Centre Education 2013 Brosjure/Brosjure
DIREKTEURE/DIRECTORS
P.B. Botha | S. Botha | P.N. de Waal | W.E. Kitshoff | M.A.H. Koen
Reg. No.: 2011/011959/07
bladsy/page 9

IMPAK Tuis- en Hulpsentrumonderrig/Home and Support Centre Education 2013 Brosjure/Brosjure
DIREKTEURE/DIRECTORS
P.B. Botha | S. Botha | P.N. de Waal | W.E. Kitshoff | M.A.H. Koen
Reg. No.: 2011/011959/07
bladsy/page 10