Jaarverslag 2011/2012 - NG Welsyn Noordwes

2011/ 2012
NG Welsyn Noordwes
JAARVERSLAG

NG WELSYN –
ROEPINGSVERBINTENIS
Die Drie-enige-God het ons aan Hom verbind.
Deur Jesus Christus is ons Sy kinders,
Vervul met Sy Gees.
Daarom weet ons:
Ons is geroep tot liefde en diens en gehoorsaamheid.
Daarom verbind ons ons as ons antwoord:
Ons sal ons God onvoorwaardelik gehoorsaam wees.
Ons sal liefhê; ons sal dien.
Dit wil ons doen deur ‘n verskil te maak hier waar God ons geplaas het: In
Afrika en in besonder Suider-Afrika.
Ons is hier saam met ander gelowiges en ongelowiges.
Ons sal:
Geweld, mishandeling en verwaarlosing teenwerk
Armoede in al sy vorme beveg
Vigs-pandemie bestry
Ons sal hoop bring!
Ons God leef en regeer
Ons is syne
Aan God al die eer
INHOUDSOPGAWE
● Jaarverslag 2011 / 2012
NG Welsyn Noordwes ....................................................................................................................................... 4
● Bestuur van NG Welsyn .................................................................................................................................... 5
● Struktuur en Dienste .......................................................................................................................................... 6
● Direksie, Adviesrade en Personeel ................................................................................................................... 7
● Gesinsorg- en Gemeenskapswerkdienste ....................................................................................................... 8
● Tendense ......................................................................................................................................................... 10
● Projekte en Uitreikprogramme in die Gemeenskap/Groep en Gemeenskapswerk .........................................11
● Kinder- en Jeugsorgsentrums (voorheen bekend as kinderhuis) ................................................................... 12
● Tehuis vir Bejaardes/Dienste aan ouer persone ............................................................................................. 13
● Korporatiewe Beheer ...................................................................................................................................... 15
● NG Welsyn Noordwes MSW: Verslag van die ouditkomitee .......................................................................... 17
● Erkenning ........................................................................................................................................................ 18
● NG Welsyn Dienspunte .................................................................................................................................. 19
● Verkorte Finansiële state 2011/2012 ............................................................................................................... 20
3

JAARVERSLAG 2011/2012
NG WELSYN NOORDWES.
Maatskappy Sonder Winsoogmerk.
NG Welsyn is die NG Kerk se maatskaplike welsynsdienste
in die Noordwes Provinsie en in die Vaal- en Wes-
Randstreke van Gauteng. Die fokus is op individue en
gesinne in nood. Die organisasie het ‘n goed gevestigde
infrastruktuur met ‘n bekwame personeelkorps
van sowat 600 mense by die 17 welsynskantore, 8
tehuise vir bejaardes, 7 aftree-behuisingsprojekte,
2 Kinder- en Jeugsorgsentrums (kinderhuise) en 12
gemeenskapswerk-dienspunte.
NG Welsyn Noordwes is die geregistreerde welsynsorganisasie
(Artikel 13, Wet 110/1978) van die Nederduitse
Gereformeerde Kerk se Sinode van Wes-Transvaal.
VISIE : Die optimale maatskaplike funksionering van
die individu, gesin en gemeenskap tot eer van
God.
MISSIE: NG Welsyn is daartoe verbind om ʼn
omvattende professionele maatskaplike
welsynsdiens te lewer.
REGISTRASIES:
Geregistreerde welsynsorganisasie
(Artikel 13, Wet 110/1978)
Geregistreerde Maatskappy Sonder Winsoogmerk
(Wet 71 van 2008, soos gewysig)
Registrasienr: 1995/008030/08
NPO (Nr 002-059) (Ingevolge die NPO Wet 1997)
PBO (Public Benefit Organisation).
(Ingevolge Artikel 30 van die Wet op Inkomstebelasting).
HOOFKANTOOR:
Peter Mokabalaan 104, Potchefstroom
Tel: 018 297 3928
E-pos: info@ngwelsyn.co.za
Webtuiste: www.ngwelsyn.co.za
www.facebook.com/ngwelsyn
BANKBESONDERHEDE:
NG Welsyn Noordwes
ABSA Tjekrekening
Rekening nr: 01009700249
BOODSKAp VAN DIE
BESTURENDE
DIREKTEUR
I never look at the masses
as my responsibility; I look
at the individual. I can only
love one person at a time –
just one, one, one. So you
begin. I began – I picked up
one person. Mabye if I didn’t pick up that one person, I
wouldn’t have picked up 42 000... The same thing goes
for you, the same thing in your family, the same thing in
your church, your community. Just begin – one, one, one.”
Moeder Theresa (1910-1997).
Wat ‘n voorreg om so ‘n pragtige oorsig te kry oor ‘n jaar se
werk. Mense in nood is regtig gehelp. ‘n Verskil is gemaak
waar dit nodig was en waar ons hulp gevra is. Hoop is
gebring waar moed verloor is. NG Welsyn Noordwes
se mense word saamgebind deur ons gemeenskaplike
geloof in Jesus Christus. ‘n Onwrikbare vertroue dat Hy
by ons is en dat Hy ons voorgaan in ons werk, maak elke
moeilike taak moontlik.
Hierdie geloof bepaal ons werksetiek, ons diens en ons
hoop. Niemand word uitgesluit nie – almal wat kom
aanklop om hulp-, word op die een of ander manier
gehelp. Die direksie is die kern van ons effektiewe bestuur
en beheer. Hier word alle sake op ‘n verantwoordelike en
deursigtige manier bestuur. Ons bestuurders en al die
ander personeel werk almal doelgerig en entoesiasties
saam om ons doel te bereik.
Ons streef daarna om betroubaar en diensbaar te wees
op ‘n deursigtige manier wat ook volhoubaar is. Daarom
word ook ons finansies met groot omsigtigheid en
verantwoordbaarheid bestuur en hanteer. Die ongelooflike
werk wat in ons organisasie deur vrywilligers gedoen
word, kan nooit in geld bereken word nie.
My grootste dank aan almal: bestuur, personeel en
vrywilligers wat aan elke faset van ons diens met soveel
ywer en toewyding werk om dit die beste te maak!
Deur hierdie verslag sien ons hoe skyn die lig van
ons Verlosser in hierdie stukkende en dikwels donker
wêreld in.
ANTON MOCKE
Besturende Direkteur: NG Welsyn
BESTUUR VAN NG WELSYN
Die Direksie vergader kwartaalliks in Potchefstroom. Die
vyf lede van die Sinodale Kommissie vir die Diens van
Barmhartigheid (SKDB) van die Sinode van Wes-Tranvaal
vorm die ledevergadering en saam met ander kundiges en
gekoöpteerde lede die Direksie van NG Welsyn.
Die Direksie van NG Welsyn Noordwes bestaan uit
die volgende persone:
DS FANIE DU pLOOY
(57) BA, BD, Nagraadse Diploma in Teologie,
(Ondervoorsitter en verteenwoordiger
POTCH-KOSH-streek)
Intreedatum: 14/11/2005.
Voorsitter:
Adviesraad NG Welsyn
Klerksdorp
DS BEN BOTHA
(52) BA, BD, Nagraadse Diploma in Teologie
Verteenwoordiger: Plattelandse streek
Intreedatum: 19/11/2007
Voorsitter: Adviesraad NG Welsyn
Lichtenburg
DS ANDRIES VAN ROOYEN
(57) BA, BD, Nagraadse Diploma in Teologie
Verteenwoordiger: Wes-Randstreek
Intreedatum: 19/11/2007
Voorsitter: Adviesraad Emanang Nokeng
Wes-Rand
ADV JOHAN pRETORIUS,
(57) B Juris LLB. Praktiserende Advokaat van
die Hoë Hof van Suid-Afrika. Gekoöpteerde
lid: Regskundige. Intreedatum: 17/8/2009.
Voorsitter: Adviesraad Abraham Kriel
Kinder- en Jeugsorgsentrum.Ander
direkteurskappe: Direkteur Noordwes Krieket,
Trustee van verskeie Familietrusts
MEV SHIRLEY THERON
(57) BA (MW), BA (MW) Hons; MDiac
Geregistreerde maatskaplike werker
Adviserende lid: Welsynsbestuurder
NG Welsyn
DS COENRAAD SMIT
(53) (BA) BD.
Nagraadse Diploma in Teologie
(Voorsitter)
Intreedatum: 08/11/2000
Lid: Adviesraad NG Welsyn
Krugersdorp
DS ANTON MOCKE
(61) BA, BTH, MDIV
(Besturende Direkteur: NG Welsyn )
Intreedatum:12/09/1995
Aanstellingsdatum as Besturende Direkteur:
1 Aug 2006
DS GERHARD VAN RENSBURG
(58) BA, BD, Nagraadse Diploma in Teologie
Verteenwoordiger: Vaalstreek
Intreedatum: 14/11/2005
Lid: Adviesraad NG Welsyn Vereeniging
DS NICO VAN RENSBURG
(57) BA, Nagraadse Diploma in Teologie,
Nagraadse Diploma in Bemarking
Gekoöpteerde lid (Hoof uitvoerende beampte:
Sinode NGK Wes-Transvaal) Intreedatum:
12/03/2000 Voorsitter: Adviesraad NG Welsyn
Randfontein
Trustee Predikante Pensioenfonds Tvl
pROF ANTON DU TOIT
(52) BA, BCompt, Hons B Compt, M Com,
M.Inst.D, GR(SA), Geregistreerde Ouditeur
(GO). Gekoöpteerde lid: Finansiële kundige.
Intreedatum: 09/11/2009
Ander direkteurskappe: Senior Bestuurskomitee
Monash South Africa; Direkteur van Horwath IT
Services (Pty) Ltd.
MNR ANDERTON SMITH
(40) (B Com)
Adviserende lid: Finansiële bestuurder
NG Welsyn
4 NG WELSYN JAARVERSLAG
5

STRUKTUUR EN DIENSTE
KERKLIKE
STRUKTUUR
NASIONALE BESTUUR
KERKLIKE
MAATSKApLIKE
DIENSTERAAD
Verteenwoordigers van:
Ander Sinodes
SINODALE BESTUUR
NG KERK WES-
TRANSVAAL:
SKDB
Streekverteenwoordigers
Ringsverteenwoordigers
GEMEENTELIKE BESTUUR
BARMHARTIGHEIDSAKSIES
Gemeentelike komitees
Diakonie
Vrouelidmate
Selgroepe
Aksiekomitees
Besluitnemingsbevoegdheid
Gedelegeerde Besluitneming
Adviserende Inspraak/Koördinering
BESTUURSTRUKTUUR
(Beheer)
HOOFBESTUUR
DIREKSIE
NG Welsyn Noordwes
Voorsitter SKDB
Streekverteenwoordigers
Kundiges
Besturende Direkteur
Adviserende Lede
(Personeel)
Komitees:
Dagbestuur
Ouditkomitee
Beleggingskomitee
Risikokomitee
Sosiale en etiekkomitee
pLAASLIKE BESTUUR
ADVIESRADE
(Bestuursraad)
Verteenwoordigers van:
NG Kerk
Ander Kerke
Kundiges
Gemeenskapsleiers
Vrywilligers
Personeel
Befondsers
UITVOERENDE
BESTUUR
NG WELSYN
HOOFKANTOOR
Kantoor van Besturende
Direkteur
Departementshoofde:
Finansies
Welsynsdienste
Ondersteuningsdienste:
Kommunikasie
Administrasie
WELSYNSKANTORE
Provinsiale/Area-Bestuurder
as takbestuurder
Supervisor/Senior
Maatskaplike Werker
EMANANG NOKENG
UITREIKEENHEDE:
Bestuurder:
Gemeenskapswerk
Programbestuurder
Projekleier
TUISTES VIR BEJAARDES
Bestuurder
Maatskaplike Werker
Hoofverpleegkundige
Hoof- Administratiewe
Beampte
KINDER-EN
JEUGSORGSENTRUMS
Bestuurder
Senior/Maatskaplike Werker
Hoof: Kinderversorging
Hoof: Administrasie
ONDERSTEUNENDE
STRUKTURE
BESTUURSKOMITEES:
Gesinsorg &
Gemeenskapswerk
Bejaardesorg
Residensiële Kindersorg
AD HOC KOMITEES
Gesinsorg Konsultatiewe
Paneel
Vergoedingskomitee
Werkkomitees
Kindersorgpaneel
Finansiële Komitee
Fondsinsamelingskomitee
Projekkomitee
Fondsinsamelingskomitee
Toelatingskomitee (DQ 98)
Finansiële Komitee
Fondsinsamelingskomitee
Toelatingskomitee
Evalueringspaneel
Finansiële komitee
Fondsinsamelingskomitee
DIREKSIE, ADVIESRADE EN
PERSONEEL
Die direksie bestaan uit elf direksielede, van wie die
meerderheid, naamlik agt, nie-uitvoerend is. Laasgenoemde
lede, insluitend die voorsitter, is onafhanklik
van die kernbesigheid en daaglikse bestuur van die
maatskappy. Ses van hulle is predikante in die NG Kerk.
Elke lid van die Direksie verteenwoordig ‘n bepaalde
streek binne die Sinode van Wes-Transvaal of ʼn
besondere spesialisdiens-terrein. Die nie-uitvoerende
lede se onafhanklikheid word jaarliks geëvalueer.
ADVIESRADE
Elke tak van die diens word plaaslik bestuur met die hulp
van gemeenskapsadviesrade. Inspraak op plaaslike
vlak word bevorder deurdat hierdie rade bestaan uit
verteenwoordigers van gemeentes, die breë gemeenskap,
kundiges, vrywilligers, personeel en ander medewerkers.
pERSONEEL
Personeel verbonde aan die Hoofkantoor is die
Besturende Direkteur, welsynsbestuurder, finansiële
bestuurder, ʼn rekenmeester, ʼn skakelbeampte, ʼn administratiewe
beampte en ʼn algemene assistent. Oorhoofse
bestuur van die welsynskantore in Noordwes word
behartig deur ‘n provinsiale bestuurder, en dié van die
Wes-Rand- en Vaalstreke tydelik deur die welsyns-
en die gemeenskapswerkbestuurder onderskeidelik.
Laasgenoemde bestuur ook Emanang Nokeng
Gemeenskapswerkdienste.
Alle residensiële fasiliteite vir ouer persone beskik oor ‘n
eie bestuurder, en word bygestaan deur ʼn supervisor vir
bejaardesorgdienste. Beide kinder- en jeugsorgsentrums
het ‘n eie bestuurder.
Algemene bestuursfunksies, personeeladministrasie,
finansiële beheer asook interne en eksterne kommunikasiefunksies
word deur hierdie personeel verrig.
By NG Welsyn se 17 welsynskantore is 43 maatskaplike
werkers in diens van die organisasie, sowel as 4
maatskaplike hulpwerkers, 15 administratiewe beamptes
en 11 skoonmakers. Die twee Kinder- en Jeugsorgsentrums
het gesamentlik 6 maatskaplike werkers, 23 kinderversorgers,
8 administratiewe personeellede en 46
huishoudelike personeellede in diens.
Gembou gemeenskapsorgsentrum in Roodepoort het
1 administratiewe assistent, 3 kinderversorgers en 3
algemene assistente in diens. Maatskaplike werkers
wat gemeenskapswerk doen is een in Vanderbijlpark, 1
hulpwerker in Vereeniging, 3 maatskaplike werkers (Wes-
Rand) en 1 gemeenskapsontwikkelaar aan die Wes-Rand.
Die 8 tehuise vir bejaardes het gesamentlik 67 verpleegkundiges,
207 verpleeghulpe en gesondheidsversorgers,
130 huishoudelike personeellede, 15 administratiewe
personeellede, 2 maatskaplike werkers en 1 maatskaplike
hulpwerker in diens.
6 NG WELSYN JAARVERSLAG
7

GESINSORG- EN
GEMEENSKAPSWERKDIENSTE
DOELSTELLINGS
• Om die gesinslewe te versterk ten einde wan-
funksionering te voorkom en die algemene
welstand van gesinne te verbeter deur:
° Dienste aan gesinne te lewer waar
daar kinders is wat in hoë-risiko
omstandighede verkeer ten einde te
voorkom dat verdere agteruitgang
van die gesinfunksionering
plaasvind.
° Dienslewering aan gesinne met
kinders in pleegsorg.
• Om weerlose kinders, weeskinders en
ander kinders in hoë-risiko omstandighede
te beskerm deur:
° Programme aan te bied wat
verwaarlosing, uitbuiting, mishandeling
of onvoldoende toesig oor die
kinders, voorkom.
° Dienste te lewer aan kinders wat
geïdentifiseer is dat hulle weerloos
is of aan hoë-risiko omstandighede
blootgestel is, ten einde te voorkom
dat omstandighede verder versleg en
kinders moontlik deur middel van ʼn
hofbevel beveilig moet word.
° Om kinders te beveilig met behulp
van bevoegdheid soos verleen deur
die Kinderwet.
° Om toesigdienste te lewer aan
kinders wat beveilig is en in
pleegsorg geplaas is.
• Om programme te implementeer wat die
maksimum potensiaal van personeel en
vrywilligers ontsluit sodat ʼn volhoubare en
hoogstaande kwaliteit diens gelewer word
om die maatskaplike disfunksionering
in die gemeenskap aan te spreek.
AARD EN OMVANG VAN DIENSLEWERING
In 2011/2012 is 16 996 persone bereik deur middel van
lang- en korttermyndienslewering. Hiervan was 8 260
(48%) kinders.
Die maatskaplike werkers het 102 kinderhofsake
afgehandel: 158 kinders is op hierdie wyse beveilig.
Die meeste kinders is in pleegsorg in die gemeenskap
geplaas. Slegs 27 van die kinders is in kinder- en
jeugsorgsentrums geplaas op proefvoorwaardes en
3 in nywerheidskole. Van die kinders is ook in hulle
biologiese ouers se sorg herstel. Dit beteken dat die
ouers aan sekere vereistes moet voldoen en dat die
gesin ʼn bepaalde behandelingsplan onder toesig van ʼn
maatskaplike werker moet volg.
Bykans al die ander sake (pleegsorg, gesinsherenigingsdienste
en kinderhofsake uitgesluit) is daarop gerig om
te voorkom dat dit nodig is om kinders met ʼn hofbevel
uit die sorg van hulle ouers te verwyder. Aktiwiteite sluit
armoedeverligting, assessering, terapie en berading in.
Dit stel op ʼn daaglikse basis ongekende uitdagings aan die
maatskaplike werker – om met die minimum hulpbronne
tot hul beskikking steeds ʼn diens te lewer wat werklik
‘n verandering in mense se algemene maatskaplike
funksionering teweeg bring.
Armoedeverligting, deur die voorsiening van basiese
lewensmiddele soos voedsel en klerasie, is ʼn baie
basiese, maar baie noodsaaklike diens. Vrywilligers en
die kantore se administratiewe personeel is aktief by dié
programme betrokke.
Pleegsorgtoesigdienste is ʼn belangrike aspek van die
maatskaplike werker se taak en word op ʼn deurlopende
basis by 1 891 gesinne wat 2 398 kinders versorg, gelewer.
Gesinsherenigingsdienste is daardie dienste wat aan
gesinne gelewer word waar die kinders uit ouers se sorg
verwyder is. Dienste moet dan aan die ouers gelewer
word ten einde die gesinsomstandighede so te verbeter
dat daardie kinders moontlik in die ouers se sorg herstel
kan word. Gesinsherenigingsdienste is aan 598 gesinne
gelewer.
Maatskaplike werkers het 17 groepe van terapeutiese aard
aangebied asook 15 gemeenskapsprojekte vir geregistreerde
kliënte. Daar is van 210 vrywilligers gebruik gemaak vir
verskillende projekte of vir ondersteunende take.
Die gemeenskap benut die NG Welsyn kantore as ʼn
verwysingspunt om navrae te rig en leiding te kry. NG
Welsyn Hoofkantoor het sowat 130 eenmalige navrae
telefonies en via die webtuiste ontvang en verwys. ʼn Totaal
van 734 sodanige navrae is deur middel van persoonlike
navrae, telefonies of via die internetportaal deur die
kantore hanteer. Voorbeelde hiervan is iemand wat wil
weet waar ʼn tuiste vir bejaardes of ʼn rehabilitasiesentrum
vir dwelmafhanklikes is.
8 NG WELSYN JAARVERSLAG
9

TENDENSE:
• Die bevegting van armoede bly een van die grootste
uitdagings.
• Huweliksprobleme en gesinskonflik (dit sluit
huweliks- en gesinsgeweld in) kom toenemend
voor.
• Daar is ʼn definitiewe toename in intensiteit sowel as
die moeilikheidsgraad van aangemelde sake van
kindermolestering, mishandeling en verwaarlosing.
Die ouderdomme van hierdie kinders word ook al
hoe jonger. Voorvalle van kind-tot-kind molestering
het ook toegeneem.
• Dit is ʼn probleem om hierdie kinders tydelik
in veilige sorg te plaas voor die afhandeling
van hofverrigtinge. Die organisasie benodig
toenemend spesialisdienste soos forensiese
assesserings en spesiaal opgeleide terapeute.
Forensiese assesserings is noodsaaklik om in die
hof te kan staan teen ouers of ander beskuldigdes
se regsverteenwoordigers.
• Die verwysing na alternatiewe, toepaslike hulpbronne
is ook ʼn probleem. Kinder- en jeugsorgsentrums
het dikwels nie plek nie en daar is te
min veiligheids- en pleegouers. Kinders wat erge
probleemgedrag toon, veral tieners, word ook
moeilik geplaas omdat dit dikwels ‘n negatiewe
effek op die ander kinders het.
• Toename in tiener-swangerskappe, onbeheerbare
kinders, alkohol- en dwelmmisbruik en gebrekkige
ouerskapvaardighede gaan hand aan hand met die
voorafgaande.
• Weeskinders (agv die MIV- en Vigsprobleem).
PROJEKTE EN UITREIKPROGRAMME IN DIE/
GROEP EN GEMEENSKAPSWERK
Gemeenskapswerk reik uit na mense in die breë
gemeenskap wat nie noodwendig op die gevallelading van
takke is nie. Dit behels programme wat in die gemeenskap
aangebied word met die doel om mense te help om hulle
self te help en word deur middel van ʼn verskeidenheid
projekte gedoen. Die fokus van hierdie dienste is op die
voorkoming en verligting van armoede, op die beskerming
van weerlose groepe soos kinders en vroue, asook op die
impak van MIV en Vigs op mense se lewens.
Programme en projekte het ʼn ontwikkelings-, opvoedings-,
bemarkings-, of aksiefokus.
Met ontwikkelingswerk word gestreef om mense te
bemagtig om hulle algemene lewenskwaliteit te verbeter.
ʼn Voorbeeld daarvan is inkomste-generende projekte soos
die aanleer van handvaardighede en groentetuine aanlê.
Rolspelers in die gemeenskap word ook gemobiliseer om
self iets aan die maatskaplike probleme soos MIV/Vigs en
kinderverwaarlosing in hul gemeenskappe te doen daarom
is NG Welsyn betrokke by verskeie dagsorgsentrums vir
verwaarloosde en arm kinders. Kinders wat geaffekteer
word deur MIV en Vigs, asook weeskinders word hier
geakkommodeer.
Danksy befondsing van die Global Fund, (‘n fonds
geïnisieer en bedryf deur die sogenaamde G8 lande), kon
NG Welsyn ʼn nuwe dimensie gee aan die gehalte van
hierdie diens wat gelewer word. Twee versorgers is reeds
opgelei en ontplooi om die kinders in die gemeenskap te
help wat geaffekteer is deur, of geïnfekteer is met MIV en
Vigs.
Met befondsing wat beskikbaar gestel is deur die NLDTF
(Lotto) is ʼn program vir huishoudings met ‘n jeugdige(s)
aan die hoof daarvan (youth-headed-households) in
Magaliesburg op die been gebring. Die program fokus
op mense wat met MIV en Vigs geïnfekteer of daardeur
geaffekteer is. Hande is ook gevat met ander rolspelers
in die gemeenskap soos ʼn plaaslike “Home-Based Care”
-groep om die impak van die diens te verhoog.
Aan die Wes-Rand is groepe met behulp van dr Arnold
Smith aangebied vir die versorgers van weeskinders.
Pastorale ondersteuning word aan hierdie versorgers
gebied om hulle te help met hulle taak. Deur middel van
opvoedingsprogramme word belangrike voorkomingswerk
gedoen. Die doel daarmee is om maatskaplike probleme
wat manifesteer te bekamp of te voorkom.
Projekte wat lewensvaardighede oordra speel hier ʼn
belangrike rol. Die lewensvaardighede het ten doel om
veral kinders en jongmense te leer hoe om hulself teen
maatskaplike probleme en misdaad te beskerm.
Voorbeelde hiervan is vakansieprojekte en aktiwiteite
tydens Nasionale Kinderbeskermingsweek, Nasionale
Vrouedag en die Internasionale dag vir
MIV en Vigs. Bewusmaking van dienste speel ook ʼn
belangrike rol - nie alleen die dienste wat NG Welsyn
lewer nie, maar ook dienste van ander rolspelers in
die gemeenskap. Veral in landelike gebiede is die
gemeenskappe nie altyd ingelig oor die hulpbronne
tot hulle beskikking om hulle lewensomstandighede te
verbeter nie, of hoe om dit te benut nie.
Gedurende die afgelope boekjaar is ʼn
totaal van 159 projekte aangebied
en 12 052 mense is op hierdie
wyse bereik.
10 NG WELSYN JAARVERSLAG
11

KINDER- EN JEUGSORGSENTRUMS
(VOORHEEN BEKEND AS KINDERHUISE)
Kinders sonder heenkome of wat uit hul ouerhuise verwyder word, kan deur ‘n bevel van die Kinderhof in Kinder- en
Jeugsorgsentrums opgeneem word. Dit beteken dat hulle dikwels aan traumatiese omstandighede blootgestel was.
Hier word kinders van ʼn veilige omgewing voorsien, gesonde emosionele ontwikkeling word by hulle aangemoedig,
hulle word toegerus met lewensvaardighede en met terapie gehelp om trauma uit hul verlede te verwerk. Multiprofessionele
spanne werk doelgerig om bepaalde doelwitte vir elke kind te bereik.
Die Abraham Kriel Kinder- en Jeugsorgsentrum in Potchefstroom en die Catherine Robson Kinder- en Jeugsorgsentrum
in Vereeniging akkommodeer kinders uit die Provinsies Noordwes en Gauteng onderskeidelik. ʼn Totaal van
367 kinders is gedurende 2011/2012 in dié inrigtings versorg. Dertien uitreikprogramme is aangebied waardeur 478
persone bereik is.
Hierdie sentrums help kinders om nuwe hoogtes in die lewe te bereik, wat hul andersins nie beskore sou wees nie,
bv sportdeelname op nasionale sowel as internasionale vlak of universiteitstudies.
Die 142 vrywilligers betrokke by hierdie inrigtings lewer diens van onskatbare waarde. By die Abraham Kriel Kinder-
en Jeugsorgsentrum doen Duitse studente jaarlikse gemeenskapsdiens. Catherine Robson se vrywilligers bied
onder meer leesklasse, groepswerk en terapeutiese sessies (onder andere perdryklasse) aan.
TEHUISE VIR BEJAARDES /
DIENSTE AAN OUER PERSONE
‘n Totaal van 879 mense is deur die jaar in 8 tuistes vir
bejaardes versorg. Van hierdie 879, was 452 finansieel
selfversorgend en 427 behoeftige ouer persone.
Laasgenoemde is met behulp van staatsubsidie,
skenkings en borge geakkommodeer. Versorging is ook
aan 63 gestremdes verskaf.
Die gemiddelde eenheidskoste beloop sowat R4 200 per
maand.
Die meeste tuistes vir bejaardes het ook eenhede waarin
selfversorgende bejaardes kan woon. Behuising van
hierdie aard is aan 632 ouer persone voorsien. Hierdie
syfer het verhoog omdat van die tehuise meer ruimte in
selfsorgeenhede omskep het.
Probleme/tendense wat dienslewering by tuistes vir
bejaardes beïnvloed:
• ‘n Beperkte begroting en tekort aan gekwalifiseerde
personeel, soos geregistreerde verpleegkundiges, is
‘n groot probleem. Soos in die geval met maatskaplike
werkers, is die gesondheidsdienste-personeel hoog
in aanvraag, maar dit is vir NG Welsyn se inrigtings
vir ouer persone onmoontlik om kompeterende
vergoedingspakkette vir sodanige personeel te kan
aanbied.
• Sommige bejaardes is erg vereensaam of het nie
genoeg lewensmiddele nie en is dus besonder
afhanklik van die hulp van familielede. Ongelukkig
word die tendens waargeneem dat familielede hul
bejaardes aan hul eie lot oorlaat, wat meebring
dat die tehuis self fondse moet insamel om die
koste verbonde aan die versorging van behoeftige
bejaardes te dek.
Verskeie tehuise is ook aktief betrokke by uitreikprojekte
wat gemik is op behoeftige bejaardes wat steeds in
die gemeenskap bly. Sowat 13 sodanige projekte is
aangebied en 1 548 persone is deur hierdie inisiatief
bereik.
Verskeie aktiwiteite word ook daagliks in tehuise
aangebied as deel van programme ter bevordering
van Aktiewe Veroudering, byvoorbeeld kerkdienste,
kreatiwiteitsessies, konserte en opvoerings, arbeidsterapie
stimuleringsessies, fisiese oefening en bingo.
12 NG WELSYN JAARVERSLAG
13

BEFONDSERS,
VENNOTE EN MEDEWERKERS
NG Welsyn wil graag erkenning gee aan elkeen wat
meehelp om die organisasie se las ligter te maak;
medewerkers, pleegouers, spesialisdienste, vrywilligers
ens.
NG Welsyn is deur die Departement Maatskaplike
Ontwikkeling sowel as die Sinode van Wes-Transvaal
befonds.
Verskeie donateurs, instansies (bv die NLDTF en Global
Fund) het ook finansieel bygedra om die koste van
programme te help dra.
NG Welsyn se takke bied egter deur die jaar verskeie
fondsinsamelingsfunksies aan ten einde die begrotings
te laat klop. Dit is ‘n groot verantwoordelikheid op die
skouers van maatskaplike werkers en bestuurders wat
reeds onder groot werkladings gebuk gaan, en dit is ook
uiters tydrowend.
BEHOEFTELYS
• Donasies
• Veiligheids- en pleegouers
• Spesialisdienste – veral medici, regslui, sielkundiges
en arbeidsterapeute om hul dienste
teen verminderde tariewe beskikbaar te stel
• Vakmanne wat behulpsaam kan wees met
algemene instandhouding by al die takke
• Mense wat kan help om kliënte te bemagtig
• Vrywilligers wat kan help met fondsinsameling
SEB-pUNTE EN BELASTINGKORTING
NG Welsyn vir befondsende instansies kan SEB-(BEE)
punte verdien en wel op grond van ons inisiatiewe
ten opsigte van sosio-ekonomiese ontwikkeling of
ondernemingsontwikkeling.
Alle skenkings aan NG Welsyn is ook belastingaftrekbaar:
ʼn Artikel 18A-sertifikaat kan uitgereik word
vir enige donasies wat aan NG Welsyn se hoofkantoor,
gesinsorgkantore of kinder- en jeugsorgsentrums
gemaak word.
KORPORATIEWE BEHEER
Die Direksie onderskryf die beste praktyke en beginsels
soos vervat in die Kode van Beheer- en bestuursbeginsels
in die King III-verslag. Die Direksie moniteer die
toepassing daarvan gereeld ten einde voortdurende
verbetering van die bedryfs- en korporatiewe praktyke
te verseker en dat die sake van die maatskappy met
deursigtigheid en integriteit bedryf word.
Die vereistes van die King III-verslag word toegepas
in soverre dit betrekking het op ʼn maatskappy sonder
winsoogmerk en soos hieronder verder omskryf en
gekwalifiseer. Die nuwe Maatskappywet, Wet Nr. 71
van 2008 (die Nuwe Wet), is sedert 1 Mei 2011 van
toepassing en die Direksie maak voortdurend seker dat
hieraan voldoen word binne die tydsgrense wat gestel
word.
Etiese leierskap en korporatiewe burgerskap
Die maatskappy en die Direksie voldoen aan en
onderskryf die strengste etiese waardes en leef sy
korporatiewe burgerskap ten volle uit, veral op die gebied
van maatskaplike dienste wat gelewer word.
Die maatskappy en Direksie voldoen aan alle
wetsvereistes en ander regulatoriese vereistes, kodes
en standaarde. Al hierdie prosesse is nog nie formeel
gedokumenteer en as beleid en prosedures uitgereik
nie, maar dit val binne die opdrag van die Direksie vir die
afsienbare toekoms.
Direksie en direkteure
Die Direksie en die struktuur van beheer en bestuur word
elders in die verslag uiteengesit.
Die direksie het gedurende die jaar ook ʼn risikokomitee
saamgestel. Geen vergadering is nog gehou nie. Alle
risikobestuursprosesse (wat tans informeel bedryf word)
sal ook in die afsienbare toekoms geformaliseer word, vir
beide algemene risiko’s en IT-beheer. Geen ongewone
of onverwagte risiko’s is geloop in die uitvoering van die
bedrywighede van die maatskappy nie - dus is daar ook
geen gepaardgaande wesenlike verliese gely nie.
ʼn Sosiale en etiekkomitee is tydens ‘n SKDB ledevergadering
op 12 Maart 2012 in die lewe geroep
ingevolge die Maatskappywet.
Weens die aard van sy bedrywighede en die niekommersiële
aard daarvan, het die Direksie nie die
behoefte om direkteure gereeld te roteer nie en het dus
ook nie ʼn Nominasiekomitee nodig nie. Geen vergoeding
word betaal nie, buiten die salaris van die
Besturende Direkteur, dus is geen vergoedingskomitee
en vergoedingsbeleid en prestasie-bonusse ter sprake
nie. Geen vergoeding van die Besturende Direkteur en
topamptenare word dus openbaar gemaak nie, weens
die liefdadigheidsaspek van die welsynsdienste wat
gelewer word.
14 NG WELSYN JAARVERSLAG
15

Informele opleiding vind gereeld tydens direksievergaderings
plaas. Daar is nog nie ʼn formele opleidingsprogram
vir direkteure nie en ook geen formele prestasiebeoordeling
nie. Hierdie aspekte sal in die komende jare
aandag geniet. Weereens, omdat die maatskappy by
liefdadigheid betrokke is, is fondse beperk en word dit
eerder aan die kernbesigheid bestee.
Volhoubaarheid en integrasie
Hierdie jaarverslag word aangebied as ʼn geïntegreerde
verslag wat die finansiële jaarstaatsyfers asook die
sosiale, omgewings- en ekonomiese aspekte onder die
loep neem. Weens die aard van bedrywighede word ʼn
groot deel van hierdie verslag gewy aan die maatskaplike
dienste wat aan die breë samelewing gelewer word.
Geeneen van die volhoubaarheidsaspekte word aan
ʼn oudit of gerusstellingsopdrag onderwerp nie, weens
kostes betrokke en die fokus op die besteding van fondse
op welsynswerk.
Die volhoubaarheid van bedry-wighede maak ʼn groot deel
uit van die fokus van die Direksie en topbestuur. Weens
die welsyns- en liefdadigheidsaard van werksaamhede is
die maatskappy grotendeels afhanklik van donasies en
kerk- en regeringsteun, en daar is dus geen waarborge
van voortgesette steun nie.
Ten spyte hiervan het die maatskappy uiters
verantwoordelik met sy finansiële sake omgegaan en
dus ook groot fondse reeds op vaste belegging geplaas.
Verhoudings met belanghebbers
Die maatskappy tree in die breë gemeenskap op om
welsyns- en maatskaplike dienste te lewer; dus is
die breë gemeenskap ʼn belangrike belanghebber.
Skakeling en gereelde terugvoer vind dus deurlopend
plaas tussen plaaslike gemeenskappe en amptenare
van die maatskappy, sowel as tussen die gemeentes
waar sommige van die direksielede werksaam is en
gemeentes waar welsynsdienste aktief gelewer word.
Die verhoudings met die gemeenskap, asook met die
kerk en welsynsdienste binne die regering word dus
op ʼn deurlopende basis aktief bestuur as deel van die
kernbesigheid van die maatskappy.
NG WELSYN NOORDWES MSW
VERSLAG VAN DIE DIE OUDITKOMITEE
Ons hou hiermee graag ons verslag vir die finansiële jaar
geëindig 29 Februarie 2012 aan die direksie voor.
Die ouditkomitee is ’n onafhanklike komitee wat aangestel
is deur die direksie, wat ook pligte en verantwoordelikhede
aan die komitee delegeer en bestaan uit drie onafhanklike
nie-uitvoerende direkteure.
Die ouditkomitee is van mening dat hierdie verslag aan
die vereistes van die Maatskappywet (Wet 71 van 2008,
soos gewysig) en al die wesenlike vereistes van die King
Kode vir Beheer en Bestuur vir Suid-Afrika (King III, 2009)
voldoen.
Die opdrag van die ouditkomitee is geformaliseer in
‘n reglement wat die Direksie goedgekeur het. Sedert
stigting het die ouditkomitee sy sake ooreenkomstig die
reglement bedryf en sy verantwoordelikhede na wense
nagekom.
Die komitee vergader minstens twee maal per jaar, soos
deur die reglement vereis. Die ouditkomiteevergaderings
gedurende die jaar onder oorsig was die volgende en is
soos volg bygewoon:
LID 16 MEI 2011 18 JULIE 2011 12 AUG 2011 20 FEB 2012
Anton du Toit (voorsitter) Teenwoordig Teenwoordig Teenwoordig Teenwoordig
Andries van Rooyen Teenwoordig Teenwoordig Teenwoordig Teenwoordig
Ben Botha Teenwoordig Teenwoordig Teenwoordig Teenwoordig
Die ouditkomitee is verantwoordelik vir:
• Nominasie van die geregistreerde onafhanklike
ouditeur;
• Die beoordeling van die onafhanklikheid van die
geregistreerde onafhanklike ouditeur;
• Oorsig oor alle aangeleenthede rakende die
aanstelling, ouditfooie, voltooiing en afhandeling
van die onafhanklike oudit;
• Die oorsig oor die finansiële jaarstate voor
voorlegging aan en goedkeuring deur die Direksie,
met inagneming van die lopende saak status van
die maatskappy;
• Die hersiening van die jaarverslag en alle
volhoubaarheidsaangeleenthede voor dit aan die
Direksie voorgelê word;
• Die handhawing van ‘n behoorlike
risikobestuursproses en medewerking met die
risikokomitee ten einde te verseker dat daar
‘n aktiewe oorsig- en moniteringsproses
teenwoordig is;
• Monitering van die interne ouditfunksie;
16 NG WELSYN JAARVERSLAG
17

• Die monitering van ‘n behoorlike interne
beheerstelsel; en
• Die monitering van die prosesse en prosedures
rondom etiese gedrag binne die maatskappy.
Die ouditkomitee lewer dus verslag dat al die pligte en
verantwoordelikhede soos beskryf nagekom is sedert
die eerste vergadering tot en met die oorsigvergadering
oor die finansiële state vir die jaar onder oorsig. Die
ouditkomitee lewer spesifiek verslag dat:
• Die geregistreerde ouditeur wel onafhanklik is;
• Die finansiële jaarstate nagegaan is en aanbeveel
is aan die Direksie (klem is geplaas op die
ouditverslag en op die rekeningkundige beleid
en voldoening aan Internasionale Finansiële
Verslagdoeningstandaarde);
• Die lopende saak status van die maatskappy
hersien is en dat die ouditkomitee tevrede is dat
die maatskappy oor voldoende hulpbronne beskik
om sake vir die afsienbare toekoms voort te sit;
• Die jaarverslag hersien is vir aanbeveling aan
die Direksie en dat daar voldoende dekking is
oor korporatiewe beheer-aangeleenthede en
voldoenbaarheidsverslagdoening, inaggenome
die aard en grootte van die maatskappy;
• Daar na beste wete geen beperking deur die
bestuur geplaas is op die onafhanklike ouditeure in
die uitvoering van hulle pligte nie;
• Die risikobestuursproses uitgevoer word, hoewel
die Direksie algehele verantwoordelikheid
ERKENNING:
Baie dankie aan:
• Elke gemeente van die NG Kerk in Wes-
Transvaal wat deur finansiële bydraes,
ondersteuning en betrokkenheid hierdie diens
bevorder.
• Elke gemeentelid, medewerker en donateur
wat deur deelname, vrywillige diens of
donasies die las van die personeel verlig.
vir die handhawing van ’n doeltreffende
risikobestuursproses dra;
• Hoewel die Direksie algehele verantwoordelikheid
vir die maatskappy se interne beheer dra,
die ouditkomitee die Direksie bystaan om die
doeltreffendheid en toereikendheid daarvan te
moniteer;
• Die interne ouditfunksie deur die finansiële
bestuurder uitgevoer word, weens die aard en
beperkte omvang van bedrywighede, asook
die beperkte hulpbronne beskikbaar vir hierdie
taak. Die ouditkomitee erken die gebrek aan
onafhanklikheid van hierdie funksie, maar besef
ook dat finansiële hulpbronne beter aangewend
kan word in die hooftaak en doel van die
maatskappy; en
• Die ouditkomitee hom daarvan vergewis het
dat die finansiële bestuurder oor die toepaslike
kundigheid en ervaring beskik om in die
hoedanigheid op te tree. Die ouditkomitee is ook
tevrede dat die maatskappy se finansies funksie
oor die vereiste kundigheid en toereikende
hulpbronne beskik om hul verantwoordelikhede na
te kom.
Geen wetsoortredings of wesenlike etiese kwessies het
in die tydperk onder oorsig aan die lig gekom nie.
ANTON DU TOIT
Voorsitter van die Ouditkomitee
10 Augustus 2012
• Die Departement Maatskaplike Ontwikkeling en
die NLDTF (Nasionale Lotery Distribusie Trust
Fonds) en ander donateurs vir hul finansiële
ondersteuning.
• Die uiters toegewyde, lojale en bekwame
personeel in al die vertakkinge van NG Welsyn
Noordwes wat op so ‘n onbaatsugtige wyse hoop
en lig bring daar waar dit ontbreek.
NG WELSYN DIENSPUNTE /
NG WELFARE SERVICE POINTS
GESINSORGKANTORE /
WELFARE OFFICES
NG Welsyn Bloemhof
053 433 1353
NG Welsyn Christiana
079 789 8341
NG Welsyn Carletonville
018 787 4038/9
Fochville Maatskaplike Dienste
018 771 2871
NG Welsyn Klerksdorp
018 462 9887/8
NG Welsyn Krugersdorp
011 660 3183/4
NG Welsyn Lichtenburg
018 632 4347
NG Welsyn Meyerton
016 362 0864
NG Welsyn Potchefstroom
018 297 7347
NG Welsyn Randfontein
011 412 1035/6
NG Welsyn Roodepoort
011 763 5644/5
NG Welsyn Schweizer-Reneke
053 963 1156
NG Welsyn Vanderbijlpark
016 981 1044
NG Welsyn Vereeniging
016 421 4044/5
Ver-Wes Maatskaplike Dienste Wolmaransstad
018 596 1318
NG Welsyn Zeerust
018 642 1312
Satellietkantoor: NG Welsyn Koster
014 543 4035
KINDER-EN JEUGSORGSENTRUMS /
CHILD AND YOUTH CARE CENTRES
Abraham Kriel Kinder- en Jeugsorgsentrum,
Potchefstroom 018 294 5347
Catherine Robson Kinder- en Jeugsorgsentrum,
Vereeniging 016 455 1733
INRIGTINGS / INSTITUTIONS
TEHUISE VIR BEJAARDES /
HOMES FOR THE ELDERLY
Huis Meyerton
016 362 0045
Japie Kritzinger Tuiste vir Bejaardes, Bloemhof
053 433 1403
Jeugland Tuiste vir Bejaardes, Vanderbijlpark
016 933 3995
Klerksdorp Tuiste vir Bejaardes
018 464 1822
Koster Tuiste vir Bejaardes
014 543 2052/3
Luipaardsvlei Tuiste vir Bejaardes, Krugersdorp
011 955 2108/9
Silwerjare Tuiste vir Bejaardes, Schweizer-Reneke
053 963 1330
Wolmaransstad Tuiste vir Bejaardes
018 596 1159
DIENSSENTRUMS / SERVICE CENTRES
Jeugland, Vanderbijlpark
016 933 3995
GEMEENSKApSORGSENTRUMS /
COMMUNITY CARE CENTRES
Emanang Nokeng Wes-Rand
083 268 3660
Gembou Dagsorgsentrum, Roodepoort
083 268 3660
Gemeenskapwerk dienspunte:
082 451 7684
- Vereeniging, Polokong (Vanderbijlpark)
- Magaliesburg (Krugersdorp)
- Princess en Soul City (Roodepoort)
- Jabulani en Wheatlands (Randfontein)
- Arethusaneng (Bloemhof) en
Utlwanang (Christiana).
18 NG WELSYN JAARVERSLAG
19

VERKORTE FINANSIËLE STATE 2011/2012
Philip Miller & Kie
REGISTERED AUDITORS
GEREGISTREERDE OUDITEURE
KRAUSE VAN DER WALT C.A. (S.A.) Ph. D. ‑ SAICA NO 00247961
GERALDINE SMUTS C.A. (S.A.) M. COM. ‑ SAICA NO 08184011
3 Olen Avenue, POTCHEFSTROOM. 2531
Posbus 40, POTCHEFSTROOM, 2520
Tel: (018) 293 4000
Fax (018) 293 4030
Offices at / Kantore te
Carletonville Tel: (018) 788 3053
info@pmiller.co.za
VERSLAG VAN DIE ONAFHANKLIKE OUDITEURE AAN LEDE VAN
NG WELSYN NOORDWES: (MAATSKAPPY SONDER WINSOOGMERK)
Die verkorte finansiële jaarstate van NG WELSYN NOORDWES is opgestel vanuit die geouditeerde finansiële jaarstate
wat opgestel is in ooreenstemming met Internasionale Finansiële Verslagdoening Standaarde vir Klein en Medium‑Grootte
Entiteite, en op die wyse wat deur die Maatskappywet van Suid‑Afrika vereis word, vir die jaar geëindig 29 Februarie 2012.
Ons het die finansiële jaarstate geouditeer in ooreenstemming met die standpunte van Suid‑Afrikaanse Ouditstandaard.
In die ouditverslag, gedateer 13 Augustus 2012, het ons ‘n ongekwalifiseerde mening uitgespreek, waaruit die verkorte
finansiële jaarstate opgestel is.
Direkteure se verantwoordelikheid vir die finansiële jaarstate
Die maatskappy se direkteure is verantwoordelik vir die opstel en redelike voorstelling van hierdie verkorte finansiële
jaarstate ooreenkomstig Internasionale Finansiële Verslagdoening Standaarde vir Klein en Medium‑Grootte Entiteite,
en op die wyse wat deur die Maatskappywet van Suid‑Afrika vereis word. Hierdie verantwoordelikheid sluit in die
ontwerp, implementering en instandhouding van interne beheer relevant tot die opstel en redelike voorstelling van
finansiële jaarstate wat vry is van wesenlike wanvoorstelling, hetsy weens bedrog of foute, die selektering en toepassing
van toepaslike rekeningkundige beleid, en die maak van rekeningkundige ramings wat in die omstandighede redelik is.
Ouditmening
Na ons mening is die verkorte finansiële jaarstate ‘n billike weergawe in alle wesenlike opsigte, van die geouditeerde
finansiële jaarstate wat voorberei is in ooreenstemming met die aanbieding en openbaarmakingsvereistes ooreenkomstig
die Internasionale Finansiële Verslagdoening Standaarde vir Klein en Medium‑Grootte Entiteite en op die wyse wat deur
die Maatskappywet vereis word.
Om die omvang van ons oudit en die entiteit se finansiële posisie beter te verstaan, moet die verkorte finansiële jaarstate
saam met ons ouditverslag, wat ingesluit is in die geouditeerde finansiële jaarstate, gelees word.
______________________________
Philip Miller & Kie Potchefstroom
Geregistreerde Ouditeure 13 Augustus 2012
NG WELSYN NOORDWES (MAATSKAPPY SONDER WINSOOGMERK)
STAAT VAN FINANSIËLE pOSISIE
Op 29 FEBRUARIE 2012
(Registrasienommer 1995/008030/08)
(002-059 NPO)
2012 2011
R R
Bates
Nie-bedryfsbates 61,885,324 30,901,091
Eiendom, masjinerie en toerusting 38,437,249 11,828,528
Beleggings 23,448,075 19,072,563
Bedryfsbates 5,734,678 10,575,755
Verbruiksgoedere 331,307 444,639
Handels‑ en ander debiteure 2,567,045 2,622,677
Kontant en kontantekwivalente 2,836,326 7,508,439
Totale bates 67,620,002 41,476,846
Ekwiteit en aanspreeklikhede
Kapitaal en reserwes
Uitkeerbare reserwe
Nie-bedryfslaste
32,197,010 32,109,670
Langtermynverpligting 33,310,279 6,066,556
Bedryfslaste 2,112,713 3,300,620
Belasting 24,805 67,152
Handels‑ en ander krediteure 2,087,908 3,233,468
Totale ekwiteit en aanspreeklikheid 67,620,002 41,476,846
20 NG WELSYN JAARVERSLAG
21

NG WELSYN NOORDWES (MAATSKAPPY SONDER WINSOOGMERK)
STAAT VAN OMVATTENDE INKOMSTE
VIR DIE JAAR GEËINDIG 29 FEBRUARIE 2012
(Registrasienommer 1995/008030/08)
(002-059 NPO)
2012 2011
R R
Inkomste 69,362,286 67,878,947
Bedryfsuitgawes (70,690,223) (63,797,482)
Bedryfsurplus/(tekort) (1,327,937) 4,081,465
Ander omvattende inkomste ‑
Rente ontvang 778,867 656,711
Rente betaal ‑ ‑
(Tekort)/surplus vir die jaar (549,070) 4,738,176
Oordrag na reserwe 636,410 1,483,275
Totale omvattende inkomste 87,340 6,221,451
GEKONSOLIDEERDE INKOMSTEVERDELING 2011/2012
Staatsubsidie 24 494 759.54
Diensfooie 23 151 459.28
NG Kerk bydraes 5 462 383.54
Rente Ontvang 778 867.36
FONDSINSAMELING
NLDTF (LOTTO)
RENTE
ONTVANG
NG KERK
BYDRAES
ANDER
1%
7%
8%
2%
NLDTF (Lotto) 4 897 436.96
Fondsinsameling 1 729 518.88
Ander 9 626 726.93
14%
33%
DIENSFOOIE
35%
STAATSUBSIDIE
NG WELSYN NOORDWES (MAATSKAPPY SONDER WINSOOGMERK)
STAAT VAN VERANDERING IN EKWITEIT
VIR DIE JAAR GEËINDIG 29 FEBRUARIE 2012
(Registrasienommer 1995/008030/08)
(002-059 NPO)
Uitkeerbare
reserwe R
Saldo op 1 Maart 2010 25,888,219
Totale omvattende inkomste vir die jaar 4,738,176
Oorplasing na reserwe 1,483,275
Saldo op 1 Maart 2011 32,109,670
Totale omvattende inkomste vir die jaar (549,070)
Oorplasing na reserwe 636,410
Saldo op 29 Februarie 2012 32,197,010
AANTEKENINGE TOT DIE VERKORTE FINANSIËLE JAARSTATE
VIR DIE JAAR GEËINDIG 29 FEBRUARIE 2012
1. Aanbieding van Verkorte Finansiële Jaarstate
Die verkorte finansiële jaarstate is afgelei van die geouditeerde finansiële jaarstate wat opgestel is ooreenkomstig
Internasionale Finansiële Verslagdoening Standaarde vir Klein en Medium‑Grootte Entiteite. Die volledige
finansiële jaarstate sal by die geregistreerde kantoor ter insae beskikbaar wees of op die webtuiste.
1.1 Verslag van die onafhanklike ouditeur.
Die eksterne ouditeur, Philip Miller & Kie, het die finansiële jaarstate geoudit. ‘n Afskrif van die
ongekwalifiseerde ouditverslag is beskikbaar by die geregistreerde kantoor.
22 NG WELSYN JAARVERSLAG
23